جامعة قطر .. والطلآب

[كحيلآن]

السلام عليكم ورحمة الله وبركاته ..

بدون مقدمآت وبدون زيآدة وحشو كلآم .. ارائكم بـ جآمعة قطر

وهل تعتقدون انها تصف إلى جآنب الطآلب أو ضده ؟؟ مآ رأيكم في الدكآترة الموجودين .. وهل تعتقدون انهم على المستوى المطلوب أو انهم موجودين فقط لـ سد مكآن شآغر ..؟
حصل معي عدة مواقف هذا الكورس جعلتني أكتب هذا الموضوع .. اتمنى منكم الاجابة

واتمنى الردود تكون من الطلآب إذا أمكن .. ولآ مآنع من الشيآب والكبآر حيآكم الله بس إذا جت من الطلاب بـ تكون بينآ كوننا نعيش في مجتمع واحد الا وهو الجامعه ..

[intesar]

دش على منتدى جامعة قطر يفيدونك..
حنا هني شيبان وعجاجيز.. نكسر حب ونشرب كرك..
ايش حادك على المر.. جامعة قطر هي ما تغيرت من يوم افتحوها لليوم.. غير مديرتهم اللي صورتها بكل الجرايد.. تلاقيها 3 مرات باليوم.. قبل الوجبات..
اذا قدرت تغير جامعتك أنصحك فيه..

دمتم بود..

[قلبي الطيب]

خلاص هونها وتهون
الحمد لله تخرجنا والفال لك ان شاء الله

[كحيلآن]

بذمتكم .. دكتور تخصصه مثلاً أ يخلونه يدرس ماده من تخصص ثاني وهو ما يعرفها واذا سألناه سؤال ما يعرف يجاوب .. واقسم بالله العظييم احياناً الطلاب يصلحون له واقسم بالله مرات يشررح غلط ويجي المحاضره الي عقبها يصلح اخطائه .. وقروبه كآن 25 طالب والحين 12 طالب نص الطلاب حذفو مادته وتوهقو الي مسجلين 4 مواد بس لآني انا والي مسجلين 4 مواد ما نقدر نحذف لازم 12 ساعه اقل شي وكل ماده تحسب بـ 3 ساعات
اختبرنا مد تيرم .. والـ 12 كلنا مزفتين .. ابي اعرف ادارة الجامعه وعميد الكليه مخططين أنهم يحطمون الطلاب ومستقبلهم ..؟ مآ يدرون ان مآدة وحده بس تخسف بـ المعدل العام .؟

انا الي اقدر اقوله .. الله يحرمه عيآله الي كآن السبب لآني جبت درجه اول مره أجيبها بـ حيآتي كلهآ مع إني ذآكرت وحاولت أحل بس شقول

[feva qatar]

جامعة قطر في عداد المووووتى .. ماعندها غير الشكليات لكن ان جيت تبي تلقى شي فعلي مطبق فارض الوواقع ماتلقى غير الخرررررريط
لا مديرة تفهم شغلها وتحط لك شروط تعجيزية
ولا روءساء اقسام كفوو
ولا اقسام عدلة
كل شي فيها من العصر الحجري

[khalid Qtr]

أنا طالب في الجامعة

بصراحة بالنسبة للكلية اللي ادرس فيها الدكاترة اكثرهم معروفين وعلى مستوى

وكثير منهم متعاونين الى ابعد حد مع الطالب ، وبعضهم يلتزم بالمعايير الجامعية التي تعتبر صارمة نوعا ما بالنسبة لطلاب من مستوانا

اما بالنسبة للكليات الثانية ما اقدر احكم على الدكاترة بصراحة

اخوي ممكن تذكر المواقف اللي تعرضت لها عشان نحللها ونحكم عليها ..

[العقل المدمر]

بالنسبه للدكاتره
والله في منهم الزين وفي منهم الشين
مروا علي ناس يحبون ينصفون الطلاب كثر مايقدرون
ومروا علي وبالنسبه لي اقليه اللي يطلعون كل حرتهم فالطلاب
المشكله ان الطالب مب مسموع فالجامعه وان كان عنده شكوى ماعرف يقدمها حق من
عاد الخلل فالاداره او فينا مادري الصراحه
بس في دكاتره مظلومين حالهم حال الطلاب :(

[Bloom]

جامعة قهر

[سيكل]

في جامعة قطر يرفعون الحكمة التي تقول ( دعهم يقولوا ما يقولون .. ونحن نفعل ما نريد )ولذلك القرارات والترقيات والمكافآت كلها تمر من تحت الطاولة .. لكن الكل لايستطيع :secret:ففي الجامعة مجهزة ( 99 ) عصى وجزرة واحدة وليس العكس؟ والله لو في الكويت لشفتوا اشلون الطلبة او اعضاء التدريس والموظفين اشلون يغسلون شراع المسئولين في الجامعة :tease: