وين ينباع سوار التحكم في الجسم

[khaldoon]

السلام عليكم و رحمة الله و بركاته

ممكن لو سمحتوا استفسر منكم وين يبيعون السوار المطاطي الخاص بالتحكم بالجسم و طاقته و توزان الجسم و تصفي المخ خلال التمرين و يستخدمونها الرياضيين؟

الصراحه انه سوار عجيب بس ما اعرف من وين يجيبونه و لا كم سعره

ناس تقول ب 300 ريال و ناس تقول ب 500:rolleyes2:

اعتقد حسب النوع و الشكل

الرجاء المساعدة و جزاكم الله كل خير مقدما

[fhd4]

ترى ما منها فايدة باعتراف الشركة ومؤسس الشركة نفسها ...

لكن سعرها 3.5 دولار في الامازون

http://www.amazon.com/Power-Balance-Silicone-Wristband-Bracelet/dp/B003WOORH8/ref=sr_1_1?ie=UTF8&qid=1323585188&sr=8-1

[khaldoon]

ترى ما منها فايدة باعتراف الشركة ومؤسس الشركة نفسها ...

لكن سعرها 3.5 دولار في الامازون

http://www.amazon.com/power-balance-silicone-wristband-bracelet/dp/b003woorh8/ref=sr_1_1?ie=utf8&qid=1323585188&sr=8-1

والله يا اخوي ما اعرف ايش اقلك هل هي وهم و الا شنو؟

بس جربتها خلال التمرين و حسيت انها عجيبة و يمكن تكون كذب بس بجد تسوي توازن و تشوف اشهر الرياضيين يلبسونها

على الاقل لو كانت تعطي شعور كاذب بس لا بأس فيه يساعد

على العموم وين الامازون او مين وكيله لو سمحت؟

[فتى الجود]

السلام عليكم

موجود بــ 130 ريال

من الصيدلية اللى بمحطة المسيلة - من دوار مستشفى الولادة بتجاه الريان

جنب باسكن روبنز
لكن ياخوى ما فيه فايده ترى تقطعه نصفيين راح تلقاه بلاستك في بلاستك

عموماً اذا تعاني من الظغوط عليك بــ أذكار الصباح والمساء

والله يوفقك لك ولنا

[khaldoon]

السلام عليكم

موجود بــ 130 ريال

من الصيدلية اللى بمحطة المسيلة - من دوار مستشفى الولادة بتجاه الريان

جنب باسكن روبنز
لكن ياخوى ما فيه فايده ترى تقطعه نصفيين راح تلقاه بلاستك في بلاستك

عموماً اذا تعاني من الظغوط عليك بــ أذكار الصباح والمساء

والله يوفقك لك ولنا

و عليكم السلام و رحمة الله و بركاته

عرفت صيدلية المسيلة...جزاك الله كل خير....اخوي الحمد لله حريص على اذكار الصباح و المساء و النوم و الله يشهد...الموضوع مب موضوع ضغوط الموضوع اني احتاجها للتمرين و فعلا الاقيها تعطي توازن و تعطي شعور رائع و يمكن يكون شعور كذاب بس حاليا مفيد


كل الشكر ما قصرت

[فتى الجود]

و عليكم السلام و رحمة الله و بركاته

عرفت صيدلية المسيلة...جزاك الله كل خير....اخوي الحمد لله حريص على اذكار الصباح و المساء و النوم و الله يشهد...الموضوع مب موضوع ضغوط الموضوع اني احتاجها للتمرين و فعلا الاقيها تعطي توازن و تعطي شعور رائع و يمكن يكون شعور كذاب بس حاليا مفيد


كل الشكر ما قصرت


هلا يابطل

الله يوفقك
ورب العالمين قال : (( وَذَكِّرْ فَإِنَّ الذِّكْرَى تَنْفَعُ المُؤْمِنِينَ ))

شوف قال المؤمنين وليس الغافلين

فأنشاء الله انك من المؤمنين الذاكرين


وبالنسبة للأسوارة

عن تجربة اول ما أستعملتها حسيت بتغير وحسيت بنوع من امتصاص الشحنات

وبعدها شفت تقرير يفيد ان مامنها فايده وكلها بلاستيك

وسبحان الله

حسيت ان مامنها فايده وتركتها

[khaldoon]

هلا يابطل

الله يوفقك
ورب العالمين قال : (( وَذَكِّرْ فَإِنَّ الذِّكْرَى تَنْفَعُ المُؤْمِنِينَ ))

شوف قال المؤمنين وليس الغافلين

فأنشاء الله انك من المؤمنين الذاكرين


وبالنسبة للأسوارة

عن تجربة اول ما أستعملتها حسيت بتغير وحسيت بنوع من امتصاص الشحنات

وبعدها شفت تقرير يفيد ان مامنها فايده وكلها بلاستيك

وسبحان الله

حسيت ان مامنها فايده وتركتها

بارك الله فيك و الله يكثر من امثالك

الظاهر انه المسألة بس ايحاء و وهم ....كل الشكر

[كازانوفا]

والله يا خلدون من فتره واحد من جماعتنا لابساها وسالته ايش فايدتها وهل حسيت بشي يقولي لابسها منظر(كشخه ) يعني لا اتصدق هالامور

[khaldoon]

والله يا خلدون من فتره واحد من جماعتنا لابساها وسالته ايش فايدتها وهل حسيت بشي يقولي لابسها منظر(كشخه ) يعني لا اتصدق هالامور

امس شفت على النت مقطع فيديو يبين الفرق بين الاصلي و التقليد و فعلا يظهر الاصلي افضل في الجودة و بعدين لقيته ينباع في كل الصيدليات بسعر 130 ريال بس يبين بناء على الفيديو انه اللي ينباع هو التقليد و ليس الاصلي!!!!!:rolleyes2:

[كازانوفا]

امس شفت على النت مقطع فيديو يبين الفرق بين الاصلي و التقليد و فعلا يظهر الاصلي افضل في الجودة و بعدين لقيته ينباع في كل الصيدليات بسعر 130 ريال بس يبين بناء على الفيديو انه اللي ينباع هو التقليد و ليس الاصلي!!!!!:rolleyes2:



خلدون للامانه رجعت سالتلك عنه عند قريبي وقلي يحس بالفرق وقت النوم
عاد كيف الله اعلم :rolleyes2:
بس على ذمة الراوي اللى هو قريبي يقولي يزيد قوة النشاط ثاني يوم والتفكير والهدوء
هاي سحر يا خلدون مش اسوارة
وسالته عن السعر قلي اجته هديه omen

بالتوفيق :victory:

[عاشق الشهادة]

يعني في منه فايده او لا ؟
اذا منه فايده لاتنساني اخوي خلدون اذا حصلت قولي وين وبكم :nice:

[missperfect]

امس شفت على النت مقطع فيديو يبين الفرق بين الاصلي و التقليد و فعلا يظهر الاصلي افضل في الجودة و بعدين لقيته ينباع في كل الصيدليات بسعر 130 ريال بس يبين بناء على الفيديو انه اللي ينباع هو التقليد و ليس الاصلي!!!!!:rolleyes2:

في صيدليات تبيعها ب80 وفي ب130 اتوقع ال130 هو الاصلي على حسب كلام الصيدلاني يقول هذا سعره من اول ما نزل وهذا الاوريجنال

[khaldoon]

رغم انه بعض الاخوان قالوا انه خدعة وما منه فايدة

http://alwatan.kuwait.tt/articledetails.aspx?Id=153675

الغريب انه حتى لو الشركة ما قدرت تأكد انها حقيقة بس النتائج اللي تحققها الاسواره قابلة للتطبيق يعني فعلا تحقق توزان في الجسم مثل ما يقولون و تصفي الذهن و....و انا اقول عن تجربة

اتوقع و هذا رأي شخص انه الشي حقيقي طالما انه يحقق النتائج المطلوبة منه بس العلم حاليا عاجز عن اكتشاف السبب ....يعني لما اجي اقولك لو سويت الفعل x فاكيد النتيجة راح تكون y بس لو سألتني ليش اقولك ما اعرف السر حاليا بس هذه هي النتيجة دائما و الله اعلم

[khaldoon]

خلدون للامانه رجعت سالتلك عنه عند قريبي وقلي يحس بالفرق وقت النوم
عاد كيف الله اعلم :rolleyes2:
بس على ذمة الراوي اللى هو قريبي يقولي يزيد قوة النشاط ثاني يوم والتفكير والهدوء
هاي سحر يا خلدون مش اسوارة
وسالته عن السعر قلي اجته هديه omen

بالتوفيق :victory:

انا اصدق ما يقول لاني جربته

كل الشكر

[khaldoon]

يعني في منه فايده او لا ؟
اذا منه فايده لاتنساني اخوي خلدون اذا حصلت قولي وين وبكم :nice:

والله يا الغالي ما اعرف ايش اقولك غير ردي اللي ذكرته فوق مع الرابط

لو حصلت الاصلية بقولك

[khaldoon]

في صيدليات تبيعها ب80 وفي ب130 اتوقع ال130 هو الاصلي على حسب كلام الصيدلاني يقول هذا سعره من اول ما نزل وهذا الاوريجنال


روحوا على اليوتيوب و اكتبوا

Power Balance, How to spot a fake one


و قارنوا اللي شفتوه باللي بالصيدليات وبتلاقوا اللي ينباع بالصيدليات بسعر 130 مب اصلي :rolleyes2:

[بصمة قطرية]

بناءاً على اعتراف الشركة المصنعه ان الاسواة مجرد كذبة صدقوها الناس ..!!!
بصراحة انا مش داخل مخي ان منها فايدة ..

اللي عندي اغلبهم يلبسونها س
التهم شلي حسيتوه وانتو لابسينها
يقولون ماندري احساس غير
هي توازن الجسم ..
على فكرة ..
لما انا احط في بالي ان هالاسوارة راح تفيدني لا شعورياً انا راح احس بتغيير و انا لابستها ..
هالشي من داخلي ..
يعني المسألة برمجة من داخل الانساسن ان هالشي بيريحني و بيعمل توازن للجسم و و و ..
حط في بالك ان ما منها فايدة فعلاً راح تحس بهالشي كأنك لابس قطعة بلاستيك ..

[khaldoon]

بناءاً على اعتراف الشركة المصنعه ان الاسواة مجرد كذبة صدقوها الناس ..!!!
بصراحة انا مش داخل مخي ان منها فايدة ..

اللي عندي اغلبهم يلبسونها س
التهم شلي حسيتوه وانتو لابسينها
يقولون ماندري احساس غير
هي توازن الجسم ..
على فكرة ..
لما انا احط في بالي ان هالاسوارة راح تفيدني لا شعورياً انا راح احس بتغيير و انا لابستها ..
هالشي من داخلي ..
يعني المسألة برمجة من داخل الانساسن ان هالشي بيريحني و بيعمل توازن للجسم و و و ..
حط في بالك ان ما منها فايدة فعلاً راح تحس بهالشي كأنك لابس قطعة بلاستيك ..

سألت واحد يستخدمها بشكل دائم فقالي بالاول كنت احس فيها و الحين فقدت الاحساس فيها و مع ذلك ما زال يلبسها و يقولي هذه اكيد مب الاصلية هذه تقليد رغم انه شاريها بمبلغ كبير على حد قوله

بس اللي يحيرني اشلون فعلا تسوي توزان في الجسم ....اقول عن تجربه فعلا و استخدمتها في التمرين كم يوم ....ايش هالوهم اللي يعطي قوة و صفاء ذهن و طاقة و توازن؟؟!!!

[استغفرالله]

لبسها بالنسبة لي فيه شبهة الحرام

لانها فيها اعتقاد انها تحسن قدرتك الجسمية والعقلية وكانها تميمة تحفظك

ومعلوم حرمة التمائم

[khaldoon]

لبسها بالنسبة لي فيه شبهة الحرام

لانها فيها اعتقاد انها تحسن قدرتك الجسمية والعقلية وكانها تميمة تحفظك

ومعلوم حرمة التمائم

التمائم : جمع تميمة وهي ما يعلق بأعناق الصبيان أو الكبار أو يوضع على البيوت أو السيارات من خرزات وعظام لدفع الشر - وخاصة العين - ، أو لجلب النفع .

اخوي من التعريف مثل ما تشوف انها ما تستعمل من اجل دفع الحسد و حفظ الانسان من الشر و انه لما يلبسها راح تحميه و انه باستخدامها راح يستغني عن حفظ الله عز و جل و العياذ بالله

هي مجرد اداة تستخدم لحفظ التوازن في الجسم خصوصا مع رفع الاثقال و حفظ للطاقة من خلال التركيز على التمرين

مثل ما تلبس النظارة لحفظ النظر او تشرب شي لاعطاء طاقة او تستخدم اي جهاز لحفظ توازن الجسم......الخ يعني ما تحفظني من العين و الحسد و الشر

على العموم انا لسه ما شريتها طالما انه ما في تأكيد انها تفيد مع اني مثل ما قلت جربتها و شعرت بتأثيرها و الله اعلم

كل الشكر على مرورك و تعليقك

[مواطن صالح]

السلام عليكم ورحمة الله وبركاته
أخوي الله يسلمك لما أنت أو غيرك يقول أنا حسيت بتغيير ترا هذا كله إيحاء صدقني ، وقصص الإيحاء كثيرة وتهول مثل قصة العلماء الروس ألي عملوا تجربه على شخص محكوم عليه بالإعدام ، سكروا على عيونه و أوهموه أنهم راح يصفون دمه وكانوا ممدودين منه أنابيب ماي وتنزل كأنه صوت دم وهو يحسب أن دمه لما سمع الصوت وبعد شوي لقوا أنه مات لأن عقله الباطني يرسل إشارات لأعضاء الجسم بعدم العمل لأنه في باله أنه راح يتصفا دمه ، فإذاً أخوي العزيز خلك من هالأشياء مثل ماقالوا بعض الأخوة إن صاحب الشركة أعترف بأن الموضوع كله بلاستيك ، وبالنسبة للالعيبة لما يلبسونه هذي أغلبها دعاية إذا مب كلهم ، و إذا على ماتقول تبي تحس براحة ونشاط سو حجامة ، أولاً سنة الحبيب صلى الله عليه وسلم وثانياً إما حصلت منها خير أو بإذن الله ما منها مضره وعملية الحجامة هي شفط الدم الفاسد في الجسم ، وعن نفسي أنا سويتها والحمد لله لا صداع والنوم بأفضل مايكون .

متأسف على الإطالة وتقبل مروري ،،

[بـــــــنت النوخـّــــذه]

ترى ما منها فايدة باعتراف الشركة ومؤسس الشركة نفسها ...

لكن سعرها 3.5 دولار في الامازون

http://www.amazon.com/Power-Balance-Silicone-Wristband-Bracelet/dp/B003WOORH8/ref=sr_1_1?ie=UTF8&qid=1323585188&sr=8-1

:eek5::eek5:

من صجكم اهو الي بالصوره ؟؟؟؟

اليهال الصغار شاريين منه وانا اضحك عليهم اقول لهم يقصون عليكم والله حسبته من محل العاب شارينه بس جذيه 00طلع صج مساكين ظلمتهم يوقفون مادين يدهم ورافعين رجل وحده فتره طويله وانا اقول نزولو بلا خربطه

[khaldoon]

السلام عليكم ورحمة الله وبركاته
أخوي الله يسلمك لما أنت أو غيرك يقول أنا حسيت بتغيير ترا هذا كله إيحاء صدقني ، وقصص الإيحاء كثيرة وتهول مثل قصة العلماء الروس ألي عملوا تجربه على شخص محكوم عليه بالإعدام ، سكروا على عيونه و أوهموه أنهم راح يصفون دمه وكانوا ممدودين منه أنابيب ماي وتنزل كأنه صوت دم وهو يحسب أن دمه لما سمع الصوت وبعد شوي لقوا أنه مات لأن عقله الباطني يرسل إشارات لأعضاء الجسم بعدم العمل لأنه في باله أنه راح يتصفا دمه ، فإذاً أخوي العزيز خلك من هالأشياء مثل ماقالوا بعض الأخوة إن صاحب الشركة أعترف بأن الموضوع كله بلاستيك ، وبالنسبة للالعيبة لما يلبسونه هذي أغلبها دعاية إذا مب كلهم ، و إذا على ماتقول تبي تحس براحة ونشاط سو حجامة ، أولاً سنة الحبيب صلى الله عليه وسلم وثانياً إما حصلت منها خير أو بإذن الله ما منها مضره وعملية الحجامة هي شفط الدم الفاسد في الجسم ، وعن نفسي أنا سويتها والحمد لله لا صداع والنوم بأفضل مايكون .

متأسف على الإطالة وتقبل مروري ،،


حقيقة علمية عن الخيال (http://qatarshares.com/vb/showthread.php?t=488361)

جزاك الله كل خير ما قصرت على هذا الرد الطيب

[khaldoon]

:eek5::eek5:

من صجكم اهو الي بالصوره ؟؟؟؟

اليهال الصغار شاريين منه وانا اضحك عليهم اقول لهم يقصون عليكم والله حسبته من محل العاب شارينه بس جذيه 00طلع صج مساكين ظلمتهم يوقفون مادين يدهم ورافعين رجل وحده فتره طويله وانا اقول نزولو بلا خربطه


:anger1::anger1::anger1:

خلاص مب شاريه ....هونت....يبيعونه على 130 و 90 و مثل بعض وما ينعرف ليش هالشكل بس مثل ما اشوف انه الشركه ما قدرت تثبت فعاليته

بس عن تجربة فعلا انه له تأثير...جربيه يا اخت بنت النوخذه في التوازن مثل ما يحطون بالصور و قولي ايش شفتي