اتفسار بخصوص المجموعة

[الحداد]

شباب اليوم رحت الصباح ابي اعرض اسهمي مالت ناقلات للبيع في المجموعة وانا كنت حاط في الورقة مالت البيع لنهاية اسبوع التداول قالي الموظف مايصير تعرض حق اسبوع وقاليس بعد مايصير اتبيع اكثر من اللمت اب وقالي لين وصل السعر الليس تبيه تعال المجموعة عاد انا طلعت طوالي زين عاد اليوم الساعة 6 رحت اهناك وقلت باعرضة بسعر السوق تدري ايش قالي الموظف قالي لازم اتجيب رقم المساهم من سوق الدوحة للاوراق المالية مع اني في اول يوم افتتاح ناقلات رحت اعرضهم بدون هذي الطلبات ولاشي وانا بعت من قبل اسهم واكيد رقم المساهم عندهم والله مادري عنهم يبطون الجبد :anger2: والله ذلوني يمكن لاني شكلي اصغير عشان جي مايقدروني والله تراني مب فاهم عليهم هالموظفين نفسيتهم خايسة :mad: وشكراااااا

[هتلر]

أنصحك بتغير الوسيط ..
والله يكون في عونك دامك مع المجموعه انا قبلك اخوى سولى سوالف و غيرت الوسيط و مرتاح و الحمدالله

[الحداد]

مشكووووور اخوي هتلر على المرور

وتشكيلتي باجر بروح حق وسيطي القبلي احسن

على قوله المثل عتيج الصوف ولا جديد البريسم

[roadrunner]

أنصحك بتغير الوسيط ..
والله يكون في عونك دامك مع المجموعه انا قبلك اخوى سولى سوالف و غيرت الوسيط و مرتاح و الحمدالله


السلام عليكم.


اخوي .. مع اي وسيط انت الحين .... وايش الفرق بالخدمات بينهم وبين المجموعة .. وهل اقدر ابيع واشتري بنفس المبلغ بنفس اليوم.

[ضايق الصدر]

السلام عليكم ممكن تعطونا حل افضل من المجموعه

[alsultan]

الله يعينا عليهم هالمجموعه مايراعون أحد وتحياتي لخوي هتلر

[هتلر]

السلام عليكم و رحمه الله وبركاته
مساكم الله بالخير جميعا
العفو ا خوى الحداد والله يخلصك منهم ان شاء الله
والله انا ا تعامل مع الاهلى و مرتاح يبعون لى و يشترون و اليوم شارى ناقلات
عموما انا ا نصح بالاهلى بحكم تجربه و بنسبه للوطنى و العالميه اعرف الناس يتعاملون معاهم و مرتاحين..
والله يوفقكم
وتحياتى لخوى السلطان :nice:

[alkaabi]

شباب اليوم رحت الصباح ابي اعرض اسهمي مالت ناقلات للبيع في المجموعة وانا كنت حاط في الورقة مالت البيع لنهاية اسبوع التداول قالي الموظف مايصير تعرض حق اسبوع وقاليس بعد مايصير اتبيع اكثر من اللمت اب وقالي لين وصل السعر الليس تبيه تعال المجموعة عاد انا طلعت طوالي زين عاد اليوم الساعة 6 رحت اهناك وقلت باعرضة بسعر السوق تدري ايش قالي الموظف قالي لازم اتجيب رقم المساهم من سوق الدوحة للاوراق المالية مع اني في اول يوم افتتاح ناقلات رحت اعرضهم بدون هذي الطلبات ولاشي وانا بعت من قبل اسهم واكيد رقم المساهم عندهم والله مادري عنهم يبطون الجبد :anger2: والله ذلوني يمكن لاني شكلي اصغير عشان جي مايقدروني والله تراني مب فاهم عليهم هالموظفين نفسيتهم خايسة :mad: وشكراااااا


هلا فيك اخوي

الحداد

المجموعة وبالذات في بيع اسهم ناقلات

عندهم اسلوب تطفيش

واذا كان الواحد ماعنده رقم مساهم

لازم يروح للبورصة يجيب الارقام ويرجع لهم

ليش كل هالسالفة

انا رحت البنك التجاري

وماعندي رقم مساهم والله

وبعت وانا واقف

لابورصة ولاشيء

عندهم السي دي مال الناقلات وفيه كل الارقام للمساهمين

بس المجموعة البورصة اسحبوا منها السي دي

بسبب الضغط اللي سوته والضجة

انصحك في حالة بيع الناقلات فقط ...........

روح اي شركة ثانية

واذا غير الناقلات خلك في المجموعة \

[الحداد]

مشكووووووووووور على النصيحة والله يعطيك الف عافية