استفسار : أروح اليابان شرايكم..؟؟ [الأرشيف] - منتديات شبكة الأسهم القطرية

المساعد الشخصي الرقمي

مشاهدة النسخة كاملة : استفسار : أروح اليابان شرايكم..؟؟

Abo Ahmed

07-12-2011, 04:35 PM

شباب،

أفكر أروح اليابان، شرايكم؟ عندي إجازة من 22 إلى 26 ديسمبر.

تحياتي.

كازانوفا

07-12-2011, 05:40 PM

بظنك هل اليابان صارت مؤهله انها تستقبل الناس من بره من بعد الدماااااااار الشامل اللى حل عليهم

ولد العرب

07-12-2011, 05:43 PM

واحد من الشباب رح دورة يقول عندهم طبيعة واسواق فوق الممتاز بس اللي ملعوزه العنصرية فيهم على ذمة الراوي

Abo Ahmed

07-12-2011, 05:56 PM

بظنك هل اليابان صارت مؤهله انها تستقبل الناس من بره من بعد الدماااااااار الشامل اللى حل عليهم

ما عندي فكرة!

إن شاء الله الشباب يفيدوني.

تحياتي.

Abo Ahmed

07-12-2011, 05:59 PM

واحد من الشباب رح دورة يقول عندهم طبيعة واسواق فوق الممتاز بس اللي ملعوزه العنصرية فيهم على ذمة الراوي

الكل يمدح في اليابان. بس كلام ريفيجك عدل.

أنا أشتغل مع يابانيين و أعاني من هالشي.

تحياتي.

qatary 2022

07-12-2011, 07:12 PM

اليابان دولةراقية وشعب ودود رحلةموفقة وننتظرتفاصيلهاوصورهاعندعودتك

وطن

07-12-2011, 07:27 PM

اخوي اجازتك قصيرة وايد
ما تكفي حق اليابان

Abo Ahmed

08-12-2011, 12:43 PM

اليابان دولةراقية وشعب ودود رحلةموفقة وننتظرتفاصيلهاوصورهاعندعودتك

إذا قررت أروح، أبشر بعزك.

Abo Ahmed

08-12-2011, 12:46 PM

اخوي اجازتك قصيرة وايد
ما تكفي حق اليابان

أدري إنها قصيرة على اليابان!

أنا رحت من قبل على تايلاند، كوريا، سنغافورة، وماليزيا.

أوروبا جوها بارد الحين!

عندك إقتراح لدولة ثانية ما تكون باردة؟

تحياتي.

OM_OMAR_QATAR

08-12-2011, 01:58 PM

انت لوحدك اخوي؟؟
بالنسبة لليابان فالخراب صار باجزاء منها حتى لو كبرت بس مو في كلها اشوف اربع ايام ماتسوى على اليابان

شرايك تروح جزيرة ؟؟
المالديف او سيشل او موريشوس ,, افضل وقت الحين لهم خصوصا المالديف يكفيها 4 ايام
طبعا ان كنت مع رفقة

اما ان لوحدك اقترح لك مالطا :)

Abo Ahmed

08-12-2011, 04:05 PM

إنسٌان بسِيط

08-12-2011, 07:41 PM

انا سافرت إلى اليابان في شهر 2 تقريباً لسنه 2011 ... إلى منطقه اسمها يوكوهاما .. زيارة لمدة اسبوع

الملاحظات ... انهم لا يتكلمون الانجليزي بنسبه 95% .. لدرجه اني في المطار ما حصلت من يتكلم انجليزي
الجوء بارد جداً .....

الاسعار غاليه ...

حتى الاشياء الالكترونيه نادر ماتحصل صناعه يبانيه ... للآسف ..

بالعكس بخصوص الشعب اليباني في حاله والدولة آمنه وكل إنسان في حاله ..

والملاحظه ان الوجبات الحلال نادره على حسب المنطقه اللي انت فيها إذا كنت تعرف انجليزي بشكل متقدم راح تعرف مكونات المنتج .. لان انتشار الخمر ودهن الخنزير في كثير من اصناف الاطعمه عندهم

وآتمنى أن افدتك والله يحفظك من كل شر ...

ماجد

09-12-2011, 10:16 AM

اذا انت مكنسل اوروبا لانها باردة فانت غلطان اليابان دولة شمالية وباردة

جدا في ديسمبر اذا تبي تروح لها ومعزم انصحك ماتروح الا من شهر خمسه

وانت طالع

وحيد-الشوق

09-12-2011, 06:28 PM

اسطنبول او تركيا بشكل عام

المانيا حلوة لكن برد هالوقت

وافضل الخيارات مكة المكرمة والمدينة المنورة هالوقت عجيييب

abu ali1

09-12-2011, 11:21 PM

الجو وايد بارد في اليابان في هذا الوقت .... عندنا وفد ياباني واصل من يومين ويقولون انه درجة الحراره في الليل يوصل 2 او 1 .....
بس اليابان وايد حلوة .... انا ناوي اروحلها شهر 4 باذن الله ....

تحداني

09-12-2011, 11:33 PM

اخوي اجازتك قصيرة وايد
ما تكفي حق اليابان

اتفق معاج

شرايك تروح جزيرة ؟؟
المالديف او سيشل او موريشوس ,, افضل وقت الحين لهم خصوصا المالديف يكفيها 4 ايام
طبعا ان كنت مع رفقة

اما ان لوحدك اقترح لك مالطا :)

هالاماكن خياليه .. وحلوه وايد

اشرايك في .. تركيا .. لبنان .. مغرب ..
اليونان

هالاماكن جميله جدا

جملك الله برضاه

mrs.spoon

11-12-2011, 08:13 PM

عن تجربتي اليابان دوله راقيه وشعبها طيب وراقي وخلوق ويحاول كثر مايقدر يساعدك، بس مايغرفون انجليزي وايد والصراحه تجربه حلوه اذا بتروح اليابان وفي منطقه اسمها اوديبه وايد حلوه اسواق وممشى ، نصيحه اليابان روحها بس مادري بالنسبة للأوضاع الحين.

qatari911

12-12-2011, 01:22 PM

اخوي روح لليابان وانت مرتاح
اولا شعب راقي
وخدوم
طوكيو حلوه وديزني لاند طوكيو حلوه
وعندك مدينة اوساكو حلوه
اسبوع ماتكفيك بس تقدر تكتشف اليابان على السريع
انا كنت بروح شهر 9 بس ظروف خاصه صادتني فأجلت واذا الله احياني بروح على شهر 1 او 2

Abo Ahmed

12-12-2011, 01:38 PM

ما زلت أفكر بالموضوع.. سألت اليابانيين إلي معاي في الشغل وقالولي البرد شديد هاي السنة!

كازانوفا

13-12-2011, 12:10 PM

ما زلت أفكر بالموضوع.. سألت اليابانيين إلي معاي في الشغل وقالولي البرد شديد هاي السنة!

يعني سالت وجاوبت انت من نفسك :nice:

OM_OMAR_QATAR

13-12-2011, 02:29 PM

مالطا ..... تجربة جديدة ووايد حلوة ...

فيها تمشي وبلدة الها تاريخها واصولها العربية ورح تتفاجأ منها
جزيرة بنص البحر كلها تلفها باربع ايام
فيها من ايطاليا من اسبانيا من المغرب وتونس خليط جميل جدا

وفيها اكيد نشاطات اخرى ويخت وهالامور

امازون يابان

27-12-2011, 04:48 PM

انا مخطط اروح ولكن البلاد وايد غالية. 60 دقيقة تاكسي يكلفك الف ريال تبذير كبير.
قلت اركب القطار بس خايف اضيع او معرف اتصرف اهناك ، انا اش عرفني في القطارات ولا عمري ركبت واحد. :*(
و بعد خمسين الف حق 12 يوم في الاوتيل موت غالي. في امريكا فنادق خمس نجوم بالزور يوصل عشرين الف.

انا مادري خايف الله يحاسبني على هاي الرحله و ايد مصاريف يمكن الفقاره اولا فيها.... والله مادري بس ابي اروح ابي اتسوق و استانس هناك.

انا حلمان ان عندنا طابق رابع في البيت ركبته و احصل غرفه واسعة و حلوه و نصفها جامه اطل على الدوحة و الدوحة مدينه كبيره و متحظره، باختصار المنظر كان وايد جميل و انا اقول في الحلم كل هاي موجود و انا توني داري عنه؟!
بعدها بكم سنة و انا اجيك على فنادق في النت حصلت على احدى الفنادق الكبيره في توكيو و كان غرفته البريمير هي نفس الغرفه الي جفتها في المنام و الظاهر ان المدينة الي جفتها ما كانت الدوحة بل توكيو.

بلادهم راقيه و متحظره و سوقهم خيالي انا اش مقعدني اهني او حتى ليش اسافر اي بلاد غير اليابان. راح اقعد في الفندق و اشتري من امازون الياباني و انا اتفرج على المدينة في غرفتي في الطابق العشرين او جنه اعلى. .3>