ديكورات ناعمه وراقيه او ساده!!!!!!! [الأرشيف] - منتديات شبكة الأسهم القطرية

مشاهدة النسخة كاملة : ديكورات ناعمه وراقيه او ساده!!!!!!!

أم شيوخ

12-12-2011, 12:05 PM

الســـهم

12-12-2011, 12:32 PM

السلام عليكم ورحمة الله وبركاته
ممكن لو تقولون لي قبل ما ابتدي ....اخلي بيتي سااااده بس كورنيش خفيف بدون نقش في البيت كله او ديكورات وقبب في اماكن في البيت تكون راقيه وناعمه وكورنيش مزخرف بس راقي بنفس الوقت؟؟؟؟؟....شنو الدارج هالايام بالضبط !!!!!!

هلا اختي ام شيوخ ..

الديكورات ترجع فالنهاية للذوق , في ناس تحب الكلاسيكي وناس تحب المودرن , والحين في ناس صارت تدمج بين الاثنين ..

انصحج تطلعين على مجلات الديكور وتاخذين فكره وتحددين مطلوبج , ومن بعدها تبحثين عن الناس اللي بينفذون الشغل ..

من ناحيتي احب الديكورات البسيطة اكثر من الديكورات اللي فيها تفاصيل كثيرة , ولكن هذا مايمنع اني انبهر كثيرا من الديكورات الكلاسيكية ..

فواز1976

12-12-2011, 03:11 PM

اذا البيت قائم فانتي محكومه غالباً بالتصميم ...... ولهذا الافضل وضع التصميم وعلى اساسه ممكن الواحد يشور عليك بالافضل

اما بشكل عام فان التشطيب الابسط هو الاجمل والادوم ..... كما انه اسهل بالتنفيذ, هذا عدى ان الزخارف الزائده على الواجهات مع اجوائنا راح تجمع اغبره واتربه

خليفـة

12-12-2011, 05:27 PM

اختي الكريمة ام شيوخ
قبل لا تسألين عن الموضة الدارجة هالايام
لازم تعرفين شنهي ميزانيتج المتوفرة للبنيان .. وعلى ضوئها تقدرين تختارين لنفسج الأنسب

الديكورات الي فيها قبب وأقواس أسمنتية وزخارف
تكلفتها عالية .. وتحتاج لسيولة أكبر
ولكن .. تقدرين تعوضين هذا الشي عن طريق الجبس والكورنيش والأعمدة الرومانية
تكلفتها أقل .. ولكن عيبها انها ما تعيش لفترات طويلة

انا من وجهة نظري المتواضعة .. ان البيت لما يكون ديكوراته خفيفة وناعمة
مثل اعمال الكورنيش .. وبعض خطوط الجبس الي تعطي منظر جمالي للأسقف
أفضل بكثير من الديكورات الي فيها دفاشة

بالنسبة للصبغ .. أنا انصح بالألوان الفاتحة والهادئة .. واختيار الوان جذابة لأماكن استقبال الضيوف مثل الصالات والمجالس وغرف الأستقبال .

بالتوفيق ان شاء الله

خليفــة
:)

QTR-SOUL

30-12-2011, 05:02 AM

السلام عليكم

اختي البيت مافيه شي دارج الله يهداج فستان ولا بيت
كل مكان وله شكل ولو سويتي بيتج كله ناعم او كله دفش ماراح يعجبج بعد فتره
المجلس يكون كلاسيك واللحين كله شي رجع للزمن الجميل الكلاسيك الانيق الفنتج
الصاله تتقدرين تخبصين فيها على كيفج لانها صاله ويحبذ النيو كلاسيك
اما الطابق الثاني يفضل يكون مودرن ناعم خفيف لانه مكان عملي ومكان راحه واستجمام ويكون سهل التنظيف ومافيه كراكيب وايد ويفضل الجلسه اليوميه هي اللي تكون فيها قبه زجاجيه
ودمتي

ZURICH

01-01-2012, 01:34 AM

اكثر ديكورات الجبس الحديثة هي الخفيفة والناعمة

كل شخص له ذوقة واختيارة .. و افضل الكلاسيك

الي اشوفة مهم بعد الانتهاء من الديكورات يكون لون الجبس أووف وايت

مع الاضاءة يكون فخم جداً وراقي

تحداني

01-01-2012, 01:25 PM

في نوع حديث من الديكورات .. هو خليط ما بين الكلاسيك والمودرن
هاذي للاماكن الرئيسيه مثل المجالس والصالات
اما لغرف النوم .. " اميل للمودرن وايد " لان احلى وابسط .. وارقى

جملك الله برضاه