اليوم حملة تنظيف الكورنيش الساعة 4 مساءا

[احب قطر]

تدعم كيوتل اليوم حملة تنظيف الكورنيش والتي ظهرت فكرتها بايدي شباب حبا في هذا الوطن ستكون في الساعة 4 عصرا والتجمع في مواقف البريد وسيتم توفير دوريات لدعم عمل المتطوعين كما ستوفر كيوتل هايا قيمة للمساهمين في هذه العمل

يدا بيد لتنظيف شوارع الدوحة

[حسن]

الي عنده بلاك بيري يرسل حق الشباب اللي كانو في الكورنيش امس يجون اليوم ينظفون بلادهم نبي نشوف الولاء

[بومحمد911]

فكرة جميلة

يلا من فيكم راح المسيرة يجهز نفسه والي ما راح يقعد على المدرجات

[%حورية قطر%]

يلا ياشباب الله يعطيكم العافيه شدوا حيلكم وبيضوا الوجه خاصه الفئه اللي كانت ترش عالسياااارات واللي يركضون بين السياايير:)

[وتبقى الدنيا حلوه]

ههههههههههههههههههههههههههههههههههههههههههههههه

دوروهم

محد بيروح ينظف الا اللي كانوا قاعدين في بيتوهم

[alfahad1]

اشوف مالها داعي

بس لو الهديه آيفون ممكن

[khaldoon]

والله الصراحه الحين يجي دور الشباب و البنات اللي استعملوا البخاخات امس فعلا مثل ما قال اخونا حسن نبي نشوف الولاء

[شبح الصمت]

اهنيه تبين الوطنيه في الواحد

خربوا واستعرضوا

يلا نبي نشوفهم مب مقصرين وينظفون ومهب عيب تحافظ على نظافة ديرتك ..

عن نفسي لو ما كان عندي اجتماع شاركت وانا مستانس بعد وبكل فرحه

[طواش]

بيقومون بها عيالها من مواطنين ومقيمين ولا بيقصرون

[شبح الصمت]

بس ليتها كيوتل طرشت مسجات

للتوعيه ولتاكيد الزمان والمكان

ونتمنى ما يكون في بنات

بليز يعني لا يحشرون نفسهم

عشان ما يقولون تحرشوا فيهم وهم ينظفون

[نجمة سهيل]

لفته طيبه..
جزاهم الله خير

[Rashid554]

شلون في تنظيف اليوم ؟
ونادي السد بيوصل بعد دقايق من الحين وبيسون مسيرة في الكورنيش

[qatari 111]

يله شدوا حيلكم ياللي وصخوا الكورنيش

[مــــلاك]

المشكلة الي وصخوا الشوارع امس اتوقع لين الحين رقود او ماقعدوا الا قبل العصر بشوي
المفروض الي وصخوا هم اوائل الناس الي ينظفون وبدون مقابل
بس وين تحصلونهم اذا نصهم لابسين اقنعه ومتلثمين :thumbdown::thumbdown:

[بنسل]

كم واحد حضر ؟

[دااانة قطر]

منظر الاعلااام في الشوااارع يعور القلب

[رايق البال x]

الله يطول عمر الحكومة فيه بلدية واعتقد انهم نظفوا الكورنيش وصار يلق انا مار عليه اليوم الصبح
ريحوا ملايكتكم

[khaldoon]

الصراحه مريت على نصف الكورنيش امس الساعة 4:30 وما لقيت اي احد ينظف بس اليوم الصباح عمال التنظيف هم وحدهم اللي ينظفون الكورنيش من الاوراق و الاوساخ

الله يكون في عونهم

[كلنا قطر 1981]

الصراحه مريت على نصف الكورنيش امس الساعة 4:30 وما لقيت اي احد ينظف بس اليوم الصباح عمال التنظيف هم وحدهم اللي ينظفون الكورنيش من الاوراق و الاوساخ

الله يكون في عونهم

خلدون لا تستغرب وانا اخوك
هذا حال فئه من البشر للاستعراض و المصخره هم وطنين و التنظيف و الاهتمام على منظر البلد يقولون احنا ما كنا في الكرنيش او عمال النظافه على وشو يستلمون رواتب خلهم يحللون رواتبهم:omen2:

اعلام تطيح من السياره و يدوسون عليها و لا حد فيهم يفكر انه ينزل من موتره و يشله من الارض بس لو كان كرتون رش الصابون كان صار الولاء و نزل بسرعه يشله
بس ما نقوول الا الله المستعان


تحيه لك خاصه اخوي خلدون ولا يهمك كلام اشباه البشر الي تكلموا عنك :victory:

[Xx QATARI xX]

وهذيلا كيوتل مايطلع منهم شي عدل
اعلانات شكثر وصرف فلوس ،، ماخلو حد ماصوروه وكاتبين تحته انا عربي
ايه انزييييين وبعدييين ياكيوتل وعقب انا عربي شنو ،،

واليوم حملة تنظيف ،، ادفعو ياكيوتل حق كم شركة اتجي اتنظف الكورنيش عشان تطلعون في الصورة
عاد الحين الشبيحة اللي هنيه بينقزون وبيحطون حرتهم في الشباب
الناس استانست وطيبت خاطرها وراحت ،، وش حارك انت

[khaldoon]

خلدون لا تستغرب وانا اخوك
هذا حال فئه من البشر للاستعراض و المصخره هم وطنين و التنظيف و الاهتمام على منظر البلد يقولون احنا ما كنا في الكرنيش او عمال النظافه على وشو يستلمون رواتب خلهم يحللون رواتبهم:omen2:

اعلام تطيح من السياره و يدوسون عليها و لا حد فيهم يفكر انه ينزل من موتره و يشله من الارض بس لو كان كرتون رش الصابون كان صار الولاء و نزل بسرعه يشله
بس ما نقوول الا الله المستعان


تحيه لك خاصه اخوي خلدون ولا يهمك كلام اشباه البشر الي تكلموا عنك :victory:

عزيز وغالي يا كلنا قطر و اتشرف دائما بالتواصل معاك

الله يكثر من امثالك يا رب :victory:

[..الاميرة..]

هااااا راحوا المخربين ينظفون ولا رقوود !! :spider:

[بوحارب]

ماعندي سالفة اروح انظف وصاخه غيري !!

[احب قطر]

ماعندي سالفة اروح انظف وصاخه غيري !!

هاي بلادك ومهب عيب انك تخدمها حتى لو تنظف ، لو احد جا ورمى شي في بيتك ، بتقول ماراح انظف وصاخة غيري؟؟؟

[راسي براسك]

اليوم الصبح من بدري العمال شغالين ينظفون !

[احلى دنيا]

السلام عليكم


مريت من أمام مواقف البريد و لاحظت تجمعات تنظف الساحة و على طول الشارع المؤدي للستي سنتر

مجموعة من الحريم و البنات و الاطفال .... و مجموعه ثانية من الشباب

كلن في صوب لا اختلاط و لا شي ... مع تحفظي على تواجد الحريم و لكن الله يعطيهم العافية

الله يعطيهم العافية .. بس ترى اصلا المكان نظيف الا من اشيا بسيطة

[قطري2012]

شدعوة ميدان التحرير !!!

[الدمعه]

هذي الحركه مالها شغل بالوطنيه وبالبلاد .. وحتى في بيتي اذا هالشخص دوم بيدخل

وبيقط وصاخته عالارض بقوله ينظف مكانه ويحترم المكان اللي دشه .. اذا هالشخص

مااستحى وهو ضيف انا مب مستحيه منه ...

وبعدين المفروض من الاساس تكون الرقابه مشدده اكثر والمخالفات على حلها في

هالوقت .. ومب بهالشي اثبت وطنيتي ..

او يحطون كيمرات بالشوارع اللي يوصخ ينظف الشارع ويغسله بالصابون بعد ...

واللي يقول قطري ومب منظف ومادري شنو .. كلن حسب تربيته ورياييل قطر فيهم

الخير والبركه ..