المكتب الهندسي الخاص vs شركة استاد

[حقــبان]

السلام عليكم ورحمة الله و بركاته


الاعضاء الاعزاء :

ايهما افضل المكتب الهندسي الخاص التابع للديوان او شركة استاد التابعه لقطر للبترول
من ناحية:

المميزات
البدلات
الراتب
ساعات الدوام
المستقبل الوظيفي
التطوير الوطيفي
التدرج الوظيفي

[Grnas]

المكتب الهندسي الخاص الكادر ضمن الموارد البشرية التابع للامانه العامه لمجلس الوزراء وجدول رواتبهم ضمن فئة الجهات التشغيلة وليست مثل الوزارات الأخرى اشرافية (فرق الراتب فقط 4000 أول أقل مابين الدرجات)

استاد على ما أظن ضمن كادر مؤسسة قطر او مؤسسة قطر للبترول.

[مخطط قطري]

انت ايش ترغب فيه انا اشوف انك تروح مكان وتكون قريب من الادارة العليا يعني الهندسي الخاص

[الألماسي]

استاد الأفضل بكل تأكيد . .
تم تشكيل " استاد " كشراكه استراتيجيّه مع قطر فاونديشن عام 2009 تقريباً و توفر لمؤسسه قطر خدمات اداره المشاريع للبنى التحتيّه المعقده و المناطق التابعه لقطر فاونديشن . . الرواتب منطقياً نفس رواتب قطر للبترول.

[مخطط قطري]

المكتب الهندسي الخاص
عندهم علاوات اضافيه مثل
50% من الراتب الاساسي علاوه تشجيعيه
40% من الراتب الاساسي عمل اضافي
بدل اشراف على المشاريع ويعتمد على حجم المشروع وقيمتة
اضف الي ذلك لهم بدل تذاكر
وهم تحت الكادر التشغيلي لقانون الموارد البشريه رقم 12 لسنه 2009
وسمعت ويليت حد ياكد لنا هلمعلومه انهم مثل موظفين الديوان بنسبه لهبات الريح الي تنعطا لهم كل 3 او 4 شهور
شركه استاد هذي حق مشاريع كيو بي اعتقد يسرى عليها نظام كيوبي من حيث سلم الدرجات والراتب
بس خلني اليوم اتاكد لك من نسبه الشيرنغ اذا الشركه كيو بي 100% هولدنغ ولا معاها شركاء ونسبتها اقل لانه اذا معاها شركاء ممكن يكون كل شي غير من حيث الراتب وغيره

[قناصه]

المكتب الهندسي الخاص
عندهم علاوات اضافيه مثل
50% من الراتب الاساسي علاوه تشجيعيه صح
40% من الراتب الاساسي عمل اضافي لايوجد
بدل اشراف على المشاريع ويعتمد على حجم المشروع وقيمتة
اضف الي ذلك لهم بدل تذاكر لايوجد
وهم تحت الكادر التشغيلي لقانون الموارد البشريه رقم 12 لسنه 2009
وسمعت ويليت حد ياكد لنا هلمعلومه انهم مثل موظفين الديوان بنسبه لهبات الريح الي تنعطا لهم كل 3 او 4 شهور لا
شركه استاد هذي حق مشاريع كيو بي اعتقد يسرى عليها نظام كيوبي من حيث سلم الدرجات والراتب
بس خلني اليوم اتاكد لك من نسبه الشيرنغ اذا الشركه كيو بي 100% هولدنغ ولا معاها شركاء ونسبتها اقل لانه اذا معاها شركاء ممكن يكون كل شي غير من حيث الراتب وغيره


اخوي شوف تعليقي بالاحمر والاخضر على النقاط اللي ذكرتها


من وجهة نظري استاد افضل

[قناصه]

السلام عليكم ورحمة الله و بركاته


الاعضاء الاعزاء :

ايهما افضل المكتب الهندسي الخاص التابع للديوان او شركة استاد التابعه لقطر للبترول
من ناحية:

المميزات
البدلات
الراتب
ساعات الدوام
المستقبل الوظيفي
التطوير الوطيفي
التدرج الوظيفي

المميزات (تامين صحي - بدل تعليم للابناء )
البدلات العلاوه التشجيعيه 50% من الاساسي
الراتب على حسب الدرجه
ساعات الدوام 7 - 2
المستقبل الوظيفي جيد ويعتمد على اجتهاد الموظف
التطوير الوطيفي جيد نوعا ما بس صعبه جدا انك تقدم على كورس او دوره تدريبيه
التدرج الوظيفي درجات الديوان تختلف عن الوزارات ( يعني اذا كنت جامعي حامل للبكالوريوس تتوظف على الدرجه التاسعه) و كل 3 سنوات درجه

من وجهة نظري اذا كنت في بداية مشوارك المهني ... افضل انك تروح استاد لان فيها خبرات وتطوير

وبالتوفيق

[حقــبان]

الاخت القناصه :
هل التامين الصحي يشمل الابناء في المكتب الهندسي

هل يصل الراتب في حدود الثلاثين او اقل مع العلم ان عندي خبره 3سنين ونص تقريبا

انا سمعت ان فيه بدل اجازه صيفيه

وهناك بدل للعيد ورمضان

[المحقق كونان]

الديوان والمكتب الهندسي الخاص ومجلس الوزراء

الراتب على حسب الدرجة
علاوة تشجيعية 50% من الراتب الاساسي
مساعدات في رمضان لكل الموظفين
ممكن تحصل على دورات

[مخطط قطري]

الديوان والمكتب الهندسي الخاص ومجلس الوزراء

الراتب على حسب الدرجة
علاوة تشجيعية 50% من الراتب الاساسي
مساعدات في رمضان لكل الموظفينممكن تحصل على دورات

بس القناصه تقولك لا مافي هالشي المساعدات وهي الي انا قصدتها بهبات الريح!!

[طموحة]

شركة استاد التابعه لقطر للبترول
وين تقديم التوظيف بها ..؟

[khaldoon]

المميزات (تامين صحي - بدل تعليم للابناء )
البدلات العلاوه التشجيعيه 50% من الاساسي
الراتب على حسب الدرجه
ساعات الدوام 7 - 2
المستقبل الوظيفي جيد ويعتمد على اجتهاد الموظف
التطوير الوطيفي جيد نوعا ما بس صعبه جدا انك تقدم على كورس او دوره تدريبيه
التدرج الوظيفي درجات الديوان تختلف عن الوزارات ( يعني اذا كنت جامعي حامل للبكالوريوس تتوظف على الدرجه التاسعه) و كل 3 سنوات درجه

من وجهة نظري اذا كنت في بداية مشوارك المهني ... افضل انك تروح استاد لان فيها خبرات وتطوير

وبالتوفيق

اختي القناصة هل شركة استاد راح تحل مكان شركة كيو كونسولتانت في كل مشاريع قطر فاونديشن مستقبلا؟

ايش الجنسيات المسموح انضمامها لشركة استاد ؟

جزاكي الله كل خير

[غايه الطواش]

المكتب الهندسي الخاص
عندهم علاوات اضافيه مثل
50% من الراتب الاساسي علاوه تشجيعيه
40% من الراتب الاساسي عمل اضافي
بدل اشراف على المشاريع ويعتمد على حجم المشروع وقيمتة
اضف الي ذلك لهم بدل تذاكر
وهم تحت الكادر التشغيلي لقانون الموارد البشريه رقم 12 لسنه 2009
وسمعت ويليت حد ياكد لنا هلمعلومه انهم مثل موظفين الديوان بنسبه لهبات الريح الي تنعطا لهم كل 3 او 4 شهور
شركه استاد هذي حق مشاريع كيو بي اعتقد يسرى عليها نظام كيوبي من حيث سلم الدرجات والراتب
بس خلني اليوم اتاكد لك من نسبه الشيرنغ اذا الشركه كيو بي 100% هولدنغ ولا معاها شركاء ونسبتها اقل لانه اذا معاها شركاء ممكن يكون كل شي غير من حيث الراتب وغيره

اخوي الكريم
استاد شراكه بين قطر فاونديشن وقطر للبترول ...
بالنسبه لشركه استاد
الدوام من سبع ونص لين ثلاث ونص بس اغلب الموظفين يتمون بسبب ضغط الشغل؟؟؟
بخصوص الامتيازات ..

بدل تعليم للابناء
تامين صحي ..
بالاضافه الى بعض علاوات موجوده في قانون الموارد البشريه التابع لكيو بي
ولهم بعض التسهيلات الي تقدم لموظفين قطر فاونديشن من حيث تواجدهم بامكان ..
مكانهم البورتاكابن رقم سبعه قريب من اداره مشاريع الرئيسيه التابعه لقطر فاونديشن


اخوي خلدون شركة كيو كونسولتانت
مو كل المشاريع هي مشرفه عليها

في كذا شركه كونسلتانت

وهي تختلف من حيث مشاريع ادراه المشاريع الرئيسيه او مشاريع اداره التسهيلا ت

اخوي انا افضل انك تقدم في استاد

يعني باختصار استاد متخصصه في مشاريع اداره المشاريع الرئيسيه وليست كل المشاريع

[khaldoon]

اخوي الكريم
استاد شراكه بين قطر فاونديشن وقطر للبترول ...
بالنسبه لشركه استاد
الدوام من سبع ونص لين ثلاث ونص بس اغلب الموظفين يتمون بسبب ضغط الشغل؟؟؟
بخصوص الامتيازات ..

بدل تعليم للابناء
تامين صحي ..
بالاضافه الى بعض علاوات موجوده في قانون الموارد البشريه التابع لكيو بي
ولهم بعض التسهيلات الي تقدم لموظفين قطر فاونديشن من حيث تواجدهم بامكان ..
مكانهم البورتاكابن رقم سبعه قريب من اداره مشاريع الرئيسيه التابعه لقطر فاونديشن


اخوي خلدون شركة كيو كونسولتانت
مو كل المشاريع هي مشرفه عليها

في كذا شركه كونسلتانت

صحيح كلامج ...يعني هي خف شغلها عند قطر فانوديشن تدريجيا و اللي اعرفه و متأكد منه انه اللي يشتغل في كيو ممنوع يشتغل في استاد مباشرة لو طلع من كيو

وهي تختلف من حيث مشاريع ادراه المشاريع الرئيسيه او مشاريع اداره التسهيلا ت

اخوي انا افضل انك تقدم في استاد

يعني باختصار استاد متخصصه في مشاريع اداره المشاريع الرئيسيه وليست كل المشاريع

هل كل الجنسيات مسموحة ؟

وين مكانهم نقدم لهم؟

هل هو....البورتاكابن رقم سبعه قريب من اداره مشاريع الرئيسيه التابعه لقطر فاونديشن؟



موضوع ساعات الدوام ما يهمني...مستعد ان شاء الله اشتغل اكثر من الساعات الملطولبة لاني متوعد و شغلنا ما فيه اصلا اوفر تايم

جزاكي الله كل خير

[حقــبان]

مكان استاد ف برج البترول مقابل ستي سنتر

ساعات الدوام من 6 ونص لين 2 ونص

التقديم لازم عن طريق موقع كيو بي لان الموقع يعطيك رقم الابليكيشن

[khaldoon]

مكان استاد ف برج البترول مقابل ستي سنتر

ساعات الدوام من 6 ونص لين 2 ونص

التقديم لازم عن طريق موقع كيو بي لان الموقع يعطيك رقم الابليكيشن

بارك الله فيك و كل الشكر و التقدير على الموضوع

انا اعرف رواتب استاد فوق الممتازة

بالتوفيق ان شاء الله

[حقــبان]

بارك الله فيك و كل الشكر و التقدير على الموضوع

انا اعرف رواتب استاد فوق الممتازة

بالتوفيق ان شاء الله

اجمعين

[غايه الطواش]

هل كل الجنسيات مسموحة ؟

وين مكانهم نقدم لهم؟

هل هو....البورتاكابن رقم سبعه قريب من اداره مشاريع الرئيسيه التابعه لقطر فاونديشن؟



موضوع ساعات الدوام ما يهمني...مستعد ان شاء الله اشتغل اكثر من الساعات الملطولبة لاني متوعد و شغلنا ما فيه اصلا اوفر تايم

جزاكي الله كل خير

هلا اخوي
انا شفت عندهم جنسيات احنبيه وعربيه
والي اعرفه انهم في بورتاكبن سبعه مثل ماقلت

[khaldoon]

هلا اخوي
انا شفت عندهم جنسيات احنبيه وعربيه
والي اعرفه انهم في بورتاكبن سبعه مثل ماقلت

بارك الله فيكي :nice:

[المحقق كونان]

بس القناصه تقولك لا مافي هالشي المساعدات وهي الي انا قصدتها بهبات الريح!!

موجوده المساعدات

[حقــبان]

اراء اخرى

[حقــبان]

من منهم الاريح كبيئه عمل ؟؟؟

[قناصه]

الاخت القناصه :
هل التامين الصحي يشمل الابناء في المكتب الهندسي

هل يصل الراتب في حدود الثلاثين او اقل مع العلم ان عندي خبره 3سنين ونص تقريبا

انا سمعت ان فيه بدل اجازه صيفيه

وهناك بدل للعيد ورمضان

اعتذر عن التاخير في الرد

التأمين الصحي يشمل الابناء

خبرتك هل كانت في قطاع خاص او حكومي ... (اذا حكومي راح يحسبون لك سنوات الخبره - والراتب فوق ال30 في الحالتين )


في بدل اجازه ... راتب شهر

وفي شرهات بس بسيطه في رمضان والعيد

[حقــبان]

تسلمين مشكوره بيض الله وجهج

[Amal_QTR]

انا شخصيا ما اايد الشركات الجديده
و استاذ شركه جديده
و فيها تخبط كثير
و سمعت احتمال تنفصل عن الشركه الام
يعني لا تتوقع انك رايح شي على مستوى قطر للبترول .. ابدا


بالنسبه للمكتب الهندسي الخاص
يعتمد من تعرف هناك ..
لان ممكن يضبطونك و توصل بسرعه
و ممكن تكون اسفل القاع
بس تجيهم هبات في كل عيد
و دوام مريح
و طبعا هم سلطه قويه لانهم ينفذون مشاريع الامير


اذا عندك لغه و خبره .. انصحك ابعد عن الثنتين و روح يا قطر للبترول .. راس غاز ولا قطر غاز .. ميرسك .. دولفن .. اي من شركات البترول .. شركات على اساس قوي و عندهم نظام

[مخطط قطري]

موجوده المساعدات

ادري يالشيخ انها موجوده وتنعطي اكثر من مره في السنه بس استغربت من تعليق القناصه انه مافيه وتاكدت اليوم من شخص يشتغل هناك وماسك بوزشن عالي وقالي نعم توصلنا:)
وقلت له يمكن تنعطى لناس وناس لا
قالي كل موظف قطري يشتغل له:)

[بوحارب]

كيف اقدم في المكتب الهندسي الخاص :pioneer:مع العلم خبرتي ميكانيكا يعني زين حق المشاريع >>>> على كيفه الأخ:unsure: