ليش مانسوي لجنة عشان نمنع هالجرايم ؟! من معاي

[وتبقى الدنيا حلوه]

طبعا ما يخفى على احد منا كثرة جرايم الخدم في الفترة الاخيره و كل فترة و فتره تصير جريمة تصير في بيت من بيوتنا او نسمع انها صارت حق حد

و السؤال اللي يسدح نفسه !

ليش دول الخليج ماتسوي لجنة و هاللجنه تدرس حالة الخدامه او السائق قبل مايجي يشتغل

قلتوا لي شلون ؟!

بغض النظر عن الفحص الطبي الذي لابد منه لازم كل خادمه يخضعونها لفحص نفسي + يتحققون من سجلها الاجرامي في بلادها يعني لازم تجيب شهادة حسن سيرة و سلوك و يتم التحقق من انها اصلية و غير مزورة من قبل سفارتها بالدوحة او شي من هالقبيل (اتمنى وصلت فكرتي)

ولاحد يقول ينط ويقول عاملوهم زين و ماله داعي كل هاي

ترا في خدامات ماينقع فيهم والله مهما تسوي لهم مايبين بعينهم

وللامانه و في ناس مب صاحيين يفكرون الخدامه شارينها بفلوسهم

عموما احس هذا اقل شي ممكن يصير للحد من الجرايم اللي قاعده تصير

شرايكم بالفكره ؟!

[نــوف..~]

سؤال حلووو وانا مع بكل تاكيد

لكن بشرط مب شهادة حسن سير وسلوك لان عادي يزورون فيها

الاهم انها تكون شهادة منبعها اكيد من داخليتهم وموثقة برسمية مب من مكاتب او..الخ

وانا مع وبقوووووووووووووووووه

[ام السعف]

ربنا يستر ،، مب شرط يكونون مجرمين مرات يتحولون بقدرة قادر الى مجرمين

نسأل الله اللطف والسلامة

[كازانوفا]

يسوو لجنه عشان اتجيب ماضي وحاضر ومستقبل الخادمه او السائق معناتو ما راح يوصل خدم للبيوت
لانه الكثير من اللجان داخل المنطقه صعب تنجز شي وهم بمكان قريب ومعروف كيف ممكن تجيب حسن وسيرة سلوك واحد مجهول
ان شالله كلامي واضح

[وتبقى الدنيا حلوه]

تسلمين ..

[لاميزون]

مع الفكرة وياريت نشوف مقترحات اكثر

[الحياة الخالدة]

في زمن صار كل شي فيه بالواسطة .. و كل شي ينشرى بالفلوس .. بيكون الأمر صعب
و لا أقول مستحيل

يمكن لو سوينا هاللجنة في دولنا و ليس في دولهم .. يمكن

لكن مثل ما قالت أختي أم السعف .. بعضهم يتحولون .. فهل سنحتاج إلى تقييم مستمر لحالتهم النفسية ؟؟

و بالمقابل .. هل يمكن أن نرى دراسة تقييم للأسرة التي تستقدم هذه الخادمة ؟؟!!
على أساس الأسر التي قد تسيء معاملتها .. حتى لا نظلم أي طرف منهما

[حقيقه]

أنا أقول يبحثون في حالة العايله اللي گل اسبوعين أو گل شهر يغيرون الخدامه

گل شهر تقريباً 6 أو 10 خذامات ويقولون مايبن يشتغلن

[مرتبش]

فكرة طيبة
ورقة حسن سيرة وسلوك.. الاخوان سووها لجنة وتزوير وبيخلونها اصعب من لبن العصفور.

[محامية قطر]

جرائم الخدم على مستوى الخليج أصبحت في إزدياد خلال السنوات الأخيرة
بالنسبة لجرائم القتل هي محدوده جدا قياسا بالجرائم الأخرى الأخلاقية والسرقات والأنتحار
من واقع أحصائيات
بالنسبة لمحاكم قطر - طبعا تكثر فيها جرائم خدم المنازل والعمال بشكل كبير
مما يعيق عمل القضاء والتركيز على قضايا أخرى أكثر أهمية
على الرغم من السلطة الممنوحة لرجال النيابة العامة في أنهاء النزاعات الخاصة بالخدم والعمل على مساعدة جهاز القضاء لتقليل العبئ عليهم في إحالة قضايا للمحكمة المختصة ممكن أن تحل بواسطة النيابة العامة

[الـخـالـدي]

جرائم الخدم على مستوى الخليج أصبحت في إزدياد خلال السنوات الأخيرة
بالنسبة لجرائم القتل هي محدوده جدا قياسا بالجرائم الأخرى الأخلاقية والسرقات والأنتحار
من واقع أحصائيات
بالنسبة لمحاكم قطر - طبعا تكثر فيها جرائم خدم المنازل والعمال بشكل كبير
مما يعيق عمل القضاء والتركيز على قضايا أخرى أكثر أهمية
على الرغم من السلطة الممنوحة لرجال النيابة العامة في أنهاء النزاعات الخاصة بالخدم والعمل على مساعدة جهاز القضاء لتقليل العبئ عليهم في إحالة قضايا للمحكمة المختصة ممكن أن تحل بواسطة النيابة العامة

قواج الله اختي على الرد الطيب

بس الى الان ماشفت ولا قانون يحمي الكفيل .. حتى لو ان الخادم تعدى على الكفيل وضربه ماله حق يشتكي عليه !!! و هذا صار .. ولا حد وقف مع القطري ..!!!

فأي قانون يحمي الكفيل ياليت تنورينا بالقوانين اللي تحمي الكفيل من العامل

[ابوالكلام]

افضل طريقة الاستغناء عن الخدم والاعتماد على النفس كل الاعتماد صار على الخدم مادري لين وين بنوصل ماعتقد بنتطور واحنا حتى الواحد ملابسه الشخصية ما يغسلها بنفسه كل شي على الخدم مجتمعنا صار مجتمع اتكالي والربحان مكاتب الخدم

[%حورية قطر%]

اي والله نبي حد للمجرميين من الخدم انا عندي خدامه ومب معتمده عليها الا بالتنظيف والكواي وشكلي بسفرها نظراتها تخررع و الله تعقدت من سوالفهم ماينقع بعينهم شي

[وتبقى الدنيا حلوه]

تسلمون عالرد