المساعد الشخصي الرقمي

مشاهدة النسخة كاملة : خدامتي وصلت والمكتب يطالبني بدفع 500 ريال


فانفير
04-12-2011, 05:41 PM
السلام عليكم ورحمة الله وبركاته

خدامتي شردت من البيت وراحة البحث والمتابعه وتسفرت والمكتب قال لي بجيبون لي بدالها غيرها واليوم الخادمه وصلت وكلموني وقالو لي لازم ادفع 500 ريال رسوم جوزات وسفاره ؟
انا دافعه لهم 7500 ريال من قبل ليش الحين يطالبوني بدفع 500 ريال مب المفروض يجبون الثانيه على الضمان او القوانين تغيرت لاني من اربع سنين تعاملت مع مكتب وجاتني خدامه مريضه وتسفرت والثانيه ماصلحت عندنا ورجعانها المكتب وطالبنا فلوسنا خصمو من فلوسنا رسوم الجوزات والسفاره اتوقع ورجعو لنا الباقي
اما هالمكتب يطالبني 500 ابي اعرف لهم هالمبلغ او لا ؟ لاني بروح استلم الخادمه 7:30 هل ادفع لهم لان القوانين تغيرت او هم يبون يقصون علي شلون اتصرف
بـومحمد
04-12-2011, 05:57 PM
لا تدفع اذا اشردت في فترة الضمان المكتب هو مسوؤل واذا ما رضا يعطيكم الخدامه قوله خله عندك وانا رايح ادارة العمل اشتكي وادارة العمل ينطرون الزله على المكاتب اذا مب بالطيب البلد فيها قانون بس لازم تقدم شكوى في هذا المكتب على شان يحترم القانون في طلعه ماكل والنزله ماكل مايصير ليش 500 ريال محذوفه في الشارع
فانفير
04-12-2011, 05:59 PM
جزاك الله خير يابو. محمد
qatara
04-12-2011, 06:02 PM
اذا تساهلت الامور اليوم بيطالبونك ب 500
وبكره ب 1000

اشتك عليهم لان حقك واضح وضوح الشمس

والله يعين على هل الخدم
بدال ما يجيبون لك بدالها مع الاعتذار
الوجيه قويه يطالبون فوق ذالك
مثل ما نصحك الاخ الذي قبلي اشتكي عليهم بكامل المبلغ
وشوف لك مكتب ثاني لكي يحترمون الناس وحقوقهم
خل المكتب يطالبها هي وسفارتها هي الهاربه
المشتاقه الى الجنه
04-12-2011, 06:05 PM
عادي ادفعي هذه رسوم للسفاره
هذا المبلغ دائماً ندفعه
qatara
04-12-2011, 06:09 PM
عادي ادفعي هذه رسوم للسفاره
هذا المبلغ دائماً ندفعه

اذا كان عادي عيل وش فايدة الضمان والعقد والاتزام ووو الخ
jajassim
04-12-2011, 06:24 PM
السلام عليكم ورحمة الله وبركاته

خدامتي شردت من البيت وراحة البحث والمتابعه وتسفرت والمكتب قال لي بجيبون لي بدالها غيرها واليوم الخادمه وصلت وكلموني وقالو لي لازم ادفع 500 ريال رسوم جوزات وسفاره ؟
انا دافعه لهم 7500 ريال من قبل ليش الحين يطالبوني بدفع 500 ريال مب المفروض يجبون الثانيه على الضمان او القوانين تغيرت لاني من اربع سنين تعاملت مع مكتب وجاتني خدامه مريضه وتسفرت والثانيه ماصلحت عندنا ورجعانها المكتب وطالبنا فلوسنا خصمو من فلوسنا رسوم الجوزات والسفاره اتوقع ورجعو لنا الباقي
اما هالمكتب يطالبني 500 ابي اعرف لهم هالمبلغ او لا ؟ لاني بروح استلم الخادمه 7:30 هل ادفع لهم لان القوانين تغيرت او هم يبون يقصون علي شلون اتصرف

اجراء المكتب صحيح ، ادفع لهم ، والضمان لما ترجع الخادمة للمكتب وقبل اصدار الاقامة ، وشكرا
حمد بن سعد
04-12-2011, 07:07 PM
خلني اروح معاك وشوف من الي رجال فيهم ايقول خمس مب يكملها بعد خمسميه بس خمس:anger1::anger1:
فانفير
04-12-2011, 07:11 PM
اخ جاجاسيم يعني ادفع لهم على اي اساس اجل شنو ضمان دام اين بدفع كل ماتشرد خدامه ؟الله المستعان
qatara
04-12-2011, 07:21 PM
الا هل المبلغ الكبير للخدم مقابل ايش

الحين بعض الخدم وصلو ب 9600 فقط لاحضارها
غير اقامتها وبصمتها ورسوم عينه الدم

9600 مقابل ماذا كل هذا المبلغ ؟ تفصيليا

سوال لمن لديه المعرفه التفصيليه
qtr.wolf
04-12-2011, 08:05 PM
اخوي / اختي ... كاتب الموضوع المحترم

عليك بالذهاب الى ادارة العمل لان الجوازات ياخذون 300 ريال بس ومب مشكلتك اذا شردت الخدامه في فترة الضمان

واحذركم من مكتب الجوري في ام صلال .. لان مافي احسن منه في المماطله وكل يوم يعطيك من الصبغ الزين لهدرجه وصلت فيهم المكاتب للاسف ..
فتى الجود
04-12-2011, 11:43 PM
السلام عليكم

اخوى اذا زادت المشاكل بينك وبين وبين المكتب و واصلتوا لطريق مسدود

ممكن تراجع ادارة العمل
مبنى ادارة تفتيش العمل " مقابل جريدة الراية " بالهلال مشاهد نجمة
الدور الاول
عند الاخ / فارس الكعبي او ابراهيم المعاضيد
مسؤلين مكاتب الخدم وجلب الايدي العاملة
وهم يحلون مشكلتك اخوى
بوغزلان28
05-12-2011, 07:09 AM
يبه لا تدفع ريح نفسك اذا عندك وقت روح لادارة العمل وفهمهم السالفه من طأطأ لين سلام عليكم اذا قالوا ادفع لهم ، عيل اعرف انه المواطن والمواطنه ع الدنيا السلام
مرتبش
05-12-2011, 09:05 AM
راجع العقد المكتوب بينكم
او الفاتورة.. لان الرسوم المدفوعة تشمل بعض الاجراءات مثل الفيزا والسفارة واستقدام الخادمة..رسوم الفيزا والسفارة غير مسترجعة فلذلك طلبوا منك دفع هذا المبلغ
مضاربه
05-12-2011, 01:54 PM
لاتدفع ان حصلت معاي مع مكتب من مكاتب سوق العلي كان عندي خدامه ورجعتها المكتب ويوم حولو كفالتها الا ماخذ من فلوسي 600 يقول 300 تحويل كفاله و300 ماعرف ليش المهم اتصلت في وزاره العمل قالو مافي نص قانوني بالهشي بس المكاتب شافوا الناس يدفعون فصارت عاده كل خادمه تشرد والا تسترجع سحبوا منك 500 والا 600 حسبي الله عليهم
روح الاطلس
05-12-2011, 06:47 PM
شنو اسم المكتب ؟؟؟

ارجو الاجابة بوجه عاجل
AL-MAYSTRO
05-12-2011, 07:02 PM
الله يعين
qatara
05-12-2011, 07:04 PM
الواجب ان المكتب مسئول حتى عن الايام التي هربت بها

لان كما اعتقد لده ضمانات من مكتب ببلدها