تستاهلون يا أهل قطر وشكر الله سعي الحكومة

[ثابت]

خبر رائع كلية الدراسات اﻻسلامية في قطر
Faculty of islamic studies
اﻻصالة والمعاصرة طريق جديد للحضارة
. ماجستير اﻻداب في الدراسات اﻻسلامية تخصص:
الفقة المعاصر.
مقارنة اﻻديان.
.ماجستير اﻻداب في السياسة العامة في اﻻسلام
.ماجستير العلوم في التمويل اﻻسلامي
.ماجستير العلوم في التصميم الحضري والعمارة في المجتمعات المسلمة المعاصرة
.ماجستير اﻻداب في دراسة المجتمعات المسلمة المعاصرة
.دبلوم الدراسات العليا في:
1- التمويل اﻻسلامي
2-الدراسات اﻻسلامية العامة
3-السياسة العامة في اﻻسلام
.برامج تنفيذية وخاصة

وسوف يكون هناك مفكرين وعلماء وخبراء ومدرسين على مستوى راقي جدا
الله يعز حكومتنا الرشيدة على هذي البادرة الرائعة و ان شاء الله يتخرجون منها علماء يفيدون هذا البلد والمجتمعات اﻻسلامية

وهذا موقع الكلية
http://www.qfis.edu.qa/output/Page162.asp

[Best Man]

بدايه الخير

يعطيك العافيه ثابت والله يثبتنا وياك على دين محمد

[ثابت]

بدايه الخير

يعطيك العافيه ثابت والله يثبتنا وياك على دين محمد

أمين وجزاك الله خير

[missperfect]

بارك الله فيك وعساك ع القوة يارب

[ثابت]

وهذي صورة لمبنى كلية الدراسات الاسلامية

http://www.myeducationcity.com/files/blogs/preview/mosque.jpg

[ثابت]

بارك الله فيك وعساك ع القوة يارب

جزاك الله خير

[Q-tr]

هالكلية فاتحة من زمان وفيها طلاب وشخصيات رفيعة المستوى يدرسون فيها,,, ومبناهم في مبنى قطر فاونديشن نفسة ( الجسؤ الأكاديمي),,, اما الصورة اللي فوق اول مره اشوفها اعتقد بيكون المبنى الجديد هذا والله اعلم,,, بس الصعب فيها لازم المعدل ماينزل تحت 3 واذا نزل انذار,,, وقبولها كأي قبول للماستر يعني الايلست وغيره من المتطلبات المعروفة
الله يوفق كل من يدرس فيها,,,

واللي يدرس هناك اتمنى يذكر اسم التخصص والمواد ومدى صعوبة الجامعة,,, وهل الطالب بعد مايتخرج يقدر يكمل دكتوراة؟ علماً بأن هالكلية بس في قطر وتأسست في قطر مش معروفة في باقي الجامعات...

[كنترول]

بنين ولا بنات ولا مختلط ولا انتساب
اللي يعرف يوضح الله يجزاكم خير

[أم حمد]

مشاءالله

[دااانة قطر]

ياااليت تفيدونا بمعلوماات أكثر


وجزااكم الله خير
والقاائمين عليه

[كازانوفا]

ياريت يكون لي نصيب فيها واكمل دراستي الجامعيه ان شالله

[مخطط قطري]

انا قدمت فيها بس لاسف المبلغ غالي جداااا وغير هذا اطلبو مني امتحان لغه العربيه والايلس وطلبو التوفل 5 ونص وهي عباره عن 60 ساعه دراسه تقدر تخلصه باسنتين اذا تاخذ حسب الخطة 15 ساعه في كورس الواحد وتدفع على كل كورس 62000 يعني 62000 ضرب 4ركورسات= 248000
ريال قطري طبعا هذا الكلام في سنة 2008 ميلادي والدوام من الساعه 4 الى 7 مساء بس لاسف في عوائق":(

[تحداني]

المبني رااائع .. وخيالي .. ويستحقون اهل الدراسات الاسلاميه اكثر من ذلك
اما عن كليه الدراسات الاسلاميه بالفعل موجوده من زمان .. وخرجت دفعه واحده او دفعتين
وبها من كل المستويات

شروط الالتحاق في بداياتها لم تكن صعبه والى الان اعتبرها معقوله
عنصر اللغه ضروري .. من اجل اكمال مسيره الدراسه
والمعدل سبحان الله لا ينزل بسهوله من شده تمكن الطالب بالماده والكادر التدريسي جميل ..

لكن هناك سؤال مهم مازال عالق في ذهني
هذه الكليه .. اي كليه الدراسات الاسلاميه .. هي فرع من اي كليه ؟؟ بمعنى هل هي امتداد لاحد الكليات العالميه ..؟؟ ام كيان منفصل بذاته ولا توجد له اي مركزيه سوى مركزيتها الحاليه ؟


جملكم الله برضاه

[G0LD]

الطريق السليم

جزاك الله خير

[Q-tr]

انا قدمت فيها بس لاسف المبلغ غالي جداااا وغير هذا اطلبو مني امتحان لغه العربيه والايلس وطلبو التوفل 5 ونص وهي عباره عن 60 ساعه دراسه تقدر تخلصه باسنتين اذا تاخذ حسب الخطة 15 ساعه في كورس الواحد وتدفع على كل كورس 62000 يعني 62000 ضرب 4ركورسات= 248000
ريال قطري طبعا هذا الكلام في سنة 2008 ميلادي والدوام من الساعه 4 الى 7 مساء بس لاسف في عوائق":(


أخوي مخطط قطري,,, اذا كانت تقديرك جيد واعلى تقدر تاخذ بعثة سواء عن طريق هيئة التعليم,,, او عن طريق الكلية نفسها

[غايه الطواش]

بالنسبه لي قدمت فيها واجتزت امتحان القبول وتم اعفائي من التوفل والايلتس والرسوم ....
بس ماكملت لان تخصصي غير وماكان مفتوح لي غير الفاينانس وانا ماحبه ..
؟؟ بس بليز لاحد يسالني ليش
بس هالكلام سنه 2009

[ريم المدينة]

في شنو بتفيد الدولة هالتخصصات؟

[h_qatar]

بسم الله الرحمن الرحيم

الجامعة مختلطة.

للأسف قدمت عليهم يمكن 3 مرات. معدلي التخرج 3.9 و الأولى على دفعتي-متخرجة من المدينة التعليمية- التوفل 627

للأسف ما سمعت منهم أي رد. رحت لهم قلت يمكن أوراقي ما توصل أو تضيع بس بعد بحث الموظفة في الملفات الجديدة و القديمة طلعت موجودة عندهم!!

مع أن صديقتي بنفس التخصص و المستوى، معدلها أقل بعد و قابلينها!؟

الحمدلله عى كل حال.

لكن هل هناك تخبط أو عشوائية في القبول؟

[ريم المدينة]

هناك وااو

[تحداني]

بسم الله الرحمن الرحيم

الجامعة مختلطة.

للأسف قدمت عليهم يمكن 3 مرات. معدلي التخرج 3.9 و الأولى على دفعتي-متخرجة من المدينة التعليمية- التوفل 627

للأسف ما سمعت منهم أي رد. رحت لهم قلت يمكن أوراقي ما توصل أو تضيع بس بعد بحث الموظفة في الملفات الجديدة و القديمة طلعت موجودة عندهم!!

مع أن صديقتي بنفس التخصص و المستوى، معدلها أقل بعد و قابلينها!؟

الحمدلله عى كل حال.

لكن هل هناك تخبط أو عشوائية في القبول؟




ما شاء الله تبارك الرحمن
اختي اكيد في لبس في الموضوع او سوء فهم .. استوقفتني مشاركتج وايد
اذا ودج باي مساعده انا تحت امرج


جملك الله برضاه


هناك وااو



لا ما اعتقد في واو ولا حتى نون سيدتي الكريمه
في شي غير واضح او حصل خطأ جل من لايسهو ومن لا يخطأ


خلينا نشوف رد اختنا الفاضله

جملك الله برضاه

[wadha-qa]

خاطري اكمل فيها ماستر
معدل التخرج من جامعه قطر جيد جدا بس ماقدرت اجيب 5ونص في الايلز :(
شلون اقدم على بعثه عن طريقهم ؟؟

[تحداني]

wadha-qa
:) عندي صور جديده لج ان شاء الله في الطريق .. استعدوا اصدقاء الديكور والاثاث هناك



الــ 5 .5 .. ماهي صعبه وايد صدقيني راح تقدرين اتجيبينها ان شاء الله
والحمد لله تقديرج حلو .. اما عن البعثه .. يمكنك الحصول عليه عن طريق هيئه التعليم العالي
ان كنتي قطريه .. والدوام راح يكون في الفتره المسائيه ..


جملك الله برضاه

[OM_OMAR_QATAR]

ان شاء الله من زين لأزين وعمار ياقطر

[GCC]

جميل جدا

والله يوفق الجميع

[زايدي]

نتمنا أن يكون منهاج هذه الكلية سلفي لا أشعري ولا عصراني

[جالكسي اس]

الله يوفق الجميع

[مواطن صالح]

عساهم على القوة إن شاء الله

[القحطاني505]

نتمنا أن يكون منهاج هذه الكلية سلفي لا أشعري ولا عصراني

:nice:

[بصمة قطرية]

الله يوفق الجميع ~
يعطيكم العافية ~

[المدريدي]

جزاك الله خير على هذا الخبر

واتمنى اكمل دراستي الجامعية بس ما اعرف شلون اجيب التفرغ هل من مساعد ؟

[saif]

انا معدلي في البكالوريوس مقبول من جامعة بيروت بس عندي خبره ١٥ سنه شغل ، مدري فيه فرصه انهم يقبلون ؟

[مهرة]

يعطيك العافيه على هالخبر وياريت يخفووون اشويه من متطلباتهم وشروطهم الي مالها داعي في التخصصات ويحاولوون يسهلووون على الطلبه القطريين ,, وبعدين ليش مافيها بكالوريوس؟؟؟ يعني من كثرنا ولا من كثر محبي الدراسات الأسلاميه مصعبين ومعقدين السالفه.. اتقو الله فينا ..

وان شاءالله يوفقكم ويحقق مرادكم وكل من له خاطر يكمل دراسته ..

[qatari 111]

المشكله في هالكليه يبغون شهادة البكالوريوس .. يعني خريج الثانويه ما لهم حظ فيها ..

واتمنى يفتحون مجال طلاب خريجي الثانويه
ويعطيك العافيه اخوي الثابت عالخبر الطيب

[بو نايف]

توفل 550

صعبه علينا وحنا درسنا البكالوريوس باللغه العربيه ،،

[تحداني]

جزاك الله خير على هذا الخبر

واتمنى اكمل دراستي الجامعية بس ما اعرف شلون اجيب التفرغ هل من مساعد ؟



حتى ان لم تحصل على التفرغ اخي الفاضل فلا اعتقد ان هذا يعتبر عائق للدراسه
لان الدوام سيكون في الفتره المسائية ..


جملك الله برضاه

[السندان]

جزاك الله خير

[ابوسعود]

ماشاء الله

الله يزيد ويبارك

[مريومة]

الدراسة في الكلية ممتعة ..

لان طلب العلم بحد ذاته متعة ..

كل التخصصات تطلب الايلز 6 والتوفل 550

ماعدا تخصص الفقه لخريجي جامعة قطر كلية الشريعة فالتوفل المطلوب هو 500

بالنسبة للغة العربية اذا الشخص متمكن من لغته يقدر يقدم امتحان لغة عربية على طول

والنجاح من 80% وما يحتاج يدرس عربي 3 شهور عندهم

انصح الموظف اللي بيدرس عندهم ما ياخذ اكثر من مقررين في الفصل

صحيح الدراسة ممتعة لكنها تحتاج جهد ووقت وتفرغ ذهني وجسدي نوعا ما

بالنسبة للي يبون منحة او بعثة يتواصل مع قسم القبول مباشرة بيقولون له الطريقة شلون

في بعض التخصصات ما يقبلون فيها الا خريج بكالوريوس له نفس التخصص او قريب منه

والبعض الاخرى ممكن اي تخصص مثل ماجستيري السياسة العامة والمجتمعات المعاصرة

دبلوم الدراسات الاسلامية تخصص رائع

شرط استمرار المنحة او البعثة ان لا ينزل المعدل عن 3 من 4

تمنياتي لكم بالتوفيق

والله المستعان

[مريومة]

نقطة اخيرة

اللي ما قدر يجيب الايلز او التوفل .. ولله الحمد والمنة

قدرت احصل على درجة الايلز من شهر دراسة فقط عند المدرسة ميلان

اهم شي اتكون جيد في الانجليز .. وما تحتاج الا لتكنيك حل الامتحان

وبالتوفيق :)

[بوصلووح]

في شنو بتفيد الدولة هالتخصصات؟

سؤال وجيه

اعتقد ان هالتخصصات تفيد الدولة في أكثر من مجال

مثلاً مجال البنوك الإسلامية

و مجال الاستثمار , خاصةً أن احنا في الدول الإسلامية محتاجين جداً لأسلمت مثل هذي المجالات و تمحيصها من الربا و الرشاوي و غيرها من المعاملات الي نهانا عنها الله عز و جل

عشان الله يبارك لنا في أموالنا بتحرينا الحلال

و أيضاً هالتخصصات تفيد الدولة عن طريق وزارة الأوقاف
من خطباء الجمع , و المفتيين , و الباحثين و مؤلفين الكتب

و في القطاع الخاص مثل موظفين الجمعيات و المؤسسات الخيرية

و أكثر أكيد بس هذا الي يحضرني

و كفاية ان فيه نشر للدين و العلم الشرعي المؤصل ...

[ابوالكلام]

انشاء الله تكون الدوحة منارة للاسلام