استفسار++|| محتـار بين الـنيسان باترول+لكــزس فـورويـل ||++

[Charisma]

السلام عليكم ورحمه الله وبركاته

ياخوان بغيت مشورتكم خصوصا ملاك اللكزس فورويل والنيسان باترول الفول اوبشن ..

محتار بينهم وين الافضل ؟ وشنهي السلبيات في اللكزس والنيسان .. ونصايحكم مطلوبة

اتمنى ماتبخلون علي بمشورتكم:nice:


ملاحظه : اعرف ان مكان الموضوع غلط بس قسم الاستفسارات مهجور .. اتمنى يبقى الموضوع في هالقسم يومين عالاقل .. وشكرا لحسن تعاونكم :nice:

[بويعقوب]

مرحبا اخوي

اللكزس من تجربة موتر ماعليه كلام بس فيه عيوب بسيطه

1- السفايف تخلص بسرعه والبريك ضعيف مقارنة بالموديل الاقدم 2007
2- تبريد الكراسي نظام مروحه , كأنك مشغل تدفئة
3- الليت عادي مهب زينون مثل النيسان

ميزته انه يتصلح اي مكان و اذا بتبيعه ماراح تخسر فيه باذن الله


النيسان الفل ابشن 400 حصان

فيه مواصفات اكثر من اللكزس ومكينته اقوى

وسعره اقل ,, بس اذا بتبيعه بتخسر فيه اكثر من اللكزس

" اخوي تقدر تأجر لك نيسان يومين وأجر لكزس يومين وقارن بنفسك "

والله يبارك لك في الموتر اللي بتاخذه

[أسير الاسهم]

انا عندي لكزس 2011 .. واقولك أخذ النيسان الـ400 حصان .. أقوى واحلى

نصيحة مجرب

[jealous]

انا افضل النيسان الجديد الفول ابشن عن اللكزس ,, للاسباب التاليه:

النيسان انتشاره اقل من اللكزس فا اشعر فيه بتميز
النيسان اقوى واسرع
النيسان ارخص من اللكزس بكثير وفي نفس الوقت منافس بقوه وقد يتغلب على اللكزس في نقاط كثيره!!! هذا رايي والله اعلم

موفق اخوي

[سبع الظلما]

خذ لكزس ولا تردد

[فـيـراري قطر]

لكزززززززززززززززززززززززززززززززززززززززززززززززز زززززززززززززس

[ولد المنصور]

نيسان ولا تفكر .... لان اللكزس اكيد بيتغير قريب اما النيسان ريض .. والنيسان احلا ومرغوب ...

[المبرمج صلاح]

http://files2.fatakat.com/2011/5/13061343411122.gif
بالتوفيق ان شاء الله

[Charisma]

يعطيكم العافيه ياشباب تم تجربه الموتر اليوم في وكاله المانع
والموتر بصراحه ماعليه كلام .. رفاهيه لابعد حد وسواقته تخليك تنسى التويوتا ..

بس بالنسبه للصيانه وقطع الغيار سالتهم ووجدت ان الاسعار اغلى من التويوتا بالدبل ...

ومازالت الحيره مستمره بين اللكزس والنيسان .

[BoAzozz]

النيسان افضل من ناحية الكماليات والمواصفات والقوه وارخص

الكزس افضل من ناحية السوق يعني وقت البيع ما يطيح سعره مثل النيسان

الله يوفقك

وانصحك بالاستخاره

[تمون]

اخوي انت من جدك تقارن النيسان باللكزس ؟

خذ لكزس وانت مغمض النيسان يالغالي نفس البالونه تطير فالبدايه لين خلص الهيدروجين الي فيها طاحت

[ضاحي]

اخذ لكزس وانت مغمض وقت البيعه ماتخسر فيه مثل ماقالو الأعضاءوانامجرب من قبل ماشفت
منه اي مشكله لابريك ولاغيره لين بعته والحمدالله.
وانا انصح الجميع ترى الكزس والكروزرات 2012 جايين قريب اللي عنده لكزس او كروزر
يبي يبيعه ابيعه الحين ترى فتره وبطيح اسعار موديلات 2011 .
عليك بصلاة الاستخاره
والله يوفقك في اختيارك

[qatari 111]

اللكزس ماجربت سواقته بس ركبت مع واحد من الريع الصراحه حسيت اني راكب في اكس ار مب لكزس ,, وعندي نيسان ال اس اي مب ال اي والله انه موتر ماعليه كلام وراحه وقوه وسعه .. واذا على القطع الغيار .. لا تقارن بالسعر قارن كم أتم معاك سفايف الكزس كل 4 شهور تبدلهم وغير اجرة اليد اما النيسان سنه اقل شي واحسبها انت كم بكلفك في خلال السنه .. وترى النيسان الجديد سعره ماسك حتى القديم طار سعره فوق .. وكان عندي نيسان ال اي 400 حصان استخدمته 3 شهور وبعته اكثر من السعر اللي شريته ..

والله يبارك لك بالموتر اللي تشتريه مقدما ... استخيير افضل لك

[محمد الجفيري]

بالتوفيق

[بوعمير]

ذاك أول يطيح سعر النيسان، ذلحين ماسك قيمتة وسعرة مثله مثل التويوتا وأحسن وبعد.

والنيسان الجديد أفضل من اللكزس من حيث المواصفات والكماليات والقوة والسعر والوكاله والخدمة، فوق أنه صار شيك بالمخبى.

استخير والله يوفقك.

[Crown]

انا كنت فنفس الموقف وحجزت الكزس وبيطلع ثاني يوم

وداني واحد من عيال عمي النيسان والله العظيم ثاني يوم مطلعه

ولا تندمت لين يومك وانا مظهره من شهر 6

ومشالله تبارك الله بر بلاد سفر يازينه ويزين ثباته ع الخط اثبت من اللكزس حتى وانا مجرب

والسفايف اقوى من الكزس ودوم فوق السنه لو تعرف تحافظ على السفايف اطول مده

توكل ولا تتردد والله العظيم اللكزس صار مركوب الهندي والعامل والكل اما النيسان ماشوفه كثر اللكزس

بالشوارع صج مميز وفخامته وزياداته فيه اكثر من الكزس بواجد

[زئير الاسد]

انا عندي ال اس اي ما شالله تبارك الرحمن موتر محترم

ريف ع الخطوط وهادي ما شالله وعزم

واحلى مافي ال اس اي انه مافيه هيدروليك الي اغلبنا مايستعمله وتظهر مشاكله مع السنين

طبعا هذا الي نسمعه عن الهدروليك بشكل عام

[السد]

شراييك في الانفينتي؟

[مجنون قطر]

لكزززززززززززززززززززززززززززززززززززس

[نيساني]

نيسااااااااااااااااااااااااااااااان
والله يبارك لك مقدماً

من ناحية السعر النيسان الجديد ماسك سعره وبالنسبه للقديم طارت الاسعار

وبالتوفيق اخوي

[نيساني]

نيسااااااااااااااااااااااااااااااان
والله يبارك لك مقدماً

من ناحية السعر النيسان الجديد ماسك سعره وبالنسبه للقديم طارت الاسعار

وبالتوفيق اخوي


بالنسبه لقطع غيار بعطيك مثال بسيط

سعر ايل النيسان 4 لتر ب45

التيوتا4 لتر ب50

5 ريال ضرب عدد مواتر قطر = ؟

عندي الفاتوره في السياره للي حاب يتأكد

وشكراً

[الأسيف]

السلام عليكم ورحمه الله وبركاته


انا من ناحيتي كنت ابي اخذ نيسان ومع الوقت شريت لكزس 2011 كت

السياره روعه بس فيها عيوب
1- ماتثقدر تروح فيها البر او طلعات
2- السياره شوي يابسه من صغر حجم التواير
3- والسكان ثقيل
من خلال تجربه

اما النيسان سقته مره عند رفجي الفل ابشن روعه ما شاء الله قوه وسرعه ووسيع ورفيع
والليات العادي زنون

بس الي ماعجبني فيه سكانه بيج كامل بيتوصخ مع الوقت

وجاري التجربه


وان شاء الله بعد فتره باخذ لي واحد :)

واموفق اخوي

[حسن]

الصراحه انا عندي 400 موتر مميز شكل وخفه وجمال وسلس وسرعه وكماليات
اكثر من روعه اما اللكزس يوم ركبته مافرق عندي بينه وبين الاستندر الصراحه السعر يخب عليه
واذا تبي موتر مايطيح سعره وعن تجربه مايوقف بالمعرض خذلك بوحوض تيوتا يروح ولين الحين مابردت المكينه

[كازانوفا]

المفروض طياره يا بايلوت ههههه

خد نيسان لاني خاطري فيها :)
موفق ان شالله

[خليفـة]

لكزس
ليست مجرد مركبة
:)
وذلك عن تجربة
:)

خليفــة

[مرتبش]

اللكزس منتشر بشكل كبير ..اشوفه اكثر من الكروزر!

وهذا يدل على شنو ؟ رغم انه اغلى وقوته اقل ..هذا جانب مهم في المعادلة

[بوحمد2]

اللكزس منتشر بشكل كبير ..اشوفه اكثر من الكروزر!

وهذا يدل على شنو ؟ رغم انه اغلى وقوته اقل ..هذا جانب مهم في المعادلة

يكفي انه طال عمره مايركب الا لكسز:nice::nice::nice:

[فـــــواز]

عن تجربه في السيارتين الكزس والنيسان 2011 وكلهم فل اوبشن بقولك المميزات والعيوب
عيوب النيسان
الليت الفل مصخره في المكان المفتوح في بر او شارع طويل ( احتمال بسبب العازل الحراري ٣٠% مع الحمايه )
الطابلون والسكان لونه بيج فاتح وسهوله يتوسخ بسرعه
السمعات السياره مصخره صراحه تسمع صوت تحس تشويش عشان كذا في 2012 غيرو السماعات وحطو شركه احسن
المطب تقريبا احسه فيه وعوره في المطب خشن شوي ممكن تلاحظ ذلك خاصه في البر ( طبعا تواير الشركه والهواء تقريبا ٣٥ الى ٤٠ ) وممكن علشان التواير ٢٠ انش
سعر السياره ممكن ينزل اذا بعت السياره بفرق كبير من الشراء بواجد
مفاتيح السياره مافيها تشغيل عن بعد ولافيها شريحه للسياره نفس الكزس
ولاتفتح السياره عن طريق لمس الباب لازم انك تضغط البصمه الي موجوده على الباب علشات يفتح الباب حركه غبيه جدا
المميزات
البترول صراحه فرقيه كبيره بينه وبين اي سياره ثانيه في الفورويل لصالح طبعا النيسان واقول بس الي هو الفل اوبشن لان فيه ميزه في حقن الوقود يمكن يوصلك للغايه 750 الى 800 كيلو تقريبا
ركاده على الخط ممكن تمشي عليه ٢٠٠ ولاتحس بالموتر
صوت الموتر صراحه يطرب الواحد وفيه عزم لا اله الا الله قوي
وسيع الموتر من الداخل وطويل
فيه سنسر للتواير الاربع في الشاشه تقرا هواء التاير وهذا مو موجوده بالكزس
الشاشات الي وراء التكايه كل شاشه منفصله عن الثاني وهذي ميزه بعد يقدر كل واحد يشوف مثلا فيلم مختلف وهذي ميزه مو موجوده بالكزس
عندك ٤ كميرات قدام وراء وعلى المرايا بعكس الكزس بس ٣
عندك هارديسك في المسجل ممكن تنقل الملفات الصوتيه في المسجل وعندك نظام التسجيل كذلك اعتقد اذا مازليت
سعر السياره رخيص مقارنه بالكزس

نجي للكزس الحين
عيوب
سعرها غالي
البريك والسفايف مصخره مصخره مصخره من يوم سوا الشكل الجديد الى 2011 ماسوا اي تحسينات يمكن بعد مع الموديل الجديد مايندرا
نظام السيفتي في السياره مصخره السياره غير راكده على الخط وانت تمشي ١٤٠ تحرك وخاصه اذا معك احد جالس وراء بيحس اكثر ان السياره التحرك يمين ويسار والله يعينك اذا فيه هواء ( اعتقد بسبب الزوايد اللحي والرنقات ٢٠ انش )
المطب كذلك تحسه قاسي نفس النيسان تقريبا
العزم كذلك تحسه عادي جدا كنك تسوق vx-r
نظام سيفتي الابواب حق الكزس بشكل عام لفتح الابواب لازم انك تضغط مرتين بالريموت علشان تفتح جميع الابواب واذا ما ضغطت يفتح بس بابك
تحس في صوت هواء وانت تمشي داخل السياره مافيه عزل هواء عكس النيسان
الكزس ضيقه من الداخل واصغر بعد
صرفيه البترول تقريبا نفس التويوتا يوصلك ٥٤٠ كيلو تقريبا
نظام تشغيل عن بعد للسياره تشغلها تقعد ١٠ دقايق على حسب البرمجه الي تبيها بس اذا فتحت الباب وانت طبعا معك المفتاح تطفى السياره نظام سيفتي خايس مو نفس الامريكي
الكميرا الامايه الي قدام مكانها جدا غلط وحساسه مسكت خط وكان شوي عج وخربت علي والحين حاولت بكل الطرق اصلح الشاشه من الوسخ ماقدرت تطلع عندي بالشاشه وسخ ما اقدر اشوف
الثلاجه ماتشتغل الابعد تشغيل المكيف مربوطه فيها وهذا غلط المفروض منفصله
المميزات
راح اتكلم عن التشغيل عن بعد صراحه عجيب تشغل السياره من بعيد وانا اتكلم من بعيد يعني من بعيد ممكن توصل الى كيلو او اكثر تقريبا اتكلم جد وهذا الي عاجبني فيه

سعره ثابت تقريبا يمكن تخسر شي بسيط بالسعر في البيع ومرغوب طبعا
الهدريولك تقدر تتحكم فيه وهذي ميزه مو موجوده في النيسان بحيث انك ترفعه وتنزله
المرايا تتسكر من نفسها اذا سكرت السياره اذا ضغطت على هذا الاوبشن
تقدر تفتح النوافذ والفتحه عن طريق الريموت كنترول


هذا تقريبا كل شي اتذكره نصيحه مني نيسان افضل بكثير من الكزس واحتمال كبير جدا اني ارجع للنيسان مره ثانيه في سنه 2013 طبعا مش حاليا

بس تحمل اذا من النوع الي تبيع وتشتري لاتقرب النيسان اخذ لك تويوتا او لكزس الي مايطيح سعره في المعارض هذي قاعده