أحسـن مكيفـات (أسبلت) ؟؟

[أسير الاسهم]

السلام عليكم

حبيت أشتري مكيفات للبيت اليديد .. وقبل ما أشتري ودي آخذ رايكم .. وش أحسن نوعية .. مع العلم انه البيت كله مكيفات سبلت .. ؟؟


اللي انا ابي أعرفه وش أحسن نوعية من واقع تجاربكم او تجارب الآخرين .. عن السبلت " .. النوع الافضل من ناحية القوة .. والصيانه كيف المهم بشكل عام ؟

يا ليت تفيدوني لحد يبخل علينا :nice:

[أسير الاسهم]

محد يعرف !؟ .. معقوله ؟؟

[A.L.I]

توشيبا عند المناعي

[أسير الاسهم]

جزاك الله خيـر

بس شرايكم في فوجي ,, واحد ينصحني بها .. ابي رايكم ؟؟

[محمد2]

متسوبيشي الياباني مش الكوري

[غرِيبهـ]

قري حلو وايد

وفيه موضوع تكلم عن هالموضوع بدورة وبحطلك الرابط

[20qatar22]

فووووووووووجي ولاتفكر بغيره.. قوه وتبريد وصيانه..

[أسير الاسهم]

الله يجزاكم خير على كل حال

[المتحدث الرسمي]

.....

جنرال
.....

[وجه السعد 2]

ابعد عن السانيو .. لوع جبدي

[أسير الاسهم]

والله يالربع يقولون فوجي فوجي الكل يمدح وشكلي بعزم عليها

[مسك روز]

سامسونغ

واحد من الاهل مركب مكيفاته كلها سامسونغ

صار له 10 سنين تقريبا وللحين ماشاءالله ماتغيروا نفس البروده ونفس الهدوء


ومبروك البيت الجديد ..

[حسن]

اما جنرال ولا تشوبيشي ولا توشيبا وعند البانسونيك اذا يجيبون لين الحين مادري وهم احسن خدمه في الموجودين اما الباقي الله يعينك عليهم تدفع وتراكض وراهم واترك عنك باقي الماركات ولاتنسي تعزمنا على عشا البيت والله يبارك لك فيه وجعله منزل عامر

[تحداني]

جنرال. .. لانه بالفعل افضل الموجود


جملك الله برضاه

[قطري vip]

فوجي والميتسوبيشي احسن نوعين انا عندي جنرال وتحسفت والله مع انه طنين مب شي بس الفوجي بالعزبه مركبينه عجيب ويبرد والله ماعليه كلام وبعد الميتسوبيشي