لاندكروزر وارد امريكا

[{ابوعبدالله}]

السلام عليكم
ياشباب وش رايكم بالاندكروزر وارد امريكا . يصلح للاستخدام ولافيه مشاكل بالنسبه
انه امريكي ولا مثل الخليجي وهل راح اواجه صعوبة في بيعه في المستقبل . مع العلم اني لاقيت واحد ماشي تقريبا 85 الف كم, بسعر 190 الف واصل الدوحة موديل 2008
طبعا الماكينة5700

شورو علي يالربع الله لايهينكم

[رامي الاسعد]

بالتوفيق إن شاء الله

[ولد المنصور]

مرحبا اخوي ...
اشرد ولاتفكر فيه صعبه بيعده جدا جدا اذا وارد السعوديه سعره طايح فما باللك وارد امريكا ... نصيحه اخذلك 190 واحد ورده او زد اشوي وخذلك 2010 ... والله يوفقك

[التميمي 3]

نصيحتي إبعد عنه لأنه مواصفاته مهيئه أجواء البارده
وبعدين ضروري تغير اللديتر وبعض أشياء اللي تناسب الحراره
وسمعت سياراتهم يبعونها من مشاكل صايره فيها مثل غرقانات من الماء أو مدعومات دعمه قويه
خلك على اللي عندك أفضلك بكثير عند البيعه وغيره
بالتوفيق

[المحافظ]

الأمريكي ممتاز و مواصفاته ممتازة ، و موجود في الإمارات لكن في الدوحة سعره نازل .. اللي يبغي استعمال اظن مافيه شي ، انا شفت واحد امريكي جايب كروزره معاه و استعمله و باعه بسعر زين .. بس فيه مشكلة بسيطة في الراديو و يتضبط في الدوحة ... حاول تاخذ مواصفات الولايات الجنوبية لانها اقرب للمواصفات الخليجية ..

زبدة الكلام .. حق الاستعمال اوكيه ، لكن للتجارة مافيه فايدة لان هو اصلا غالي هناك ..

وبالتوفيق

[الهاجري_قطر]

موتر مافيه كلام ويسوى وارد قطر مليون مره هالكلام من تجربه طبعا

[Mody]

الأمريكي ممتاز و مواصفاته ممتازة ، و موجود في الإمارات لكن في الدوحة سعره نازل .. اللي يبغي استعمال اظن مافيه شي ، انا شفت واحد امريكي جايب كروزره معاه و استعمله و باعه بسعر زين .. بس فيه مشكلة بسيطة في الراديو و يتضبط في الدوحة ... حاول تاخذ مواصفات الولايات الجنوبية لانها اقرب للمواصفات الخليجية ..

زبدة الكلام .. حق الاستعمال اوكيه ، لكن للتجارة مافيه فايدة لان هو اصلا غالي هناك ..

وبالتوفيق

عدل كلامك اخوي بس مشكلة قنوات الراديو انا عجزت معاها في الدوحه وفي السعوديه
ولا لقيت احد يعدلي هالمشكله .. ياليت تفيدني الله لا يهينك وتعلمني عند من ؟؟!!

[بوسيف الهاجري]

مرحبا الشيخ انا عندي 2008 جايبه من امريكا اصفار
اوستخدمته وماشي 240 الف كيلو وكرفته كرف لين قبل 3 شهور عطيته اخوي
وما يشتكي من شي
بس اتجيبه من امريكا يطلع عليك غالي فا زيدها 30 او 40 الف اخذ 2011 خليجي

[المبرمج صلاح]

بالتوفيق ان شاء الله

[الحـ(درب)ـب]

عن تجربه افضل من الخليجي بوايد

بالذات اذا اخذته من المناطق الحارة لان جوهم نفس الخليج

بس مشكله الراديو فقط

[Qt.1]

السلام عليكم
ياشباب وش رايكم بالاندكروزر وارد امريكا . يصلح للاستخدام ولافيه مشاكل بالنسبه
انه امريكي ولا مثل الخليجي وهل راح اواجه صعوبة في بيعه في المستقبل . مع العلم اني لاقيت واحد ماشي تقريبا 85 الف كم, بسعر 190 الف واصل الدوحة موديل 2008
طبعا الماكينة5700

شورو علي يالربع الله لايهينكم

ماعليك من الكلام ياخوي ان فيه مشاكل وغيره المواتر نفسها , احنى مجربينها اهناك صار لنا اسنين ماتم شي ماجربناه وسقناه كانك اتسوق موتر خليجي , بس مثل ماقالو الشباب الراديو بس لازم اتغير الموجات , اما بخصوص انه يسوى رايي الشخصي مايسوى لان الشحن بيطلع لك مبلغ بعد , وبعدين ماتدري عن حالة الموتر شنهي يعني مثلا لو في شخص اهناك شاف الموتر وافحصه وكل شي اوكي هذا كلام ثاني , انا اهناك اذا بغيت موتر اعطيه ليسني الاامريكي ايصوره واخذ الموتر ادق له سلف واوديه افحصه بنفسي واطلع اي عيوب فيه وياما شرينا مواتر للشباب , لكن اذا انت محد عندك اهناك شاف الموتر نصيحه لتستعجل, هذا رايي والله ايوفقك.