مســــــــيره بــــدون بــــــــــنــــــــــــــــات ؟

[تاج المراجل]

السلام عليكم ورحمـه الله وبركــأته ~ ، ، ،


احبيت اطرررح ، موضوع ، وناخذ ارائكم وتعليقاتكم عليـه الا وهـو [ مسيـــــــررهـ بدون بـــنـات ] ، ،

نعـــم ، ، مســيره بدون بــنات ، ماهو رايك عندما تكون مسيرهـ خاليه ، من البنأت .؟ هل ستكون بالفعل ناجـحه ام لا

وهــل سوف يـحد من المشأكل التي نسـمع بها من التحرشات من قبل الشباب للبنات ؟

وهــل يستحــقن البــنات كل مايتعرضن له من قــبل الشبــاب ، خصوصا ان هذه مسيرره ، يكون فيها العاقل ، والمريض نفسي ، وقـليل التربيـه ؟

العذر ، من بعض الاخوات قد يفهموني خطا او اني انحيازي نوعا معا ، بطبع ليس كذلك انا ، لكـن حبينا ناخذ ارائكم ، حتى نقلل من المشاكل التي تحدث

لبعض الاخوات ، من قبل بعض الشباب ، صحيـح فيه بنات محترمـات ، ومحتشمين لكن هل راح يكون تفكيرها ان كل المسيره نفسهاا محترميين باطبع لاا ، ،


ننتظرر تعاليــقكم ،، ، الحــلوووه :nice:

[غايه الطواش]

يا لقعه ذا البنات ..فئه قليله ..وتخرب ع الكل ..ليش ماتكون مسيره من غير شباب ..حريم ويهال ..وتكون مشي بدال سيايير؟؟

[قناص 787]

حنا مانقول مسيره من غير بنات او من غير رجاجيل لكن نقول

مسيره للكل والكل منهم يحترم نفسه ويغار على عرض غيره

مثل غيرته على عرضه والحريم يحشمون نفسهم وبسسسس

ولا حد يتجرأ يتعرض لوحده محتشمه



والامور طيبه وحنا بخير :nice:

[غزلان]

مسيره بدون بنات المستحيل بذاته مانقدر نمنعهم انهم يحتفلون لكن المهم ان نعبر بشكل حضاري عن فرحتنا بـالعيد الوطني بدون أن نقترف ما يعكر من صفو هذه المناسبة بسلوكيات وتصرفات غير اخلاقيه تشوه سمعه كل البنات

[بوطويشم]

وعليكم السلام

من الاخر

البنت لو متغطيه من فوق لين تحت بعد بتحرشون فيها لانه من أمن العقوبة أسى الأدب

فقول البنت تقعد في بيتها احسن لان هي بتجيب المشاكل لنفسها

الله يستر على الجميع

[سميه]

فعلاً ياريتها تكون مسيره واحتفالات من غير سيارات يعني والجو حلو
يكفينا حوادث وعوار قلب ترانا تعبنا من المحاتاه
الله يحفظ عيالنا

[al wafi]

انا بصراحه لا اؤيد البنات في المسيره

حتى لو في بنات متسترين ومحتشمات
في بعض بل قليل من الشباب مايحترمون حد وخبركم مع الحماس الزايد
يسوون اشياء مالها داعي

[BosaiF_774]

اتوقع لو المسيره مافيها بنات محد بيحضر من الشباب , تحصلونهم كلهم متوزعين ف العرضات خخخ
مفروض يكون في يوم 17 + 18 + 19 , اماكن للاحتفال لليوم الوطني بكثره ..
سوق واقف والكرنيش و كتارا وكل مكان عام تكون فيه احتفاليات وعروض *,*

[doha2012]

الصراحه ليس لهم شأن هناك ... مهما فعلوا فهم اناث

واقل مايخدش حياءهم وسترهم ... كيف يستطيعون التعبير هناك

عن فرحتهم ؟؟ ليس لديهم استطاعه !



لذلك وجودهم ليس من وراءه اي فائده او سرور ...



هناك طرق للتعبير تختلف عن الاختلاط بالشباب في المسيره حتى لو كانوا

في سيارات خاصه ...

[شويهينــه]

البنات يقدرون يحضرون العرض العسكري مع اهاليهم الصبح

اما مسيرة اخر الليل هذي مالها داعي كلش لا للشباب ولاللبنات

والفعاليات موجوده في كل مكان درب الساعي واللؤلؤه واسباير

[لمعة الالماس]

اليوم الوطني للكل بنات وشباب

وبصراحة الشباب مسوين لكم شارع العرضات وكل قبيلة لها خيتمتها وعرضتها

ليش ما تروحون وتحتفلون مع قبيلتكم

وتخلون الكورنيش للنساء والاطفال

لا تنسون ان الاطفال من متى وهم يشترون اغراض حق اليوم الوطني من اعلام وملابس وغيره ولهم حق يفرحون

وبصراحة الكل له حق يفرح ويشوف ويستانس

بس الاحترام قبل كل شي ... ! ...

[للصبر اخر]

حنا مانقول مسيره من غير بنات او من غير رجاجيل لكن نقول

مسيره للكل والكل منهم يحترم نفسه ويغار على عرض غيره

مثل غيرته على عرضه والحريم يحشمون نفسهم وبسسسس

ولا حد يتجرأ يتعرض لوحده محتشمه



والامور طيبه وحنا بخير :nice:

صح لساااااانك
المسيره باحترام لحب الوطن
فقط لا غير

[مهرة]

مواضيع مكررة بكل سنه وماخوووذ خيرها وأتمنى فعلاً يرتقووون بنات بلادي بسكم سخافة وعوار راس هذي سوالفنا كل سنه,, يعني تبوون تفهمونا انه اذا البنات ماحتفلووو بالمسيرات لليوم الوطني بيمتووون ..

الي أشوفه صح والأغلبية راح تتفق معاي رب الأسرة الفاضل او الأخ اوولي الأمر يودي أهله وعياله اليوم الوطني باحتفاليات الكرنيش وعمر البنات من سنه لين 13 سنه وايد بعد خلة اليهال يستانسووون اما انتي وياها اركدوو وريحوو في البيت ابرك وجابلي الشاشات وطرشي معايدات يلا عن خاطرج..

وأرجو من الجميع بكافة أطياف الشعب الكريم الإرتقاء باليوم الوطني لجل نشرف أمير البلاد وأهل قطر والسمعة الطيبة..

[q6r2009]

الصراحه ليس لهم شأن هناك ... مهما فعلوا فهم اناث

واقل مايخدش حياءهم وسترهم ... كيف يستطيعون التعبير هناك

عن فرحتهم ؟؟ ليس لديهم استطاعه !



لذلك وجودهم ليس من وراءه اي فائده او سرور ...



هناك طرق للتعبير تختلف عن الاختلاط بالشباب في المسيره حتى لو كانوا

في سيارات خاصه ...

هذا الكلام الزيــــــن :nice:

[سونيتا]

الله يديم الافراح في الدوحه ....والمفروض من أول العصر ياخذون الأهالي عيالهم عشان يعبرون بفرحتهم بهذا اليوم وخصوصا ان عيالنا صار لهم فتره وهم يتشرون ويجهزون لهذا اليوم وبالليل يكون للشباب والبنات الكبار يحبون العافيه ويجلسون في بيوتهم أو اللي عندهم عزب يحتفلون في عزبهم أستر وأحسن لهم ...ومبروك اليوم الوطني يا قطر....

[دااانة قطر]

حنا مانقول مسيره من غير بنات او من غير رجاجيل لكن نقول

مسيره للكل والكل منهم يحترم نفسه ويغار على عرض غيره

مثل غيرته على عرضه والحريم يحشمون نفسهم وبسسسس

ولا حد يتجرأ يتعرض لوحده محتشمه



والامور طيبه وحنا بخير :nice:

:nice::nice::nice:

[_بوشهاب_]

الحمدلله ان احنا شعب نغاار على بنات بلادنا بس (بعض) البنات مادري متى بيفهمون هالكلام

بصراحه الواحد يتضايق يوم يشوف الي يصير في المسيره و(بعض) الشباب الله يسامحهم مايحشم لو شاف

البنت سواء كانت بروحها ولا مع اهلها اهم شي يسوي الي براسه الله يهدي شبابنا وبناتنا

اتمنى اني ما اشوف الي شفته العام لان المسيره تمثل الشعب واخوننا يحضرون من دول الخليج يشاركوننا

ومانبيهم ياخذون فكره مب حلوه وفي منااسبه من مناسبات قطر مانبيهم ينقلوون عنا الاكل خير

والسموحه

[كبير المتداولين]

مسيره بدون بنات كالحياه بدون ماء

والبنت المحترمه ماتسوي شي يلفت النظر لها

والشاب المحترم مايتحرش في بنات الناس


والله يدوم الافراح

[sara jsm]

البنات يقدرون يحضرون العرض العسكري مع اهاليهم الصبح
اما مسيرة اخر الليل هذي مالها داعي كلش لا للشباب ولاللبنات

والفعاليات موجوده في كل مكان درب الساعي واللؤلؤه واسباير

صح كلامج شوشو :victory:

[سارونه]

جزاكم الله خير :)


افضل خروج الشرطة النسائية في المسيرة - ومخالفة كل سيارة فيها بنت تخالف العادات والتقاليد ..

من رقص وصوت عالي والرش على السيارات :(

الله يتمم فرحتنا على خير بدون مشاكل وقلة ادب ..

[قطري مفلس]

البنات موجودين موجودين سواء كانوا في مسيرة او في كتارا او في سوق واقف او المجمعات ،،

لكن السؤال الي يطرح نفسه :

متى الشاب بيحترم نفسه ومتى البنت بتحشم أهلها ونفسها ؟؟
وسؤال ثاني : رايحين للمسيرة ولا رايحين حق اللي في المسيرة ؟؟ هناك فرق !!

وايضا
السبب مو في اليوم الوطني ، بكره بتجيك مسيرات ان شاءالله وافراح .. والحكاية هي هي

انا بصراحة ما اؤيد وجود البنت في المسيرة اتمشى مابين الزحمة وبدون رجال ،

مسيرة بدون سيارات هذا حل ممتاز ، والجو روعه

تحياتي

[almaf1a]

سؤال لكل بنت
اذا كان ضبط سلوك بعض الشباب مستحيل خصوصا في مسيرة كبيرة

هل تفضلين الذهاب ام الجلوس بالبيت

[ألماسة]

المســــيرة مب للبنـــات أبـــــــــــــــــــداً

وياليـــت كل وحدة تحترم انوثتها وتترك عنها حركات الشباب

والشباب عاد الله يهديهم في اللي يحبون يسووونه

وفعلا ياليت نشوف فالتلفزيون ان المسيرة كانت شباب فقط بدووون اي بنت طالعه بالغلط

ماله داعي نروي الناس اللي برع ان البنات القطريات هـذي طريقة احتفالهن باليوم الوطني القطري

[قناص 787]

المســــيرة مب للبنـــات أبـــــــــــــــــــداً

وياليـــت كل وحدة تحترم انوثتها وتترك عنها حركات الشباب

والشباب عاد الله يهديهم في اللي يحبون يسووونه

وفعلا ياليت نشوف فالتلفزيون ان المسيرة كانت شباب فقط بدووون اي بنت طالعه بالغلط

ماله داعي نروي الناس اللي برع ان البنات القطريات هـذي طريقة احتفالهن باليوم الوطني القطري

بارك الله فيج

[butterfly qatar]

مسيره بدون بنات صراحه شي مب خيالي الا مستحيل

بنات البلد ويحق لهم يفرحون ويشاركون الفرحه

اهم شي كلن محترم وفي حاله

يعني في بعض البنات يطلعون مع اهاليهم

وجهة نظرررررر

يعني القله يخربون على الباقيين مايصير,.؟

انا عنننن نفسييي بروح العرض العسكري من صباح الله خير

مع الاهل وبرد بيتنا اشوف الباقي فالتلفزيون

[Amal_QTR]

خروج البنت للمسيره لا يعيب منها شي
فكثر يخرج مع ولي امره
ولا مجموعه ثقات من النساء يخرجن لاجل اطفالهن
و المحترم محترم في كل مكان

ولكن

البنات اللي يطلعون فوق السياره !
ولا تترقص
ولا فاتحه الشباك تكلم الشباب
يعني صراحه ماالووم الشباب اذا وحده طالعه من فتحه السياره تترقص ! يعني she's asking for it !


هنا الخطا بعينه .. و ياليت يكون في تدخل من السلطات لهذا الشي

[qatar girl]

ولله المسيرة مب للبنات صح
بس اذكر العام صار لامي موقف
كانت طالعة من مناسبة واضطرت تمر على الكورنيش الصج غلطة السايق
بس للاسف الشباب ماحترمو كبر سنها
تمو يحركون السيارة عليها ويسون حركات غبية وقليلة ادب
يعني المشكله انه في شباب قطريين قليلين ادب
امي تمنت تقدر تبلغ الشرطة عنهم بس للاسف هم مترجلين مب في سياراتهم

صح البنات مالهم حاجة في المسيرة لكن اذا انجبر حد ودخل ياريت الشباب يحشمون

[_بوشهاب_]

احنا مانتكلم ان لا يطلعون البنات في المسيره لا في بنات يطلعون مع اولياء امورهم ووفي حريم حاشمين اعمارهم ويجبرون الطرف الثاني انه يحترم نفسه غصب
لكن البنات الي نقصدهم الي فاصخين الحيى مالهم دااعي الصراحه مشوهين اكثر من ماهم مزينين المسيره
وعن الشباب في بعظهم يشوفون البنات مخربينها ويخربونها هم ونطلب من الشباب يحشمون الحريم والعوايل
وان شاء الله مانشوف الا الي يفرح الخاطر في المسيره وتعدي بدون حوداث ومشاكل


تحياتي

[القلم الصريح]

ليش مستحيل مسيره بدون بنات ؟؟؟؟

نسيتنوا قبل لما يفوز المنتخب فالتسعينات كنا نسوي مسيره عالكرنيش ولا بنت فالمسيره نادر مانشوف بنات فالمسيره .

البنات يقدرون يحتفلون فالعيد الوطني بنفسهم في اماكن خاصه فيهم وياخذوا راحتهم ، مب شرط الا عالكرنيش
وفي نصاص الليالي وسياره كلها بنات والاغاني عاليه ويطلعون في الدرايش والفتحات ويترقصون وبعدين يلومون الشباب بالتحرش فيهم

مثل قديييييييييييييييييم : من سوى نفسه سبوس,,,، العبت في الدياي

[M!$s ĀŁ!eN]

والله المسيره مو لشباب لان الوطن يحملنا كلنا
البنات والشباب
والمصخره اللي تقول عنها من الشباب
ماارح اكون مناصفه دام ان الايه تنقلب علينا ياالبنات
كل العيوب فيها
بس العيب ف الشباب ..

انا وحده باحترام اروح المسيره معاي اليهال اجوف اللي تصير من مصخره منها من الشباب والبنات
ولكن انا اقول لكم
لاتحكمون على البنات .. انها مصخره
لاتنسي ان اللي جابتك على الدنيا بنت

والرجال من غير النساء ولا شي ..

وترا ضايقني انكم اتتهمون البنات ..
ولا تسون ان الشباب اصلا مايسون المسيرات الا عشان البنات

ويحرشون فيهم والله عيب عليكم
ان تقولن المسيره من غير البنات جنها لكم بروحكم قطر ترا انا بعد بنات بو مشعل
وباليت لو تقولون من عير اجانب او عرب
بو فلس وبو يمن ولا ولا زلمات
يوم وطني قطري شكو الاجانب

[قناص 787]

والله المسيره مو لشباب لان الوطن يحملنا كلنا
البنات والشباب
والمصخره اللي تقول عنها من الشباب
ماارح اكون مناصفه دام ان الايه تنقلب علينا ياالبنات
كل العيوب فيها
بس العيب ف الشباب ..

انا وحده باحترام اروح المسيره معاي اليهال اجوف اللي تصير من مصخره منها من الشباب والبنات
ولكن انا اقول لكم
لاتحكمون على البنات .. انها مصخره
لاتنسي ان اللي جابتك على الدنيا بنت

والرجال من غير النساء ولا شي ..

وترا ضايقني انكم اتتهمون البنات ..
ولا تسون ان الشباب اصلا مايسون المسيرات الا عشان البنات

ويحرشون فيهم والله عيب عليكم
ان تقولن المسيره من غير البنات جنها لكم بروحكم قطر ترا انا بعد بنات بو مشعل
وباليت لو تقولون من عير اجانب او عرب
بو فلس وبو يمن ولا ولا زلمات
يوم وطني قطري شكو الاجانب

مسيره من غير بنات مالها طعم مثل الكتشب من غير ماييونييز .... اشدخل :tease:

[بوعلي-Qtr]

اتوقع لو المسيره مافيها بنات محد بيحضر من الشباب , تحصلونهم كلهم متوزعين ف العرضات خخخ
مفروض يكون في يوم 17 + 18 + 19 , اماكن للاحتفال لليوم الوطني بكثره ..
سوق واقف والكرنيش و كتارا وكل مكان عام تكون فيه احتفاليات وعروض *,*

ماقمنا نسمع بالبنات فالمسيره الا فالـ٥ سنوات اللي فاتت
مع ان قبل كانوا يطلعون الشباب للمسيره وكانه العيد .. اونس لهم واريح
وبالعكس ماكان في تصرفات يهال مثل الحين ماسكين رش وداحس والغبراء وردح ومن هالمهازل اللي تصير
طبعا نتكلم عن الفئه الشاذه :eek5:

[SPIRIT_OF_QATAR]

يعتمد على نوع المسيره لو مسيرة كوره بقولك شباب بس
اما مسيرة اليوم الوطني فللكل .. بس للاسف عندنا فئه بسيطه من الشباب والبنات
مالهم داعي يدخلون المسيره .. داشين حق المصخره والرقص وقلة الادب ويخربون
على الاغلبيه فرحتهم ووناستهم ..

نتمنى هل سنه المسيره اتكون مرتبه ومحترمه وبعيده عن قلة الادب والانحطاط الي قمنا انشوفه السنوات الاخيره .. نتمنى هل فئه من البنات البنات مايطلعون بروحهم بسياره ويكونون مع ريايلهم واخوانهم .. ونفس الشي الشباب يحترمون البنات والعوايل ويعتبرونهم خواتهم .. نفس ماانتوا تتحرشون في بنات الناس .. الناس بيتحرشون في بناتكم لان اغلبية الدوحه يكونون متواجدين هناك .

[بـــــــنت النوخـّــــذه]

يروحون البنات بس بشرط يا مع:

زوجها
ابوها
اخوها
امهم الكبيره وتكون عاقله مهب مربوشه

غير جذيه يجلسون في البيت 00البنات اي يسوقون بروحهم سيايير لايطلعون اذا بتطلع تاخذ حد من المذكورين اعلاه 000

الله يكفيكم شر البلاوي 000السنه الي طافت وحده اتقول لي طالعه مع زوجها واحذاهم سياره كلها بنات والي تسوق بنت قمه قمه المصخره متلثمين والبنت الي ورى فاتحه الدريشه اتلقط ارقام الشباب اتقول لاعت جبدنا من هالمناظر وردينا بيوتنا 00ولحد يقول مهب قطريات خلونا ساكتين

لذلك اؤكد على اولياء الامور الحرص على طلعة بناتهم بمحرم وبستر وبذوق




دمتم سالمين ^_^

[al wafi]

يروحون البنات بس بشرط يا مع:

زوجها
ابوها
اخوها
امهم الكبيره وتكون عاقله مهب مربوشه
غير جذيه يجلسون في البيت 00البنات اي يسوقون بروحهم سيايير لايطلعون اذا بتطلع تاخذ حد من المذكورين اعلاه 000

الله يكفيكم شر البلاوي 000السنه الي طافت وحده اتقول لي طالعه مع زوجها واحذاهم سياره كلها بنات والي تسوق بنت قمه قمه المصخره متلثمين والبنت الي ورى فاتحه الدريشه اتلقط ارقام الشباب اتقول لاعت جبدنا من هالمناظر وردينا بيوتنا 00ولحد يقول مهب قطريات خلونا ساكتين

لذلك اؤكد على اولياء الامور الحرص على طلعة بناتهم بمحرم وبستر وبذوق




دمتم سالمين ^_^




ههههههههههههههههههههههههههههههههههههه:tease:

[basma222]

الحمدلله احنا كل سنه نحتفل في بيتنا كيكه ومكسرات وعصير ونشاهد قناة الدوحه

[عطر فرنسي]

مسيره من غير بنات مالها طعم مثل الكتشب من غير ماييونييز .... اشدخل :tease:

:nice: عجبني ردك

[بنت العلي]

حلووو ان الكل يروح المسيرة ويحتفل باليوم الوطني بس باحترام وكل واحد يكون ف حاله وماله داعي حركات الترقيم والرش والمشي بين السيارات ولبس الاقنعة المخيفة والله حرااام يخرعون اليهال ,,, ويقلبون اليوم الوطني مصخره الصراحة ...

[Xx QATARI xX]

هالايام البنات اللي يتحرشون من الشباب
هيوس

[بنت العلي]

الحمدلله احنا كل سنه نحتفل في بيتنا كيكه ومكسرات وعصير ونشاهد قناة الدوحه

وهاي اللي بسويه هالسنه لانه الواحد لا يستانس الصبح ولا فالليل ... نروح الصبح ما انشوف شي غير رووس الناس وفالليل نختنق بريحة التواير ههههههههااي

[دهــن العود]

خروج البنت للمسيره لا يعيب منها شي
فكثر يخرج مع ولي امره
ولا مجموعه ثقات من النساء يخرجن لاجل اطفالهن
و المحترم محترم في كل مكان

ولكن

البنات اللي يطلعون فوق السياره !
ولا تترقص
ولا فاتحه الشباك تكلم الشباب
يعني صراحه ماالووم الشباب اذا وحده طالعه من فتحه السياره تترقص ! يعني she's asking for it !


هنا الخطا بعينه .. و ياليت يكون في تدخل من السلطات لهذا الشي

:nice: هذا الكلام الصحيح

نتمنى أن نترقى بأخلاقنا .. ونعطي إنطباع مشرف للبنت القطرية عند الآخرين

[بـــــــنت النوخـّــــذه]

ههههههههههههههههههههههههههههههههههههه:tease:

اشله تضحك ترى صج ساعات اتشوف الام مستاااااااااانسه حدها عيونها تلمع من الفرحه وهي تشوف بناتها قمه المصخره مادري شهالدم البارد:rolleyes2:

[راسي براسك]

المشكله ماتتعلق بوجود فئه ولا غياب فئه !
المشكله في مستوى الوعي والأخلاق الموجوده من بعض الأشخاص
وجود البنات ولا غيابهم ماراح يحد من شي

الأهم من هذا كله وجود الأخلاق والهدف الأساسي من المسيره


:victory:

[بو الجوري]

http://up.arab-x.com/Nov11/Dzo30664.jpg

سمعو إرشادات مراد في يوم تمنتعشر ديسمبر :.. :tease:
و خلو عنكـم الرش ، هههههه
قالكـم : بحبكـو يا أهل الدوحـه :nice:






بوسلمان شخبارك :tease:

[شبح الصمت]

http://up.arab-x.com/Nov11/Dzo30664.jpg

سمعو إرشادات مراد في يوم تمنتعشر ديسمبر :.. :tease:
و خلو عنكـم الرش ، هههههه
قالكـم : بحبكـو يا أهل الدوحـه :nice:






بوسلمان شخبارك :tease:



خووش خوووش ارشادات

دائما حنفي قصدي مراد متألق

الحبيب اشدخله في اليوم الوطني

ههههههههههاي

من المتملل الي راح له الكويت وقله اسدح الاهداء

في اي

في اي

في اي بوالجوري

:tease:

[مسك روز]

انا مع اختي شويهينه

ومهره

وبنت النوخذه


قبل 5 او 10 سنوات ماكنا نشوف بنات في المسيره والحمدالله عايشين ماصار فيهم شي


يا يطلعون مع اهاليهم بأدب وسنع ولا ينثبرون في بيوتهم

فشلونا الله يفشلهم ..

[بو الجوري]

يا يطلعون مع اهاليهم بأدب وسنع ولا ينثبرون في بيوتهم

فشلونا الله يفشلهم ..

إي و الله :anger1:

[شبح الصمت]

انا مع اختي شويهينه

ومهره

وبنت النوخذه


قبل 5 او 10 سنوات ماكنا نشوف بنات في المسيره والحمدالله عايشين ماصار فيهم شي


يا يطلعون مع اهاليهم بأدب وسنع ولا ينثبرون في بيوتهم

فشلونا الله يفشلهم ..



اي والله فنشلونا

كله كوم ويوم تناقز في الشارع تقول صرصور ( تكرمون ) يلاحقها

:secret:

[مسك روز]

اي والله فنشلونا

كله كوم ويوم تناقز في الشارع تقول صرصور ( تكرمون ) يلاحقها

:secret:

متى ذي :rolleyes2:



شفتها في المسيره ولا في يوتيوب :eek5:


انزين صرصور اشله جان قالت ازهيوي

[شبح الصمت]

متى ذي :rolleyes2:



شفتها في المسيره ولا في يوتيوب :eek5:


انزين صرصور اشله جان قالت ازهيوي



لا لا لا

احس له وزنه اذا باللغة العربية الفصحى

:tease:

[تاج المراجل]

ردود جميـله بالفعـــل :nice:


لــــكــن تبــقى البــنت مكأنها في بيـتها تحتـفل وتستأنس بعــيد عن المضايقات والشبـاب
او اذا تـبي تروح ويا اهـلها الاحتفال الصبـاح مو مشـكله لكـن على فتحات السيارات وترقص
اخـر الليـــــــل هذا نقولها تنثـبر وبيــتها استـر لها

< انتمـى بعـد هذا المـوضوع ماشوف بـنت في المسيـره ، :nice:


ســلاام

[أخت الغالي]

ممكن تروح مع ابوها اخوها محرم لها أفضل اما مجموعه بنات منهم تصير هالمشاكل ..

[be cool]

ردود جميـله بالفعـــل


لــــكــن يبــقى الرجل مكأنه في بيـته او في العرضه يحتـفل ويستأنس بعــيد عن المضايقات والبنات
او اذا يبي يروح ويا اهـله الاحتفال الصبـاح مو مشـكله لكـن على فتحات السيارات وترقص
اخـر الليـــــــل هذا نقوله ينثـبر استـر له

< انتمـى بعـد هذا المـوضوع ماشوف رجال في المسيـره ،


ســلاام

[تاج المراجل]

ردود جميـله بالفعـــل


لــــكــن يبــقى الرجل مكأنه في بيـته او في العرضه يحتـفل ويستأنس بعــيد عن المضايقات والبنات
او اذا يبي يروح ويا اهـله الاحتفال الصبـاح مو مشـكله لكـن على فتحات السيارات وترقص
اخـر الليـــــــل هذا نقوله ينثـبر استـر له

< انتمـى بعـد هذا المـوضوع ماشوف رجال في المسيـره ،


ســلاام


:eek5: مهما كان يضل البنت مكانها في بيتها

[بـــــــنت النوخـّــــذه]

88

صحيح مكانها في البيت اذا مامعها محرم وناس عاقليين ,مهب ملتزمه بزيها الشرعي واحترامها للقيم والعادات والتقاليد

بس مهب مكانها بالبيت بين اربع اطوف ماتشوف الدنيا 00اشدعوه 0000 دام معها محرم محافظ عليهم وساترهم ما المانع !!!!:(
دمتم سالمين

[ريتويت]

مب كل شي البنات يدخلون فيه.. المسيره للرجال فقط

[مسك روز]

مب كل شي البنات يدخلون فيه.. المسيره للرجال فقط

:ok::ok::ok:

[قناص 787]

مب كل شي البنات يدخلون فيه.. المسيره للرجال فقط

كلام كبيرررررررررررررررررررررررررررررر :nice:

[qatara]

ان لم تستحي ففعل ماتشتهي

[قناص 787]

ان لم تستحي ففعل ماتشتهي

ان لم تستح فافعل ماشئت :nice:

[مسك روز]

ان لم تستح فافعل ماشئت :nice:

ان لم تستحي فأصنع ماشئت :telephone:



وكل الطرق تؤدي الى روما

[قناص 787]

ان لم تستحي فأصنع ماشئت :telephone:



وكل الطرق تؤدي الى روما

:eek5::eek5:

[الدمعه]

88

صحيح مكانها في البيت اذا مامعها محرم وناس عاقليين ,مهب ملتزمه بزيها الشرعي واحترامها للقيم والعادات والتقاليد

بس مهب مكانها بالبيت بين اربع اطوف ماتشوف الدنيا 00اشدعوه 0000 دام معها محرم محافظ عليهم وساترهم ما المانع !!!!:(
دمتم سالمين

صح كلامج .. يروحون مع رياييلهم وعيالهم .. مافي داعي للخرابيط .. سيايير تمشي واغاني وطنيه خلاص ...

اي والله بعد حلاة الريال في ميلسه والا في العرضات ماله داعي يروح يدور بسيارته يوفر بترول ....:nice:

[بوحارب]

الله يهديهم البنات ياريت لو يستريحون في بيوتهم ويفكونا من ملاغتهم في المسيرة

والحين اكثر الشباب يروحون المسيرة عشان البنات بس لدرجة ان بعض شباب الدول المجاورة يجوون للمسيرة عشان ترقم هالفئة من البنات اللي فاصخين الحيا !!!!

وانصح الشباب في هاليوم ان مسيرتهم في العصر تكون في العرضة وفي الليل في العنه وخلو الكرنيش للعوائل و للبزارين يفرحون :)