محتاج رايكم بالمكيفات للغرف ..ويندو أو سبيلت؟

[B7r_QTR]

السلام عليكم ورحمة الله وبركاته

كيف الحال يا أخون؟
معزم بحول الله تعالى اركب في البيت سبيلت لكن الغرف لين الحين متردد ياويندو اوسبيلت
لاني الصرحة متعود على الويندو يطحن فوق راسي وقلة مشاكله
اما السبيلت له بعض السلبيات.

عطوني رايكم ولاعليكم امر بخصوص الويندو او الاسبيلت

وجزاكم الله خير

[ضوى]

ياحلو الويندوز يجرخ فوق الراس ولا نسمع الازعاج ، تحسفت اني غيرت الوبندوز بسبليت

السبليت حتى وقع الاقدام تسمعه مب شي كلش للي نومه خفيف

هاي تجربتي

[أبو البنات]

كل شي له مزاياه وعيوبه وانت حدد:

الاسبلت:
اغلى
صيانة متعبه
صوت اهدأ
أكشج
للأماكن المغلقة
مانع لدخول الحشرات خاصة البريعصيه (ولهالسبب ركبت فبيتي كامل اسبيليت )
مانع للاغبار
صرف كهربا أقل

الويندو:
عكس النقاط اللي ذكرتها للاسبليت وللشغل حطه وانساه

وبالتوفيق

[شموخ دائم]

,


,


مرحبا


اخوي الكريم

طبعا الاسبلت احسن ومافي مقارنه بينهم

1-الاسبلت هادي ومافي ازعاج
2- صيانته بسيطه الان واي محل تكييف يعمل له صيانه
3- ما يدخل غبار
4- ما تدخل حشرات
5- الشكل الجمالي احلى
6- ما تسمع صوت طيور يسون اعشاش بخلف المكيف
7- التحكم بتوزيع الهواء الاسبلت افضل
8- الاسبلت عملي اكثر ممكن يركب بالسقف ممكن بالحيط ممكن يركب على الارض
9- تنقيط الماي للوندوز يعفس البيت

الحين لو رحت ( فندق ) وشفت الغرفه فيها مكيف وندوز شنو بتقول عن الفندق هذا !!

:)


اخوك


شموخ دائم

[AL-MAYSTRO]

ياحلو صوت الوندو ياقال درمممممممم خخخخخخخخ :victory:

بس مثل ماقال الاخ شموخ :nice: كلامه ميه ميه

[دااانة قطر]

ياحلو الوندوز
واللي يقول يمنع دخول الحشراات ( سددوا فتحات المكيفات عدل وشوفوا الفرق)

[حمد بن سعد]

غير الوندو مافيه لاكن ان مركب في بيتي الجديد درايش يو بي في سي يعني حرام وندو بيدش لغبار لو مهب اسده بس لو احط عليه سوبر قلو اخترت الاسبلت من شركة الجنرال

[B7r_QTR]

السلام عليكم ورحمة الله وبركاته

بارك الله فيكم على الآراء الطيبة
لكن مشكلة اللي رقاده خفيف وراعي مقيال وعنده بزران ماينفعه الا اللي يون فوق راسه
الاول نسبة اني اركب الاسبيلت 30% الحين اوصلت 60% .

جزاكم الله كل خير

[qatari1]

السلام عليكم ورحمة الله وبركاته

بارك الله فيكم على الآراء الطيبة
لكن مشكلة اللي رقاده خفيف وراعي مقيال وعنده بزران ماينفعه الا اللي يون فوق راسه
الاول نسبة اني اركب الاسبيلت 30% الحين اوصلت 60% .

جزاكم الله كل خير

إذا كنت من النوع اللي يحب الحنة وقت النوم، فموضوعك سهل.

لو بيتكم على شارع حيوي بتسمع صوت الشاحنات برع، وبتوفر لك الإزعاج المناسب للنوم:)

مكن تحط لك بديل يساعدك على النوم، مثل إذاعة القرآن الكريم.

مع الوقت بتعود على الهدوء، وبتحب النوم الهادي، وحتى السبلت له حنة خفيفة خاصة لو حطيته على العالي.

ميزة الهدوء في السبلت لو عندك طفل معاك في نفس الغرفة، وصاح تسمعه بسهولة، وهذه ميزة مهمة.

[ضوى]

إذا كنت من النوع اللي يحب الحنة وقت النوم، فموضوعك سهل.

لو بيتكم على شارع حيوي بتسمع صوت الشاحنات برع، وبتوفر لك الإزعاج المناسب للنوم:)

مكن تحط لك بديل يساعدك على النوم، مثل إذاعة القرآن الكريم.

مع الوقت بتعود على الهدوء، وبتحب النوم الهادي، وحتى السبلت له حنة خفيفة خاصة لو حطيته على العالي.

ميزة الهدوء في السبلت لو عندك طفل معاك في نفس الغرفة، وصاح تسمعه بسهولة، وهذه ميزة مهمة.

واللي عنده عيال مايحلا لهم الكلام الا عند باب غرفة امهم وابوهم :( ، الويندوز يفي بالغرض لكن السبليت :weeping:

[wadha-qa]

اذا تبون تسكرون فتحات الوندوو عدل استخدموا الفوووم بيجف ويصير كانه جزء من الطووفه ما يدخل لا غبار ولا ماي ولا شي

[B7r_QTR]

إذا كنت من النوع اللي يحب الحنة وقت النوم، فموضوعك سهل.

لو بيتكم على شارع حيوي بتسمع صوت الشاحنات برع، وبتوفر لك الإزعاج المناسب للنوم:)

مكن تحط لك بديل يساعدك على النوم، مثل إذاعة القرآن الكريم.

مع الوقت بتعود على الهدوء، وبتحب النوم الهادي، وحتى السبلت له حنة خفيفة خاصة لو حطيته على العالي.

ميزة الهدوء في السبلت لو عندك طفل معاك في نفس الغرفة، وصاح تسمعه بسهولة، وهذه ميزة مهمة.


انت صعبت علي الموضوع ماسهلته
الشاحنات ماتخلي لا ليلك ليل ولانهارك نهار:)
وبخصوص إذاعة القرآن الكريم راي طيب من وجه طيب
والويندو مب ذاك المزعج لدرجة انك ماتسمع صياح الطفل في الغرفة عندكم

لاهنت على الإفادة الطيبة

[meto2010]

الاسبليت اكيد اخى الكريم
وبعد فترة مكيفات الويندو بتنقرض تدريجيا :)

[مصمم ديكور]

سبيليت