اذا اردت ان تطاع فطلب المستطاع

[MAZEN37]

السلام لاهل السلام
لفت انتباهي الاخطاء المتكرره لقرارات المجلس الاعلى لنفس الموضوع وهو
جدول الاجازات للطلاب في المدارس
قرات بالشرق اليوم انه نسبة غياب الطلاب تجاوزت 70 % الصراحه شيء متوقع ومتوقع جدا وبالمنطق والعقل
الحين امس عيد وطني والناس فرحانه والاطفال يلعبون ومبتهجين ومشاركين بالمسيره وسهرانين ويمكن رقدوا الصبح
وتبونهم يفزون صباح الله خير
وقبل فتره ايام الاعياد نفس الشيء اجازه طويله وخلوها تنتهي يوم الاربعاء اظن ويبون الطلاب يداومون خميس عقب يردون اجازه !:)

[وتبقى الدنيا حلوه]

وعليكم السلام ورحمة الله وبركاته

اغلب اليهال اللي نعرفهم ماداوموا

سواء اللي راحوا المسيره او اللي ماراحوا

يقولون متواعدين انهم يغيبون

[khaldoon]

ابني قالي انه في 18 طالب غايب من صفه

[تحداني]

عمور الوالد قومه بالغصب ووصله لباب المدرسه واحترمنا اليوم الدراسي
وقام واتصل البيت وقال تعالوا اخذوني.. المدير يقول روحوا كملوا نوم
ومن امس زعلان على هالسالفه .. :(


طيب ليه ما احترموا الي احضروا ؟؟
ليه ما عطوهم دروس ؟؟



جملكم الله برضاه

[khaldoon]

عمور الوالد قومه بالغصب ووصله لباب المدرسه واحترمنا اليوم الدراسي
وقام واتصل البيت وقال تعالوا اخذوني.. المدير يقول روحوا كملوا نوم
ومن امس زعلان على هالسالفه .. :(


طيب ليه ما احترموا الي احضروا ؟؟
ليه ما عطوهم دروس ؟؟



جملكم الله برضاه

بصراحه حركة غير مقبوله انه يرجعهم و غلبكم ...هذه جزاتكم انكم كنتم ملتزمين:rolleyes2:


انا لو مكانكم بخليه يغيب اليوم عنادا فيهم و علشان ارد لهم الحركة:victory:

[intesar]

أنا خذته من قاصرها وغيبت عيالي..

[تحداني]

بصراحه حركة غير مقبوله انه يرجعهم و غلبكم ...هذه جزاتكم انكم كنتم ملتزمين:rolleyes2:


انا لو مكانكم بخليه يغيب اليوم عنادا فيهم و علشان ارد لهم الحركة:victory:



ولا هامهم يحطونه غياب .. ولا مفتكرين
واحنه الي راح نبتلش .. وراح يعيش احلى لحظات الاسترخاء
والادروس قلعتها


الله يسامحهم

جملك الله برضاه

[بـــــــنت النوخـّــــذه]

المفروض يرقدون من وهل00

اليوم الوطني اجازه الاحد (فقط) وتم الاعلان عنه مسبقا" فلازم يكون تنظيم من اولياء الامور

مع اني موظفة وكنت حابه الاجازة يومين بس هاليومين بتتعطل مصالح كثيره مالها داعي تتأجل لجل يوم اجازة اضافي لليوم الوطني00

دمتم سالمين


لو انا مديرة مدرسه كان قلت الي بيغيب له خصم من درجاته والي بيداوم 10 درجات اضافيه تحسب لتحصيلة الدراسي :playball: وراحت عليكم يالغايبين

[الموضوعي]

انا خلال دراستي من اول ابتدائي إلى ثالث ثانوي ايام غيابي ماتعدى عشرة ايام وفي النهاية اكتشفت ان اللي كانوا يغيبون شدوا حيلهم في ثالث ثانوي وجابوا نسبة اقل مني بشوي وبعضهم اعلى مني ، علشان كذا من الخطأ الضغط على الأطفال خاصة الصغار من اجل الذهاب إلى المدرسة يعني خلو الولد على راحته لا وصل ثالث ثانوي إللي هي الزبده خلوه يشد حيله

[سان سيمون]

ولدي داوم بالغصب بعد دوشه وهوشة وفي الاخير كلمني ارسل السيارة لان اغلبية الطلاب غائبين وللحين يتحندى على هاليوم ليش وليش وعلشان لما أقولك بغيب تخليني أغيب وشكلي المره الجاية بخليه يكبر المخدة ويغيب

[الدمعه]

انا الحمدلله عيالي داوموا بالرغم من انهم متاخرين عن موعد نومهم بساعتين لكن جبرتهم يروحون ..

نرجع لنفس الموضوع ..

يعني شنسوي اذا الالعاب الناريه ماتصير الا بالليل .. من وين بنشوفها ..

كان موعدها 8 وطالعين من 6 ولاوصلنا بعد ياليت لو واصلين ..

ولين رجعنا يات 10 وعلى مايغيرون ملابسهم ويتنظفون هذي نص ساع زياده ..

بالنسبه لعيالي اللي متعودين ينامون بعد اذان العشا على طول واحيانا قبله ..

هذا يعتبر سهر ..

كل شي كان غلط .. اذا مايبونا نطلع في هاليوم لايسوون فعاليات تجذب اليهال بالليل ..

[اليزوه1]

لا اله الا الله محمد رسول الله