وظيفة

[mariam_88]

السلام عليكم ورحمة الله وبركاتة
انا محتارة فالمكان اللي بشتغل فيه شالامكان اللي تنصحوني بها
يعني مكان براتب ممتاز و شغل يكون اوكي ومريح؟
انا جاتني عروض كثيرة بس والله من الحيرة ما عرفت اقرر اذا اي اروح ولا لا!
والسبب اني ما اعرف شي عنهم
عندكم مثلا اسباير خيروني فالشغل بين اسبيتار والمركز الرئيسي او الاكاديمية وكلموني بعد اي سي تي كيو ( المجلس الاعلى للاتصالات) وشركة اشغال وغيرهم ....
بس انا كنت حاطة فخاطري شركات الغاز والبترول لان مدخولهم ممتاز (غير ان نص العيلة مناك ^_^) و غير انه يخدم اللي تعلمته بحكم اني مهندسة كمبيوتر وبتخرج اخر الكورس اقن شاءالله

ها شرايكم؟؟؟
ارائكم جدا تهمني ويعطيكم الف الف عافيه

[البدع]

مبروك اختي

اتسائل وين الي يقول قطر مافيها وظائف ... وينهم

الحمدلله في وظائف في قطر

بس الغاز التوظيف فيها صعبة لان المحسوبية شغالة عندهم

البترول او امسعيدي ممكن

ولو كنت مكانك كنت بختصار الاتصالات

[(بوطلال)]

اختي اذا بتتحملين الدوام الطويل فالمستقبل لشركات الغاز والبترول.


بس ممكن سؤال برا الموضوع : تخصص هندسة الكمبيوتر موجود في قطر او الدراسه لازم فالخارج . وشلون الدراسه سهله او صعبه وكم سنه؟

[شبح الصمت]

الله يوفقج اختي لما يحب ويرضى

كل مكان ذكرتيه بس انتي استخيري

الاستخاره زينه

ونشدي الي حواليج في البترول اشلونهم مرتاحين

وعن الاسبيتار اتوقع دوامهم حلو ومكان زين وتعامله من موظفين ومدراء

ولا به قصور على باقي الوزارات

ولكن الافضل لج الاستخاره

والله يوفقج ويوفق الي ما توظفوا لين الحين

[الخزرجي قطر]

احسن حل صلاة الاستخاره الله يوفقك ويوفق الجميع ان شاالله

[الصغيره]

الصراحه جلست بصالة انتظار باحد المراكز الصحيه وجلست جنبي احدى المنقبات لغتها العربيه مكسره
سالتني عن ا لمركز الصحي وجاوبتها وتبادلنا الحديث قلت هل انتي قطريه
ردت لا باكستانيه
ومن الحديث عرفت انها تعمل بجهه حكوميه مدخل معلومات وهي تخصصصصصص نظم معلومات

ياترى كم قطريه تخصص نظم معلومات ولا لقت وظيفه

ارجوكم لاحد يقول لي وين تشتغل لان هذا قطع ارزاق

[Best Man]

مبروك اختي

اتسائل وين الي يقول قطر مافيها وظائف ... وينهم

الحمدلله في وظائف في قطر

بس الغاز التوظيف فيها صعبة لان المحسوبية شغالة عندهم

البترول او امسعيدي ممكن

ولو كنت مكانك كنت بختصار الاتصالات

مانقدر نحكم اذا وحده حصلت وظيفه يعني قطر فيها وظايف اهي فعلا فيها وظايف

لكن مثل ماقلت المحسوبيه شغاله

ونتمنى للاخت التوفيق ان شاءالله

[السديم]

مبروك اختي

اتسائل وين الي يقول قطر مافيها وظائف ... وينهم

الحمدلله في وظائف في قطر

بس الغاز التوظيف فيها صعبة لان المحسوبية شغالة عندهم

البترول او امسعيدي ممكن

ولو كنت مكانك كنت بختصار الاتصالات

اسفة للمداخله يا صاحبة الموضوع

بس ردي للاخ البدع

اتفق معاك قطر فيها فرص كثيرة للعمل

اختي تخرجت من كم شهر فقط وانهالت عليها عروض التوظيف من كذا مكان بدون اي واسطة ولله الحمد.

فما زالت قطرنا بخير اللهم لك الشكر

ولما اجد مواضيع مطروحة عن قطرية تنتظر الوظيفة 5 سنوات او 8 سنوات انا لا اكذبهم ولكن اكيد لهم شروط معينة في الوظيفة والمكان والدرجة

مع العلم ان اختي شهادتها شريعه يعني تخصصها مش مرغوب كثير ..

لكن الرزق بيد العالمين

[meandme]

مبروك اختي

اتسائل وين الي يقول قطر مافيها وظائف ... وينهم

الحمدلله في وظائف في قطر

بس الغاز التوظيف فيها صعبة لان المحسوبية شغالة عندهم

البترول او امسعيدي ممكن

ولو كنت مكانك كنت بختصار الاتصالات

ماشاء الله انشالله تتوفق الأخت باختيار الوظيفه....و أنصحها بالإتصالات لأنه في مجال تخصصها وممكن انشالله نشوفها في يوم من الأيام وزيرة الإتصالات بالإضافه إلى إنه دوام حكومي مريح...بالنسبة للقطريين أختي ما اعتقد انه موضوع صعب يلاقون وظيفه ...لكن أنا من أبناء القطريات صارلي متخرج سنة ونصف برمجة حاسوب وما كلموني على ولا وظيفة ولا مقابله مع إني قدمت في كل مكان ...أتمنى بس إنهم يعطون أبناء القطريات أولوية عقب القطريين ...لإني قربت أنتحر :cry:

[mariam_88]

اختي اذا بتتحملين الدوام الطويل فالمستقبل لشركات الغاز والبترول.


بس ممكن سؤال برا الموضوع : تخصص هندسة الكمبيوتر موجود في قطر او الدراسه لازم فالخارج . وشلون الدراسه سهله او صعبه وكم سنه؟
الف شكر لكل الاخوان والخوات اللي ردوا وربي ييسر لكم اموركم ان شاءالله
وبالنسبة حق هندسة الكمبيوتر انا ادرس فجامعة قطر للاسف قسم البنين مو مطروح عندهم ، عندهم فقط علوم حاسب واكيد الهندسة افضل اذا حاب اتدش هالتخصص بس اذا تحب تاخذ رايي الكهربائيه واايد احسن لك بما انك شاب
غير انه موجود في كلية الهندسة بنين وترى نص موادي اللي اخذتها كهربا لان التخصصين قراب وااايد من بعض اللهم احنا زيادة مواد بروقرمنج وبس
ولو اني صبي ماكنت بتردد فاختيار واحد من اثنين (كهربا او كيميائيه) لان ماشاءالله الطلب عليهم قووووي وبحكم اني بنت صعبة اشتغل فمصنع وجذي عشان جي قلت خلني ويا لكمبيوتر :) واحد من اهلنا درسه فالاردن اذا حاب هالتخصص ،وبالنسبة لسؤالك تخصصي حليو بس يبي له شدة حيل شوي
ومدة دراسته فجامعة قطر 4 سنين حسب الخطة الدراسية
الله يوفقك وعليك بالاستخارة اولا واخيرا

[mariam_88]

في انتظار اراء المزيد
بإنتظاركم :)

[Al-Kuwari]

الله يوفقج ان شا الله

متى التخرج ان شا الله؟

وكم المعدل ؟

ارسلي لي هالمعلومات عالخاص وبشوفلج ان شا ألله

[mariam_88]

للاسف ما اقدر ارسل ع الخاص
التخرج اخر العام الدراسي بشهر ٦ بإذن الله
والمعدل حتى الان 2.9 تقريبا