استفسار :رايــح نـيـويــورك بـإذن اللــه . . .

[هجمة مرتدة]

صباح / مساء الثلوج والصعيق والجليد :shy:

رايحين -إن شاء الله- مع الأهل هاليومين إلى نيويورك . .

بنسكن في السنترال بارك . .

فندق سويتات تابع لسلسلة فنادق الأنتركونتينينتال . .

وين تنصحوننا نروح . .

مطاعم، مولات، شوارع تجارية، قهاوي مميزة، محلات معينة، أماكن ترفيهية . . الخ

مع الشكر

[هجمة مرتدة]

للرفع

[هجمة مرتدة]

مشكورين على المرور حياكم الله . . :)

[محامية قطر]

نيويورك كبيرة فيها أماكن سياحية كثيرة
تمثال الحرية
تايم سكوير
سينترال بارك
مبنى الامباير ستيت
سوث ستريت سي بورت
جسر بروكلين ومنهاتن
متحف Intrepid
مبنى الـUnited Nations
ChinaTown

اما الاسواق ..
فمعظمها شوارع فيها جميع المحلات والماركات ..
منها التايم سكوير
فيفث افنيو
لور ايست سايد
57th street
ماديسون افنيو ..

وتقدرون تزورون ولاية نيوجيرسي قريبه جدا مجرد تعبر جسر منهاتن
فيها مناطق خلابة وطبيعه حلوة
موفقين

[تفوق الوصف]

نيويوررك تجنن

انصحك بمطعم فندق نذرلاند في الفيفث افينيو جنب ابل ستور رهييييييييييب

وومطعم شيك شاك ومطعم chipotle لا تفووت البوريتو عندهم خيال & red lobestr
ومطعم تشيزكيك فاكتوري وومطااااااااعم كثيره والله اذا تذكرت بكتبها

والمحلات طبعا ااشهر محلين
اللي نفس هارودز بلندن

ذا ساكس وو الثاني نسيت اسمه بس هو مقابل الابل ستوور تقطع الاشاره يساار ووبتلقااه اشياءه رهيبه

وووومحل ام اند ام

[ريتويت]

خاااااااااااطري اروح نيويورك كم ساعه بالطياره؟؟؟

[حمد بن خالد]

14 ساعة عالقطرية


ولاتنسون تروحون رحلة بالهليكوبتر

سعر الشخص 244 دولار لمدة 20 دقيقة وجميلة جداً وتلف فوق الابراج وتمثال الحرية والجسور

:)

رحلة سعيدة بإذن الله وتروحون وتردون بالسلامة

:)

[قطر70]

نيويورك كبيرة فيها أماكن سياحية كثيرة
تمثال الحرية
تايم سكوير
سينترال بارك
مبنى الامباير ستيت
سوث ستريت سي بورت
جسر بروكلين ومنهاتن
متحف intrepid
مبنى الـunited nations
chinatown

اما الاسواق ..
فمعظمها شوارع فيها جميع المحلات والماركات ..
منها التايم سكوير
فيفث افنيو
لور ايست سايد
57th street
ماديسون افنيو ..

وتقدرون تزورون ولاية نيوجيرسي قريبه جدا مجرد تعبر جسر منهاتن
فيها مناطق خلابة وطبيعه حلوة
موفقين

كفت ووفت الاخت محامية قطر
وانصحك ماتزيد عن اربع ليالي في نيويورك

[قطر77]

نيويورك:

١- المطاعم العربيه تقع في منطقه كوينز ستين وي شارع كله مطاعم عربيه و شيش و من احين المطاعم في مطعم القدس و مطعم اليمن السعيد

٢- التسوق في شارع الماركات الففث افينيو كله ماركات و في اوت لت في منطقه بروكلين و التايم سكوير فيه مطهم ر وكسي لازم تجرب الفطور عندهم صح غالي بس يستحق التجربه

[مهرة]

ان شاءالله رحلة موفقة وسعيدة وأهم شي الأهل تفرحهم وتونسهم ولا ترد بخاطرهم شي .. وان شاءالله الأعضاء الكرام بيساعدووونك وبس اتردووون بالسلامة اتحفنا بالتقرير عشان نستفيد ونروح اذا الله راد..


موفقين يـــــــــــــــــارب ..

[المهندس عبدالعزيز]

الجو بارد جداً حالياً في نيويورك واوصيك تودي معاك ثياب شتوية (كأنك في ثلاجة)

وحاسب من المجرمين او تطلع في الليل متأخر وابتعد عن بعض الاحياء الفقيرة

وروح الشلالات اللي جرب كندا

[هدوء الليل]

حلووة نيورك حاطري اروح لها


بالتووفيق ..~

[clouds]

الجو بارد جداً حالياً في نيويورك واوصيك تودي معاك ثياب شتوية (كأنك في ثلاجة)

وحاسب من المجرمين او تطلع في الليل متأخر وابتعد عن بعض الاحياء الفقيرة

وروح الشلالات اللي جرب كندا

الشلالات يسكرونها بالشتا ويكسرون الدرج الخشب اللي فيها ويردون يبنونه كل سنه

[clouds]

احس نيويورك مايبيلها دلاله للسوق لان السوق في كل مكان فيف افنيو وماديسون افنيو والتايم سكوير كفايه وفيهم كل شي..واملطاعم في كل شبر
والاوت لت في اول بس حول ساعه الطريجمن منهان وايد حلو ويستاهل العنوه وفيه ماركات مثل فالنتينو وديور وغوتشي واغلب الماركات الفخمه
السنترال بارك حلوه بس عجبتني اكثر الحديقه اللي عند تمثال الحريه يمكن لان مثل الكورنيش وتتمشى عند البحر حبيتها...
الشوز اللي في نيويورك مايتفوتون..زاركانا وسبايدرمان وادامز فامل وغيرهم وايد رووووعه
المنطقه اللي على المارينا فيها مطاعم روعه واكشاك حلوه المنطقه تتغدى وعقب تتسوق فيها تسوق بسيط
كنا بنروح رحله الهلكوبتر بس كان مطر ومكنسلين الرحلات..اذا قدرت روح لها ماتتفوت
الباقي ذكروه الاعضاء ماله داعي ارد اذكره

[clouds]

على فكره من قطر لين نيويورك 12 ساعه مب 14 وفي الرده 11 ساعه وثلث