عااااجل :هل البلاعيم لها علاج

[المليونير الفقير]

السلام عليكم ورحمة الله وبركاته


اخواني معاي بلاعيم ذابحتني حتى الماي ماقدر اشربه ومافي مضاد ولادواء الا خذته وليلحين معاي نفس الالام وللعلم احس في بلعومي مثل الدبابيس اي شي يمر عليها يعورني حد عنده حل وجزاكم الله خير



ولاتسونا من دعائكم الصالح

[أبورودي]

هل تقصد اللوزتين
اذا كانت اللوزتين ومحتقنه لهذه الدرجه وبصفه مستمره
لابد من عمليه جراحيه وتذبلهم وستكون امورك طيبه بعد ذلك

[_بوشهاب_]

اخوي اذا اللوز عندك حساسه وتلتهب عليك دووم انصحك ان تشلها
لان التهاب اللوز مب بسيط حتى الريق ماتقدر تبلعه
في نااس يطول وياهم العلاج وبعد مايطيبون بعد فتره قصيره يرجع لهم الالتهااب نصيحتي انك تروح تجيك على اللوز وتاخذ مشوره الدكتور وان شاء الله خير

[السهم الشمالي]

أخي الكريم
تجنب شرب البارد وعليك بالزنجبيل مع الحليب والعسل الطبيعي ولو تقدر تشرب أكثر من مرة شي طيب والله يشفيك .

[أبورودي]

هل تقصد اللوزتين
اذا كانت اللوزتين ومحتقنه لهذه الدرجه وبصفه مستمره
لابد من عمليه جراحيه وتذبلهم وستكون امورك طيبه بعد ذلك

العمليه بسيطه تستغرق 40 دقيقه مع تخدير كلى
وبتخرج فى نفس اليوم وبتاكل اول 3 ايام
ايس كريم وجيلي فقط اكل بارد جدا وطري حتى لا يصيب مكان الجراحه فى اليوم الرابع بتكون تمام

[فاضي عمل]

آلله يشفيك إن شاءالله

مثل ماقالوا الاخوان اذا اللوزتين لازم عمليه ولا بترجع لك ,, يمكن من التدخين أو من البارد

عليك بالعسل او زنجبيل أو زعتر .. واذا ماقدرت تبلع عليك بالحبه اللي من الصيدليه الحلاوه

مآعليك شر:weeping:

[ENG_88]

اخوي مريت مرة في هالحالة .. وتميت يومين .. احسب انه مثل كل مرة عوار حلق ويروح !
ثالث يوم ما قدررت استحمل ورحت المستشفى وطلع عندي التهاب ف الاذن !!

يمكن البعض يقول شدخل ولا ماله خص .. بس هذا الي صار معاي ..
روح اكشف .. وما تجوف شر

[_بوشهاب_]

اخوي مريت مرة في هالحالة .. وتميت يومين .. احسب انه مثل كل مرة عوار حلق ويروح !
ثالث يوم ما قدررت استحمل ورحت المستشفى وطلع عندي التهاب ف الاذن !!

يمكن البعض يقول شدخل ولا ماله خص .. بس هذا الي صار معاي ..
روح اكشف .. وما تجوف شر

صحيح كلامك :victory:

[أبورودي]

ولازم تشوف طبيب أنف وأذن وحنجره

[كازانوفا]

اذا اللتهاب يجيك اكثر من مره بالشهر لازم تشيلهم لاني انا كانت عندي كل شهر مرتين الى 3 مرات
وبالاخير الصديد نزل على الركب والرئه والحمدلله شلتهم وارتحت منهم

[Rider]

اخوي انت اول شي روح حق دكتور يشخص لك الحالة افضل من انك تقول بلاعيمي وتنطر كل واحد يوصف لك شي يمكن تاخذ شي ياثر عليك

[قطريه ماركه]

أخي الكريم
تجنب شرب البارد وعليك بالزنجبيل مع الحليب والعسل الطبيعي ولو تقدر تشرب أكثر من مرة شي طيب والله يشفيك .

كلام سليم ...

زنجبيل و عسل ...

و تمضمض دايما بماء و ملح ..

و ابتعد عن الماء البارد و الايس كريم و البهارات و العطور و البخور ...

و اذا ما نفع كلش كلش شيلهم و افتك ..

الله يشفيك و يعافيك ..

[ام السعف]

دكتور الانف والاذن والحنجرة بيكون هو الأكثر افادة لك
هو اللي بيحدد لك سبب التهاب اللوزتين بشكل مستمر ،،

والدكتور ناجي كمال ناجي ....> صوب المعهد البريطاني الثقافي
هو الطبيب المقترح .. والله يشفيك وما اتشوف شر ،،

[الـخـالـدي]

ماتشوف شر و اجر و عافيه ..

[مساهم عادي]

روح حق دكتور انف واذن وحنجرة ... في دكتور هندي في السد نسيت اسمه مكانه ورا مطعم الخيمة على ماعتقد ... بيجيب قطنه وبيغطها في محلول .. ويبقولك افتح حلقك وبيمسح هالقطنة على اللوزتين ... ..... كلها كم ساعة وبتحس بتحسن كبير...

ومثل ماقالوا الاخوان اذا التهاب اللوزتين الحاد يجيك باستمرار يعني مثلا 4 مرات بالسنة فافضلك انك تستأصلها...

[q6r2009]

طبعا الاذن والحنجره مرتبطه في بعض وانا ارشح لك الدكتور الجفيري ماشاء الله ماعليه كلام .. وهو بالاغلب يكون التهاب باللوز وتكوّن صديد عليها .. كثر من شرب الماي لانه ينزل الصديد ..

والله يشفيك

[وتبقى الدنيا حلوه]

انا نفسك و يمكن اخس اخر مره رحت الامارات و كانت عندي نفس المشكله الدكتوره مالت الصيديله عطتني نفس حبوب امصها وصرت الحمدلله

[بولينجر]

احسن شي تروح الطبيب... والله يشافيك.....

[حسن]

متشوف شر يالمليونير انه عندي لك علاج فعال بس ماانصحك به عندك د كتور ناجي ولا الجفيري ولاتروح غيرهم وبتدعيلي انه وام السعف

[هجمة مرتدة]

روح للدكتور عبدالعزيز الجفيري وانت مغمض . .

ما شاء الله عليه سمعته طيبة واسلوبه ممتاز وتقنيات الأجهزة اللي عنده عالية ومن أفضل الأطباء تشخيصاً في مجال الأنف والأذن والحنجرة على مستوى الدولة . .

وصدقني بتدعي لي . .

[مفكّر]

الدكتور الجفيري بيحل لك هالمعاناة اللي تمر فيها
من واقع تجربة اخوي
عيادته في ابوهامور مقابل محطة بترول ابوهامور
وما تشوف شر ان شاء الله

[أم حمد]

اولا

روح حق دكتور توماس اللي فالسد جنب مطعم اسطنبول

بيغسلهم لك بدوا عنده

ثانيا

تغرغر بالخيل او المر او الماي الدافي مع كركم

ثالثا

اذا تجيك دايم لازم تحط في بالك تشيلهم وتفتك منهم

[هيا*]

لازم تشوف طبيب انف واذن وحنجره ....معافى يارب ..

[Halawala]

I strongly recommend Dr. Abdulaziz Al-Jufairi

[Mishaal]

تبي الحل النهائي ؟؟؟؟؟
اركب سيارتك ومر على الدكتور الجفيري
وكلها دقايق بإذن الله ومشكلتك محلوووولة
بالسلامة ان شاء الله

[عاشق الشهادة]

ماتشوف شر الغالي مليونير الفقير
وما ازيد على كلام الاخوان اكثر واحد يقدر يشخص حالتك هو الطبيب المختص .

[شمس2]

ضع يدك على مكان الالم واقرا الحمد وانت موقن انه الله يشفيك بها سمعت انها الشافيه وسمعت اكثر من شخص استفاد منها وبعد اتفل شوي في يدك بعد ما تقرا وامسح على مكان الالم مره ثانيه والله الشافي :omen2:

[بـــــــنت النوخـّــــذه]

مافيك إلا العافيه

اللوز متضخمه عندك نتيجه لنزلة برد او انفلونزا00شي طبيعي صادني نفسك حتى صوتي راح وبالليل ما اقدر انام

عادي فتره وبيروح

اشرب شي دافي الزنجبيل زين وخل حد يمرخ لك ارقبتك بزيت زيتون ترى المراخ زين وايد

دمتم سالمين

[أم شيوخ]

وينه اخونا ماشفناله رد......يمكن راح يشيلهم بروحه من كثر ماتوهق ......

ماتشوف شر روح حق اخصائي وبتعرف علاجك

[BIG-VEGA]

الحل الشعبي
فكس و واحد خبره يمسد بلاعيمك ويرفع اللوز لمكانهم الطبيعي وبترتاح على طول
طبعا مع شرب الاشياء الدافيه والغرغره

والحل الحديث
الدكاتره

[كازانوفا]

روح حق دكتور انف واذن وحنجرة ... في دكتور هندي في السد نسيت اسمه مكانه ورا مطعم الخيمة على ماعتقد ... بيجيب قطنه وبيغطها في محلول .. ويبقولك افتح حلقك وبيمسح هالقطنة على اللوزتين ... ..... كلها كم ساعة وبتحس بتحسن كبير...

ومثل ماقالوا الاخوان اذا التهاب اللوزتين الحاد يجيك باستمرار يعني مثلا 4 مرات بالسنة فافضلك انك تستأصلها...



افتكر دكتور ثوماس هندي

[chillis]

الحل الشعبي
فكس و واحد خبره يمسد بلاعيمك ويرفع اللوز لمكانهم الطبيعي وبترتاح على طول
طبعا مع شرب الاشياء الدافيه والغرغره

والحل الحديث
الدكاتره

فكس ههههه مال اول دكتور احمد سليمان بالعمادي او الجفيري :)

[قناص 787]

فكس ههههه مال اول دكتور احمد سليمان بالعمادي او الجفيري :)

ماشاالله بعد تعرفين في طب المساد ماشاالله كل هذا من الباند بان

[chillis]

ماشاالله بعد تعرفين في طب المساد ماشاالله كل هذا من الباند بان

الحين انت متملل لووول شنسوي انت واسطه هني :( عطنا من واسطتك

[قناص 787]

الحين انت متملل لووول شنسوي انت واسطه هني :( عطنا من واسطتك

:weeping: والله اني فقيرن مسكين حتى جاكيت ماعندي

[chillis]

:weeping: والله اني فقيرن مسكين حتى جاكيت ماعندي

كلنا فقراء :( عندك سلف ريال

[BIG-VEGA]

فكس ههههه مال اول دكتور احمد سليمان بالعمادي او الجفيري :)


هههه بس والله طريقه فعاله 95%
خصوصا قبل النوم ... يومين بالكثير والالتهاب يكون راح
اعيالي وعيال خواتي دايما امسدهم بفكس ... ولله الحمد ماحتجنا لدكتور او ادويه :)
مره وحده بس اذكر اني وديت بنتي الصغيره للدكتور لان الاتهاب كان حاد لدرجه ان صوتها ماينسمع .. ومع الدوا والتمسد .. ثاني يوم رجعت تلعب والثالث راح

[chillis]

هههه بس والله طريقه فعاله 95%
خصوصا قبل النوم ... يومين بالكثير والالتهاب يكون راح
اعيالي وعيال خواتي دايما امسدهم بفكس ... ولله الحمد ماحتجنا لدكتور او ادويه :)
مره وحده بس اذكر اني وديت بنتي الصغيره للدكتور لان الاتهاب كان حاد لدرجه ان صوتها ماينسمع .. ومع الدوا والتمسد .. ثاني يوم رجعت تلعب والثالث راح

تدريي بجرب الطريقه :)

[BIG-VEGA]

تدريي بجرب الطريقه :)


بالتوفيق

بس ترى هو نفس التراميسو ... مش كل حد يضبطه :cool:

(عاد اني مقطع التاراميسو بقصم وكرك وايد علي :shy:)

والله الشافي

[ام السعف]

هههه بس والله طريقه فعاله 95%
خصوصا قبل النوم ... يومين بالكثير والالتهاب يكون راح
اعيالي وعيال خواتي دايما امسدهم بفكس ... ولله الحمد ماحتجنا لدكتور او ادويه :)
مره وحده بس اذكر اني وديت بنتي الصغيره للدكتور لان الاتهاب كان حاد لدرجه ان صوتها ماينسمع .. ومع الدوا والتمسد .. ثاني يوم رجعت تلعب والثالث راح

اتفق معاك في الحالات اللي اللوز ما تكون مزمنة ،،

وهذا اللي نسويه مع اليهال،، بالاضافة الى خلطة خاصة للوز تنحط بالاصابع
لين داخل الحلج لين نلمس اللوز ،،

بس في حالات الالتهاب المزمن يبي له تدخل الدكتور علشان يحط
يده على السبب ،،

[غزلان]

ماتشوف شر اخوي

الغرغره بماي وملح خفيف قد تكون علاج

[المليونير الفقير]

جزاكم الله خير وعافاكم من كل شر انا رحت لكذا دكتور وكلهم قالو مضاد وغرغره وللعلم العام الماضي صادني نفس الشي وتنومت 3ايام ويعطوني مضاد مع الوريد ومن كثر ماجربو فيني مضادات تحسست والحين انا ماشي على مضاد وغرغره وانشاءالله خير بس انا افكر اشيلهم لاني تضررت منهم وايد هذا وانا ماشرب البارد الا مرات معدوده فاتمنى اذا حد عنده تجربه لهالعمليه يقول لنا عنها وعن الدكتور الي سواها ولكم جزيل الشكر

[دنيا الاسهم]

الله يشفيك يارب مجربة الم الحنجرة
اهم شي الراحة التامة ويانسون مفيد للبلاعيم

[رمح الشمال]

انا سويتها ورتحت والله

[م. عبدالعزيز]

الله يشفيك اخوي


بكل بساطه روح الجمعيه اخذ حليب ثقيل شوي مثل حليب السعوديه وخله يستوي دافي، حط عليه عسل طبيعي ملعقه وحده وشوي زنجبيل ،، وقبل لتنام تعشه وخذ بندول واشرب الحليب وارقد علطول وان شاء الله يخف عليك

[المليونير الفقير]

انا سويتها ورتحت والله

اخوي متى سويتها وفي اي مستشفى وهل لها اي اعراض لاني سمعت انها تقلل من المناعه فالجسم؟؟

[qtr7]

انا جربت علاج فعال بس للاسف مالقيته في الدوحه هو الماني حبوب مص وهي فيها مضاد بس للمنطقه يومين ويروح شي عجيب بس مب شرط اي علاج ينجح مع شخص ينجح مع الاخر .اذا تبي اسمها بدورها عندي منها .

[مهرة]

اخوي انت ماعندك التهاب بس لا هذ صديد مزمن ولازم اتعالجه بمضادات ال آي في في عيادة الدوحة روح عند الدكتور أشرف حماد مصري وراح تدعيلي والله من الجرعة الأولى راح اتحس بفرق وبتبدا بالشرب بسرعة وراح يخف بعد اليوم الثالث على التوالي من جرعات ال آي في والله يشافيك ويعافيك ..

موفق يارب ..

[المليونير الفقير]

اخوي انت ماعندك التهاب بس لا هذ صديد مزمن ولازم اتعالجه بمضادات ال آي في في عيادة الدوحة روح عند الدكتور أشرف حماد مصري وراح تدعيلي والله من الجرعة الأولى راح اتحس بفرق وبتبدا بالشرب بسرعة وراح يخف بعد اليوم الثالث على التوالي من جرعات ال آي في والله يشافيك ويعافيك ..

موفق يارب ..

اختي مهره هالمضاد حبوب والا ابره واذا حبوب ماعندهم منها ابر؟؟وجزاج الله خير على هالاضافه الطيبه وربي يبعد عنج كل شر

[meandme]

اللوز هو أول حائط صد للفيروسات والبكتيريا لكن 30% من الناس شايلينهم عادي...مالهم هل فائدة الكبيرة يوم مضارهم تكون أكثر من فوائدهم....بروفيسور مصري اسمه احمد حندوسه هو الأفضل في قطر...المركز المغربي للأنف والأذن والحنجرة ...لكن بتدفعلك 600 او 800 عل كشف مع فتح ملف ومنظار يدخله في الأنف 3 دقايق ويكون معطيك الحل لإنه شاف كل شي وراء الحلق

[QatarSafety]

دكتور الانف والاذن والحنجرة بيكون هو الأكثر افادة لك
هو اللي بيحدد لك سبب التهاب اللوزتين بشكل مستمر ،،

والدكتور ناجي كمال ناجي ....> صوب المعهد البريطاني الثقافي
هو الطبيب المقترح .. والله يشفيك وما اتشوف شر ،،



سلامتك والله ياخوي
ابتعد عن الاشياء الباردة
وعليك بحلوى في الصيدلية عليها صورة نحلة سعرها 28 ريال
لون العلبة برتقالية هذا طبعاً حل مؤقت و ان شاء الله يزول الاحتقان

و انا لا انصح بالعملية لن لها مضار .
بس الدكتور/ ناجي هو الافضل وزيارتة اكيد بتستفيد منها وهو دكتور
استشاري .

[المليونير الفقير]

جزاكم الله خير

[المليونير الفقير]

اخواني اخواتي الي معاي التهاب حاد جدا فاللوزتين لدرجه اني ماقدر ابلع الريج وجربت كل انواع الادويه والمضادات وللاسف دون جدوى كل مانمت وصحيت الا زايد بس اليوم انا اكتشفت علاج بسيط جدا وسبحان الله ربي كتب لي فيه الشفاء حسيت بتحسن كثير والحمدلله تعشيت والعلاج هذا عباره عن كوب فيه ملعقة عسل اصلي وعليها ليمون وشوي زيت الزيتون تغرغرت وشربت منها والحمدلله حسيت براحه فانصح بتجربتها لانها فعاله جدا هذا واشكر كل من شارك وابدا رايه واسال الله العظيم ان يبعد عنا وعنكم وعن المسلمين الامراض وان يرزقنا واياكم الصحه والعافيه

[سارا البدر]

روح حق الجفيري
اختي نفس الحاله وبعض الاحيان ماتقدر تتكلم
الحين بدى معاها بكورس علاج واذا مانفع معاها
راح يعمل لها كوي

والله يشافي الجميع

[رجل الجزيرة]

السلام عليكم ورحمة الله وبركاته


اخواني معاي بلاعيم ذابحتني حتى الماي ماقدر اشربه ومافي مضاد ولادواء الا خذته وليلحين معاي نفس الالام وللعلم احس في بلعومي مثل الدبابيس اي شي يمر عليها يعورني حد عنده حل وجزاكم الله خير



ولاتسونا من دعائكم الصالح

إذا الإلتهاب أكثر من 4 مرات في السنة فالأفضل إزالتهم لأنهم بيكونون سبب في أمراض أخرى، لأنهم الخط الدفاعي الأول للجسم ففي مؤسسة حمد الطبية إستشاريين في الأنف والأذن والحنجرة بس المطلوب من أي مركز صحي أو طوارئ حمد تحويل للأنف والأذن والحنجزة في العيادة الخارجية في مسنشفى حمد وإذا شفت إن الموعد مطول فإختار العيادة المسائية.