الاكل الصحي ..... للمسنين .

[غرِيبهـ]

سلامـ عليكمـ و رحمة الله و بركاتهـ


ماهو الاكل الصحي و المناسب للمسنين

ابي اقتراحات لاكل و طرق احس مخي وقف وماتذكر اكل

الوالدة مرقده و سكرها هالايام ينزل حتى يصل الى 30 تصورو
مش ممكن ان يكون الحل اني اعطيها حلويات ومشروبات غازية

ابي اقتراح اكل

علما بان الاطعمة التي تحتوي على فيتامين ك ممنوعة لانها تنزل نسبة السيولة في الدم

يعني الخضروات الورقية ممنوعة مثل الخس والسبانخ و الخ

البقوليات ممنوعة مثل الحمص العدس الفول

اخصائية التغذية
بلغتها اني اعطيها سناك كورن فلكس وعايلته قالت فيه سكر ومب زين وايد
البسكوتات فيها سكر

شباقي اكل ما صار ممنوع :weeping:

فكرو معاي

[غرِيبهـ]

:eek5:

[مرتبش]

مرحبا
اخوي شيك كمية الانسولين في الابرة اللي تاخذها الوالدة ..يمكن تحتاج تقليل او ايقاف لتنظيم احسن للسكر..
30 رقم وايد نازل .

اغذية ممكن اقترح الاشياء المفيوحة من خضار وبروتين دجاج-سمك وبنسبة اقل طبعا اللحم قليل الشحوم..

الخبز الاسمر الافضل في النشويات .. ممكن بسكوت رجيم خالي من السكر

وماتشوف شر

[بولينجر]

العيش يرفع السكر والمعجنات (فطاير مثلا)... بس وشو فيتامين ك بالانجليزي؟ والله يشافي الوالدة ويعافيها....

[غرِيبهـ]

هلا اخوي مرتبش

شكرا على هتمامك وردك

الجرعة فعلا كبيره من الانسولين وماتتوافق مع اكل المستشفى القليل

والخبز الاسمر دايماً الكل يقول الافضل عيل ليش مااشوفة في المستشفى
من ضمن الاغذية المقدمة للمريض كل يوم نص رغيف خبز ابيض و سلايس قطعة وحده بيضاء


هل الكيوي مفيد
ابي اقتراحات فطور
ولا اكلنا الاولي افضل البلاليط والعصيدة

الشر مايجيك اخوي

[غرِيبهـ]

العيش يرفع السكر والمعجنات (فطاير مثلا)... بس وشو فيتامين ك بالانجليزي؟ والله يشافي الوالدة ويعافيها....

هلا اخوي اعطيها عيش و معجنات بس احس مب صحي

صراحة ماعرف فيتانين ك بالانجليزي
بس حسب التعليمات المعطاة لي
ان الخضار الورقية من اغنى المصادر لفيتامين ك

القرنبيط الملفوف السبانخ الكبد الكلى
البطاطا الحبوب والبقوليات الفراولة
الطماطم العسل حليب البقر

بالله كل هاي مننوع شنهو اعطيها :weeping:

[بولينجر]

هلا اخوي اعطيها عيش و معجنات بس احس مب صحي

صراحة ماعرف فيتانين ك بالانجليزي
بس حسب التعليمات المعطاة لي
ان الخضار الورقية من اغنى المصادر لفيتامين ك

القرنبيط الملفوف السبانخ الكبد الكلى
البطاطا الحبوب والبقوليات الفراولة
الطماطم العسل حليب البقر

بالله كل هاي مننوع شنهو اعطيها :weeping:
بحثت وطلع اسمه فيتامين k... ممكن للفطور بلاليط وعقيلي وعصيدة.... والروب مفيد جدا... اي فطاير مثل جبنة وزعتر ولبنة بعد زينة... المهم تتجنبين الخضار الورقية واللي لونها اخضر ومنتجات الصويا.... ولازم ما تنسين الابتعاد عن البقدونس والكزبرة لانهم غنيين بفيتامين ك....

[مرتبش]

هلا اخوي مرتبش

شكرا على هتمامك وردك

الجرعة فعلا كبيره من الانسولين وماتتوافق مع اكل المستشفى القليل

والخبز الاسمر دايماً الكل يقول الافضل عيل ليش مااشوفة في المستشفى
من ضمن الاغذية المقدمة للمريض كل يوم نص رغيف خبز ابيض و سلايس قطعة وحده بيضاء


هل الكيوي مفيد
ابي اقتراحات فطور
ولا اكلنا الاولي افضل البلاليط والعصيدة

الشر مايجيك اخوي

البلاليط والعصيدة طبعا كلها نشويات بالاضافة الى السكر والدهون..فما تحتاج تعليق

الفرق بين الخبز البني والابيض في وجود الالياف فقط..الالياف تحافظ على مستوى السكر اكثر او تخليه يستقر لفترة اطول وتساعد على الشعور بالشبع

فتكون مفيدة لانها ما تخلي السكر ينزل بسرعة بعد الوجبة.. البروتين ايضا له هذي الفائدة ..

من ناحية الطاقة ..البني والابيض نفس الشي..

الكيوي ما اعرف عنه ..هل فيه ميزة معينة مختلفة عن باقي الفواكه

الفطور ممكن بيض..خبز (بالحصص المحسوبة) ..البان مثل الروب مفيد وقليل السعرات ويفضل منزوع الدسم او قليل الدسم..جبن ايضا منزوع او قليل الدسم.. خضروات -فواكه (الانتباه لعدد الحصص)

اخر ملاحظة ..في فرق بين الاكل الصحي لمريض السكر(اللي قاعد اتكلم عنه) والاكل اللي يرفع السكر عشان الهبوط اللي صاير..شوي الموضوع يلخبط..
ان شاء الله من تنحل مشكلة هبوط السكر يصير كل شي اسهل بعدها

[غرِيبهـ]

بحثت وطلع اسمه فيتامين k... ممكن للفطور بلاليط وعقيلي وعصيدة.... والروب مفيد جدا... اي فطاير مثل جبنة وزعتر ولبنة بعد زينة... المهم تتجنبين الخضار الورقية واللي لونها اخضر ومنتجات الصويا.... ولازم ما تنسين الابتعاد عن البقدونس والكزبرة لانهم غنيين بفيتامين ك....

جزاك الله خير فكرة الروب بحرص عليهاا

[غرِيبهـ]

البلاليط والعصيدة طبعا كلها نشويات بالاضافة الى السكر والدهون..فما تحتاج تعليق

الفرق بين الخبز البني والابيض في وجود الالياف فقط..الالياف تحافظ على مستوى السكر اكثر او تخليه يستقر لفترة اطول وتساعد على الشعور بالشبع

فتكون مفيدة لانها ما تخلي السكر ينزل بسرعة بعد الوجبة.. البروتين ايضا له هذي الفائدة ..

من ناحية الطاقة ..البني والابيض نفس الشي..

الكيوي ما اعرف عنه ..هل فيه ميزة معينة مختلفة عن باقي الفواكه

الفطور ممكن بيض..خبز (بالحصص المحسوبة) ..البان مثل الروب مفيد وقليل السعرات ويفضل منزوع الدسم او قليل الدسم..جبن ايضا منزوع او قليل الدسم.. خضروات -فواكه (الانتباه لعدد الحصص)

اخر ملاحظة ..في فرق بين الاكل الصحي لمريض السكر(اللي قاعد اتكلم عنه) والاكل اللي يرفع السكر عشان الهبوط اللي صاير..شوي الموضوع يلخبط..
ان شاء الله من تنحل مشكلة هبوط السكر يصير كل شي اسهل بعدها



اسفة ان الموضوع ملخبط بالنسبة لك
بس كون الوالدة مريضة سكر وقلب وكلسترول

فمعادلة الاكل صايرة صعبة عندي
ونزول سكرهاا هالايام واحنا حاليا في المستشفى ملخبطني
ابي احرص اغذيها باكل يمدها بالفيتامينات و الاغذية تمدها بالقوة والصحة
خاصة ان الهموغلبين نازل 10 وهم يسحبون دم كل يوم للتحاليل

وفطور المستشفى فقط جبنه واحده و خياره وطماطم وحليب منزوع الدسم
يعقبه اخذ ادوية و جرعة انسولين قبلها مقدارها 70 وحده

واذا نزل السكر قالو عطيها حلويات عشان يرتفع


ارجو وضحت الصورة اخوي مرتبش

[روح الاطلس]

مرحبا اختي دعواتي لها بالشفاء

اختي الاخصائية ماعطتكم قائمة بالاكل ؟؟

طيب اذا سكرها نازل ممكن تعطينها عسل طبيعي او تمر غني بالسكر والفيتامينات


بالنسبة لفقر الدم عصير الشمندر ممتاز بس اسألي الاخصائية هل يناسب حالتها او لا

والعسل بعد ممتاز للدم ومفيد للطاقة والصحة

والفطاير مفيدة ليه تقولين غير صحية؟ بس اخلطي طحين بر مع طحين ابيض ونوعي في الحشوات

الاسماك المشوية خفيفة الدهون يمكن تناسبها

بس بعد ارجع وأكد على ضرورة اخذ النصيحة من اخصائية التغذيه لا تعطينها شي بدون لا تعرفين يناسب حالتها او لا اخاف ماتستحمل

والله يكتب لها الشفاء عاجلا غير اجل

تصدقي عنها بنية الشفاء

[فيزيائية]

اختي...
مع احترامي الشديد لج ولكل الاعضاء الي ردوا
سؤالج لازم تطرحينه على اخصائي تغذية مُلِم بالحالة
يعني الامر لازم مايكون عشوائي وملخبط ...
الله يشفيها ويعافيها لكم ....

[بولينجر]

الكيوي والافوكادو والعنب من الفواكه الغنية بفيتامين ك.... ومن الخضار السبانخ والملفوف والبروكلي والقرنبيط والسلق والبقدونس والكزبرة وكل الخضار اللي لونها اخضر كلها غنية بفيتامين ك..... والله يشافي الوالدة ويعافيها...

[غرِيبهـ]

مرحبا اختي دعواتي لها بالشفاء

اختي الاخصائية ماعطتكم قائمة بالاكل ؟؟

طيب اذا سكرها نازل ممكن تعطينها عسل طبيعي او تمر غني بالسكر والفيتامينات


بالنسبة لفقر الدم عصير الشمندر ممتاز بس اسألي الاخصائية هل يناسب حالتها او لا

والعسل بعد ممتاز للدم ومفيد للطاقة والصحة

والفطاير مفيدة ليه تقولين غير صحية؟ بس اخلطي طحين بر مع طحين ابيض ونوعي في الحشوات

الاسماك المشوية خفيفة الدهون يمكن تناسبها

بس بعد ارجع وأكد على ضرورة اخذ النصيحة من اخصائية التغذيه لا تعطينها شي بدون لا تعرفين يناسب حالتها او لا اخاف ماتستحمل

والله يكتب لها الشفاء عاجلا غير اجل

تصدقي عنها بنية الشفاء

هلا اختي روح الاطلس

جزاك الله خير

اللهم آمين

اباخصائية جات اكثر من مره
ماعطتنا قائمة بس قالت المسموح والممنوع
وان تاكل خمس وجبات في اليوم


بس لاني احس وقف مخي اتذكر اكلات

بسالها عن الشمندر ان شاء الله

[غرِيبهـ]

اختي...
مع احترامي الشديد لج ولكل الاعضاء الي ردوا
سؤالج لازم تطرحينه على اخصائي تغذية مُلِم بالحالة
يعني الامر لازم مايكون عشوائي وملخبط ...
الله يشفيها ويعافيها لكم ....

جزاك الله خير اختي
الاعضاء ماقصرو يسلمون
و انا وضحت ان في اخصائية تغذية حضرت لنا

[غرِيبهـ]

الكيوي والافوكادو والعنب من الفواكه الغنية بفيتامين ك.... ومن الخضار السبانخ والملفوف والبروكلي والقرنبيط والسلق والبقدونس والكزبرة وكل الخضار اللي لونها اخضر كلها غنية بفيتامين ك..... والله يشافي الوالدة ويعافيها...

جزاك الله خير اخوي

وزين نبهتني عن الكيوي والعنب
والبروكلي

تسلم ياارب

[غزلان]

سلامتها الوالده

حبيبتي اذا الأخصائيه مانفعتج شوفي غيرها وايد اخصائيات تغذيه اسألي الى بالمستشفى ممكن يساعدونج بأسمائهم

[غرِيبهـ]

الله يسلمك غزلان

ان شاء الله بكرة بطلب غيرهاا و الله يسر ان شاء الله

[استغفرالله]

اعتقد ان الشوفان مناسب تطبخينه مع ماي او حليب

وممكن الشعير بنفس الطريقة

[مرتبش]

اسفة ان الموضوع ملخبط بالنسبة لك
بس كون الوالدة مريضة سكر وقلب وكلسترول

فمعادلة الاكل صايرة صعبة عندي
ونزول سكرهاا هالايام واحنا حاليا في المستشفى ملخبطني
ابي احرص اغذيها باكل يمدها بالفيتامينات و الاغذية تمدها بالقوة والصحة
خاصة ان الهموغلبين نازل 10 وهم يسحبون دم كل يوم للتحاليل

وفطور المستشفى فقط جبنه واحده و خياره وطماطم وحليب منزوع الدسم
يعقبه اخذ ادوية و جرعة انسولين قبلها مقدارها 70 وحده

واذا نزل السكر قالو عطيها حلويات عشان يرتفع


ارجو وضحت الصورة اخوي مرتبش

صباح الخير
شكرا لج ..الموضوع واضح لي بس لانهم شيئين مختلفين فحبيت انبه لهذه النقطة..
اختي هذي نفس حالة والدتي الله يحفظها ..الي نفع وياها هو تخفيض جرعة الانسولين..بس لازم يكون هالشي طبعا بموافقة الطبيب. خفضها الدكتور عدة مرات..وبعد زيارة الطواري مرتين لان اللي كان يصير ان السكر مايثبت..ينزل بسرعة ويصير هبوط.. نعطيها حلويات وعصاير لكن الكبار في السن احتياجاتهم من الاكل تختلف ومايستحملون الاكل الزائد مثل الشباب..

[غرِيبهـ]

اعتقد ان الشوفان مناسب تطبخينه مع ماي او حليب

وممكن الشعير بنفس الطريقة

جزاك الله خير

بس لشعير كيف :omg:

[غرِيبهـ]

صباح الخير
شكرا لج ..الموضوع واضح لي بس لانهم شيئين مختلفين فحبيت انبه لهذه النقطة..
اختي هذي نفس حالة والدتي الله يحفظها ..الي نفع وياها هو تخفيض جرعة الانسولين..بس لازم يكون هالشي طبعا بموافقة الطبيب. خفضها الدكتور عدة مرات..وبعد زيارة الطواري مرتين لان اللي كان يصير ان السكر مايثبت..ينزل بسرعة ويصير هبوط.. نعطيها حلويات وعصاير لكن الكبار في السن احتياجاتهم من الاكل تختلف ومايستحملون الاكل الزائد مثل الشباب..

صباح النور اخوي
الحمدلله اليوم رخصونا
وبعتني باكلها بنفسي
وباخذ بالاعتبار كل نصايحكم

ابشرك نقصو الجرعة

والله يحفظ الوالطة ويخليها لكم