جزاكم الله خير اختياركم لمحلات الاثاث في الدمام - الخبر

[كبير المتداولين]

شباب مساعدتكم في افضل المحلات لبيع الاثاث واطقم الكنب والتفصيل في الدمام او الخبر جزاكم الله خير وفي الرياض بعد

[فريج النجادة]

عندك في شارع الظهران (الخبر)

الشارع الرئيسي المقابل لمجمع الراشد

متجة الى الكرنيش

سوف تجد محلات كثيرة على يمينك ويسارك

روعة في الاشكال والاسعار

سامحني نسيت اسماء المحلات

[كبير المتداولين]

عندك في شارع الظهران (الخبر)

الشارع الرئيسي المقابل لمجمع الراشد

متجة الى الكرنيش

سوف تجد محلات كثيرة على يمينك ويسارك

روعة في الاشكال والاسعار

سامحني نسيت اسماء المحلات

يعطيك العافيه في غير هالشارع تفصيل وجاهز

[ولد المنصور]

هلا اخوي عندك الرياض شارع التخصصي والعليا احسن من الخبر والدمام واشكال اكثر .. والله يوفقك

[كبير المتداولين]

هلا اخوي عندك الرياض شارع التخصصي والعليا احسن من الخبر والدمام واشكال اكثر .. والله يوفقك

جزاك الله خير والله اخوي شارع التخصصي وحراج بن قاسم والعليا اماكن ادلها ورحتها قبل ابغى لو في اماكن ثانيه

[سيف مهند]

شركة المطلق

[ذيب ازغوى]

عندك اخوي محلات الانصااري في الخبر خلك الراشد على يسارك وامش اشوي بتحصله على يمينك

[كبير المتداولين]

بعد بعد انا رايح اثاث البيت بالكامل

[qatar girl]

شكرا اخوي على السؤال انا معاك ابي اعرف وياريت يذكرون نوع الاثاث مودرن ولاتقليدي

[فواز1976]

اسواق الاثاث بالدمام والخبر كثيره ...... وكل منطقه تقريباً لها سعرها (طبعاً السعر الاعلى ليس دوماً يعني جوده اعلى)

المهم.....
الخبر:
- على شارع الامير تركي (الكورنيش) بين الشرطه واسواق الولو, توجد عده محلات بس اسعارهم غاليه
- شارع الملك فهد بوسط الخبر تنزل عليه من طريق الامير فيصل بن فهد (الببسي سابقاً) فيه مجموعه محلات تفصيل اثاث
- امتداد شارع الملك خالد ,, فيه كم محل كبير حق اثاث جاهز
- الطريق الساحلي فيه كم محل حلوين حق اثاث جاهز في عماير الموسي وامامها وكمان اذا تعديتهم باتجاه الدمام في مجمع ستي دبليو تحصله بين ساكو والهايبربنده تصاميم مودرن واسعاره معقوله , وفيه قباله هوم سنتر برضه فيه اثاث حلو ومتوسط السعر
- طريق الدمام الخبر الكباري ,,,, طبعاً هذا الطريق على اليمين واليسار تبي تحصل مجموعه من صالات العرض الكبيره واغلبهم جاهز مافي الا زخرف هو التفصيل

الدمام:
- شارع ابن خلدون (طريق الملك فهد حالياً) قريب من الملعب, فيه كم محل تفصيل واسعارهم معقوله .
- امتداد شارع 42 .... مخطط 8, مجموعه محلات بس حق الاثاث الرخيص, وقريب منه سوق التلفزيون فيه محلات كثيره من رخيص الى متوسط ,,,

ارجوا اني اكون افدتك واذا بغيت شي ثاني حاضرين
-

[كبير المتداولين]

اخوي فواز بيض الله وجهك ماقصرت بأذن الله بسير على كم واحد منهم

جزاك الله خير

[كبير المتداولين]

شكرا لكل من ساهم في مساعدتي على اختيار محلات الاثاث لله الحمد تم تفصيل وشراء اثاث البيت بالكامل من الدمام

[BoFahed]

شكرا لكل من ساهم في مساعدتي على اختيار محلات الاثاث لله الحمد تم تفصيل وشراء اثاث البيت بالكامل من الدمام

شنو المحلات اللي شريت وتنصحنا فيها اخوي

[العنيد000]

الله يوفقك ان شاء الله

اخوي شلون الاسعار والاشكال والاماكن

[فواز1976]

الله يحيك اخوي كبير المتداولين

وشكراً على ردك السابق ايضاً .... ما سوينا شي

بس عساك توفقت ,,, واذا احتجت شي تراني موجود بالظهران. ابد لا يردك الا لسانك

تحياتي

[كبير المتداولين]

شنو المحلات اللي شريت وتنصحنا فيها اخوي

والله ياخوك في محلات على طريق الدمام الرئيسي شريت من عندهم وفي تفصيل بسوق التلفزيون وبصراحه للحين ماوصلتني الاطقم بس توصلني ابشرو بعطيكم تفصيل الموضوع بالكامل


الله يوفقك ان شاء الله

اخوي شلون الاسعار والاشكال والاماكن
الاسعار فرق طبعا كبير بين الدوحه والدمام فقط في اطقم الكنب اما غرف النوم والديكورات نفس الدوحه مافي فرق

الله يحيك اخوي كبير المتداولين

وشكراً على ردك السابق ايضاً .... ما سوينا شي

بس عساك توفقت ,,, واذا احتجت شي تراني موجود بالظهران. ابد لا يردك الا لسانك

تحياتي

شاكر لك حسن التعاون والاخلاق الحميده كفيت ووفيت