◄◄◄ لا تـعـطـي سـرك امـرأة ولا تـخـاوي أمـيـر ►►►

[Class]

لا تـعـطـي سـرك امـرأة ولا تـخـاوي أمـيـر

فيه واحد سمع الحكمة هذي من أبوه فكان يبغى يثبتها
المهم إنه راح وخاوى أمير في ديرته وصار خويه الروح بالروح ...
و الأمير ما يطيب له المجلس إلا إذا كان هالشاب فيه ..
صار نديمه بـ اختصار ...

الأمير عنده مزرعة نعام وكانت عنده نعامة غالية
راح الولد وأخذ النعامة ودسها في مكان في المزرعة

وراح لسوق الغنم وشرى خروف وذبحه وقطعه وجابه في خيشه آخر الليل لأمه
وقال لها هذا لحم نعامة الأمير يمه ..


جايبه لك يالغالية .. بس تكفين لا تعلمين أحــــد ..
عشان لو درى أحد بيوصل الكلام للأمير ويقطع راسي


الأم قالت : و لايهمك ياولدي .. مجنونه أنا أفضح سرك وأموتك بيدي؟



http://upload.rashed-elmajed.com/up/uploads/images/rashed-49482970c6.png

من اليوم الثاني عزمت أمه جارتهم على اللحم .. وسألتها وش هذا اللحم الزين يا فلانة؟
قالت الأم أقولك بس سري في بير؟
ردت الجاره سرك في بير يا وخيتي افا عليك ...
قالت الأم لجارتها السالفة وحلفتها ما تقول لأحد عشان
ما ينذبح ولدها

طبعا الأم يوم علمت الجارة كان قصدها مفاخرة بولدها ...
يوم بعد يوم السالفة انتشرت بين الحريم في الديرة
ووصلت للرجال وفي الأخير وصلت للأمير اللي عصب
و طلب من الحرس إنهم يجيبون الولد ويحطونه في السجن لين يجي يوم ويقيمون عليه الحد


الولد طلب من الحارس إنه يروح للأمير ويقول له إن النعامة لـ الحين موجوده في مزرعته
بس خاشها في حوش بعيد عن باقي النعام وإنها بخير.


الأمير طلع الولد و اعتذر منه وحاول يعوضه بس الولد رفض وقال أبوي صدق في حكمته
وهذي بس نعامه أجل لو كانت شي أكبر من كذا

وش كان بيصير فيني ...!!!!!



فهل مقولة - لا تعطي سرك امرأه ولا تخاوي أمير - صحيحة ؟؟



قصة منقولة غير واقعية لكن بها كثير من العبر

[سلطان23]

اشهد انها حكمة صحيحة

موضوع جميل

[ريتويت]

اي والله وانا اعترف اني من هذول الحريم

[بوعلي2]

:weeping: :unsure:

[سما الوطن]

لا والله ما فيها اي حكمه تلك القصه :)
لا تخاوي امير !!
وين المثل اللي يقول من جاور السعيد يسعد
وبعدين هو سرق من الامير يعني لازم يعاقبه ..وهذه رده الفعل ستكون سواء من امير او غيره
يمكن المثل كان ممكن يكون صح لو قال لا تسرق امير :)

وأما ان المراه لا تؤتمن على سر
فهو تبلي وافترا
ما ادري ايش فيكم على المراه الايام ذي
كل يوم موضوع ضدها :)

في مراه تمسك السر لسنين وفي رجل ما يقدر يمسك السر لدقيقه
كلاهما الرجل والعمر بهم من يمسك السر ومن يذيعه

و المضحك الربع هني كله مؤيد :):)
سبحان الله

[ام السعف]

قصة تأليف ممكن أألف لك مليون منها انك عط سرك لمرأة ولا تعطيه لرجل

احنا في اخر الزمن تلقى الرجال ينشر الأخبار اكثر من الحريم
وشوف البلاك بيري وبتعرف ان نشر الاخبار وتداولها صار ظاهرة
ماله خص حرمة من ريال وكل يقول لك مصدري ومصدري ،،

[نورهان88]

والله أنك صاج وسمعت هاي المقولة عند الوالد الله يرحمة

يقولها لخوي ...

الله يعطيك العافية

[qatara]

حكمة صحيحه

وهذه القصه تغريبا بنفس المعنى
ان هناك على ما اعتقد من الانبياء او التابعين حب ان يجرب زوجته في حفض الامانه والسر واعطاها علبه بها عصفور
فمن فضولها وعدم اتباعها لا مره وكتم سره اخبرت الجاره التي اشارت عليها بالنضر لمافي العلبه
ففتحت العلبه وطار العصفور وتوهقت

لاهي كتمت سر زوجها عن جارتها ولا هي حفضت الامانه مغلغه

تسلم على الطرح المفيد

[لاجل QT]

لا الحريم ولا الرجال ينعطون سر ..السر اذا طلع عن اثنين ماصار سر:(

الحمدالله انا من النوع اللى السر في بير مالوش قرار:)

بالذات اللى يخص اعراض الناس ماينقال لحد:secret:

[بوعلي2]

انا اشوف الريايل هم الفضيحه

مايسترون

خصوصا اذا عندهم مصلحه خذوها وتكلمو فيها

والله المستعان

[وااااو]

اصلا هذا كان يجس نبض الامير علشان يقدر يبوق الامير بشي اكبر الى سواه الامير صح موغلط
:omen2: الله اكبر عليك

[انصار جليري]

غلطان الامير المفروض يوم انه درى انه سرق منه




انه يطق له اصبع ويتكوكس له بعد



ماعندك سالفة




تبي تقول سالفة عن الحريم كالعادة ودرينا وش لك بالامراء بعد

[المليونير الفقير]

هالمقوله صحيحه100% واسال مجرب ولاتسال طبيب والي منكر هالشي ياريت يروح لابوه او امه او جدته ويسئلهم عن هالمقوله والتجارب من الماضي والحاضر

[قوي العزايم]

موضوع حلو

حكمة صحيحة 100%

الله يعطيك العافية

[بوحارب]

كلام سليم :)

[wadha-qa]

والله نفس نصيحه جدي الله يرحمه ^_^

ترا صحيحه 100%

[الـقـاسـي]

يمكن كانت صحيحه المقوله فالسابق لكن الحين ماصار الرجال رجل ولا المراه مراه

[موضي قطر]

واضح ان المقصود بالموضوع هو المرأه والأمير جاء في السالفة .. على العموم مافيه مقياس لحفظ السر او إفشائه بين رجل وإمرأه .. ياما حريم محد يدري باللي وراهم .. وياما رجال هذارين والسنتهم فارطه .. وتنويه مب كل سوالف الأولين صحيحة .. يعني افهم امهاتنا مايحفظون أسرار ابهاتنا قبل :sneaky:

خافوا الله :anger2:


سؤال هالمسلسل عن الحريم متى حلقته الأخيرة :telephone:

[بوغزلان28]

اي والله وانا اعترف اني من هذول الحريم

هههههههههههاااااااااي تعجبني صراحتج:secret:

[alzbara_qa]

اصلا هذا كان يجس نبض الامير علشان يقدر يبوق الامير بشي اكبر الى سواه الامير صح موغلط
:omen2: الله اكبر عليك

الامير تصدى للفساد في القصه : لاحول ولاقوة الا بالله
يعني هوتلصق بالامير عشان يسرق ! وينافق و يتمصلح !!

[khalid Qtr]

قصة تأليف ممكن أألف لك مليون منها انك عط سرك لمرأة ولا تعطيه لرجل

احنا في اخر الزمن تلقى الرجال ينشر الأخبار اكثر من الحريم
وشوف البلاك بيري وبتعرف ان نشر الاخبار وتداولها صار ظاهرة
ماله خص حرمة من ريال وكل يقول لك مصدري ومصدري ،،

في هالايام بعض الرجال ينقلون كلام اكثر من الحريم :tease:

[دلة الرسلان]

الامير تصدى للفساد في القصه : لاحول ولاقوة الا بالله
يعني هوتلصق بالامير عشان يسرق ! وينافق و يتمصلح !!

الولد حب يتأكد من أن خوة الأمير مثل خوة غيره يعني لو صار ها الموقف مع صديق من

عامة الناس بيسأله ويتأكد من الأشاعة ويمكن يسامحة على الخطأ لو كان فعلا حدث ويمكن

تستمر صداقتهم ويمكن تنتهي بس في الحالتين ارتقى بالعلاقة وعرف أن للخوي ( الصديق)

حق الخوة فأحترم هذه الخوة (العشرة ).

رأيي أن الأخلاق النبيلة ليست قصرا لأحد دون أحد قد تجدها في الأمير وقد تجدها في الفقير

الحافي وقد يفقدها ذاك الأمير وهذا الفقير فأن كان عندك صديق(خوي ) حقيقي كريم الأخلاق

فأحمد ربك على فضله :)

[بـــــــنت النوخـّــــذه]

ممممممممممممممم

هالأمثال قيلت لموقف ولكن لاينطبق مع جميع المواقف

السيده خديجة رضي الله عنها في بداية الدعوة لسيدنا محمد صلى الله عليه وسلم حافظت على السر
وهو سر نبوة نبينا محمد صلى الله عليه وسلم

لاتظلمون الحريم *_* صج احنا السانه فالت بس لي مسكناه مسكناه قدها وقدود:thumbup1:

وشكرا"

[بولينجر]

النعامة من كان يعتني فيها وهي مخشوشة؟

[شبح الصمت]

الحين الخوف من بعض الشباب

ان تهاوشت معاه وما كان قد الثقه

راح يفضحك في كل مكان ولو كان يعرف كل اسرارك

فالمقابل راح تكون في موقف محرج وكل الكلام صدق

لانه في يوم من الايام كان رفيجك

الحمد لله ربعي كلهم اشناب ما قدر مره صادني زعل والا شيء جاني منهم شيء والا جاهم مني شيء

الله يدوم المحبه بينا

صراحه مع تعاملي مع هلي ما شفت قد مره راح قالوا شيء قلته
الحمد لله
الحمد لله

:shy:

[بنت الاجواد]

والله انا اشوف كلهم بالهواء سوى واحد سره في بير واحد مايقدر يصبر الين يذيع الخبر
ومخواه الامراء اذا لهم مصلحه يازينهم وبعدها ماكنهم يعرفون خويهم ....

[ضوى]

وين المشكلة لا تعطي سرك لحرمة ولا تخاوي امير يمكن يكون صح

[ارين]

ممممممممممممممم

هالأمثال قيلت لموقف ولكن لاينطبق مع جميع المواقف

السيده خديجة رضي الله عنها في بداية الدعوة لسيدنا محمد صلى الله عليه وسلم حافظت على السر
وهو سر نبوة نبينا محمد صلى الله عليه وسلم




مرحبا بنت النوخذة .. صباح الخير

بعيدا عن صحة المثل من عدمه ..
سأعلق فقط على جزئية كلامك عن السيدة خديجة وعن عدم إفشائها لسر رسول الله وضربك للمثل عنها ..
عزيزتي .. لا توجد مقارنة أصلا بينها وبقية النساء .. فالسيدة خديجة امرأة كاملة ..

قال صلى الله عليه وسلم ..( خَيْرُ نِسَائِهَا مَرْيَمُ ابْنَةُ عِمْرَانَ وَخَيْرُ نِسَائِهَا خَدِيجَةُ )
رواه البخاري

يقول الإمام النووي رحمه الله :
" قوله صلى الله عليه وسلم : ( خير نسائها مريم بنت عمران , وخير نسائها خديجة بنت خويلد ) ، وأشار وكيع إلى السماء والأرض .
أراد وكيع بهذه الإشارة تفسير الضمير في نسائها , وأن المراد به جميع نساء الأرض , أي كل من بين السماء والأرض من النساء " انتهى ." شرح مسلم "

" كمل من الرجال كثير ولم يكمل من النساء إلا أربعة ، آسية بنت مزاحم امرأة فرعون ومريم ابنة عمران وخديجة بنت خويلد وفاطمة بنت محمد وفضل عائشة على النساء كفضل الثريد على سائر الطعام "

وفي رواية أخرى
( كَمَلَ مِنْ الرِّجَالِ كَثِيرٌ ، وَلَمْ يَكْمُلْ مِنْ النِّسَاءِ إِلَّا : آسِيَةُ امْرَأَةُ فِرْعَوْنَ ، وَمَرْيَمُ بِنْتُ عِمْرَانَ ، وَإِنَّ فَضْلَ عَائِشَةَ عَلَى النِّسَاءِ كَفَضْلِ الثَّرِيدِ عَلَى سَائِرِ الطَّعَامِ )
رواه البخاري

وعن أنس بن مالك رضي الله عنه أن النبي صلى الله عليه وسلم قال :
( حَسْبُكَ مِنْ نِسَاءِ الْعَالَمِينَ : مَرْيَمُ ابْنَةُ عِمْرَانَ ، وَخَدِيجَةُ بِنْتُ خُوَيْلِدٍ ، وَفَاطِمَةُ بِنْتُ مُحَمَّدٍ ، وَآسِيَةُ امْرَأَةُ فِرْعَوْنَ )
رواه الترمذي صحيح

عَنِ ابْنِ عَبَّاسٍ رضي الله عنهما قَالَ :
( خَطَّ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي الْأَرْضِ أَرْبَعَةَ خُطُوطٍ ، قَالَ : تَدْرُونَ مَا هَذَا ؟ فَقَالُوا : اللَّهُ وَرَسُولُهُ أَعْلَمُ . فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : أَفْضَلُ نِسَاءِ أَهْلِ الْجَنَّةِ : خَدِيجَةُ بِنْتُ خُوَيْلِدٍ ، وَفَاطِمَةُ بِنْتُ مُحَمَّدٍ ، وَآسِيَةُ بِنْتُ مُزَاحِمٍ امْرَأَةُ فِرْعَوْنَ ، وَمَرْيَمُ ابْنَةُ عِمْرَانَ رَضِيَ اللَّهُ عَنْهُنَّ أَجْمَعِينَ )
رواه أحمد وصححه الحافظ ابن حجر في " فتح الباري "

[ام السعف]

في هالايام بعض الرجال ينقلون كلام اكثر من الحريم :tease:

ايه شوف عالم المنتديات وبعض المواقع تلقى السر او الخبر منتشر
من بعض الرجال مب الحريم :omen2:



النعامة من كان يعتني فيها وهي مخشوشة؟

لا اتدقق ازعل منك :(

تأليف وخيال ،، النعامة كانت ذاتية الأكل
تجتر اللي كلته من شهر وتكتفي :telephone:




وين المشكلة لا تعطي سرك لحرمة ولا تخاوي امير يمكن يكون صح

يمكن يكون صح ؟؟،،
الا صح ونص ،، بس مب قاعدة :telephone:

[خــالــد]

قصة جميلة ومعبرة بعض الحريم فعلا معروف عنهم قرقر زيادة :weeping:

[مهرة]

اي والله وانا اعترف اني من هذول الحريم



اخس والله على كذا حريم ومستانسة وتقولينها بأعلى صوتج :eek5::eek5: تكلمي عن نفسج فقط .. في القصة مستحيل الأم تأذي ولدها عشان فلانه وعلانه ياريت لو فيه قصه مألفينها اتكون اكثر حبكه وحكمه وفيها عبرة ..

طرح معروووف من شخص معرووف..

[ام السعف]

اخس والله على كذا حريم ومستانسة وتقولينها بأعلى صوتج :eek5::eek5: تكلمي عن نفسج فقط .. في القصة مستحيل الأم تأذي ولدها عشان فلانه وعلانه ياريت لو فيه قصه مألفينها اتكوم اكثر حبكه وحكمه وفيها عبرة ..

طرح معروووف من شخص معرووف..

يا اخت مهرة ،، هي يوم قالت انها من هالنوع من الحريم
يعني من النوع اللي ما يحتفظ بسر ،،
وهالشي واقع ،، احنا في حياتنا نشوف امثال مطابقة سواء
كانت من الأم او الأخت او الزوجة حتى ،،

فليش اخس لأنها كانت صريحة وقالت انا منهم ؟:(

[خــالــد]

اي والله وانا اعترف اني من هذول الحريم

ارفع لج القبعة لصراحتج زين علشان الحريم ما يلومونا لو احنا قلنا لهم مش عيب الوحدة تعترف بالخطاء العيب انة الوحدة تستمر بالخطاء

[مهرة]

لا يام السعف عالأقل تحتفظ بماي وجها مو تقولها جهارا يعني تقرا وتستفيد من الطرح وتعدل من اسلوبها وأتمانها للأسرار ..

[ام السعف]

لا يام السعف عالأقل تحتفظ بماي وجها مو تقولها جهارا يعني تقرا وتستفيد من الطرح وتعدل من اسلوبها وأتمانها للأسرار ..

شوفي يا مهرة ،، في اعترافها هذا ما اغلطت على احد ولا ممكن واحد مننا يعرفها معرفة
شخصية ،، اعترافها خاص فيها ،، احتمال تتكلم بصوت عالي علشان اتأكد
اللي حاصل في القصة ،، اهم شي تحملي منها لو صادقتيها عطيها اخبار مب
صحيحة :secret:

فمب معناه انها اعترفت يا مهرة انج مب ممكن بكرة تنصدمين في ام السعف
مثلا لو صادقتيها ،، فالعبرة ان الواحد يحتاط من نشر سره علشان
لا يقول ياليت اللي جرى ما كان :weeping:

[سما الوطن]

يا اخت مهرة ،، هي يوم قالت انها من هالنوع من الحريم
يعني من النوع اللي ما يحتفظ بسر ،،
وهالشي واقع ،، احنا في حياتنا نشوف امثال مطابقة سواء
كانت من الأم او الأخت او الزوجة حتى ،،

فليش اخس لأنها كانت صريحة وقالت انا منهم ؟:(


"اذا ابتليتم فاستتروا"





ارفع لج القبعة لصراحتج زين علشان الحريم ما يلومونا لو احنا قلنا لهم مش عيب الوحدة تعترف بالخطاء العيب انة الوحدة تستمر بالخطاء

بنلومكم ونص
الحين على وحده قالت انها تفشي السر ..تستنج ان كل النساء تفشي السر

وتبي تفهمنا انه ما رياييل يفشون السر؟؟؟

[ام السعف]

"اذا ابتليتم فاستتروا"


ما قلنا لا يا سما،، بس عني ما اشوف كلامها فيه شي
كثر ما هو تعبير متماشي مع سياق الموضوع ،،

فاعترافها لو كان صحيح فهو في صالحنا كلنا :shy:

[qatara]

اي والله وانا اعترف اني من هذول الحريم

الاعترف بالحق فضيله
ولا كل يستطيع ان يكون صادق مع نفسه ومع الاخرين

تحياتي لج ولمن هم امثالج يافاضله

[روح الاطلس]

لا مقولة غير سليمة


مشكلتنا ناخذ الامثال ونتوارثها على انها كلام مقدس ولازم يكون صحيح


السر لا تعطيه لاحد ان عجز صدرك على ان يحتفظ بسرك فمن باب أولى سيعجز صدر غيرك سواء رجل او امرأة

ااما قصة الامير ركيكة مؤلف القصة ماحبكها ولا يتضح منها عدم مخاواة الامير عشان كان بيذبحه لسرقته للنعامة!! يبون يقولون ان كل الامراء ذبح البشر عندهم مثل ذبحة الدجاجة وهذا كلام غير سليم

[تحداني]

في الاسرار اجد قلب الرجل محكم الاغلاق اكثر .. وهذا ما يعني الكل
لكن المرأه كثيره الكلام .. فبالتالي كثيره الأخطاء
وتبقى مثل هالامور نسبيه وتختلف باختلاف اطباع البشر
والي ما عنده ضمير السانه دوم متبري منه


جملكم الله برضاه

[qatara]

^
^ ^

اخي روح الاطلس


لانقول الجميع بل الصفه الغالبه

ولا تقاس الامور على نوادرها بل على غالبها

[ريتويت]

يا اخت مهرة ،، هي يوم قالت انها من هالنوع من الحريم
يعني من النوع اللي ما يحتفظ بسر ،،
وهالشي واقع ،، احنا في حياتنا نشوف امثال مطابقة سواء
كانت من الأم او الأخت او الزوجة حتى ،،

فليش اخس لأنها كانت صريحة وقالت انا منهم ؟:(

عند العيايز كل شي يايز

[ريتويت]

اخس والله على كذا حريم ومستانسة وتقولينها بأعلى صوتج :eek5::eek5: تكلمي عن نفسج فقط .. في القصة مستحيل الأم تأذي ولدها عشان فلانه وعلانه ياريت لو فيه قصه مألفينها اتكون اكثر حبكه وحكمه وفيها عبرة ..

طرح معروووف من شخص معرووف..


نعم نعم وهذا مثبت عندنا

[حسن الاحمد]

قصة تأليف ممكن أألف لك مليون منها انك عط سرك لمرأة ولا تعطيه لرجل

احنا في اخر الزمن تلقى الرجال ينشر الأخبار اكثر من الحريم
وشوف البلاك بيري وبتعرف ان نشر الاخبار وتداولها صار ظاهرة
ماله خص حرمة من ريال وكل يقول لك مصدري ومصدري ،،

هههههههههه
بعدي
يسلمون عليج اهل حمص

[┋أَجِوَدًيّ┋]

أنشهد أن الشايب صادق في حكمته

[ام ناصر1]

لاتعطي سرك إمرأة ولاتخاوي أمير
الجزء الأول غلط يعتمد على نوع الشخص لاجنسه
الجزء الثاني صح ...بس حط بداله مدير ....كل صاحب سلطة له سطوة

[Class]

اشهد انها حكمة صحيحة

موضوع جميل



شكراً - الجمال وجودك

[Class]

اي والله وانا اعترف اني من هذول الحريم



فعلاً أعجبتني صراحتج يا - سكر - :)

[Class]

لا والله ما فيها اي حكمه تلك القصه :)
لا تخاوي امير !!
وين المثل اللي يقول من جاور السعيد يسعد
وبعدين هو سرق من الامير يعني لازم يعاقبه ..وهذه رده الفعل ستكون سواء من امير او غيره
يمكن المثل كان ممكن يكون صح لو قال لا تسرق امير :)

وأما ان المراه لا تؤتمن على سر
فهو تبلي وافترا
ما ادري ايش فيكم على المراه الايام ذي
كل يوم موضوع ضدها :)

في مراه تمسك السر لسنين وفي رجل ما يقدر يمسك السر لدقيقه
كلاهما الرجل والعمر بهم من يمسك السر ومن يذيعه

و المضحك الربع هني كله مؤيد :):)
سبحان الله



أحترم جميع وجهات النظر من مؤيد ومن معارض

وكذلك وجهة نظرج

[Class]

قصة تأليف ممكن أألف لك مليون منها انك عط سرك لمرأة ولا تعطيه لرجل

احنا في اخر الزمن تلقى الرجال ينشر الأخبار اكثر من الحريم
وشوف البلاك بيري وبتعرف ان نشر الاخبار وتداولها صار ظاهرة
ماله خص حرمة من ريال وكل يقول لك مصدري ومصدري ،،



لقد ذكرت في الموضوع أن

- قصة منقولة غير واقعية لكن بها كثير من العبر -

[Class]

والله أنك صاج وسمعت هاي المقولة عند الوالد الله يرحمة

يقولها لخوي ...

الله يعطيك العافية



الله يرحم والدك إن شاء الله

الله يعافيج

[Class]

حكمة صحيحه

وهذه القصه تغريبا بنفس المعنى
ان هناك على ما اعتقد من الانبياء او التابعين حب ان يجرب زوجته في حفض الامانه والسر واعطاها علبه بها عصفور
فمن فضولها وعدم اتباعها لا مره وكتم سره اخبرت الجاره التي اشارت عليها بالنضر لمافي العلبه
ففتحت العلبه وطار العصفور وتوهقت

لاهي كتمت سر زوجها عن جارتها ولا هي حفضت الامانه مغلغه

تسلم على الطرح المفيد



الله يسلمك من الشر وشكراً على المشاركة

[Class]

لا الحريم ولا الرجال ينعطون سر ..السر اذا طلع عن اثنين ماصار سر:(

الحمدالله انا من النوع اللى السر في بير مالوش قرار:)

بالذات اللى يخص اعراض الناس ماينقال لحد:secret:



كتمان السر متباين بين البشر على كتمانه من عدمه أو التلميح له من قريب أو بعيد

[Class]

انا اشوف الريايل هم الفضيحه

مايسترون

خصوصا اذا عندهم مصلحه خذوها وتكلمو فيها

والله المستعان



نصيحة أي شخص يركض وراء المصلحة أضرب عليه أكس

[قطر دزاين]

الحكمه نسيج من الخيال الصراحة

كيف حطيت الام انها نمامه وكيف حطيت الامير لا يقدر ربعه

الظاهر انك لم تتمعن في الحمكه جيدآ ليس كل ما ينقل او يقال يكتب

[الجافي]

صحيحة 100%

[Class]

اصلا هذا كان يجس نبض الامير علشان يقدر يبوق الامير بشي اكبر الى سواه الامير صح موغلط
:omen2: الله اكبر عليك



يمكن وتحليل محتمل لكن القصة من نسج الخيال

[Class]

هالمقوله صحيحه100% واسال مجرب ولاتسال طبيب والي منكر هالشي ياريت يروح لابوه او امه او جدته ويسئلهم عن هالمقوله والتجارب من الماضي والحاضر



ما شاء الله - شكلك مريت بتجربة

الله يعيينك إن شاء الله

[Class]

موضوع حلو

حكمة صحيحة 100%

الله يعطيك العافية





شكراً ياخوي

الله يعافيك

[Class]

كلام سليم :)



بوحارب - شكراً

[Class]

والله نفس نصيحه جدي الله يرحمه ^_^

ترا صحيحه 100%



الله يرحمه ويسكنه جنات النعيم - اللهم آمين

[Class]

يمكن كانت صحيحه المقوله فالسابق لكن الحين ماصار الرجال رجل ولا المراه مراه



أخالفك الرأي يا أخي

الرجال بمعنى الرجولة في مجتمعنا كثر والحمدلله

فهناك رجال وهناك أشباه الرجال وينطبق ذلك على النساء أيضاً - فـــ أي نوع تقصد ؟

[Class]

واضح ان المقصود بالموضوع هو المرأه والأمير جاء في السالفة .. على العموم مافيه مقياس لحفظ السر او إفشائه بين رجل وإمرأه .. ياما حريم محد يدري باللي وراهم .. وياما رجال هذارين والسنتهم فارطه .. وتنويه مب كل سوالف الأولين صحيحة .. يعني افهم امهاتنا مايحفظون أسرار ابهاتنا قبل :sneaky:

خافوا الله :anger2:


سؤال هالمسلسل عن الحريم متى حلقته الأخيرة :telephone:



لقد ذكرت سلفاً أن - قصة منقولة غير واقعية لكن بها كثير من العبر -

[Class]

هههههههههههاااااااااي تعجبني صراحتج:secret:



الصراحة وأنا بعد :victory: