سوال الى اصحاب مكاتب استقدام الخدم

[بـومحمد]

السلام عليكم ورحمة الله وبركاته

هذا السوال خاص لاصحاب مكاتب استقدام الخدم والعماله
ايش اسباب ارتفاع اسعار المكاتب الى 8000 و9000 ريال ممكن حد يشرح لنا لانه يقولك
(( اذا عرف السبب بطل العجب ))
:eek5::eek5::eek5:
ارجو انه السوال مايكون ثقيل او الاجابه صعبه لانه انا كانت عندي شركه وكانت العماله تجيني بدون رسوم تذكر شي بسيط والشخص الي كان يجيبلي العماله :omen2: شرحلي التفاصيل كامله ومابي اقولها علشان محد يحسب انه اتهام :anger2:
ومشالله المنتدى في اعضاء اصحاب مكاتب
نبي تعليقهم يمكن في نقطه غايبه وتوضح بعد تعليقكم
وشكرا

[بطل الفريج]

اكثر من 5000 التكلفة على المكتب

[بـومحمد]

اخوي بطل الفريج شنو 5000 تكلف المكتب ؟؟؟؟؟

[بـومحمد]

62 مشاهد ورد واحد معقوله

[قطري متواضع]

سبب ارتفاع هو طمع اصحاب المكاتب وجشعهم

الخدامه مع عموله المكتب في اندونيسيا ماتكلف 2500 ريال

الفلبين صح يمكن تكلف شوي ام دول افريقيا تكلف التذكرة والفحص فقط

الله يعين

[asulaiti]

في اعتقادي ان المكاتب الان عملهم أسهل من قبل .. الان هم يتعاملون مع مكاتب للأيدي العاملة هناك ..
يعني المكتب المحلي اللي في الدوحة شغلته بس يستقبل ايميلات من المكتب هناك ويعلن في الدوحة عن طلبات جديدة ..

المكتب هناك يطلب حوالي ١٠٠٠ دولار لكل خادمة على ما اعتقد شاملة اجور التخليص والتذكرة ..
وهنا يطلب المكتب المحلي نفس المبلغ أو أكثر ... وهو ما سوى شيء !!! والمجموع من 7500 إلى 9500 حسب جشع المكتب !!

ولأن السفارة الفلبينية وضعت شرط لقدوم العمالة الفلبينية .. وهو لابد من أن تكون عن طريق المكاتب المحلية ..
لتوقيع العقود ووضع شروط الاستقدام والاستخدام علشان ضمان حقوق تلك العمالة ..
وكأننا في السابق تقوم بتعذيبهم أو تشغيلهم بدون اعطائهم رواتبهم !!

والمكاتب هنا استغلوا هذه الشروط من السفارة ووضعوا اسعار أعلى من اسعار المكاتب هناك ..
والضحية .. نحن !!!

أنا صار لي أكثر من شهرين وانا احاول استقدم خادمة بأقل تكلفة ممكنة .. ما استطعت !!

لكن اكتشف ان هناك لعبة تلعب في المكاتب ..

فهذا مكتب يقول لك راتب الخادمة 800 ريال .. وآخر يقول لك 900 ريال !!
طيب ليش 900 ؟؟
مكتب يقول لك هذا التحديد جاء من المكتب في الفلبين ..
وآخر يقول لك التحديد جاء من السفارة !!

يعني السفارة راح تقول حق هذا المكتب خادماتك على 800 ريال ..
وانت على 900 ريال !!
أما انت يا صاحب المكتب الثالث فالرواتب لازم تكون على 950 ريال !!

يعني معقولة !!
السفارة راح تفرق الرواتب بين المكاتب !!

او أن كل مكتب يلعب على كيفه ؟؟

واضح إنه في لعبة .. لكن ما باليد حيله ..

[ملك المشاعر]

المكاتب مبالغين في الاسعار

[بـومحمد]

مبالغين وايد وايد ابي صاحب مكتب يدخل ويرد علشان يقطع الشك باليقين ياكثرهم كل يوم يحطون اعلان الا تنازل الا وصول دفعه يمر شوي يشرح الموضوع باختصار ليش الفلبين بها السعر وليش الاندونسيه بهالسعر والاثيوبيه والهنديه

[تغلبية]

ودنا نعرف الاسباب ... وخاصة إنها في الدول المجاورة أرخص والفارق كبير !!

[wadha-qa]

انا اللي قاهرني راتب الفلبينيه اللي يختلف من مكتب للثاني فيه 730 و 800 و 900

[المليونير الفقير]

الاسباب ان الحكومه مخليتهم على كيفهم وماحطت عليهم ضوابط يعني اطلب الي تبيه لاحماية مستهلك ولاهم يحزنون هذا هو السبب الرئيسي

[asulaiti]

ولين متى يعني الحكومة مخليتهم ؟؟؟

ليش مايكون هناك تسعيرة محددة لهم وتكون ملزمة لهم ولسفارتهم ؟؟

ولا بس السفارة شاطرين في التشرط واستغلال حاجة الناس ؟؟

[نورالهدى]

الله المعين

[العرفـج]

كل مكتب له سعره
وكل مكتب يقول شي
وكل مكتب يختلف عن الثاني عن راتب الخدم
واحنا ضايعين في النص وكأنا اندور في دائرة مفرغه
وآخر شي تشرد الخدامه وانجيب غيرها وغيرها وغيرها

واقول من النهاية سؤالك ماله جواب ،،،، خلوها على الله

الله يعطيكم العافية

[بـومحمد]

لا انا مصر انه يدخل صاحب احدى المكاتب ويجاوب ليييييييششششش
هالاسعار الخياليه

[مضاربه]

لا انا مصر انه يدخل صاحب احدى المكاتب ويجاوب ليييييييششششش
هالاسعار الخياليه

اخوي بومحمد ماخبرنا الحرامي يعترف انه حرامي الاجابه واضحه مايبيلها سؤال استغلال حاجه الناس للخدم ماتشوف المكاتب كل مالها تزيد والمشكله فينا ان مانقاطع المكاتب الي رافعه اسعارها عن الباقي

[بـومحمد]

الموضع مرفوع
حتى يقوم احدى المكاتب بالاجابه

[تسـاهيل]

لــــي عـــودة بالـــرد علــى الموضـــوع

[نورالهدى]

ننتظر الشرح بالتفصيل الممل

[بسمة فرح]

انا اللي قاهرني راتب الفلبينيه اللي يختلف من مكتب للثاني فيه 730 و 800 و 900

صح والله هذي مشكله لان الخدامه تشوف الخدم اللي نفس جنسيتها ياخذون اكثر من هنا تبدا المشاكل

الله يعيني خدامتي بتيجي الشهر الجاي و راتبها 950 و في خدامه بالبيت تاخذ 1100

[بـومحمد]

في انتضار الرد من العضو تساهيل

[ellezeem]

الشرح الوافي
للجواب الخافي
والله المعافي
من كل علة شافي
------------------------
اسباب غلاء سعار الخادمات
1- إيجار المكتب
2- فاتورة التلفون
3- فاتورة الكهرباء
4- فاتورة الماء
5- رواتب موظفين المكتب
6- راتب فراش المكتب
7- رسوم الرخصة التجارية
8- رسوم البلدية
9- رسوم مكاتب العمال في بلدهم
والزبون يريد الخدامه ببلاش

ومنكم السموحه

[كبير المتداولين]

السبب الرئيسي وقف استيراد الخدم من بعض الدول مثل الهند اثيوبيا وغيرها

[تسـاهيل]

أسباب ارتفاع أسعار الخدم السبب الاول والرئيسي

المكاتب الخارجية التي تطرح اسعاراً مرتفعة للتعاقد مع المكاتب المحلية .

[تسـاهيل]

في اعتقادي ان المكاتب الان عملهم أسهل من قبل .. الان هم يتعاملون مع مكاتب للأيدي العاملة هناك ..
يعني المكتب المحلي اللي في الدوحة شغلته بس يستقبل ايميلات من المكتب هناك ويعلن في الدوحة عن طلبات جديدة ..

للتوضيح
المكتب يتكفل باجراءات
الجوازات
السفارة
وزارة العمل
عمل تامين للخادمة
ارسال العقد
متابعة اجراءات الخادمة لحين قدومها

[تسـاهيل]

ودنا نعرف الاسباب ... وخاصة إنها في الدول المجاورة أرخص والفارق كبير !!

في الدول المجاورة وصلت عمولة المكاتب الخارجية الى 3500 دولا ويكون سعر استقدام الخادمة 15000 ريال واقرب مثال السعودية .

[بـومحمد]

الجواي غير مقنع جواب دبلوماسي
على العموم شكرا

[بـومحمد]

استغفر الله