ابي ادرس .. الى متى الانتظار !!!

[بسمة فرح]

السلام عليكم

انا طالبه بجامعه قطر قيد 2007 ..

مجمد قيدي لان ماجبت الدرجه المطلوبه بالايلز و التوفل !!!

سويت طلب تحويل اكثر من 5 مرات للتخصص ( اللغه العربيه - الشريعه الاسلاميه ) مايشترط انجليزي عشان ابدا على طول

بس للاسف مافي قبوول !!

انا كلامي ان احنا الدفعه المظلومه يعني مو متاسسين من قبل بالانجليزي

و فجاءه يصير شرط للقبول بالجامعه والله اكثر بنات دفعتي فاعدين بالبيت

نفس حالتي مجمد قيدهم .. و اللي ادهى و امر لما رحت احول اشتكي لموظفة التحويل

عاد ورتني ملف تحويل اللي مجمد قيدهم في بنات 2005

. يعني اذا جامعه قطر فضلت الحنسيأت الاخرى

تحت مقوله (لاعلى نسب) و ماقالو الاولويه للمواطنات

لان الجامعه حاليا اغلبها مقيمين !!


ورحت كليه المجتمع .. و الموظفه كانت تقولي اغلب طالباتنا من جامعه قطر مجمده ققيودهم

عموما نظامهم كان ادرس انجليزي 6 لفلات بعدين اخذ دبلوم سنتين و طبعا لازم ايلز و معدل معين عشان تقبلني جامعه قطر و اكمل البكالوريوس !!

يعني القبول مب اكيد بعد !!



عموما انا ابي ادرس .. اللي بعمري تخرجو و انا مازلت متامله يقبلون تحويلي بجامعه

عموما انا ابي ادرس ايش شوركم غير جامعه قطر وين اروح ..

[ضوى]

اختي الغالية

اليأس من صفات الفاشلين

دخل معاهد انجليزي قوي نفسج وتحديها وصدقيني بتنجحين ، احنا ماتاسسنا بالانجليزي لكن الحمد لله مشينا وعدينا ، وانتي ان شاء الله بتقوية نفسج تقدرين تعدين ، دخلي كورسات انجليزي دخلي النت اقري قصص انجليزي حاولي تثقفين نفسج بالانجليزي عن طريق الكتب النت المعاهد بكل الطرق المتاحة لج وان شاء الله ماتعدي السنة الا انتي معدية ان شاء الله

[بسمة فرح]

اختي الغالية

اليأس من صفات الفاشلين

دخل معاهد انجليزي قوي نفسج وتحديها وصدقيني بتنجحين ، احنا ماتاسسنا بالانجليزي لكن الحمد لله مشينا وعدينا ، وانتي ان شاء الله بتقوية نفسج تقدرين تعدين ، دخلي كورسات انجليزي دخلي النت اقري قصص انجليزي حاولي تثقفين نفسج بالانجليزي عن طريق الكتب النت المعاهد بكل الطرق المتاحة لج وان شاء الله ماتعدي السنة الا انتي معدية ان شاء الله

انشالله باذن الله حاولت قبل بس للاسف ماجبته و بحاول بعد ..

[قلبي الطيب]

أتفق مع الاخت ضوى
لا تستسلمي

[شبح الصمت]

ليت وليت ما ينفع

بالاصرار والعزيمه اختي الواحد يقدر

اما يقدر يقولي ليت وليت وهالامور انسيها واجل اليوم الشهر السنه الجايه

الوقت يمر من عمرنا والواحد لي عزم على شيء لازم يسويه ولا ينتظر

نصيحتي المقيمين من احسن منج بشيء اهم عندهم عقول وانتي عندج عقل

درسي وشدي حيلج واخذي دورات وتوكلي على الله واقري الكتب وحطي لج مدرسين يعرفون اختبارات الايلز

[Super Cool]

اذا من 2007 مفروض انجليزيتج تكفي و تزيد بعد!!!!

في ناس مخلصة فالتسعينات و مدارس حكومية اللي المدرس نفسه ما يعرف انجليزي و جابت التوفل...و اتوقع انت احسن منهم بوايد اذا من دفعة 2007....تعوذي من ابليس و ادرسي انجليزي في معهد بهدف تعلم اللغة مب بهدف النجاح فالإمتحان....ترى الإمتحان مب صعب والله بس يمكن شي نفسي

[شبح الصمت]

في معهد وايد زين مقابل ارض المعارض الجديده عند دوار الانتر مهب ذاكر اسمه يدرس الايلز

وبالتوفــيق للجميع

[Master_qtr]

عندي رقم مدرس يساااعد في الايلس اغلب اللي درسو عنده جابو درجات قوية

[بـــــــنت النوخـّــــذه]

المفترض الجامعه تعطي مواد اضافيه للمجموعه الي ماقدرو يجتازون الامتحان مهب على طول يسدون الابواب 00


وتبين الصج ما ابغي احطمج الدورات التدريبيه اهم من الشهاده هالزمن00يمكن الحسنه الوحيده بالشهاده هي انج تكونين سنير00 في البداية
الله يوفقج 00

[بسمة فرح]

عندي رقم مدرس يساااعد في الايلس اغلب اللي درسو عنده جابو درجات قوية

ياليت الرقم .. انا درست قبل عند عراقيه بس ماعديت و بجرب هالمدرس

[بسمة فرح]

في معهد وايد زين مقابل ارض المعارض الجديده عند دوار الانتر مهب ذاكر اسمه يدرس الايلز

وبالتوفــيق للجميع

ياليت اسمه لاني عزيمتي قويه هالمره

[بسمة فرح]

المفترض الجامعه تعطي مواد اضافيه للمجموعه الي ماقدرو يجتازون الامتحان مهب على طول يسدون الابواب 00


وتبين الصج ما ابغي احطمج الدورات التدريبيه اهم من الشهاده هالزمن00يمكن الحسنه الوحيده بالشهاده هي انج تكونين سنير00 في البداية
الله يوفقج 00

صح مفروض كذا او يكون شرط التخرج نعدي الامتحان .. كذا نقون ندرس التخصص و نتقوى بالانجليزي يعني يصير شي سهل اجيب الايلز بعد دراسه 4 سنين ..!!

[تحداني]

انا بعطيج اكثر من حل وشوفي الي يناسب قدراتج ..

المعهد تكلموا فيه اخواني وخواتي
عندج كليه شمال اطلنطي " دبلوم .. شي افضل من لاشي " ما يحتاجون توفل ولا ايلز
بس راح تدخلين برنامج تحضيري قبل التخصص

عندج .. بكالوريس المعلمات شي جي " تطرحه هيئه التعليم " واثناء الدراسه في راتب مخصص للطالب .. وبعدها تشتغلين في المدارس .. راجعيهم على هالرقم " بداله المجلس الاعلى للتعليم 155 "

عندج الجامعه الهولنديه

دار الانماء الاجتماعي عندهم برامج تعليميه رائعه ومدفوعه الاجر
جربي كلمي الاخت " لطيفه " رائعه


جملك الله برضاه

[استغفرالله]

حاولي تقابلين رئيس قسم الشريعة عشان يقبلك

[Hamada-Sama]

الشيخه أنا أخوي خذا في التوفل 480 وقالو له الجامعه خذ بس فصل واحد تأسيسي إنجليزي وبعدين كمل الجامعه ... بس قبل ما يتخرج لازم يجب التوفل ولا الأيلس ... هالسالفه قبل خمس اسنين ... الحين أخوي الحمدلله تخرج وجاب 5.5 في الأيلس قبل ما يتخرج ... بس مادري هل النظام الحين تغير ؟

[Locale]

انا مثلج قيد 2007
لكني تركت الدراسه وتزوجت وعيلة
خصوصا اني كنت وايد شاده حيلي وانصدمت من الجامعه ومتطلباتها
واللي معاي معضمهم حولوا كلية الطيران

[ممنوع اللمس]

والله اختي لو عندج حد يدرس معاج في مصر مالج الا مصر الدراسه شهرين كل كورس والسنه كورسين بدال القعده كذا والله يوفق الجميع ان شاء الله

[بسمة فرح]

انا بعطيج اكثر من حل وشوفي الي يناسب قدراتج ..

المعهد تكلموا فيه اخواني وخواتي
عندج كليه شمال اطلنطي " دبلوم .. شي افضل من لاشي " ما يحتاجون توفل ولا ايلز
بس راح تدخلين برنامج تحضيري قبل التخصص

عندج .. بكالوريس المعلمات شي جي " تطرحه هيئه التعليم " واثناء الدراسه في راتب مخصص للطالب .. وبعدها تشتغلين في المدارس .. راجعيهم على هالرقم " بداله المجلس الاعلى للتعليم 155 "

عندج الجامعه الهولنديه

دار الانماء الاجتماعي عندهم برامج تعليميه رائعه ومدفوعه الاجر
جربي كلمي الاخت " لطيفه " رائعه


جملك الله برضاه




بكره انشالله بتصل و اتمنى في هالبكالوريوس حق المعلمات


و ثاانكس ع النصايح

[بسمة فرح]

انا مثلج قيد 2007
لكني تركت الدراسه وتزوجت وعيلة
خصوصا اني كنت وايد شاده حيلي وانصدمت من الجامعه ومتطلباتها
واللي معاي معضمهم حولوا كلية الطيران

و انا بعد تزوجت و عندي بنتين بس بعد ابي ادرس

مافقدت الامل ، مع ان اللي بدفعتي بالثانويه الحين متخرجين من الجامعه

[كراج فورملا1]

عندج معهد els معهد قوي جدا ومفيد راح تستفيدين منه في اللغه بشكل كبير

[بسمة فرح]

الشيخه أنا أخوي خذا في التوفل 480 وقالو له الجامعه خذ بس فصل واحد تأسيسي إنجليزي وبعدين كمل الجامعه ... بس قبل ما يتخرج لازم يجب التوفل ولا الأيلس ... هالسالفه قبل خمس اسنين ... الحين أخوي الحمدلله تخرج وجاب 5.5 في الأيلس قبل ما يتخرج ... بس مادري هل النظام الحين تغير ؟


الله يوفقه ما اتوقع لان الحين مجمد قيدي لان ما جبت الايلز / التوفل لو نفس قبل كان ما جمدو قيدي ..

[بسمة فرح]

حاولي تقابلين رئيس قسم الشريعة عشان يقبلك

رحت لسكرتيره عميد كليه الشريعه و قالت التسجيل و القبول يختارون و يرسلون لنا الطلبات طبعا اشتغربت لانها قالتلي ان الاولويه للي مجمده قيودهم كيف ما انقبلتي و انتي كم مره تحولين !!

رحت للتسجيل و القبول قالتلي لاعلى نسب قلت طيب قيدي مجمد يعني الاولويه لي قالت في قبلك قيد 2005 ..

الله يسهل انشالله ..