Stenden University ( الجامعه الهولنديه )

[Qatar-Qa]

السلام عليكم ورحمه الله وبركاته




لاحظت اخواني ان الناس عندها التباس بالنسبه للجامعه الهولنديه stenden university

اللي يقول هي معهد واللي يقول مب معترف فيها واللي يحسب انها تدرس فندقه وبس

فحبيت اسوي لكم موضوع كامل ان شاء الله عن هالجامعه وعن شروطها وحتى عن اسعارها بحكم اني طالب في هالجامعه
وهدفي بهالموضوع هو تشجيعكم عشان تكملون دراستكم بدون مشاكل ان شاء الله :app2:


اولا ستندن هي جامعه موطنها الام في هولندا ولها 10 فروع في العالم 5 منها في هولندا , فرع في اندونيسيا , فرع في تايلند , فرع في جنوب افريقيا وفرع في قطر
الجامعه فتحت في قطر سنه 2001


بالنسبه لجامعه ستندن في قطر فيها 3 تخصصات :


IHM : international hospitality management

( إداراه ضيافه دوليه )

ITM : international tourism management

( إداره سياحه دوليه )

IBM : international business management

( إداره اعمال دوليه )

------------------------------------------------------------------------------------------------

تفاصيل الدراسه


نوع الشهاده : شهاده بكالوريوس Bachelor

مده الدراسه : 4 سنوات

كيفيه الدراسه : السنه تنقسم لفصلين ( سمسترين ) وكل فصل فيه وحدتين ( 2 موديلز ) وكل وحده مدتها شهرين
يعني في السنه تاخذ 4 وحدات

الاعتراف : الجامعه معترف فيها وبكل تخصصاتها من قبل المجلس الاعلى للتعليم





شروط القبول


1- لازم النسبه ماتقل عن 70 % , واذا النسبه اقل لازم على الاقل درجتك في الانجليزي ماتكون اقل من 70% .

2- الايلتس 6 او توفل 550 (( بشرح هالنقطه عدل عقب ))

3- امتحان القبول ( امتحان لغه انجليزيه )

------------------------------------------------------------------------------------------------

بالنسبه للنقطه الاولى وهي النسبه : حتى لو كانت نسبتك ناازله وايد مب مشكله دام درجتك في الانجليزي فوق ال 70%


الايـــــلـــــتـــــس

بالنسبه للايلتس : هو المطلوب صح لازم نجيب ايلتس 6 لكن
لو جبت درجه اقل مافي اي مشكله وبتنقبل وبيحطونك في برنامج الجسر الاكاديمي ( الفاونديشن APB ) لمده معينه على حسب درجه الايلتس اللي تجيبها

مده الفاونديشن (ABP ):
لو درجه الايلتس اللي جاييبها 4 / 4.5 بتاخذ فاونديشن لمده فصلين ( سمسترين )
لودرجه الايلتس اللي جايبها 5 / 5 ونص بتاخذ فاونديشن لمده فصل واحد ( سمستر واحد )

الشي المميز في الفاونديشن في جامعه ستندن انك تدخل التخصص بعده على طوول بدون شرط الايلتس 6 ( يعني ماتتعطل عن الدراسه )
ويبقى انك لازم تجيب الدرجه المطلوبه في الايلتس وتسلمها في زمن اقصاه في السنه الرابعه قبل التخرج

بالنسبه لامتحان القبول : هو امتحان خفيف وبسيط بيكون عن اللغه الانجليزيه

------------------------------------------------------------------------------------------------
تكاليف الدراسه :
الفصل الواحد 17500 ريال
يعني في السنه الواحده ( فصلين ) : 35000 ريال

رسوم التسجيل

رسوم التسجيل 1500 ريال
رسوم امتحان القبول 500 ريال

(( رسوم التسجيل وامتحان القبول غير مسترجعه ))

السبونسر ( الابتعاث ) : يوجد جهات كثيره تعطي سبونسر ( ابتعاث ) للقطري في جامعه ستندن منها البنوك والشركات والهيئات

------------------------------------------------------------------------------------------------



وفي الختام اتمنى اني اكون افدتكم بهذي المعلومات :)
ولأي استفسار انه حاضر وفي الشوفه << اهم شي محد يقول الشروط تعجيزيه :cry:
.
.
.
.

[D0ha]

ابوك الجنة ...ونفع فيك الله عباده
جزاك الله خير

[Qatar-Qa]

ابوك الجنة ...ونفع فيك الله عباده
جزاك الله خير

وياك اخوي
واميييين ياارب :)

[وتبقى الدنيا حلوه]

اخوي بخصوص IBM : international business management

( إداره اعمال دوليه )

انا مهتمه بهل التخصص

طيب انا خريجة سنة 2007 و نسبتي 68% بخصوص الانجليزي نسبتي مب متأكده (بشيك اول ما ارجع البيت)

يصير يقبلوني بحكم ان شهادتي قديمة شوي

واذا بدرس part time شلون

و وين موقعهم ؟

و الدراسه سهله والا ؟

وشكرا

[Qatar-Qa]

اخوي بخصوص IBM : international business management

( إداره اعمال دوليه )

انا مهتمه بهل التخصص

طيب انا خريجة سنة 2007 و نسبتي 68% بخصوص الانجليزي نسبتي مب متأكده (بشيك اول ما ارجع البيت)

يصير يقبلوني بحكم ان شهادتي قديمة شوي

واذا بدرس part time شلون

و وين موقعهم ؟

و الدراسه سهله والا ؟

وشكرا


اختي بالنسبه لشهادتج انشالله مافيها مشكله ( هم ممكن يتساهلون شوي في النسبه )
بس لازم تقدمين امتحان ايلس وتعطينهم الدرجه
بالنسبه للبارت تايم للاسف مافي في الجامعه بارت تايم
اوقات المحاضرات في الجامعه بتتراوح تقريبا مابين 9:45 الصبح إلى 4:30 العصر

موقعهم اختي ورا مستشفى حمد جنمب قلعه الجاردن وهذي خريطه للمكان

http://yp.theemiratesnetwork.com/map_static/23252/


بالنسبه للدراسه الحمد لله واضحه ومرنه ومافيها ذيك الصعوبه

[وتبقى الدنيا حلوه]

رسوم الدراسه مناسبه بس المشكله الوقت

لاني موظفه حاليا و ما اعتقد ان مقر عملي يوافقون :'(

وين ما اطقها عويه

طيب اذا ابي ادرس عن طريق جهة عملي تعرف شو الاجراء ؟

[butterfly qatar]

نسبتي 84 متخرجه 2008-2009

بحاول ع سبونسر من الاماكن اللي ذكرتها

واذا ماصار ان شالله بدخل الجامعه

احلى شي انه مايعطلونك عن الدراسه نفس جامعة قطر :(

تـــسلم اخوووي

[وتبقى الدنيا حلوه]

سؤال ثاني

بالسنه بس ادرس 4 شهور ؟

[روح الاطلس]

مشكور على افادة اخوانك بهذه المعلومات ... ممكن توضح أي الجهات تعطي ابتعاث لهالجامعة وكيفية الطريقة لتعم الفائدة اكثر



وياليت توضح بعد متى موعد بداية الكورس الفادم او تحط الكالندر.. وهل المدرسين هناك مستواهم عالي واسلوبهم سلس

[Qatar-Qa]

رسوم الدراسه مناسبه بس المشكله الوقت

لاني موظفه حاليا و ما اعتقد ان مقر عملي يوافقون :'(

وين ما اطقها عويه

طيب اذا ابي ادرس عن طريق جهة عملي تعرف شو الاجراء ؟


بصراحه اختي ماعرف بس على حسب ظني المشكله هني بتكون بينج وبين جهه عملج واذا انهم ممكن يبعثونج لهذي الجامعه او يعطونج تفرغ للدراسه
اما الجامعه ماعندها مشكله في هالناحيه

[Qatar-Qa]

نسبتي 84 متخرجه 2008-2009

بحاول ع سبونسر من الاماكن اللي ذكرتها

واذا ماصار ان شالله بدخل الجامعه

احلى شي انه مايعطلونك عن الدراسه نفس جامعة قطر :(

تـــسلم اخوووي

العفو اختي وبالتوفيق يارب

[المدريدي]

ما شاء الله حلوه الشروط بس ابي واسطه يعطوني تفرغ عشان اكمل فيها

وين الدولة تساعد على التعليم ابي التفرغ عشان اكمل تعليمي

[Qatar-Qa]

سؤال ثاني

بالسنه بس ادرس 4 شهور ؟
الدراسه 8 شهور بس طبعا في بينها اجازات


مشكور على افادة اخوانك بهذه المعلومات ... ممكن توضح أي الجهات تعطي ابتعاث لهالجامعة وكيفية الطريقة لتعم الفائدة اكثر



وياليت توضح بعد متى موعد بداية الكورس الفادم او تحط الكالندر.. وهل المدرسين هناك مستواهم عالي واسلوبهم سلس

العفو وهذي اقل شي اسويه اخوي

بالنسبه للجهات فهي البنوك بشكل عام مثلا عندك ( الخليجي , المصرف الاسلامي , الدولي الاسلامي وغيرها
في عندك بعد الهيئه العامه للسياحه
وفي عندك بعد شركه قطر الوطنيه للفنادق
وفي غيرها بعد بس لازم اسأل الشباب اللي معاي اول لان معظم القطريين في الجامعه موقعين سبونسر

بالنسبه للطريقه فيعتمد على حسب
البنوك على حسب معرفتي تاخذ سبونسر حتى من الفاونديشن وبعض الاماكن من سنه اولى
الواحد لما ينقبل في الجامعه بيعطونه ورقه فيها العرض وبهالورقه يقدر يروح لاحد هذي الجهات ويعطيهم اياها عشان السبونسر


موعد بدايه الكورس القادم انشالله بتكون 19/2/2012

وهذا هو رابط الكالندر
:
http://www.stenden.com/en/locations/qatar/Documents/AcademicCalendar2011_2012.pdf

بالنسبه للمدرسين معظمهم حبوبين وفاهمين المنهج ويساعدون الطالب في أي وقت
على الرغم ان مب كلهم دكاتره

[وتبقى الدنيا حلوه]

الواحد لما ينقبل في الجامعه بيعطونه ورقه فيها العرض وبهالورقه يقدر يروح لاحد هذي الجهات ويعطيهم اياها عشان السبونسر

مشكور اخوي عالتوضيح و المعلومات

عندي سؤال : << اسفه ملغت

طيب لو قدمت وقبلوني الجامعه و عقب الدوام ما وافق يصير انسحب ؟

[ام شيخه]

بيض الله ووجهك وكفيت ووفيت وماقصرت:ok:
انا كنت بسجل فيها من سنتين بس قالولي للحين مش معترف فيها
الدراسه شلون محاضرات ولا نفس المجتمع نظام حصص تدري موظفات مانقدر الا عالمحاضرات عشان ننسق
بس عندي استفسار من مدير الجامعه ؟
ومره ثانيه ماقصرت وضحت لنا اشياء كثيره
وبالتوفيق

[Qatar-Qa]

مشكور اخوي عالتوضيح و المعلومات

عندي سؤال : << اسفه ملغت

طيب لو قدمت وقبلوني الجامعه و عقب الدوام ما وافق يصير انسحب ؟


العفو
لا عادي اختي اي سؤال في البال عن الجامعه اسأليه بدون تردد

بالنسبه للتسجيل
رسوم التسجيل 1500 ريال + رسوم امتحان القبول 500 ريال = 2000 ريال وهي للاسف غير مسترجعه :(

[Qatar-Qa]

بيض الله ووجهك وكفيت ووفيت وماقصرت:ok:
انا كنت بسجل فيها من سنتين بس قالولي للحين مش معترف فيها
الدراسه شلون محاضرات ولا نفس المجتمع نظام حصص تدري موظفات مانقدر الا عالمحاضرات عشان ننسق
بس عندي استفسار من مدير الجامعه ؟
ومره ثانيه ماقصرت وضحت لنا اشياء كثيره
وبالتوفيق

العفو اختي :)

بالنسبه للدراسه هي نظام كلاسات
وبشكل عام الجدول دوم يكون خفييف يعني اليوم كله على بعضه مثلا مجموع كلاساتج ممكن مايتعدى 3 ساعات او اقل حتى
وممكن يوم كامل ماعندج دوام غير 45 دقيقه ( كلاس واحد )

بالنسبه لمدير الجامعه هو
http://www.stenden.com/en/Locations/qatar/PublishingImages/Staff/Wayne.jpg

Mr Wayne Johnson
وهو من جنوب افريقيا

[Qatar-Qa]

ما شاء الله حلوه الشروط بس ابي واسطه يعطوني تفرغ عشان اكمل فيها

وين الدولة تساعد على التعليم ابي التفرغ عشان اكمل تعليمي

جرب اخوي مره ثانيه وحاول مع الشغل وانشالله ربي بيفرجها عليك وبيعطونك تفرغ
الله يوفقك يارب

[روح الاطلس]

اممم بعد بنغثك شوي


كم المعدل المطلوب اقصد الـ gpa للتخرج ؟؟ هل نفس جامعة قطر 2/4 ؟؟

[almaf1a]

الايلتس 6 :eek5:

[Qatar-Qa]

اممم بعد بنغثك شوي


كم المعدل المطلوب اقصد الـ gpa للتخرج ؟؟ هل نفس جامعة قطر 2/4 ؟؟

اخوي خذ راحتك واسأل على كيف كيفك ولا يهمك ;)

بالنسبه للمعدل
الجامعه نظامها اوروبي يعني مافيها gpa
يكفيك انك تجيب حتى لو grade D كل مره وعادي تتخرج وامورك في الروووب :ok2:

[Qatar-Qa]

الايلتس 6 :eek5:

اي اخوي 6
بس عادي لو تقدمه لهم حتى قبل التخرج
وقتها بتكون لغتك اكييد تحسنت وايد بحكم دراستك اللي بتكون بالانجليزي
يعني ممكن تقدمه من سنه اولى او ثانيه او ثالثه او رابعه يعني على راحتك تدرس له وتمخمخ له بدون ماتتعطل عن دراستك يوم واحد :)

[وتبقى الدنيا حلوه]

الله يوفقك و يسهل لك الدراسه و ان شاء الله بحاول اقدم و الله يوفقني ادعواا لي

[وتبقى الدنيا حلوه]

اخوي خذ راحتك واسأل على كيف كيفك ولا يهمك ;)

بالنسبه للمعدل
الجامعه نظامها اوروبي يعني مافيها gpa
يكفيك انك تجيب حتى لو grade d كل مره وعادي تتخرج وامورك في الروووب :ok2:

العلامة
الرمز
النقاط
التقدير

100-95
a+
4.0
ممتاز

94-90
a

89-85
b+
3.5
جيد جداً مرتفع

84-80
b
3.0
جيد جداً

79-75
c+
2.5
جيد مرتفع

74-70
c
2.0
جيد

69-65
d+
1.5
مقبول

64-60
d

أقل من 60
f
0.0
راسب

[روح الاطلس]

اخوي خذ راحتك واسأل على كيف كيفك ولا يهمك ;)

بالنسبه للمعدل
الجامعه نظامها اوروبي يعني مافيها gpa
يكفيك انك تجيب حتى لو grade D كل مره وعادي تتخرج وامورك في الروووب :ok2:

Oooh GOD:omg:

[روح الاطلس]

طيب طيب واذا شخص خلص الـ 4 سنوات بس مسكين متناحس مع المدعو ( ايلز ) ولا قدر يجيبه حتى في اخر سنه اهني شنو وضعه مايتخرج !! :(

[Qatar-Qa]

الله يوفقك و يسهل لك الدراسه و ان شاء الله بحاول اقدم و الله يوفقني ادعواا لي
اميين ووياج انشالله
الله يوفقج ويسهل امورج


العلامة
الرمز
النقاط
التقدير

100-95
a+
4.0
ممتاز

94-90
a

89-85
b+
3.5
جيد جداً مرتفع

84-80
b
3.0
جيد جداً

79-75
c+
2.5
جيد مرتفع

74-70
c
2.0
جيد

69-65
d+
1.5
مقبول

64-60
d

أقل من 60
f
0.0
راسب

شكرا على التوضيح اختي
توني ادري عنه :shy:
بس مثل ماقلت ان بقريد دي عادي نتخرج وموضوعنا يكون في السليم :)

[Qatar-Qa]

طيب طيب واذا شخص خلص الـ 4 سنوات بس مسكين متناحس مع المدعو ( ايلز ) ولا قدر يجيبه حتى في اخر سنه اهني شنو وضعه مايتخرج !! :(

اي هني بيتاخر تخريجه لين مايجيب الايلس

لو الواحد خايف من هالشي اخوي ممكن من قبل يدرس له على راحته ويمخمخ له وماينتظر لين اخر سنه قبل التخريج :nice:

[وتبقى الدنيا حلوه]

Up

للافاده

مشكور اخوي صاحب الموضوع مره ثانيه

[محمد554]

سوال

في ماستر عندهم ؟؟

[روح الاطلس]

^^

to my knoweldge ,, NO

[Qatar-Qa]

سوال

في ماستر عندهم ؟؟

اخوي الماستر من المشاريع المستقبليه في الجامعه
هم قالو ان بينزلون ماستر مستقبلا
بس متى بالضبط؟ هاللي ماندري عنه

[Qatar-Qa]

up

للافاده

مشكور اخوي صاحب الموضوع مره ثانيه

العفو اختي وجزاج الله خير على رفع الموضوع

[Qatar-Qa]

للرفع
للفائده

[بوطويشم]

السلام عليكم

سؤال خارج عن الموضوع

الجامعة تسوي امتحان ايلز ؟؟؟

وعادي لو الشهادة قديمة 2008 و تحت

و بالتوفيق ان شاء الله

[M!ss Vimto]

مرحبــا..

بس حابه اني اوضح نقطه ان تخصص البزنس

مقفول حاليا والى الحين ما اخذ الاعتراف

اما باقي التخصصين مفتوحين

شغله ثانيه اللي يدرس تخصص السياحه او الفندقه مو معناته انه بس بيشتغل في فندق او مكتب سياحي

بالعكس ممكن يشتغل بشركات كثيره منها قطر فاونديش او البنوك وكثير اماكن

وشكرا كثيرا على الموضوع اللي يوضح اشياء وايد عن جامعتنا :)

[Qatar-Qa]

السلام عليكم

سؤال خارج عن الموضوع

الجامعة تسوي امتحان ايلز ؟؟؟

وعادي لو الشهادة قديمة 2008 و تحت

و بالتوفيق ان شاء الله


اخوي الجامعه في تنسيق بينها وبين البرتش كانسل عشان تقديم امتحان الايلس
يعني تقدر تسجل من الجامعه حق امتحان الايلس
بالنسبه اذا تقصد الشهاده الثانويه فمافيها اي مشكله على حسب معلوماتي

[Qatar-Qa]

مرحبــا..

بس حابه اني اوضح نقطه ان تخصص البزنس

مقفول حاليا والى الحين ما اخذ الاعتراف

اما باقي التخصصين مفتوحين

شغله ثانيه اللي يدرس تخصص السياحه او الفندقه مو معناته انه بس بيشتغل في فندق او مكتب سياحي

بالعكس ممكن يشتغل بشركات كثيره منها قطر فاونديش او البنوك وكثير اماكن

وشكرا كثيرا على الموضوع اللي يوضح اشياء وايد عن جامعتنا :)


هلا اختي
بالنسبه لتخصص البزنس ترى خلاص افتحوه واعترفو فيه في المجلس الاعلى للتعليم
وانشرو حتى اعلان في الجرايد بالاعتراف قبل اسبوع ومازالو ينشرون

وصح ترا كلامج عن ان التخصصات الثانيه مجالها كبير ومفتوح

العفو اختي وهاي اقل شي اسويه :)

[قانونيه]

اخوي بالنسبة للادارة الاعمال مفتوح ولا مسكر ؟
والكلاسات اقدر اختار وقتها بروحي ؟ ولا محددة
وانت قلت الدراسة خفيفة يعني ما تتعدى الثلاث ساعات ؟
ودراستك تكون كل يوم ؟

[Qatar-Qa]

اخوي بالنسبة للادارة الاعمال مفتوح ولا مسكر ؟
والكلاسات اقدر اختار وقتها بروحي ؟ ولا محددة
وانت قلت الدراسة خفيفة يعني ما تتعدى الثلاث ساعات ؟
ودراستك تكون كل يوم ؟

تخصص اداره الاعمال اختي مفتوح
للاسف الكلاسات ماتقدرين تحددينها بروحج والوقت يكون محدد

اي الكلاسات بشكل عام في الجامعه ماتكون وايد في اليوم يعني ممكن متوسط مثلا 3 ساعات في اليوم وتكون مقسمه طبعا على اكثر من ماده وفي اوقات مختلفه
بالنسبه للدوام كل يوم من الاحد لين الخميس لكن في بعض الاوقات ممكن في الجدول مثلا مايكون عندنا كلاسات في يوم معين

[تغلبية]

شكرا على المعلومات وعلى الشرح الوافي

موفقين إن شاءالله

[20qatar22]

لاهنت يالذيب ..
ولي عوده ببعض الاستفسارات..

[Qatar-Qa]

شكرا على المعلومات وعلى الشرح الوافي

موفقين إن شاءالله

العفو اختي تغلبية
وياج يارب

[وتبقى الدنيا حلوه]

اخوي التسجيل مفتوح حاليا ؟!

اتصلت و طرشت ايميل محد يرد

[وتبقى الدنيا حلوه]

شو المستندات المطلوبه ؟!

[وتبقى الدنيا حلوه]

...........

[Qatar-Qa]

اخوي التسجيل مفتوح حاليا ؟!

اتصلت و طرشت ايميل محد يرد

اختي التسجيل مفتوح بس هالاسبوع عندنا اجازه والجامعه مصكره
الدوام يبدأ ان شاء الله تاريخ 1/1

اسف اختي على التاخير في الرد

[Qatar-Qa]

شو المستندات المطلوبه ؟!

اختي المستندات المطلوبه :

نسخه رسميه من شهاده الثانويه العامه
شهاده الايلتس او التوفل
صوره من البطاقه الشخصيه
صوره من الجواز
4 صور شخصيه

وفي ابليكيشن لازم تعبينه هناك

[وتبقى الدنيا حلوه]

طيب بكره بمر عليهم بس ماعندي شهاده توفل او ايلتس لازم؟

متى امرهم الساعه كم

[Qatar-Qa]

طيب بكره بمر عليهم بس ماعندي شهاده توفل او ايلتس لازم؟

متى امرهم الساعه كم

اختي انتي قصدج انج ماقدمتي امتحان توفل او ايلس من قبل ؟

عادي تقدرين بس لازم على الاقل تعطينهم ايصال فاتوره انج سجلتي في امتحان ايلس وبتقدمين له قريب

بكره اختي مادري اذا في حد من الاداره موجود ولا لا
لان الجامعه هالاسبوع اجازه لين يوم الاحد الجاي اللي يصادف تاريخ 1/1/2012

بالنسبه للوقت فعادي عندج اختي من الساعه الصبح 8 لين 4 ونص العصر

[شمعة الدوحه]

السلام عليكم

سؤال خارج عن الموضوع

الجامعة تسوي امتحان ايلز ؟؟؟

وعادي لو الشهادة قديمة 2008 و تحت

و بالتوفيق ان شاء الله


شتقول عن اللي قيدهم 2004 :secret:

والله انا اشوف اذا جامعه ومعترف فيها .. أحسن من المجتمع بمليون مره :)

[وتبقى الدنيا حلوه]

شتقول عن اللي قيدهم 2004 :secret:

والله انا اشوف اذا جامعه ومعترف فيها .. أحسن من المجتمع بمليون مره :)

اختي اللي فهمته مو مهم بالدرجه الأولى سنة الشهادة أهم شي يكون الانجليزي اوكي

روحي و استفسري و ان شاء الله خير بس مثل ما قال الأخ لازم نسبتج بالانجليزي ما تقل عن 70%

بخصوص الاطلنطي و المجتمع: احس مب شي لان بكرف 4 سنين واخرتها دبلوم و الدبلوم حاليا حاله حال الشهادة الثانويه

سنتين لغه
و سنتين المهنج

و بالتوفيق

[Qatar-Qa]

شتقول عن اللي قيدهم 2004 :secret:

والله انا اشوف اذا جامعه ومعترف فيها .. أحسن من المجتمع بمليون مره :)

اختي انه عمري ماشفت احد عندنا وقفوه في الجامعه عشان قيده ابد

ان شاء الله مافي مشاكل
وتقدرين تستفسرين منهم بعد عشان تتاكدين

اي طبعا احسن من المجتمع لانها تعطي بكالوريوس مب دبلوم

[Qatar-Qa]

اختي اللي فهمته مو مهم بالدرجه الأولى سنة الشهادة أهم شي يكون الانجليزي اوكي

روحي و استفسري و ان شاء الله خير بس مثل ما قال الأخ لازم نسبتج بالانجليزي ما تقل عن 70%

بخصوص الاطلنطي و المجتمع: احس مب شي لان بكرف 4 سنين واخرتها دبلوم و الدبلوم حاليا حاله حال الشهادة الثانويه

سنتين لغه
و سنتين المهنج

و بالتوفيق

اي صح كلامج اختي
وحتى لو قلت نسبه الانجليزي عن 70 بعد خلها تروح وتكلمهم

[Qatar-Qa]

لاهنت يالذيب ..
ولي عوده ببعض الاستفسارات..


حياك الله اخوي في اي وقت
وحاضرين لك


السموحه مانتبهت لردك من قبل

[Qatar-Qa]

بعد اذن الاداره
يرفع للفائده

[Cooki]

up للافاااده
يستاهلون عيالنااا
بيض الله وجهك ياراعي الموضوع

[يحفظك ربي]

[SIZE="5"] الايـــــلـــــتـــــس

بالنسبه للايلتس : هو المطلوب صح لازم نجيب ايلتس 6 لكن
لو جبت درجه اقل مافي اي مشكله وبتنقبل وبيحطونك في برنامج الجسر الاكاديمي ( الفاونديشن APB ) لمده معينه على حسب درجه الايلتس اللي تجيبها

مده الفاونديشن (ABP ):
لو درجه الايلتس اللي جاييبها 4 / 4.5 بتاخذ فاونديشن لمده فصلين ( سمسترين )
لودرجه الايلتس اللي جايبها 5 / 5 ونص بتاخذ فاونديشن لمده فصل واحد ( سمستر واحد )

الشي المميز في الفاونديشن في جامعه ستندن انك تدخل التخصص بعده على طوول بدون شرط الايلتس 6 ( يعني ماتتعطل عن الدراسه )
ويبقى انك لازم تجيب الدرجه المطلوبه في الايلتس وتسلمها في زمن اقصاه في السنه الرابعه قبل التخرج

[/COLOR]
السلام عليكم
اشكرك اخوي على طرح الموضوع للاستفادة
بس حبيت اضيف معلومه
بنت خالتي جابت 4 في الايلز وكانت تبي تعيد الامتحان عشان تجيب درجة اعلى لدخول الجامعة
بس قلت لها عن هالموضوع واستانست
ولكن
لما اتصلت الجامعة تتأكد من هالنقطة .. انها جايبة 4 وتدخل فاونديشن
قالوا لها مايصير واقل شي لدخول الفاونديشن هو5 او 5،5 ونصيحة لاتسمعين كلام اي حد الا قبل ماتتاكدين منا احنا

طبعا صادها احباط لانها كانت مستانسه يوم قرت الموضوع !!!! :rolleyes2:

[Qatar-Qa]

up للافاااده
يستاهلون عيالنااا
بيض الله وجهك ياراعي الموضوع

وجهك ابيض
وجزاك الله خير على رفع الموضوع :)

[Qatar-Qa]

السلام عليكم
اشكرك اخوي على طرح الموضوع للاستفادة
بس حبيت اضيف معلومه
بنت خالتي جابت 4 في الايلز وكانت تبي تعيد الامتحان عشان تجيب درجة اعلى لدخول الجامعة
بس قلت لها عن هالموضوع واستانست
ولكن
لما اتصلت الجامعة تتأكد من هالنقطة .. انها جايبة 4 وتدخل فاونديشن
قالوا لها مايصير واقل شي لدخول الفاونديشن هو5 او 5،5 ونصيحة لاتسمعين كلام اي حد الا قبل ماتتاكدين منا احنا

طبعا صادها احباط لانها كانت مستانسه يوم قرت الموضوع !!!! :rolleyes2:


العفو اختي
بس هالشي غريب لاني انه طالب في الجامعه وادري شلون نظامهم
وغير جذي عندي ثنين من ربعي كانو بيسجلون في شهر 10 تقريبا وواحد منهم حتى ماكان مقدم امتحان ايلتس وطلبو منه بس ورقه من البرتش كانسل تثبت انه سجل في امتحان الايلتس وانه بيقدم قريب !!
وحتى من موقع الجامعه اختي تقدرين تشوفين ان الفاونديشن كامل اكثر من سمستر
واللي عنده ايلتس 5/5ونص ياخذ بس سمستر واحد

اختي خليها تتصل مره ثانيه وتتأكد اكثر
اكيد الموضوع فيه لبس او شي

[ميموري]

up

يعطيك الف عافيه اخوي

اخوي حابه اسال عن دراسة الماستر للـ MBA

اولا: هل الشهاده معترف بها؟

اذا نعم

ثانيا:ايش المطلوب للدراسه مع العلم ان تخصصي كمبيوتر (computer information system)

ومعدل التخرج 2.3

ماعندي ايلز بس لغتي جيده

[ITM]

العفو اختي
بس هالشي غريب لاني انه طالب في الجامعه وادري شلون نظامهم
وغير جذي عندي ثنين من ربعي كانو بيسجلون في شهر 10 تقريبا وواحد منهم حتى ماكان مقدم امتحان ايلتس وطلبو منه بس ورقه من البرتش كانسل تثبت انه سجل في امتحان الايلتس وانه بيقدم قريب !!
وحتى من موقع الجامعه اختي تقدرين تشوفين ان الفاونديشن كامل اكثر من سمستر
واللي عنده ايلتس 5/5ونص ياخذ بس سمستر واحد

اختي خليها تتصل مره ثانيه وتتأكد اكثر
اكيد الموضوع فيه لبس او شي

تغير هالنظام، صار الايلز اجباري 6 لان انا قروبي مطرشين لهم رسايل انذار ان خلال سنتين لازم يجيبون الايلز ويسلمونه مع العلم ان معظمهم طلاب دفعه 2007 و 2008



up

يعطيك الف عافيه اخوي

اخوي حابه اسال عن دراسة الماستر للـ mba

اولا: هل الشهاده معترف بها؟

اذا نعم

ثانيا:ايش المطلوب للدراسه مع العلم ان تخصصي كمبيوتر (computer information system)

ومعدل التخرج 2.3

ماعندي ايلز بس لغتي جيده

الجامعة ماتعطي ماستر للحين

[BosaiF_774]

السلـآم عليكم ورحمه الله وبركـآته ..

يعطيك ـآلف عآفيه , مـآقصرت كفيت أو وفييت .
عندي نقطه حـآب استفسر عنهـآ ..
أنـآ اليوم رحت للجآمعه وسألتهم عن التخصصآت الموجوده ؟
قآلوا لي بس ادارة اعمال سياحه او ادراة اعمال ضيافه ؟
اما ادارة اعمال عامه مآعندهم ؟
دخلني البواب على وحده مصريه في مكتب الي صوب الكافتريا وهي قالت لي هالكلام بنفسهآ ؟
هل هذا صحيح او انهـآ فههت ؟ لاني ابي ادرس ادارة اعمال عامه !
وعندي نقطه ثـآنيه ولا تهون ...
بما اني اجنبي , اذا درست ادارة اعمال سياحه او ادارة اعمال ضيافه وين ممكن اشتغل ؟
وهل اكيد بيقبلوني في هالاماكن بما اني اجنبي او انه عآدي ؟

وسسمحلي على الاطاله والله , لاني مححبط
فممآن الله ..

[Qatar-Qa]

تغير هالنظام، صار الايلز اجباري 6 لان انا قروبي مطرشين لهم رسايل انذار ان خلال سنتين لازم يجيبون الايلز ويسلمونه مع العلم ان معظمهم طلاب دفعه 2007 و 2008


هو في النهايه اخوي لازم نجيب 6
انه دفعتي 2009
لازم كل سنه تقريبا نقدم الايلس مره ونسلم لهم الدرجه اللي خذناها فيه
بس بشكل عام الايلس 6 لازم يكون عندهم قبل التخرج على اقصى تقدير

الجامعة ماتعطي ماستر للحين

اي صح لحد الحين ماستر مافتحوه
في المستقبل قالو بس متى بالضبط مافي اخبار

[Qatar-Qa]

السلـآم عليكم ورحمه الله وبركـآته ..

يعطيك ـآلف عآفيه , مـآقصرت كفيت أو وفييت .
عندي نقطه حـآب استفسر عنهـآ ..
أنـآ اليوم رحت للجآمعه وسألتهم عن التخصصآت الموجوده ؟
قآلوا لي بس ادارة اعمال سياحه او ادراة اعمال ضيافه ؟
اما ادارة اعمال عامه مآعندهم ؟
دخلني البواب على وحده مصريه في مكتب الي صوب الكافتريا وهي قالت لي هالكلام بنفسهآ ؟
هل هذا صحيح او انهـآ فههت ؟ لاني ابي ادرس ادارة اعمال عامه !
وعندي نقطه ثـآنيه ولا تهون ...
بما اني اجنبي , اذا درست ادارة اعمال سياحه او ادارة اعمال ضيافه وين ممكن اشتغل ؟
وهل اكيد بيقبلوني في هالاماكن بما اني اجنبي او انه عآدي ؟

وسسمحلي على الاطاله والله , لاني مححبط
فممآن الله ..

وعليكم السلام ورحمه الله وبركاته
اخوي بصراحه شي غريب

شلون ماعندهم اداره اعمال دوليه مب عندهم وهم توهم ردو فتحو التخصص والمجلس اعترفو فيه
وحتى قبل كم يوم حاطين اعلاناتهم في الجرايد ان التخصص موجود
علعموم انه اوعدك اني بكره اسألهم و ارد لك خبر ان شاء الله

بالنسبه للنقطه الثانيه
فأماكن الشغل كثيره مثلا عندك في البنوك او الهيئات لان التخصص العام هو اداره
عندك بعد شركات الطيران
اخوي انشالله القبول عادي مايتحدد على جنسيه معينه
وبالعكس لاتحبط ولا شي

[BosaiF_774]

لـآهنت يآلذيب ..
خلـآص انـآ اوردي بروح بكره وببدى بأمور التسجيل والله يوفق آلجمميع ..
فمـآن الله ..

[الحاقول]

عندي سؤال بالنسبه الى خريجي كليه نورث اتلانتيك

ممكن يكملون دراستهم في الجامعه ويحصلون على شهاده جامعيه

بدل من الدبلوم

[BosaiF_774]

معلومـآتك قديييمه ... @@

يوم رحت لهم قـآلوا لي لازم أنجح في أمتححآن القبول , تقول أنه سههل معليه ..
وقـآلوا لي لـآزم أجيب 6 فـي آلفآونديششن مب خلـآل ألـ 4 سنين ..

وججآن أسحب عليهم , أحتتآج ألى كوب من آلككرك وقليل من آلهدوء للتفكير بعمق ّ

[تحداني]

عندي سؤال بالنسبه الى خريجي كليه نورث اتلانتيك

ممكن يكملون دراستهم في الجامعه ويحصلون على شهاده جامعيه

بدل من الدبلوم




الي تكون معدلاتهم اعلى من 3.5 ممكن اذا كان التخصص الي رايح له في الهولنديه
قريب من تخصصه في النورث .. بعد تسويه المواد والنظر فيها

اما اذا كان التخصص ابعيد والمعدل اقل فلا

وهناك فارق كبير ما بين النورث " لانها جامعه تقنيه "
اما الهولنديه " فجامعه خاصه بالفندقه والسياحه .. واداره الاعمال لها خط قريب من السياحه

فتسويه المواد تُعرض الطالب لظلم كبير في تقليل عدد الساعات

اكثر من هالمعلومات ما اعرفها

جملك الله برضاه

[Qatar-Qa]

عندي سؤال بالنسبه الى خريجي كليه نورث اتلانتيك

ممكن يكملون دراستهم في الجامعه ويحصلون على شهاده جامعيه

بدل من الدبلوم

والله اخوي مب متاكد
تقدر تجي الجامعه ولاتهون وتتاكد من هالشي بحسب تخصصك

[Qatar-Qa]

معلومـآتك قديييمه ... @@

يوم رحت لهم قـآلوا لي لازم أنجح في أمتححآن القبول , تقول أنه سههل معليه ..
وقـآلوا لي لـآزم أجيب 6 فـي آلفآونديششن مب خلـآل ألـ 4 سنين ..

وججآن أسحب عليهم , أحتتآج ألى كوب من آلككرك وقليل من آلهدوء للتفكير بعمق ّ

انزين اخوي ممكن تقولي مين بالضبط اللي قالك ان لازم تجيب 6 في الفاونديشن وان مايصير تدخل سنه اولى بدون هالدرجه ؟

[BosaiF_774]

انزين اخوي ممكن تقولي مين بالضبط اللي قالك ان لازم تجيب 6 في الفاونديشن وان مايصير تدخل سنه اولى بدون هالدرجه ؟

اككيد ممكن ..
مـآدري شسمهـآ بس مكتبهـآ فوق الطـآبق الـ 3 , شقرآ شعرهآ قصير لبنآنيه يمككن بس تتكلم انجليزي عددل لدرجة اني مـآتوقعت هي اوروبيه او عربيه خخخ

زين السؤآل الي معور مخي ’ وووووووووين ممكن أشتغل عطوني كذآ مكآن @@ :(