استفسار للاخوان المطلعين على قانون الموارد البشريه !!

[الـقـاسـي]

السلام عليكم ورحمه الله

ياليت من الاخوان المختصين او المطلعين او اللي مروا بتجارب مشابهه يفيدونا في هذا الموضوع ..

موظف في جهه حكوميه تقدم باستقالتها في شهر 9 وتمت الموافقه عليها

السؤال هنا : هل رصيد الاجازات الـ 45 يوم لو خذاها بدايه السنه يطالب بدفع قيمتها لان اللي في الموارد البشريه قالوا الموظف في هالحاله ماستحق الا قرابه الـ 20 يوم

وبالنسبه للمستحقات الماليه او نهايه الخدمه كيف يتم حسابها ؟؟

ياليت القى تفاعل من الاعضاء


وشاكر لكم ..

[OM_OMAR_QATAR]

ان شاء الله بيفيدونك ،
الموظف مواطن والا مقيم ؟؟
رصيد الاجازات بيكون للتسع اشهر 34 يوم تقريبا الباقي 11 يوم تنخصم من مستحقاته او في ظني ممكن يداوم 11 يوم غير عن الثلاث اشهر تعويض .. مو متأكد

مفروض حسب قانون الشركة او الهيئة بس تقريبا هي راتب اساسي " اخر راتب اساسي " عن كل سنة خدمة
وحسب هو بأي شهر توظف وبعد تنقسم على 12 ضرب 9


السنة الفعلية تنحسب له من تاريخ المباشرة مو من السنة الميلادية

[الـقـاسـي]

ان شاء الله بيفيدونك ،
الموظف مواطن والا مقيم ؟؟
رصيد الاجازات بيكون للتسع اشهر 34 يوم تقريبا الباقي 11 يوم تنخصم من مستحقاته او في ظني ممكن يداوم 11 يوم غير عن الثلاث اشهر تعويض .. مو متأكد

مفروض حسب قانون الشركة او الهيئة بس تقريبا هي راتب اساسي " اخر راتب اساسي " عن كل سنة خدمة
وحسب هو بأي شهر توظف وبعد تنقسم على 12 ضرب 9


السنة الفعلية تنحسب له من تاريخ المباشرة مو من السنة الميلادية

تسلم اخوي ماقصرت ,,

بالنسبه لسؤالك اي مواطن وعلى الدرجة السابعه

[ليــث قطر]

مثل ما قال اخوي راتب الايام الزايدة تنخصم من المستحقات او تدفع اذا ما عندك مستحقات وفي الجهة الجديدة بتاخذ ال ١١ يوم رصيد اجازات

بالنسبة لمكافاة نهاية الخدمة ما في للقطري لان في تقاعد

[saad1125]

حدث معي وتم خصم راتبي عند أستقالتي لان الاجاة تحسب عن كل شهر 3.75 تنزيل بداية كل سنة إذا استقلتي قبل نهاية السنة يعاد احتساب الاجازة ويتم خصم الفرق إذا دعت الحاجة للعلم كل الجهات الحكومية والخاصة تطبق نفس الاجراء