حسن سيرة وسلوك...للخدم..اشرايكم ؟

[مستر قطر]

السلام عليكم ورحمة الله وبركاته

اليوم كنت أتابع برنامج توالليل والحلقة كانت عن جرائم القتل على أيدي الخادمات في الكويت والضحايا من مختلف الأعمار، شي يعور القلب أنا ما أبي أدخل في تفاصيل الحلقة بس الشيء إلي لاحظته في الحالات المعروضة في البرنامج إن أكثر الخدم عندهم جرائم سابقه في بلادهم... وإلي لفت نظري مطالبة أحد أهالي الضحايا من مكاتب الخدم التحري عن الخدم إلي يتعاقدون معاهم وطلب حسن سيرة وسلوك منهم... الفكرة حدها أعجبتني وقعدت أتسأل ليش ماتطبق في قطر بعدين المبالغ إلي قاعدين ندفعها مبالغ مب بسيطة فما يضر المكاتب إنها تستقطع جزء من هالمبلغ وتطلع لهالخدم حسن سيرة وسلوك وتتحرى عنهم وأضن هذا الشيء من حقنا.. هالحركة راح تجلب لبلادنا الخدم "المسالمين" إن صح التعبير وراح تقلل نسبة الجرائم و الإعتداءات من قبلهم..
حبيت أعرف أرائكم ؟
هل نحتاج لطلب حسن سيرة وسلوك من مكاتب جلب الخدم ؟

[بوهلال]

شكلك متاثر من برنامج تو ليل

[مستر قطر]

شكلك متاثر من برنامج تو ليل

بو عيال اشالون ماتبيني اخاف :(

[أمة الله]

حسبي الله عليهم المجرمين.....ذهلت من بشاعة جرايمهم الله لا يبارك فيهم

بخصوص شهادة حسن السيرة....ما أظن ان دولة تطرش مجرمينها يشتغلون برع صعبه عليهم يظهرون لهم مثل هالشهادة بكل سهولة ولو ان فيها عدم مصداقية او تزوير او غيره....

[intesar]

مع أن اللي سوته الخادمه ما يعطيها الحق في نحر الفتاة..
بس الكويت عندهم من المشاكل كثير بسبب سوء معاملة الخدم..

المشكلة لو الخادمة سوت مصيبة تمنع من دخول البلد.. لكن تستطيع دخول بلدان الجوار..
لو يصدر قانون خليجي للخادمة اللي عليها اشكالية انها ما تدخل أي دولة من دول الخليج.. يكون أفضل..

ولا مجلس التعاون الخليجي ليش..

دمتم بود..

[khaldoon]

اخوي العزيز فكرتك حلوة بس صدقني ما راح تكون مجدية و راح تكلفنا رسوم اضافية و زيادة في النصب علينا لاني عن نفسي لا اثق في دقة و صحة كل المعلومات المذكوره في جوازات سفرهم

طالما انه شهادة حسن السير و السلوك بتصدر من بلدهم فالمسألة محسومة و مبيوعة وغير شفافة لانه بتكون عن طريق المكاتب وما احد يقول عن الزيت اللي يبيعه انه عكر و مب نظيف

[بـــــــنت النوخـّــــذه]

يقولون بالبرنامج انهم خريجي سجون ببلادهم صج !!!!!!!!!!!!!!!!!!!!!!!!

وان بلادهم عشان يفتكون منهم يطرشونهم بره عشان يمكن يتأدبون:weeping:

انا مع ورقه تبثت حسن سيرة وسلوك 00 صحيح ليش هالورقه بالذات مفقوده من ضمن اوراق استقدام الخدم !!!

[أمة الله]

يقولون بالبرنامج انهم خريجي سجون ببلادهم صج !!!!!!!!!!!!!!!!!!!!!!!!

وان بلادهم عشان يفتكون منهم يطرشونهم بره عشان يمكن يتأدبون:weeping:

انا مع ورقه تبثت حسن سيرة وسلوك 00 صحيح ليش هالورقه بالذات مفقوده من ضمن اوراق استقدام الخدم !!!

مب صعبه أبداً انهم يظهرون لهم سجل نظييييف وهم فالأصل مجرمين وأتالين أوتله ع قواتهم :(

[أبو عبدالعزيز]

نحتاج فحص العمالة المنزلية في الطب النفسي.. يا ليت لو يكون ذلك ضمن إجراءات فحص القومسيون
نحتاج أيضا إلى تمديد فترة ضمان المكاتب عن الخدم لتشمل كافة مدة التعاقد

[مستر قطر]

حسبي الله عليهم المجرمين.....ذهلت من بشاعة جرايمهم الله لا يبارك فيهم

بخصوص شهادة حسن السيرة....ما أظن ان دولة تطرش مجرمينها يشتغلون برع صعبه عليهم يظهرون لهم مثل هالشهادة بكل سهولة ولو ان فيها عدم مصداقية او تزوير او غيره....


اخوي الشهادة تكون من الحكومه فماعتقد تكون فيها تزوير واذا فكروا يدفعون رشاوي هالشي بيكلفهم كثير فنسبة المصداقية رااح تكون كبيره

[مستر قطر]

مع أن اللي سوته الخادمه ما يعطيها الحق في نحر الفتاة..
بس الكويت عندهم من المشاكل كثير بسبب سوء معاملة الخدم..

المشكلة لو الخادمة سوت مصيبة تمنع من دخول البلد.. لكن تستطيع دخول بلدان الجوار..
لو يصدر قانون خليجي للخادمة اللي عليها اشكالية انها ما تدخل أي دولة من دول الخليج.. يكون أفضل..

ولا مجلس التعاون الخليجي ليش..

دمتم بود..


القانون الخليجي موجود ويطبق علي بعض القضايا فتتم من الخادمه من دخول اي دوله خليجيه

[مستر قطر]

اخوي العزيز فكرتك حلوة بس صدقني ما راح تكون مجدية و راح تكلفنا رسوم اضافية و زيادة في النصب علينا لاني عن نفسي لا اثق في دقة و صحة كل المعلومات المذكوره في جوازات سفرهم

طالما انه شهادة حسن السير و السلوك بتصدر من بلدهم فالمسألة محسومة و مبيوعة وغير شفافة لانه بتكون عن طريق المكاتب وما احد يقول عن الزيت اللي يبيعه انه عكر و مب نظيف

علي الاقل من باب الحرص وفيه دول اتوقع واكاد اجزم عندهم مصداقيه في اوراقهم الرسميه فالا نعم علي جميع الدول التي نجلب منها الخدم

[مستر قطر]

يقولون بالبرنامج انهم خريجي سجون ببلادهم صج !!!!!!!!!!!!!!!!!!!!!!!!

وان بلادهم عشان يفتكون منهم يطرشونهم بره عشان يمكن يتأدبون:weeping:

انا مع ورقه تبثت حسن سيرة وسلوك 00 صحيح ليش هالورقه بالذات مفقوده من ضمن اوراق استقدام الخدم !!!

شكراً علي تجاوبك

[%حورية قطر%]

والله حقوق الكفيل الخليجي ضاعت كل من هب ودب دخلوهم عندنا بالخليج يشتغل باسم خادم او خادمه وهم غير مهيئين للعمل ــ اخرتها مرضى نفسيين ويمكن طالعين من مصحات نفسيه او اجراميين وعندهم استعداد للقتل "
شهالاشكال اللي يقطونهم علينا ونبتلش فيهم وترى صحيح بلدانهم يبون الفكه منهم يدزونهم علينا يشتغلون عندنا ومحد ياكلها الا اليهال
الجريمه اللي صارت بالكويت شي مب طبيعي نسال الله العافيه ؛ الله يصبر قلب الام اللي جافت منظر بنتها تسبح في دمها:(
قبل فحوصات خلو الامراض الجسديه نبي فحص على مخوخهم مب ميانين ولا معقدين نبي سيره ذاتيه هل لهم جرايم سابقه ولا لا حسبي الله ونعم الوكيل:(

[ريم المدينة]

هي جات عالخدم بس!!! حتى المدرسين والعاملين الاخرين!!!

[GENIUS]

على فكرة بعض الشركات الكبيرة في البلاد تطلب شهادة مثل حسن سيرة وسلوك ومصدقة من جهات رسمية هناك لإنهاء اجراءات توظيف بعض العمالة الاجنبية فيها وهذا الكلام من واقع تجربة شخصية لي في إحدى شركات الدولة. يعني من الممكن تعميم هذا الشي على كل الوافدين إلينا للعمل

[نجمة في سماه]

اخوي فكرتك وايد زينه بس من يضمن لنا انه الشهادة ما اتكون مزورة ترى على فكرة مافي شي مضمون مع الخدم والله يستر بس علينا او على اعيالنا منهم مثل مايقولون الخدم شر لابد منه