مساعده للانتقال من بنك الدوحه

[الباحثة]

السلام عليكم
ابي حد يساعدني اطلع من هالبنك ويخلصني منه قبل انتهاء عرض مصرف قطر الاسلامي

لي فتره اراجع البنك ويعطوني شهادة غلط
وامس بعد راجعتهم بخصوص شهادة المديونية وبصراحه ماعتقد اني طلبت شهادة مديونية حسسوني اني سابتهم او طالبه شي مب من حقي يعني مماطله في الشهادة بطريقة عدوانيه

المهم قالي مسئولهم انتي تدرين متى بنسلمج شهادة المديونية قلت له اي الاخت قالت لي بتسلمها لي الثلاثا الجاي قالي لا الاربعاء تاريخ 21/12 قلت ليش قال علينا ضغط كبير وزحمه مانقدر قبل انزين كلها ورقة وبتنسحب في بنوك نفس بنك قطر الوطني يطلعها في ثواني وانا انتظر اسبوع عشان ورقه يعني حقاره مابعدها حقاره والمشكله مب مشكلتي انا بس في ناس يترجون المسئول يعطيهم للورقه قبل وهو راافض تخيلوا

انا خايفه يقعدون يماطلون ولا يعطوني الشهادة الي هي من حقي اساسا بس مجرد تاخير الوقت وانا حسيت يماطل مع الكل عشان ينتهي عرض المصرف يعني شغل انانيه :weeping:

[حصه20007]

لازم هالحركات لهم انا صار لي 3 اسابيع معاهم لين افتكيت من بنكي القديم

الله يكون في عونج اختي بس المصرف اخر يوم لهم للعروض اخر الشهر


حاولي معاهم ادخلي ع المدير


والله يعينج

[شيزكيك]

خلك حازمة معاهم انا العام الله عاني وطلعت منهم وحاولوا معاي ودخلوني على المدير علشان يقنعني قلت لهم خلاص ما ابي ربوي الا يقول حولي على فرعنا الاسلامي قلت له ما ابي والحمدلله موضوعي ما طول وافتكيت منهم وهدديهم انك بتشتكين عليهم عند المصرف المركزي وبيخلصون لك الموضوت

[النايف_قطر]

الله يكون بالعون

عاده عندهم يماطلون

اختي روحي واشتكي عليهم في المصرف المركزي

[الباحثة]

شكرا على الردود

النايف حرجتني خليتني اتصل انا اقول هم مالهم خص بس قلت اتصل وافتشلت قالي احنا بس حق كيوتل وفودافون

[alhajri-100]

اختي هذولا ماينفع معاهم الا العين الحمرا
انا من اسبوع طلعوها لي وانا واقف
وقالي نفس كلامه الي قاله لس
والله يالغاليه قلت له كلمة ورد غطاها
والله لو ماطلعها لي الحين ان اتشوف الوجه الثاني لي
شغل المماطله وماتبوني اطلع مايمر علي وش هالورقه الي تقعد سبوع هذا كله عشان يشيك كم علي وبرنت وتقعد اسبوع ؟؟؟؟؟؟؟؟؟؟؟؟؟
قالي لا والله اخوي بس نبيك اتراجع نفسك قلت له وانت شدخلك انت مب ابوي ولا اخوي ومب شغلك طلع ورقتي وخلني افتك منكم << ترا كذا اكلمه هههههه
والحمدلله افتكيت وانتي لا تكلمينه بسلوب ترجي خلس حازمه معاه ولا تعطينه مجال حسسيه ان ماعطاس الورقه انه بيندم

وموووفقه اختي

[بولينجر]

شكرا على الردود

النايف حرجتني خليتني اتصل انا اقول هم مالهم خص بس قلت اتصل وافتشلت قالي احنا بس حق كيوتل وفودافون
الله يسلمج مب المجلس الاعلى للاتصالات..... كلمي المصرف المركزي

[حمد1972]

السلام عليكم
ابي حد يساعدني اطلع من هالبنك ويخلصني منه قبل انتهاء عرض مصرف قطر الاسلامي

لي فتره اراجع البنك ويعطوني شهادة غلط
وامس بعد راجعتهم بخصوص شهادة المديونية وبصراحه ماعتقد اني طلبت شهادة مديونية حسسوني اني سابتهم او طالبه شي مب من حقي يعني مماطله في الشهادة بطريقة عدوانيه

المهم قالي مسئولهم انتي تدرين متى بنسلمج شهادة المديونية قلت له اي الاخت قالت لي بتسلمها لي الثلاثا الجاي قالي لا الاربعاء تاريخ 21/12 قلت ليش قال علينا ضغط كبير وزحمه مانقدر قبل انزين كلها ورقة وبتنسحب في بنوك نفس بنك قطر الوطني يطلعها في ثواني وانا انتظر اسبوع عشان ورقه يعني حقاره مابعدها حقاره والمشكله مب مشكلتي انا بس في ناس يترجون المسئول يعطيهم للورقه قبل وهو راافض تخيلوا

انا خايفه يقعدون يماطلون ولا يعطوني الشهادة الي هي من حقي اساسا بس مجرد تاخير الوقت وانا حسيت يماطل مع الكل عشان ينتهي عرض المصرف يعني شغل انانيه :weeping:


أختي ممكن أعرف العرض المقدم من مصرف قطر لأن ما عندي فكرة عنه
وجزاج الله خير والله يعينج ويوفقج

[بو خليفه 123]

الاوراق الي عندك حتى لو كانت ناقصه قدميها الى المصرف الاسلامي و خذي منهم الموافقه المبدئيه لين ماتخلصين كل اوراقك من بنك الدوحه


الموافقه المبدئيه تضمن لك حصولك على عرض المصرف الاسلامي الجديد .. بس يبيلها موظف شاطر من المصرف الاسلامي يعرف شغله و يقدم خدمه متفانيه لعملائه .. مايقعد يرجعك على كل صغيره و كبيره


اسمها Approval condition subject to


بالتوفيق أختي

[al wafi]

الله يكون بعونج


راجعي الخاص

[بوجاسم 75]

أستفسار من أهل الخبرة
أنا عندي حساب فى البنك البريطاني ( فرع الأمانه الإسلامي ) المهم يوم جيت اطلب أورقة المديونية حطولي الفوائد كلها ، شلون يحطون الفوائد وانا بطلع من عندهم يعني المفروض ياخذون الفوائد لين تاريخ خروجي من البنك بس ، مب فايدة مالت 3 سنوات ، والله الواحد مايعرف ايش يسوي 0

اللي عندة خبرة فى هاي المجال أو معلومات أرجو الإفادة

[al wafi]

أستفسار من أهل الخبرة
أنا عندي حساب فى البنك البريطاني ( فرع الأمانه الإسلامي ) المهم يوم جيت اطلب أورقة المديونية حطولي الفوائد كلها ، شلون يحطون الفوائد وانا بطلع من عندهم يعني المفروض ياخذون الفوائد لين تاريخ خروجي من البنك بس ، مب فايدة مالت 3 سنوات ، والله الواحد مايعرف ايش يسوي 0

اللي عندة خبرة فى هاي المجال أو معلومات أرجو الإفادة


اخوي بوجاسم معظم البنوك اذا في بنك ثاني بيشتري السالفه ماينزلون ولاريال فوائد
يعني البنك الجديد ياخذ سلفتك مع الفوائد كامله
وفوقها فوائد البنك الجديد :(
وغاليا تكون هذي الطريقه في الفروع الاسلاميه


الحل :


تحاول توفر لك مبلغ السلفه وتسددها كاش حتى لو عندك حد ياخذ لك سلفه مؤقته وترجعها لما تطلع من البنك وبتطلع عليك فايده قليله وانت الربحان اكيد

[بوجاسم 75]

اخوي بوجاسم معظم البنوك اذا في بنك ثاني بيشتري السالفه ماينزلون ولاريال فوائد
يعني البنك الجديد ياخذ سلفتك مع الفوائد كامله
وفوقها فوائد البنك الجديد :(
وغاليا تكون هذي الطريقه في الفروع الاسلاميه


الحل :


تحاول توفر لك مبلغ السلفه وتسددها كاش حتى لو عندك حد ياخذ لك سلفه مؤقته وترجعها لما تطلع من البنك وبتطلع عليك فايده قليله وانت الربحان اكيد

بيض الله وجهك أخوي الوافي ماقصرت 0

[بو خليفه 123]

الأخ الوافي اسمح لي معلوماتك خاطئه مش كل بنك يجي و يحط الفوائد كلها على القرض

بعد اذنك اصححها لك و حتى اجيب على سؤال بو جاسم 75


البنوك الاسلاميه عادةً عند اصدار شهادة مديونية لغرض سداد الغرض تضيف الفائده كامله و ذلك للقروض الاسلاميه مثل المرابحة , التورق الاسلامي .. و الخ الخ و ذلك للابتعاد عن شبهات الربى ..

اما البنوك التقليديه تضيف 1% على القرض فقط و تسمى رسوم التسديد المبكر لأنه الفوائد المستقبليه تسقط من القرض

اما بخصوص البنوك الاسلاميه هناك عباره عن "مكافئة" للتسديد المبكر والتي تسقط جزء من الفوائد الكامله التي تمت اضافتها على اصل القرض

[al wafi]

الأخ الوافي اسمح لي معلوماتك خاطئه مش كل بنك يجي و يحط الفوائد كلها على القرض

بعد اذنك اصححها لك و حتى اجيب على سؤال بو جاسم 75


البنوك الاسلاميه عادةً عند اصدار شهادة مديونية لغرض سداد الغرض تضيف الفائده كامله و ذلك للقروض الاسلاميه مثل المرابحة , التورق الاسلامي .. و الخ الخ و ذلك للابتعاد عن شبهات الربى ..

اما البنوك التقليديه تضيف 1% على القرض فقط و تسمى رسوم التسديد المبكر لأنه الفوائد المستقبليه تسقط من القرض

اما بخصوص البنوك الاسلاميه هناك عباره عن "مكافئة" للتسديد المبكر والتي تسقط جزء من الفوائد الكامله التي تمت اضافتها على اصل القرض



اخوي بوخليفه
البنوك الاسلاميه اذا سددت لهم كاش يتم خصم مابين 80 _ 90 % من المرابحه

لكن اذا بنك يشتري سلفتك ماينزلون ولا ريال


تجاربي بنك قطر الدولي الاسلامي وبنك الدوحه الاسلامي

[شيخ القبيلة]

اشتكي عليهم في المصرف المركزي وهم بيسنعونهم .

[عوآآآآشـي]

سوال : المصرف الحين ياخذ القرض مهما كانت المديونية مرتفعه ؟

لاني رحت لهم بداية هالشهر ( 12) قالوا بس يدفعون 550 الف من المديونية

والباقي انا ادفعها

جاني أحبااط والله

[al wafi]

سوال : المصرف الحين ياخذ القرض مهما كانت المديونية مرتفعه ؟

لاني رحت لهم بداية هالشهر ( 12) قالوا بس يدفعون 550 الف من المديونية
والباقي انا ادفعها

جاني أحبااط والله



اختي تأكدي يمقن هههه لان راتبج مايكفي يدفعون لج اكثر من 550 الف
على اساس لمايدفعون لج المديونيه ماتعدين الحد الاقصى من قيمه القسط الشهري

يعني لو راتبج اعلى ممكن يدفعون اكثر

اعتقد والله اعلم

[بو خليفه 123]

اخوي بوخليفه
البنوك الاسلاميه اذا سددت لهم كاش يتم خصم مابين 80 _ 90 % من المرابحه

لكن اذا بنك يشتري سلفتك ماينزلون ولا ريال


تجاربي بنك قطر الدولي الاسلامي وبنك الدوحه الاسلامي


أخي الكريم كلامك صحيح في هالنقطه لكن لا تنسى ان هناك متبقي 20% او 10% من الفائدة

يعني لو تحسبها بتطلع نفس البنوك التقليديه الي تاخذ 1% رسوم تسديد مبكر و لكن تختلف المسميات و طرق الخصم :)





سوال : المصرف الحين ياخذ القرض مهما كانت المديونية مرتفعه ؟

لاني رحت لهم بداية هالشهر ( 12) قالوا بس يدفعون 550 الف من المديونية

والباقي انا ادفعها

جاني أحبااط والله


القسط الشهري يجب ان لا يتعدى 75% من راتبك الاساسي مع العلاوه الاجتماعيه


مثال :

راتبك الاساسي : 10000 رق
العلاوة الاجتماعية : 5000رق

الاجمالي 15000


القسط الشهري يجب ان لا يتعدى 11,500رق والتي هي تقريباً 75% من الراتب المذكور اعلاه

[al wafi]

أخي الكريم كلامك صحيح في هالنقطه لكن لا تنسى ان هناك متبقي 20% او 10% من الفائدة

يعني لو تحسبها بتطلع نفس البنوك التقليديه الي تاخذ 1% رسوم تسديد مبكر و لكن تختلف المسميات و طرق الخصم :)







القسط الشهري يجب ان لا يتعدى 75% من راتبك الاساسي مع العلاوه الاجتماعيه


مثال :

راتبك الاساسي : 10000 رق
العلاوة الاجتماعية : 5000رق

الاجمالي 15000


القسط الشهري يجب ان لا يتعدى 11,500رق والتي هي تقريباً 75% من الراتب المذكور اعلاه



اخوي بوخليفه انا اعرف خبرتك في البنوك الله يعطيك العافيه

لكن انا حطيت 80 و90% اذا دفعت كاش

لكن لو اي بنك اخر يشتري لك السلفه ماينزلون ولاريال

يعني السلفه مع المرابحه كامله بدون خصم شي

مادري وصل قصدي

[شيزكيك]

الي اعرفه ان اذا طلعوا من بنك ربوي ياخذون بس مبلغ السلفة بس مع مبلغ يسمونه تسديد مبكر ويع بدال ما يستانسون ان رجعنا لهم المبلغ ياخذون عمولة تسديد مبكر ما كفاهم الفوايد

[Sari]

فيه كلام يمددون العرض

[عوآآآآشـي]

القسط الشهري يجب ان لا يتعدى 75% من راتبك الاساسي مع العلاوه الاجتماعيه


مثال :

راتبك الاساسي : 10000 رق
العلاوة الاجتماعية : 5000رق

الاجمالي 15000


القسط الشهري يجب ان لا يتعدى 11,500رق والتي هي تقريباً 75% من الراتب المذكور اعلاه


الاجمالي 15400

حتى مصرف الريان قال لي ادفع بس الاختلاف كبير بين الاثنين
المصرف الاسلامي ادفع تقريبا 150 الف باقي المديونية
مصرف الريان ادفع 15 الف بس

[Rashid554]

انا بقول تجربتي

نقلت من بنك الدوحه الى الدوحه الاسلامي ( وتم اسقاط الفوائد ) مع ان كان نيتي اروح بنك ثاني ولكن نظراً لحاجتي لقرض وقتها انتقلت لأنهم راح يماطلون بموضوع المديونية ..

بعد قرار المصرف المركزي

اضطريت انتقل من بنك الدوحة الاسلامي الى الدوحه مع علمي ان المصرف مسوي عرض 2.49% على كل سنه
ولكن الدوحه ماسكني من يدي الي تعورني مع ان فايدته 6% بتكون بحيث قالو لي بالحرف الواحد

اذا بتنقل الى بنك اخر ماراح تسقط فوايدك ..
اذا بتنقل الى الدوحة بتسقط فوايدك ..

وبالحاله هذي القسط راح يكون نفس الي كان بالدوحه الاسلامي وبمده اشهر اقل ..

اضطريت انتقل وامري الله :)

[ملاك]

شنو عرض مصرف قطر الاسلامي ؟؟؟؟؟؟؟؟؟؟؟؟؟؟