مسيرة 18 ديسمبر تعطل القادمين لمطار الدوحة

[N7eEeS]

السلام عليكم ورحمة الله وبركاته ،،
بداية انا اعارض اليوم الوطني جملة وتفصيلا لاعتبارات دينية وان شاء الله السنين الجايه يتم الغائه واستغلال الاموال المهدرة فيه في امور أهم .
ثاني شي يوم الاحد كنت راجع من السفر تقريبا الساعه سبع بالليل اتصل على السايق جيب لي السياره عند الباب قال بابا انا يطلع من بيت خمسه ونص ولين الحين مايقدر يجي قلته ليش قال الطريق مسكر!!
طلعت برع الا اشوف العالم متزاحمة ادور ليموزين مافي ادور تكسي مافي؟ والحل؟ انتظرت السياره بعد نص ساعه وصل! في خلال هذه اللحظات سمعة كل الدعاوي تنصب على اللي في المسيره!!
بعض الناس قاموا يقطعون الشارع ويروحون الخط الثاني يدورون تكاسي او حتى يكلمون السواقين يجونهم برع وكل من يسحب شنطته!!
طبعا وانت واقف برع تشوف الشارع مسكر والشباب والشابات الله يصلحهم رقص واغاني!!
المهم جات السياره وركبنا تمينا ساعه وشوي لين وصلت قبل اشارة راس بوعبود والمسافة كلها ماتجي كيلو الحل كان بتخاذ قرار سريع بمخالفة القانون واضرب رصيف واطلع على الشارع الثاني باتجاه اشارات عبدالغني؟؟ وصلنا الاشاره الا زحمة لان الخط اللي رايح الكورنيش موقف ؟؟ بس الحمد الله ماطولنا عند الاشاره؟
السؤال المطروح مطار الدولة الرسمي يتم تعطيله علشان مجموعة من الشباب الفاضي يعبر عن مايسميها فرحته باليوم الوطني بالرقص والمناقز بين السيارات؟ماذنب الناس اللي تعطلت مصالحهم والناس اللي جايه وخاصة أن في مؤتمر عندنا ثاني يوم والفنادق باتجاه الكورنيش ؟؟ نقطة اخيره مهمة الشوارع اللي كانت باتجاه مستشفى حمد زحمة لانها روافد للكورنيش ؟؟
ومني لسعادة وزير الداخلية بمنع هذه المهازل بحجة اليوم الوطني و اللي يبي يعبر يروح اي عرضه ويعبر عن فرحته والبنات يسون لهم احتفالات خاصة فيهم.
اللهم ردنا لدينك ردا جميلا

[البحار00]

لاتشره على شله شباب وبنات فاضييين

يسوون هالشيء من فراغ في عقولهم

الا اشرة على الداخليه الي مخلية الامور توصل لين هالحد

[عكاس]

والشرهه على المرور والخرجي اللي سكروا الشوارع وسببوا الزحمة. لو الشوارع مفتوحه كان ما صار اللي صار

[زايدي]

لا نرى مثل هذه الأمور تحدث في الدول الغربية التي نطمح أن نصل مواصيلهم في التنظيم والتطور وو
وكل شيء زاد عن حده انقلب ضده
ونتمنا أن تدفع هذه المبالغ التي تهدر في الزينة إلى الدول الفقيرة المحيطة بنا شرقا وغربا

[Dawn]

احييك على ذكرك انك معارض لليوم الوطني لاعتبارات دينيه .. اعتقد انك اول عضو في منتدى الاسهم قال رأيه بكل شجاعه دون نفاق ..

[بوحارب]

والله يارييييييييت لو يتم الغاء المسيرة في اليوم الوطني

اشدخل المسيرة اصلا ؟؟؟؟؟


يازين الرجال وهو مرتز بين جماعته وربعه في العرضة على الأقل اهون من الدوارة في السيارة مثل الأهبل !!

ولا الحريم اللي ماعندهم رجال يربضونهم في البيوت صياعة لين اخر الليل

[hamoor4ever]

اهم شي ان السياره وصلتك بعد نص ساعه يعني مافيه تاخير عليك ، بعدين انت تدري اخوي انه يوم وطني والناس اللي رايحه تشوف العروض واللي رايح يشوف الالعاب الناريه مع عياله ، خل الناس تستانس والفئه اللي اعفست الكورنيش كان مفروض يوقفونهم عند حدهم بس لكن الغاء الاحتفالات كلها علشان اللي بالمطار ماعتقد ان هاذه حل اذا كان هناك 1000 تضايقو من الزحمه فهناك اضعاف اضعاف اضعافهم كانو مستانسين

[Anas_G]

انا اقول يشوفون مكان ثاني غير الكورنيش الكورنيش اهم طريق في قطر اذا عندهم عطلة في ناس عندها دوام .. امام تلفيزيون الجزيرة المسيرة ومسكرين كل الشوارع ضيوف القناة المذيعين الموظفين شلون يوصلون هل الخرجي والداخلية ما عندهم خبر ان الناس بتتعطل علشان واحد يرش على بنت وواحد يلون سيارته المصالح تتعطل

[انا حره]

مفروض صوب المطار مايخلون المسيره توصلهم يعني يخلون منافذ مفتوحه من والى المطار

[الباب العالي]

بالفعل ينبغي دراسة السلبيات وتلافيها قدر الإمكان

[وطن]

أول شي اخوي الحمدلله على السلامة

الصراحة اللي مو مضطر يسافر او يرجع في اليوم الوطني المفروض يأجل
لان معروف وضع الكورنيش وما حوله من الزحمة والازمة

أنا معاك موضوع المسيرة واللي فيها يسبب ازعاج كبير للناس
غير المهازل اللي مالها علاقه بدينا وعاداتنا ولا حتى بوطنيتنا

بس مو معناتها نلغي الاحتفالات او المسيرة تماما
يبي لهم تنظيم زياده ومخالفة اللي مو ملتزمين بقواعد المرور ولا بالأخلاق

واذا مافيهم شده خل يلغونها ابرك

[عرباوي قطري]

انا جاي من السفر الساعه سبع ونص وبصراحه تفاجأة بالزحمه وكنا تعبانيين انا والأهل نبغي نوصل البيت بأسرع وقت الله يهدي صاحب فكرة المسيره والسماح لهم بهذي الاعمال

[مضارب جديد]

احييك على ذكرك انك معارض لليوم الوطني لاعتبارات دينيه .. اعتقد انك اول عضو في منتدى الاسهم قال رأيه بكل شجاعه دون نفاق ..

فعلا

انا احييك ايضا ، ولن انافق

[khaldoon]

الساعة 7 بالليل اشارات المطار مغلقه تماما لما مريت عليها لانه السيارات واقفه في التقاطع من كل اتجاه

حمد لله على سلامتك

[alfahad1]

شي مخزي وهذه المسيرات ما تصير الا عندنا

واذا على قولت واحد انهم مستانسين ترى كلنا مستانسين ولكن

نعرف نستانس بدون ما نأذي غيرنا

اخي صاحب الموضوع ذكرى اليوم الوطني شي طيب والدولة مسويه

عروض عسكرية والعالم تحتفل بعرضاته كل قبيلة لها مكان ولو تلاحظ

كلهم بعيدين من المناطق الي فيها زحمه بحيث ما يسببوا ضرر لغيرهم

[سهم مديون]

الحل يغيرون المسيرة الى مكان آخر خارج الدوحة وهناك شارع الرفاع الواقع شمال بني هاجر جديد ومنظم وممتد من الخريطيات الى الوجبة

[دلة الرسلان]

ما دام التركيز على منطقة جغرافية صغيرة حيوية (الكورنيش )في أقامة الأحتفاليات في

الدولة من عرض عسكري وألعاب نارية ومسيرة فأكيد مصالح الناس بتعطل ، ليش ما تتوزع

هذه الفعاليات ويستحدث لها مناطق مناسبة لكل فعالية أسوة بشارع الرفاع الذي تم الآنتهاء

منه بخدماته في ثمانية شهور ؟

دوروا لكم شارع وسموه الشارع الوطني وهدوا ها الشباب فيه بعيدا عن المناطق الحيوية

واستحدثوا أنشطة مناسبة لمثل هذه المسيرة حتى لا نكون ظلمنا الشباب الفرحان بهذا

الفلتان :)

[][ Q6r ][]

الحمدلله على السلامه

اخوي كل سنه يوم وطني تضايقتو اللحين ....؟
هڈه فرحه الشعب يتم الغاءها على شان القادمون ؟
ياجلون رحلتهم افضل ...
والمروور اللي سببت الزحمه سكرت الشوارع وحكرتهم في مكان واحد

[بو خليفه 123]

مالك لوا يا نحيس

[روح الاطلس]

المسيرات مالها داعي شنو استفدنا منها ! ماغير مسخرة وقلة حياء وفلوس ضايعه على تزيين سيارات هبل*هبل


اوك يوم وطني معليه سووا عرضات العصر كل قبيلة في بيت شعرها وبمناطق موزعه

اوك حطوا اعلام واترسوا الشوارع فيها

اوك حطوا برامج تلفزيونية

لكن مسيرات وبخاخات واستهتار وانفلات ومزاحمه خلق الله بالشوارع فيه ناس جايه من سفر وناس رايحة مستشفى وناس محتاجة تخلص امور ضرورية فمالها داعي المسيرات واتمنى تنلغي وتنمنع بالقانون والداخلية لازم تراجع هالامر

[روح الاطلس]

[ q6r ][;7865927']الحمدلله على السلامه

اخوي كل سنه يوم وطني تضايقتو اللحين ....؟
هڈه فرحه الشعب يتم الغاءها على شان القادمون ؟
ياجلون رحلتهم افضل ...
والمروور اللي سببت الزحمه سكرت الشوارع وحكرتهم في مكان واحد

حلوة يأجلون رحلتهم :) في ناس مضطرة تسافر

وبعدين الكورنيش اصلا مأساة وشوارع قطر مأساة يبي لها اعادة رسم وتخطيط وتوسيع وايجاد حلول للزحمة اللي صايرة

[تحداني]

انا انحبست في المستشفى واناظر سيارتي واقول
خلج واقفه الين ما الله يفتحها علينا

كان خاطري أأجل مرضي .. بس سبحان الله مرضت :(
الحين اشلون اقدر انسى هذيج الثلاث ساعات من عمري .. اشلون :(


في ناس انانيين وايد انانيين .. يبنون سعادتهم على راحه غيرهم
ليش اهما جي



الحمد لله على السلامه


جملكم الله برضاه

[بو سعـد]

يعطيك العافية أخوي على طرح الموضوع ..

وغير المطار عندك الناس الي ساكنين في منطقة الدفنة صوب المحطة الخضرا ..

ايش ذنبهم لا يقدرون يطلعون من بيوتهم واذا اطلعى ما يقدرون يرجعون من الزحمة ..

وللأسف الناس ما تقدر ..

في اليوم الوطني على الساعة 10 في الليل كنت ماشي في الخط بين اشارات الدفنة ودوار القوس الخط طبعا ما يمشي بسبت المسيرة ..

السيارة الي كانت قدامي كانت تضرب هرن مستمر بشكل مزعج الشباب الي في المسيرة كل شوي واحد ينزل من موتره يروح عند السيارة يهاوش السواق ويحرك ..

يوم شفت ان الهرن للحين مستمر رحت اشوف شالسالفة يوم وصلت عند الموتر الي الي داخلة وحده من امهاتنا يعطيهم العافية مشغله القران وقاعده تصيح تبي توصل لبيتها الي ورا المحطة الخضرا وللاسف ما فيه اي طريق ثاني يقدر يوصلها البيت ..

اتصلت في الشرطة قلت لهم السالفة قالوا ما يقدرون يسون شيء ..

فعلاً لازم يشوفون حل لموضوع المسيرة .. اش ذنب الناس الي ساكنين قريب الكورنيش ..

[khaldoon]

اخوي انا قبل اليوم الوطني كنت اقول الله يعيد علينا هذا اليوم كل عام و يديمه و الله يعينا على الزحمة فيه

كلها يوم واحد بالسنه نتحمل فيه هالزحمة بشكل مكثف جدا طالما احنا متعودين على الزحمة طول السنه و كان الله غفورا رحيما

[روح الاطلس]

^^

اعتقد من الافضل تحديد مسار للمسيرة هذا اذا هم مصرين لازم يكون فيه مسيرة

ويكون الشارع المخصص بعيد عن المناطق الحيوية

وياحبذا في البر :) خل تكون المسيرة هناك وانفلتوا براحتكم في البراري بعيد عن الناس المسكينه اللي تبي تخلص امورها الهامة

[مجنون الفتك]

انا واحد من هلضحايا ضرب علي القولون وقمت ارجع من التنرفز
شيء شيء يفشل مايرفع الراس
قعدت قدام المطار ثلاث ساعات لين ماجاني الدريول
اوك
ولييييش؟

[نتفـه]

خاطري اعرف الشرطه يسكرون الشوارع ليش ؟؟ حق الزحمة !!!!!!! بروحه الكورنيش يكون طافح من السيارات ليش يسكرون الشوارع !!!!!!!!!!!!!!!!!!!!!!!! تستوي الزحمه اخس ,,

[mubarak2006]

ماشوفهم سووا مسيره في عيد الفطر ولا عيد الاضحى..مع انه اهم من العيد الوطني

[Riku3]

انا اخذت الكورنيش في عز الزحمة من بدايته لين نهايته ورجعت في 3 ساعات تقريباً فقط .. كانت جميله بالرغم من بعض المشاهد الغير لائقه (الترقيم) .. اما بشكل عام فكان ممتع للكبار والصغار ..

المشكلة مب في الناس ولكن التخطيط والاغلاقات والتحويلات العشوائية ..

المفروض يكون في مسار محدد تمشي فيه السيارات ويكون فيه مخارج ومداخل محدده وطريق واضح ومعلن في الجرائد الرسمية .. ويتم تكثيف الدوريات ورجال المرور لتسيير الحركة المرورية وليس لاعاقتها او ..

الحمد لله على السلامة :] .

[<اضرب واشرد>]

انا اخذت الكورنيش في عز الزحمة من بدايته لين نهايته ورجعت في 3 ساعات تقريباً فقط .. كانت جميله بالرغم من بعض المشاهد الغير لائقه (الترقيم) .. اما بشكل عام فكان ممتع للكبار والصغار ..

المشكلة مب في الناس ولكن التخطيط والاغلاقات والتحويلات العشوائية ..

المفروض يكون في مسار محدد تمشي فيه السيارات ويكون فيه مخارج ومداخل محدده وطريق واضح ومعلن في الجرائد الرسمية .. ويتم تكثيف الدوريات ورجال المرور لتسيير الحركة المرورية وليس لاعاقتها او ..

الحمد لله على السلامة :] .

خوش وطنية

تضحكون على نفسكم والله

الله يخلف عليكم

[غزلان]

معاك حق شهر ابريل الى فات راجعين من المطار وتصادفنا مسيرة الأحتفال بفوز فريق الغرافه كل ماجينا عند دوار الا الشرطه مسكره الطريق حاول معهم السايق قالهم طريق البيت من هذي الجهه لا مجيب اضطرينا نمشى مع المسيره غصب عنا رغم تعبنا وطول الرحله :(

[qatar.up]

اعتقد لو يخلون المسيرات في الشارع اللي اقاموا فيه العرضات بيكون ممتاز

[بوخالد911]

وقّت نفسك واحرص انك ما تسافر باليوم الوطني

يا قبله ولا بعده