طريق الشمال الخطر

[ابن الرومي]

يا جماعة الخير طريق الشمال من جسر الجوازات
لين جسر الشمال
كل يوم حوادث
العالم مش محاسبه الكل مسرع في هذا الخط
وسيارات متشابكة ببعض و مصابين

خافوا الله في هذا الخط
في اعيال وحريم بالسيارات

[رايق البال x]

اي والله اخوي وخاصة دوار الشمال واللفات المتفرعة منه

اول مرة اشوف دوار له تسع دخلات والله خطييييييييييير

[MAZEN37]

انا مع

[مرتبش]

وايضا يوميا حوادث بين المدماك وتقاطع الريان

[Rider]

هذا كله بسبب التخطيط السليم والنظره المستقبلية
مشكلة اذا ناس فكروا بالمقلوب هذا الناتج ياخوي شوارع غير مدروسه بشكل صحيح مجرد شارع وكم جسر وقالوا مشروع في النهاية مثل ماقال غانم السليطي خلنا نستفيد

[CH Engineer]

السبب الشارع ضيق 3 خطوط ماتكفي + الي يبي يلف يمين تشوفه موقف ع الخط الاخير من اليمين ومرات ع الخط الي بالنص والي وراه واقف يبي يكمل خطه ويلف يسار بكل برود والخط سرعته 100 وتشوف انواع الافلام والبريكات

[ابن الرومي]

واحلى تخطيط يخلون لك رصيف كبير
والشارع صغير يعني من كثر الناس ما تمشي

[الحال مايساعد]

المشكلة في الأفراد والله يعني مثلا الصباح قبل الساعة 6 بخمس ولا عشر دقايق تحصل إللي رايحين "لخويا" طايرين على الخط ، يعني يبي يلحق على آخر لحظة ، وانا اتمنى تواجد رادارات على مدى الخط كله ، حرام عيالنا كل يوم يموتون والسبب السرعة والتهور ، وبعد يوميا من الساعة 05:30 إلين 06:30 مساءً الخط واقف من صوب جسر الدحيل إلى بعد تقاطع المسيلة ، والسبب مادري احيانا حادث وأحيانا ماحصل شي!!!! وأعتقد ان الشي هذا يعود إلى أشغال لأنها يوم تسكر الشوارع ماتبطل شوارع فرعية

[qatara]

خط الشمال سيئ سيئ

والاسباب

عدم وجود مداخل للمناطق الا من جسر الي الجسر الاخر يعني ما يقارب 5 كم عشان ترجع وهذا احد الاسباب

المخارج لاباس تكون عن طريق الجسور لاكن المداخل لاتضر الشارع الرئيسي بالعكس تخفف الزحمه عنه لايوجد مداخل مباشره من الخط للمدن

فقط مداخل

الجسور ستاندر بعضها لم يتم توزيع الطريق فيها بصوره كامله تروح وترجع على الجسر نفسه سيد رون سيد واشارات
والواجب ان عمل الجسور
تغني عن الدوارات والاشارات والتقاطعات
ف جسور خط الشمال مشكله مركبه

بالدوارات بنهايتها والتقاطعات بوسطها والاشارات الضوئيه فوقها بلاضافه لضيق السعه عليها

[خليفـة]

بالفعل اخوي بن الرومي
خط الشمال والي كان من المفترض ان يكون هاي وي ( الخط السريع )
صار داي وي ( خط الموت )

واي حادث بسيط يصير على هالخط يعطل ألاف السيارات على الطريق

شنهي الحلول؟
لا اعتقد ان هناك حل في الوقت الحالي بأستثناء الانتباره والتركيز اثناء القيادة
وعدم السرعه بتاتاً

خليفــة

[قطريه أصيله]

كل يوم امر منه مرتين ثلاث واحط ايدي على قلبي خايفه على روحي من الشاحنات والمواتر السريعه

[هبوب الكوس]

ومساكين الاجانب اللي يعبرون الشارع رايحين اللولو

يقعدون ساعتين علشان يعبرون :rolleyes2:

صراحه خطر يعبرون من هالشارع ممكن السيارة تفرمهم فرام :(

[ابن الرومي]

انا اقترح بحل سريع

يخلون السرعة 80 من قبل جسر الجوازات لين بعد جسر الشمال
والعكس موقت
ويعملون جسر للمشاءة من صوب الاندمارك لين الشارع الثاني
وجسر للمشاءة من صوب دسمان والجوازات لين مدينة خليفة الشمالية

والحل اثاني
بس يبيغيلة وقت عمل جسر سريع ممتد
من خط قبل جسر الشمال لين بعد جسر الجوازات
يعني فوق الشارع طريق الشمال

مثل الدول الي في الصين وهونكونج

وذا في اقتراحات ثانية اكتبواها

[qatara]

ورايي

1-عمل عبور للمشاه لكل المناطق بنضره مستقبليه على طول طريق الشمال

2- توسعه الجسور الحاليه وعملها بطريقه توزع الدوران بصوره صحيحه
ولا تقاطعات فوق الجسور ما خبرنها في اي دوله خليجيه او اجنبيه
الا عندنا فقط يجوز سبقنا دول العالم !

مافيه جسر فيه توزيع صحيح الا جسر الخريطايت فقط

3-باقي الجسور ما صرف عليها برايي خساره ياريت يتم توسيعها وتوزيع الدوران والعوده ودخول المناطق فيها بصوره اشمل

4-فتح اكثر من مدخل لطرق الخدمات والخروج منها للطريق الرئيسي

5- فتح مداخل فقط بدون مخارج لجميع المناطق من يمين ويسار الخط الرئيسي للدخول للمناطق فقط مداخل
والمخارج تكون عن طريق شوارع الخدمات تجنبا للخروج المفاجي

[qatari 111]

العيب في المداخل بدايتها مسار واحد والمفروض يسوون مسارين للمداخل هذا حل ان شاءالله يخفف الحوادث
والعيب الثاني سواقة الاسيويين ابرد متهم مافي وغير الخروج والدخول المفاجئ عن مسارهم وبريكاتهم اللي مالها داعي وقدامه الخط فاضي .
الحل الاخير زيادة باصاات كروه وزيادة نقاط الوصول للحد من حدوث الزحمه .. يعني سواقين الشركات يجبرونهم يركبون كروه لعملهم .. واجبار الشركات اللي عندهم موظفين وايد يوصلونهم من الى عن طريق باصات تابعه لهم .
بعد تذكرت شي اخير .. وضع ادارة المرور قانون بعدم اصدار رخصة سواقه اللي يعدي عمره عن 30 سنه طبعا للي عمره ماساق سياره المبتدئ .. لان سواقته راح تكون ضعيفه جدا مب نفس اللي تعلم من عمر 18 سنه .

والله يستر ويحفظ الجميع من كل شر

[ابن الرومي]

اي والله صحيح كلامكم

لو تلاحضون كل اجنبي او موظف يجي الدوحة
الكفيل يطلع له سيارة وليسن

والله في بلادهم ما يطلع لهم
غير السيكل والموترسيكل
واستخدام الباصات العامة

انا رحت دول كثيرة اوربا ولندن والصين
ما عندهم سيارات

المفروض موظفين الشركات والمدارس يوفرون باصات مش كل واحد سيارة

[مابدل العادات]

المشكله 50% من التخطيط الفاشل

وال 50 % من الناس الي ولا عمرها ساقت سياره في بلادها وكله سياكل وباصات ولا أصلا السواقه الله بالخير في بلادهم ((اقصد كل الجنسيات ))

وجاي قطر وماعطينه سياره وقالو له سوق

انت متخيل المئساه الي صارت ؟؟!!!

يعني تخيل تعطي واحد عمره 5 سنين سياره وتقوله سوق وش بيصير

[ابن الرومي]

من كم سنه طلبت سائق نيبالي للبيت

اول ما خذته من المطار وطلعت معاه للسيارة
قام يشوف شنهو الي قدامه طبعاً اول شي ما عرف كيف يفتح الباب
ويوم قعد صوب العبري قام يطالع شنهو هذا القير وكله ازره

والله شكله عمرة ما شاف سيارة ولا ساقها
لا وسواقين كروة كلهم جداد ولا يعرفون السواقة

يعني الشارع لازم تشوف من 4 جهات ما تدري
من بيدش عليك حرمة هندية ولا فلبينية
لا وكلهم ماشين على الخط السريع

[بوعلي2]

الله المستعان

احنا مايعجبنا شي حتى لو يخلونه 10 حارات

[qatara]

الله المستعان

احنا مايعجبنا شي حتى لو يخلونه 10 حارات

اخوي بوعلي النقد الهادف غير النقد الهدام
ونقاشنا لا يتكلم عن السعه تحديدا
لاكن عن الجسور والمعابر والمداخل
وكلنا نتمنى ان تكون قطر هل الافضل

[.خالد]

كالعادة البلدية ما راح تنتبه لها الموضوع الا بعد ما يتوفى ٥٠٠ شخص ، الله يحفظ الجميع ...

اتمنى ان يكون تخطيط الشوارع في صلاحية الداخلية لانها اسرع وزارة في تعديل الاخطاء