هل ممكن للنساء حضور عرضة الرجال وتخصيص قسم خاص لهم ؟؟

[بـــــــنت النوخـّــــذه]

18
ديسمبر 000 اليوم الوطني لدولة قطر

http://img72.imageshack.us/img72/9238/dsc00868mu1.jpg


يبذل الجميع في هذا اليوم مجهودا" للاحتفال باليوم الوطني لدولتنا الحبيبة قطر 00

وعلى هذا يساهم الجميع لأحياء التراث القطري الاصيل بإبراز جميع معالم ذلك التراث ليتناسب مع عاداتنا وتقاليدنا المتعارف بها000

اليوم وانا اتصفح الجريدة لفت انتباهي اعلان لدعوة الجميع لحضور (عرضة ) من العرضات المقامة في دولة قطر لإحدى العائلات 00 وقد كتب بخط مميز (يوجد اماكن مخصصة للنساء)


سؤالي:

هل قديما كان فعلا" هنالك اماكن مخصصة للنساء بالعرضات الرجالية؟؟

ايهما الاصح في حالة وجود اماكن مخصصة للنساء قول (عرضه ) ام مهرجان احتفالي بمناسبة اليوم الوطني ؟؟؟

سؤال بريئ واتمنى الاستفاده من خبرات البعض من ناحية المسمى و متطلباته !!! بما اننا دولة نحب احياء التراث الاصيل

واتمنى عدم التطرق لذكر اسماء قبائل 00فقط الاكتفاء بالتوضيح بما تم طرحة بالموضوع

ودامت دياركم عامره بالافراح والمسرات ياديرتي قطر

دمتم سالمين

[ريتويت]

انا استغرب من الحريم اقصد ( الانسات والسيدات ) ارجوكم لا تحشرون عمركم في كل شي

ليش تحرجون نفسكم ليش؟؟؟

[الـقـاسـي]

ماتوقع المسمى بياثر لان الحريم مراح يشاركون بيكونون متفرجين ..

مادري امس كنا نتناقش في هالشي واحنا قاعدين نرتب مكان احتفالانا بحيث انه لوحطينا مكان حق الحريم مراح ينفع نهائيا لانه لازم بيكون في اختلاط وهو غير مقبول بتاتا
الحريم مراح يجون عشان يقعدون في خيمه مسكره بيجون عشان يشوفون الاحتفال في فعاليات داخل الخيمه الرئيسيه وفي فالساحة فـ ماينفع اصلا يكون في مكان محدد حق الحريم

اولا ماتظمنين ضعفاء النفوس وحركاتهم
ثانيا محد بقادر ياخذ راحته
بتكثر الحركات الاستعراضيه واللي مالها معنى

فالاحسن يشوفون الفعاليات فبيوتهم او ممكن قناه الدوحة تنقل مقتطفات من الحفلات المقامه مباشر احسن حل

[الـقـاسـي]

ماتوقع المسمى بياثر لان الحريم مراح يشاركون بيكونون متفرجين ..

مادري امس كنا نتناقش في هالشي واحنا قاعدين نرتب مكان احتفالانا بحيث انه لوحطينا مكان حق الحريم مراح ينفع نهائيا لانه لازم بيكون في اختلاط وهو غير مقبول بتاتا
الحريم مراح يجون عشان يقعدون في خيمه مسكره بيجون عشان يشوفون الاحتفال في فعاليات داخل الخيمه الرئيسيه وفي فالساحة فـ ماينفع اصلا يكون في مكان محدد حق الحريم

اولا ماتظمنين ضعفاء النفوس وحركاتهم
ثانيا محد بقادر ياخذ راحته
بتكثر الحركات الاستعراضيه واللي مالها معنى

فالاحسن يشوفون الفعاليات فبيوتهم او ممكن قناه الدوحة تنقل مقتطفات من الحفلات المقامه مباشر احسن حل

[بـــــــنت النوخـّــــذه]

انا استغرب من الحريم اقصد ( الانسات والسيدات ) ارجوكم لا تحشرون عمركم في كل شي

ليش تحرجون نفسكم ليش؟؟؟

سؤال وجيه :

لماذا يحشرن وجوههن نون النسوه في العرضات 0000

[بـــــــنت النوخـّــــذه]

[


من وجهة نظري ارى انه لا يجوز اختلاط النساء بالرجال خاصة في العرضات او السامري
وذالك لما قد يتسبب بنزول بعض من النساء المصابات بالزار لا شعورياً الى وسط حفل الرجال وهذا قد يسبب مشاكل وفتن

لا

مهب اختلاط

يوجد اماكن خاصة للنساء منعزلة عن الرجال 000في القسم الخاص بالعرضه

بس العرضه تكون هادية جدا" فماظنتي بتساهم على تحفيز الحواس للتفاعل ليحدث الاستنزال لان العرضات اغلبها مافيها سامري هههه

عموما انا اتكلم باماكن خاصه هل هي فعلا" كانت موجوده قديما" من ضمن تراثنا المختص بالعرضه 000

دمتم سالمين

[AL-MAYSTRO]

هههههههههههههههههههه

اماااا تستنزل وحده في عرضه

[بـــــــنت النوخـّــــذه]

ماتوقع المسمى بياثر لان الحريم مراح يشاركون بيكونون متفرجين ..

مادري امس كنا نتناقش في هالشي واحنا قاعدين نرتب مكان احتفالانا بحيث انه لوحطينا مكان حق الحريم مراح ينفع نهائيا لانه لازم بيكون في اختلاط وهو غير مقبول بتاتا
الحريم مراح يجون عشان يقعدون في خيمه مسكره بيجون عشان يشوفون الاحتفال في فعاليات داخل الخيمه الرئيسيه وفي فالساحة فـ ماينفع اصلا يكون في مكان محدد حق الحريم

اولا ماتظمنين ضعفاء النفوس وحركاتهم
ثانيا محد بقادر ياخذ راحته
بتكثر الحركات الاستعراضيه واللي مالها معنى

فالاحسن يشوفون الفعاليات فبيوتهم او ممكن قناه الدوحة تنقل مقتطفات من الحفلات المقامه مباشر احسن حل

يعني اخوي القاسي كانت عندكم النيه في تخصيص قسم للنساء في عرضة قبيلتكم !!!

يعني كان هناك خطه مدروسه لتخصيص تلك الاماكن ولا مجرد مناقشات في حاله حدوث كذا بيحدث كذا 000

عموما كذلك بغيت اعرف هل العرضات قديما" كان يخصص فيها اماكن للنساء 00

دمتم سالمين

[ريتويت]

هههههههههههههههههههه

اماااا تستنزل وحده في عرضه

ياكثرهن بالسعوديه وزار واستنزال الرجال والحريم بالعرضات والحفلات الخاصه
والله شي محرج ومخزى لابعد درجه

حسبي الله ونعم الوكيل

[مسك روز]

انا ماخبر قديما يعني من 30 او 40 سنه كان فيه مكان مخصص للنساء !!


انا ارفض رفض قاطع ..


( وجهة نظري )

[الـقـاسـي]

يعني اخوي القاسي كانت عندكم النيه في تخصيص قسم للنساء في عرضة قبيلتكم !!!

يعني كان هناك خطه مدروسه لتخصيص تلك الاماكن ولا مجرد مناقشات في حاله حدوث كذا بيحدث كذا 000

عموما كذلك بغيت اعرف هل العرضات قديما" كان يخصص فيها اماكن للنساء 00

دمتم سالمين

لا لا لا ماكان فيه نيه لكن واحنا قاعدين امس تكلم واحد وقال لو الحريم يبون يشوفون العرضات والاحتفال شلون بيشوفونه فـ صار كلام حول الموضوع انه شلون لو يبون يشوفون او يحضرون فالنهايه الجميع اتفق انه ماتنفع نهائيا

[.Q a T a R.]

اختي بنت النوخذه

ترك الي مايعنيج فايده

بعد هذا الي بقى الحريم في العرضه وبعد طم سنه نشوفها قابظه السيد وتحيل بعد

مابقى الى هذا المجال مادخلتوا فيه

[أجودية]

هلا اختي الغالية بنت النوخذة ... اهلنا كانوا يقولون ان الحريم كانوا يشوفون عرضات العيد فقط ... ويوقفون بعيد عن مكان الرجال ... ويالله من فضلك عليهم ...

[شويهينــه]

اختي بنت النوخذه

ترك الي مايعنيج فايده

بعد هذا الي بقى الحريم في العرضه وبعد طم سنه نشوفها قابظه السيد وتحيل بعد

مابقى الى هذا المجال مادخلتوا فيه

والله مانستبعد هالشي
والا من كان يتخيل ان البنات يستعرضون مع الشباب في المسيره:rolleyes2:


الله يستر عالجميع

[شويهينــه]

نسيت اقول رائي

انا اشوف انه ماله داعي الاماكن المخصصه للنساء

العرضه للرجال فقط

واللي تبي اتشوف تحط على قناة قطر توهم الحين ناقلين عرضة بني تميم مباشر

[qatara]

عرضه ولا يووووووووووووووووووله

يوجد ببعض الدول المجاوره خلط في حفلاتهم لاكن ليست العرضه النجديه (الرزيف )

لا لها مسميات اخرا وكل وله رقصته او عرضته

[بـــــــنت النوخـّــــذه]

ياكثرهن بالسعوديه وزار واستنزال الرجال والحريم بالعرضات والحفلات الخاصه
والله شي محرج ومخزى لابعد درجه

حسبي الله ونعم الوكيل

:eek5:

اول مره اعرف بالسعوديه خلط بالعرضات

عموما قلنا نبتعد اشوي عن ذكر اسماء لبلدان وقبائل ^_^

[بـــــــنت النوخـّــــذه]

انا ماخبر قديما يعني من 30 او 40 سنه كان فيه مكان مخصص للنساء !!


انا ارفض رفض قاطع ..


( وجهة نظري )

اي

دائما" الاحتفالات الوطنية بديرتنا قطر يكون فيها لمسات تراثية 00فلما شفت هذا الاعلان لاحدى القبائل قلت سبحان الله يمكن كان جذيه !!! وحبوا يعيدون بعض من تراثنا العريق قديما"

اهههه

منوره حبيبتي مسك روز ^_^

[بـــــــنت النوخـّــــذه]

[


لا لا لا ماكان فيه نيه لكن واحنا قاعدين امس تكلم واحد وقال لو الحريم يبون يشوفون العرضات والاحتفال شلون بيشوفونه فـ صار كلام حول الموضوع انه شلون لو يبون يشوفون او يحضرون فالنهايه الجميع اتفق انه ماتنفع نهائيا

والنعم فيكم

اعتقد لو على الشوف فــــــ كل قبيلة فيها كاميرات تصوير كاملة التجهيزات

بشاشه كبيرة 00 ممكن بعد الحفل يطلبون افراد القبيلة من القائم بعملية التصوير اعداد cd او افلام نسخ عديده من العرضه حتى يتوزع عليهم ويشوفون عيالهم واهلم وناسهم وفرحتهم بالعرضه ^_^

الله يديم الافراح والمسرّات على ديرتنا قطر

[بـــــــنت النوخـّــــذه]

اختي بنت النوخذه

ترك الي مايعنيج فايده

بعد هذا الي بقى الحريم في العرضه وبعد طم سنه نشوفها قابظه السيد وتحيل بعد

مابقى الى هذا المجال مادخلتوا فيه

اههههههه

شكلك فاهم الموضوع اني ابغي اروح العرضه وارتز خلف الخيمه بقسم خاص ^_^

هو استفسار لإعلان لفت انتباهي بالجريده وكنت خايفة من خلاله لا تصير موضه في السنوات القادمه وموروث اصيل ^_^

خل بالاول يودوني معرض الكتاب الي احن عليهم فتره عشان يودوني عرضة الرياييل
دمتم سالمين

[بـــــــنت النوخـّــــذه]

[
هلا اختي الغالية بنت النوخذة ... اهلنا كانوا يقولون ان الحريم كانوا يشوفون عرضات العيد فقط ... ويوقفون بعيد عن مكان الرجال ... ويالله من فضلك عليهم ...







معلومه مهمه مشاركة النساء للرجال من خلف الاسوار ^_^

ولاتنسين ان قبل كان فيه عادات وتقاليد تحكم لباس المرأه اثناء الخروج عكس ايامنا هذي

صحيح كلامج بس الحين اعتقد فيه كاميرات تصوير ممكن تفي بالغرض 00يعني بنسخ افلام لتصوير العرضه ومنها يشوفونها الحريم ببيوتهم 00

دانه منوره الموضوع

[بـــــــنت النوخـّــــذه]

والله مانستبعد هالشي
والا من كان يتخيل ان البنات يستعرضون مع الشباب في المسيره:rolleyes2:


الله يستر عالجميع

مو هذي المشكله الخوف ليكون اليوم حركه وبكره عاده والي بعده موروث يتوارثه الاجيال حضور النساء عرضة الرجال حتى تكتمل الاصاله بإحياء تراثنا :)




نسيت اقول رائي

انا اشوف انه ماله داعي الاماكن المخصصه للنساء

العرضه للرجال فقط

واللي تبي اتشوف تحط على قناة قطر توهم الحين ناقلين عرضة بني تميم مباشر



صحيح القنوات ماقصرت

وغير ان كل قبيلة معينه يوجد تصوير بكاميرات فيديوا ممكن عمل نسخ بعد العرضه لكل افراد القبيلة 00^_^

شويهينه سعيده بمداخلتج

[بـــــــنت النوخـّــــذه]

عرضه ولا يووووووووووووووووووله

يوجد ببعض الدول المجاوره خلط في حفلاتهم لاكن ليست العرضه النجديه (الرزيف )

لا لها مسميات اخرا وكل وله رقصته او عرضته


انا اشوف العرضه مختصه بالرجال 000حتى بمجرد ذكر ان يوجد مكان مخصص للنساء بالعرضه الشخص يستعجب عرضه + مكان مخصص للنساء !!!!!! *_*

اتمنى ما تكون هالحركة موروث يتوارثه الاجيال في السنوات القادمة اثناء احياء العرضات التراثيه الاصيلة


سعيده بمداخلتك كتارا

[qatara]

انا اشوف العرضه مختصه بالرجال 000حتى بمجرد ذكر ان يوجد مكان مخصص للنساء بالعرضه الشخص يستعجب عرضه + مكان مخصص للنساء !!!!!! *_*

اتمنى ما تكون هالحركة موروث يتوارثه الاجيال في السنوات القادمة اثناء احياء العرضات التراثيه الاصيلة


سعيده بمداخلتك كتارا

والله لا نستبعد بعد فتره من بعضهم يطالب بالخلط
او ان يسوي عرضه نسائيه بحجه ان النساء قديما شاركن في الحروب
باسم المساوواه
قمنا نشوف كل عجيب وكل مستنكر

تقبلي مروري مرة اخرى

[غرِيبهـ]

الفسكرة اسال الوالدة

تقول قديماً مافيه الحريم قابضين بيوتهم
والعرضات للرجاجيل بس

الخوف من بكرة و تطور الموضوع

[كازانوفا]

المشكله بيكون فيها اذى للنساء من قبل المراهقين بس لا اكثر ولا اقل

[بوعلي2]

النساء ورانا ورانا بكل مكان هههههههه

من وجهة نظري مافي مشكله يرزفون مع بعض => بينطرد شكله

فمان الله هههههههه

[لاجل QT]

ماقط سمعنا قبل عن وجود النساء في العرضات يتفرجن ان لهم اماكن مخصصة...كان كل زوج يحمل زوجتة مستورة ومحتشمة وعيالة في السيارة ويوقفون السيارة مكان العرضة ويتفرجون وهم داخل السيارة بسسسس

ماانصح يسون مكان مخصص للنساء في العرضات ..حق المنكر والفتن ..ناقصين بلاوى..


معروف منذ القدم ان العرضات للرجال فقط نتمنى يستمر هالشي

غير ان الاختلاط حرام

[qatarairways2]

يا زمان العجايب وش بعد ما ظهـر
كل ما قلت هانت جـد علـمٍ جديـد
إن حكينا ندمنـا وإن سكتنـا قهـر
بين قلبٍ عطيب وبيـن راس عنيـد



"خالد الفيصل"

[المفترسه]

انتي من صجج هههههههههههه
عيب شيودينا هالاماكن مب لنا
اقعدوا في البيت استرلكم واستانسوا

[مسك روز]

النساء ورانا ورانا بكل مكان هههههههه

من وجهة نظري مافي مشكله يرزفون مع بعض => بينطرد شكله

فمان الله هههههههه

ههههههههههههههه


تخيلت شكلهم

[وافق شنن طبقة]

والله لو يحطون محل العرضات السنه الجايه في مركز بوسمرة محنا بسالمين منكم


شوفو العرضة فالبيت الله يستر عليكم فتاه فتاه

[بـــــــنت النوخـّــــذه]

والله لا نستبعد بعد فتره من بعضهم يطالب بالخلط
او ان يسوي عرضه نسائيه بحجه ان النساء قديما شاركن في الحروب
باسم المساوواه
قمنا نشوف كل عجيب وكل مستنكر

تقبلي مروري مرة اخرى

كل شي جائز ولذلك انقولك كل ماهو مختص للرجال الحريم يستريحون في بيوتهم اهههه باللغه العاميه 000 مانبغي عادات دخيله بهدف ان قديما وايام الغوص وايام االارض جو وهالكلام 000

وحياك الموضوع موضوعكم



الفسكرة اسال الوالدة

تقول قديماً مافيه الحريم قابضين بيوتهم
والعرضات للرجاجيل بس

الخوف من بكرة و تطور الموضوع


الله يعطيها طولة العمر صحيح كلامها

بس الي مهب صحيح الاعلان اليوم بالجريده الي اثار استعجابي وفضولي بوجود مكان مخصص لنساء في عرضة الرجال :whistling:



المشكله بيكون فيها اذى للنساء من قبل المراهقين بس لا اكثر ولا اقل


بصرف النظر عن الاذى اساسا لو اتفكرين فيها عرضه + مكان مخصص لنساء اتحسينها مسرحيه اطفال مهب عرضه :secret:

الشي الي على اصوله على اصوله مانبغي عادات دخيله


النساء ورانا ورانا بكل مكان هههههههه

من وجهة نظري مافي مشكله يرزفون مع بعض => بينطرد شكله

فمان الله هههههههه


تخيل وحده من ورى الحاجز اتشوف زوجها يرزف على الشاشه وتشتط اتيبب واخزياه :tease:

عموما اكرر مانبغي عادات دخيله في العرضات لو تكرم المعنيين غيروا الاسم الى مهرجان الاغنيه بمناسبة اليوم الوطني لقبيلة فلان

دمتم سالمين



ماقط سمعنا قبل عن وجود النساء في العرضات يتفرجن ان لهم اماكن مخصصة...كان كل زوج يحمل زوجتة مستورة ومحتشمة وعيالة في السيارة ويوقفون السيارة مكان العرضة ويتفرجون وهم داخل السيارة بسسسس

ماانصح يسون مكان مخصص للنساء في العرضات ..حق المنكر والفتن ..ناقصين بلاوى..


معروف منذ القدم ان العرضات للرجال فقط نتمنى يستمر هالشي

غير ان الاختلاط حرام


هلا والله وينج انتي مالج حس


المهم 00 كلامج صحيح واكرر مانبغي عادات دخيله في العرضات
نبغي الترثا الاصيل يتم كما هو كما عهدناه 00لامكان مخصص للاطفال ولا النساء

دمتم سالمين
يا زمان العجايب وش بعد ما ظهـر
كل ما قلت هانت جـد علـمٍ جديـد
إن حكينا ندمنـا وإن سكتنـا قهـر
بين قلبٍ عطيب وبيـن راس عنيـد



"خالد الفيصل"

هالله الله

صح السان الشاعر وسلمت يمينك

[R 7 A L]

عيـــــب

[ريم الشمال]

بنت النوخذه شلونج
اقول مدام بسون حق حريمهم قسم في عرضتهم بعد يسون لهم حريمهم مكان في مراداتهم وبجذيه كملت
الله يستر علينا من الفناتق

ريم الشمال

[التيما]

مادري نسوي هالشي السنة الجاية نحاس بس في هالردود اللي مالها داعي !!
من حقنا يكون لنا مكان ويحطون لنا خيمة وكراسي وكلن بيحترم نفسه خاصة انهم اهل وقبيلة وحدة .. شكلي باقترح عليهم هالموضوع .. وفعلا قبل كانوا الحريم يسون هالشي فلا حد يتفلسف .. *

[مستر قطر]

هههههههاي
هذا الي ناقص تسون لكم عرضه بعد
ماقول غير الله يهديكم

[دااانة قطر]

من وجهة نظري ارى انه لا يجوز اختلاط النساء بالرجال خاصة في العرضات او السامري
وذالك لما قد يتسبب بنزول بعض من النساء المصابات بالزار لا شعورياً الى وسط حفل الرجال وهذا قد يسبب مشاكل وفتن



مب كفاايه في الأعرااس بعد في العاارضات


النساء ورانا ورانا بكل مكان هههههههه
من وجهة نظري مافي مشكله يرزفون مع بعض => بينطرد شكله
فمان الله هههههههه

شفت شلون مايبون يفكونكم



بنت النوخذه وين الاعلااان طاال عمرج؟؟

[بـــــــنت النوخـّــــذه]

انتي من صجج هههههههههههه
عيب شيودينا هالاماكن مب لنا
اقعدوا في البيت استرلكم واستانسوا


ههههههههه

لاتضحكين السنوات القادمة ستصبح تلك الحركه عاده من عادات التراث العريق حضور النساء عرضة الرجال



والله لو يحطون محل العرضات السنه الجايه في مركز بوسمرة محنا بسالمين منكم


شوفو العرضة فالبيت الله يستر عليكم فتاه فتاه


لا ليش يلحقونكم بوسمره 00

ياخوفي تستوي عاده وكلن يطبقها اثناء الاحتفال والعرضه



عيـــــب


جزيت خيرا":nice:




بنت النوخذه الله يستر علينا من الفناتق

ريم الشمال

ريومه الشمال صلي على النبي بس ياخوفي تستوتي عاده متوارثه السنوات القادمه

الحين نضحك ونستنكر وبعدها تدخل من ضمن التراث على قوله الفاضل كتارا كل شي استدلو به بالقصص القديمه وقالواا كان قديما " 0000

انا كنت افضل في حاله حضور النساء عرضة الرجال يستبدل اسم عرضه إلى مهرجان الاحتفال باليوم الوطني



مادري نسوي هالشي السنة الجاية نحاس بس في هالردود اللي مالها داعي !!
من حقنا يكون لنا مكان ويحطون لنا خيمة وكراسي وكلن بيحترم نفسه خاصة انهم اهل وقبيلة وحدة .. شكلي باقترح عليهم هالموضوع .. وفعلا قبل كانوا الحريم يسون هالشي فلا حد يتفلسف .. *


اي اقترحي اختي الفاضله محد ماسكج بالعكس نشجع إقامة المهرجانات الوطنيه بحضور الاطفال والاسرة :nice:ا

بس العرضات خلوها على جنب حلوه تكون مثل ماهي عليه (ذات طابع خاص )^_^

دمتم سالمين




هههههههاي
هذا الي ناقص تسون لكم عرضه بعد
ماقول غير الله يهديكم



لا تعال
مهب يسون عرضه للحريم لالالا إلا بيكونون الحريم معاكم خلف الاسوار وراكم وراكم

يعني قسم خاص بالعرضه للنساء ^_^


عموما نتمنى ان تحتفظ العرضه باصالتها كما هي




مب كفاايه في الأعرااس بعد في العاارضات



شفت شلون مايبون يفكونكم



بنت النوخذه وين الاعلااان طاال عمرج؟؟

اليوم الجريد ه ليش ناويه اتروحين اههههههههههههه

عموما الهدف من الموضوع هو ان ماودنا تدخل عادات دخيله على العرضه الخاصة (بالرجال )

حتى لاتصبح عاده ومنها يتوارثها الاجيال000

للكل له الحق بالاحتفال باليوم الوطني ولكن التراث يجب ان يتم كما اعتدنا عليه ^_^

دمتم سالمين

[اسعاف]

بنت النوخذه شلونج
اقول مدام بسون حق حريمهم قسم في عرضتهم بعد يسون لهم حريمهم مكان في مراداتهم وبجذيه كملت
الله يستر علينا من الفناتق

ريم الشمال

سبحان الله

قلتي الي ابا آقوله

حج انتي شماليه اصيلة

[بومحمد911]

هوزلت

[اسعاف]

مادام إتقولين
( سؤال بريئ واتمنى الاستفاده من خبرات البعض من ناحية المسمى و متطلباته !!! بما اننا دولة نحب احياء التراث الاصيل)

اقعدي في البيت ابرك لج

[بـــــــنت النوخـّــــذه]

سبحان الله

قلتي الي ابا آقوله

حج انتي شماليه اصيلة

حج ؟؟

خلك من اصلي وتقليد وركز على الهدف


هوزلت

اي والله هزولت

مادام إتقولين
( سؤال بريئ واتمنى الاستفاده من خبرات البعض من ناحية المسمى و متطلباته !!! بما اننا دولة نحب احياء التراث الاصيل)

اقعدي في البيت ابرك لج


رد ريوس واقرى الموضوع مره ثانيه وافهم المقصد من وراءه ^_^

مهب زين الشخص يشتط بدون لايقرى الرودو كلها والموضوع وماوراءه من مقصد

[رأس بروق]

- صحيح اختي بنت النوخذه من العام كانت بعض القبائل تخصص اماكن للعائلات عندهم ومن اشهرها التي غناء فيها محمد عبده ليومك تسمع شيله عرضه سعوديه ومن ثم تسمع ديجيه اشلون مادري :omg:
- اما بخصوص النساء كانت النساء تحضر عرضات الرجال وتشوف ارزفه وتسمع شيلات العرضه وتشوف استعراض الخياله وتحديهم ،ومعظم العيايز تحفظ الشيلات والقصيد وليومك يذكرون حتى اماكن العرضه في وين . :victory:

واليوم البنات حافظين داري تميمي حمد سامعينها بالعرس وياليت حافظينها كامله بعد ..... ســـــــلام

[محامية قطر]

من وجهة نظري بالعكس هي فكرة جيده
ممكن تخصص خيم منفصله كبيره للنساء مع شاشات عرض كبيرة لنقل الفعاليات فقط
ليش لا خلوهم يروحون يتجمعون ويا بعض النساء يستانسون بدل جعدة البيت
بحيث يكون مدخلهم منفصل عن الرجال ولا ينكشفون على الرجال

وجهة نظر

[بـــــــنت النوخـّــــذه]

- صحيح اختي بنت النوخذه من العام كانت بعض القبائل تخصص اماكن للعائلات عندهم ومن اشهرها التي غناء فيها محمد عبده ليومك تسمع شيله عرضه سعوديه ومن ثم تسمع ديجيه اشلون مادري :omg:
- اما بخصوص النساء كانت النساء تحضر عرضات الرجال وتشوف ارزفه وتسمع شيلات العرضه وتشوف استعراض الخياله وتحديهم ،ومعظم العيايز تحفظ الشيلات والقصيد وليومك يذكرون حتى اماكن العرضه في وين . :victory:

واليوم البنات حافظين داري تميمي حمد سامعينها بالعرس وياليت حافظينها كامله بعد ..... ســـــــلام

حلو بس في حالة حضور مطربين يسمى مهرجان لليوم الوطني 000 بس اسم عرضه !!!!

ممكن لو كانت على مسرح كبير وبه فعاليات متنوعه معليه يخصص قسم للنساء

وفعلا قديما كان فيه حضور للأسر لان مافي حزتها وسائل اعلام وتلفزيونات وكاميرات

الحين ولله الحمد كل شي متوفر ممكن نتابعته بدون حضور وغير ان الوضع تغيير من حيث اللبس وووووو0000الخ

ف المقصد هو ان تظل العرضه كما هي عرضه للرجال احتفال خاص بالرجال

وان كان ولا بد حضور النساء والاطفال 000 الاسم المناسب هو مهرجان او احتفالية باليوم الوطني ^_^

دمتم سالمين

[بـــــــنت النوخـّــــذه]

[

من وجهة نظري بالعكس هي فكرة جيده
ممكن تخصص خيم منفصله كبيره للنساء مع شاشات عرض كبيرة لنقل الفعاليات فقط
ليش لا خلوهم يروحون يتجمعون ويا بعض النساء يستانسون بدل جعدة البيت
بحيث يكون مدخلهم منفصل عن الرجال ولا ينكشفون على الرجال

وجهة نظر

تمام

هذا الي ابغي اوصله كلمة فعاليات متنوعه

لكن هذه (عرضه) والعرضه المتعارف عليها خيمه خاصه للرجال وتتم داخلها او خارجها العرضه (الرزيف ) مع وجود خيول وابل في نفس المكان 000

يعني الي ابغي اوصله هو الطابع الخاص الي اعتدنا عليه (للعرضه ) والمهرجانات والفعاليات المتنوعه اعتدنا على تواجد الناس والاطفال والرجال ووووو

الهدف من الموضوع هو المحافظه على الصوره التي اعتدنا عليها للعرضه نريدها كما هي
شرفني مرورك عزيزتي محامية

[A l i]

والله يابنت النوخذه اول كانو الحريم يجون يشوفون العرضات عادي بس بعيد عن الرجال
انا اقول .. لو كان في خيام بروحهم مب خلط طبعا وهاذا اللي انا شفته في بعض العرضات
خيمه بروحها مخصصه لهم ويوجد فيها شاشات بعيد عن خيمه الرجال
بس انا اللي اشوفه صراحه ماله داعي :)
شكرا عالطرح

[قطريه فلته]

النسوان بيدزوون وجيهم في كل مكان لين يحرقون الدنيا وعقبها بيقولون ماعندنا رياييل يوجهونا

[تاج المراجل]

حريـم دايم يحشروا انفسهم في اماكن حتى مالهم شغـل فيها ، شلون بالله يحددون مكان خاص بالنساء ،
وسط كاميرات ، وتصاوير ، وافرضي لو طلعت صوره وحده ، وقالوا هذه من القبيله الفلانيه ، شراح يكون موقفج ، هذه اماكن خاصه بالرجال مال الحريم اي شغـل فيها ، تقعد تابع في بيتها وتستريح وتحصل من الله خيـر ، رجاءا :nice:

[دلة الرسلان]

اتابع برنامج عرضة هل قطر على برنامج درب الساعي وكان الأخ مطر البادي المحكم يقول

أن مشاركة الحريم سابقا كانت موجودة في العرضات كمشاهدات من فوق السطح أو من وراء

عازل لأن في العرضة ولدها وأخوها وزوجها .

أخبر أهلنا كانوا يحزبون ويرزفون يا في البراحة بين البيوت أو في حوش بيوتنا أيام العيد

ويوم الجلوس وحتى يوم الأستقلال وكنا صغار ومعنا أمهاتنا والحريم الكبار نحضر هاذي

المناسبات بس كانت عائلية جدا ما فيها غريب .

طبعا ما أفضل حضور الحريم مثل هذه الفعاليات بشكل مباشر أذا كان لابد تحضرها من

سيارتها وبسترها .

[Nojoom]

في السابق كانت الحياة بسيطه وكانت هناك بعض العادات التي انقرضت هذه الايام

وليس كل هالعادات جيد ويناسب هذا الوقت

قد يكون مناسب بوقتهم ولزمنهم اما الان لا . ففي السابق كانوا اكثر عفوية وكانوا كذالك يجهلون امور كثيرة في الدين


وكذالك في السابق يسترون على البنت اما الان والله اي بنت تتعرض لموقف شفتهم يصورونها وينشرونها في كل مكان


*

[qatara]

انا اشوف مافيها شي لو يشاركون بعضهم يعني مب مسوين شي غلط
والي بيغلط نرفع عليه شكوى عند حدا العجايز تكون موجوده متخصصه للفصل بينهم

ولو يناقزون يرزفون وبدون دفاف شي طيب نعتبره تطور

اهم شي النيات نظيفه جدا جدا وصافيه

هههههههههههههههههههههههههههههههههههههههههههههههههه

قمنا نسمع ونشوف عادات وامور دخيله علينا
ما نقول الا الله سترك فيما بقي لنا من عمر

[بـــــــنت النوخـّــــذه]

والله يابنت النوخذه اول كانو الحريم يجون يشوفون العرضات عادي بس بعيد عن الرجال
انا اقول .. لو كان في خيام بروحهم مب خلط طبعا وهاذا اللي انا شفته في بعض العرضات
خيمه بروحها مخصصه لهم ويوجد فيها شاشات بعيد عن خيمه الرجال
بس انا اللي اشوفه صراحه ماله داعي :)
شكرا عالطرح

طيب اشله ما يصورون العرضه بسي دي وثاني يوم يشوفونه اشله هالعباله رايحن وحاطين خيمه خاصه وشاشه بس جالسين على كراسي يطالعون 00

لو فيه فعاليات اخرى وانشطه نفس درب الساعي بنقول معليه00 اما وجودهم بهذي الطريقه مامنه هدف صراحه

سعيده بمداخلتك


النسوان بيدزوون وجيهم في كل مكان لين يحرقون الدنيا وعقبها بيقولون ماعندنا رياييل يوجهونا

اهههههههههههههههههههههه 00تبين الصج ساعات الرياييل هم يدزون النسوان هذا العجب في المشكله



حريـم دايم يحشروا انفسهم في اماكن حتى مالهم شغـل فيها ، شلون بالله يحددون مكان خاص بالنساء ،
وسط كاميرات ، وتصاوير ، وافرضي لو طلعت صوره وحده ، وقالوا هذه من القبيله الفلانيه ، شراح يكون موقفج ، هذه اماكن خاصه بالرجال مال الحريم اي شغـل فيها ، تقعد تابع في بيتها وتستريح وتحصل من الله خيـر ، رجاءا :nice:

:nice:

هذا الي نقوله 00

وغير جذيه العرضه نبغيها كما هي دون عادات دخيله 000


اتابع برنامج عرضة هل قطر على برنامج درب الساعي وكان الأخ مطر البادي المحكم يقول

أن مشاركة الحريم سابقا كانت موجودة في العرضات كمشاهدات من فوق السطح أو من وراء

عازل لأن في العرضة ولدها وأخوها وزوجها .

أخبر أهلنا كانوا يحزبون ويرزفون يا في البراحة بين البيوت أو في حوش بيوتنا أيام العيد

ويوم الجلوس وحتى يوم الأستقلال وكنا صغار ومعنا أمهاتنا والحريم الكبار نحضر هاذي

المناسبات بس كانت عائلية جدا ما فيها غريب .

طبعا ما أفضل حضور الحريم مثل هذه الفعاليات بشكل مباشر أذا كان لابد تحضرها من

سيارتها وبسترها .


صحيح كلامه ولاننسى ان قبل ماكان في وسائل الاعلام ونقل وتصوير 00

يعني ممكن نسخ نسخه من تصوير العرضه وتوزيعه على ابناء القبيله يكفي عن حضور الحريم العرضه 000

المشكله ان مانبغي عادات كانت سابقه موجوده بطريقه عفويه يرجعونها هالزمن بطريقه مبالغ فيها سلبيتها اكثر من ايجابياتها لدرجه ممكن الشخص يستنكر عرضه + حضور حريم !!!!

يال العجب

سعيده بمداخلتج


في السابق كانت الحياة بسيطه وكانت هناك بعض العادات التي انقرضت هذه الايام

وليس كل هالعادات جيد ويناسب هذا الوقت

قد يكون مناسب بوقتهم ولزمنهم اما الان لا . ففي السابق كانوا اكثر عفوية وكانوا كذالك يجهلون امور كثيرة في الدين


وكذالك في السابق يسترون على البنت اما الان والله اي بنت تتعرض لموقف شفتهم يصورونها وينشرونها في كل مكان


*


احسنت 000:victory:


انا اشوف مافيها شي لو يشاركون بعضهم يعني مب مسوين شي غلط
والي بيغلط نرفع عليه شكوى عند حدا العجايز تكون موجوده متخصصه للفصل بينهم

ولو يناقزون يرزفون وبدون دفاف شي طيب نعتبره تطور

اهم شي النيات نظيفه جدا جدا وصافيه

هههههههههههههههههههههههههههههههههههههههههههههههههه

قمنا نسمع ونشوف عادات وامور دخيله علينا
ما نقول الا الله سترك فيما بقي لنا من عمر

:eek5:

اكملت

[qatara]

:eek5:

اكملت

:tease:

[Red rose]

:eek5:

[شمس2]

تونا رادين من شارع الرفاع اليديد ومتفرجين على العرضات واحنا في السياره :nice:
الامور طيبه يعني ما نزلنا بس تفرجنا :shy: يعني وناسه مع اليهال تغيير جو ؛ احنا الحمدلله عاقلين وفاهمين :nice: وطبعا وايد مثلنا :victory: بس غيرنا مينن :rolleyes2:
مثل ما قال البعض اول شي في السياره وشوي شوي ينزلون والله يستر من الباقي ..

[ريتويت]

حريـم دايم يحشروا انفسهم في اماكن حتى مالهم شغـل فيها ، شلون بالله يحددون مكان خاص بالنساء ،
وسط كاميرات ، وتصاوير ، وافرضي لو طلعت صوره وحده ، وقالوا هذه من القبيله الفلانيه ، شراح يكون موقفج ، هذه اماكن خاصه بالرجال مال الحريم اي شغـل فيها ، تقعد تابع في بيتها وتستريح وتحصل من الله خيـر ، رجاءا :nice:

:victory::victory::victory:

[ALRAYYAN]

لا تعليق صراحه

[OREO]

اذا اتفقتوا على مشاركة النساء ،، خبروني ماعليكم امر عشان بالمره اجيب النطاطيه ...

[بـــــــنت النوخـّــــذه]

:eek5:



:nice:


تونا رادين من شارع الرفاع اليديد ومتفرجين على العرضات واحنا في السياره :nice:
الامور طيبه يعني ما نزلنا بس تفرجنا :shy: يعني وناسه مع اليهال تغيير جو ؛ احنا الحمدلله عاقلين وفاهمين :nice: وطبعا وايد مثلنا :victory: بس غيرنا مينن :rolleyes2:
مثل ما قال البعض اول شي في السياره وشوي شوي ينزلون والله يستر من الباقي ..

:nice:


:victory::victory::victory:

:)


لا تعليق صراحه


:)


اذا اتفقتوا على مشاركة النساء ،، خبروني ماعليكم امر عشان بالمره اجيب النطاطيه ...

:funny:

[بـــــــنت النوخـّــــذه]

:eek5:

اكملت

:tease:

:)

اول موضوع نتفق فيه انا وانت ^_^

[بوعبدالعزيز999]

لا لا لا

والف لا

لان العرضه لها عاداتها

وتقاليدها

ومن الاشياء اللي بقت لنا من الزمن الحلو

ولا قصور فالحريم لهم مهرجانات

ولهم المراداه

لاكن اعتراضي عالعرضه لان العرضه تعتبر فن رجالي حماسي بحت

[ام ناصر1]

مثل ماقال البعض اول شي بيقولون مكان صغير مخصص
بكرة ليش ما تشارك المراة بالعرضة ...هل هو حقا فن مخصص للرجال أين دور النساء بالاحتفالات ؟!
الي بعد بكره ...واصبح لدينا عرضة نسائية إلى جانب العرضة الرجالية ؟!!
فخلونا هالشكل احسن وابرك ...فيه نقل تلفزيون

[بـــــــنت النوخـّــــذه]

لا لا لا

والف لا

لان العرضه لها عاداتها

وتقاليدها

ومن الاشياء اللي بقت لنا من الزمن الحلو

ولا قصور فالحريم لهم مهرجانات

ولهم المراداه

لاكن اعتراضي عالعرضه لان العرضه تعتبر فن رجالي حماسي بحت

:nice:

احسنت


مثل ماقال البعض اول شي بيقولون مكان صغير مخصص
بكرة ليش ما تشارك المراة بالعرضة ...هل هو حقا فن مخصص للرجال أين دور النساء بالاحتفالات ؟!
الي بعد بكره ...واصبح لدينا عرضة نسائية إلى جانب العرضة الرجالية ؟!!
فخلونا هالشكل احسن وابرك ...فيه نقل تلفزيون

هذي المشكله مانبغيها حركة دخيله بعدين عاده بعدين يتوارثها الاجيال

منوره ام ناصر^_^

[بـومحمد]

اقول تراه منقود عند العربان

[ولد المنصور]

اي

دائما" الاحتفالات الوطنية بديرتنا قطر يكون فيها لمسات تراثية 00فلما شفت هذا الاعلان لاحدى القبائل قلت سبحان الله يمكن كان جذيه !!!
^_^

مـــتــأكدة أختي أحد القبائل ولا احدى العائلة ..... ..!!!

كلمــة القبائل تنقال للمعروفيين الي في قطر من 90 ولا 100 سنــة مب الحيين تغير كل شئ وجايبيين محمد عبده العام هههه :omen2:

فــ اتمنى موضوع العرضات للقبائل فقط .. للاسباب واايد

[بـــــــنت النوخـّــــذه]

اقول تراه منقود عند العربان



اي نعم



مـــتــأكدة أختي أحد القبائل ولا احدى العائلة ..... ..!!!

كلمــة القبائل تنقال للمعروفيين الي في قطر من 90 ولا 100 سنــة مب الحيين تغير كل شئ وجايبيين محمد عبده العام هههه :omen2:

فــ اتمنى موضوع العرضات للقبائل فقط .. للاسباب واايد

ياخوفي ياولد الحلال هالحركة تستوي عاده مستقبلا لدى الجميع

على فكره اكثر العادات الدخيلة سابقا" صارت منتشرة بين الجميع :(

واتمنى نبتعد اشوي عن الشخصنه عشان لايتحول الموضوع نفس ذاك الموضوع لعرض شجرة القبائل واحنا واهم ونسيان الهدف ^_^

سعيده بمداخلتك