الغش التجاري

[سميه]

اريد رايكم من فضلكم رحت قبل كم يوم 51 east انا واختي لان عندنا عرس والفساتين هناك نار لكن لان احنا مضطرين ان ناخذ ...سألنا البياع متى التنزيلات قال ( والله ما عندي خبر لساتوا المحل جديد ماعتءد انه راح يعملوا sale ) وان البضاعه جديده . المهم شرينا الفساتين ، واليوم تفاجأنا ان عندهم sale الله لا يبارج في بليس :omg:
شرايكم مب هذي نوع من الغش التجاري ؟؟؟
وشنو الحين اسوي ؟ :weeping:
طولت عليكم سامحوني تصبحون على خير

[البحار00]

لازم يقولج ان ماعندهم تنزيلات ولا شلون بيبيع عليكم

لان لو قالكم ممكن تروحون وماترجعون فهو يضمن أنكم تشترون منه في وقتها

[الخزرجي قطر]

هذا غش من الموظف بس مافي قانون يحمي هذا الشي
الله يعوضكم خير ان شاالله بس في طريقه ممكن اعادة
الفستان اذا يقبل ترجعونه حسب المده المكتوب على
الفاتوره وبعدها ترجعون تشترونه مره ثانيه في وقت
اخر بس مايكون معدل على الفستان اي شي؟؟؟؟؟؟؟

[سميه]

لازم يقولج ان ماعندهم تنزيلات ولا شلون بيبيع عليكم

لان لو قالكم ممكن تروحون وماترجعون فهو يضمن أنكم تشترون منه في وقتها

اي لكن هذي حرام
شدعوه وين الامانه

[ALJokar]

لا يدري متى التنزيلات أكيد


لان طلب تصريح من الدوله والأوراق حق الأذن التنزيلات يأخذ فتره لين يردون عليهم وأكيد عنده خبر بس اهو يصرف بضاعته وهذا غش على الزبون

[OM_OMAR_QATAR]

اريد رايكم من فضلكم رحت قبل كم يوم 51 east انا واختي لان عندنا عرس والفساتين هناك نار لكن لان احنا مضطرين ان ناخذ ...سألنا البياع متى التنزيلات قال ( والله ما عندي خبر لساتوا المحل جديد ماعتءد انه راح يعملوا sale ) وان البضاعه جديده . المهم شرينا الفساتين ، واليوم تفاجأنا ان عندهم sale الله لا يبارج في بليس :omg:
شرايكم مب هذي نوع من الغش التجاري ؟؟؟
وشنو الحين اسوي ؟ :weeping:
طولت عليكم سامحوني تصبحون على خير

امس كنت مع الاهل عندهم وبعد اشترو عطور وجي وامس تفاجئنا بالسيلز مع انه الاسبوع الي طاف اكدنا لهم متى التخفيضات تكون
لكن اكدو بنات السيلز انه الامر صار فجأة وماكنا ندري واتوقع يصدقون
عموما هي هاي موسم التخفيضات معروف

وابشرج تخفيضات الملابس 25% :telephone:

[@north_star@]

أولا اختي انتوا مب مضطرين تشترون من هناك وثانيا هذا مجرد موظف وما اعتقد انه كل الموظفين عندهم علم متى بيكون موعد التنزيلات لانه اللي يعرف موعدها بشكل عام الاداريين وعقب يبلغون البياعين ..... وما اعتقد اللي صار غش لانه هذي تجارة
وتقبلي مروري

[بوفاطمه]

ما اعتقد هذا غش تجاري.
لاهذه سياسة طال عمرج.

[ضوى]

51 east وين هالمحل؟

[@north_star@]

51 east وين هالمحل؟

اللي جنب جرير وله افرع بالستى سنتر ( البيت الحديث سابقا )

[ضوى]

اها البيت الحديث

[لاميزون]

الله يعوضج خير

[@north_star@]

اها البيت الحديث
اي نعم وهو 51EAST , ,وليس EAST 51 :nice:

[khaldoon]

عادة يكونوا البياعين و البياعات مأمورين بعدم اخبار الزبائن بموعد التنزيلات و غالبا يعرفون الموعد او على الاقل قرب حدوثه و ممكن لو كشفوا الموعد للزبائن يواجهون مشاكل و يروح الزبون يقول هذا البياع هو اللي قالي و يحط نفسه في موقف هو في غنى عنه

انا لو كنت موظف راح امتثل للاوامر و ما راح اخبر الزباين لاني بكون غشيت المحل اللي مشغلني

[ثابت]

غش ونص وصدقيني هذا الاسلوب بس مع اهل قطر يستخدمونة
انا بنفسي اكتشف انة في اماكن للاجانب سعر خاص والقطري سعر
وخاصة الجنسيات الاسيوية والتنزيلات مستحيل يخبرونج عنها

[شيزكيك]

صح في بعضهم يعرفون وما يعلمون وبعضهم يعلمون مثل البي اش من فتره طويله سالت موظفه وقالت لي ديسمبر وبعدين كل ما دخلت وابي اشتري اتذكر التنزيلات واهون وتمينا على اتصال معاهم وصج طلعت تنزيلاتهم في ديسمبر والحلو فيهم انهم قبل التنزيلات بيوم تقدرين تحجزين الاغراض بسعر التنزيلات

[ام السعف]

51 east وين هالمحل؟

صوب مكاتب جرير صوب رمادا وكيل الـ HTC
البيت الحديث سابقا :shy:

[ام السعف]

بشكل عام .....> كل محل له موسم معين يعلن فيه التنزيلات ،،

فإذا حابة تصيدينهم قولي لهم مب شارية الا في التنزيلات
بيقولون لج الموعد ،،

[khaldoon]

صح في بعضهم يعرفون وما يعلمون وبعضهم يعلمون مثل البي اش من فتره طويله سالت موظفه وقالت لي ديسمبر وبعدين كل ما دخلت وابي اشتري اتذكر التنزيلات واهون وتمينا على اتصال معاهم وصج طلعت تنزيلاتهم في ديسمبر والحلو فيهم انهم قبل التنزيلات بيوم تقدرين تحجزين الاغراض بسعر التنزيلات

بي اتش اس لهم موعدين تنزيلات في العام يونيو و ديسمبر فقط و تقريبا تبدأ ب 9 الشهر و تنتهي لاخره ...في الاول بتكون 33% و بعدين بتصير 50% بس ممكن القياسات المناسبة تخلص قبل

[شيزكيك]

بي اتش اس لهم موعدين تنزيلات في العام يونيو و ديسمبر فقط و تقريبا تبدأ ب 9 الشهر و تنتهي لاخره ...في الاول بتكون 33% و بعدين بتصير 50% بس ممكن القياسات المناسبة تخلص قبل

صح كلامك التخفيضات الاضافيه ما راح تحصل المقاسات الي تبيها بس بشكل عام تنزيلاتهم زينه

[سميه]

أولا اختي انتوا مب مضطرين تشترون من هناك وثانيا هذا مجرد موظف وما اعتقد انه كل الموظفين عندهم علم متى بيكون موعد التنزيلات لانه اللي يعرف موعدها بشكل عام الاداريين وعقب يبلغون البياعين ..... وما اعتقد اللي صار غش لانه هذي تجارة
وتقبلي مروري

اولا مشكورين كلكم على المرور
ثانيا والله يا الشيخ اللي سألته كان مب موظف عادي كان مدير المبيعات
هني بطة الجبد

[khaldoon]

اولا مشكورين كلكم على المرور
ثانيا والله يا الشيخ اللي سألته كان مب موظف عادي كان مدير المبيعات
هني بطة الجبد

ذكرتيني بصديق لي يوم راح يشتري سيارة سأل مدير المعرض و هو صديق مشترك لي و له من سنين هل راح يتم تغيير شكل السيارة لانه ما كان في اي اخبار عن تغيير الشكل في ذلك الوقت قبل كم سنة فقاله ابدا الشكل راح يظل مثل ما هو وما راح يتغير و بعد شرائها باسبوعين غيروا شكل السيارة :rolleyes2:

[qtr7]

اذا ما ستخدمتيه رجعيه لهم قولي يا ارجع يا تعتبرونه خصم بس انا احس اكثرهم غشاشين قبل التنزيلات وعقب فرق بسيط قبل التنزيلات يرفع السعر ويقول لك سويت لك خصم ! والوزاره نايمه والي يجيب من تايلند وسوريا ويكتب ميد ان ايطاليا ولوزاره نايمه !