اتعس بنك في قطر [الأرشيف] - منتديات شبكة الأسهم القطرية

شبيه الريح

09-12-2011, 08:36 PM

السلام عليكم

شرايكم في بنك قطر الدولي الاسلامي

بنك مازال متخلف

بطاقااته ماتشغل مع البنك الوطني واقصد الجهزه الي تكون في المحلات وخاصه في معاملات الداخليه مثل الجوازات والمرور

خذيت فيزا ونفس الشي
امبلى يقولك المعاملة مرفوضه ويجيك مسج ان المبلغ انسحب وشوف متى بيرجعونه لك
هذا يسمى بنك

طيب والحين صار له فتره والكول سنتر عطلان هل ماعنده ميزانيه عشان يصلحون البداله
............؟

وقبل تتعطل مرات تشغل ومرات لا وبعد مافيه احد يرد بسرعه

طيب وانت مسافر وانسرقت بطاقاتك ولا ضاعت ايش تسوي

لازم اكون اعرف موظف في البنك ومادري متى بيرد علي عشان يعطل البطاقة

واقسم بالله لو ماعلي مديونيه فيه ان اطلع واخليهم على ......... لا تعليق

ولكن الله المستعان

وهذولا يخلون الواحد يروح للبنوك الريبويه

رجل الجزيرة

09-12-2011, 08:38 PM

عندك مصرف قطر الإسلامية.

سلطان23

09-12-2011, 08:43 PM

أنا كنت عندهم

وطلعت

بنك جيد ولكنه لم يحسن خدماته

اتصلت فيهم من برع قطر بسبب غلق الفيزا

وقال لي ما اقدر اسوي لك شي

فطلعت منهم

ولا اعرف ان تحسن مستواه

hasss1969

09-12-2011, 08:53 PM

الحقيقة خدماته ليس بمستوى المصرف او الريان والكال سنتر لما تسأل عن حاجة يرد عليك شخص هناك يقول لك حاضر يابيه اديني رقم جوالك وانا برد عليك ...لكن لا تتوقع انه بيرد عليك..
وخليك من توزيعات الارباح فبعد ان كان افضل بنك للودائع اصبح ليس كما كان للاسف..

ممنوع اللمس

09-12-2011, 09:01 PM

بالنسبه لي بنك قطر الوطني الاسلامي مستحيل اقارنه بأي بنك ثاني
مرتـــــــــــــــــاح حـــــــــــــدي في هالبــنك والله راحه نفسيه

شبيه الريح

09-12-2011, 09:03 PM

طيب البطاقة فيها مشكله مع الوطني بالذات هذا وهو داخل الدوله كيف لو خارجها
وماهمني مع الوطني همني المعاملات الي مع الداخليه

والفيزا اقسم بالله اني ساكت منهم اشوف لين متى بيرود علي مع اني اتصلت في مسؤول الكول سنتر واحد مصري ومساعده وقالوا لي بنتصلك وللحين محد اتصل لهم تقريبا من شهر 6 او 7
واروح للفرع يقولون اتصل للكول سنتر
وين يبونا نروح يبونا نروح نشتكي عند بنك ثاني شوفوا بطاقتي الدولي خربانه ولا وين نروح

مخطط قطري

09-12-2011, 09:11 PM

صادق صادق صادق ؟؟ كان حسابي ومبلغ كبير نزلت فيه وسكرته لانه فاشل
والمصرف بعد تعيس بس حيه افضل من الدولي والريان
والله لو مب الحرام ولا حولت على الوطني

ملاك

09-12-2011, 09:36 PM

عدل كلامك .. اتعس بنك اسلامي هو الدولي الاسلامي

امكانياتهم محدوده جدا وقديمه ورديئه

AL-MAYSTRO

09-12-2011, 09:43 PM

انا مقدم على فيزة عندهم وحسابي بعد عندهم

تنصحوني بفيزتهم والا ؟؟

الله يستر

ANONYMOUS

09-12-2011, 09:45 PM

وهذولا يخلون الواحد يروح للبنوك الريبويه

اذكر الله اخوي

رب شهوة ساعه اعقبت ندما كثيرا

اصبر وستنال الأجر لكونك تتحرى الحلال

ع الاقل في خيارات أسلاميه أخرى

المصرف او الريان او بنك بروه

وابعد عن الربا ولا تفكر فيه لحظه واحده

شبيه الريح

09-12-2011, 09:45 PM

انا مقدم على فيزة عندهم وحسابي بعد عندهم

تنصحوني بفيزتهم والا ؟؟

الله يستر

اكثر المكائن الي في المحلات تكون من الوطني
والمرور والجوازات بعد تابعه للوطني

ولا راح تشتغل معاك

وبراحتك بتاخذها اخذها

شبيه الريح

09-12-2011, 09:47 PM

اذكر الله اخوي

رب شهوة ساعه اعقبت ندما كثيرا

اصبر وستنال الأجر لكونك تتحرى الحلال

ع الاقل في خيارات أسلاميه أخرى

المصرف او الريان او بنك بروه

وابعد عن الربا ولا تفكر فيه لحظه واحده

جزاك الله خير
ابشرك اني حريص على هالشي
بس اقصد انهم يسهلون للواحد يروح لهذي البنوك

missperfect

09-12-2011, 09:49 PM

ولا حد يمدحهم :eek5:
زين انكم نبهتونا كنت ناويه افتح حساب عندهم
يعطيكم العافيه

الخزرجي قطر

09-12-2011, 10:20 PM

الفروع الاسلاميه للبنوك كانت تؤدي خدمات ممتازه
مثل بنك قطر الوطني الاسلامي بس مع الاسف بتاريخ
1/1/2012 سيتم اغلاق كافة الفروع الاسلاميه عليك
بالمصرف الأسلامي او مصرف الريان خدماتهم ممتازه

naklan

09-12-2011, 10:31 PM

غريبة اخوي شبيه الريح انا عندي حساب في الدولي وما شكيت من شي :)
والفيزا من عندهم قولدن وشغاله من احسن ما يمكن والاستقبال بعد من احسن
ما يمكن وبالنسبة للارباح على الودائع نازلة في كل البنوك

الديرة

09-12-2011, 11:18 PM

انا حسابي في الدولي الاسلامي منذ تم افتتاحه ولم اشتكي من شيء ، خدمات ممتازة واجهزة الصراف الآلي في كل مكان .

مريومة

09-12-2011, 11:25 PM

فعلا خدماته تعيسة

شبكة الخدمات عندهم مقطوعة ما بين الفروع

طلعت من عندهم وسحبت اختي وياي

ما انصح فيه موليه

ولا حتى مصرف الريان

مالك الا المصرف افضل منهم في كل شي

والله المستعان

elders

09-12-2011, 11:32 PM

مريحيني تماما

المهندس عبدالعزيز

09-12-2011, 11:38 PM

اتعس بنك في التاريخ البنك الدولي الاسلامي

انا كتبت موضيعين عن رداءة البنك ولكن المشرفين حذفوا مواضيعي المنتقدة لهذا البنك التعيس

khaldoon

09-12-2011, 11:38 PM

الصراحه كلمتهم من اسبوعين اطلب قسم الودائع فأعطاني الموظف رقم مباشر بعد ما رد علي بصعوبه و بعد عدة محاولات

اتصلت على الرقم المباشر قالي لا هذا مب قسم الودائع

اتصلت على الموظف اللي في الكول سنتر مره ثانيه و قلت له الرقم اللي اعطيتني اياه يقول انه مب قسم الودائع

قالي لا هذا هو الرقم و ما عندي غيره!!!!!

مضاد

09-12-2011, 11:52 PM

كلمة بنك تخق عليها .>> بنك قطر الدولي الاسلامي .

ياخوي اسمع مني ... روح لاي بنك ان شاء الله بنك صادرات ايران , عدى بنك قطر الدولي الاسلامي .....ااااابعد

asulaiti

09-12-2011, 11:55 PM

أنا الفترة الأخيرة صار لي هذا الشيء مع الدولي الاسلامي ..

وكنت اعتقد أنني الوحيد الذي اعاني من هذه المشكلة بسبب تبديل بطاقتي الإئتمانية بعدما تمت سرقتها في الانترنت ..
وابدلوني ببطاقة أخرى برقم آخر إلا أن الرسائل النصية في بداية الامر كانت تصلني بالرقم القديم ..
ومن يومها أكثر من مرة صارت لي المشكلة .. استخدمها في المشتريات يطلع في الجهاز لم تنجح العملية ..
ثم أجد أن الرصيد انخفض .. وبالاتصال معهم يقولون لي لن يظهر في الكمبيوتر عندهم إلا بعد مرور ٢٤ ساعة ..
وتعال عقبها .. كم مرة أنسى اتصل .. ولا اعرف إلى الآن هل فعلاً نقصت تلك المبالغ او لا ..

مرة حاولت شراء كتاب من الانترنت .. كل مرة اطلب تمرير العملية بعد ادخال البطاقة تظهر لي رسالة
من الموقع بعدم نجاح تلك العملية .. وحاولت أكثر من مرة وكل مرة تفشل العملية ..
وفي اليوم التالي وصلتني عدة رسائل بنجاح العملية .. يعني كأني اشتريت الكتاب خمس مرات تقريباً ..
فاتصلت لهم ولم يعطوني الجواب الشافي .. وبعد كم اسبوع عاودت الاتصال بهم وظهر عندهم أن هناك
عدة محاولات سحب لم تتم ..

الآن بعد قرائتي لهذا الموضوع .. أيقنت فعلاً بأن البنك ليس جيداً .. مع أنني قديم فيه وهو أول بنك أتعامل معه ..
لكن اشعر أن مستوى خدماته بدأت تنخفض .. وبدأت أخاف من استخدام بطاقته في المشتريات ..

لو إني فعلاً ما عندي مديونية فيه .. كان ممكن افكر ببنك ثاني .. لكن الان مالي إلا الصبر معاه ..

لكن إن استمرت خدماته بهذا الشكل .. قد أسعى إلى تغير البنك بأي طريقة ..

مايسوى عليه الواحد .. كل مرة ترفض البطاقة ويجيك مسج بسحب المبلغ .. وتتصل لهم اليوم الثاني ويقولون
ما يظهر عندهم الحين .. اتصل غداً .. تتصل اليوم الثاني الكمبيوتر عطلان .. تتصل اليوم الثالث ولا مركز العملاء
يعتذر لا يتستطيع تقديم خدماته الان .. والله حاله !!

فقيه زمانه

10-12-2011, 12:56 AM

ان اتعامل مع هذا البنك من سنة 1999 وصراحه صراحه اتعس بنك فتحت حساب توفير في بنك قطر الوطني الاسلامي لين اخلص التزاماتي عقب شهرين باطلع من عندهم قبل يومين كنت في الحسا حاولت اسحب من الفيزا ما قدرت وجلتني يمكن ست مسجت ولا ادري شسالفه واتصل غليهم من ساعة 4.30 ولا حد يرد ظاهر الكول سنتر عندهم مشكلة في الرد على التلفونات لمهم مارد الا ساعه 8.15 ،،،،،، بكل احترم هذا البنك سئ مع مرتبة الشرف .

حقيقه

10-12-2011, 01:08 AM

هذا اي صوب بالضبط ؟؟

ANONYMOUS

10-12-2011, 01:15 AM

جزاك الله خير
ابشرك اني حريص على هالشي
بس اقصد انهم يسهلون للواحد يروح لهذي البنوك

الله يجزاك خير

موفق انشالله

مادري اذا عندهم رقم او إيميل للشكاوي اشتكو خل يحسنون الكاستمر سيرفيس

ارين

10-12-2011, 01:29 AM

نعم صدقت أتعس بنك بالمقارنة ببنك قطر الوطني الإسلامي تحديدا وبخدماته المميزة
وياليت لو استمر ولم يتم إغلاق الفرع الإسلامي منه

الـقـاسـي

10-12-2011, 01:52 AM

دايما مايتشكون اللي في هالبنك من الخدمات ,,
اتوقع البنك بحاجه الى اداره جديده تنفظه وتطوره ,, ترى بدال البنك الاسلامي فيه عده بنوك احسن منه خل يتلاحقون على بنكهم ولا تر البدائل واجد

halcrow

10-12-2011, 01:56 AM

اتعس بنك في قطر وياماتوهقت معاه شالهبنك الي مايردووون على مكالماتك. شهالبنك الي مايفتح ٢٤ ساعه. شهالبنك الي وهقني وهقه ونا كنت بسحب للسفر وبكل برووود يقولك السيستم عطلان والله صدقت للاسف في حالته الضرورات تبيح المحضورات وماينلام للي يروح بنك قطر

halcrow

10-12-2011, 02:00 AM

اتاريكم كلكم مثلي ..... امحق بنك نحط حلالنا فيه وما يقدرون العميل ولا ودهم يضيفووون كم موظف ولا يفتحون فرع ٢٤ ساعه اتاريهم على قدهم

طيوب

10-12-2011, 04:01 AM

بنك فاشل بمعنى الكلمه . . وتصير فيه أخطاء كثيرة بحق العملاء ( ضحية )

مركز صدمة العملاء .. ( آآآآه ) الله بالخير

إليك ( فيض من غيض )

هالبنك له تقريبا 15 فرع فقط لو نقارنه بالمصرف عنده 30 فرع وشوف الفرق !!

وتوزيع الأفرع غلط ( مثال: شارع تجاري واحد فيه فرعين فرع مستشفى الأهلي وفرع بن عمران .. ليـــــــــــــــش ؟ ) وناخذ مثال لمنطقة ما فيها فرع لهم .. ليش منطقة ! مدينـــــــة مثل " الخور " مالهم فرع فيها !!! واغلب البنوك فاتحه افرع لها في هالمديـــنة.

همسة
مفتي البنك : أتوقع قايل لهم حرام تفتحون في مجمع ( مول ).

نصيحة من عميل إسلامي
" اطلع من هالبنك قبل تطلع روحك معاهم "

NOOUR

10-12-2011, 12:02 PM

أنا صار معي عدة مشاكل مع هالبنك السئ الخدمات ////!!!!!

ومن غير حلفان هالبنك فااااااااااشل .....

من ضمن المواقف ...
- الكول سنتر عندهم أغلب الايام ما ادري فيه مشلكة ..

- بالنسبة لي أتصل فيهم بعد ٥٠ محاولة حتى يردوا علي (بس عشان أسأل سؤال عادي)

- مرة أودعت عندهم شيك ورحت للبيت وطلع الشيك مافيه رصيد وأنا ماعندي علم
اتفاجأت إنو الشيك مار نزل بحسابي راجعتهم بعد ٤ أو ٥ أيام قالوا لي (الشيك مافي رصيد )!!!!!!!
قلت لهم وليش ما خبرتوني قالوا لي كنا اليوم رح نخبرك !!!!!

- بالنسبة لأي مبلغ تسحبه من atm مرة يبعتولك رسالة ومرات ما يبعتولك

- عندهم تعقيدات زيادة إذا الواحد بدو يشتري سيارة (لغير القطريين )ماأدري بالنسبة للقطريين إذا إمورهم ميسرة!!!!

- بطاقة atm صار غيرتها مرتين أو ثلاثة لأنو إما تنكسر أو تنمحى الأرقام اللي عليها !!!!!

وغيره من المواقف الغريبة والعجيبة مع هالبنك ....!!!

OM_OMAR_QATAR

10-12-2011, 12:25 PM

حاله يرثى لها

ام غاده

10-12-2011, 12:51 PM

اتعس بنك قطر الدولي الاسلامي

عندهم مشكلة الكول سنتر تطلع عينك لين يردون عليك ..

انا توني طالعه من عندهم ورحت لمصرف الريان بصراحة من تعاملي معاهم بحساب توفير
تعاملهم وايد متميز والكول سنتر يستحقون الشكر ..

al-marri

10-12-2011, 01:51 PM

السلام عليكم ورحمه الله وبركاته

انا مابعد تعاملت مع بنك قطر الدولي الاسلامي ..... ولله الحمد

لاكن انصحكم بمصرف قطر الاسلامي ... بنك ممتاز جدا وفي تطوور ملحوظ في السنوات الاخيره ... وتسهيل الخدمات .. البنك بصراحه من افضل البنوك الي تعاملت معهم في كافه الخدمات ... خصوصا الكول سنتر وخصوصا التعاملات وانا خارج الدوله ... حيث اني ااقضي اكثر من عشره اشهر كل عام خارج الدوله من عام 2005 .

البنك في تطوور كبير من الثلاث سنوات الاخيره وكل العملاء في البنك ملاحظين هالشي ... وخصوصا خدمه الاون لاين ... مفيده جدا .. وتختصر لي اشياء كثيره وخدماتها كثيره ... الحاجه الثانيه ... البطاقه ... انا عندي البطاقه العاديه والفيزا ... وكلها شغاله معي خارج الدوله وميه الميه ... وكذلك داخل الدوله في اي جهه حكوميه وفي اي صراف..

البنك بصفه عامه ممتاز وانصحكم فيه ياللي تدورون بنك اسلامي ممتاز.

هذه وجهة نظري ومن واقع تجربتي معهم من عام 2004 الى الان.

تقبلوا تحياتي

AL-MAYSTRO

10-12-2011, 02:11 PM

اكثر المكائن الي في المحلات تكون من الوطني
والمرور والجوازات بعد تابعه للوطني

ولا راح تشتغل معاك

وبراحتك بتاخذها اخذها

شكرا على المعلومه اخوي

AL-MAYSTRO

10-12-2011, 02:20 PM

هذا اي صوب بالضبط ؟؟

هذا شعار البنك

http://im17.gulfup.com/2011-12-10/1323515893791.jpg (http://www.gulfup.com/show/Xi0qvm2r0au5)

وله اكثر من فرع :)

شمووع

10-12-2011, 04:42 PM

حسابي وضعته في ثلاث بنوك
ولكن ما أرتحت الا في الدولي الاسلامي
وما أفكر أغير عنه
تعامل قمة في الرووعة
انسرقت بطاقتي مالت المصرف الاسلامي
وكنت حاطه مبلغ في بطاقة الدولي وخلص وماكنت حافظه رقم الحساب
كلمت وحده منهم الساعه خمس الفجر بالغلط كنت اظن الساعه ثمان
رحبت فيني بكل ذووق وحولت لي من التوفير لين الجاري
ربي يجزيهاالخير مثل مافرجت كربتي في ديرة الغربه

[vip]

10-12-2011, 04:56 PM

على الاقل احسن من البنوك الربويه

اما من ناحية المعامله يفداكم الكذب ما جربته

The Watcher

10-12-2011, 06:02 PM

غريبة

أنا بطاقتي شغالة عادي ولله الحمد

المجروح81

10-12-2011, 06:12 PM

صحيح افشل بنك والله انا كنت عندهم وطلعت

والحين عند المصرف والله ولا اروع خدمات وكول سنتر يردون عليك وفروعه مشالله في انتشار متزايد في دفنه والغرافه والستي والناصريه .............هذا الي اعرفهم بس

انصحك بالمصرف قطر الاسلامي

LiL iNVe$ToR

10-12-2011, 06:38 PM

بولينجر

10-12-2011, 07:04 PM

مصرف قطر الاسلامي هو الافضل عن تجربة....

صليب الراي

10-12-2011, 07:23 PM

صراحه ما استغرب من انتقادات الدولي الاسلامي

انا استغرابي الشديد ان لين الحين في ناس تفتح حسابات في هالبنك !

بنك الدوحة + الدولي الاسلامي .. لغز محير ليش الناس تبطل عندهم مادري !

AL-MAYSTRO

10-12-2011, 07:42 PM

اللي اشوفه واقراه من خلال الردود
ان فيه ناس تذم البنك وفيه ناس تمدحه
ومثل ماله سلبياته بعد له ايجابياته
بحكم اني عميل للبنك منذو 6 سنوات
واعتقد انه لو الموضوع عن اي بنك غير هالبنك المذكور اعلاه
راح تكون فالردود سلبيات وايجابيات يعني بنلاقي الناس اللي تمدحه
والناس اللي تذمه

عموما الله يبعدكم عن البنوك الربوية ويثبت حلالكم فالبنوك الاسلاميه

وبالتوفيق للجميع

NOOUR

10-12-2011, 08:00 PM

^^^^^^^
أخي اعمل احصائية لعدد الردود اللي تذم وعدد الردود اللي تمدح
بتلاقي النتيجة الساحقة للي يذموا

ولو البنك كويس ... كان ما حد حكى عنه شي

عضو المنتدى

10-12-2011, 08:05 PM

شباب البنك الوطني ألأسلامي تابع لبنك قطر الوطني هل تم أغلاقة .

لأن محددين لهم بغلق هالفرع قبل السنة الجديدة .؟؟؟

حد جاله خبر بغلقة من الأخوان إلي عندهم حساب في هالبنك .؟

لأني ناوي أغير من الدولي الأسلامي إلي الوطني الأسلامي .

مخطط قطري

10-12-2011, 08:06 PM

الاغلب تذم هالبنك التعيس

مخطط قطري

10-12-2011, 08:12 PM

لي صديق انخصم من حسابه 7000 ريال وهو يتغدا جاته الرساله مسكين ماقدر يكمل غداه
اتصل في البنك التعيس واستفسر ليش قالو صح المبلغ مخصوم من حسابك والمحل في مجمع تجاري في دبي
قالهم انا في قطر شلون انخصم هالمبلغ وصارت مناقشه ويا الاخوان في الكول سنتر
هذا الكلام بتاريخ 16-9-2011 يعني تقريبا قبل 3 شهور ومواعدينه يرجعون المبلغ وحتى كتابه هالسطور لم يتم ارجاع المبلغ في حسابه الحين ابي الي يمدحونه يردون على
cc: البنك المركزي
ومصرف الريان اتعس منهم كلهم وفاشل بعد وانا عندي حسابات في كل البنوك الاسلاميه
احسنهم هو المصرف وان كان مايقل عنهم تعاسه في بعض الخدمات بس يبقى افضل السيئين
يعني المفروض يكون بنك قوي اسلامي خدماته تكون قويه
ماتبي زياده في الوادئع ولا نبي خصم للقروض ولا نبي مرابحه بسيطه ولا نبي فترات سماح
نبي منكم يابنكونا الاسلاميه خدمات راقيه وسهله مثل البنوك الربويه

naklan

10-12-2011, 08:55 PM

تبون زبدة الكلام انا عندي حساب في الدولي وفي المصرف بعد
اختكي مثلكي ماكو فرق وزبدة الكلام في البنكين تغيرت المعاملة 190 درجه
يوم دخلت عندهم ودائع جامدة صارت القهوة ام زعفران تقدم لي ويوم
الحساب مافيه الى مبلغ بسيط كان شاي حمر تعبان وبارد يعني
المعامله الراقيه للهوامير والي معاملتهم له جيدة بيمدح
والي معاملتهم عاديه بيسب وهذا الي لمسته عندهم
وفي كل البنوك يهتمون في راعي الدراهم اكثر
وسلامتكم :)

هام السحاب

10-12-2011, 09:07 PM

قطر77

10-12-2011, 09:50 PM

انا سارلي معاهم 6 سنوات و الحمدالله اوكي حتي من ناحية الفيزا

alsenator

10-12-2011, 10:00 PM

تخيل هالبنك ما عندة كول سنتر للشركات

يعني تتصل عليه وعندك حساب شركه تبي تستفسر عن بعض الحركات في الحساب يقولك الموظف تعال وخذ كشف حساب من عندنا

فاكس727

10-12-2011, 10:54 PM

نصيحه لوجه الله ..!

من يمدح المسمى ( بنك قطر الدولي الاسلامي.) ...

جربو غيرة ... فتحوا لكم حساب في اي بنك ثاني حتى تعرفون الفرق ,

وانه اتعس بنك بدووون منازع http://www.qatarshares.com/vb/images/icons/icon13.gif

saudqatar

11-12-2011, 06:31 AM

هذا البنك اسواء بنك في تاريخ قطر من اداره ومن معامله

يذكرني في بنك قطر الوطني في السبعينات انا احاسب المصرف المركزي هو المسؤل الاول في مراقبه البنوك في قطر لكن !!!!!!