يا إدارة المرو يرحم والديكم خلو العالم تنبسط في اليوم الوطني

[سهم بن سهم]

في البداية أبارك لكم باليوم الوطني ونبارك لقيادتنا الحكيمة والشعب القطري الأبي هذا اليوم المبارك وذكرى تأسيس دولتنا الفتية بقيادة المغفور له الشيخ جاسم بن محمد بن ثاني رحمه الله وعسى الله يطول بعمر شيوخنا ونرى هذه الإحتفالات سنين مديدة يارب العالمين :victory:

في هذا اليوم الجميل كم هو جميل مناظر السيارات الحلوة والشباب الرائع الذين صرفوا المبالغ في تزيين سياراتهم وإخراجها في أبهى حلة تناسب هذا اليوم الجميل وبشعارات تفوح منها رائحة عطر الولاء والوفاء لقيادتنا الحكيمة وكم هو جميل ان ترى وتشاهد حولك في الشارع سيارات أشقائنا من أبناء دول الخليج وقد اتو من بلدانهم ليشاركونا فرحة هذا اليوم الجميل واللسان هنا يعجز عن شكر هؤلاء الشباب من اهلنا في الخليج جعلهم الله لنا ذخراً وسنداً وحفظ الله قطر والخليج من كل مكروه يارب العالمين :victory:

لكن الحلو مايكمل فقد رأيت من يخالف الشباب ويفسد عليهم فرحتهم بحجة تزيين السيارة ومخالفتها لشروط الزينة ولقد قال لي إبني بأن هناك من خالف الشباب الخليجي من أصدقائهم الذين اتو خصصياً لهذه المناسبة !!!!!!!!!!!!!!!

ياجماعة هذا يوم وطني وهذه فرحة وهذا يوم الجميع والكل يشارك بالكيفية التي يراها مناسبة وبالتقليع الذي يريد وأتصور بأن هذا اليوم مسموح فيه ماهو ممنوع في الايام الأخرى وكل دول العالم تنتهج هذا المنهج حيث ترى الزينات تتخطى ماهو مسموح وممنوع عندنا في التزيين والتقليع لأي مناسبة وكرنفال ولكن ربعنا هنا يريدون أن يطبقوا القوانين في هذا اليوم وغافلين عن الأيام الأخرى عن الزحام في الخط السريع في شارع 22 فبراير !!!!

أمر غريب يا إخوان شاب صرف من جيبه في هذا ليوم الشيء الكثير وهناك اخر أخذ من ولي امره عن طيب خاطر مبلغ وقدره لكي يبتهج مع إخوانه في هذا اليوم الجميل ولكن ناتي ونخالف الناس في هذا اليوم !!!

والله إفتشلنا في بعض من جاء ليشاركنا فرحتنا من دول الخليج وهم يحملون صور قادتنا وقاطعين المسافات الكويلة بالبر لكي يشاركونا فرحتنا ولكن طبقت عليهم المخالفات !!!!!.

لعلم الإخوان في المرور فإن الامارات بمناسبة عيد الاتحاد خفظوا سعر المخالفات الى النصف ومن حسن حظي بأن حظيت بهذا الخصم والجميل بأنك تستطيع دفعها بالنت وتحصل على الخصم النصف ولكن ربعنا يريدون الجباية من الشباب في هذا اليوم !!

ليش مايكون للمرور وقت لوضع الملصقات ووقت لشيلها يعني ليش مايكون التصريح من 15 / ديسمبر إلى 15 / يناير يعني لمدة شهر يفرح الجميع بها إيش المشكلة ؟؟؟؟؟؟؟

خلو الناس تفرح وخلو الناس تنبسط يا اخي فالناس دافعين فلوس للملصقات واتصور مافي اي مشكلة في هذه المدة وبعد هذه المدة خالف على كيف كيفك والحق معك بس خلو الناس تنبسط يا اخي .

نداء للمرور لاتفسدون على الناس الفرحة بحجه الملصق على المرآة الأمامية أتصور شبابنا بخير وواعي واتمنى أن نثق بهم فهم رجال المستقبل وأتصور بأنهم اهل لها وقدها .

مبارك للجميع هذا اليوم وخلونا نستانس

:victory:

[غايه الطواش]

والله يا اخوي الكريم انا مو معاك في هالنقطه
مده التصريح شهر وايد ...اسبوع فتره مناسبه ...
ثاني شي المخالف تصريح على الزجاج الامامي والخلفي...والكل يعرف انه مخالف ...يعنيي يخالفون ليش...الفرحه ماتكمل الا بالمخالفه يعني؟؟؟
اخوي شالحكمه من الملصقات ع المرآه الاماميه ؟؟
زينو سيارتكم افرحوا بس لاتخالفون ....

[حسن]

المفروض اداره المرور تاخذ اجراء صارم مع المخالفين وياليت يحجزون السيارات

[ابوعلي]

عذرا اخوي سهم نخالفك ونحيي رجال المرور على تطبيق القانون

سؤال اخوي

لا سمح الله اخوي سهم لو احد الاشخاص من الي مزينيين سياراتهم بالكامل وعمل حادث معاك والسبب عدم الرؤية الجيدة من الزجاج الامامي او الزجاج الجانبي للسايق بسبب المخفي

ايش يكون موقفك مع او ضد مخالفة الشباب المخالفين

[دااانة قطر]

عن نفسي فرحت بعد ماوصلني بالبرودكااست والعقوبااات الصاارمه على المخاالفاات من إلى
أتمنى ما شوف مهزله بااجر ويكون يوم وطني

[سهم بن سهم]

أنا هذا رايي واتصور باننا شاهدنا كرنفالات في كل دول العالم والناس يسوون أكثر من هذا ولا اريد ان أدخل في مناقشات طويلة واللي يقول يقول انه يؤيد الاجراءات وغيرها وفرحان للعقوبات هذا رايه وهذا رايي والرأي راي وليس مفروضاً في النهاية هذي فرحة وماهي المشكلة في السماح للمناسبة وبعد المناسبة نشيلها ؟؟؟؟؟

لكم تحياتي

[بـــــــنت النوخـّــــذه]

مع فرض المخالفات وتشديد العقوبه


لان الصور الي انتشرت برودكاست شي مخزي انفضحنا بسبب تصرفات بعض الشباب الجهله

واحد معدل سيارته بصوره ممثله خليجيه لابسه لبس فاضح بعلم قطر بمنظر غير لائق نهائيا استغفر الله ملصق بكامل السياره وقطري 000 خلف الله بس على هالشباب

وغير الي راز البن كود شكبره00


انا مع ادارة المرور بفرض عقوبات مشدده وحجز كل سياره مخالفه تضع صور غير صور الامير وولي العهد او شعار يخالف اليوم الوطني واشعار تخالف المناسبة

ياريت المرور يحطون ارقام خاصه لهم للتبليغ عن اي سيارة مخالفه للشروط

لنرتقي

[محامية قطر]

أحيانا ماقد يكون غير مخالف في أحد الدول المجاورة يعد مخالفا في قطر حسب قانون المرور هنا
وأنا مع الأخوه اللي ذكروا يجب ان يطبق القانون بحذافيرة
طيب - ليش مايقتصر الموضوع على أزالة الجزء المخالف بدلا من أحتساب المخالفة وتغريم الشخص
خصوصا انه ضيف على البلاد - والمفروض على الحدود ينبهون الأخوة المخالفين
الله يستر على الجميع وتعم الفرحة بدون خسائر مادية أو بشرية أنشاءالله

[مشتاقة لقطر]

انا اايدك الراي ..كل واحد يغبر عن فرحته بطريقة .. حلوة وتزيين السيارة شي حلو .. ومميز ..


اخوي سهم ما تشوف بالامارات مسسوين مسابقات لاجمل سيارة ..

وطلب عبدالله بن زايد حملة فوق كل بيت علم
ولاء
تبارت البيوت بوضع الزينة والاعلام .. وطاف ابناء زايد بين البيوت .. يستمتعون بالولاء وحب الناس .

نتمنى يكون هالشي موازي بقطر .. والكل يعبر عن ولاؤه باسلوبه ..

[وطن]

والله يا اخوي الكريم انا مو معاك في هالنقطه
مده التصريح شهر وايد ...اسبوع فتره مناسبه ...
ثاني شي المخالف تصريح على الزجاج الامامي والخلفي...والكل يعرف انه مخالف ...يعنيي يخالفون ليش...الفرحه ماتكمل الا بالمخالفه يعني؟؟؟
اخوي شالحكمه من الملصقات ع المرآه الاماميه ؟؟
زينو سيارتكم افرحوا بس لاتخالفون ....

اتفق معاج

يعني يا اخوي الزينه ما تكمل الا اذا حطيتو على الزجاج الامامي والخلفي !!

ترى بعض اللي مزينين سياراتهم وايد مبالغين لدرجة ان السيارة تطلع مو حلوة من كثر اللي مسوينه

الزينه حلاتها ببساطتها
تطلع شي راقي

[مستر قطر]

أنا اايدك وبقوه كلها الا اسبوع ليش التشديد خلهم يشوفون الكويت والإمارات اشلون يحتفولون يخلون الشعب على راحته وكلها الا استكر

[Fhad]

يا اخوان
اوقات الاحتفالات هناك استثناءات ...
السؤال الاهم .. المرور يعلم ان المحلات تبيع وتركب ? *

[ملك المشاعر]

المرور ماقصروا

ولا يخالفون الا التجاوزات الغير المقبوله مثل الهدرز والتقحيص

[قطريه فلته]

الا متساهلين وايد استغفرالله ياربي هذي مسيرة يوم وطني ولا قلة ادب من الجنسين

والي يجون من الدول المجاوره كل واحد راز البن كود والرقم هذي ماصارت شلون يرضون انا مدري

المفروض المسيره تكون مشي عالاقدام ويمنعون السيارات تدخل ويعطون فرصه للعوائل تستانس و بس

[restricted_1]

في البداية أبارك لكم باليوم الوطني ونبارك لقيادتنا الحكيمة والشعب القطري الأبي هذا اليوم المبارك وذكرى تأسيس دولتنا الفتية بقيادة المغفور له الشيخ جاسم بن محمد بن ثاني رحمه الله وعسى الله يطول بعمر شيوخنا ونرى هذه الإحتفالات سنين مديدة يارب العالمين :victory:

في هذا اليوم الجميل كم هو جميل مناظر السيارات الحلوة والشباب الرائع الذين صرفوا المبالغ في تزيين سياراتهم وإخراجها في أبهى حلة تناسب هذا اليوم الجميل وبشعارات تفوح منها رائحة عطر الولاء والوفاء لقيادتنا الحكيمة وكم هو جميل ان ترى وتشاهد حولك في الشارع سيارات أشقائنا من أبناء دول الخليج وقد اتو من بلدانهم ليشاركونا فرحة هذا اليوم الجميل واللسان هنا يعجز عن شكر هؤلاء الشباب من اهلنا في الخليج جعلهم الله لنا ذخراً وسنداً وحفظ الله قطر والخليج من كل مكروه يارب العالمين :victory:

لكن الحلو مايكمل فقد رأيت من يخالف الشباب ويفسد عليهم فرحتهم بحجة تزيين السيارة ومخالفتها لشروط الزينة ولقد قال لي إبني بأن هناك من خالف الشباب الخليجي من أصدقائهم الذين اتو خصصياً لهذه المناسبة !!!!!!!!!!!!!!!

ياجماعة هذا يوم وطني وهذه فرحة وهذا يوم الجميع والكل يشارك بالكيفية التي يراها مناسبة وبالتقليع الذي يريد وأتصور بأن هذا اليوم مسموح فيه ماهو ممنوع في الايام الأخرى وكل دول العالم تنتهج هذا المنهج حيث ترى الزينات تتخطى ماهو مسموح وممنوع عندنا في التزيين والتقليع لأي مناسبة وكرنفال ولكن ربعنا هنا يريدون أن يطبقوا القوانين في هذا اليوم وغافلين عن الأيام الأخرى عن الزحام في الخط السريع في شارع 22 فبراير !!!!

أمر غريب يا إخوان شاب صرف من جيبه في هذا ليوم الشيء الكثير وهناك اخر أخذ من ولي امره عن طيب خاطر مبلغ وقدره لكي يبتهج مع إخوانه في هذا اليوم الجميل ولكن ناتي ونخالف الناس في هذا اليوم !!!

والله إفتشلنا في بعض من جاء ليشاركنا فرحتنا من دول الخليج وهم يحملون صور قادتنا وقاطعين المسافات الكويلة بالبر لكي يشاركونا فرحتنا ولكن طبقت عليهم المخالفات !!!!!.

لعلم الإخوان في المرور فإن الامارات بمناسبة عيد الاتحاد خفظوا سعر المخالفات الى النصف ومن حسن حظي بأن حظيت بهذا الخصم والجميل بأنك تستطيع دفعها بالنت وتحصل على الخصم النصف ولكن ربعنا يريدون الجباية من الشباب في هذا اليوم !!

ليش مايكون للمرور وقت لوضع الملصقات ووقت لشيلها يعني ليش مايكون التصريح من 15 / ديسمبر إلى 15 / يناير يعني لمدة شهر يفرح الجميع بها إيش المشكلة ؟؟؟؟؟؟؟

خلو الناس تفرح وخلو الناس تنبسط يا اخي فالناس دافعين فلوس للملصقات واتصور مافي اي مشكلة في هذه المدة وبعد هذه المدة خالف على كيف كيفك والحق معك بس خلو الناس تنبسط يا اخي .

نداء للمرور لاتفسدون على الناس الفرحة بحجه الملصق على المرآة الأمامية أتصور شبابنا بخير وواعي واتمنى أن نثق بهم فهم رجال المستقبل وأتصور بأنهم اهل لها وقدها .

مبارك للجميع هذا اليوم وخلونا نستانس

:victory:

بالنسبه لتشديد المرور
انا أويد هذي النقطه وعساهم على القوه

وبالنسبة للي مضلل بالأحمر اقول لهم وبالخط العريض الله لايحييكم

اذا انت على نياتك وتحسب مشاركتهم لنا اليوم الوطني مجرد مشاركه اخويه

فهذا الشي راجع لك

لان مشاركتهم معروفه ليش

اتمنى بعد الأمن الوقائي يشوفون شغلهم في المسيره ويجرجرون العوي والمنكسر والعويه والمنكسره*

[قناص 787]

ياليت يتخذون معاهم اجراءات صارمه الشباب والبنات اللي مايعرفون

هاليوم شنهو معناته اللي كل واحد منهم امفكره يوم مغازل ومصخره فوضى بالنسبه لهم والشباب اللي مهتمين وايد باليوم الوطني

ليتهم يروحون العرضات افضل لهم من المصخره في الشوراع

وانا مع رجال المرور والله يعطيهم القوه

[فارس قطر]

في يهالو من بنات وصبيان اهما الي يخربون علينا المسيرة

واتمنا اجراءت صارمة بحقهم لان مب اول مرة يخربون علينا المسيرة

لان مانبي نخرب فرحة الشعب باليوم الوطني

وهذي الحركات مانبيها في المسيرة
http://www.aflams.net/funs/files/image/r3rwe3rr.JPG

[الـقـاسـي]

انت على نياتك يبه هذا موسم للترقيم والتعارف والهيصه والمصخره قسم بالله شي يعور القلب اللي قاعد يصير ,,

الا المرور والداخليه متساهلين واجد وعليهم لوم كبير المفروض يكثفون وجودهم والمخالفين يجرونهم مثل الغنم يركبونهم باصات وسيده على التوقيف وخصوصا البنات ,,

شهالمصخره اللي وصلنا لها قمه الانحطاط والمصخره وصلنا لها في قطر

انا للاسف اني انجبرت امر على الكورنيش لظروف الشغل واللي مزعلني اني لازم اروح بكره..

بعدين انت مصدق اغلب اللي جايين من الدول الثانيه جايين يشاركونك الفرحة ويهنون لا يالطيب جايين يرقمون ويتعرفون نفس مايسوون ربعنا يوم يروحون لهم ولا اي فرحه اللي بيشاركونك فيها يبون الفرحة والمشاركة يروحون للاحتفالات والعرضات المقامه

[هداف]

يامرور حرام عليكم خلوا المصبنه والبلشتيه ياخذون راحتهم ويطولون على الاغاني ويترقصون
في الشوارع ويزعجون خلق الله ويغازلون البنات المهملين في المسيره ,,!! عطوا الصياعه فرصه !

[الجوكر90]

ماشاء الله 90% فالميه مع المرور
يعني هاي مايبيله كل واحد ورايه
لازم تغير رايك وتعرف ان غلط
لان البن كود ع الموتر ليش
والكلام الي ماله داعي ليش
والرغوه ليش
والرقص ليش
ومسيره قطريه مطولين ع الصوت ولا اغاني عراقيه ليش
ممكن اعرف وين الفرحه والوناسه فهاي

[<اضرب واشرد>]

انا اايدك الراي ..كل واحد يغبر عن فرحته بطريقة .. حلوة وتزيين السيارة شي حلو .. ومميز ..


اخوي سهم ما تشوف بالامارات مسسوين مسابقات لاجمل سيارة ..

وطلب عبدالله بن زايد حملة فوق كل بيت علم
ولاء
تبارت البيوت بوضع الزينة والاعلام .. وطاف ابناء زايد بين البيوت .. يستمتعون بالولاء وحب الناس.

نتمنى يكون هالشي موازي بقطر .. والكل يعبر عن ولاؤه باسلوبه ..

ههههههههههه

وتوتة توتة خلصت الحتوتة

:nice:

[رجل الجزيرة]

يا سهم بن سهم واحد من إلي مكشخ سيارته مضلل على رقم سيارته هاه ويش رأيك مسيرة وإلا إستعراض؟

[khalid969]

المغفور له ؟!!!

[لابس بشت]

الله يبيض وجههم على هالقوانين وكلها في صالح الناس
لا ستيكر على الزجاج الامامي ومنعوا الرش عشان لا تصير حوادث مثل ماصار للقطري في الامارات و و و

وبخصوص اخوانا اللي جو يحتفلون معانا هذي نكته ماراح اعلق عليها

[تاج المراجل]

بصـراحــه ، احنا مانقول لا اسبوع ولا شهـر احنا نقول 3 او 4 ايأم فقـط مدى المسيـره ، هذا اول شـي ، ليـش دايما المرور ، يحكر للشباب مايخذوا راحتهم ، خصوصا ان السيارات متزينه باعلام قطر ، والوان قطر ، ثـاني شي فيه شباب جايين من الامارات ، تقريبا 14 سيــآره اماراتيـه وشباب كلها مكشخينها بـألوان قطر والامارات ، يجايين يشاركونا الفرحه ، مثل ماشاركوهم بعض شبابنا في احتفالاتهم ، نتفاجئ ان سياراتهم انحجزت ، طيب عشان الصوت مب مشكله ، عطوهم مخالفات ، للعـــلم ان اغــلــبيه شــباب قطـر يوم راحوا الامارات ، كـانت سياراتهم جميع الاصوات فيها [ كامات + وهدرزات + وكمبيوترات ]َ قمه الصـوت ومع ذالك ، عندما يواجهون رجال الامن هناك في الامارات يقولوا لهم تفضـلوا [ انتــم ضـيوف ومانقدر نقول لكم شي ]َ ياسلام على هذا العباره والكلمه الطيبه ، عارف ان احنا تعنينا وشاركناهم ، في مسيرتهم ، عكسنا تماما يقوموا يحجزوا سياراتهم ، ليـش طيب ماتخلونهم يشاركونا ، ، ،

[شموخ]

أنابالنيابة عن نفسي احيي رجال المرورعلى القيام بتطبيق القانون الخاص بمخالفة اصحاب السيارات المخالفةللقانون وثانياالمخالفات مهب حق السيارات المزينةوبس لاياخوي المخالفات حق اللي يضايقون الأسراللي تطلع تبي تستانس في المسيرةومايلقون الا التضيق عليهم من هالشباب وتلقى الواحدمنهم مطلع راسه من السيارة وشوي وبيدخل راسه في السيارةاللي تحمل عائلةمن النساء واشوي الا واحد نازل من سيارته وجالس يرقص في الشارع ومسبب زحمة رهيبة وهذاالكلام ماجبته من أحد ياأخوي لأن صارقدام عيني وبعدهاقررت اني ماأطلع لأي مسيرة تصيرعندنا-ومرة ثانيةأحيي رجال المروروأشدعلى ايدهم وأقول لهم قواكم الله يارجال البلدوالله يعطيكم الف عافيةودمتم لقطرالعزوالفخر-