محتاج رايكم لو سمحتوا

[HSMK]

السلام عليكم ورحمة الله وبركاته
كيف الحال اخواني جميعا

اخواني عندي استفسار عن المصعد

انا حاليا سويت حفره له 135 سم في 135 سم

حد عنده خلفيه لكم شخص بيكون المصعد وهل الحفره كافيه لان مافي مجال اوسع اكبر من هذه المقاسات ولكم جزيل الشكر

[شموخ دائم]

,

,


مرحبا


اخوي الكريم

الحفره الخاصه بالاصنصير من المفترض انت عارف اي نوع وشنو الحجم
ومرتب الموضوع مع الاستشاري وتم وضع الاعتبار له منذ الاساسات الحجم مذكور بالخرائط
اما اذا انت عزمت تعمل الاصنصير في مرحله متقدمه

لازم تمر شركه ( اوتيس ) او ( متسوبيشي ) وتحدد النوع الي تبيه
4 اشخاص او شخصين وبعدها يعطونك المقاس الي تعمل فيه الحفره
كذا يكون ترتيب العمل الصحيح

الان انت عملت الحفره بالاول وماتعرف
الحجم الي بتختاره يناسب او لا
لازم اخوي تحدد الشركه الي تبيها وتسئلها هل الحجم مناسب لهم
وايضا هناك بعض الاعتبارات فوق يتم عملها بعض الفتحات
حسب النوع

تحتاج تمر شركه لاصنصيرات ويعطونك المقاس لكل نوع

بالتوفيق لك



,

,


اخوك



شموخ دائم

[khaldoon]

اتفق مع اخونا العزيز شموخ دائم

اللي يقدر يجاوب على اسئلتك هم شركة المصاعد مب اي شخص بس تقوله انه الحفره 135*135

على العموم ما فاتك شي

الاصنصيرات الحديثه ما تحتاج لعمق لانها صارت تسمى pitless

يعني ما يلزم عمل غرفه صغيره pit اسفل الاصنصير

شوف الشركه اللي تسوي بدون حفره هي شركة THYSSEN KRUPP و الحقيقه العمق بيكون بس 10سم و هذه الشركه سمعت عنها انا مشتغله في كل مطارات العالم بما فيها مطار الدوحة الدولي الجديد حيث انها مركبه فيه مصاعد و اسكليترات

انا تعاملت معاهم من قبل وما لزم نسوي حفره pit اسفل الاصنصير

[HSMK]

الله يعطيكم العافيه اخواني على ردودكم الطيبه ماقصرتوا والله
بس حسب كلام الاستشاري لي من قبل قال الحفره كافيه لكن الي محيرني
هالحفره لو ركب عليها المصعد الي اقصده المصعد يكون كافي لكم شخص
والشركه ماسالتهم بس حاب اشوف احد منكم يكون عنده خبره بهذه المواضيع
وجزاكم الله خير والسموحه

[khaldoon]

الله يعطيكم العافيه اخواني على ردودكم الطيبه ماقصرتوا والله
بس حسب كلام الاستشاري لي من قبل قال الحفره كافيه لكن الي محيرني
هالحفره لو ركب عليها المصعد الي اقصده المصعد يكون كافي لكم شخص
والشركه ماسالتهم بس حاب اشوف احد منكم يكون عنده خبره بهذه المواضيع
وجزاكم الله خير والسموحه

حياك الله اخوي مره ثانيه

اللي يحدد كم شخص مثل ما قلت لك فوق هي شركة المصاعد لانه يعتمد على المساحة و على قوة المصعد نفسه و الشركه تقدر تحدد لك الاثنين و خاصة قوة المصعد اللي هي تنتجه او تورده

على العموم خلينا بالمساحة

شوف انا اقولك كم شخص....4 اشخاص على الاقل .....ليش؟

عرض الانسان الطبيعي يعتبر اقل بقليل من 60 سم و لهالسبب تلاقي اقل فتحة للمانهول هي 60*60 و مثل ما تشوف هالشي بمقاسات الملابس و الجاكتات

اذا 135-60-60=15 سم

يعني في الاتجاه الافقي معاك شخصين و في الاتجاه الرأسي معاك 4 اشخاص على فرض انه عرض الانسان من الامام الى الخلف هو 30 سم و ممكن تكون اكثر حسب وزنه كبير و الا لا

و بتبقى 15 سم من كل اتجاه ولو قسمته على نصفين بتلاقي من اليمين 7.5 سم و من اليسار 7.5سم و من الامام 7.5 ومن الخلف 7.5

هذه وين راح تقسمها ؟....سماكة حائط المصعد و اللي مفروض تكون من 5 الى 10 سم و الفراغ بين طرف المصعد الخارجي و الشافت اللي فيه المصعد لا يقل عن 5-10سم و ايضا الجسر الرأسي (العامودي) اللي راح يحمل عليه المصعد وهذا لوحده سماكته 10 سم او 15 سم على الاقل

اذا الصراحه اشوف 15 سم غير كافيه و المصعد لن يكفي لاكثر من اربع اشخاص

الجسر الرأسي راح يكون في اتجاه واحد و يكفي جسر واحد لحمل المصعد و ليس جسرين

في مصاعد المنازل يكفي حمل 4 اشخاص بالمصعد كحد اقصى لانه استعماله المفروض يكون بسيط و ما عليه زحمة مثل مصاعد الاماكن العامة

بس اهم شي لو في كرسي متحرك و هذا من اهم اسباب عمل مصعد في البيت انه يكون كافي لدخول الكرسي في المصعد مع كل الفراغ اللازم حوله لراحة الجالس على الكرسي ومن يقوم بدفعه ان وجد

[HSMK]

الله يعطيك العافيه اخوي خلدون كفيت ووفيت وبيض الله وجهك
والله انك ماقصرت بالرد المفصل ونورتني كثير بارك الله فيك وفي امثالك
وكلامك نسخته وحطيته عندي كنوت ارجع لها وقت ماركب المصعد
لاهنت عزيزي وعساك على القوه وجزاك الله كل خير بارك الله فيك

[khaldoon]

الله يعطيك العافيه اخوي خلدون كفيت ووفيت وبيض الله وجهك
والله انك ماقصرت بالرد المفصل ونورتني كثير بارك الله فيك وفي امثالك
وكلامك نسخته وحطيته عندي كنوت ارجع لها وقت ماركب المصعد
لاهنت عزيزي وعساك على القوه وجزاك الله كل خير بارك الله فيك

حياك الله و انا بخدمتك ان شاء الله بأي وقت :victory: