كيوتل ولا فودافون ولا المحلات ؟

[admin qatar]

السلام عليكم اخواني

اول شيء مبروك عليكم العيد الوطني مقدما


بصراحه انا خاطري اخذ ايفون 16 قيقا


وصارلي 3 ايام ومتردد

ابي اخده من مكان ولا ابي اندم

تنصحوني اخذه من كيوتل

ولا فودافون

ولا من المحلات الخارجيه اللي في السد والنصر

كيوتل قدمو عرضهم

3200 ريال

مع خط مجاني بقيمة 500 وانترنت مجانا شهر


فودافون ما عرفت عرضهم

المحلات

قدمو لي 3200 مع ضمان فودافون

حبيت اخذ رايكم

من وين اشتري الافضل

لان في ناس تقول هل مفتوح رسمي ومدري شنو هالسوالف ما اعرفها

ابي اعرف شنو يعني مفتوح رسمي

ابي نصيحتكم من وين اخذه وباذن الله راح اخذ بشورتكم

ويعطيكم العافيه

[qatari1]

مفتوح رسمي يعني تقدر تركب أي شريحة أو خط سواء كيوتل أو فودافون أو غيرهما.

مفتوح غير رسمي يعني مفتوح بواسطة الجيل بريك لأنه أصلاً مقفل على شبكة هاتف معينة، وهذا الأمر موجود في أمريكا واوروبا.

خذ أرخص محل يبيع لك الجهاز، لأنهم كلهم نفس الشي، ولو إني أفضل فودافون لأنهم رسمياً وكيل آيفون في قطر.

وبعدين تقدر تركب عليه كرت أو شريحة كيوتل.

وبالتوفيق.

[إنّ]

صبــاح الخيـــر ..

http://www.qatarshares.com/vb/showthread.php?t=488329

[admin qatar]

مفتوح رسمي يعني تقدر تركب أي شريحة أو خط سواء كيوتل أو فودافون أو غيرهما.

مفتوح غير رسمي يعني مفتوح بواسطة الجيل بريك لأنه أصلاً مقفل على شبكة هاتف معينة، وهذا الأمر موجود في أمريكا واوروبا.

خذ أرخص محل يبيع لك الجهاز، لأنهم كلهم نفس الشي، ولو إني أفضل فودافون لأنهم رسمياً وكيل آيفون في قطر.

وبعدين تقدر تركب عليه كرت أو شريحة كيوتل.

وبالتوفيق.

كفيت ووفيت اخوي الغالي


اخوي

إنّ

ما قصرت على الرابط افدتني




ومتى بينزل في فودافون

[LiL iNVe$ToR]

انطر شوي لما فودافون ينزلون الـ 4s ..سعره بيكون منافس اكيد.

http://www.vodafone.com.qa/go/en/plans/special-offers/iphone-4s

دش عالرابط وسجل ..واول ما الجهاز يكون متوفر بيخبرونك.

[تحداني]

بدون تردد من فودافون .. هم الرعاه والوكله في دوله قطر

جملك الله برضاه

[السكين]

أنا أخذته عن طريق نقاط نجوم كيوتل عطوني كوبن بألفين .. وحطيت عليهم 500 يعني سعره بالحياة بلازا كان 2500 والهلكلام بشهر سبعة يمكن ، أسود و16 قيقا من الحياة بلازا فوق ، والجهاز تمام مية بالمية ولافيه أي مشاكل من ست شهور

[Bin.Yousef]

فودافون

[admin qatar]

عيل ننتظر يوم 16 ونشوف عرض فودافون

وجزاكم الله الف خير

[للصبر اخر]

فودافون وكيل الايفون في قطر
كيوتل ما انصح فيه لان اغلبهم طلعو مسكرين ولازم جلبريك