رحلة مدرسية والطلاب يرددون ياليت مافي البلد عسكر ؟؟؟؟!َ!

[صوت الضمير]

السلام عليكم ورحمة الله وبركاته



في مهمه رسمية لي ذهبت مع الطلاب الصف الثالث والرابع في رحلة مدرسية

وانا في الباص كنت استمع للطلاب ينشدون اغاني الكسرات .. ولمعرفتي السابقة بها

كان عندي خلفية بالموضوع لاني كنت استمع قبل لاولادنا الصغار يغنون واتجههت إلى قوقل

وتفحصت هذا الفن ولم استمع لشي جيد بل كلها .. تدور حول محور واحد

وهو انه الشاب يحب شاب نفسه .. (مدري وشلون اشرحها لكم)

كانوا يرددون

رحت المقابر شكيت الحال جتني الجماجم تواسيني
ياليت مافي البلد عسكر والا مباحث جنائية
اصب كأس العرق واسكر والبيض في الدرج مخفيه ..

للمحافظة على الذوق العام لان اكمل الابيات لان القادم افسق من اللي قبله

وانا متعجبة .. صمت قليلا

وصرخت عليهم انا والمعلمه اللي معي تعرفون وش تقولون .. وش هالاغاني اللي تنشدونها

هذا اللي تقولونه حرام .. وقلنا لهم استغفروا وقولوا اناشيد والا اغاني وطنية

قال لنا الطالب اللي كان يغني وهم يرددون وراه .. اشر على طالب وقال : هذا كل يوم في الصف يعلمنا

ومما اضحكني حتى الطلاب من المقيمين يرددون

الطلاب بعفويه يرددون هذه الاغاني بدون مايفهمون معناها

نبي نتناقش معا ..

هل الكسرات يعد فن ؟؟ولكن لم اسمع منها الشعر الجيد كل اللي سمعته في فسق والعياذ بالله

ما الحل مع هولاء الطلاب وكيف نخليهم يبعدون عن هذه الاغاني؟؟

كيف نوجهه طلابنا التوجيه الصحيح وتوعيتهم بأن هذه من المحرمات،،وخصوصا طلاب المراحل الاعداديه والثانوية؟

ادري الموضوع حساس لكن لابد ان نتناقش بعقلانية وباسلوب واعي

أبداع

[وتبقى الدنيا حلوه]

صغار ويقولون هالاشياء الله يعين اهاليهم لما يكبرون

[الأصيلة]

أول مرة نسمع ها الكلام..
عفوا أي مدرسة هذي..
أكيد في المناطق النائية بعيده عن الدوحة
وفيها طلاب مختلف الفئات والأجناس...

[khalid Qtr]

هذي من الكسرات المعروفة s:

الله يصلح الحال

[حمد بن سعد]

باقي الددسن بس ومورهم طيبه ههههههههههههههههههههه


الله المستعان

[بوعلي2]

مادري ليش قريت موضوعج تذكرت النيسان 91 :rolleyes2:

الله يهديهم بس اعتقد حاليا فن الكسرات ماله صيحه وضجه مثل على ايام بجيلنا السابق

الحين شوي العالم تطورت واتجهوا لامور اخرى مثل البلاكبيري والاغاني العاديه واليهال لهو مع التكنلوجيا واشاعات البيبي :telephone:

اما بالسابق مافي الا كسرات وعراوي طايح خشمه وبلغة الجيل الحالي عروه طايح خشمها خخخ وابليب بوسلسله


الخلاصه ممكن فئه بسيطه تسمع كسرات الحين ينعدون على اليد بالمقارنه بالماضي ويجب توجيهم من قبلكم كمدرسين وان شاء الله راح تلقون نتيجه لانكم قدها وقدود يامربيين الاجيال

وشكرا

[الـخـالـدي]

الكسرات اللي اعرفها اللي يكتبها ناس مسجونين فالغالب

فلا تستغربين من الكلمات

[دلة الرسلان]

أول مرة نسمع ها الكلام..
عفوا أي مدرسة هذي..
أكيد في المناطق النائية بعيده عن الدوحة
وفيها طلاب مختلف الفئات والأجناس...

يا أصيلة ما عندنا مناطق نائية ! من اقصى الشمال للجنوب تقطعينها في ساعة زمن ليش

تصورين الوضع بشكل مغاير ؟

بالنسبة لصاحبة الموضوع اللي اشوفه عندكم ولد قيادي قدر يسيطر على قرناءه ويمشيهم

على كلامه الحل في استغلال قدرات هذا الولد القيادي في أمور صالحة لنفسه ولزملائه في

الجماعات الموجودة في المدرسة كشافة او شرطة مدرسية أذا عندكم وتكون فيه توعية دينية

يعني أنتي يا أبلة كان استغليتي الوضع في الباص وشرحتي في عشر دقائق حرمة الخمر

وبالتالي من يدعو لها في غناءه وتدعين لهم أن يكونوا ممن يظلهم الله في ظله ومنهم شاب

نشآْ في عبادة الله الموضوع بسيط والحلول سهلة أذا كنا فعلا نرغب في أيجادها .

[fahad123]

لا يعد الكسرات فن لانه ف الغالب اغاني هابطه تحث على " الشذوذ الجنسي" واعتقد انها اندثرت مع الزمن لان وقتها كان اعتقد في 80-1990 ومع تطور اصبح من القلة يسمعون لهذه الاغاني الهابطه اللتي لاتطرب الا السكارا و "الشاذين جنسيا"


الطريقة اللي ممكن ان تجعليهم يبتعدون عنها هي توعيتهم بمخاطر سماع الاغاني اولا وعقابها في الاخره واخبار اهاليهم بطريقة حضاريه لآن اغلب الاهالي لما تقولين لهم ولدكم فيه كذا وكذا ولازم توجيهه يردون عليج ويقولون ولدنا مافيه شي والبلا منكم ومن هالاسلوب وهذا القليل وليس الكل ..

ع العموم اتمنى وضع حصه واحده تجمعون فيها الطلاب وتحاضروهم بمخاطر سماع الاغاني لان لها تأثير قووووي على نفوسهم وهم صغار ((العلم في الصغر كالنقش على الحجر)) يعني راح ترسخ في عقولهم

ولكن دون التطرق الي ذكر اسامي الاغاني لان ذالك يزيد من شهرتها ف الاطفال في مثل هذا السن عندهم الفضول زايد فأذا تطرقتي لاسماء الاغاني سوف يبحثون عنها ويسمعونها><


ع العموم جزاج الله خير على نصحهم ونهرهم من تكلمتها :)

[السهم الشمالي]

الله يحفظهم و يهديهم ويصلح حالهم ويخليهم لأهلهم .

[MAZEN37]

صف رابع يا للهول بالثانويه شبيسون

[شيزكيك]

اول مرة اسمع عن هالنوع من الاغاني وصج ذيلين صف رابع ويغنون هالاغاني المعفنه

[بو خليفه 123]

واحد يغني كسرات

والثاني يغني "إشطح"

و يوم تجي تقوله تعال انشد النشيد الوطني لدولة قطر مهب حافظه


لا بد من تدخلكم انتوا يالمدرسات , شدوا على اياديهم و ازرعوا الاناشيد الوطنيه في قلوبهم ترا التكرار يعلم الشطار .. و اذا من صفكم حفظ اللي وراه كلهم بيقلدونه

ولا بد ايضاً من تدخل المختصين بالدوله و منع المحلات التي تبيع الاشرطه الهابطه لأغاني الكسرات

[qatari_xp]

يا أصيلة ما عندنا مناطق نائية ! من اقصى الشمال للجنوب تقطعينها في ساعة زمن ليش

تصورين الوضع بشكل مغاير ؟

بالنسبة لصاحبة الموضوع اللي اشوفه عندكم ولد قيادي قدر يسيطر على قرناءه ويمشيهم

على كلامه الحل في استغلال قدرات هذا الولد القيادي في أمور صالحة لنفسه ولزملائه في

الجماعات الموجودة في المدرسة كشافة او شرطة مدرسية أذا عندكم وتكون فيه توعية دينية

يعني أنتي يا أبلة كان استغليتي الوضع في الباص وشرحتي في عشر دقائق حرمة الخمر

وبالتالي من يدعو لها في غناءه وتدعين لهم أن يكونوا ممن يظلهم الله في ظله ومنهم شاب

نشآْ في عبادة الله الموضوع بسيط والحلول سهلة أذا كنا فعلا نرغب في أيجادها .

رد عقلاني سليم ونظره ايجابيه لما حصل

با استغلال قدرات ومهارات الولد(القائد) لتوجيه المجموعه

نحو الاعمال الايجابيه ....جزاك الله خير وكثر الله من امثاك

[بـــــــنت النوخـّــــذه]

كانوا يرددون[/color]

رحت المقابر شكيت الحال جتني الجماجم تواسيني
ياليت مافي البلد عسكر والا مباحث جنائية
اصب كأس العرق واسكر والبيض في الدرج مخفيه ..


أبداع

اههههههههههههههههههههههههههههههههههههه ترى الموضه ألحين الاغاني القديمة:p

يابنت الحلال زين وصل الامر لاغاني00وحده اتسولف لي انها كانت برحلة مع الطلاب وجالسه في بدايه الباص ماوعت الا دورية الشرطة اتلاحقهم 00وماخذين اسم المدرسة من الباص 00قالوا للمديرة الطلاب يتلفظون بالفاظ بذيئة جدا جدا على الدورية من نافذة الباص0

وعلى فكره هالاغنيه اهون من اغاني ثانيه يغنونها


عموما" مالوم الطلام نهائيا" اذا غاب التنظيم والتوجيه والنصح والارشاد بالمدرسة



دمتم سالمين

[الـقـاسـي]

انا احسب اندثرت هالاغاني اخبر عز وقتها هالاغاني فالتسعينات كانوا الكل يسمعونها ويغنونها ,,

باااال غبره قسم بالله

[بو خليفه 123]

أول مرة نسمع ها الكلام..
عفوا أي مدرسة هذي..
أكيد في المناطق النائية بعيده عن الدوحة
وفيها طلاب مختلف الفئات والأجناس...


أختي الاصيله ممكن تعطيني مثال عن المناطق النائيه في دولة قطر لربما خفيت عني هذه المناطق او سقطت سهواً من الخارطه

؟

[قطري !]

يا أصيلة ما عندنا مناطق نائية ! من اقصى الشمال للجنوب تقطعينها في ساعة زمن ليش

تصورين الوضع بشكل مغاير ؟

بالنسبة لصاحبة الموضوع اللي اشوفه عندكم ولد قيادي قدر يسيطر على قرناءه ويمشيهم

على كلامه الحل في استغلال قدرات هذا الولد القيادي في أمور صالحة لنفسه ولزملائه في

الجماعات الموجودة في المدرسة كشافة او شرطة مدرسية أذا عندكم وتكون فيه توعية دينية

يعني أنتي يا أبلة كان استغليتي الوضع في الباص وشرحتي في عشر دقائق حرمة الخمر

وبالتالي من يدعو لها في غناءه وتدعين لهم أن يكونوا ممن يظلهم الله في ظله ومنهم شاب

نشآْ في عبادة الله الموضوع بسيط والحلول سهلة أذا كنا فعلا نرغب في أيجادها .




أهنيج علي هذه العقلية الراقية وكثر الله من امثالج

[بوخالد2]

باقي الددسن بس ومورهم طيبه ههههههههههههههههههههه


الله المستعان
هههههههههههههههههههه

والله ذكرني الولد هذا باايام اول في التسعينات و استعراض الشباب و حركاتهم


بالنسبه للموضوع يمكن الولد هذا متعلق باحد من اخوانه اللى اكبر منهم يوصله و يجيبه و تحصلينه دوم حاط الاغاني هذه او حد من خواله او عمامه يعني يسمع و ينقل

بالنسبه للسن هذا تلقين الولد دائما مقلد للى اكبر منه في الحركات و لبس العقال و نوع السياره اللى يبيها من هذه الامور

فهو في سن (( مقلد لا قدوه ))

الله يحفظهم و يستر عليهم

ويجعلهم ذريه صالحه حق اهلهم و وطنهم

[تحداني]

الله يستر " ان شاء الله عمور ما يسمع هالأغاني "
كل يوم حاط السماعه بإذنه ويقول اسمع راب .. اخاف يطلع الي اتقولون عنه


الله يحفظهم هالجيل التعبان .. تعبوا اقلوبنا
لا ويقول عمور يبي جلاكسي .. ولا في الاحلام


جملكم الله برضاه

[قطري !]

أنا نفسكم أبي أعرف وين المناطق النائيه هذي .. :omen2::omen2:

[بوخالد2]

الله يستر " ان شاء الله عمور ما يسمع هالأغاني "
كل يوم حاط السماعه بإذنه ويقول اسمع راب .. اخاف يطلع الي اتقولون عنه


الله يحفظهم هالجيل التعبان .. تعبوا اقلوبنا
لا ويقول عمور يبي جلاكسي .. ولا في الاحلام


جملكم الله برضاه

اختى (( راب )) الاغاني الانجليزيه للرقص و الحركات الغير اخلاقيه

اخذي حذرج لو تكرمتي

[المتحدث الرسمي]

انا احسب اندثرت هالاغاني اخبر عز وقتها هالاغاني فالتسعينات كانوا الكل يسمعونها ويغنونها ,,

باااال غبره قسم بالله

.....

هههههههه نفس الرد اللي في بالي اول ما قريت الموضوع

الله يستر من هالجيل

و الخافي أعظم

.....

[بوخالد2]

أنا نفسكم أبي أعرف وين المناطق النائيه هذي .. :omen2::omen2:

نفس موضوع (( مب قطريه )) :discuss:

[تحداني]

اختى (( راب )) الاغاني الانجليزيه للرقص و الحركات الغير اخلاقيه

اخذي حذرج لو تكرمتي



ادريبه يا أخوي .. عيزت معاه .. نشف ريجي وانا اقوله
ياخذني على جنب ويقول هدي اعصابج هذيلن عندهم رساله واضحه يبون يوصلونها للمجتمع
وبدون سلم موسيقي واضح .. " صرت غبيه وايد في نظره "
اقول له صير نفس اخوك الاكبير .. يقول يا تحداني اشفيج الناس تتقدم للأمام
وانتي تاخذيني للوراء


تعبني هالمراهق .. وتعب ايامي وحياتي
يسمع راب عربي .. انجليزي .. بنغالي .. كل شي

الله يرضى عليك


جملك الله برضاه

[بـــــــنت النوخـّــــذه]

بخصوص ألي قاموا على الاصيلة

كلمة الحق تقال 00في مدارس اشوي طلابها شياطين في بعض المناطق

لاتاخذون الموضوع من ناحيه وحده وانهم اقل اخلاقا" من غيرهم او ان نقطة سلبية تحسب لهم

بالعكس اعلى مستوى تركيز يكون عندهم وتحصيل دراسي 00لكن من ناحية سيطرة ادارة المدرسه على شيطانتهم اشوي تصعب عليهم وانا مالوم الطلبة بل الوم ادارة المدرسة

لاتاخذون ردها انه تهجم او تقليل من سلوكيات الطلبه

وبالنسبة للاغنيه ماضنتي من ذاك الصوب اههههههه هذي المناطق القريبه <<بيقومون علي قولي اسم المدارس القربيه,,<<شدخل

دمتم سالمين

[بروق QTR]

الاطفال الصغار كل شي يسمعونه يرددونه

حتي فيه احتفال باحد الروض باليوم الوطني والاطفال لابسين لبس الخويا واحد منهم قال الشعب يريد اسقاط النظام والباقي صاروا يرددون وراه...ههههههههه خوش وطنية

[قطري !]

بخصوص ألي قاموا على الاصيلة

كلمة الحق تقال 00في مدارس اشوي طلابها شياطين في بعض المناطق

لاتاخذون الموضوع من ناحيه وحده وانهم اقل اخلاقا" من غيرهم او ان نقطة سلبية تحسب لهم

بالعكس اعلى مستوى تركيز يكون عندهم وتحصيل دراسي 00لكن من ناحية سيطرة ادارة المدرسه على شيطانتهم اشوي تصعب عليهم وانا مالوم الطلبة بل الوم ادارة المدرسة

لاتاخذون ردها انه تهجم او تقليل من سلوكيات الطلبه

وبالنسبة للاغنيه ماضنتي من ذاك الصوب اههههههه هذي المناطق القريبه <<بيقومون علي قولي اسم المدارس القربيه,,<<شدخل

دمتم سالمين




لو سمحتي احنا ماقمنا علي الاصيلة ولا شي ...

الاصيلة اخت عزيزه وغالية .... بس نبي نعرف شنو قصدها في المناطق النائية وطلاب هالمناطق ؟؟؟؟؟؟



وبعدين السؤال كان موجه لها هي, الا اذا وياج توكيل عنها هذا شي ثاني

[بـــــــنت النوخـّــــذه]

لو سمحتي احنا ماقمنا علي الاصيلة ولا شي ...

الاصيلة اخت عزيزه وغالية .... بس نبي نعرف شنو قصدها في المناطق النائية وطلاب هالمناطق ؟؟؟؟؟؟



وبعدين السؤال كان موجه لها هي, الا اذا وياج توكيل عنها هذا شي ثاني

حضرتك هد اعصابك اشوي

انا لامعي توكيل ولا شي معي تجربه 00لما اتكلم ما اتكلم لجل بس انتقد وافسر على كيفي وامسك جانب واحد وانسى الهدف


معاي تجربه واتكلم من خلالها ماعندي توكيل للاسف ^_^

لي الحق ولغيري الادلاء بدلوه000تابع ردودي بالمنتدى بتعرف اني اتكلم بعقلانيه بعيده عن التحزب والفزعات ^_^

[قطري !]

حضرتك هد اعصابك اشوي

انا لامعي توكيل ولا شي معي تجربه 00لما اتكلم ما اتكلم لجل بس انتقد وافسر على كيفي وامسك جانب واحد وانسى الهدف


معاي تجربه واتكلم من خلالها ماعندي توكيل للاسف ^_^

لي الحق ولغيري الادلاء بدلوه000تابع ردودي بالمنتدى بتعرف اني اتكلم بعقلانيه بعيده عن التحزب والفزعات ^_^




لو الانسان يرد او يدلي بدلوه في موضوع عااام ماقلنا شي ... بس كنا موجهين سؤال للاخت اللي تعرف المناطق النائية ونبيها ترد هي لانها يخصها ومايخص غيرها ...

[خــالــد]

أول مرة نسمع ها الكلام..
عفوا أي مدرسة هذي..
أكيد في المناطق النائية بعيده عن الدوحة
وفيها طلاب مختلف الفئات والأجناس...

حسستيني اني عايش في تكسس حلوة مناطق نائية :) والاجناس :)

[بـــــــنت النوخـّــــذه]

لو الانسان يرد او يدلي بدلوه في موضوع عااام ماقلنا شي ... بس كنا موجهين سؤال للاخت اللي تعرف المناطق النائية ونبيها ترد هي لانها يخصها ومايخص غيرها ...

لين اقتبس ردك واحط رد ذيج الساعه تعال وحاسبني ^_^ ردي السابق كان رد متعلق بالموضوع
اما رد بدون اقتباس اعتقد بعد مالك حق تمنعي من الكتابه:) لان سابقا ما وجهته لك

احتمال خانها التعبير وتقصد المناطق الي بعيده عن المدينة



وعموما كلامها فيه من الصحه وكذلك هالتصرفات كذلك موجوده في المدارس الي بالدوحة نظرا لغياب الجانب التوعوي والارشاد من ادارة المدرسة

[خــالــد]

تعريف المناطق الريفية والنائية

يمكن إيجاز السمات العامة للمناطق الريفية والنائية فيما يلي:
• الافتقار إلى البنية التحتية الأساسية (بنية الاتصالات، الكهرباء، الطرق الفرعية، إمدادات المياه، شبكات الصرف الصحي، إلى آخره؛ وظروف المعيشة الصعبة)
• الكثافة السكانية الجغرافية المنخفضة (سكان القرى الصغيرة، في مجتمعات غير مأهولة بكثافة ومنفصلة عن بعضها
البعض جغرافياً)
• أنشطة اقتصادية منخفضة، وحصة منخفضة للفرد من الدخل، والافتقار إلى الدخل المتاح، والفقر النسبي للسكان الريفيين
• درجات مرتفعة من الأمية
• الافتقار إلى المعلومات والخدمات الإدارية الاجتماعية
• الجماعات المهمّشة (النساء، والأطفال، والمسنون، والمعوقون) متروكة في المناطق
• الظروف الجغرافية والبيئية الصعبة (مناطق جبلية، ومعزولة بواسطة المياه، والمناخ القاسي، إلى آخره)
• وخلافه
وتُفاقم هذه الظروف المعيشية الصعبة لسكان المناطق الريفية والنائية من هجرة السكان السريعة إلى المناطق الحضرية وفقاً لإحصاءات الأمم المتحدة المنشورة مؤخراً (انظر الشكل 1). بيد أن أكثر من نصف سكان العالم لا يزالون يعيشون في المناطق الريفية والنائية في البلدان النامية وأقل البلدان نمواً. ونتيجة لهجرة السكان في سن العمل إلى المناطق الحضرية، فقد خُلف الأطفال والنشئ الأقل من 16 سنة من العمر، والمسنون الذين تجاوزوا 50 سنة من العمر، والنساء، والجماعات المهمّشة في المناطق الريفية والنائية وفقاً لتحليل للمسح العالمي الذي أجرته لجنة الدراسات التي يتبعها المقرر في عام 2004. وعلى هذا فستصبح الحضرنة سبباً محتملاً في المشكلة الاجتماعية المتمثلة في انتشار الفقر في المدن الكبرى في البلدان النامية نتيجة لتناقص فرص العمل ونقص الإمدادات الغذائية، إلى آخره.
وستكون نقطة التقاء السكان الريفيين/الحضريين هي الفترة 2103-2012 وفقاً للشكل 1 أدناه. ومن المتوقع أن تساهم تكنولوجيا المعلومات والاتصالات في تنشيط وتحسين نوعية الحياة في المناطق الريفية والنائية بواسطة توفير خدمات قيمة للسكان، وأخيراً كبح هجرة السكان أو تحفيز الهجرة المعاكسة في المستقبل. وسيتمثل طريق حل مشكلة الفقر - الهدف الإنمائي للألفية - في تكنولوجيا المعلومات والاتصالات.

وهذي صورة لمنطقة نائية في الصين

http://travel.mongabay.com/china/600/china_104-7991.JPG

[qatari_xp]

الله يستر " ان شاء الله عمور ما يسمع هالأغاني "
كل يوم حاط السماعه بإذنه ويقول اسمع راب .. اخاف يطلع الي اتقولون عنه


الله يحفظهم هالجيل التعبان .. تعبوا اقلوبنا
لا ويقول عمور يبي جلاكسي .. ولا في الاحلام


جملكم الله برضاه

راب :rolleyes2:

لاخليه على الكسرات ابرك :weeping:






الله يصلحه ويبارك فيه ويترك هاالاشياء :)

[تحداني]

راب :rolleyes2:

لاخليه على الكسرات ابرك :weeping:






الله يصلحه ويبارك فيه ويترك هاالاشياء :)




اللهم آمين :(

شاسوي ما اعرف
كل ما نصحناه .. يرد يقول " صراع أجيال "
عليه إلسان ولا إلسان إخته :(


جملك الله برضاه

[قطري !]

اللهم آمين :(

شاسوي ما اعرف
كل ما نصحناه .. يرد يقول " صراع أجيال "
عليه إلسان ولا إلسان إخته :(


جملك الله برضاه




ههه حلوة ذي صراع اجيال ..


عليج بالنصح والتوجيه ولا غيرهم شي


وترا النصح المفرط بعد يملل الولد ..


يوم كنا في المراهقه كنا مانحب اللي ينصحنا ويكثر في النصيحه الى درجة الالحاح ..


والله يحفظه من رفاق السؤ ويحفظ عيالنا

[بو خليفه 123]

بخصوص ألي قاموا على الاصيلة

كلمة الحق تقال 00في مدارس اشوي طلابها شياطين في بعض المناطق

لاتاخذون الموضوع من ناحيه وحده وانهم اقل اخلاقا" من غيرهم او ان نقطة سلبية تحسب لهم

بالعكس اعلى مستوى تركيز يكون عندهم وتحصيل دراسي 00لكن من ناحية سيطرة ادارة المدرسه على شيطانتهم اشوي تصعب عليهم وانا مالوم الطلبة بل الوم ادارة المدرسة

لاتاخذون ردها انه تهجم او تقليل من سلوكيات الطلبه

وبالنسبة للاغنيه ماضنتي من ذاك الصوب اههههههه هذي المناطق القريبه <<بيقومون علي قولي اسم المدارس القربيه,,<<شدخل

دمتم سالمين





ما اشوف الشطانه الزايده لها خص بالمناطق النائيه

[chillis]

هههههه احسهم بالقحفيه وراكبين وانيت هذي وهم صغار اكيد سامعينه بين اهلهم

[intesar]

أول مرة نسمع ها الكلام..
عفوا أي مدرسة هذي..
أكيد في المناطق النائية بعيده عن الدوحة
وفيها طلاب مختلف الفئات والأجناس...

هذي مو من موروثات الأجناس المختلفة.. ليش تبين تطلعين القطريين ملاك.. الولد غناها من غير ما يفتهم.. المفروض تجيبون ولي أمره وتوضحون له الأمر وتشوفون من وين لاقطهم هالكسرات ولا الثنيات ولا غيره..

دمتم بود..

[بـــــــنت النوخـّــــذه]

ما اشوف الشطانه الزايده لها خص بالمناطق النائيه

بوخليفه انت شيخ العاقلين بالمنتدى لاتصير حساس زياده من الردود 000 خذ الرد من ناحيتين مهب ناحيه وحده

الشيطانه موجوده بين الطلبه وفي مدارس يصعب السيطره عليها (لعدة اسباب ) هذا المقصد

وخلونا انركز على الحلول ^_^
دمتم سالمين:)

[تحداني]

ههه حلوة ذي صراع اجيال ..


عليج بالنصح والتوجيه ولا غيرهم شي


وترا النصح المفرط بعد يملل الولد ..


يوم كنا في المراهقه كنا مانحب اللي ينصحنا ويكثر في النصيحه الى درجة الالحاح ..


والله يحفظه من رفاق السؤ ويحفظ عيالنا




سامحوني اذا دخلنا في امور شخصيه .. واعتذر لصاحب الموضوع

اللهم آمين
كل ما نصحناه يا اخوي يقول .. هذا يزاي اعترف لج ابكل شي
ارد اقول له غلط .. يقول ليش تعتبرون سلوكياتنا خاطئه .. اعتبروها مراهقه
اعتبروها هوايه
اعتبروها اي شي .. بس لا تعتبرونها مصيبه
احسن ما يجي يوم والله ما اقول لكم شي
ويصك الباب ويبوز ويقول ما اقدر اثق فيكم .. ما اقدر
ويرد يحط السماعه :( ..

بكسر الايفون والله العظيم
يرد يقول بشتري بفلوس العيد


:(

جملك الله برضاه

[بو خليفه 123]

بوخليفه انت شيخ العاقلين بالمنتدى لاتصير حساس زياده من الردود 000 خذ الرد من ناحيتين مهب ناحيه وحده

الشيطانه موجوده بين الطلبه وفي مدارس يصعب السيطره عليها (لعدة اسباب ) هذا المقصد

وخلونا انركز على الحلول ^_^
دمتم سالمين:)


ماعليك زود شهادتك اعتز بها

لكن أنا ابديت وجهة نظري من دون اية حساسيه اختي الكريمه و مشاركتك كانت واضحه والمناطق التي تقصدينها لا اظن انها "نائيه" على حسب وصف اختنا الاصيله

و حتى لا يقع احد في الخطأ يستحسن ان تذكرين اسماء المناطق الي تقصدينها ربما تكون نائيه في وجهة نظرك .. او العكس .. او شطانتها زايده على قولتك




السؤال واضح .. ماهي المناطق النائيه في قطر ؟

[غزلان]

شنو يعني كسرات؟

[بوحارب]

الموضوع بسيط بزان سمعوا هالأغاني عند اخوانهم او ربعهم وغلدوهم !

والحين الكل عنده نت وبي بي ويتناقلون هالأغاني التعبانه

يبيله توجيه وبتنحل المشكلة :)


على قولة راعي الكسرة

محمد احبك وانا احلم فيك & راسم على القلب عنوانك:shy:
يوم العرب كلها تطريك & القلب يبكي على شانك:weeping:

[بوعلي2]

انا عرفت المناطق الي يقصدونها الي يصعب السيطره عليها بدون ذكر اسامي تجنبا للحساسيه والزعل ولربما للقذف :shy:

لعبتهم الكسرات والقلعه وجميع انواع الشطانه

لكن مش نائيه بس حياتهم تختلف نوعا ما عن حياة المدن المحيطه بالدوحه

تحياتي للجميع والله يصلح حالنا وحال ابنائنا

وشكرا

[بوحارب]

شنو يعني كسرات؟

اغاني حق الشاذين :telephone:

يعني واحد يغني عشان واحد يحبه

فهمتا ولا ما فهمتا :secret:

[بوعلي2]

شنو يعني كسرات؟

اكتبي باليوتيوب او بعمنا قوقل اغاني كسرات واسمعي او اقري الكلمات :secret:

[نشمي 2022]

يااخــــــــــوان تركتـــــــو المشكله ومــــسكـتو في كـــــلـــمه انقالت بعفويه ؟؟؟؟


الحين صاحبة الموضوع تسالكم شالحل او شالطريقه الي نقدر نستخدمها مع هالعيال الي توهم ماطلعو من البيضه؟



مش موضوع مناطق نائيه وله مناطق قطب شماليه ...



ركز في الموضوع والي عنده اجابه او حل لهل المشكله يحلها وللي له انتقاد انا افضل يحتفظ فيه حق نفسه

والله مايصير ترا كل مادخل موضوع احصلكم داشين في موضوع ثاني ,,,عيل لو صاحبة الموضوع اكتبت فالعنون المناطق النائيه كان ابرك والله

[بو خليفه 123]

انا عرفت المناطق الي يقصدونها الي يصعب السيطره عليها بدون ذكر اسامي تجنبا للحساسيه والزعل ولربما للقذف :shy:

لعبتهم الكسرات والقلعه وجميع انواع الشطانه

لكن مش نائيه بس حياتهم تختلف نوعا ما عن حياة المدن المحيطه بالدوحه

تحياتي للجميع والله يصلح حالنا وحال ابنائنا

وشكرا


ترا راعي السونوما بيزعل عليك يابو علي :(

شريرين واحد

[بوحارب]

اكتبي باليوتيوب او بعمنا قوقل اغاني كسرات واسمعي او اقري الكلمات :secret:

يليت مابالمدرسه حلوين..ماكنا بالدنيا تألمنا
ماكنا بالعمر شقيانين..نعزف العود ويعزفنا
بالامس كنا متفوقين..واليوم فاشلين بدراستنا
كل سنه بسنه راسبين..بالدف دايم نجحتنا
في كل حصه سرحانين..مدرس دايم يهزئنا
والله حنا معذورين..حب الوليف اشغلنا

انت السبب في طردي من الجامعة :weeping::shy::tease:

[بـــــــنت النوخـّــــذه]

المناطق البعيده عن الدوحه

الخور
الشمال ككل

الرويس
الشحانيه
السيليه
الكرعانه
معيذر
الخريب
وووووووووووووووو

هذي تسمى مناطق بعيده عن الدوحه او عن العاصمة

وياريت تركزون على المشكله بالموضوع ترى اكتبها بالخط العريض الشيطانه الزياده موجود في مدارس لمنطاق (لعدة اسباب ) اول سبب عدم قدرة المدرسة على السيطرة

خلاص اكوه فكيتكم وجاوب عشان الكل خايف ومتهدد بالثاني مادري على شنهو

خذو الموضوع من جانبين مهب من جانب واحد

وبعدين هالكلام ما يعفي المدارس الي بالدوحه عن السلوكيات السلبية يعتمد اعتماد كلي على ادارة المدرسة وليس على سكان المناطق واولياء الامور كما فهم البعض للاسف00

دمتم سالمين
^_^

[فيزيائية]

بكل بساطة كان جبتي سي دي اليوم الوطني وحطيتيه
وبالنسبة للولد الي يرددون وراه الحل مب عندنا
الحل عند الاخصائية الاجتماعية .....
لتوجيه طاقته السلبية لشي ايجابي .

[بوعلي2]

ترا راعي السونوما بيزعل عليك يابو علي :(

شريرين واحد

ههههههههههههههههههههههههههههههههههههههههه

اكبر غلط ان ماعرفنا بعض انا وانت بالتسعينات :(

والا كان عندنا ذكريات حلوه مع السنوما والبرازيلي :shy:

[OTOsan]

انا قريت كلمة (عسكر) عبالي سوو مظاهره :)

اعتقد ان اطفال اليوم اصبح على لسانهم اغاني مثل (ياطيبه) (واسناني واوا) (وابوي نزل معاشه) او اغاني مسلسلات الرسوم ، لذا فخروج هؤلاء الاطفال عن المألوف يعني كثرة سماعها ربما في محيطهم !


انزين الكسرات هي نفسها اغاني (فرقة السيف) ..؟
عند ابن مسعووود .. عند ابن مسعووود ..مولى الهدااااب السوووود:omen2:

[qatari_xp]

المناطق البعيده عن الدوحه

الخور
الشمال ككل

الرويس
الشحانيه
السيليه
الكرعانه
معيذر
الخريب
وووووووووووووووو

هذي تسمى مناطق بعيده عن الدوحه او عن العاصمة

وياريت تركزون على المشكله بالموضوع ترى اكتبها بالخط العريض الشيطانه الزياده موجود في مدارس لمنطاق (لعدة اسباب ) اول سبب عدم قدرة المدرسة على السيطرة

خلاص اكوه فكيتكم وجاوب عشان الكل خايف ومتهدد بالثاني مادري على شنهو

خذو الموضوع من جانبين مهب من جانب واحد

وبعدين هالكلام ما يعفي المدارس الي بالدوحه عن السلوكيات السلبية يعتمد اعتماد كلي على ادارة المدرسة وليس على سكان المناطق واولياء الامور كما فهم البعض للاسف00

دمتم سالمين
^_^

موضوعي ضارب رصيف الكورنيش العود :weeping:

بنت النوخذه ........الحين معيذر من المناطق البعيده عن الدوحه :eek5:

[غزلان]

اكتبي باليوتيوب او بعمنا قوقل اغاني كسرات واسمعي او اقري الكلمات :secret:


لاخلاص هونت :omen2:

[حياة]

اول مره ادري فيه اغاني كذا ...!
صراحه احسها وقاحه.. لو كان عيالي
يسمعونها كان شرشحتهم للآخر ..
ماارضى يسمعون هالوقاحه صراحه

[موضي قطر]

ماعرف معنى كسرات مع اني حسيت من خلال الردود

وبعض الردود التوضيحية انكم تقصدون عيال البدو :)

ريحت بنت النوخذه وجبتها على بلاطه :tease:

بس تراني معرف وش كسرات ..

ماعلينا .. عيال البدو عيال قطر مثل ماعيال الحضر يسمعون شغلات احنا نشوف فيها اشياء مب زينه مابي اكتبها .. مادري ليش نقلل من قيمة بعض والمصيبه اناسب بعض :rolleyes2:

[بـــــــنت النوخـّــــذه]

يااخــــــــــوان تركتـــــــو المشكله ومــــسكـتو في كـــــلـــمه انقالت بعفويه ؟؟؟؟


الحين صاحبة الموضوع تسالكم شالحل او شالطريقه الي نقدر نستخدمها مع هالعيال الي توهم ماطلعو من البيضه؟



مش موضوع مناطق نائيه وله مناطق قطب شماليه ...



ركز في الموضوع والي عنده اجابه او حل لهل المشكله يحلها وللي له انتقاد انا افضل يحتفظ فيه حق نفسه


والله مايصير ترا كل مادخل موضوع احصلكم داشين في موضوع ثاني
,,,عيل لو صاحبة الموضوع اكتبت فالعنون المناطق النائيه كان ابرك والله

انا اشهد انك نشمي اسم على مسمى



ماعرف معنى كسرات مع اني حسيت من خلال الردود

وبعض الردود التوضيحية انكم تقصدون عيال البدو :)

ريحت بنت النوخذه وجبتها على بلاطه :tease:

:rolleyes2:

موضي لاتشتطين نفسهم اههههههههههههههه

ركزي على المضمون 000

اتمنى لحد يخمن ويحلل على كيفه 000 اشدخل اتريحين بنت النوخذه اما عليكم تفكير :)


كل ديره وفيها مقبره يعني السلبيه موجوده في كل مكان

ومثل ماقال النشمي ركزوا بالهدف من الموضوع اذا عن بدو وحضر كلن نصه بدوي وحضري

وبسكم خروجا" عن الموضوع <<< احلى جمله في الموضوع من اوله لي آخره

ومازال اعضاء المنتدى عندما يقرأون موضوعا" يتحسسون منه ويلتفتون للهوامش لينفسم الموضوع لحزبين خخخ<<<سجلي عندج نفسيه حساسه
السؤال المطروح :


ماهو الحل بنظركم ؟؟؟؟ كيف نعالج تلك المشكله باسلوب تربوي ؟؟
دمتم سالمين

[Best Man]

<<---- ميل القحفيه على صوب


في المدرسه احكيلكم قصه&&& تروق للى لديه احباب
بديت اغني بكل حصه &&& حتى طردوني من الابواب
اول دروسي فلك ونجوم&&& واستاذ يشرح بجديه
يسالني وين القمر معلوم &&& جاوبت انا بالشماليه

[واقعية]

اول مرة اسمع ب (( الكسرات ))

بس لابد من الحوار مع الطلاب بذكر سبب تحريم الاغاني

و نجيب طاري الموضوع فيه

بس لابد من تكرار النصيحة بين كل فترة و بشكل مختلف

و اذا كان الموضوع منتشر ف المدرسة

ارى ان يتم انشاء جماعة منافسة للكلام الهابط بحيث تجذب الطلاب و تعود اذنهم ع النشيد المباح

و النشيد العسكري - و هو شي يحبونه الاولاد وايد

الله يعينا ع الجيل- اللي ما خلا شي قديم او جديد ما حشر نفسه فيه

[القطو السمين]

تذكرت ايام الرحلات لما نودي التلاميذ يازينها من ايام

[صوت الضمير]

اولا: اشكر كل من رد على موضوعي
وانا ماني مدرسة لكن خذت مكان وحده ورحت بدالها يعني انا موب موظفه



أول مرة نسمع ها الكلام..
عفوا أي مدرسة هذي..
أكيد في المناطق النائية بعيده عن الدوحة
وفيها طلاب مختلف الفئات والأجناس...

لايوجد مناطق نائية في دولة قطر
شمالها وجنوبها بها كهرباء وماء وبها كافة المرافق


مادري ليش قريت موضوعج تذكرت النيسان 91 :rolleyes2:

الله يهديهم بس اعتقد حاليا فن الكسرات ماله صيحه وضجه مثل على ايام بجيلنا السابق

الحين شوي العالم تطورت واتجهوا لامور اخرى مثل البلاكبيري والاغاني العاديه واليهال لهو مع التكنلوجيا واشاعات البيبي :telephone:

اما بالسابق مافي الا كسرات وعراوي طايح خشمه وبلغة الجيل الحالي عروه طايح خشمها خخخ وابليب بوسلسله


الخلاصه ممكن فئه بسيطه تسمع كسرات الحين ينعدون على اليد بالمقارنه بالماضي ويجب توجيهم من قبلكم كمدرسين وان شاء الله راح تلقون نتيجه لانكم قدها وقدود يامربيين الاجيال

وشكرا

اشكرك اخوي على مرورك الكريم .. وان شاء الله انا بخاطب الجهات المعنية ونحاول نرتب مع مطوع يتكلم عن حرمة الاغاني ..


يا أصيلة ما عندنا مناطق نائية ! من اقصى الشمال للجنوب تقطعينها في ساعة زمن ليش

تصورين الوضع بشكل مغاير ؟

بالنسبة لصاحبة الموضوع اللي اشوفه عندكم ولد قيادي قدر يسيطر على قرناءه ويمشيهم

على كلامه الحل في استغلال قدرات هذا الولد القيادي في أمور صالحة لنفسه ولزملائه في

الجماعات الموجودة في المدرسة كشافة او شرطة مدرسية أذا عندكم وتكون فيه توعية دينية

يعني أنتي يا أبلة كان استغليتي الوضع في الباص وشرحتي في عشر دقائق حرمة الخمر

وبالتالي من يدعو لها في غناءه وتدعين لهم أن يكونوا ممن يظلهم الله في ظله ومنهم شاب

نشآْ في عبادة الله الموضوع بسيط والحلول سهلة أذا كنا فعلا نرغب في أيجادها .

صح كلامك وفكرتك جدا جميلة وبخاطب الجهات المعنية للتطبيقها ..وانا بصراحه ماعندي خلفية عن كيفية التعامل مع الاولاد في هذا السن..


لا يعد الكسرات فن لانه ف الغالب اغاني هابطه تحث على " الشذوذ الجنسي" واعتقد انها اندثرت مع الزمن لان وقتها كان اعتقد في 80-1990 ومع تطور اصبح من القلة يسمعون لهذه الاغاني الهابطه اللتي لاتطرب الا السكارا و "الشاذين جنسيا"


الطريقة اللي ممكن ان تجعليهم يبتعدون عنها هي توعيتهم بمخاطر سماع الاغاني اولا وعقابها في الاخره واخبار اهاليهم بطريقة حضاريه لآن اغلب الاهالي لما تقولين لهم ولدكم فيه كذا وكذا ولازم توجيهه يردون عليج ويقولون ولدنا مافيه شي والبلا منكم ومن هالاسلوب وهذا القليل وليس الكل ..

ع العموم اتمنى وضع حصه واحده تجمعون فيها الطلاب وتحاضروهم بمخاطر سماع الاغاني لان لها تأثير قووووي على نفوسهم وهم صغار ((العلم في الصغر كالنقش على الحجر)) يعني راح ترسخ في عقولهم

ولكن دون التطرق الي ذكر اسامي الاغاني لان ذالك يزيد من شهرتها ف الاطفال في مثل هذا السن عندهم الفضول زايد فأذا تطرقتي لاسماء الاغاني سوف يبحثون عنها ويسمعونها><


ع العموم جزاج الله خير على نصحهم ونهرهم من تكلمتها :)

اشكرك اخوي على المرور وعلى كلامك العقلاني.. ان شاء الله بسعى انا لترتيب محاضرات توعوية
واستغلال الطالب القيادي في الحملة..


واحد يغني كسرات

والثاني يغني "إشطح"

و يوم تجي تقوله تعال انشد النشيد الوطني لدولة قطر مهب حافظه


لا بد من تدخلكم انتوا يالمدرسات , شدوا على اياديهم و ازرعوا الاناشيد الوطنيه في قلوبهم ترا التكرار يعلم الشطار .. و اذا من صفكم حفظ اللي وراه كلهم بيقلدونه

ولا بد ايضاً من تدخل المختصين بالدوله و منع المحلات التي تبيع الاشرطه الهابطه لأغاني الكسرات

اشكرك اخوي بوخليفة على مروك العطر..المشكله انه الاغاني لها رواده في عالم الانترنت
هم ماقصروا حافظين كل الاغاني ..بلفعل ان شاء الله نسعى لحل هذه المشكلة


رد عقلاني سليم ونظره ايجابيه لما حصل

با استغلال قدرات ومهارات الولد(القائد) لتوجيه المجموعه

نحو الاعمال الايجابيه ....جزاك الله خير وكثر الله من امثاك

شكرا اخوي على المرور بالفعل اعجبتني الفكره


اههههههههههههههههههههههههههههههههههههه ترى الموضه ألحين الاغاني القديمة:p

يابنت الحلال زين وصل الامر لاغاني00وحده اتسولف لي انها كانت برحلة مع الطلاب وجالسه في بدايه الباص ماوعت الا دورية الشرطة اتلاحقهم 00وماخذين اسم المدرسة من الباص 00قالوا للمديرة الطلاب يتلفظون بالفاظ بذيئة جدا جدا على الدورية من نافذة الباص0

وعلى فكره هالاغنيه اهون من اغاني ثانيه يغنونها


عموما" مالوم الطلام نهائيا" اذا غاب التنظيم والتوجيه والنصح والارشاد بالمدرسة

مشكوره اختي على مرورك العطر والمدارس النموذجية بحاجة الى التوعوية وعمل حملات
بالمشاركة مع الاوقاف

دمتم سالمين


انا احسب اندثرت هالاغاني اخبر عز وقتها هالاغاني فالتسعينات كانوا الكل يسمعونها ويغنونها ,,

باااال غبره قسم بالله

اشكرك اخوي على مرورك العطر




هههههههههههههههههههه

والله ذكرني الولد هذا باايام اول في التسعينات و استعراض الشباب و حركاتهم


بالنسبه للموضوع يمكن الولد هذا متعلق باحد من اخوانه اللى اكبر منهم يوصله و يجيبه و تحصلينه دوم حاط الاغاني هذه او حد من خواله او عمامه يعني يسمع و ينقل

بالنسبه للسن هذا تلقين الولد دائما مقلد للى اكبر منه في الحركات و لبس العقال و نوع السياره اللى يبيها من هذه الامور

فهو في سن (( مقلد لا قدوه ))

الله يحفظهم و يستر عليهم

ويجعلهم ذريه صالحه حق اهلهم و وطنهم

اشكرك اخوي على مرورك العطر .. بالفعل احس انه الولد يقلد ,, ويسوي نفسه كبير
وهذه الاغاني منتشره اكثر عند شباب الاعدادية والثانوية



الله يستر " ان شاء الله عمور ما يسمع هالأغاني "
كل يوم حاط السماعه بإذنه ويقول اسمع راب .. اخاف يطلع الي اتقولون عنه


الله يحفظهم هالجيل التعبان .. تعبوا اقلوبنا
لا ويقول عمور يبي جلاكسي .. ولا في الاحلام


جملكم الله برضاه

الله يعينكم التربية متعبة للمراهق ..لانه يقلد اللي مثل سنه
ولاراح يسمع كلامكم.. حياك الله اختي بالموضوع


الاطفال الصغار كل شي يسمعونه يرددونه

حتي فيه احتفال باحد الروض باليوم الوطني والاطفال لابسين لبس الخويا واحد منهم قال الشعب يريد اسقاط النظام والباقي صاروا يرددون وراه...ههههههههه خوش وطنية

حياك الله نورت الموضوع


الموضوع بسيط بزان سمعوا هالأغاني عند اخوانهم او ربعهم وغلدوهم !

والحين الكل عنده نت وبي بي ويتناقلون هالأغاني التعبانه

يبيله توجيه وبتنحل المشكلة :)


على قولة راعي الكسرة


محمد احبك وانا احلم فيك & راسم على القلب عنوانك:shy:
يوم العرب كلها تطريك & القلب يبكي على شانك:weeping:

اشكرك اخوي بوحارب على مرورك العطر
البي بي هو البلا . .هو اللي طلع الماضي والحاضر وكل البلاوي
اتمنى يستخدمونه بايجابية



يااخــــــــــوان تركتـــــــو المشكله ومــــسكـتو في كـــــلـــمه انقالت بعفويه ؟؟؟؟


الحين صاحبة الموضوع تسالكم شالحل او شالطريقه الي نقدر نستخدمها مع هالعيال الي توهم ماطلعو من البيضه؟



مش موضوع مناطق نائيه وله مناطق قطب شماليه ...



ركز في الموضوع والي عنده اجابه او حل لهل المشكله يحلها وللي له انتقاد انا افضل يحتفظ فيه حق نفسه

والله مايصير ترا كل مادخل موضوع احصلكم داشين في موضوع ثاني ,,,عيل لو صاحبة الموضوع اكتبت فالعنون المناطق النائيه كان ابرك والله

مرحبا اخوي اشكرك على المرور العطر والكلام الموزون


يليت مابالمدرسه حلوين..ماكنا بالدنيا تألمنا
ماكنا بالعمر شقيانين..نعزف العود ويعزفنا
بالامس كنا متفوقين..واليوم فاشلين بدراستنا
كل سنه بسنه راسبين..بالدف دايم نجحتنا
في كل حصه سرحانين..مدرس دايم يهزئنا
والله حنا معذورين..حب الوليف اشغلنا

ينخاف منك بوحارب :)

انت السبب في طردي من الجامعة :weeping::shy::tease:


المناطق البعيده عن الدوحه

الخور
الشمال ككل

الرويس
الشحانيه
السيليه
الكرعانه
معيذر
الخريب
وووووووووووووووو

هذي تسمى مناطق بعيده عن الدوحه او عن العاصمة

وياريت تركزون على المشكله بالموضوع ترى اكتبها بالخط العريض الشيطانه الزياده موجود في مدارس لمنطاق (لعدة اسباب ) اول سبب عدم قدرة المدرسة على السيطرة

خلاص اكوه فكيتكم وجاوب عشان الكل خايف ومتهدد بالثاني مادري على شنهو

خذو الموضوع من جانبين مهب من جانب واحد

وبعدين هالكلام ما يعفي المدارس الي بالدوحه عن السلوكيات السلبية يعتمد اعتماد كلي على ادارة المدرسة وليس على سكان المناطق واولياء الامور كما فهم البعض للاسف00

دمتم سالمين
^_^

اختي بنت النوخذه حياك الله بالموضوع
وللتصحيح معيذر في قلب الدوحة ولاتعد بعيده عن العاصمة
والموضوع ماله علاقة بالمكان .. بل بالعكس هالمدرسة في العاصمة
يعني ماله علاقة انها بعيد ..


بكل بساطة كان جبتي سي دي اليوم الوطني وحطيتيه
وبالنسبة للولد الي يرددون وراه الحل مب عندنا
الحل عند الاخصائية الاجتماعية .....
لتوجيه طاقته السلبية لشي ايجابي .

مشكوره اختي على ردك وتجاوبك معنا


انا قريت كلمة (عسكر) عبالي سوو مظاهره :)

اعتقد ان اطفال اليوم اصبح على لسانهم اغاني مثل (ياطيبه) (واسناني واوا) (وابوي نزل معاشه) او اغاني مسلسلات الرسوم ، لذا فخروج هؤلاء الاطفال عن المألوف يعني كثرة سماعها ربما في محيطهم !


انزين الكسرات هي نفسها اغاني (فرقة السيف) ..؟
عند ابن مسعووود .. عند ابن مسعووود ..مولى الهدااااب السوووود:omen2:

حياك الله اخوي على مرورك العطر وكلامك الموزون
اول مره ادري فيه اغاني كذا ...!
صراحه احسها وقاحه.. لو كان عيالي
يسمعونها كان شرشحتهم للآخر ..
ماارضى يسمعون هالوقاحه صراحه

اشكرك اخوي على مرورك العطر.. والمدرسة باختلاط الاطفال مع بعضهم البعض
يكتسبون اخلاق وافكار .. يعني دور المدرسة دور تربية وتعليم .. واتمنى زيادة التوعية بالمدارس


ماعرف معنى كسرات مع اني حسيت من خلال الردود

وبعض الردود التوضيحية انكم تقصدون عيال البدو :)

ريحت بنت النوخذه وجبتها على بلاطه :tease:

بس تراني معرف وش كسرات ..

ماعلينا .. عيال البدو عيال قطر مثل ماعيال الحضر يسمعون شغلات احنا نشوف فيها اشياء مب زينه مابي اكتبها .. مادري ليش نقلل من قيمة بعض والمصيبه اناسب بعض :rolleyes2:

اختي مرحبا بردك .. مع العلم انه الاطفال بدو وحضر ومقيمين كلهم يرددونها..



اول مرة اسمع ب (( الكسرات ))

بس لابد من الحوار مع الطلاب بذكر سبب تحريم الاغاني

و نجيب طاري الموضوع فيه

بس لابد من تكرار النصيحة بين كل فترة و بشكل مختلف

و اذا كان الموضوع منتشر ف المدرسة

ارى ان يتم انشاء جماعة منافسة للكلام الهابط بحيث تجذب الطلاب و تعود اذنهم ع النشيد المباح

و النشيد العسكري - و هو شي يحبونه الاولاد وايد

الله يعينا ع الجيل- اللي ما خلا شي قديم او جديد ما حشر نفسه فيه

اشكرك من كل قلبي على الرد الواعي .. وان شاءالله بيكون هناك حل لهذه المشكله

أبداع

[الموضوعي]

نفس البيئة تنتج نفس الأشخاص حتى مع تغير الزمن

[بو خليفه 123]

زين اشوه ان منطقتنا ماطلعت من ضمن قائمتكم للمناطق النائيه :tease:

[بومحمد911]

زمن يخوووف

الله المستعان

[القحطاني505]

ههههههههههههه

لما كنت في الثانوية كانوا كثير من الطلاب مزعجينا بالكسرات

لكن حينما تسمعها من شاب في الثانوية فيمكن أقول زاحف ورايح فيها لكن البلاء لما تشوف أطفال الابتدائي متعلقين فيها

الله يستر على أبنائنا

[بـــــــنت النوخـّــــذه]

نفس البيئة تنتج نفس الأشخاص حتى مع تغير الزمن

بس نقدر انغير منهم بوضع قوانين مشدده, ممكن تساهم بتقويم السلوك




صراحه ودي احط تجارب واجهتني بتلك المدارس ووضعنا حلول بس عاد ربعنا يخلونا نتكلم وايد حساسين يوقفون عالكلمة :(

لان هدفنا هو وضع الحلول والاقتراحات مهب الشخصنه بالتعليق بس يلا شنسوي :)

[كازانوفا]

اول مره اسمه بهذا الكلمه الكسراااات
ومن الردود اللى قراتها فهمت ايش معناهاا
ولذلك فالاطفال بيسمعوها باستمرار من اهاليهم واكيد هي عاديه بالنسبه لهم لانه في جهل للمعنى وكلهم على نياتهم لا اقل ولا اكثررر