مونديال 2022 مع خالد العبدالجليل الليلة

[وجه السعد 2]

الليلة الساعة العاشرة مساءا على قناة الوطن الكويتية مع المحامي خالد العبدالجليل والموضوع : هل سينعقد مونديال 2022 بدولة قطر .. نتمنى ولكن..
واحنا ايضا نتمنى ان تكون الحلقة موضوعية ولا يتجاوز احد الخطوط الحمرا ..

[R 7 A L]

شلون ( نتمنى ولكن ) ؟

أكيد عنده اخبار وعلوم ماندري فيها

[لاميزون]

2022 انشاءالله موضوع خالصين منه وياقطر مايهزج ريح

[chillis]

خالد عبدالجليل مع اني احب اشوفه برامجه بس هو اكبر شخص بواضيعه يجيب الفتن

[مخطط قطري]

نتابع الحلقه وبعدها نعلق على الموضوع لانسبق الاحداث
وخالد عبدالجليل صحفي قبل ليكون مذيع ويحب الاثاره والتشويق

[R 7 A L]

نتابع الحلقه وبعدها نعلق على الموضوع لانسبق الاحداث
وخالد عبدالجليل صحفي قبل ليكون مذيع ويحب الاثاره والتشويق



وناجح
والاجواء الاعلامية عندهم في العلالي
نتمنى نشوف احد اخواننا القطريين نفسه في المجال الاعلامي

[السندان]

اخبر برنامجه دوم قضايا اجرام ومشاكل داخليه

وش طلعه برا الحين ... ننتظر ونشوف

[MAZEN37]

يا رجال الاعلاميين الكويتيين بس يخلقون اجواء توتر وبلبله

[هام السحاب]

الي يتابع الاعلام الكويتي خلال الايام الي طافت
بيعرف حجم الحملة ضد قطر
انا اقول يشوف رئيس وزرائهم الي وزع ميزانية الكويت على النواب لشراء ذممهم ابرك
ردحوا ردح على موضوع سعادة محمد بن همام بانه راشي
بس يوم وصل الموضوع عن رئيس وزرائهم سكتو
لو فيه ( خير ) خل يسوي حلقة عن هالرشاوي

[المرسى الأخير]

ما يعجبني اسلوبه في الطرح

غاوي اثاره و فتن

[رجل الجزيرة]

أشوف البرنامج الليلة بإذن الله تعالى.

[هاب الريح]

شلون ( نتمنى ولكن ) ؟

أكيد عنده اخبار وعلوم ماندري فيها

عقلية تدعو للاحترام .....
واحترمة لأنه ..... رجل محترم بما تعنيه الكلمة
ومذيع ناجح بكل المقاييـس يكفي طلته خفيفة ثقيل بحضورة بعيد عن التكلف في الكلام .
( و اكيد عنده شيء لاشفت رفيقك عسل الذيب ما يهرول عبث)

[مستر قطر]

اسمع كلامه خراط عووود وشكله مب صاحي :tease:

[وطن]

هاهاهاهاهاها
ضحكني بهمن

[R 7 A L]

عقلية تدعو للاحترام .....
واحترمة لأنه ..... رجل محترم بما تعنيه الكلمة
ومذيع ناجح بكل المقاييـس يكفي طلته خفيفة ثقيل بحضورة بعيد عن التكلف في الكلام .
( و اكيد عنده شيء لاشفت رفيقك عسل الذيب ما يهرول عبث)

اتفق معاك
مذيع واعلامي ناجح جداً



الحين اتابع البرنامج :)

[وطن]

بخصوص اللي يتنبأ يعني ؟؟!!!

[R 7 A L]

للحين ماتكلم عن استضافة 2022

[جامعي]

الحمدلله والشكر

الظاهر يبي ياخذ مكان الاخطبوط بول!!

[لجين]

بهمن ذكرني بالملا اللي في مسلسل الأقدار

عموما كل شي جايز !!

[R 7 A L]

يقول
يعرف شنو يبي يقولة الشخص الى امامه قبل لايتكلم

[جامعي]

علم الغيب لله وحده
انتبهوا يا جماعة الخير

هنا كلام الشيخ بن عثيمين

ومن ادعى علم الغيب فهو كافر ، ومن صدَّق من يدَّعي علم الغيب فإنه كافر أيضاً لقوله تعالى : ( قُل لَّا يَعْلَمُ مَن فِي السَّمَاوَاتِ وَالْأَرْضِ الْغَيْبَ إِلَّا اللَّهُ ). فلا يعلم غيب السموات والأرض إلا الله وحده .
وهؤلاء الذين يدعون أنهم يعلمون الغيب في المستقبل كل هذا من الكهانة ، وقد ثبت عن النبي صلى الله عليه وسلم : (أن من أتى عرافاً فسأله لم تقبل له صلاة أربعين يوماً ). فإن صدَّقه فإنه يكون كافراً ، لأنه إذا صدَّقه بعلم الغيب فقد كذَّب قوله تعالى : (قل لا يعلم من في السموات والأرض الغيب إلا الله) .أ.هـ

[لجين]

فالك ماقبلناه يابهمن

[R 7 A L]

الرجال مُصر على قطر ماراح تستظيف كاس العالم 2022
خخخخخخخخخ

[وطن]

يقول لك بتصير كارثه وبلوه في قطر

مابي ادعي عليه

بس الله يصلحه ويهديه عن هالخرابيط

crazy

[R 7 A L]

يقول
سبب بيلوجي
خخخخخخخخخخخخخخخ

يقول يشوف خريطة قطر

وبيصير شي كايد

خخخخخخخخخخخخخخخخ

[R 7 A L]

على شان الصدفة لعبت معة مرتين
صدق عمره

[حليتان*]

يله خذ


الحمدلله على نعمة العقل

[لجين]

هذا عدا على الألوسي

مب عيون عليه @@

[وطن]

هاهاهاهاهاهاها
رحال وش تتوقع السبب الجيلوجي على قولته

ولو سمحت الحين الخريطة في عينه اليسار

[وطن]

يقول لكم مثلث
و له حل

ويبي يقابل الحاكم ولا ولي العهد على قولته

[R 7 A L]

هاهاهاهاهاهاها
رحال وش تتوقع السبب الجيلوجي على قولته

ولو سمحت الحين الخريطة في عينه اليسار



الحين خله هو يعرف الاشياء البيلوجية
خخخخخخخخ
المشكلة مو في بهمن المشكلة في الى بيصدقونه

[R 7 A L]

المذيع مايعرف اسم رئيس مجلس وزراء قطر

يقول الشيخ جاسم بن حمد
خخخخخخخخخخخخخخخخخخخخ

[nadeemy]

خريط الشيعه

[R 7 A L]

يقول لكم مثلث
و له حل

ويبي يقابل الحاكم ولا ولي العهد على قولته



شكله يبي ( خرده ):tease:

[هجمة مرتدة]

مثلث


يقصد الشيراتون :eek5:

[بوسعود911]

لا ويقول مشكله كونية الله يشفيه انشاء الله بهمن

[وطن]

الحين خله هو يعرف الاشياء البيلوجية
خخخخخخخخ
المشكلة مو في بهمن المشكلة في الى بيصدقونه

اذا المذيع بكبره جايبه كأنه يتطنز عليه



المذيع مايعرف اسم رئيس مجلس وزراء قطر

يقول الشيخ جاسم بن حمد
خخخخخخخخخخخخخخخخخخخخ

ايه والله






شكله يبي ( خرده ):tease:

هاهاهاهاهاها
احتمال كبير

[بوهلال]

لا يعلم الغيب لا الله شيعي خراط يبغي خرده

[R 7 A L]

يقول
عبدالله الروشيد وداود حسين يعالجون عنده
خخخخخخخخ

[حليتان*]

يالربع اذكرو الله

وخل يولي ما عنده ما عند جدتي


الله يشفيه

[R 7 A L]

الرجال مايدش في السياسة يقولة
هع هع هع هع

[R 7 A L]

يالربع اذكرو الله

وخل يولي ما عنده ما عند جدتي


الله يشفيه


خلنا نضحك
من زمان ماضحكنا:tease:

[وطن]

السنة الجاية حزن في الكويت

وهو ماهو الفنوسي يعني الالوسي قصده

[R 7 A L]

يقول السنه الجايه بيصير حزن في الكويت

[سميه]

حد شاف مقابلة تو الليل قناة الوطن الحين مع جاسم بهمن انه متاكد ان كاس العالم 2022 ما راح يصير في قطر !!!!! والسبب كارثه جيولوجيه !!!
وانه ان يبوح باكثر الا للامير او ولي عهده ( الله يحفظهم )
رايكم ارجوكم

[لجين]

دول الخليج راح يحزنون على دولة خليجية

السنة الجاية :(

[R 7 A L]

اي والله شي عجيب ياخالدعبدالجليل

[وطن]

الله يهديه ويصلحه على هالخرابيط

[حليتان*]

ههههههههههه ينفع ستاندب كوميدي

[حليتان*]

في مواضيع مفتوحه بهالخوصوص ههههههههههههههه
من شافيه يقول شعرين غالين علي ههههههههههه

[ابوسعود]

كذب المنجمون ولو صدقوا

دجاااااااال الله يستر على قطر

الرجاااال يبي خريده ومحتاااااج

قعد يسوي سوالف

[وطن]

شاعر بعد

[غابت الشمس~]

بسم الله على قطر

الله يحفظها من كل شر ومن كل اللي يفاول عليها بالشر

كلامه يخرع حتى لو هو شلاخ

[حليتان*]

بخصوص الورقه الخضرا ههههههههههههههههههههههه

[R 7 A L]

امحق قصيدة

[غابت الشمس~]

ولاتفوتكم الخواتم اللي تارسه يده حق السحره

خاتم سليمان

[وطن]

بخصوص الورقه الخضرا ههههههههههههههههههههههه

شمعنى اخضر



امحق قصيدة

هاهاهاهاهاها

[كحيلان قطر]

كارثة بيولوجية
يمقن بنتحول زومبي ويمقن لا

[كحيلان قطر]

سمعتوه يوم يقول حق النائب احنا نقول بتطلع الاول ويوم قاله المذيع انتوا من توهق

[R 7 A L]

صراحة قناة الوطن ماقصرت معاه

وليس بغريب دام ان مذهب الضيف نفس مذهب مالك القناة

[هام السحاب]

مايفرق بين الجويلوجيه والبيلوجيه
وبتصير مشكله في منطقة مثلثة
ويبي يقابل سمو الامير او ولي العهد
الظاهر يبي فلوس

[مستر راشد]

امكانية قطر فوق احساسه التافه
الي على قولته يشوف خريطه قطر بعينه اليسار

الصراحه حاولت اتواصل مع قناة الوطن حاب اعمل مداخله بس ماتوصلت للرقم الصحيح
هذا كله دجل والدليل الخواتم الي في اصابعه
ممكن ناس كثيرة تجهل نوعية الخواتم هذي
لاكن مانقول الا الله يحفظ قطر من السحره

[شاعر المليون]

فيه تناقض في كلامه
مثلث وخريطة قطر بعينه اليسار
وكارثة جيولوجية كونية
وماراح يقولها الا للامير او ولي العهد
طيب

دامها كارثة كونية كيف الامير او ولي العهد يقدرون يمنعونها ؟؟؟؟؟؟؟؟؟؟؟؟؟؟؟؟

كلامه عجيب غريب مش مقنع بتاتا

[بـــــــنت النوخـّــــذه]

ولاتفوتكم الخواتم اللي تارسه يده حق السحره

خاتم سليمان

اهههههههههههه

شيقول غابت الشمس
مهب قايل الا الاثنين اهههه ولازم نلحق على عمرنا

ليكون بيحولنا لضفادع :cry2:

عموما كذب المنجمون ولوصدقوا

[Bo_7aMaD_Q8]

بركاااتج يا ٢٠١١ منتي ناويه تعدين ع خير

الله يهديك يابهمن تمشي بدرب ما هو دربك

الله يحفظ الخليج واهله

[كحيلان قطر]

خذو الاشاعات الحين في البلاك بيري

[لجين]

جاسم بهمن

متنبئ

شاعر

طبيب( طب شعبي)


حارس مرمى

فزاع ٢

[غرِيبهـ]

بسم الله على قطر وعلينا

[OM_OMAR_QATAR]

ابي تردد القناة ، قناة الوطن لو سمحتو

[A l i]

مب صاحي ،، يالله لاتبلينا

[الأصيلة]

خالد عبدالجليل مع اني احب اشوفه برامجه بس هو اكبر شخص بواضيعه يجيب الفتن

يضحكــّني اسلوبه كله يخربط ويعيد ويزيد في الكلام
واسلوبه قديم في المناقشة والحوار ماعنده تجديد ولاخبرة في ها المجال
طريقة في الإثارة مكشوفة وكلماته وألفاظه محدودة...

[الأصيلة]

يقول لك بتصير كارثه وبلوه في قطرمابي ادعي عليه

بس الله يصلحه ويهديه عن هالخرابيط

crazy

هذا حلم يراود الكثير من أصحاب القلوب المريضة..

[OM_OMAR_QATAR]

حسبي الله على جبودهم

مونديال قطر >>> وراك وراك ..

[intesar]

ما قلت قبل أن خالد عبدالجليل فالصو..

[حليتان*]

ابي تردد القناة ، قناة الوطن لو سمحتو

11555 ع النيل سات

[اللورد]

من قال بوبهمن عندي شعرين
غيرت القناه

[aljaber1]

ههههه هذي وجهة نظر عينه اليسرى
ومن وجهة نظري انه يعاني من ازمه نفسيه حاده
وماقول الا الله يشافيه
والحق مو عليه على اللي ضيع وقته يسمعه

[intesar]

للأسف ما لحقت عليه..

[وطن]

انتصار الحين الاعادة على الوطن بلس

[هام السحاب]

من بعد هاللقاء الشيق
قرر محمد عبده تغيير اغنيته

في عيني اليمنى من الورد بستان
وفي عيني اليسرى كارثة بيلوجيه

[هام السحاب]

من قال بوبهمن عندي شعرين
غيرت القناه


بالعكس
اصلاً لو سمعت ( الشعرين )
كان غيرت نظرتك له

:tease:

[وطن]

من بعد هاللقاء الشيق
قرر محمد عبده تغيير اغنيته

في عيني اليمنى من الورد بستان
وفي عيني اليسرى كارثة بيلوجيه

هو قال بيولوجيه ولا جيولوجيه
؟؟

اخاف النفط بيخلص هاهاهاهاها

[هام السحاب]

هو قال بيولوجيه ولا جيولوجيه
؟؟

اخاف النفط بيخلص هاهاهاهاها



قال الكلمتين
بعدين شلون بيصير شي كوني واذا قلت لهم الحل يقدرون يتفادونه !!
شهالخبل ذي
كل يوم اكتشف طرق جديدة للطرارة

[وطن]

قال الكلمتين
بعدين شلون بيصير شي كوني واذا قلت لهم الحل يقدرون يتفادونه !!
شهالخبل ذي
كل يوم اكتشف طرق جديدة للطرارة

هو خارها خواره ما بعدها خواره

:secret:

[GENIUS]

وينك يالعضو البدع. تعال فك طلاسم الجماعة وشوف لنا تحليلاتك لكلامهم

[سداوي&مدريدي]

الشرهه على مخرج البرنامج والمعد وعلى القناة بكبرها يوم استضافوه

[R 7 A L]

وينك يالعضو البدع. تعال فك طلاسم الجماعة وشوف لنا تحليلاتك لكلامهم

اي والله
الحين دور اخونا البدع على شان يتوقع عن بو بهمن
اعتقد توقعات البدع اقوى من بو بهمن :tease:

[عيد823]

العقل نعمه

[هام السحاب]

اطالب ادارة المنتدى بضم موضوع بوبهمن الى موضوع استراحة الاسبوع
واذا في مجال تثبتون الموضوع ابرك
تصبحون على خير

[سداوي&مدريدي]

فيه تناقض في كلامه
مثلث وخريطة قطر بعينه اليسار
وكارثة جيولوجية كونية
وماراح يقولها الا للامير او ولي العهدطيب

دامها كارثة كونية كيف الامير او ولي العهد يقدرون يمنعونها ؟؟؟؟؟؟؟؟؟؟؟؟؟؟؟؟

كلامه عجيب غريب مش مقنع بتاتا

نيه المقابله هو السحر

والله يحفظ لنا قطر اميرا وحكومة وشعبا

ولا بارك الله في السحره المشعوذين امثال جاسم بهمن وغيره

والله يجعل كيدهم في نحورهم

[لجين]

عزيزي بهمن

بخصوص عينك اليسار


جوجل مثلا

[الصغيره]

من بعد هاللقاء الشيق
قرر محمد عبده تغيير اغنيته

في عيني اليمنى من الورد بستان
وفي عيني اليسرى كارثة بيلوجيه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه

[(بوطلال)]

هبل والي يصدقه اهبل منه

[خــطــافــ]

هدية الوطن الى قطر في يومها الوطني

شكرًا خالد عبدالجليل .. وفيت وكفيت ..!!

[فااارس قطر]

للاسف اللي يؤمن بالخرابيط

ناقص دين وعقل ...

وين ايمانكم !!!

[الموضوعي]

بغض النظر عن كلام بهمن احنا باقي لنا 11 سنة على كاس العالم وسمحنا ببيع الخنزير وخلينا لاعبات مفصخات يلعبون باسم قطر ، وش راح نسوي اذا صار على البطولة سنتين او ثلاث مااقول الله لا يؤخذنا بما فعله السفهاء منا

[الموضوعي]

بغض النظر عن كلام بهمن احنا باقي لنا 11 سنة على كاس العالم وسمحنا ببيع الخنزير وخلينا لاعبات مفصخات يلعبون باسم قطر ، وش راح نسوي اذا صار على البطولة سنتين او ثلاث مااقول الله لا تؤخذنا بما فعله السفهاء منا

[فااارس قطر]

الله يهديج اختي !!!

وحاطة عااااجل جدا بعد ...

شكلج مصدقة هالسوالف ...:eek5:

[سعود العمادي]

ههههه الصراحه كلامه مايدخل العقل

الله يحفظ قطر من شعب وحكام

ا

[السندان]

-1-

يقول كنت اقرأ بس على اهلي

لاكن توقفت .... حتى لا اسبب لهم الاذيه

يعني كلام الله يأذيهم

اعوذ بالله

-2-
يقول رؤيه

لا وهوصاحي مب نايم .. شئ عجيب

وبعين وحده (اليسار)

-3-
قال لاحد المرشحين .. احنا نقولك انت الاول

قاله المذيع من انتوا .. قال انا

اخيرا

لو جمعتوا الكلام اللي باللون الاحمر يمكن تتقرب الصوره اكثر .. والله اعلم

وقبل كل ذلك كله

نؤمن بأن لايعلم الغيب الا الله وحده سبحانه وتعالى

والله يحفظ هذا البلد من كل شر ويحفظ كل من على ارضه .. انه على كل شئ قدير

[النهار]

شلون ( نتمنى ولكن ) ؟

أكيد عنده اخبار وعلوم ماندري فيها

اكيد حد طلب منه يوصل هالمعلومه للتخويف والترهيب

[النسره]

:omg:حسبنا الله ونعم الوكيل مايمدينا نتهنا بالزيادات ياي يفاول علينا الله يكفينا شره هههههه

لايبه لايقابل اميرنا ولاولي عهدنا الله يحفظهم لايسحرهم وعلم الغيب عند رب العالمين والكارثه كونيه يعني الكون كله مب قطر بس :anger1:

[thelord007]

الرجال اربع :

1- رجل يعلم ويعلم انه يعلم فذلك عالم فاسئله
2- رجل يعلم ويعلم انه لا يعلم فذلك غافل فنبهه
3- رجل لايعلم ويعلم انه لايعلم فذلك جاهل فعلمه
4- رجل لا يعلم ويعلم انه يعلم فذلك احمق فاصرفه

والحبيب من النوع الاخيير لا و بعد عنده زيادات : اوبشن العين اليسرى سوبر زينوون :eek5::eek5:

لكل داء دواء يستطب به إلا الحماقة أعيت من يداويها

[fahad123]

دول الخليج راح يحزنون على دولة خليجية

السنة الجاية :(

الله لا يقووووله ان ششاءلله

بس عم على نفسسسه الاخ ههههههههه

يقصصد البحررين بس الله يرد كيدهم في نحورهم ولا يحقق مرادهم اللي يبونه

:anger1:

[missperfect]

الرجال اربع :

1- رجل يعلم ويعلم انه يعلم فذلك عالم فاسئله
2- رجل يعلم ويعلم انه لا يعلم فذلك غافل فنبهه
3- رجل لايعلم ويعلم انه لايعلم فذلك جاهل فعلمه
4- رجل لا يعلم ويعلم انه يعلم فذلك احمق فاصرفه

والحبيب من النوع الاخيير لا و بعد عنده زيادات : اوبشن العين اليسرى سوبر زينوون :eek5::eek5:

لكل داء دواء يستطب به إلا الحماقة أعيت من يداويها


إيه الكلاااام الكبيرر ده
:victory::victory:

[ahmaaaddd]

في حد عنده رابط للحلقة
نبي نشوفها
لو سمحتوا

[dream~qa]

بغض النظر عن الدجل اللي قاله

شفتوا القذارة اللي هو فيها !!! شلون يعالج الناس ويشرط جسمهم ويضربهم ابر ويده وسخة ...شلون مخلينه يعالج بهالطريقة القذرة لا قفازات لا مطهرات لا محاليل ويععععععععععععععع .


أما ( الشعرين ) والورقة الخضرا هذا شي ثاني ههههههههههههههـ.

الله يحفظنا من السحرة والدجالين .

[online]

سؤال !!!!

ليش ماتكلم عن البحرين وعن المشاكل اللي فيها او يتكلم عن الكويت ومشاكلهم او عن سوريا او ايران او العراق ونسحاب امريكا النهائي منها قضاية مهمه ومحتاجه واحد مثله يرفه عليهم .

خليت العالم وتكلمت عن قطر وكاس العالم بالذات ياخي تكلم بالمنطق من الاهبل اللي بيصدقك غير الشيعي اللي مثلك .

خالد العبدالجليل شكراً على المعلومات المهمة وبيض الله وجهك بوقفتك واهتمامك بقطر.

[Carbon911]

سبــــحان الله يعني قطر بتصير في كارثة وماراح تستضيف كأس العالم وماراح نتفادى الموضوع الا اذا قابل سمو امير دولة قطر عشان نتفادى الكارثة ................ طرارة عيني عينك

[تاجر ماركات]

خراط ومحد راح ايصدقه غير الذى على شاكلته
وحفظ الله قطر واميرها و ولى عهدها وشعبها الوفى وخلونا نحتفل باليوم الوطنى وندعوا الله جميعا اليوم الجمعه الى المؤسس ان يجعله فى الفردوس الاعلا اللهم امين

[موضي قطر]

من قال بوبهمن عندي شعرين
غيرت القناه


عندي شعرين بالذمة في بيتهم يتكلمون عربي :rolleyes2:



من بعد هاللقاء الشيق
قرر محمد عبده تغيير اغنيته

في عيني اليمنى من الورد بستان
وفي عيني اليسرى كارثة بيلوجيه


ههههههههههههههههههههههههه:tease:

[الدوحاتي]

راح تعاد الحلقه اليوم الساعه 2 الظهر للي ماتابع الحلقه امس

[fhd4]

تراه واحد مخرف … قال نفس هالكلام في قناة ابوظبي الرياضية من حوالي سنة …

http://msa6el.mbc.net/vb/tt85653.html

[Rashid554]

انا عندي سلاسه شعر يبي قول يمكن اقولها هههه


داورنا تار المروي والفكر

واهه تاريخها للسايل دليلة




زينة مالي عليله وبل مطره

وخضره روضه بعدين مسيله




واختلتت نباتتن وسامه زهوره

وياها نسمه هادي عزب أليلا




الشعر الاصلي


دارنا دار المروّة والفخر

واحة التاريخ للسائل دليل

زينها لي علها وبل المطر

واخضرت ريضانها عقب المسيل

واختلط نبت الوسامي بالزهر

مع نسيمٍ هاديء عذب عليل

[nadeemy]

:discuss:


2- رجل يعلم ويعلم انه لا يعلم فذلك غافل فنبهه


:con2:

[Chambray]

امكانية قطر فوق احساسه التافه
الي على قولته يشوف خريطه قطر بعينه اليسار

الصراحه حاولت اتواصل مع قناة الوطن حاب اعمل مداخله بس ماتوصلت للرقم الصحيح
هذا كله دجل والدليل الخواتم الي في اصابعه
ممكن ناس كثيرة تجهل نوعية الخواتم هذي
لاكن مانقول الا الله يحفظ قطر من السحره

:rolleyes2:
ايش نوعيتها ؟؟؟؟

[هام السحاب]

ومازال البحث جاري عن مثلث برمودا فرع قطر

ليكون يقصد معيذر الريان الغرافة !!!

[intesar]

بهمن الألوسي.. :victory:
مو صاحي

[شميرام]

كذب المنجمون ولو صدقوا

عل طاري مثلث برمودا مره كنت أقراء عنه وعن كلام كلومبس وعواميد النار في البحر أمي تقول واحد من لولين يقلون شاف نار شابه طالعه من البحر الي سماء صوب حالول طبعا ايام الغوص

[شميرام]

شكله من ربع شاكير

[<اضرب واشرد>]

أتمنى وأطالب الإدارة بحذف أي موضوع عن هذا الدجال العرّاف حفاظا على ديننا ودين الناس ، فمن أتى عرافا فسأله لا تقبل منه صلاة أربعين يوم ، ومن صدقه فقد كفر بما أُنزل على محمد عليه الصلاة والسلام ، نعوذ بالله من الكفر وحبوط العمل.

نعم لا فرق بين من يذهب إلى العرّاف في بيته ليستمع إليه ، وبين من يأتيه عبر الأقمار الصناعية ويزوره في قناته الفضائية.

حسبنا الله ونعم الوكيل

اتقوا الله اتقوا الله اتقوا الله واتركوه واحذفوا الموضوع

والله أنها في ذمتكم يا إدارة المنتدى نصيحة لوجه الله

وأقول للمذيع خالد العبدالجليل أنت من يتحمل وزرها الأكبر.

[alhashemi]

حسبنا الله ونعم الوكيل

[الزلزال]

الله يهدية يا رب

[بوطويشم]

السلام عليكم

شفت القاء حسيت ان الموضوع فيه مبالغة

لكن

على موضوع قطر لا تنسون انه اغلب اراضينا دحول

وهو قال انه في مناطق لازم مايشتغلون عليها تجنب للكوارث

كذب المنجمون ولو صدقو