حفل جامعة قطر اليوم في مبنى الانشطه الطلابيه بنات..!!!!!!

[كحيلآن]

السلام عليكم ورحمة الله وبركاته ....

أعتقد الكل شآف الاعلان عن احتفالية الجامعة في مباني الانشطه الطلابيه بنين وبنات

واكيد كلكم شفتوا الدعوه

لكن ما يثير الغبن والسخط على اللجنه المنظمه لهذا الاحتفال هو احضارهم اليوم الثلاثاء الشاعر حمد البريدي ولا اعلم هل معه شعراء اخرين ام انه وحده إلى مبنى الانشطه الطلابيه للبنات والقائه بعض القصائد الغزليه
وتجاوب الفتيآت معه بـ اطلاق عبارات مثل ( كفــو )
أو حين سألهن الشاعر عن نوع الشعر الذي يردن سمآعه اجابن الفتيآت << الغير مؤدبات من وجهة نظري انا الشخصيه فـ إن كآن أحد منكم يعتقد انه ليس قلة ادب هذا شي يرجع له

المهم ..

الشاعر المفروض يجي مبنى الطلاب .. الي ما جانا فيه غير حرمتين من جنسيه عربيه يبيعن هريس وكرك

هذه فعالية الطلاب

وفعالية البنات شاعر يلقي قصائد غزليه وجمهوره طالبات الجامعه

رأيكم بـ هذا الحفل إذا تكرمتوا

[غزلان]

رأي ان الشاه لايضرها سلخها بعد ذبحها:)

[مخطط قطري]

الرجال اللي فيه خير ولد عرب مايرضاها على عمره يدخل مكان خاص فقط للبنات
ماقصد الشاعر البريدي وبس الا كل رجل وطت قدمه جامعه البنات
والعتب والشرهه مب عليهم الا على المنظمين الي لايستحون ولا ينتخون اذا في شعراء يقلطونهم على الطلبه ويشعرون هناك واذا في شاعرات يودونهم جامعه البنات هذا مكان علم ومقدس
قلنا يوم وطني وفرحه والكل سعيد بهذا اليوم بس بدون المساس بالعادات والتقاليد والتكشف على الرجاجيل
اقسم بالله لو عندي حد من هلي في هالجامعه الفاشله لاطلعه منها لانه خلاص صارت مسخره
كان هذي سواتها

[مخطط قطري]

رأي ان الشاه لايضرها سلخها بعد ذبحها:)

ممكن توضيح اكثر يالطيبه شقصدج بهالمثل في هالمقام

[غايه الطواش]

الحين اختلط التعليم
ماتشوف المدراس المستقله مالت البنات
يوم منادين الدفاع المدني ويوم منادين المرور ويوم مادري من منادين

اخبر على ايامنا زوارنا كله حريم في حريم
اما الحين مادري شالحكمه ..مدرسه بنات يسسون احتفاليه عن اسبوع المرور وينادون المرور يحظرون...والبنات شيخصهم ؟؟

وبعض الجهات ..اذا جاتهم دعوات من مدراس بنات يسخسخون يطيرون من الفرحه ...
واذا جاتهم من مدرسه بنين تعذروا والا طرشوا حد بدالهم...
البلا مهب من الطلبه والطالبات البلا من صناع القرار في الجهات التعليميه ...

والله مدرسه بنات واول سيدين من الحضور رياييل ... >>>منبطه جبدها من هالسالفه

[الحسوم]

هذه أقصى معاني التطور عند من يدير الجامعة .. ثم يسألون لماذا الجامعة التي كانت وطنية قبل سنة 2003 .. تنهار على جميع المستويات ..

الله المستعان .. فالقادم أدهى وأمرّ إلا أن يشاء الله.

[غزلان]

ممكن توضيح اكثر يالطيبه شقصدج بهالمثل في هالمقام



المثل واضح وانت قلت في ردك>(( هالجامعه الفاشله لاطلعه منها لانه خلاص صارت مسخره)):)

[كحيلآن]

انا هالموضوع هذا رفع ضغطي ولا اخفيكم إني توقعت القى بعض الردود ضدي ولاني مستبعد هالشي للحين.

[مخطط قطري]

الحين اختلط التعليم
ماتشوف المدراس المستقله مالت البنات
يوم منادين الدفاع المدني ويوم منادين المرور ويوم مادري من منادين

اخبر على ايامنا زوارنا كله حريم في حريم
اما الحين مادري شالحكمه ..مدرسه بنات يسسون احتفاليه عن اسبوع المرور وينادون المرور يحظرون...والبنات شيخصهم ؟؟
لانهم متوقعين بيطلعون بنات ابطال فورملا1 من بين الطلابات !!!
وبعض الجهات ..اذا جاتهم دعوات من مدراس بنات يسخسخون يطيرون من الفرحه ...
واذا جاتهم من مدرسه بنين تعذروا والا طرشوا حد بدالهم...
البلا مهب من الطلبه والطالبات البلا من صناع القرار في الجهات التعليميه ...
عادي يتبدل صانع القرار اذا كان ضد الشرع وضد العادات لانه مب كفو ف مكانه والشرع والعادات اقوى منه:)والله مدرسه بنات واول سيدين من الحضور رياييل ... >>>منبطه جبدها من هالسالفه
شيبون!!!!!!!
انا اسمع عن مدارس البنات المستقله بس المفروض صاحبه الترخيص او المديره ماتسمح بدخول اي رجل في هالمنئشه بنات الناس واعراضهم امانه في رقبتها
وليت هالرجاجيل لدشو مدارس البنات فعلو شي عظيم لهم
غير التفرج والتصفق والثناء على المدرسه زين وعقب؟؟؟؟

[ظبيــღــه]

امممممم كان أكثر من شااعر :secret:
والبناات متجمهرين حولين المنصه ..يعني شوي جي بعيد شوي عن المنصه :omen2:
غير التصفيق والتصفير من بعضهن :secret:

يادوب خذت لفه وطلعت :rolleyes2:

[مخطط قطري]

انا هالموضوع هذا رفع ضغطي ولا اخفيكم إني توقعت القى بعض الردود ضدي ولاني مستبعد هالشي للحين.

المفروض والواجب على كل رب اسره شريف وغيور على اهله سواء قطري او غير قطري اذا سمع عن هالفعاليات او دخول رجال الي جامعه البنات مايسمح لهم يرحون هناك (الانشطه مثلا)
واذا قالو بيدشون بين الممرات يغيبون بناتهم هذاك اليوم
واذا مصختها اداره الجامعه وياهم يطلعون بناتهم من الجامعه
وتم محاسبه الجامعه على هلافعال المشينه الي ماتخدم التعليم ولا الهدف من انشاء الجامعه في اي شي
وماتنلام ياخوي كحيلان كلنا ارتفع عندنا الضغط من هالموضوع

[غزلان]

عقب ماجابوا عمر الشريف وانسأل اساله سخيفه وجاوب بكل قلة احترام للمكان وللموجودين وبحضور أادارة الجامعه لا استغرب:)

[كحيلآن]

المفروض والواجب على كل رب اسره شريف وغيور على اهله سواء قطري او غير قطري اذا سمع عن هالفعاليات او دخول رجال الي جامعه البنات مايسمح لهم يرحون هناك (الانشطه مثلا)
واذا قالو بيدشون بين الممرات يغيبون بناتهم هذاك اليوم
واذا مصختها اداره الجامعه وياهم يطلعون بناتهم من الجامعه
وتم محاسبه الجامعه على هلافعال المشينه الي ماتخدم التعليم ولا الهدف من انشاء الجامعه في اي شي
وماتنلام ياخوي كحيلان كلنا ارتفع عندنا الضغط من هالموضوع

كلامك عين الصواب

[غزلان]

امممممم كان أكثر من شااعر :secret:
والبناات متجمهرين حولين المنصه ..يعني شوي جي بعيد شوي عن المنصه :omen2:
غير التصفيق والتصفير من بعضهن :secret:

يادوب خذت لفه وطلعت :rolleyes2:

:rolleyes2:

[كحيلآن]

عقب ماجابوا عمر الشريف وانسأل اساله سخيفه وجاوب بكل قلة احترام للمكان وللموجودين وبحضور أادارة الجامعه لا استغرب:)

ما كنت ادري عن هالموضوع ولو كنت ادري نزلت عنه موضوع بالمنتدى ..


قمة السخافة والوقاحة

[الخزرجي قطر]

لاحول ولاقوة الا بالله
الله يهديهم ان شاالله

[lemon]

انا كنت موجوده بالنشاط بس بالطابق الثاني ما سمعت شعرهم الصراحه
بس ما حبيت الفكره كلش ماله داعي في وايد بنات عندهم موهبة الشعر ليش يابوا ريايل؟
انا لاحظت للأسف قسم النشاط عندنا بالجامعه مغبر كح كح يعني كلش ما ايسون اشياء على مستوى للأسف الجيل الي يشتغل هناك من الجيل القديم الي نفس نظام المدرسة فالأنشطه لكن النوادي الطلابية تبدع بالانشطه صراحة وهاي دليل ان بالمستقبل القريب ان شاء الله راحوا تتغير نوعية الموظفين الي ماسكين الانشطة الطلابية

دمتم بود

[Class - Qtr]

السلام عليكم

في تصوري لو كان الرجل اللي تواجد في مبني ( البنات ) في جامعه تحمل اسم بلادنا قطر

رجل دين يلقي محاضرة دينيه تستفيد منها كل اخت راح اتواجد في هالقاعه لتقدمت بجزيل

الشكر من هالمنتدي الي القائمين على هالندوة الدينيه ,,

بالنهايه ..

الشاعر قدوة في شعرة وفي كتاباته وفي تصرفه وفي تصوري ان الشاعر / حمد البريدي

ماكان موفق في قبول هالدعوة في جامعه قطر قسم ( البنات ) وشـــــــــــــــــكرا

[مرتاحه البال]

اتفق مع الكاتب المفروض يجيبونه جامعة البنين والبنات عندهم شاعرات بس اتوقع قبل جابوا وما في تفاعل فلازم خالف تعرف والحضور جدا كبير | اللي ينرفز في الموضوع وش دخل نطلع من الجامعة عشان هالعقول الفاشلة في جامعة قطر اللي تحاول تعكر مسيرتنا التعليمية أو اللي يقول يغيبون بناتهم يعني أغيب عن محاضراتي كل مره يجي رجال الجامعة أصلا إذا ما تعرفون ترى يدرسونا رجال أشوف البنت المتربية صح وأهلها يحطون الثقة فيها ما راح تهتم بصغائر الأمور والعتب ع الجامعة مو كل شي ع الطالبات دام ما عليها ثقة لا تروح الجامعة من الأساس لأن البنت إذا بغت شي بتسوية ولو في قعر دارها ^^ اعتب مره ثانية ع البريدي قبوله الدعوة لا تنسون عشان يوم وطني يعني عادي :) من أجل حب الوطن

[ظبيــღــه]

اتفق مع الكاتب المفروض يجيبونه جامعة البنين والبنات عندهم شاعرات بس اتوقع قبل جابوا وما في تفاعل فلازم خالف تعرف والحضور جدا كبير | اللي ينرفز في الموضوع وش دخل نطلع من الجامعة عشان هالعقول الفاشلة في جامعة قطر اللي تحاول تعكر مسيرتنا التعليمية أو اللي يقول يغيبون بناتهم يعني أغيب عن محاضراتي كل مره يجي رجال الجامعة أصلا إذا ما تعرفون ترى يدرسونا رجال أشوف البنت المتربية صح وأهلها يحطون الثقة فيها ما راح تهتم بصغائر الأمور والعتب ع الجامعة مو كل شي ع الطالبات دام ما عليها ثقة لا تروح الجامعة من الأساس لأن البنت إذا بغت شي بتسوية ولو في قعر دارها ^^ اعتب مره ثانية ع البريدي قبوله الدعوة لا تنسون عشان يوم وطني يعني عادي :) من أجل حب الوطن
:victory:
ماتشوفون ان اليوم الوطني (الي لحد الحين ما اقبل)
صاير يشد معاه منكراات اشكال والوان من كل صوب وزاوية:(
وباسم الوطنية كل شي صاير عادي

ترى الوطنية مااااااا تبرر فعل المنكر :telephone:

والمشكلة ان لحد الحين ما اقبل

[قطري متواضع]

قبووول حمد البريدي غير موفق

لانها في قسم البنات

صحيح مهيب زينه يجبون شاعر
ومافيه احد يرضاها ولايرضا
ان بنته تحضر

بس ماكان له داعي تذكر اسم الشاعر

وتقول نوع من السخط انهم يجيبون حمد البريدي

أشوف كنك حاقد عليه

احس فيها نوع ما من العنصريه

وبعدين حمد البريدي ترى معاه اكثر من شاعر

[كحيلآن]

قبووول حمد البريدي غير موفق

لانها في قسم البنات

صحيح مهيب زينه يجبون شاعر
ومافيه احد يرضاها ولايرضا
ان بنته تحضر

بس ماكان له داعي تذكر اسم الشاعر

وتقول نوع من السخط انهم يجيبون حمد البريدي

أشوف كنك حاقد عليه

احس فيها نوع ما من العنصريه

وبعدين حمد البريدي ترى معاه اكثر من شاعر

يشهد علي الله إني مآحقدت ولآ شلت على الشاعر ولكنه الشاعر الوحيد الي عرفت أسمه ولو عرفت أسماء الباقين كان قلتهم هنا وعرفته من منتدى جامعة قطر ولا ذكروا اسماء شعراء ثانين هذا أولاً

ثانياً كونه شاعر وبدوي المفروض يرفض هذي الدعوه لآن فيه بنآت بدو بالجامعه والمفروض يحترم هالشي هذا


واشكرك على ردك واتهامي بالحقد مع ان الموضوع بـ جهة ومسألة أني احقد أو شي بـ جهة ولكن شكراً لك

[حليتان*]

القائمين على النشاط الطلابي بنين هو نفسهم تبع النشاط الطلابي بنات ؟؟


اذا كان نعم فمشكله كبيييييييره واذا كان لا فا اعتقد كل واحد له اجتهاده !!

[العابــرQAT]

الشاعر حمد البريدي شاعر البنات ما عرف يقول الشعر اللا في وسطهن

حمد البريدي من دعاة الاختلاط وشكلة فرحان باختلاط اليوم وودة كل يوم

عيب يا حمد تروح تقول شعر للبنات بس وين المرجلة والسنع

ياليت اسماء الشعراء الباقين اللي تواجدوا في حفلة الاختلاط

اما البنات مانعهم العادات والتقاليد ولا كان شفنا العجب علي المكشوف

[قهوة الضحى]

تصوير وحدة من الربع اثناء القاء الشعراء

كان اليوم فقرة مخصصة للشعر فاستضافوا هالشعراء

حمد البريدي ومقبل المري ومحمد بن ناصر


http://www.majaless.com/up/get-12-2011-2ivrurj9.jpg (http://www.majaless.com/up)


http://www.majaless.com/up/get-12-2011-hk4osq3h.jpg (http://www.majaless.com/up)

[قطري متواضع]

يشهد علي الله إني مآحقدت ولآ شلت على الشاعر ولكنه الشاعر الوحيد الي عرفت أسمه ولو عرفت أسماء الباقين كان قلتهم هنا وعرفته من منتدى جامعة قطر ولا ذكروا اسماء شعراء ثانين هذا أولاً

ثانياً كونه شاعر وبدوي المفروض يرفض هذي الدعوه لآن فيه بنآت بدو بالجامعه والمفروض يحترم هالشي هذا


واشكرك على ردك واتهامي بالحقد مع ان الموضوع بـ جهة ومسألة أني احقد أو شي بـ جهة ولكن شكراً لك

ما اتهمتك الله يرحم والديك
بس شفتك ذكرت من غير وبقيه الشعراء
ويعطيك العافيه
وكلنا ضد الدعوة وضد حضورة في جامعه البنات
والله يهديه ويهدي جميع المسلمين
وتقبل صادق تحياتي

[قطري متواضع]

الشاعر حمد البريدي شاعر البنات ما عرف يقول الشعر اللا في وسطهن

حمد البريدي من دعاة الاختلاط وشكلة فرحان باختلاط اليوم وودة كل يوم

عيب يا حمد تروح تقول شعر للبنات بس وين المرجلة والسنع

ياليت اسماء الشعراء الباقين اللي تواجدوا في حفلة الاختلاط

اما البنات مانعهم العادات والتقاليد ولا كان شفنا العجب علي المكشوف

اخ العابر
مايجوز أنك تقذف الرجال
وتتهمه انه شاعر بنات هو صح غلط اللي سواه

اذا تبي تقول عنه شي بعطيك رقمه كلمه وقوله في وجهه
مهوب من وراء كيبورد

[مايبخ]

لا حول ولا قوة الا بالله

[شبح الصمت]

السنه الجايه

بيجبون لهم من !!

احلام - ونانسي عجرم - واليسا

يستاهلون يستاهلون

هذا اهو العلم الي الواحد يرفع راسه فيه

للامام يا جامعة قطر

فعاليات طيبه

[قطري !]

عااادي اغلب بنات الجامعه وين بيتوظفون .... اكيد في اماكن اختلاط




الله يسامح الجامعه ليش ما دعوني ...

[chillis]

عااادي اغلب بنات الجامعه وين بيتوظفون .... اكيد في اماكن اختلاط




الله يسامح الجامعه ليش ما دعوني ...

من وين هالاحصائيه ؟ ان اغلبهم بيروحون اختلاط:omg:

[قطري !]

من وين هالاحصائيه ؟ ان اغلبهم بيروحون اختلاط:omg:




لإن أكثر الوظايف أختلاط واللي مافيها اختلاط بدأت تتجه للاختلاط ...




ولا بينهم بارتيشن او زجاج .... بس يشوفون بعض بالعيون ..:eek5:

[شبح الصمت]

اخ العابر
مايجوز أنك تقذف الرجال
وتتهمه انه شاعر بنات هو صح غلط اللي سواه

اذا تبي تقول عنه شي بعطيك رقمه كلمه وقوله في وجهه
مهوب من وراء كيبورد




انزين اخوي قطري

اشدعوه سوالف يهال تعال بعطيك رقمه ودق عليه ونرزفه وتصير مشكلة

العالم تحضرت قوله يدخل النت وفي موضوع مكتوب عنه وخله يرد دامه ما يقول انه والي راحوا معاه وروحتهم للجامعه فيها شيء من الخطأ ..

ادري بتقولون ياما ناس جات ودخلت الجامعة والا لها علاقة من قريب ومن بعيد يمكن نقول احتمال ويقولون ويمكن نقول مالهم علاقة في عاداتنا وتقاليدنا

بس يا ولد يدخل الجامعة وشعر غزلي ..

عسى ما شر اشلون اهو يرضاها اشلون اشلون

قولي اشلون يرضاها كان به شعر يبي يقوله مدح في الوطن يا حياه الله اما شعر وغزل


والبنات واي وفديته وهالسوالف ( طبعا المصخره ) :anger1:

ياخوي رقعها يمين تجيك يسار

انا برد عليك امبادل العابر كان به رد وتعرفه قوله يدخل المنتدى ويعلق والا يرد عليك وتكتب بلسانه ولسان الي معاه

وترى بقولك انا شاعر ووسط هالجمهور البنات وعيوني تقولب وابتسامات وشوف هذه وشوف ذيك يا رجال خلها على الله

ترى المخ فاصل اليوم لا تخلينا نخور وننجب ونطيح على وجيهنا

اللهم لا تؤاخذنا بما فعل السفهاء منا

وبيض الله وجهك

[قطري !]

انزين اخوي قطري

اشدعوه سوالف يهال تعال بعطيك رقمه ودق عليه ونرزفه وتصير مشكلة

العالم تحضرت قوله يدخل النت وفي موضوع مكتوب عنه وخله يرد دامه ما يقول انه والي راحوا معاه وروحتهم للجامعه فيها شيء من الخطأ ..

ادري بتقولون ياما ناس جات ودخلت الجامعة والا لها علاقة من قريب ومن بعيد يمكن نقول احتمال ويقولون ويمكن نقول مالهم علاقة في عاداتنا وتقاليدنا

بس يا ولد يدخل الجامعة وشعر غزلي ..

عسى ما شر اشلون اهو يرضاها اشلون اشلون

قولي اشلون يرضاها كان به شعر يبي يقوله مدح في الوطن يا حياه الله اما شعر وغزل


والبنات واي وفديته وهالسوالف ( طبعا المصخره ) :anger1:

ياخوي رقعها يمين تجيك يسار

انا برد عليك امبادل العابر كان به رد وتعرفه قوله يدخل المنتدى ويعلق والا يرد عليك وتكتب بلسانه ولسان الي معاه

وترى بقولك انا شاعر ووسط هالجمهور البنات وعيوني تقولب وابتسامات وشوف هذه وشوف ذيك يا رجال خلها على الله

ترى المخ فاصل اليوم لا تخلينا نخور وننجب ونطيح على وجيهنا

اللهم لا تؤاخذنا بما فعل السفهاء منا

وبيض الله وجهك




لو تعطي نفسك الراحة وتهدي شوي أحسن لك



ولا تقول ليش ترد عنه ,, لانك انت رديت عن العابر..



الاندفاع والتهور مشكله وانت تأمينك الله بالخير

[شبح الصمت]

لو تعطي نفسك الراحة وتهدي شوي أحسن لك



ولا تقول ليش ترد عنه ,, لانك انت رديت عن العابر..



الاندفاع والتهور مشكله وانت تأمينك الله بالخير




هذه ان دل يدل على ضعف الرد

عجبني الي بالاحمر

:victory:

[قطري !]

المشوار طويل الله يعينك علي نفسك



حاول تستفيد من كل الردود

[شبح الصمت]

المشوار طويل الله يعينك علي نفسك



حاول تستفيد من كل الردود




لا وانا اخوك ابي استفيد منك

فيدنا ممكن والا تقول لي مشوار طويل وتامين


لاني ببيم ان شاء الله فل بيمه عقب كم يوم


:victory:

[قطري !]

لا وانا اخوك ابي استفيد منك

فيدنا ممكن والا تقول لي مشوار طويل وتامين


لاني ببيم ان شاء الله فل بيمه عقب كم يوم


:victory:




الله يحفظك ويستر عليك وعلي كل مسلم


والله مابيني وبينك شي



بس الاحظك ترد بردود بعض الاحيان مالها داعي(مندفع) علي بعض الاعضاء وحبيت أوضح لك في مشاركتي السابقه بسطرين وانت شكلك مافهمت

[شبح الصمت]

الله يحفظك ويستر عليك وعلي كل مسلم


والله مابيني وبينك شي



بس الاحظك ترد بردود بعض الاحيان مالها داعي(مندفع) علي بعض الاعضاء وحبيت أوضح لك في مشاركتي السابقه بسطرين وانت شكلك مافهمت




ويستر على الجميع

لاحظت علي صدق الله يجزاك خيرررررررررررر

زين وعيتني لجل اعرف ارد وتمعن في الكلام قبل لا ارد

بارك الله فيك وما قصرت فدتني في شيء يمكن انا اجهله

[كحيلآن]

ارجوا اغلاق الموضوع لآنه أخذ منحى آخر ...

أخوي شبح الصمت واخوي قطري لآ هنتوا مافيه سبب يخليكم تردون على بعض بردود خارج الموضوع

[ام حمادي]

انا كنت في تلك اللحضات في قمة غضبي وحنقي وضيقي لدرجه اني كان ودي اتهاوش مع منضمات الاصبوحه وهن من الطالبات..
كانوا ثلاث شعراء وبعض طلاب المدارس الصغار الي يقدمون عرضات والقاء شعر ومن يضن با التجمهر كان لاجل الشعراء فهو مخطئ لان الشعراء بس اكتب في قوقل بتطلع قصائدهم اما طلاب المدارس فهو الي جد ممتع وانا اشوف انه ماكان له داعي الشعراء يجوون .. الاصبوحه المفروض تكون عن اليوم الوطني لكن احد الشعراء (مابي اقول اسمه) ماقال الا قصيدتين وطنيتين وبعدها صرح بكل جراءة انه خلااص ماعنده وطنيه وشتبون اقولكم ؟؟؟؟؟؟ الاحرى انك مادام لم تكن عندك الا قصيدتين بس عن الوطن انك تعتذر من الاول او تلقيها وتقول هذا الي عندي بهذي المناسبة وتروح مب تتنضر صرخات (بعض) من انتزع حياءهن بطلب قصائد غزل .. او دامك ماتبي تروح كان قلت قصائد اجتماعيه عن بر الوالدين عن اي موضوع آخر الا الغزل ..كان الاولى احترام الحرم الجامعي واحترام الحاضرات واحترام اصلا المبادئ ..

ماقول الا الله يعينا بس . للامانه من الحرة الي فيني طلعت حتى عرض المدرسة الي عن اللخويا الي كنت انتضره طوفته..

[Best Man]

الصراحه جامعه قطر صارت مثل البراشوت من زود الانفتاح

بس الي محيرني شلون شاعر مثل حمد البريدي يقبل هالدعوه وغيره من الشعراء؟

واالاخ قطري متواضع الي يقول بعطيك رقمه وتقدر تقول له هالكلام في وجهه

بدال لا توزع رقمه ياليت لو تقول له في موضوع يخصك في المنتدى وحاول تدافع عن نفسك

ثانيا ..وين اخت ليمون الي تدافع عن جامعه قطر هل اهي راضيه عن الي صاير بالجامعه؟؟

هل هاذي من الايجابيات الي قاعده تتغنى فيها بموضوعها ؟؟:nice:

[قناص 787]

الصراحه جامعه قطر صارت مثل البراشوت من زود الانفتاح

بس الي محيرني شلون شاعر مثل حمد البريدي يقبل هالدعوه وغيره من الشعراء؟

واالاخ قطري متواضع الي يقول بعطيك رقمه وتقدر تقول له هالكلام في وجهه

بدال لا توزع رقمه ياليت لو تقول له في موضوع يخصك في المنتدى وحاول تدافع عن نفسك

ثانيا ..وين اخت ليمون الي تدافع عن جامعه قطر هل اهي راضيه عن الي صاير بالجامعه؟؟

هل هاذي من الايجابيات الي قاعده تتغنى فيها بموضوعها ؟؟:nice:

:nice::nice::nice:

[الأصيلة]

خلاص ماعاد في أحد وفي أي جهة
يريد الستر ويحث عليه..
بالعكس صار الأمر عادي جدا...
اختلاط المرأة بالرجل أياً كان أصبح أمر ضروري ومطلوب
ومن أساسيات العمل والإحتفال وكل شيء...
دون النظر والإلتفات إلى أي تأثير أو أي سلبية أو أي خسارة أخلاقية...


الله يستر من السنوات القادمة
اللهم نسألك الثبات...

[Dawn]

وليش البنات احضروا هالفعاليه ؟؟؟

بنات كبار في الجامعه المفروض متربيين وعارفين الصح من الغلط من اهلهم مب يهالوه ينقص عليهم ..

وبعدين ترا اللي يدرسون البنات الجامعيات فيه منهم اساتذه رجال ونسبه منهم غير محترمين الصراحه ..

واللي قال انه ان البنات مردهم بيختلطون صاج لان حتى مهنة التدريس صار فيها اختلاط للأسف وانا اتكلم من تجربتي السابقه في التدريس ،، ورش عمل على اجتماعات اولياء امور على اجتماعات لجان على حضور مؤتمرات على استقبال ضيوف ووارد ان نتعامل مع رجال في اي لحظه باليوم الدراسي بشكل اقدر اقول شبه يومي .. يعني الاختلاط وصل اكثر مهنه كنا نشوفها غير مختلطه ..

هذا واقع للأسف ..

لكن الشي الايجابي اننا ممكن نعبر عن عدم رضانا بالشي ، اذا ما شاركنا فيه .. وهذا اضعف الايمان ..

وجزاك الله خير ..

[((ام خالد))]

الله يهديهم

[bentalgala]

اختي ليمووووووووون الموضوع يحتاج تعليقج وبشدة

اما بالنسبة للشعراء واللي حضروا الحفل

وااااااااخزيتاه يا ابناء الوطن

بس حبيت انوه لنقطة ضرورية .. لا نظلم طالبات الجامعه لانه فيه كثير سحبوا نفسهم من المبنى بكبره لوجود مثل هذه المناكر

الله المستعان على ما تصفون يا جامعتي الوطنية *

[أعمار]

هل يجوز تصوير الطلبة والطالبات صورة جماعية للذكرى ؟



السؤال : ما حكم الدين في أن يتجمع شباب من الجنسين من أبناء كلية واحدة لأخذ صورة جماعية للذكرى مع العلم أنها من التقاليد الموجودة في الكلية ويرى الكثير أنها غير مخالفة للدين؟


الجواب :

الحمد لله



أولا :

اختلاط الشباب بالشابات في المدارس والكليات والجامعات وأماكن العمل ووسائل المواصلات .... إلخ من أعظم أسباب الفساد ، التي تفضي إلى انتشار الرذيلة ، وانعدام الحياء .

قال علماء اللجنة الدائمة للإفتاء :

"اختلاط الرجال والنساء في التعليم حرام ومنكر عظيم ؛ لما فيه من الفتنة وانتشار الفساد وانتهاك المحرمات ، وما وقع بسبب هذا الاختلاط من الشر والفساد الخلقي لهو من أوضح الدلائل على تحريمه " انتهى .

"فتاوى اللجنة الدائمة" (12 / 181-182) .

والواجب على من ابتلي بالدراسة في الجامعات المختلطة أن يتقي الله عز وجل ويغض بصره ، وأن لا يصاحب الطالبات ، وأن ينشغل بنفسه وأمر دراسته ، ولو أمكنه التحول من هذه الكلية المختلطة إلى كلية منضبطة لا اختلاط فيها فهو أتقى لربه ، وأحفظ لدينه .



ثانيا :

يحرم تصوير ذوات الأرواح ، سواء كان إنسانا أو حيوانا أو طائرا ، ولا فرق بين أن يكون ذلك بالنحت أو الرسم على الثوب أو الورق أو كان بالتصوير الشمسي والفوتوغرافي ، ويستثني من ذلك ما يباح للحاجة أو الضرورة .

فعن ابن مسعود رضي الله عنه قَالَ : سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ : ( إِنَّ أَشَدَّ النَّاسِ عَذَابًا عِنْدَ اللَّهِ يَوْمَ الْقِيَامَةِ الْمُصَوِّرُونَ ) متفق عليه .



ويتأكد التحريم حينما تكون صورا لطلبة وطالبات ، والطالبات في كامل زينتهن ، وقد أمر الله تعالى المؤمنين بغض البصر فقال : (قُلْ لِلْمُؤْمِنِينَ يَغُضُّوا مِنْ أَبْصَارِهِمْ) النور/30 ، وأمر النبي صلى الله عليه وسلم الرجل أن يصرف بصره عن المرأة الأجنبية عنه ، فعَنْ جَرِيرِ بْنِ عَبْدِ اللَّهِ رضي الله عنه قَالَ : (سَأَلْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ عَنْ نَظَرِ الْفُجَاءَةِ فَأَمَرَنِي أَنْ أَصْرِفَ بَصَرِي) رواه مسلم (2159) .


الإسلام سؤال وجواب

[ROSE 26]

الشعراء اُلليٍُـُۓِ كانو مستضفينهم حمد البريدي ومقبل المري ومحمد ناصر
وتقريبا القو حوالي 8 او 10 اشعار وكلها وطنية
الا شعر واحد كان رومنسي

[مابدل العادات]

المخرجه عايزه كده

[أخت التفاؤل]

أنا جامعه قطر ما دخلتها ولا فكرت فيها
لعدة أسباب وكان على رأسهم الإختلاط
يعني رفيجتي تقولي أحد الدكاترة
يتعمد يستفزها ومرات يعاملها كأنها مب موجوده
بس عشان النقاب
وسمعت الكثير
..
بالمناسبة .. قبل أسبوعين يمكن
أحد المادرس الخاصة
جايبين ولد مدرسه هناك يعطي محاضرة
بس لبنات الثانوية !!
مع انه نفس المحاضرة ممكن تعطيها امرأه
وشي مب مهم أصلا
وطبعا للبنات ما يصدقون
يطيحون الميانة .. وتصير مهازل
لا حول ولا قوة إلا بالله

[alhashemi]

لا حول ولا قوه الا بالله ................... الله المستعان

[toomi9]

سؤال:telephone:
الشعر عيب ولا حرام ...؟
وفي شاعرات قطريات عشان يجون مكانه ..؟
وهل البنات نفسهم قابلين انه يجي ويلقي الشعر عليهم ( بغض النظر عن نوع الشعر )؟

وليش متحاملين عـ الريال دام انه شاعر البنات من حقهم يحضرون له فـ مكان منعزل بينهم وبين بعض احسن من انه دبرك دربك يروحون له فمكان خلط وكله شباب
انا ماشوف فيها شي لو راح والقى شعر سواء كان غزلي ولا نوع ثاني لان لو يبون يسمعون له راح يقدرون يشغلون من يوتيوب ويسموعن له بعد مافي فرق !!
لكن انا معترضه ع المصخره الي بيسونها (بعض البنات) المش محترمات قدامه
لو انا مكان اللجنه المنظمه للحفل لو ماابي اجيب الشاعر ماراح اجيبه ع المصخره الي بيسونها البنات قدامه مب عشانه ريال ومايدخل مكان فيه حريم
هذا هم الدكاتره ريايل

[Ahmed25]

الحين البنات اللي تواجدو بالمئاااات في ذاك الموقع وذاك الوقت ! معقول ولا وحده منهم موجوده هنا فالمنتدى !!! سبحان الله ياخي كل بنات المنتدى مثاليات بشكل غير طبيعي !! اجل من البنات اللي نشوفهم في الاسواق و في "امسيات الشعر" ؟؟ بنات من عالم آخر ؟!

[مسك روز]

الحمدالله على ايامي ماكانت موجوده هالسوالف


:looking:

[ظل القمر]

اولا للعلم في نفس المكان اللي جه فيه الشاعر
يجون في مشايخ مثل العوضي والعريفي وغير ويجون فيه شخصيات مختلفه تبعا للفعاليه
والاختلاط ماله علاقه بالموضوع ناس تجي تقدم ماعندها واتروح
ثانيا هذا شغل نادي التصوير والفعاليات الي تسويها الانديه يجيبون من يرونه مناسب
والمناسبه كانت لليوم الوطني والجامعه مالها علاقه تجيبه بنين والا بنات لانه مش الانشطه اللي مسويه الفعاليه

ثانيا الاتفاق مع الشعراء كان فقط قصائد وطنيه ولكن هو خرج عن الخط وقال قصيده واحده غزليه الامر الذي اغضب الموظفات وطلبن من البنات الي منظمات يتصرفون بالامر ولكن انحرجوا


بالتالي الي قالت كفو والخ والله هي اللي تنلام والشاعر ماعنده سالفه
*

[ريتويت]

كان الجامعات ناقصه بلاوي
الله يهديهم بس

[سان سيمون]

والله العوضي والي مثله يتناول ما فيه خير آلامه

اما غزل وغيرة فانتم اعرف ايش اثرها فرسول الله قال رفقا بالقوارير

يجيبون شاب وقصائد غزل والبنات الله يهدأهم موب ذاك الايمان

وكلما التعليم ينحدر ولكن السؤال الى اين ؟

[ظل القمر]

سان انا قصدت بالمشايخ بالنسبة للي يقول اختلاط

ثانيا انت جايب شاعر يقول اشعار وطنيه المشكله فيك والا فيه اذا قال قصيد غزل !!
وليه الاثنين اللي معاه ماقالوا غزل !! ولنلاحظ انها وااااااحده ومن عقبها ماقال غيرها غزل

هذا يؤكد ان نادي التصوير مو جايبه يتغزل بالعالم انما بمناسبة اليوم الوطني

والتعليم محفوظ وبعيد عن بالفعاليات والاحتفالات الوطنيه

*