ttt السـن القانوني للزواج ttt [الأرشيف] - منتديات شبكة الأسهم القطرية

شبح الصمت

12-12-2011, 11:53 AM

ما هو افضل سن للزواج ..

للرجل

20

25

30

35

مع ذكر الاسباب

البــنت

18

20

22

25

مع ذكر الاسباب

ادري العنوان اشوي غير بس صج السن القانوني للنضوج مب للعمر !!

وشكرا

:shy:

بـــــــنت النوخـّــــذه

12-12-2011, 11:57 AM

السن القانوني مكتوب بالمحكمة الشرعية كم

وشكرا"

شبح الصمت

12-12-2011, 11:57 AM

السن القانوني مكتوب بالمحكمة الشرعية كم

وشكرا"

شكلج ما شفتي اخر عباره كتبتها !!

راجعي كلامي وانا اخوك

:nice:

ENG_88

12-12-2011, 12:13 PM

تختلف من شخص للثاني .. كل واحد له شخصيه وعقلية .. ونفس الشي ينطبق على البنات !
بس بشكل عام اجوف ٢٥ للرجل .. و ٢١ او ٢٢ للبنت !

نسيت اذكرلك الاسباب ..
المهم ..

انّ الرجل ف سن الـ ٢٥ يكون تخرج وتوظف واشتغله سنة ولا ثنتين ..
واسس نفسه وشبع من حياة العزوبية "بر و بحر وموسم وطيور وربع "
و خلاص ما بقى قدامه الا يفرح هله " يتزوج "

اما البنت .. في هـ السن تكون جامعية وباقي لها سنة ولا ٢ ..
والجامعة لها تاثير كبير في تكوين الشخصية " من وجهة نظري " ..
فـ تأسس البنية وتصير مسؤولة شوي .. على كم من موقف من الحياة الجامعية ..
البنية تكون مستعدة للزواج .. تقريبا !

chillis

12-12-2011, 12:15 PM

السن القانوني للطرفين لمن يحسون بالمسؤوليه صح وكل واحد فيهم يكون عاقل وفاهم الحياه واعتقد فوق ال 25 زين

تغلبية

12-12-2011, 12:18 PM

ليش وقف العداد عند 35 ؟!!!

أحب يكون الفرق بين عمر الزوجين بين 5 - 10 سنوات .. لان المرأة تنضج أسرع من الرجل << وجهة نظر :discuss:

كلنا قطر 1981

12-12-2011, 12:18 PM

اخوي شبح الصمت انت سالت و جاوبت في نفس الوقت :nice:

السالفه مب بالعمر السالفه بالعقل و النضوج

يسلمو على الطرح :victory:

بـــــــنت النوخـّــــذه

12-12-2011, 12:19 PM

شكلج ما شفتي اخر عباره كتبتها !!

راجعي كلامي وانا اخوك

:nice:

اي سن النضوج اي هاي معروف

لين يعقلون ويحطون عقلهم براسهم

دمتم سالمين

تاج المراجل

12-12-2011, 12:22 PM

بالنسبـه للنسبه للبنت : 20 - 25 هذا السن المناسب وعاد يرجع الى تركيبه جسم كل بنت ، وعقليتها ،
وبالنسبه للولد : 25 - فما فوق ،

تاج المراجل

12-12-2011, 12:25 PM

ليش وقف العداد عند 35 ؟!!!

أحب يكون الفرق بين عمر الزوجين بين 5 - 10 سنوات .. لان المرأة تنضج أسرع من الرجل << وجهة نظر :discuss:

اما تنضج قبل الرجل كثري لي منها :nice:

عاشق الشهادة

12-12-2011, 12:48 PM

بدون لا اذكر الاسباب اخوي شبح الصمت :)
افضل سن للزواج بالنسبة للرجل من سن 20 الى 25 سنه ,
وللبنت من 18 الى 20 سنه .

كازانوفا

12-12-2011, 12:50 PM

اوقات كثيره التربيه لها دور كبيرر في تحديد سن الزواج لكلا الطرفين

موضوعك حلوو

أم شيوخ

12-12-2011, 12:52 PM

الافضل اثنيناهم من 25 وطالع واذا قلنا البنت اقل بشوووي مو 20 افضل
بنظري العقل ينضج اكثر والوحده تفكر بمنطق وعقلانيه لين تعدت ال23 تقريبا

الجوكر90

12-12-2011, 01:04 PM

حق المخابيل الي عندنا الشباب 25 والبنات 22

لان ماراح يعرفون ولا يحسون فالمسؤوليه الا يوم يزهقون من حياه العزوبيه

شبح الصمت

12-12-2011, 01:16 PM

الحين في ناس تبي تتزوج من وقت عشان تكون لها عائلة

في ناس تبي تشوف عيالها يعني يكون متزوج وعمره 25 سنة الله يرزقه بالذرية الصالحه والعيال

يكون عمره 40 وولده 15 سنه ويخاويه

هذه فكرة اغلب الناس

وفي ناس يقولون لا خلني لين اوصل 30 سنه ابي استانس

ومسكين ما يدري انه العمر يجري وياه يا مسكين يكون قاعد يكون نفسه

او يمكن ما كون نفسه نهائيا

او يمكن عليه التزمات ومتوهق مب عارف اشلون

بوحارب

12-12-2011, 01:59 PM

20 للأثنين

والسبب عشان محد يروح للحرام :(

شبح الصمت

12-12-2011, 02:01 PM

20 للأثنين

والسبب عشان محد يروح للحرام :(

وجهة نظر

بس بوحارب انا اعرف ناس اعمارهم فوق 20 وملتزمين وامورهم طيبه

بس ما جاء النصيب انهم يتزوجون لحد الحين

gemini

12-12-2011, 06:57 PM

من خلال نسبة الطلاق اللي تحصل بين مختلف الاعمار صغار وكبار..
برأيي ان السن القانوني للزواج يكون عند ( دخول دورة للمقبلين على الزواج) وتكون الدوره مثل الليسن, صدقوني ياجماعة الدورات هاذي تفيد وتوعي الشباب والبنات وتفتح عقلهم على اشيا يمكن حتى اهلهم مايدرون عنها.
سواء اللي راح يتزوج عمره 20 ولا 40 مو مهم العمر , المهم الاستفاده والاستعداد للزواج والتهيئ له.

مهرة

12-12-2011, 07:10 PM

ليش وقف العداد عند 35 ؟!!!

أحب يكون الفرق بين عمر الزوجين بين 5 - 10 سنوات .. لان المرأة تنضج أسرع من الرجل << وجهة نظر :discuss:

صادقة اختي البنت تضج قبل الرجل بمراحل أصلاً تكبر وتبدا عندها الأحساس بالمسؤولية من عمر صغير جداَ وحتى حريم أول قالوها تكبر بسرعة وتطلع لها ضرووس وتمشي قبل الولد وتتكلم وتنطق قبل الولد وسريعة البديه أيضاً قبل الولد وعلى هاي الأسس ماشية البنوته الصغيرة لين ماتصير وردة يانعة وفاحة عبير وحان قطافها الي أقصد فيه الزواج ..

بس الفرق بينهم ترى وايد كبير .. وهالأيام ماعادت تفرق ..

تاجر ماركات

12-12-2011, 07:40 PM

بالنسبه للبنت اذا جا نصيبها
او من 18ورايح
اما الولد متى ماقال ابي اتزوح لانه مايقولها الا اذا جد يبي يتزوج
وافضل سن للولد انه يتزوج عمر19_ 21 حتى اذا جاب عيال يكون قريب منهم ما يحس روحه كبيير وويصاحبهم اذا كبروا
هذا من وجهة نظري الشخصيه
وشكرا

فراشة ناعمة

12-12-2011, 07:48 PM

ماادري ليش أحس ان الريال لصار فوق 28 سنة يكون أفضل،، خاصة اذا كان 30 سنة..

أحسه فاهم الدنيا صح وعنده خبره بالحياة أكثر ويكون زوج صالح،،

بس طبعا مب الكل بيكونون جي،، بس مجرد رأي..

والبنت 20 وطالع..

OM_OMAR_QATAR

13-12-2011, 07:36 AM

الجواب على السؤال حسب كل شخص وتفكيره ومعتقده ورغباته
رأيي الشخصي اما الرجل : بعد ما ينتهي من دراسته الجامعية ويتوظف وياخذله سنتين يوقف فيها على حيله ويتزوج على البركة
يعني 25- 27 اشوفه افضل عمر لزواج الرجل
المرأة افضل مرحلة بعد انتهاءها من دراستها الجامعية 22-25

بيكون كلا الجنسين جاهز ذهنيا وفكرياً لتبني حياة اسريّة جديدة

R 7 A L

13-12-2011, 07:39 AM

السن المناسبة من 18 وطالع حتى لو 100 والواحد نشيط مافيها شي اذا تزوج
وفي الاخير يبقى قسمة ونصيب ويختلف من شخص لاخر

OM_OMAR_QATAR

13-12-2011, 07:42 AM

اما تنضج قبل الرجل كثري لي منها :nice:

في ظني ان الكلام صحيح لكن يمكن الصياغة يحتاجلها مصطلح ادق !
البنت تكون قادرة او مهيأة نسبياً على ادارة البيت وان تكون زوجة بعمر مبكر
واظن شايفين وسامعين ياما بنات تزوجو بعمر 14- 16 بالاخص قبل بحياة البساطة ويمكن الي تعدي 16 مو متزوجة يعتبروها اكبرت
سيدتنا عائشة بعمر 8 سنوات تزوجها الرسول عليه الصلاة والسلام

اما الرجل ، كم مرة سمعت بحياتك رجل بعمر 14-16 تزوج :omg: ؟

فقط لتوضيح الفكرة ..
وللتأكيد المرأة تنضج فسيولوجيا اسرع وابكر من الرجل حقيقة علمية وليس رأي ..

طلعة الروح

13-12-2011, 09:44 AM

30 سنة وطالع للاثنين

chillis

13-12-2011, 09:47 AM

30 سنة وطالع للاثنين

30 سنه للمراه ما يصلح بعد عشر سنين تكون صلاحيتها بدت تنتهي :×

مخطط قطري

13-12-2011, 09:49 AM

انا اشوف باراي الشخصي افضل عمر لرجل يكون في 30 وبنت تكون في عمر 25او اكبر اولا سن النصج حق الرجال ويكون في اها السن ركد اشوي يعني لعب بما في كفايه انا اشوف كذا بنسبة لي ليه اختار ان اتكون عمر البنت 25 وطالع عشان كل ماكانت فوق 25 كل ما كان اهدء وتفكر في بيت وزوج يعني اعتقد مناساب ان يكون عمر رجال 30 وعمر البنت 25 وطالع في تناسق

Rashid554

13-12-2011, 12:04 PM

افضل سن لزواج الرجل من 30 وطالع هذا الي يبي يتزوج وحده
اما الي يبي يتزوج اربع يبتدي من 20 وكل 5 سنوات وحده والرابعه لما يكون عمره 40

OM_OMAR_QATAR

13-12-2011, 01:57 PM

افضل سن لزواج الرجل من 30 وطالع هذا الي يبي يتزوج وحده
اما الي يبي يتزوج اربع يبتدي من 20 وكل 5 سنوات وحده والرابعه لما يكون عمره 40

:omg: :rolleyes2: :telephone: :nice::nice::nice:

بوعلي2

13-12-2011, 02:06 PM

افضل سن لزواج الرجل من 30 وطالع هذا الي يبي يتزوج وحده
اما الي يبي يتزوج اربع يبتدي من 20 وكل 5 سنوات وحده والرابعه لما يكون عمره 40

هههههههههههههههههههههههههه

نور الزين

13-12-2011, 02:54 PM

انا افضل لين
شوف ام ولدها عقل
و البنت قد المسؤوليه

الــبرقــاوي

13-12-2011, 02:56 PM

17

هذا احسن سن لزواج

شبح الصمت

14-12-2011, 08:02 AM

مهرة

14-12-2011, 08:11 AM

صراحة ومن وجهة نظري

العقل وليس السن اهو الي يحكم الشخص متى يتزوج

اعرف ناس اعمارهم 23 ومتزوجين ومرتاحين

وناس داشين على 30 والعقل فاصل

الله يغفر لنا ويرحمنا بس هذا اهو الواقع

يعني بتجي ام بتقول بزوج ابني وعمره 20 عشان يعقل !!

اشلون يمه في ذمتج اشلون تزوجينه عشان يعقل الا بيخبل في بنت الناس ..

وفعلاً هذا الي صاير هالأيام يقولون بنزوجه عشان يعقل ويتحمل المسؤولية..

ومو بس بيجنن بنت الناس الا في حالات يطلقها او يفسخ العقد قبل حفل الزواج ..

مافي الا ننطر الفارس الملثم يتكلم ويقول نويت أتزوج يعني يبي يبدا يأسس بيت والبنات جاهزيين وينطروون بس الإشارة ..

والله يوفق سعيد بسعيدة ..:nice:

شبح الصمت

14-12-2011, 08:19 AM

وفعلاً هذا الي صاير هالأيام يقولون بنزوجه عشان يعقل ويتحمل المسؤولية..

ومو بس بيجنن بنت الناس الا في حالات يطلقها او يفسخ العقد قبل حفل الزواج ..

مافي الا ننطر الفارس الملثم يتكلم ويقول نويت أتزوج يعني يبي يبدا يأسس بيت والبنات جاهزيين وينطروون بس الإشارة ..

والله يوفق سعيد بسعيدة ..:nice:

:)

هالاسم مر علي

المهم ما علينا من الطويله

اخبر واحد امه قالت له بزوجك قاله صج يمه قالت له اي وطبعا من المتحكم في سوالف الزواج الام يعني الولد خرخاشه زوجته تمت تهاوشت مع البنت الام دقت في راسها يطلقها طلقها .. وخذت له الثانية انزين وبعدين اش سويتي يمه سويتي خير فيني اي انا الي ادور لك وانا الي ابي لك الخير ..

وين الخطأ

لا الياهل فيه عقل والا الام خلت ولدها يقدر يعتمد على عمره ويسوي شيء في حياته ..

قلب قطر..!

14-12-2011, 09:13 AM

طبعا متى ماعقلوووو

بس اشوف السن المناسب للبنات ٢٢ وطالع

والشباب ٢٥ وطالع

وبدايه العمر افضل عشان تشوف عزوتك يكبرون معاك ومايكون هناك فارق كبير

الجوكر90

14-12-2011, 01:23 PM

شبح الصمت

14-12-2011, 01:31 PM

طبعا متى ماعقلوووو

بس اشوف السن المناسب للبنات ٢٢ وطالع

والشباب ٢٥ وطالع

وبدايه العمر افضل عشان تشوف عزوتك يكبرون معاك ومايكون هناك فارق كبير

بعد نظرية فوق الزين بس العقل اهم شيء فالسالفه

واتوقع بعد 25 يبدا الشاب بالركود

مره قلت ابي اتزوج
امي قالت لي انثبر توك صغير :shy:

الله يرزقك ببنت الحلال