اخاف يمصخها هالمدير !!

[وتبقى الدنيا حلوه]

السالفه ومافيها ان امس وحده من البنات جابت لي اوراق قالت لي طبعيها هاي من المدير
بديت طبعها و انا اطبعها عرفت ان شي ماله اي علاقة بالدوام و انه هالاوراق شي خاص فيه
انا صراحه ماعلقت و كملت طباعتها مع العلم بأن ما كان عندي اي شغل اسويه

المشكله هي ان هالمدير حده ممصخها وما ينعطى ويه واخاف اكون الضحيه الجديده يعني حتى السكرتيره اول ما جيت هالقسم كانت تشتكي لي تقولي فواتيره حتى مالت الجمعيه و فواتير كيوتل و الخ .. كلها يعطيها اياها عشان تحطها في ملف و كل شي خاص فيه يخليه في ملفات عندها لدرجة ان لما كانت تبي تروح الحج يقولها انا بروح انتي شلون تروحين مين بيقعد بالاداره !!
مع العلم ان الموظفين كلهم كانوا موجودين

و لا كانت مستأذنه بيوم من الايام عشان تروح تخلص اشغالها و اشغال عيالها و قالها
روحي حولي الفلوس سعودي و سوي لي و جيبي لي و ترجعين الساعه 12

تخيلوااا!! تقولي والله يافلانه اشغالي ماسويتها هاليوم بسببه

ومره من المرات قالها ابيج تسوين تأمين سيارتي و واحد تلقف وقال انا بسويه جان المدير يخليه يسوي له اشغاله بعد لين اليوم لدرجه ان نص الدوام يخليه يطلع عشان يسوي له شغله !! << محد قاله يتلقف

ترا هالسكرتيره و الموظف من جنسيات عربيه


المشكله

انا ما ابي اسكت و يتمادي و خصوصا انه هو مدير مديري

يعني مديري المباشر محترم جدا وعمره ماسواها و مرتاحه والحمدلله بهل المكان

و غير جي انا استقلت من شغلي القديم لانه هالموضوع كان يصير لي هناك

فكان مديري القديم يقولي روحي نادي البوي من المطبخ و جمعي اغراضي و حطيهم في ملفات و الا روحي نقلي اغراض مكتبي مع البوي حق مكتبي الجديد لان اخاف يضيعونها

والا موظفين من ادارات ثانيه يقولون لي طبعي لنا هالورقه و الا سوي كتب خاصه فيهم و الا تعالي سوي الـ cv

المشكله اني كنت اسوي كل شي بحسن نيه و لان ما ابي احرجهم بس مصخوها وايد لدرجه اني ماقدرت اتحمل اكثر

ما ابي هالموضوع ينعاد هنيه قولوا لي شسوي ؟!


مع العلم بأن كل المدراء عرب

و لاحد يقولي لو تشتغلين مع مدير قطري احسن !!

لان كنت بقسم المدير كان قطري و نقلت منه

لان المدير كان منحاز لموظفه وكانت كله مستقويه علينا بسببه !!

[ام السعف]

اممممم

هو مايحق له .....> بس هل يوجد مكان تتظلمين فيه انتي وغيرج من الموظفات ؟

[قناص 787]

تبقى الدنيا حلوه وهاي الشغل ومشاكله ودامج ماتتحملين

اقعدي في البيت وانا اخوج مهب احسن يقولون دفوه الحين :)

[chillis]

تبقى الدنيا حلوه وهاي الشغل ومشاكله ودامج ماتتحملين

اقعدي في البيت وانا اخوج مهب احسن يقولون دفوه الحين :)

وليش تقعد ماخذت الشهاده علشان تقعد تقدم فيه شكوى بس

[شبح الصمت]

صراحه ما يحق له

انا في الاول والاخير اشتغل تحت وزارة من وزارة الدولة وهي تابعه للدولة مب لحسابه الخاص

وقسم بالله لو ترفع فيه كتاب انه راح يتحاسب عليه واوصلها لين اكبر مسؤول

عسى ما شر دريول عنده

لي متى بتموون خايفين

ترى الرزق من رب العالمين مهب بيد هذولي الي ما يحشمون العالم

[سلطان23]

]للاسف

هذي الاشكال منتشرة في كل وزارة ومؤسسة

احسن شيء تسوينه هو ... تطنيش

[وتبقى الدنيا حلوه]

انا ابي اقوله بطريقه دبلوماسيه ان انا ماعندي استعداد اسوي اي اشغال خاصه فيك

[وتبقى الدنيا حلوه]

هو عربي مب قطري

[بوعلى 1]

لا تعليق!!

فيني قهر قهر قهر !!!!!

[قناص 787]

وليش تقعد ماخذت الشهاده علشان تقعد تقدم فيه شكوى بس

انا اللي اقصده يافلفووووول ان هي ماتبغي مسؤولها قطري

وعاجبها الوضع مع الاجنبي عاد الاجنبي مايراعي الا الاجنبي

نفسه وهذا الشي انا اقوله عن واقع انا عشته معاهم في ال qp

من سنة 1998 لين الحين وانا معاهم قلوبهم على بعض وبالذات

على القطري وتبقى الدنيا حلوه :nice:

[chillis]

انا اللي اقصده يافلفووووول ان هي ماتبغي مسؤولها قطري

وعاجبها الوضع مع الاجنبي عاد الاجنبي مايراعي الا الاجنبي

نفسه وهذا الشي انا اقوله عن واقع انا عشته معاهم في ال qp

من سنة 1998 لين الحين وانا معاهم قلوبهم على بعض وبالذات

على القطري وتبقى الدنيا حلوه :nice:

زين سامحتك :secret: والله في قطرين نفس الشي بعد :) بس عن نفسي لو طلب شغله خارج الدوام ما اسويه لو اتفنش

[دااانة قطر]

مشتغله مندوب ولا مراااسل الأخت تخلص أشغاال المدير ؟؟

[قناص 787]

مشتغله مندوب ولا مراااسل الأخت تخلص أشغاال المدير ؟؟

الاثنين اختي علشان علاوة التنقل تكون دبل :)

[حمد بن سعد]

ههههههههههههههههههههه

الحمدالله وشكر


من سوى نفسه سبوس العبة به الدياي

[قناص 787]

زين سامحتك :secret: والله في قطرين نفس الشي بعد :) بس عن نفسي لو طلب شغله خارج الدوام ما اسويه لو اتفنش

اوكي :shy:

[وتبقى الدنيا حلوه]

speed 4 ever :
المشكله حظي لك عليه
بس شقول غير الحمدلله
مديري المباشر زين ومرتاحه بالشغل وياه
بس الراس العود مشكله !!

دانة قطر:
اذا تقصدين عالبنت العربيه هي مسكينه تقول انا ابي اشتغل ما ابي يفنشني او يخرب تقيمي لها تقولي قالها اكثر من مره ترا تقيمج تحت يدي

[بنـت الغالـي]

الله يكون بعوونج اختي

وانا اقوول دامج انتقلتي لمكان جديد لازم تثبتين وجودج
وتحاولين تفرضين نفسج وكرامتج يعني عشان محد يتجرأ يطلب منج شي

انا في شغلي اسوي هالشي توني جديده بس محد يتجرأ يقولي شي
حتى مسؤولي المباشر لما يطلب مني شي انا بكيفي اسويه والا لا
ماني مجبوره على شي
وبالذات الشغلات اللي مالها خص بالشغل

تحياتي

[دااانة قطر]

ههههههههههههههههههههه

الحمدالله وشكر


من سوى نفسه سبوس العبة به الدياي


صدقت والله

[غايه الطواش]

ههههههههههههههههههههه

الحمدالله وشكر


من سوى نفسه سبوس العبة به الدياي

كنت بكتب هالرد
لو وقفتوه عند حده من اول مره ماكان تجرأ
ثاني شي فيه شي اسمه موارد بشريه تقدرون تشتكون..شكوى المنتدى لابتقدم ولا بتأخر

[شبح الصمت]

وتبقى الدنيا

عندي لج حل

رسالة عبر الايميل اشرحي له الكلام الي تبينه

قولي له انه انتي جايه تادين الشغل الي يخص المؤسسة فقط لا غير ..

بالاضافة إلى مساعدت الاخوه في اعمالهم عند عدم تواجدهم في ادارتنا

ولكن بالاضافة إلى اعمال غير خاصه بالادارة

فاعتذر لك عن عدم تمكني لعمل اي شيء لا يخص اعمالنا الرسمية

وشكراً

[هبوب الكوس]

اذا جات على كتب وطباعه اتهون

انا تعلمت ان امشي مع مسؤولي لو شغله غلط في بعض الاحيان او خربطه

اخذه على قد عقله اللي مايفهم ولا يتعلم من ناحية العمل طبعاً

اهم شيء ان ماتنهضم حقوقج من اجازات او مميزات انتي في السليم

[qatari911]

انا لو منج اعطيه طاف واذا مانفع
عادي ابط البرمه في وجه
انا موظف اقوم بشغلي الموكل لي وعلى حسب درجتي
بس ما اكون مطراش له أودي واجيب وأخلص
عسى ماااااااااااااااااشر
لو فيها تفنيشي
والله اسحب عليه السيفون
الرازق رب العالمين
في حفظ الرحمن

[الأصيل]

ماله حق اي شيء خارج طبيعة العمل متروك للموظف ان سواه تكرم منه وان تركه ما احد يسأله عنه

[قناص 787]

speed 4 ever :
المشكله حظي لك عليه
بس شقول غير الحمدلله
مديري المباشر زين ومرتاحه بالشغل وياه
بس الراس العود مشكله !!

دانة قطر:
اذا تقصدين عالبنت العربيه هي مسكينه تقول انا ابي اشتغل ما ابي يفنشني او يخرب تقيمي لها تقولي قالها اكثر من مره ترا تقيمج تحت يدي

اسمعيني اختي بعطيج حل مافي غيره .......... قولي له انج مشغوله

وماتقدرين وخل اي احد غيري يسوي اللي تبيه ولا تعطينه وجه عطيه العين

الحمرا :anger1: مهب الورديه :shy: ترا يتمادى

[Best Man]

شنو تقيمج تحت يدي ..تهديد يعني

ليش ماتشتكون عليه لين متى انتو ساكتين على هالشي الي صاير عندكم

لا تخلونه يتمادى معاكم:telephone:

[دااانة قطر]

دانة قطر:
اذا تقصدين عالبنت العربيه هي مسكينه تقول انا ابي اشتغل ما ابي يفنشني او يخرب تقيمي لها تقولي قالها اكثر من مره ترا تقيمج تحت يدي



ذكرتيني بمسؤؤل في احد الاداارات عندنا كل مايتصل يسب ويلعن في السكرتيره اللي معااه وهي من دوله اجنبيه امسك نفسي قد ماقدر او اسكر الخط ودي ارد عليه او انصحه

لكن جد اسلوبه خسيس تقول الموظفه شغااله عنده

[مبتدئة]

أول شي هو مش مديرج،، هالشغل وصلج عن طريق سكرتيرته عشان تساعدينها
وبعدين حتى لو كان مديرج
خير ان شاء الله!
تسوي له التأمين وتفرزين فواتير كيوتل والجمعية وتصرف الفلوس سعودي!
انتي تشتغلين للـشركة أو مؤسسة أو الوزارة .. ما تشتغلين عشان تخلصين مصالحه

قدمي شكوى بـ هالموضوع حق مديرج المباشر

[شبح الصمت]

ولاحظي اختي وتبقى

اهو بالرسالة الي بترسلينها بيفهم معنى الرسالة يا راح يرد عليج رد اعتذار

او انه راح يطنش ولا راح يقرب لج مره ثانية ويكلفج باشياء ( يخاف )

سويها وصدقيني راح تدعين لي

واحتفظي برسالة في الرسالة المرسلة

وان رد احتفظي برسالته الوارده

ولكم مني التوفيق



موظف ناوي يفنشج
:tease:

اتغشمر روحي روحي والقلب داعي لج

:victory:

[وتبقى الدنيا حلوه]

بعض الردود بايخه مالها داعي

انا لما كنت اخدمهم بحسن نيه

لما طلب مني انادي البوي من المطبخ ماناديته بس اقولكم موقف صار معاي

انا ماعندي مشكله اشتكي عليه انا قطريه هم عرب مايقدرون لانهم خايفين على وظايفهم

بس هو اول مره يعطيني شي اسويه و ابي ارد عليه رد دبلوماسي اذا عادها

[وتبقى الدنيا حلوه]

اخوي شبح الصمت

فكرتك حلوه

انشالله اول مايعطيني شغله خاصه بسويها

تسلم وماتقصر ردك افادني

[شبح الصمت]

بعض الردود بايخه مالها داعي

انا لما كنت اخدمهم بحسن نيه

لما طلب مني انادي البوي من المطبخ ماناديته بس اقولكم موقف صار معاي

انا ماعندي مشكله اشتكي عليه انا قطريه هم عرب مايقدرون لانهم خايفين على وظايفهم

بس هو اول مره يعطيني شي اسويه و ابي ارد عليه رد دبلوماسي اذا عادها



تبين رد دبلوماسي قلت لج وكيفج عبر الايميل

وريحي بالج

[بوحارب]

اختي مالج الا تشتكين عليه في ادارة العمل وهم بيسنعونه :)

[دااانة قطر]

اختي مالج الا تشتكين عليه في ادارة العمل وهم بيسنعونه :)



عند من؟؟

[خليفـة]

انتي ذكرتي مشكلتج وذكرتي حلها بالمشاركة نفسها
مدير يطلب من موظفينه تأدية عمل خاص فيه خارج نطاق العمل
بكل بساطة تقدرين ترفضين وتقولين له :
انا ما تعينت بهالمكان عشان اقوم بخدمة شخصك الكريم وانهاء اعمالك الشخصية

وانتهى الموضوع

اما انج تأدين العمل .. وعقب تقولين اخاف يمصخها
اسمحي لي اقول لج انج بهالطريقة تناقضين نفسج


خليفــة

[خــالــد]

هذا الشغل مو عيب ومن حق المدير يعتمد على موظفينة وهذا الشي معروف شنو تبين تنامين في البيت وراتب يمشي لج او تجين وتطلعين وماتسوين شي وبعدين انتي قلتي بنفسج طرش لج الاوراق تطبعينها لنة ماعندج شغل يمكن يبي يحلل راتبج

[بوحارب]

عند من؟؟

عند ادارة العمل نفسها فيه ناس هناك يحاسبون المسؤولين على اخطائهم ترى البلاد فيها الحمدلله فيها قانون :nice:

[خــالــد]

الله يكون بعوونج اختي

وانا اقوول دامج انتقلتي لمكان جديد لازم تثبتين وجودج
وتحاولين تفرضين نفسج وكرامتج يعني عشان محد يتجرأ يطلب منج شي

انا في شغلي اسوي هالشي توني جديده بس محد يتجرأ يقولي شي
حتى مسؤولي المباشر لما يطلب مني شي انا بكيفي اسويه والا لا
ماني مجبوره على شي
وبالذات الشغلات اللي مالها خص بالشغل

تحياتي

اسمحي لي اقولج انج مو وية شغل شنو تبين داومين ولا حد يكلمج ليش بنت شيوخ او على راسج ريشة لازم تسوين الشغل المطلوب منج ومن مديرج او فنشوج لتجلسين تكوكين البنت وتقطعين رزقها

[ام السعف]

هذا الشغل مو عيب ومن حق المدير يعتمد على موظفينة وهذا الشي معروف شنو تبين تنامين في البيت وراتب يمشي لج او تجين وتطلعين وماتسوين شي وبعدين انتي قلتي بنفسج طرش لج الاوراق تطبعينها لنة ماعندج شغل يمكن يبي يحلل راتبج

ما يحق للمدير ان يوكل موظفيه بانجاز معاملاته الخاصة ويحق للموظف رفض
اوامر المدير ،،

ام السعف
العضو المنتدب من وزارة العمل
:(

[خــالــد]

اذا سبج او تحرش فيج من حقج كبروا عقولكم خلاص الوحدة دام هي بتشتغل تحت مدير لازم تنفذ الي هو يشوفة في ادارتة ومو من حقج ترفضين الشغل خلاص خلوا الدلع منكم والكبر لين متى هو مديرج ولازم تسوين الي يبية دامة ما تعرض لج بشي يضر سمعتج

[دااانة قطر]

اذا سبج او تحرش فيج من حقج كبروا عقولكم خلاص الوحدة دام هي بتشتغل تحت مدير لازم تنفذ الي هو يشوفة في ادارتة ومو من حقج ترفضين الشغل خلاص خلوا الدلع منكم والكبر لين متى هو مديرج ولازم تسوين الي يبية دامة ما تعرض لج بشي يضر سمعتج


:rolleyes2::eek5::rolleyes2:
شالسالفه؟؟

[شبح الصمت]

اذا سبج او تحرش فيج من حقج كبروا عقولكم خلاص الوحدة دام هي بتشتغل تحت مدير لازم تنفذ الي هو يشوفة في ادارتة ومو من حقج ترفضين الشغل خلاص خلوا الدلع منكم والكبر لين متى هو مديرج ولازم تسوين الي يبية دامة ما تعرض لج بشي يضر سمعتج



اخوي خالد هدي هدي فديت خشمك

البنت تقصد انه كان يطلب من القبليه اوراق الجمعية واوراق خاصه فيه ترتبهم له وتقولك يطلب منها اشياء خاصه فيه ..

وهي جايه تشتغل له والا تشتغل للوزارة !!

تعوذ من ابليس كلنا ندري انه لو مدرانا اطلبوا منا شغل يخص ادارتي او فيه مصلحه للوزارة لازم اني اسويه وانا اضحك والا ارفضه

لاني موظف ومب لقسم معين موظف لوزارة ودام في تنسيق وشيء في صالح العمل لازم اسويه

بس لا والف لا يخليني اسوي له شغله الخصوصي !!

الا اذا انا من طيب خاطري بسوي له شيء واحترمه شيء راجع لي بس يكون خارج الدوام

بس بنت ويتطلبون منهم هالشغلات قووووووووووووووويه

stop

[خــالــد]

المشكلة كلام الصج ماعاد يعجبكم
انا استغرب منكم شتبون دوام اكل حب وعقار وسوالف سخيفة والشغل مهملينة يبة انا اشوف المفروض كل مدير يكرف موظفتة كرف

[المهندس عبدالعزيز]

روحي لمحامي+ النيابة العامة

[خــالــد]

اخوي خالد هدي هدي فديت خشمك

البنت تقصد انه كان يطلب من القبليه اوراق الجمعية واوراق خاصه فيه ترتبهم له وتقولك يطلب منها اشياء خاصه فيه ..

وهي جايه تشتغل له والا تشتغل للوزارة !!

تعوذ من ابليس كلنا ندري انه لو مدرانا اطلبوا منا شغل يخص ادارتي او فيه مصلحه للوزارة لازم اني اسويه وانا اضحك والا ارفضه

لاني موظف ومب لقسم معين موظف لوزارة ودام في تنسيق وشيء في صالح العمل لازم اسويه

بس لا والف لا يخليني اسوي له شغله الخصوصي !!

الا اذا انا من طيب خاطري بسوي له شيء واحترمه شيء راجع لي بس يكون خارج الدوام

بس بنت ويتطلبون منهم هالشغلات قووووووووووووووويه

stop

خلني تراني مزبد حدي :anger1: بسنا دلع

[شبح الصمت]

المشكلة كلام الصج ماعاد يعجبكم
انا استغرب منكم شتبون دوام اكل حب وعقار وسوالف سخيفة والشغل مهملينة يبة انا اشوف المفروض كل مدير يكرف موظفتة كرف



داخل قلبه متروووسه

:shy:

[ام السعف]

المشكلة كلام الصج ماعاد يعجبكم
انا استغرب منكم شتبون دوام اكل حب وعقار وسوالف سخيفة والشغل مهملينة يبة انا اشوف المفروض كل مدير يكرف موظفتة كرف

الناس في وادي وانت في وادي :secret:

:tooth:

[شبح الصمت]

خلني تراني مزبد حدي :anger1: بسنا دلع

:secret:

escape

[بو الجوري]

ههههههههههههههه

خـالـد داااااش عرض ، شنو و شنو :.. :rolleyes2:

لوسمحت إقرأ الموضوع مره ثانيه :.. و إفهـم شنو اللي هو يوكلهـم فيـه :shy:

[ام السعف]

خلني تراني مزبد حدي :anger1: بسنا دلع

هاهاهاا

يقطع سوالف ابليسك هيهيهي
زبد في شي صح هاهاها:taunt:

[شبح الصمت]

صدقوني هالموضوع بعد ساعة راح يتصدر قائمة

افضل مسلسل قصدي موضوع

اكشن

[Best Man]

المشكلة كلام الصج ماعاد يعجبكم
انا استغرب منكم شتبون دوام اكل حب وعقار وسوالف سخيفة والشغل مهملينة يبة انا اشوف المفروض كل مدير يكرف موظفتة كرف

خالد انت عليك مخالفتين

المخالفه الاولى ساحب فوق الـ140 كيلو في الساعه

والثانيه : مطفي الليتات

مع تحيات : مرور المنتدى:nice:

[شبح الصمت]

خالد انت عليك مخالفتين

المخالفه الاولى ساحب فوق الـ140 كيلو في الساعه

والثانيه : مطفي الليتات

مع تحيات : مرور المنتدى:nice:



اي 140 اقولك طبلوووونه

محكم

اسمع القطعه في خامس لو فيه سادس بدل

:tease:

[qatari911]

المشكلة كلام الصج ماعاد يعجبكم
انا استغرب منكم شتبون دوام اكل حب وعقار وسوالف سخيفة والشغل مهملينة يبة انا اشوف المفروض كل مدير يكرف موظفتة كرف

اخوي داش عرض

http://www.r3oom.net/up/uploads/d07adaae18.jpg

انت فهمت الاخت شتقول ؟؟؟؟؟:eek5:
هو يوكلها بشغل خاص فيه مثل ترتب فواتير كيوتل الخاصه فيه وفواتير الجمعية لما يتسوق في الجمعيه ويطلب منها تسويله ملف لفواتيره واوراقه >>>>>>>>فهمت
ويطلب منها تروح تأمن السياره في شركة التأمين وتسوي الاستماره بعد مش بعيده يطلبها
وبالاخير يهددها بالتقييم
اتمنى انك فهمت
في حفظ الرحمن يالغالي

[بو الجوري]

خالد انت عليك مخالفتين

المخالفه الاولى ساحب فوق الـ140 كيلو في الساعه

والثانيه : مطفي الليتات

مع تحيات : مرور المنتدى:nice:

هههههههههههههههههههههههههههه

[هبوب الكوس]

:rolleyes2::eek5::rolleyes2:
شالسالفه؟؟

مادري يقولون اشاعة منتشره زيادة رواتب :tease:

[شبح الصمت]

مادري يقولون اشاعة منتشره زيادة رواتب :tease:


لا لا يقولك صايدين واحد يسحب جلنطات

شنقايل لك صاحبنا شنقايل

:tease:

[وتبقى الدنيا حلوه]

اخوي خالد ليش معصب !!

شو دلع مدري شووو

انا ما قاعده اكل حب انا الشغل اللي حق ادارتنا اشتغله وماعندي مانع حتى لو اقعد لين المغرب بس ماعندي استعداد اسوي اغراضه الخاصه حتى لو كنت فاضيه

لو مديرك يقولك روح سوي لي تامين سيارتي والا روح حول لي بالصراف والا احجز لي بسافر

عادي عندك ؟!

[الحريّه]

اكتبي عليه شكوى ! ليس من حق أي مدير أن يعطي موظفيه أعماله الشخصية للقيام بها. إنما هو يستغل وظيفته. و لأنه و إلى الآن لم يجد من يوقفه عند حدّه , فهو يستمريء و يستسيغ ما يفعله. لكن , لو أن أحداً من الموظفين اشتكى عليه لاهتز موقفه و فكّر ألف مرة قبل القيام بهذا مرّة أخرى .وحتى لو أدى الأمر لإقالتك , على الأقل تكونين قد لقّنتِ من يستحقون درساً ! خلّج ذيبه :)

[حسن]

وليش تقعد ماخذت الشهاده علشان تقعد تقدم فيه شكوى بس

ماانصحك انك تشتكين عليه لانه يمكن تاخذين باند:victory:

[ريتويت]

كلن بحاله

[خليفـة]

اذا سبج او تحرش فيج من حقج كبروا عقولكم خلاص الوحدة دام هي بتشتغل تحت مدير لازم تنفذ الي هو يشوفة في ادارتة ومو من حقج ترفضين الشغل خلاص خلوا الدلع منكم والكبر لين متى هو مديرج ولازم تسوين الي يبية دامة ما تعرض لج بشي يضر سمعتج

خالد
اذا انت عادي تخدم مديرك او مسؤولك
وعادي عندك تروح تتشرى له خضرة للبيت وتاخذ له سمك وتموين لبيته
وتروح تنزلهم في بيته .. وترد بيتك ريحتك زفرة
واثناء العمل
فهذا شي يخصك انت
:)
غيرك ما يرضاها حبيب قلبي
لان غيرك عنده كرامته بالدنيا كلها
:)

خليفــة
:)
:)
:)

[دااانة قطر]

مادري يقولون اشاعة منتشره زيادة رواتب :tease:



لو هي اشااعه بنبلعها
بس الكلااام اللي فوق غير طبيعي
والله أجلس بكراامتي في البيت ولا أخدم هالأشكااال

[ناصر30]

خذي اجازه فتره وبيدور غيرج او اذا طلب منج ريالات سعوديه

عطيه دراهم اماراتيه بيقول هذي بتضيعنى اشوف غيرهاا:nice:

المشكله انتى بنت والمواجهه تبي نفس طويل

وماندرى هالمدير من اي نوع


عموما لاننسى ان لنا رب يكفينا كل ما اهمناا

فلا ننسى ان ندعوه

[بـــــــنت النوخـّــــذه]

وتبقى الدنيا حلوه

نكج وايد حلو وايد وايد وايد

ندخل بالموضوع ^_^

تدرين اختي من واقع تجربة ان البنت الي شخصيتها قويه (اقصد بالقويه هي الي تضع حدود بطريقة غير مباشرة للمدير او المسؤول ) تبين له ان شغلي وبس ومهام عملي وبس 00

والله بعضهم من زود ما البنت حاطه حدود ورسمية جدا" يستحي يرفع السماعه يطلب شي من استفسار لمعامله يدز بورقة المطلوب 000(ضمن حدود العمل فقط )

اعتقد المسأله اختي تعتمد على قوة الشخصية بحيث انه يستحي يطلب منج 00
اكرر ما اقصد قوه الشخصية الجفاء او عدم الاحترام لالالا اقصد ان فيه ناس سبحان الله الواحد من زود رسميتهم يستحي يطلب منهم000

بس تدرين عجبتيني والله وعجبني تحفظج لهذا الفعل ,,,ترى فيه موظفات وموظفين استغفر الله ممكن توصل بهم الدرجه ان حتى ودهم ياكلون المدير بيدهم لزوم التملحس


في مجال العمل الي فيه احتكاك بالرجال لازم البنت اتقوي شخصيتها وتكون رسمية (بذوق طبعا واحترام ) عشان يستحي يطلب منها شي خارج اطار العمل لان الرياييل ماينعطون وجه كلش في مجال العمل اذا لنتي اشوي خلاص مايصدقون على الله
دمتم سالمين

[مستر بن]

الله المستعان ’

[حليتان*]

اذا جات على طباعة ورقه اوكي مافيها شي

لكن بخصوص الصراف والتامين قووويه امانتاً لو قلنا مراسل ممكن لكن سكرتيره وبنت :eek5: عسا يعطيها 50 ريال عن المشوار بس :weeping:

اذا طلب منها شي خل تسحب عليه او تتعذر له ان عندها شغل وهو مره مرتين بيفهم وبيستحي على وجهه

بس اتمنى مب هي الي تروح وتعرض مساعدتها وبعدين تتشكى عندج :(

[خــطــافــ]

عندي لج فكره

قولي له ... هل اقدر أحط مثل هالشغلات في التقييم السنوي كجهد إضافي اقوم فيه بناءاً على تعليماتك واستحق عليه تقدير إضافي ..!!

[قطر 2012]

عندي لج فكره

قولي له ... هل اقدر أحط مثل هالشغلات في التقييم السنوي كجهد إضافي اقوم فيه بناءاً على تعليماتك واستحق عليه تقدير إضافي ..!!

:nice::nice::nice::victory::nice::nice:

[مرحوم قطر]

انا جاني ضابط قاالي روح القطريه و سو كذا كذا كذا

قلت له روح الجوازات طلع لك فيزة هندي يخلص اشغالك


و مره قالي واحد ثاني ييبلي كذا كذا من الدي اج ال

قلت له انا عسكري مب مندوب ( ابضحك ) وصديت عنه

[R 7 A L]

احلى شي عند الكثير من الشباب هالشغلات
لما المدير يخليه يخلص اشغاله الخاصة
بعدها يفلها

اعرف شكثر شباب حتى اجازاتهم السنوية ماياخذونها
من كثر ما مدرائهم مريحينهم
وهم مريحين مدرائهم :nice:


بس للعنصر النسائي مو شي كلش :rolleyes2:

[Rashid554]

الواحد بدل لا يداوم الساعه 7 في المؤسسة او الوزارة

يداوم 9 في ادارة المرور يسدد مخالفات المدير او يدفع فواتير كيوتل من الانترنت :nice: طبعا الموظف ما يروح يدفعها ع الانترنت ويطرش الدريول ياخذ الفواتير
ويرسل نسخه منها على ايميل المدير وهو ماطلع من البيت
ويستلم راتبه كامل :nice:

[المليونير الفقير]

طيب سؤال لو كانت مديره مب مدير راح تنفذين الطلبات والا لا؟؟

[Limet UP]

السلام عليكم ورحمة الله وبركاته ,,

في البدايه الله يعينك على ما ابتلاكي فيه ..

وفي مثل يقول (( ان لم تستح فافعل ماشئت )) وطبعا هذا الكلام موجه لبعض المسئولين اللذين يستغلون مناصبهم لغرضهم الشخصي ..

وللاسف على بعض الردود اللتي لاتستحق الرد بها في هذا الموضوع ويجب علينا اخذ الموضوع بعين الاعتبار ,, حتى لانترك لاي مسئول بأن يتمادي في مثل هذه المواضيع ..

ومن قال بان المدير او المسئول له الحق بتوكيل اي موظف او موظفه بعمل شخصي له
فلا يوجد نص في القانون يثبت هذا الكلام ..

اختي الفاضله بختصار لايمكنك مراسلته عبر الايميل وهذه وجهة نظري الشخصيه وحتى لايضعكِ في تفكيره بانكِ انتي من قام بتشويه سمعته في العمل ..

بما انكِ جديده والموظفين السابقين لم يتحدثوا معه بهالموضوع ..

فاللذي عليكِ فعله الاعتماد على الله اولاً فالرزق بيد الله ,, ولو كان هناك مسئول ارفع منه عليكم التوجه اليه ومقابلته وابلاغه بالموضوع ويستحسن بأن تكونوا مجموعه من نفس العمل ,,

ولوا كانت هناك اوراق خاصه للمسئول اللذي كان يكلفكم به باعماله الشخصيه يجب عليكم تصويرها لكي تكون حجه عليه ولا يمكنه النكران ..

وان لم تجدي احد يذهب معكِ للمسئول الاكبر منه ولم تتوصلي لحل معهم ضده فلا تيئسي فهذا مصدر رزقك ولاتذهبي لحالك للشكوه عليه وذلك لكي لايعتبرونك محرضه عليه ,, بل اعملي اي عمل يوكلكِ اليه بالعكس مثال لو قال شمال اكتبي جنوب ولو قال اطبعي الكتاب ادخلي نصوص غير صحيحه وهالم جره حتى ييأس منكي بطريقه غير وديه وبترتاحين بأذن الله ولا اريد الاطاله بهالموضوع وإن شاء الله قد استطعت توصيل فكرتي للموضوع ..

[قطري !]

الامور هذي تعتمد علي شخصية الموظف



يعني اذا نفس هذا المدير وعنده موظف شخصيته قويه صدقيني ما يتجراء يقول له سو اشغالي الخاصه



بس اذا حصل المدير انسان شخصيته ضعيفه يمكن يخليه دريول عنده ... وانا اقصد المدراء المريضيين نفسيا واللي ماهم قد المسؤؤلية

[وتبقى الدنيا حلوه]

خليفه ، بو حارب ، ناصر 30 ، بنت النوخده ، ام السعف ، الحريه Chillis، Limet Up :
تسلمون على ردكم و مشكورين عالنصيحه
amaf535 ، خطاف ، شبح الصمت:
عجبتني افكاركم
مرحوم قطر:
مشكور عالموقف اللي ذكرته
المهندس عبدالعزيز:
ماتوصل للنيابه
خالد:
الله يهديك
بوعلي:
لاتنقهر ترا للحين الدنيا حلوه :)،Rashid 554 المليونير الفقير:
سواء كان مدير او مديره ماعندي اي استعداد اسوي لهم اي شي خاص

[همر]

هو عربي مب قطري



كماااااان ؟!!



يادي النصيبه ام جلاجل يادي الخنجه ام حناجل !!!


ويييييييين كيد النسا وكيد النسا ؟!! ولا المره ماتعرف تكيد الا زوجها ؟!!!

ما تعرفون تتشطرون على مدرائكم ..


شوفي الشيخه .. وتعلمي مني.. لما يناديج المدير في مهمه شخصيه.. او كل ماتروحين له المكتب اخذي معاج جوالج وشغلي التسجيل .. وخليه يطلب منج امور شخصيه وردي عليه بابتسامه باهته .. سوري.. انا اراعي ضميري ومصلحة الوطن فوق كل اعتبار ومن هالكلام العريض.. وخليه يرد .. واذا امه داعيه عليه بيغلط.. ومن ثم تحطين رجلج وتروحين ادارة العمل تشتكين عليه وعندج دليل :nice: .. لانج لو رحتي ايد ورى وايد قدام محد بيعطيج ويه ياحظي .. كلمته قدام كلمتج.. :)

[الحياة الخالدة]

كماااااان ؟!!



يادي النصيبه ام جلاجل يادي الخنجه ام حناجل !!!


ويييييييين كيد النسا وكيد النسا ؟!! ولا المره ماتعرف تكيد الا زوجها ؟!!!

ما تعرفون تتشطرون على مدرائكم ..


شوفي الشيخه .. وتعلمي مني.. لما يناديج المدير في مهمه شخصيه.. او كل ماتروحين له المكتب اخذي معاج جوالج وشغلي التسجيل .. وخليه يطلب منج امور شخصيه وردي عليه بابتسامه باهته .. سوري.. انا اراعي ضميري ومصلحة الوطن فوق كل اعتبار ومن هالكلام العريض.. وخليه يرد .. واذا امه داعيه عليه بيغلط.. ومن ثم تحطين رجلج وتروحين ادارة العمل تشتكين عليه وعندج دليل :nice: .. لانج لو رحتي ايد ورى وايد قدام محد بيعطيج ويه ياحظي .. كلمته قدام كلمتج.. :)




يا عيني على كيد الرجال .. و تقولون الكيد عندنا :rolleyes2:

و الله انت عجيييييييييب :victory:

[وتبقى الدنيا حلوه]

كماااااان ؟!!



يادي النصيبه ام جلاجل يادي الخنجه ام حناجل !!!


ويييييييين كيد النسا وكيد النسا ؟!! ولا المره ماتعرف تكيد الا زوجها ؟!!!

ما تعرفون تتشطرون على مدرائكم ..


شوفي الشيخه .. وتعلمي مني.. لما يناديج المدير في مهمه شخصيه.. او كل ماتروحين له المكتب اخذي معاج جوالج وشغلي التسجيل .. وخليه يطلب منج امور شخصيه وردي عليه بابتسامه باهته .. سوري.. انا اراعي ضميري ومصلحة الوطن فوق كل اعتبار ومن هالكلام العريض.. وخليه يرد .. واذا امه داعيه عليه بيغلط.. ومن ثم تحطين رجلج وتروحين ادارة العمل تشتكين عليه وعندج دليل :nice: .. لانج لو رحتي ايد ورى وايد قدام محد بيعطيج ويه ياحظي .. كلمته قدام كلمتج.. :)



بخصوص كيد النسا :
أنا انسانه مسالمه و هاديه و على نياتي لدرجه مستحيل احد يتصورها و ترا انا بحال سبيلي يعني ما احتك بالموظفين او الموظفات اللي معاي الا اذا وحده بتجيني تبي شي
مالي حس لدرجة ان كم مره اغيب و محد يدري اني غبت
والله يشهد على كلامي و انا تربيت ان ما اطول صوتي او اقعد ارادد
وايد متأثر بالمسلسلات المصريه


اممممممممممم انا ما اروح مكتبه كللللللللللللللللللللللللللللللللللللللش و هالمره طرش الورقه مع موظفه

عموما تسلم اخوى عالنصيحه

[sho_sha]

سمعيني ياخويتي من البدايه عطيه كاش في الويه قولي له لو سمحت انا ماسوي شغلك الخاص شي في نطاق العمل اوكي بس شغل خاص اسمحلي . وعن تجربه اذا وافقتي من البدايه بتكملين لين الاخير .انا يوم داومت بعد الموظفات اللي كانو معاي مب قطريات كانو لاعبين عليهم لعبه لدرجه واحد من المدراء يوم القرنقعوه الصبح قال حق رفيجتي سوي حق عيالي بطاقات اللي تنحط على التوزيعات . شهالسخافه . عاد انا كان اول شغل لي وكنت مستحيه بس قويت قلبي وقلت لهم . خير ان شاء الله احنا درسنا وتخرجنا عشان نشتغل لكم . انا اخواني ماسويت لهم فيز وخرابيط حق خدمهم وسيايرهم اتيون انتو وتامرون علي .
واذا انتي من النوع اللي يستحي اخذي الاوراق واحذفيهم عندج على المكتب ولا تشتغلين فيهم عقب هم بيفهمون وبيدورون لهم حد ثاني . وسوري على المعلقه اللي كتبتها بس لانه صج شي يبط الجبد ومنتشر

[وتبقى الدنيا حلوه]

Sho-Sha
منتظره يعطيني شغل ثاني عشان اتخذ اجراء معاه

تسلمين اختي

[BIG-VEGA]

كماااااان ؟!!



يادي النصيبه ام جلاجل يادي الخنجه ام حناجل !!!


ويييييييين كيد النسا وكيد النسا ؟!! ولا المره ماتعرف تكيد الا زوجها ؟!!!

ما تعرفون تتشطرون على مدرائكم ..


شوفي الشيخه .. وتعلمي مني.. لما يناديج المدير في مهمه شخصيه.. او كل ماتروحين له المكتب اخذي معاج جوالج وشغلي التسجيل .. وخليه يطلب منج امور شخصيه وردي عليه بابتسامه باهته .. سوري.. انا اراعي ضميري ومصلحة الوطن فوق كل اعتبار ومن هالكلام العريض.. وخليه يرد .. واذا امه داعيه عليه بيغلط.. ومن ثم تحطين رجلج وتروحين ادارة العمل تشتكين عليه وعندج دليل :nice: .. لانج لو رحتي ايد ورى وايد قدام محد بيعطيج ويه ياحظي .. كلمته قدام كلمتج.. :)



:nice:

[CH Engineer]

اول شي تسوينه تاخذين ملف فواتير الجمعيه وكيوتل للبيت وترمينهم
واذا اسألج قولي مادري وينهم..

واذا طلب منج تطبعين ورقه خاصه فيه حطيها ع المكتب لين يجي ياخذها واذا لزم عليج عطيه كاش

[S A A D]

لو مديري كفو وله معروف عندي ومايقصر معي اذا احتجته ماعليه مابقصر وياه

ولكن اني استوي له سكرتير خاص لا والف لا

واختي الرزاق فالسما ورزقج مكتوب غصباً عليه

فمشكلة هالمدير انه الناس اللي قبلج قالوا له سمعاً وطاعه ومافيه حد قال له لا فشكلة تمادي وعلى باله شركة ابوة

اذا طلب اشياء مالها داعي طنشية وقولي لي خلصت شغلي بسويها وعطيه طاف

[بـــــــنت النوخـّــــذه]

بس للعنصر النسائي مو شي كلش :rolleyes2:

:nice:

[دااانة قطر]

طيب سؤال لو كانت مديره مب مدير راح تنفذين الطلبات والا لا؟؟


أكيد لا

[ام خويلد]

مرحبا اختي سكر نبات
بسالج في اي مطعم تنباع الهمبرجر اللي حاطتها اسفل توقيعج ؟شكل طعمها لذيذ

يمي يمي

[الزعفراني]

بس هو اول مره يعطيني شي اسويه و ابي ارد عليه رد دبلوماسي اذا عادها

في حالة انه كلفج شخصيا بمثل هالموضوع مره ثانيه ، قولي له أنا المره الأولى لين جابت لي فلانه الورقة عشان أطبعها كان تكرما مني لا أقل ولا أكثر وماحبيت أردها ، لكن هالمره اعتذر لك واسمحلي لأن هالشي شغل خاص ومب من صميم مهام شغلي.

وإذا كان التكليف عن طريق الموظفة الثانية او بواسطتها ، قولي لها نفس الكلام عشان توصله له ، وانه فلانه اللي هي انتي تعتذر لك عن القيام بمثل هالشغل .

[بوجاسم 75]

اختي انتي قطرية

[ضوى]

غريب انه مدير واجنبي ويستقوي على قطرية ؟؟؟

عموما الطباعة مافيها شي ، اذا ماعندي شغل ، انا اطبع للكل من البوي للمدير الاشياء الخاصة بس اذا ماعندي شغل ، وابلغهم بهالشي لني لو خلصت اللي بايدي باطبع وباسوي ، والله خير حتى مديرتي تقولي يافلانة ولا عليج امر اذا خلصتي الشغل وبقى عندج وقت لو سمحتي تطبعين لي هالشي طبعا بكل ذوق وادب ،لكن سالفة مطراش للمكان الفلاني وخلافه لا طبعا غير مقبول ابدا ، ممكن تطلب مني خدمات شخصية لها بس كطلب مش كأمر ،

[BoAof]

هذا الناقص بعد حاسبي يمكن يوم من الايام يجيب عياله يقولك مرتي مب فاضيه تمسكهم اليوم
هههههههههههههه

والله لو منك امور ماتخص الدوام ولا تقربين صوبها ولا تفتحين على نفسك باب
الخدمات المجانيه

[شقاوي]

انا قلت قطري وبلعت السالفه بتــيزاب هالدور عربي،،
والله أنتي مب تشتغلين عند أبوه مكرم وجهج،،
بس هالشي ماينسكت عليه عندج شي من شيين يا أنج ترفضين وتبينين أنج مب خايفه منه لان مب من جيبه يعطيج معاش ولا أشتكي مع أنه أحس الشكوى في جربه مبطوطه

الله يعينج ياأختي

[قطريه ماركه]

اشتكي عليه ........

أو قولي له انا مشغولة الحيين ما عندي وقت !!

[رجوان]

شنو تقيمج تحت يدي ..تهديد يعني

ليش ماتشتكون عليه لين متى انتو ساكتين على هالشي الي صاير عندكم

لا تخلونه يتمادى معاكم:telephone:

على فكره اعرف سكرتير المدير وياليت المدير قال لواحد ماراح اتشوف خير ولا بالتلفون ايش معناته هو شركة ابوه ماهو الا موظف حكومي مثله مثله ويشتغل في مكان حكومي ومب يعطي راتبه من جيبه الحمد لله والشكر:telephone::anger1:
والله لو مكتب يقيم عمل الاداريين كان احسن لان هاذول مايدرون ان واحد الي يراقبهم الله سبحانه وانه في يوم من الايام محد راح يسال عليه من شلة النفاق والمصلحه اللي معاه

[رجوان]

على فكره الشخص هذا قطري

[قلبي الطيب]

سمعيني يا أختي من مافهمته منج
أن البنت العربية السكرتيره اهيه المتبهدلة معاه مب أنتي
عشان جي لا تدخلين في مشاكل بسببهم
اذا مايزعجج بطلباته شوفي شغلج وماعليج من حد

[الـراسي]

هذا عيبنا الوحيد ما نشتكي

وما نتكلم اذا احد اخطأ بحقنا او شفنا خطأ

ليش هالصمت والله لو كل واحد يتكلم ويشتكي

كان اغلب هالمسؤولين ما تمادو ووقفو عند حدهم

لكن انتوا بسكوتكم خليتوهم يتمادون

[وتبقى الدنيا حلوه]

سمعيني يا أختي من مافهمته منج
أن البنت العربية السكرتيره اهيه المتبهدلة معاه مب أنتي
عشان جي لا تدخلين في مشاكل بسببهم
اذا مايزعجج بطلباته شوفي شغلج وماعليج من حد

اكيد مايخصني فيها

بس انا اعطيكم مثال هو لأي درجه تمادى

انا كل اللي عطاني اياه ورقة اطبعها و المره الجايه ابي اعرف شو اقوله عشان يعرف ان انا ماعندي استعداد اسوي له اي شي

و الاعضاء افادوني

[قناص 787]

ماشاالله مع هالردود البنت ضاعت مب عارفه شنو تسوي

واخرتها بتنسى الموضوع وبتقول الله يسامحه هههههه


انا اقول خلج انتي الكبيره واسمعي الكلام واذا قالج شي

قولي له حاظر :) وعفى الله عمى سلف :eek5: اشدخل متزاعلين

وانا مادري اهههههه

للحين ماخلص هالموضوع :rolleyes2:

[وتبقى الدنيا حلوه]

ماشاالله مع هالردود البنت ضاعت مب عارفه شنو تسوي

واخرتها بتنسى الموضوع وبتقول الله يسامحه هههههه


انا اقول خلج انتي الكبيره واسمعي الكلام واذا قالج شي

قولي له حاظر :) وعفى الله عمى سلف :eek5: اشدخل متزاعلين

وانا مادري اهههههه

للحين ماخلص هالموضوع :rolleyes2:

عرفت شو بقوله و بالفعل الاعضاء افادوني مشكورين

الموضوع خلص من زمان بس انت مدري وين رحت و توك ياي تقرا

[قناص 787]

عرفت شو بقوله و بالفعل الاعضاء افادوني مشكورين

الموضوع خلص من زمان بس انت مدري وين رحت و توك ياي تقرا

اسمحيلي تأخرت تدرين زحمه وماقدرت اوصل بسرعه

بس بحاول اجيب عذر طبي اذا بتمشين لي الموضوع :):)

[المدريدي]

ما أصدق أنج ما بلغتي عنه وساكته

المهم اذا انتي خايفه عطيني التفاصيل وان شاءالله الباقي علي

[wadha-qa]

اسوء مكان لعمل البنات هو البنوك اتمنى تدورين لج شغله في وزارة محترمة اريح لج والله

[فـيـراري قطر]

انا اول ماشفت مديري قام يطلب مني اشياء مالي شغل فيها قدمت استقالتي وقالي في فتره شهر قلتله ولا شهر ولا غيره انا من باجر سلام عليكم

[سارونه]

ههههههههههههه جات على الرسايل الخاصة ..

والي يقولكم بان اختي جالسة في أحد الوزارات .. ومديرها طلب منها تسوي له اسماء المدعويين بلعرس ..
يعني جلست طول اليوم تكتب الاسماء لحد المغرب :) وجاب لها البطاقات وقالها لزقيهم :) بدون كلمة شكر :)

هذا شي بسيط من بحر الظلم الي يسويه بعض المدراء في موظفيهم ...

[قطريه أصيله]

ههههههههههههه اشتغلت قبل في مكان مابي اذكر اسمه ..
ولا المدير يطلب مني اسوي فيزا لأمريكا و حجوزات السفر له ولزوجته ولعياليه عن طريق الانترنت
خليت شغلي وبديت اشتغل على الحجوزات عن طريق الانترنت
والمشكله كل صفحه كانت تقعد معاي اكثر من ساعه ونصف
واذا غلطت بحرف او بكلمه ارجع من اول جديد تخيلوو ؟؟؟
وفي نص شغلي وانا ادخل بيانات السفر والحجوزات يجيني شغل وأأجله ويتراكم علي الشغل .. توهقت والله وكل شي يتصل يسأل ها خلصتي ؟؟

حضرته يفكر انه الموضوع هين ..

موقف ثاني .. اتصل علي المدير يطلب مني اتصل على السيرفس حق مكيفات بيته هههههههه نوكومنت

بصرآحه

[قطريه أصيله]

ومديرها طلب منها تسوي له اسماء المدعويين بلعرس ..
يعني جلست طول اليوم تكتب الاسماء لحد المغرب :) وجاب لها البطاقات وقالها لزقيهم :) بدون كلمة شكر :)

...


ههههههههه نفس الحركه وربي صارت معاي بس ماطلب مني اللزقهم على البطاقات بس قالي اطبعي الاسامي .. فوق الـ 200 اسم

[سارونه]

ههههههههه نفس الحركه وربي صارت معاي بس ماطلب مني اللزقهم على البطاقات بس قالي اطبعي الاسامي .. فوق الـ 200 اسم



اختي قطرية ( هم يبكي وهم يضحك ) :weeping:

الحين مدير المكتب أو المدير العام أو المستشار الخ من الهوامير :nice: محتاجين أحد يكتب لهم اسماء المدعويين ويلزقونهم ، مع العلم بأن في مكاتب خاصة بهذي الامور :( مافي داعي تتعب الموظفة وتخليها تروح متاخرة :( ليش قاعده في مكتبك الخاص وتدفع لها من جيبك :nice:

رواتبهم عاليه (اللهم لا حسد) وعيزانين يخلصون ترتيبات العرس مايبون يطلعون فلس من جيبهم ههههه الموظفة والطباعة والة الطبع تبع الدولة ليش تستخدمها لاغراض شخصية :(

[ANONYMOUS]

مادري هل الفساد واستغلال العمل والموظفين في الامور الشخصيه هو ضمن اختصاصات الهيئه الجديده الشفافية ام لا


اذا من ضمن اختصاصها

فأتمنى من الجميع ممن يعانون بصمت ان يتقدموا بالشكوى ضد هالمداراء التعسفيين الزطاطوه اللي مايستاهلون لا راتب ولا منصب ولا مكانه في المجتمع

و ان شالله بوحمد والموظفين اللي معه سيقومون بالواجب

وشكرا

[غزلان]

الله يكون بعونج

مب من حقه يكلفج بعمل مايخص الأداره ومثل ماقالوا اما ترفضين او تشتكين

[الصغيره]

واللي تطبع جوازات هنوده وتستخرج فيزهم ههههههههههههه

الصراحه مافيه عقود تبين حقوقج وواجباتج

اخاف يوم يقول لفي ليي سندوجش

ولا بعد حرة البيت يحطونها بالموظفيه


ني عقود تضمن حقوقنا

[captin]

هو عربي مب قطري

بعددد

زاد البلا من هاذول يا حييهم القطريين اذا بيطرش احد يخلص
اشغاله الخاصة بيطرش مندوب.

عموما اذا قطري ولا غير قطري لايجوز استغلال مرافق ومواد العمل للأمور
والأعمال الشخصية والواحد لازم يخاف الله لانه بيحاسب يوم القيامة على شيء

اذا هو راعي اشغال ومصالح الله لايهينه يحط له سايق خاص في البيت يخلص له اموره.

من ناحيتج اذا طلب امور خاصة قولي له بكل صراحة هذا مو من اختصاصي ولا هو مذكور
في بطاقة الوصف الوظيفي الخاصة بوظيفتي واعتذري له واذا كرر الطلب والح ارفعي الموضوع لمكتب وكيل الوزارة او مكتب الوزير بشكل رسمي ومكتوب .

[Lap top]

نعم نعم ؟؟!! مب قطري ... و عربي

على وشو شايف روحه قوليه اذا ما استعدلت بشتكي عليك ؟؟؟!!

قوليه تراك اقامه هاه و بتكنسل بشكوة وحدة من الموظفين

عشتوا اخر زمن اقامات ولهم راس بعد ؟؟!!

لو اني مكانج والله بتحمل يوم يومين اسبوع عقب خلاص

بدخل عليها و وريه هووو منووو عشتوا ما بقى الا الاقامات ؟؟

لا تسكتين له وكتبي كتاب شكوا انتي و زميلاتج ولا زملاء اللي معاكم بالقسم

مستقوى على من ؟؟!!

كل الود
مهـا قطــر

[do7ani]

سويله طااااااااااااااااف من قلب
وحاولي تصيدين طلب من طلباته سجلي صوته بالجوال وصوري ملفه
واشتكي عليه عند الي اكبر منه خليه يكون عبره لغيره

[المهندس عبدالعزيز]

يا اخوان كثير من الذين يوظفون غير القطريين يستلغونهم في توصيل مدارس اطفالهم وعمل البحوث لأبنائهم في المدارس والتدريس تبنائهم والقيام بتوصيل الابناء إلى المجمعات والشراء من الجمعيات...ألخ الخ

[خوي الدرب]

عادي قولي له ترى ما أنا على كفالة أبوك
أنا وانت سواسية موظفين في عمل حكومي ولنا مرجع اذا حاب نروح للمرجع مع بعض ما عندي مانع

[doha2012]

وعادك ساكته


فيه مليون حل قدامك كيف ترضين على نفسك من بدايتها

انفضي الضعف وقاومي ماترينه خطا

الساكت عن الحق ...


وثقي كل مايطلبه منك حتى تحاججينهم به


وفقك الله وشرح صدرك

[الأعرابي]

مهما صااار ..

تبقى الدنيا حلوه ..

[khaldoon]

و الله يا اختي فكري شوي الحين لو شكيتي على هذا اللي هو مدير مديرج...بتشتكيه لمن؟...
وهل تعتقدي انهم راح يطيرونه مثلا علشان هالطلب؟....
مين اهم بالنسبة لهم انت و شكوتج و الا هو؟....
وهل تعتقدي انه هم ما يعرفون انه ممكن يطلب مثل هذه الطلبات و اكثر؟ ...
و هل تعتقدي انهم ما يسوون مثله؟.....
ماراح يكون له تأثير سلبي مباشر او غير مباشر على شغلج و استمرارج فيه؟

انا ما اتهمهم ولا اعرف انت عن مين تتكلمي بس انا اسأل بشكل عام

فوازني الامور

ما اطلب منج الاستمرار بس ايش بيصير لو رفضتي و ايش راح تخسري بالضبط؟.....هل راح تخسري التقييم و العلاوات و الزيادات و الترقيات؟
هل ممكن يكون مفتري و ظالم اكثر و يطلب نقلج او الاستغناء عن خدماتج؟
هل لا قدر الله لو استغنوا عن خدماتج ممكن تلاقي مكان احسن و ما تقعدي مدة طويلة بالبيت؟
هل لو لقيتي شغل جديد راح يكون المدير الجديد افضل وما يطلب نفس هذه الطلبات و اكثر؟
هل راح تتركي الشغل الجديد بعد؟
ما تحسين ساعتها انج اصبحتي امام اي احد يبي شغلج انج ما تعرفين تتعاطين مع مدرائج؟

يعني انصحج اول خطوة خذي ورقة و ارسمي عليها خط رأسي في نصف الورقه و اكتبي كل الاشياء اللي راح تكون في صالحج لو انج شكيتي عليه و بمقابلها كل ما هو ضدج و وازني المسائل و شوفي مين كفته اكثر ربحا

اعرف هالكلام ما راح يعجب الكثير بس احنا نتعامل مع ناس في منهم كثير ظلمة وما يعرفون ربهم فلو مشيتي على كلام: مب من حقه و اشتكي عليه ... وهو معاه حق اللي يقول هالكلام لوين بتوصلين

اول خطوة فهميه انه شغلج وايد متعطل و متراكم بسبب طلباته اللي ما تنتهي حتى لو انه ما في تراكمات وانه كل ما يطلبه من امور خاصة من هالشكل تعتبرينه جزء من عملج و ما يهمج لو تأخر العمل الاساسي او ما تم اصلا و انه اي احد يسألج عن تأخير العمل الاصلي بتقوليله انه يراجعك انت لانج مشغوله باللي يعطيج اياه اللي تعتبريه جزء لا يتجزأ من عملج الان....بهالحالة يمكن يحس و ينتبه و يخاف انه يشوه سمعته و يبحث عن بديل او حل

ثاني شي فهميه انه مستحيل تتأخري دقيقة واحده عن الشغل تحت اي سبب لانه ظروفج ما تسمحلج وسكري عليه نهائيا تنفيذ اي شي خارج حدود مكتبج يعني لو قالج سويلي كذا و كذا بره الشغل جهزي ردود من الحين

و قبل كل شيء لما يطلب منج طلب خاص من هالشكل قوليله انا علي اسوي كذا و كذا الحين ...ايش تبي اسوي الاول ...اسوي شغلك انت و الا هذا الشغل الكذا و كذا اللي مطلوب مني تسليمه اليوم


يعني بدل ما تشتكين ...طفشيه بهالطلبات و ملليه بس انت ما رفضتي تسوي اللي يطلبه و انت تشتغلي بالقدرات اللي عندج و ما تقدري تتجاوزيها و لا تحملي نفسج فوق طاقتج

و الله على كل ظالم و انا والله ما قلت هالكلام اللي فوق الا من اللي شفته من قصص مع غيري


الله يوفقج

[محمد الجفيري]

يا حبيبي هاي استغلال واضح لاملاك الدولة في الشؤن الخاصة
ارجو انج تبلغين العضيد عنه

[khaldoon]

صحيح ممكن أسألج هل انت تأكدتي انه هو اللي طلب منج انج تسوين هالشي و الا انها لعبة من سكرتيرته و هي اللي فعلا تشغلج بشغله و يمكن ما يعرف عنج شي اصلا

اسأليه لو حبيتي و قوليله فلانه طلبت مني اسوي هالشغل لك.....هي اللي اقترحت اسمي مثلا و الا ايش السالفه بالضبط...منها نبهتيه انج مب مرتاحة لهالطلبات و منها انج تتأكدي انه السكرتيره ما تشغلج ولا هي اللي ورطتج

[حيهور]

المحكمة روحي رفعي قضية ضد الشغل واثبتي كل شي بالفواتير والتسجيل الصوتي

وطالبي برد اعتبار

وهذا وجهي اذا القانون عندنا سوا شي

[الراقيه سبشل]

speed 4 ever :
المشكله حظي لك عليه
بس شقول غير الحمدلله
مديري المباشر زين ومرتاحه بالشغل وياه
بس الراس العود مشكله !!

دانة قطر:
اذا تقصدين عالبنت العربيه هي مسكينه تقول انا ابي اشتغل ما ابي يفنشني او يخرب تقيمي لها تقولي قالها اكثر من مره ترا تقيمج تحت يدي
لو انا منكم افعصه وادعس عليه :omen2:

قولوها بويهه احنا عنا اشغالنا ماخلصناها وهالشغل خارج اطار العمل

واذا مب قادرين تقولوها وخايفين .. روحو لمديركم وخليه يشوف الشغل الي تستلمونه منه !! ويمكن هو يتصرف معاه

[بوخالد911]

لا بد من الاعتراض

وتقديم شكوى

ولا تسكتووون
فيتمادى أكثرررررر وأكثررررررررررر......

[سداوي&مدريدي]

هذه الظاهره منتشره بكثره .. وللأسف بعض المدراء يستغلون مناصبهم لتخليص معاملاتهم

نصيحه اذا تكرر هذا الشي تواصلي مع مديرج المباشر واشرحي له الوضع وان شاء الله تنحل المشكله

بالتوفيق

[khaleeji]

خلك شجاعه وقولي له ماني مسوية اي اوراق خاصه وماتتعلق بالعمل,,,,وانتهى الموضوع

[CH Engineer]

عندي اقتراح للي يعانون من هالمشكله
صوروا الاوراق او العمل الخاص وارسلوها بايميل للمدير العام والمدراء الي فوق "المدير صاحب الطلبات" ونسخه لمدير التقطير التابع لجهة عملكم ونسخه لادارة العمل..

الا وتحصلين واحد شايل عليه وبيطيره