الماي بخمس ريال في كوستا كافيه .

[السهم الشمالي]

السلام عليكم ورحمة الله وبركاته وبعد ،
أمس كنت مع العيال في فعاليات درب الساعي وقالوا عطشانين نبي ماي
طرشت ولدي الكبير عطته عشرين ريال وقلت له جيب ثمان قراش ورجع لي بأربع قراش ماي من الحجم اللي يباع في الدكاكين العادية بريال وتفاجئت يقول أن سعر القرشة بخمس ريال رجعت لهم وقلت لهم ليش الماي بخمس ريال قالت لي الفلبينية هذي أسعارنا قلت لهم هذا مايكم ورجعي لي فلوسي .

إخواني الأفاضل مهما يكون من نوعية المحل أو رقيه بس مايصير الأستغفال بهذه الطريقة يعني على شان كوستا كافيه الماي بخمس ريال .

أرجو منكم التفاعل .

[khaldoon]

اخوي طول عمره كوستا كافيه غالي و الحال نفسه لمحل سكند كاب و اسعارهم نار و لازم لما تروح عليهم تهدي اعصابك و تستعد لاي مفاجأة في ارتفاع الاسعار

اذكر البيبسي العلب اللي كانت زمان بريال تباع ب 5 ريالات فما اعرف كم صار سعرها عندهم بعد ما زاد سعرها نصف ريال

[قطري مفلس]

صباح الخير

والله ياخوي انا احسدك على هالمعلومة في هذا الوقت ، حسيت بأنك كلش ماتروح لا ستار بكس ولا كوستا ولا هاجن ولا غيره ،،

لان هذا سعر الماي في كل هالمحلات الي انا ذكرتها ،،

وطبعا أحسدك لان انت ماتروح هالاماكن ،، لان انا خلاص راحت علي صرت مدمن هالاماكن :(

[السهم الشمالي]

صحيح أخواني
أنا ماروح هالأماكن ولكن مايعني أن الوضع يتم على ماهو عليه .
شكرا لمداخلاتكم .

[q6ryah]

صراحه صرت لما اروح مجمعات او اللؤلؤه او السينما اخذ غراش الماي من الدكان قبل لااروح

ولا اتوهق بالاسعار المبالغ فيها ادري انهم مطاعم او كوفيهات بس سعر غرشتهم الوحده بالدكان ايب لي ٥ غراش واحيانا اكثر


اما لو كان الماي شركته غير فهذا كلام. ثاني

ولا الحين صرت قبل لااروح مطعم اخذ بيبسي من البيت

العلبه ١٢ ريال عسى ماشر لاقيه الفلوس بالشارع

[بوطويشم]

السلام عليكم

طبيعي سعره او اتوقع اسمه هايلند و ماتلقينه فالدكاكين

الي فالدكان دانة ريان مسافي الخ الخ

في فرق

[الجوهره 2012]

استغفرالله على شنو بس والله قهر

ما قالوا ان الامير نزل قرار غرامة مالية للي يرفع الاسعار اعتقد سمعت بهالخبر .....!

[intesar]

أي كوفي شوب بتدخله بتلاقي الماي 5 ريال وهذا الشي مو جديد..

[كازانوفا]

واكيد بهالايام بترتفع الاسعار لان اوروبااا في غلااااااااااااااااااااااااااء مش طبيعي

[شـرشبيـل]

أذا أسعار تجديد الإقامة تغيرت ما تبي الماي يتغير

كان تجديد إقامة الطفل تحت 18 سنة هي 300 ريال في السنة الحين 400

يا رجال خذ وخل

وين حماية المستهلك عن مالكين العقارات كل شوي يزيدون 10 20 30 40 50 و100% على اسعار الإيجار وما تبون المطاعم يزيدون

[hamoor4ever]

اخوي اذا انت من هالنوع اشتر لك كارتون ماي بعشرين ريال وحط لك الغراش في ثلاجه الكروز وكل ماتبي اشرب منهم لك وحق العيال .
كوستا كوفي براند نيم يعني يدفعون على الاسم مايقدرون يبيعون لك الماي بريال ، اصلا نوعيه الماي بكوستا هي ايفيان وهاي لاند واعتقد اصلا هالنوع سعره غالي ومشكور على الموضوع اخوي .

[طلعة الروح]

عيل شتقول في مطعم ناندوز غرشة الماي العادية نص لتر ( أروى ) ب 9 ريال

[bu_hussain99]

الشيرتون يبيع الماي ب 15 ريال وبعض الفنادق أسعارها اكثر

ليش ما تشتكون عليهم؟؟؟

[bu_hussain99]

اختلاف الأسعار شي عادي

كوستا إجارهم اكثر ويدفعون فرنشايز فيز
وعندهم عمال معاشاتهم اعلى من الدكان اذا دفعوكم ريال عل غرشه بيفلسون

[محاسب]

صراحه صرت لما اروح مجمعات او اللؤلؤه او السينما اخذ غراش الماي من الدكان قبل لااروح

ولا اتوهق بالاسعار المبالغ فيها ادري انهم مطاعم او كوفيهات بس سعر غرشتهم الوحده بالدكان ايب لي ٥ غراش واحيانا اكثر


اما لو كان الماي شركته غير فهذا كلام. ثاني

ولا الحين صرت قبل لااروح مطعم اخذ بيبسي من البيت

العلبه ١٢ ريال عسى ماشر لاقيه الفلوس بالشارع
كثير من ناس هذا تصرفهم
والبعض منهم يستحي ويتحرج من الصح ويدفع ولاهو راضي

[محمد الجفيري]

الماي في كوستا من ماركة هاي لاند مب الماي العادي الي في السوق...

[كاشف الغطاء]

صراحه صرت لما اروح مجمعات او اللؤلؤه او السينما اخذ غراش الماي من الدكان قبل لااروح

ولا اتوهق بالاسعار المبالغ فيها ادري انهم مطاعم او كوفيهات بس سعر غرشتهم الوحده بالدكان ايب لي 5 غراش واحيانا اكثر


اما لو كان الماي شركته غير فهذا كلام. ثاني

ولا الحين صرت قبل لااروح مطعم اخذ بيبسي من البيت

العلبه 12 ريال عسى ماشر لاقيه الفلوس بالشارع

بالفعل انا اسوي نفس الحركة



السلام عليكم

طبيعي سعره او اتوقع اسمه هايلند و ماتلقينه فالدكاكين

الي فالدكان دانة ريان مسافي الخ الخ

في فرق

اخوي هايلند تحصله فكل الجمعيات وسعره ريال ونص واذا خذت كمية يصير اقل من ريال

[دلال قطر]

انزين واللي ف جامعة قطر ع 8 ريال!!! حسسوني ماي ذهب مب ماي عادي!

[دلال قطر]

هاي لاند فيه نسبة صوديوم عاليه مادري شحقه رافعين السعر !!؟

[عـ العبيدلي]

في كوستا الي فالمطار الماي بعشر

[mE mYself & i]

ياخوي روح شوكليت بار ماي الريان الصغير ب 8 ريال

[طير حوران]

شللي جابرك عليه

لو مو لاقي من يكونون اشباه بشر يسمون مجازا زبائن لما ربحت تجارته

[abdo222]

الماي ب 15 في لاسيجال,, و 8 بالمطار,, فالامور طيبه

[الزلزال]

ابشرك انا مره شريت ماي 10 ريال في المطار

[رجوان]

حشا ماي والا ذهب مالت عليهم زين سويت

[the notebook]

ليش مستغرب ؟ شي طبيعي انت رايح كوستا مب "الدكان" ..

في فرق بين الاماكن في قطر وانت مابتلزم اي كوفي او مطعم باسعار الدكان ;)

[كــيـوتـل]

إيووآآآآآآ تذكرت كلآم أحسين بن عاقول في مسلسل عتآويت الفريج
الماي بيخزنه عشآن الأجيال القادمه والظاهر ألحين طلعو ماء أحسينوه إلي
خزنه والأربآح اضعاف هههههههههه