المساعد الشخصي الرقمي

مشاهدة النسخة كاملة : لماذا جاء شباب الخليج إلينا في اليوم الوطني ؟ مريم آل سعد


الأصيلة
22-12-2011, 07:35 AM
http://up.arab-x.com/Dec11/ij694207.gif


لماذا أظهر شبابنا كل صخبهم وجنونهم وضايقوا السيارات والمارة وأساؤوا التصرف؟
لماذا أتى شباب الخليج بالمئات بسياراتهم المزينة وتكبدوا عناء السفر ليشاركوهم مسيرة الصخب؟
ربما كانوا يدركون جميعا التصرفات الصبيانية والحرية المنفلتة التي سيجدونها،
وكانوا محقين جدا بها بشكل لم نصدقه حتى لنتخيله، لقد رشوا الرغوة على كل ما طالوه،
وتحرشوا بالفتيات اللاتي انطلقن على أريحيتهن في هذا اليوم أيضا،
وتحول لأمسية من دون قيود مجتمعية أو أخلاقية، إنه يوم الفرح والاحتفال!!
لكن الحقيقة ما حدث لا يصنف في خانة البراءة والشقاوة المعهودة التي تصاحب المراهقين،
بعد أن زاد أوارها لتصبح تهديدا، وبما معناه بما أنك موجود فأنت عرضة للانتهاك،
فالقفز على السيارات والمشي أمامها
إذا كن بنات والرش في وجوه أصحابها وترقيم الفتيات،
وربما الجرأة على مد أيديهم عليهن، أصبح الجو العام المخيم على تلك المسيرة،
وأنت الملوم على حضورها أو السماح لأهلك بذلك.
هل أصبح الخروج والتنفيس عن الروح في اليوم الوطني خطأ للملتزمين مباحا للمغامرين الفوضويين؟
إذا طبقت هذه النظرية فسيكون العام القادم مجالا لأمور خادشة للحياء العام بهجرة العاقلين وزيادة أوار المنفلتين،
وهذا مرفوض من الآن ومطلوب بحث أسبابه ومعالجتها.
في رأيي إن من الطبيعي التصرفات الموجودة للمراهقين والمتهورين،
لأنهم أمنوا العقاب فقلوا الأدب. المراهقون في كل زمان ومكان تعتريهم الشيطنة،
وتزداد بحجم البيئة الموجودة ومساحة الحرية، وكانت ذلك اليوم مسرحا مفتوحا للصخب
والهرج والمرج، لإفراغ ما بداخل الروح لإثارة الإعجاب ولفت الانتباه وتفريغ الكبت،
ولكن الشيطان أيضا يكون حاضرا في تلك اللحظات أيضا ويشعل السلوكيات لأقصى مدى قد تصل إليه.
إن غياب الأمن وكف سيطرته عن التدخل، وعدم بسط هيبته ونفوذه هو السبب،
أين سلطة الدوريات التي كانت متواجدة،؟
لَـكَنَها تضحك مع الصبية كأنها تبارك ما يحدث، دون تدخل واستهجان وعقوبة
وتسجيل أرقام للسيارات والبطاقات الشخصية أو حتى طرد المتسببين؟
لماذا في الدول الغربية لا نجد مثل هذه الرعونة ولا حتى أي شيء قريب منها؟
هل لأن هناك منافذ لتفريغ الشباب لجنونهم، ولا يحتاجون لهذه التجمعات ليطلقوها،
أم أن للشرطة والأمن احتراما ووجودا، بحيث لا يتجرأ أي أحد على إعطاء نفسه هواها،
وإطلاق رغباتها وصخبها.
أعتقد أن وجود الأمن كقوة ردع هو ما سيفرض النظام،
ويقضي على علامات التهريج والاعتداءات التي طردت العائلات وأبعدتهم، لتبقى المنطقة لفئة منفلتة مما يجعلنا نتساءل،
أهو يوم وطني أو (هالوين) رسمي تدعمه الدولة؟



http://up.arab-x.com/Dec11/aBU95227.gif
basma222
22-12-2011, 07:41 AM
ما كان يوم وطني كان يوم مصخرة
الحمدلله احنا نحتفل في بيتنا
المفروض السنه الجاية ممنوع المسيرة
الصيفي قطر
22-12-2011, 07:42 AM
والله كلام حلو صراحه ,,,

وانا مؤيد للحد من هالظاهره الي حسستني انه احنا في لاس فيغس مب في قطر (قطر) البلد المحافظ المليء بالمباديء والقيم والعادات العربيه الاصيله هاي اخرتها؟

لا وكاتبين لولا غلاكم ماتعنينا؟ صدقت انكم متعنين عشان قطر عينو خير بس ...

الله يهديهم انشالله لكن الموضوع والله مضايقني وخصوصا موضوع انه كل ماشافو بنت فموترها جو وقامو يرشون عليها والله عيب واخر شي وصلت فيهم الجراه ان البنت الي مع ابوها يرشرشون عليها بعد
doha2012
22-12-2011, 07:44 AM
اشد على يدها هذه الكاتبه ذات القلم الذهبي


اوجزت وشرحت بسطور التجاوزات الغير مسؤوله عن البعض ..

نعم هي من كاتبه .. كتب الله اجرها ورفع قدرها


تحياتي لناقلة الموضوع ابدعتي اختي
الأصيلة
22-12-2011, 07:45 AM
لماذا جاؤوا إلينا؟
فعلا حضور أغلبهم كان من أجل الفوضى
وفعل مالم يستطيعوا فعله في يومهم الوطني في بلادهـم...!!!
لقد تفننوا في المعاكسات والترقيم والحركات الغريبة..
أبدا لم تكن تعبيرا عن الفرحة باليوم الوطني
بقدر ماهي تعبيرا عن الفرحة
بالسماح لهم بمزاولة الفوضى والعبث والإستهتار...!!!


أولم تتسائلوا أين ذهبوا بعد اليوم الوطني؟

لـ قدا انتشروا في المجمعات لـ تكملت مابدأوه بملاحقة البنات وترقيمهم
ومعاكساتهم ...
وماشاء الله بعض البنات المهملــّين حرصوا على التواجد المتواصل
في المجمعات من اجل ذلك...!!!

لابد من وضع حدود لـ هذا الإحتفال...!!
لأنهم حتما سيأتون بما هو جديد ...
طبعا بمعاونة ومساعدة الشباب المستهتر عندنا...
الأصيلة
22-12-2011, 07:47 AM
والله كلام حلو صراحه ,,,

وانا مؤيد للحد من هالظاهره الي حسستني انه احنا في لاس فيغس مب في قطر (قطر) البلد المحافظ المليء بالمباديء والقيم والعادات العربيه الاصيله هاي اخرتها؟

لا وكاتبين لولا غلاكم ماتعنينا؟ صدقت انكم متعنين عشان قطر عينو خير بس ...

الله يهديهم انشالله لكن الموضوع والله مضايقني وخصوصا موضوع انه كل ماشافو بنت فموترها جو وقامو يرشون عليها والله عيب واخر شي وصلت فيهم الجراه ان البنت الي مع ابوها يرشرشون عليها بعد

ياليت جات على الرش...
إلا يفتحون أبواب السيارات...
وإحدى الأخوات تقول يدخلون رؤوسهم من نوافذ السيارة
فإن وجدوا أم البنات هربوا...
أمر مخزي صراحة...
غلاكم في قلوبنا ياشباب الخليج
لكن بدون إزعاج لـ قيمنا وعاداتنا وتقاليدنا...
الأصيلة
22-12-2011, 07:48 AM
ما كان يوم وطني كان يوم مصخرة
الحمدلله احنا نحتفل في بيتنا
المفروض السنه الجاية ممنوع المسيرة

ياليت يتم منع المسيرات للمحافظة على برستيج دولتنا الغالية...
بوخالد2
22-12-2011, 07:49 AM
اشكر الكاتبه على المقال الجميله هذا

و المفروض ياخذ بعين الاعتبار من قبل السلطات بالدوله

لاانه اللى صار مب يوم وطني يوم مغازل و خدش بالحياء

مانقول مافي بنات ولا شباب مفتلتين في ولانكذب على انفسنا و نرمي اللوم على جنسيات اخرى و نقول (( ليست قطريه او قطري )) في

بس لازم يوجد ردع من قبل الاسره الكريمه اللى اتخليها اعيالها و بناتها بالشوارع مع الدريول بالمسيرات (( جورهم اهم من دور الدولة ))

و مااعتقد في شخص من الاشخاص بيتاجر على بنت الا اذا لقى القبول منها بالامر و ماخذ الموضوع (( فري ))
الأصيلة
22-12-2011, 07:49 AM
اشد على يدها هذه الكاتبه ذات القلم الذهبي


اوجزت وشرحت بسطور التجاوزات الغير مسؤوله عن البعض ..

نعم هي من كاتبه .. كتب الله اجرها ورفع قدرها


تحياتي لناقلة الموضوع ابدعتي اختي

وتحية خاصة لـ حضورك وقراءة السطور
التي ضربت فيها الكاتبة على الوتر الحساس...
الأصيلة
22-12-2011, 07:51 AM
اشكر الكاتبه على المقال الجميله هذا

و المفروض ياخذ بعين الاعتبار من قبل السلطات بالدوله

لاانه اللى صار مب يوم وطني يوم مغازل و خدش بالحياء

مانقول مافي بنات ولا شباب مفتلتين في ولانكذب على انفسنا و نرمي اللوم على جنسيات اخرى و نقول (( ليست قطريه او قطري )) في

بس لازم يوجد ردع من قبل الاسره الكريمه اللى اتخليها اعيالها و بناتها بالشوارع مع الدريول بالمسيرات (( جورهم اهم من دور الدولة ))

و مااعتقد في شخص من الاشخاص بيتاجر على بنت الا اذا لقى القبول منها بالامر و ماخذ الموضوع (( فري ))

فعلا كلام صحيح
الله يسامح بعض العائلات اللي أرخت الحبل لبناتهم
والله إني أعرف أم تأخذ بناتها للمسيرة
ومستانسة إن الشباب يعاكسون بناتها...
ضوى
22-12-2011, 07:53 AM
سبحان الله هذا كله صار بالمسيرة ؟؟

الله يستر على بناتنا يااااااااارب
butterfly qatar
22-12-2011, 07:54 AM
اشكر الكاتبه الصراحه على مقالتها

كل شي قالته صحيح

الحمدلله احسن ممكان للاحتفال البيوت والمدارس والجامعات

البنات بدال مايسترون على نفسهم ويقرون في بيوتهم كل وحده مسيره تايم على قولتهم

والشباب ماشالله مايقصرووون بعد

لاحول ولاقوة الا بالله
الصيفي قطر
22-12-2011, 07:58 AM
وفي شي بعد شفته في المسيره ,,,,


واحد ماسك مكبرات الصوت ويكلم رفيجه الي فالموتر الثاني اشوي الا جات بنت في سيارتها ومرت من حذاهم الا قام ينادي بالمكبر يابوفلان شف يسارك شف يسارك بسرعه بسرعه وقامو يضحكون ويستهبلون يايخ والله عيب قسم بالله تمنيت اني اكون من اصحاب السلطه واتخذ الاجراء الازم
basma222
22-12-2011, 07:59 AM
اشكر الكاتبه الصراحه على مقالتها

كل شي قالته صحيح

الحمدلله احسن ممكان للاحتفال البيوت والمدارس والجامعات


لاغير

وجامعه قطر بعد فيها مصخرة

شعراء رجال في جامعه البنات وقصائد غزل

الله يستر على بناتي وبنات المسلمين
الصيفي قطر
22-12-2011, 08:00 AM
وجامعه قطر بعد فيها مصخرة

شعراء رجال في جامعه البنات وقصائد غزل

الله يستر على بناتي وبنات المسلمين



والله ارحم الشعراء وشعر الغزل من الي يصير فالمسيره على الاقل الشاعر مستحيل ايتطاول او وهو يقول الشعر بيطلع الرش من جيبه ويرش على البنات مستحيل يسو هالشي
دلة الرسلان
22-12-2011, 08:04 AM
ليش جائوا الأماراتيين ؟ تحصلين عيالنا عازمينهم عقب ما قاموا بالواجب في ديرتهم .

تدرون أن فيه عوايل بحريمهم متعنيين للأمارات يحتفلون معهم في يوم اتحادهم لا والأم فرحانة

أن الشباب فتحوا عليها الباب هي وبناتها ورشوهم بالرغاوي :(

المسيرة عندنا هي فرصة للشباب لتفريق طاقاتهم وكسر البرستيج المعروف عندهم لذلك لا أرى

ايقافها ولكن توجيهها للمكان المناسب على السعة بحيث من يشارك فيها يتحمل تبعاتها .
الأصيلة
22-12-2011, 08:08 AM
ليش جائوا الأماراتيين ؟ تحصلين عيالنا عازمينهم عقب ما قاموا بالواجب في ديرتهم .

تدرون أن فيه عوايل بحريمهم متعنيين للأمارات يحتفلون معهم في يوم اتحادهم لا والأم فرحانة

أن الشباب فتحوا عليها الباب هي وبناتها ورشوهم بالرغاوي :(

المسيرة عندنا هي فرصة للشباب لتفريق طاقاتهم وكسر البرستيج المعروف عندهم لذلك لا أرى

ايقافها ولكن توجيهها للمكان المناسب على السعة بحيث من يشارك فيها يتحمل تبعاتها .

أنا أعتقد يادلة رسلان
إنهم بيتمادون أكثر وأكثر المرات القادمة إن الله أعطانا عمر
وبنشوف العجائب...
كل سنة يزيدون في فن الإحتفال,,,
قصدي فن الإرتجال وقلة الأدب والصياعة...
دلة الرسلان
22-12-2011, 08:22 AM
أنا أعتقد يادلة رسلان
إنهم بيتمادون أكثر وأكثر المرات القادمة إن الله أعطانا عمر
وبنشوف العجائب...
كل سنة يزيدون في فن الإحتفال,,,
قصدي فن الإرتجال وقلة الأدب والصياعة...

بسم الله عليهم من الصياعة :shy:

متى بتكون قلة أدب أذا اشتركوا فيها العوايل أو السيدات فأي سلوك يقوم به الشاب ضدهم بيكون

فيه قلة أدب بينما نفس السلوك بين الشباب مقبول ،ولكن لو كانت المسيرة كلها خارج الكورنيش

حتى لا تتعطل مصالح الناس ومن يشارك فيها يدرك ان فيها شوية فلتان شبابي ومستعد لتقبل ذلك

والمشاركة فيه مثله مثل اللعب في مدينة ملاهي .
كبير المتداولين
22-12-2011, 08:27 AM
بصراحه المسيره كان البنات هم يغازلون الشباب انا بنفسي شفت وحده كانت تعاكس واحد
والسالفه مب سالفه ان الشباب مسوين مشاكل في بعض الحريم بصراحه مايستحون على وجيهم صارو في الرزاله العن من الشباب .

واكثر الشباب الي يخربون المسيره كانو من فئه المراهقين يعني 18 سنه وتحت وهذا من حسن التربيه الله يقوي اهلهم عليهم
والكاتبه خانها التعبير يوم تكلمت على فئه الشباب وتجاهلت البنات وهم جزء من المشكله
خــالــد
22-12-2011, 08:29 AM
والله هم جاوا وجزاهم الله خير لكن شنو نيتهم الله حسيبهم وعلى فكرة تراء شباب وعوائل قطرية راحوا عندهم بعيدهم الوطني

و اذا كان في لوم المفروض يكون على الحريم الي وحدة لبسة لي غترة ومتلثمة وطالعة من الفتحة تهز وتلز وتترقص وتوزع نظرات مفتنة اكيد بيتحرشون حتى الهنود فيها والي مطلعة لي نص صدرها والي تنزل ترقص مع الشباب وتسولف معهم يبة البلا كلة من الحريم الي كانوا هناك لا احترموا نفسهم كيف يبون حد يحترمهم وفي حريم حاشمين نفسهم ماحد كفو يتعرض لها.
R 7 A L
22-12-2011, 08:33 AM
انا اقترحت قبل اليوم الوطني واعتقد ان اقتراحي هو الحل الانسب

طبعاً توقيف المسيرات او تعطيلها شي صعب


اقتراحي هو ان يتم تجزئة شارع الكورنيش الذي تقام علية المسيرة الى جزئين
1- الجزء الاول من دوار المسرح الى دوار الديوان الاميري
2- الجزء الثاني من دوار المسرح الى دوار شيرتون او الى بعده

وكل جزء يختص بفئه ( العوائل والبنات ) ( الشباب )
ويخلون لكل فئه وقت معين في هذه المساحة المسموحة دون السماح للفئة الاخرى بدخول هذه المساحة وبعدها يغيرون المواقع ويبدلونها يعني الى كانت للعوائل من 3 العصر لين 6 المغرب تصير للشباب من 6 الى 10 للعوائل
وهكذا .
فطووم
22-12-2011, 09:12 AM
انا مستغربه من لومكم على الاماراتيين ليش ماسالتوا نفسكم ليش تجرؤا على هالحركات فالمسيره يعني نسيتوا ان شبابكم راح الامارات وسوووا هالمصخره كلها فبنات الامارات واهما اللي بدوا يعني ترضونها على غيركم وما ترضونها عليكم شي غريب.
بـــــــنت النوخـّــــذه
22-12-2011, 09:22 AM
http://up.arab-x.com/dec11/ij694207.gif


[color="red"]أهو يوم وطني أو (هالوين) رسمي تدعمه الدولة؟



http://up.arab-x.com/dec11/abu95227.gif

ليش مريم آل سعد في كتاباتها دوم تجيب طاري كلمة الدولة (ككل) ونقد لها!!!!!!
<<<سؤال بريئ :)
بالنسبه للعنوان :

لماذا جاء شباب الخليج إلينا في اليوم الوطني 000

تبغون الحق ولا كلام انشائي ووووووو

الحق هو ان البلا منا وفينا مهب من الدول الشقيقة المشاركة بالاحتفال

لان اذا المواطن والمواطنه احترموا القوانين والتزموا بالقيم والعادات والتقاليد اعتقد استحاله الغريب يتعدى حدوده00لان بنكون وضعنا خطوط حمراء للكل لعدم تجاوزها

اما المصخره تصير من شباب وبنات الديره وانقول ابناء دول الخليج هم السبب مايصير ^_^

دمتم سالمين
بوخالد2
22-12-2011, 09:33 AM
انا مستغربه من لومكم على الاماراتيين ليش ماسالتوا نفسكم ليش تجرؤا على هالحركات فالمسيره يعني نسيتوا ان شبابكم راح الامارات وسوووا هالمصخره كلها فبنات الامارات واهما اللي بدوا يعني ترضونها على غيركم وما ترضونها عليكم شي غريب.

:nice::nice:
العنيده
22-12-2011, 09:34 AM
مبدعه كالمعتاد الكاتبه في نقل وقائع الامور .. الله يجزيها خير ان شاء الله

يسلموووووووووووو على النقل المفيد
غايه الطواش
22-12-2011, 09:39 AM
محد سال شباب هل قطر لي راحو هناك شيسوون !!!؟؟؟
بوخالد2
22-12-2011, 09:41 AM
فعلا كلام صحيح
الله يسامح بعض العائلات اللي أرخت الحبل لبناتهم
والله إني أعرف أم تأخذ بناتها للمسيرة
ومستانسة إن الشباب يعاكسون بناتها...

لاحول ولاقوة الابالله

امحق قدوه والله
الله لايبلانا يارب
مرتبش
22-12-2011, 09:41 AM
لان قطر مثل الامارات
بوخالد2
22-12-2011, 09:42 AM
محد سال شباب هل قطر لي راحو هناك شيسوون !!!؟؟؟

هم ماقصروا هناك بعد شبابنا

هم جوا يردون الدين لهم (( وحده بوحده ))
مستر قطر
22-12-2011, 09:42 AM
تصرفاتهم خاطئه
بس بعد البنات المفروض مايروحون
بلوتنيوم
22-12-2011, 09:49 AM
جاء الشباب علشان يغيرون جو
ويثبتون انه خليجنا واحد ؟؟!

كل شاب عنده جدول موضح فيه المناسبات والاحتفالات
لكل دول الخليج
وبيقوم بالواجب وبيرد الدين ويمكن زيادة :)
مستر قطر
22-12-2011, 09:55 AM
حياهم الله ذول إخوانا وعيال عمنا
بالعكس يشرفنا انهم يفرحون معانا يالزقون سياراتهم ويرشون الرغوه والماي ويشغلون الاغاني ويرقصون هذي أجوا الفرح

بس الي يعور القلب لين شفتهم يتحرشون في بناتنا بنات بلادنا والله أني اموووت قهر ولا البنت الي منزله الجامه تسولف معه وكلكم شفتوا الصور الي فالمنتدي الي تسوالف ولي راعيت واجب تقهوي العالم ولي شغاله كروه توصيل...

وصدقوني هذا هو سبب جيتهم ،، لو الأشكال هذي ماتروح المسيره ماكان شفتوا حد جاكم يحتفل معاكم
MAZEN37
22-12-2011, 10:00 AM
أنا أعتقد يادلة رسلان
إنهم بيتمادون أكثر وأكثر المرات القادمة إن الله أعطانا عمر
وبنشوف العجائب...
كل سنة يزيدون في فن الإحتفال,,,
قصدي فن الإرتجال وقلة الأدب والصياعة...
بل بيجي زمن كل يوم:(
لابس بشت
22-12-2011, 10:16 AM
شباب قطر ماسووا نص اللي سووه شباب الامارات سواء في احتفالاتهم هناك او في قطر

ما انكر فيه شباب يسوون حركات ويرشون رغوه ووو ولكن بعد في خطوط حمرا

لكن الضيوف ماخذين راحتهم مسكرين الشارع والله اني تعطلت ساعه الا ربع واقف ما اتحرك شبر يوم بعد ماتجازوت وخالفت قوانين المرور ما انكر اثاريهم موقفين ومسكرين الشارع واستعراض وتخميس ولا قاعدين سوالف ويترقصون والله حتى شبابنا مايوصلون لهالدرجه من الوقاحه

نعم اهل الامارات شيوخ وعلى عيني وراسي وحياهم الله
لكن اغلب اللي جونا مع احترامي للقارئ حثاله
بس لحظه
22-12-2011, 10:45 AM
كاتبة الموضوع كفت ووفت
نعم للمسيره والفرحه وماالمانع من حضورللعوائل والنساء والاطفال ونعم لمظاهر الإحتفال كنا من صغرنا نشاهد ماتنقله لنا وسائل الاعلام المرئيه مظاهرالإحتفال باليوم الوطني لدول الخليج وبالذات لشقيقتنا الكويت ومشاركة العوائل بلبس الوطني والتفنن فيه ورفع الأطفال الاعلام وتلوين وجوهم البريئه بالوان العلم تقام بدولتنا احتفالات صباحيه لكن الكل لايستطيع انه يتجه للمشاركه في الاحتفالات او العرض العسكري الصباحي المفتوح للجمهور لانه يتطلب التوجه له من الصباح الباكر وبالكاد تحصل على مكان ,الاجواء الاحتفاليه جميله وتعبير عن حب وفرحه تتمنى مشاهده هاذه الاجواء لكن لماذا لاتشارك العوائل لكن في اجواء حضاريه وفرحه وحب وخروج عن الروتين وبكل إحترام ودون إساه تصرف وكل من في نفسه غرض معين سواء شاب او شابه لايتشدق بانه شارك باليوم الوطني حبا في قطر سواء من اهل قطر او غيرها حب الوطن ارفع واجل من ان يربط في نفوس الغير بترقيم ومعاكسات ويكون التجهيز ليس له بل لحاجه في نفس يعقوب نعم للمحبه والالفه مابين الكل في يوم المسيره لكن لاتصل الالفه بين البنات والنساء والرجال لهذا المستوى اعتقد الموضوع يحتاج لاعادة نظر وتوجيه الطقات الشبابيه والاحتفال لكن في اجواء افضل مما سبق ذكره

تحياتي للجميع
hamoor4ever
22-12-2011, 11:02 AM
بقول شي قد لايعجب الكثيرين .

ولا اقصد فيه الجميع فهناك البعض ، واحط تحتها خط علشان ماتقولون عميت او قذفت حد بس الحق يقال ، لو هم ماوجدو حد يتفاعل معاهم من الجنس الناعم ماكان جاو ونلاحظ هالشي بسبب كثرتهم هالمره بالذات يعني اكيد فيه سمعه شوي سيئه عنا ، ورجاء ماابغي حد يقولني شي ماقلته قلت هناك البعض ، ولما هناك القليل ، راح تعم الفكره عند اغلب الشباب في دول مجاوره .

والصوره اللي انتشرت احتمال فيه مثلها العشرات فلا تلومون الشباب الاماراتي فمثلما يلجآ شبابنا لدول مجاوره اخرى لنفس السبب ، انتقلت العدوى لدينا والبعض للاسف لم يشعر بذلك مع اني من خلال عملي السابق للاسف لاحظت هذا الشي في بعض الفتيات ، واكرر البعض ، والله يستر على الجميع والحمدلله لايزال هناك الكثير من فتياتنا بخير ومحافظين على الاخلاق .
Locale
22-12-2011, 11:07 AM
http://up.m0dy.net/2011/m0dy.net-13244584101.jpg


اتمنى هالشي مايتكرر في السنوات القادمه

الله المستعان
خــالــد
22-12-2011, 11:08 AM
http://up.m0dy.net/2011/m0dy.net-13244584101.jpg


اتمنى هالشي مايتكرر في السنوات القادمه

الله المستعان
علشان تدرون لما اقول لكم الي خربوا المسيرة الحريم شوف مادة يدها بعد تاخذ رقمة وما خفي كان اعظم
بل بل والله قوية :eek5:
Locale
22-12-2011, 11:11 AM
والله اني لما شفت هالصوره قلبي اعتصر

لهدرجه وصل فيينا الحاال
خــالــد
22-12-2011, 11:13 AM
والله اني لما شفت هالصوره قلبي اعتصر

لهدرجه وصل فيينا الحاال

يا ريال من صجك ولا تحرق قلبك هاي بنات شوارع يعني انت مسؤال عنهم طز فيهم يحترقون
موضي قطر
22-12-2011, 11:19 AM
السؤال الآن شاللي تغيرو وصلنا للحاله الغير مشرفه ؟؟

ماتخيل بنات في مسيرة كلللللللللللللللللللللللللللللللللللللللش

ولا بقتنع .. واللي بيرد يقول اللي محترمه نفسها محد بيتعرض لها ..

فأنا اقول ليش ماترحم عيونها من اللي تشوفه لأنه بتسأل عنه ؟؟

مكان البنات الطبيعي في التجمعات النسائية اما بين شباب وتقول

مايستحون رشوني برغوة .. الا تلفظوا علي .. انا اقول لو انج

ماتبين هالسوالف ماتعنيتي
Rider
22-12-2011, 11:21 AM
الي يبغي الدح مايقول أح
ابوالعبد
22-12-2011, 11:30 AM
تبون الحل؟؟؟ انشاء هيه الامر والمعروف نفس السعوديه وصدقوني

كل هاي الامور مابتحصل في بلادنا وراح يكون هناك رادع لكل بنت مستهتره انا مالوم شبااب

الوم البنات البنت تتطلع حاطه مكيااج وتلبس ضيق ماتبون احد يرقمهاا عجيب!!!!!!!!!!!!!!!!
بس لحظه
22-12-2011, 11:33 AM
الأخ خالد

وصلنا برودكاست الأخت الي بصوره كانت تقهويه يعني لماتقرب الصوره كانت تعطيه فنجال القهوه (للتوضيح فقط / دون تعليق)
خــالــد
22-12-2011, 11:34 AM
الأخ خالد

وصلنا برودكاست الأخت الي بصوره كانت تقهويه يعني لماتقرب الصوره كانت تعطيه فنجال القهوه (للتوضيح فقط / دون تعليق)

هههههههههههههههههههه والله ما شفتة مع اني ضايف نص اهل قطر عندي في البي بي

يمقن قهموة يمقن لا

مادري ليش عندي مبين كانة بكيت زقاير
ضوى
22-12-2011, 11:40 AM
لا حول ولا قوة الا بالله

اعترضوا ، نقدوا ، بس لا تتكلمون في الاعراض الله يرضى عليكم ، هذا عرض لو كان فيه ملاحظات لو كان في اغلاط بس مايكون الكلام بهالطريقة ابدا

الله يهدينا واياكم ياااارب
مرحوم قطر
22-12-2011, 11:43 AM
انا رحت المسيره

وشفت كل شي بعيوني محد قالي



شفت المسخره و قمة الانحطاط


شفت بنات يترقصون في مواترهم

و بنات طالعين في الفتحه و يترقصون


شفت شباب خليجيين يرقمون عيني عينك


شفت كروزر قطري في حوالي خمس بنات

فالينها الف ماعندهم فيها و حولهم شباب

حتى واحد من الشباب بعد ما خلص الرش حذف البنت بالقوطي الفاظي


اصرخت من الالم و قالت له والله انك مب رجال قالها انت على ....


وانا اشوف والله ما فزعت ولا قلت شي لان هي يابنت الكلام حق نفسها

و من خلا نفسه سبوس العب فيه الدجاج



وشفت خليجيات طالعين من الفتحه يترقصون و يستهبلون و يسوون حركات


شفت جنسيات عربيه و و و و و الخ الخ الخ


شفت الفبينيات و الجنسيات العربيه يجمعون الارقام حق البزنز


شفت بلاوي



و الي يقهر فوق كل ذي

بدريس القوات المسلحه القطريه و البريها الحمره يعني الشرطه العسكريه واقفه تسهل الحركه

وما تحرك ساكن


جيش البلد واقف ما يحرك ساكن

شنو معنات هلكلام

هل في احد بيحترم الدوله بعد اليوم او بعد الي صار


خلاص اي واحد بيروح مجمع بيتحرش اذا صادوه الشرطه بيقول

حلال في اليوم الوطني حرام في الايام العاديه


ايش هلمسخره


حنى بلادنا قطر الي كان ينظرب فيها المثل وصخات مثل ذيله يقلبونه مسخره

حنى اهل قطر الخليجيين يجونه عشان يظبطون بنات والله قهر



و في الاخير بقولكم شي


اغلبية المواتر الي شفتها و يسوقونها بنات عليها ستيكرات و مظبطه و و و و


سؤالي وين اخوانها وين ابوها وين عمامها وين امها

معقوله ما شافو الموتر مظبط في البيت ولا هي صافه موترها عند المسجد و تروحله مشي

او خلاص الرجوله انعدمة من اهاليهم


كلكم شفتو صورة البنت الي تاخذ رقم او تقهوي الاماراتي


هل قطر صارة كذا
موضي قطر
22-12-2011, 11:46 AM
انا رحت المسيره

وشفت كل شي بعيوني محد قالي



شفت المسخره و قمة الانحطاط


شفت بنات يترقصون في مواترهم

و بنات طالعين في الفتحه و يترقصون


شفت شباب خليجيين يرقمون عيني عينك


شفت كروزر قطري في حوالي خمس بنات

فالينها الف ماعندهم فيها و حولهم شباب

حتى واحد من الشباب بعد ما خلص الرش حذف البنت بالقوطي الفاظي


اصرخت من الالم و قالت له والله انك مب رجال قالها انت على ....


وانا اشوف والله ما فزعت ولا قلت شي لان هي يابنت الكلام حق نفسها

و من خلا نفسه سبوس العب فيه الدجاج



وشفت خليجيات طالعين من الفتحه يترقصون و يستهبلون و يسوون حركات


شفت جنسيات عربيه و و و و و الخ الخ الخ


شفت الفبينيات و الجنسيات العربيه يجمعون الارقام حق البزنز


شفت بلاوي



و الي يقهر فوق كل ذي

بدريس القوات المسلحه القطريه و البريها الحمره يعني الشرطه العسكريه واقفه تسهل الحركه

وما تحرك ساكن


جيش البلد واقف ما يحرك ساكن

شنو معنات هلكلام

هل في احد بيحترم الدوله بعد اليوم او بعد الي صار


خلاص اي واحد بيروح مجمع بيتحرش اذا صادوه الشرطه بيقول

حلال في اليوم الوطني حرام في الايام العاديه


ايش هلمسخره


حنى بلادنا قطر الي كان ينظرب فيها المثل وصخات مثل ذيله يقلبونه مسخره

حنى اهل قطر الخليجيين يجونه عشان يظبطون بنات والله قهر



و في الاخير بقولكم شي


اغلبية المواتر الي شفتها و يسوقونها بنات عليها ستيكرات و مظبطه و و و و


سؤالي وين اخوانها وين ابوها وين عمامها وين امها

معقوله ما شافو الموتر مظبط في البيت ولا هي صافه موترها عند المسجد و تروحله مشي

او خلاص الرجوله انعدمة من اهاليهم
كلكم شفتو صورة البنت الي تاخذ رقم او تقهوي الاماراتي


هل قطر صارة كذا



مابعد كلامك عذر لأشباه الرجال
Locale
22-12-2011, 11:52 AM
تقهوي ولا تاخذ الرقم ولاحتى لو زقاره

النتيجه وحده اللي تسويه مصخره
ولا بعد مستعده للتقهوي ومتحنيه

ماقول غير الله يصلح حالنا
شيزكيك
22-12-2011, 12:02 PM
اما الي تقهوي صج صج ماعندها سالفة اشدعوه وصلت فيهم المواصيل لهاذي الدرجه الله يستر علينا وعلى بنياتنا وعيالنا
AboNawaf
22-12-2011, 12:12 PM
ياليت جات على الرش...
إلا يفتحون أبواب السيارات...
وإحدى الأخوات تقول يدخلون رؤوسهم من نوافذ السيارة
فإن وجدوا أم البنات هربوا...
أمر مخزي صراحة...
غلاكم في قلوبنا ياشباب الخليج
لكن بدون إزعاج لـ قيمنا وعاداتنا وتقاليدنا...

اسمحيلي اختي الاصيلة وجود البنات في الكورنيش ابدأ ماله داعي لانه مافيه عروض غير الالعاب النارية وهي بتجاه واحد فقط من البدع الى الديوان اما البنات الي جايين ويقولون نروح المسيرة .. ابي اعرف ؟؟ لو انها قاعده في بيت اهلها وحاشمة روحها موب أحسن لها

أنا برأائي انه لما يجون الشباب المسيرة ومايحصلون أحد ماحد رأح يتعنا علشانا ونخلي عنا الخرابيط

عيل الي تقول اسوي الواجب واقهوي الشباب هاي شنو هههههههه بلفيت تعرف السنع ..!! يصير خير ,, والله لو قالت لها امها اقعدي قهوي الحريم فالبيت ماتسويها على طول عندي دراسه وباجر امتحان .. اقرب مخرج !! لكن فيها صياعه وشباب ومسيرة اسوي الواجب


الي اتمناه والي يتمناه كل رجل فيه شيمة وغِييره على بنات الديره وبنات المسلمين انه يمنعون الالعاب او الاحتفالات في الكورنيش يوم الوطني وغيره من الايام لانه هالاشياء ماشفناها الي في تايلند الي هو يوم الماي 1/4.. وعندنا فقطر بنسمية يوم الرغوة والتحرش الجنسي والترقيم والترقص وغيره وغيره من الفضايح .. الله يستر ع بنات المسلمين وشبابهم :)
موضي قطر
22-12-2011, 12:17 PM
اما الي تقهوي صج صج ماعندها سالفة اشدعوه وصلت فيهم المواصيل لهاذي الدرجه الله يستر علينا وعلى بنياتنا وعيالنا


ماعندها سالفة بس !!

هذه فصخت برقع وبطولة ونقاب الحيا سواء من الله سبحانه ولا من خلقه :secret:
intesar
22-12-2011, 12:21 PM
أعتقد هم جاؤوا لأن شباب قطر زاروهم بيومهم الوطني.. فردوا الزيارة لنا..
AboNawaf
22-12-2011, 12:25 PM
أعتقد هم جاؤوا لأن شباب قطر زاروهم بيومهم الوطني.. فردوا الزيارة لنا..

قصدك يالغالي

كما تدين تدان ..
مضاربه
22-12-2011, 12:57 PM
لاحول ولاقوه الا بالله يعورني قلبي لم اشوف مثل هذي المواضيع شبيقولون دول الخليج عن بنات قطر الحين يالله بسترك
لاجل QT
22-12-2011, 01:00 PM
احنا ليش نرمي اللوم على الشرطة انهم مفروض يقومون بتنظيم حركة السير ويقعدون يراقبون من اللى بيرش ومن اللى بيغازل ومن اللى بيرقص ومن اللى بيتحرش الخ الخ يعنى بيتم الشرطى يركض وراهم من سيارة لين سيارة :eek5:

هل معقولة هذا كلة مطلوب من الدورايات انها تسوية في هذا اليوم...واحنا عارفين عدل ومتأكدين ان راح تصير مصخرة في المسيرة..معنى هالكلام ان ثلاث ارباع اللى في المسيرة بيتخالفون او بينسجنون:)

المفروض ان بعد مرور كم سنة من عدة ميسرات والكم الهائل من النصائح وياناس ترقو ياناس خلو عندكم اخلاق وذرابة في المسيرة..اذا محد سمع كل هالنداءات وكل سنة نطلع بنتيجة اسوأ من السنة اللى قبلهاالمفروض المسيرة توقف فورا لانها تسئ الى سمعة بناتنا وشبابنا اللى اشتركو فيها ..


بعدين شتوقعون اذا حطيتو النار جنب البنازين ..لو جبتو الجيش ماراح يوقف اللى بيصير...الا اذا صدر امر بمنع المسيرة ..تفاديا للمشاكل اللتى تحدث من وراها

والاكتفاءبالعرض في الصباح:)
موضي قطر
22-12-2011, 01:02 PM
لاحول ولاقوه الا بالله يعورني قلبي لم اشوف مثل هذي المواضيع شبيقولون دول الخليج عن بنات قطر الحين يالله بسترك


الأولى يفكرون في نظرة الله لهم وهم عاصين له ولا اوامره ونواهيه .. ومن ثم حاطين من سمعة أهلهم:(
مسك روز
22-12-2011, 01:11 PM
والله لو المسيره مافيها بنات جان ماشفنا شباب من الخليج

حتى شبابنا بعضهم مب رايح المسيره ..



واذا الشرطه مالها دور كلش ،انا اقترح ان بعض الشباب اللي عندهم غيره

يسوون قروب ويسمون نفسهم ( No Blshtiyah) ويلبسون تي شيرتات عليها هالشعار

عشان ينعرفون ، ويصيدون كل مستهتر ومستهتره :anger1::anger1:
خــالــد
22-12-2011, 01:12 PM
شباب شفتوا الي لبس بطولة في المسيرة اذا حد صورة يحط لنا صورتة ذبحني ضحك
هام السحاب
22-12-2011, 01:12 PM
بعدين يقولون بناتنا عنسوا
وليش القطري ياخذ من برى
شفتوا الاخلاق
خــالــد
22-12-2011, 01:16 PM
بعدين يقولون بناتنا عنسوا
وليش القطري ياخذ من برى
شفتوا الاخلاق

صحنا انبحت اصوتنا محد صدقنا شفت فعايل البنات يوم المسيرة بالله عليك هذيلة وية زواج وايد عليها تسوي لها اقامة عليك
غايه الطواش
22-12-2011, 01:18 PM
مادري ليش المسخره ماصارت الا العام وألسنه
قطري مفلس
22-12-2011, 01:20 PM
والله البحرين ارتاحت من هالاشكال بيومها الوطني


خايفين يروحون (( لولا غلاكم ماتعنينا ))

تحياتي
غايه الطواش
22-12-2011, 01:20 PM
[size="5"]

صحنا انبحت اصوتنا محد صدقنا شفت فعايل البنات يوم المسيرة بال

له عليك هذيلة وية زواج وايد عليها

تسوي لها اقامة عليك [/

size]

اذا كم وحده افسخوا الحيا والا خلاق ....
فهم مب مقياس لاخلاق بنات قطر
هبوب الكوس
22-12-2011, 01:22 PM
شباب شفتوا الي لبس بطولة في المسيرة اذا حد صورة يحط لنا صورتة ذبحني ضحك

قصدك هذي

http://up.lm3a.net/uploads/8b6b532198.jpg
@الأدعم@
22-12-2011, 01:26 PM
حتى السعوديه تشتكي مو بس احنا والسعوديه معروف عنها فيها الهيئه وماقدروا على الشباب والبنات

معطين للشباب اجازه وكورنيش يتمشون فيه وبكل محل وبقاله يبيعون الرشاشات وشتبون يسوون !!!!
@الأدعم@
22-12-2011, 01:27 PM
انا الحمدالله قعدت بالبيت ولا طلعت للكورنيش اللي في خاطري اشوف الالعاب الناريه :(
همر
22-12-2011, 01:35 PM
أهو يوم وطني أو (هالوين) رسمي تدعمه الدولة؟



صج الكاتبه في هذي خانها التعبير..




هذا ما كان هالووين..




هذا كان "ماردي جرا" .. :secret:
خــالــد
22-12-2011, 01:38 PM
قصدك هذي

http://up.lm3a.net/uploads/8b6b532198.jpg

هههههههههههههههه
يخرب بيتة هههههههههههههههههههههههههههههه
:nice:
خــالــد
22-12-2011, 01:40 PM
اذا كم وحده افسخوا الحيا والا خلاق ....
فهم مب مقياس لاخلاق بنات قطر

اوكي اخوي ما قلنا شي بس هذيلا الي كانوا بالكورنيش مو قطريات
غايه الطواش
22-12-2011, 01:44 PM
اوكي اخوي ما قلنا شي بس هذيلا الي كانوا بالكورنيش

مو قطريات

اخوي انا اقصد الي قال ان القطريين يتزوجون من برا يوم شافو البنات جيه ....
وانا اقصد
كمن قطريه مايمثلون الأغلبيه
doha1
22-12-2011, 01:55 PM
هالاشكال اكيد مايمثلون اهل قطر

والفئه الضاله من الشباب والبنات

واهل قطر اللي متربين ع السنع ارقى من هالتصرفات والانحطاط الاخلاقي

شباب قطر وبالاخص محبين الخربطه الزايده يروحون العيد الوطني في اغلب دول الخليج لغايات معينه

ومثل ماقال البعض منكم كما تدين تدان

والمفروض التربيه والاشاد من البيت والجهات المختصه في هالامور

الشرطه مش شماعه

صح نقول المفروض العوين او الشرطه المجتمعيه يتدخلون او يتواجدون لكن الله المستعان

ونأمل فعلا ينظر في هالتصرفات
الـقـاسـي
22-12-2011, 02:00 PM
بل (هالوين) رسمي تدعمه الدولة

اذا عن السؤال لماذا جائوا الى قطر السبب واضح ومعروف والبركة في البنات اللي مايستحون
BIG-VEGA
22-12-2011, 02:13 PM
لماذا جاء شباب الخليج إلينا في اليوم الوطني ؟

يمقن هم عارفين ان...

عنزة الفريج تحب التيس الغريب

ويمقن لا
التميمي 3
22-12-2011, 02:14 PM
ليه مايكون في محاظرات وذكر ونصائح في سوق واقف
بدل مايكون أغاني وهبال ماله فائده ،
اللهم إحفظ شبابنا من كل شر
هبوب الكوس
22-12-2011, 02:16 PM
معروفه السالفه فيها حريم تخترب :rolleyes2:
الأصيلة
22-12-2011, 02:20 PM
بل (هالوين) رسمي تدعمه الدولة

اذا عن السؤال لماذا جائوا الى قطر السبب واضح ومعروف والبركة في البنات اللي مايستحون


بصراحه المسيره كان البنات هم يغازلون الشباب انا بنفسي شفت وحده كانت تعاكس واحد
والسالفه مب سالفه ان الشباب مسوين مشاكل في بعض الحريم بصراحه مايستحون على وجيهم صارو في الرزاله العن من الشباب .

واكثر الشباب الي يخربون المسيره كانو من فئه المراهقين يعني 18 سنه وتحت وهذا من حسن التربيه الله يقوي اهلهم عليهم
والكاتبه خانها التعبير يوم تكلمت على فئه الشباب وتجاهلت البنات وهم جزء من المشكله

البنات اللي يغازلون ترى صناعة الأب والأخ اللي يغازلون
وكما تدين تدان...
مغازلها للشباب وقلة أدبها جزاء لـ قلة أدب أهلها واستهتارهم بحرمات الناس..
ماجابته من عندها...
OREO
22-12-2011, 02:21 PM
وين المشكله و ليش الكاتبه زعلانه ؟؟

هل الكاتبه متضايقه عشان تم ترقيم البنات و الغشمرة معاهم و الا متضايقة عشان صورة قطر قدام العالم ؟؟

خلينا واقعين اشوي !!!

اذا على البنات !! ،، البنات يستاهلون ماجاهم لان ما اشوف من السنع و لا من التعاليم الاسلاميه بأن البنت تشارك الرجال في الاحتفالات الا لو الرجال تجرد من رجولته ،،،

و اذا على تشويه صورة قطر ،،، ما اشوف فيها شي لان بلادنا فاتحه العلاقات المختلطه بين الجنسين و مانعه فقط الخلوه ،،


فلذا وين المشكله و ليش الكاتبه تطالب شباب الدول المجاوره على احترامنا كون العله منا و فينا ،،،!!!

خلونا واقعين و صادقين مع انفسنا ،، من وجهة نظري العتب على حكوتمنا و المفروض تمنع

اي بنت تشارك في اليوم الوطني و اي سياره فيها عائلة يتم مخالفتها و ابعادها عن مكان

تجمهر الجمهور،، اما اذا طالبنا بناتنا و شبابنا بالالتزام ،، فمستحيل يلتزمون لان البعض

للاسف ماعنده شي من الدين و مستحيل يترك العاده الوصخه اللي تربى عليها ،، و بعدها ما راح نشوف قلة الادب اللي سمعنا عنها ،،

وجهة نظري بأن العتب على حكومتنا،، لان هي اللي سمحت بهالشئ ،،
الأصيلة
22-12-2011, 02:24 PM
مادري ليش المسخره ماصارت الا العام وألسنه

من أمـــــن العــقـوبـة أســاء الأدب...
حسن
22-12-2011, 02:25 PM
أهو يوم وطني أو (هالوين) رسمي تدعمه الدولة؟

الجواب الاثنين معا
شبح الصمت
22-12-2011, 02:33 PM
صرراحه انا متابع الموضوع من البداية

والحين ببرد خاطري بكم كلمة والاسباب ..

اول شيء بنتكلم عن الشباب ..

بعض شباب قطر راحوا حسب دعوة من شباب الامارات عشان يشاركون في يومهم الوطني

بعض شباب قطر راحوا عشان البن

بعض شباب الامارات ردو الدعوة حسب طلب شباب قطر

لولا غلاكم ما تعنينا

بعض شباب الامارات جو عشان بنات يعرفونهم وعشان تضبيط جديد ( اشدعوه ما نعرف شباب اماراتيين ) اعرف واحد جاي عشان هالامور بس تهربت منه ولا طلعت معاه ..

شباب قطر احتفالات البحرين اول ناس محضرين ..
شباب قطر احتفالات هلا فبراير محضرين في الكويت


يعني الحين الكاتبه وانتو حاطين على شباب الامارات ..

انا اقول بعض البنات يقبضون بيوتهم ويركدون انا شفتهم شوف عيني على هالنص ساعة مصخره وقمة المصخره تخيلوا لو مافي بنات فالمسيرة هل راح تصير المسيرة بهالانحطاط !!!


جاوبني يالناقدين !!!!!

جوووووووووواب صريح

وعلى فكره
ربعنا بعد ما قصروا

احذاي واحد مشغل كشاف مليون شمعه على بنات في موترهم وقامت تزاعق عليه بس عجبني رده قالها الخلا ما عندنا بنات يطلعون بين شباب وتم مولع الكشاف عليها ...


صج اني تضايقت من حركته بس اهم شكلهم :secret:

وقامت تزاعق تزاعق لين فحمات صوتها راحت !! :tease:

يلا قولوا لي الخطأ على من !!


على شباب الامارات

او على البنات الي مسبلين في نفسهم

وحده مستويه تعرف تكرم الضيف وفي بيتهم الدله ما تعرف تيودها ..

والثانية مستويه كروه لا ومستانسه تقول شوماخار بطل رآليات العالم

والثالثة مركبه بنات الفريج تقول عازمتهم على قعود


والرابعة ماسكه رش تقول انتر تيقر

والخامسه شنو بعد شنو بعد


خلاص خلاص


بسناااااااااااااااا خرابيط

انا اختفيت
انا اختفيت

شبح الصمت اختفى

:anger1:
الأصيلة
22-12-2011, 02:37 PM
أهو يوم وطني أو (هالوين) رسمي تدعمه الدولة؟

الجواب الاثنين معا

تدعم اليوم الوطني
لكن ماتدعم الصياعة وقلة الحيا
بوعلي2
22-12-2011, 02:37 PM
لاحول ولاقوة الا بالله

كل سنه نشوف الامور تتعقد بزياده

الله يرحمنا برحمته

انا اخاف اعلق ويزعلون بعض الحريم والريايل فالسكوت من ذهب

شكرا للموضوع الطيب
شبح الصمت
22-12-2011, 02:39 PM
لاحول ولاقوة الا بالله

كل سنه نشوف الامور تتعقد بزياده

الله يرحمنا برحمته

انا اخاف اعلق ويزعلون بعض الحريم والريايل فالسكوت من ذهب

شكرا للموضوع الطيب



ليش ما تعلج علج ياخي

علج

شنو يعني لو علجت !!

:shy:
هبوب الكوس
22-12-2011, 02:41 PM
وقامت تزاعق تزاعق لين فحمات صوتها راحت !! :tease:


:anger1:

ههههههههههه

تركب كاتم صوت احس لها
الأصيلة
22-12-2011, 02:43 PM
لازم توضع روادع وحدود لـ مثل هذه الإحتفالات الخاصة بـ اليوم الوطني
من قبل المختصين والغيورين على الوطن وسمعته وبرستيجــه...
حسن
22-12-2011, 02:49 PM
تدعم اليوم الوطني
لكن ماتدعم الصياعة وقلة الحيا

عاد وش نسوي مافي اليد حيله يالاصيله لو علي انه كان رقدت عليهم بخيازرين منقعه بحر:victory:
Charisma
22-12-2011, 03:10 PM
اول شي ارفع العقال لهالكاتبه تحيه وتقدير لمقالها ..


لماذا جاؤوا إلينا؟
لولا غلاكم ماتعنينا ... كان المفروض يصدقون ويكتبون ... لولا البنات ماتعنينا
لان اي واحد فيكم حضر المسيره راح يعرف شقصد تحرشات واضحه امام الكل .. ترقيم ومغازل
غير اللي دخل موتر العيله وقعد وياهم غير المصافحات والترقيم غير المصخره اللي صارت ..

بس تبونا نحملهم كل شي ؟ لا والله الا البنات اهني بعد يتحملون نص المصخره اللي صارت
طالعين وفي نيتهم المغازل واللبس حدث ولاحرج والميك اب اتقول رايحين عرس والاغاني حدها
والترقص وتوزيع الابتسامات وبعضهم بالرش؟ حركــات والله ماتمت لليوم الوطني بصله

لهالدرجه بنت البلاد قامت ترخص بنفسها وتفصخ الحيا !؟ لحد يقولي والله هذيل مب قطريات
انا اعرف ان الاغلبيه مب قطريات بس لازال في من القطريات من يقوم بمثل هالتصرفات

وكل اللوم يقع على الاهل والاخوان .. اللي مايدرون عن بناتهم شي ومعطينهم كامل الحريه والاريحيه
اتمنى مثل هالمور ماتحصل في السنين القادمه واتمنى مانشوه اليوم الوطني بمثل هالتصرفات
اليوم الوطني صار عند البعض :
يوم المغازل - يوم الترقيم - يوم المفوشر - يوم الاستعراض - يوم تشوية الممتلكات العامه والشوارع
يوم التصرفات الصبيانيه - يوم يعكس للاجانب مدا الاستهتار اللي وصل له شبابنا وبناتنا

اللي يغار على بلاده واللي يحب بلاده والله مايرضى بمثل هالتصرفات ..
فيزيائية
22-12-2011, 03:14 PM
جاؤوا لعلمهم بوجود بنات لاحياء ولا والي ولا أهل
وين الابو والاخو عن هله ؟؟
والله فشلونا وضحكوا العالم علينا ....
وبصراحة الشباب المايع عندنا ماقصروا
رقص واستهبال ونكتة...
مادري ليش يجيبون مهرجين للمهرجانات من بره
مهرجينا منا وفينا للاسف فيهم شباب مثل الورد
ماقول الا الله يهدي الاهل.....
ويهدي الحريم اللي يسوقون ومسوين نفسهم سبوس !
الأصيلة
22-12-2011, 03:14 PM
صرراحه انا متابع الموضوع من البداية

والحين ببرد خاطري بكم كلمة والاسباب ..

اول شيء بنتكلم عن الشباب ..

بعض شباب قطر راحوا حسب دعوة من شباب الامارات عشان يشاركون في يومهم الوطني

بعض شباب قطر راحوا عشان البن

بعض شباب الامارات ردو الدعوة حسب طلب شباب قطر

لولا غلاكم ما تعنينا

بعض شباب الامارات جو عشان بنات يعرفونهم وعشان تضبيط جديد ( اشدعوه ما نعرف شباب اماراتيين ) اعرف واحد جاي عشان هالامور بس تهربت منه ولا طلعت معاه ..

شباب قطر احتفالات البحرين اول ناس محضرين ..
شباب قطر احتفالات هلا فبراير محضرين في الكويت


يعني الحين الكاتبه وانتو حاطين على شباب الامارات ..

انا اقول بعض البنات يقبضون بيوتهم ويركدون انا شفتهم شوف عيني على هالنص ساعة مصخره وقمة المصخره تخيلوا لو مافي بنات فالمسيرة هل راح تصير المسيرة بهالانحطاط !!!


جاوبني يالناقدين !!!!!

جوووووووووواب صريح

وعلى فكره
ربعنا بعد ما قصروا

احذاي واحد مشغل كشاف مليون شمعه على بنات في موترهم وقامت تزاعق عليه بس عجبني رده قالها الخلا ما عندنا بنات يطلعون بين شباب وتم مولع الكشاف عليها ...


صج اني تضايقت من حركته بس اهم شكلهم :secret:

وقامت تزاعق تزاعق لين فحمات صوتها راحت !! :tease:

يلا قولوا لي الخطأ على من !!


على شباب الامارات

او على البنات الي مسبلين في نفسهم

وحده مستويه تعرف تكرم الضيف وفي بيتهم الدله ما تعرف تيودها ..

والثانية مستويه كروه لا ومستانسه تقول شوماخار بطل رآليات العالم

والثالثة مركبه بنات الفريج تقول عازمتهم على قعود


والرابعة ماسكه رش تقول انتر تيقر

والخامسه شنو بعد شنو بعد


خلاص خلاص


بسناااااااااااااااا خرابيط

انا اختفيت
انا اختفيت

شبح الصمت اختفى

:anger1:

الكاتبة ماخصت شباب الإمارات ولاجابت طاريهم
هي تقول شباب الخليج يعني من بينهم القطري لا من تعنى لـ غير قطر...
بوعلي2
22-12-2011, 04:00 PM
ليش ما تعلج علج ياخي

علج

شنو يعني لو علجت !!

:shy:


هههههههههههههههههههههههههههههه


خلاص عيل عقب ماتسجل الدخول بنتشارك العلج انا وانت والى الامام لارجوع :shy:
بوعلي2
22-12-2011, 04:02 PM
اول شي ارفع العقال لهالكاتبه تحيه وتقدير لمقالها ..


لولا غلاكم ماتعنينا ... كان المفروض يصدقون ويكتبون ... لولا البنات ماتعنينا
لان اي واحد فيكم حضر المسيره راح يعرف شقصد تحرشات واضحه امام الكل .. ترقيم ومغازل
غير اللي دخل موتر العيله وقعد وياهم غير المصافحات والترقيم غير المصخره اللي صارت ..

بس تبونا نحملهم كل شي ؟ لا والله الا البنات اهني بعد يتحملون نص المصخره اللي صارت
طالعين وفي نيتهم المغازل واللبس حدث ولاحرج والميك اب اتقول رايحين عرس والاغاني حدها
والترقص وتوزيع الابتسامات وبعضهم بالرش؟ حركــات والله ماتمت لليوم الوطني بصله

لهالدرجه بنت البلاد قامت ترخص بنفسها وتفصخ الحيا !؟ لحد يقولي والله هذيل مب قطريات
انا اعرف ان الاغلبيه مب قطريات بس لازال في من القطريات من يقوم بمثل هالتصرفات

وكل اللوم يقع على الاهل والاخوان .. اللي مايدرون عن بناتهم شي ومعطينهم كامل الحريه والاريحيهاتمنى مثل هالمور ماتحصل في السنين القادمه واتمنى مانشوه اليوم الوطني بمثل هالتصرفات
اليوم الوطني صار عند البعض :
يوم المغازل - يوم الترقيم - يوم المفوشر - يوم الاستعراض - يوم تشوية الممتلكات العامه والشوارع
يوم التصرفات الصبيانيه - يوم يعكس للاجانب مدا الاستهتار اللي وصل له شبابنا وبناتنا

اللي يغار على بلاده واللي يحب بلاده والله مايرضى بمثل هالتصرفات ..


كفيت ووفيت يالذيب قلت الي بخاطري
بوعلي2
22-12-2011, 04:07 PM
بعدين حبيت اقول شي ماطاح الا نبطح

الرجال العدل عدل والمتربي مايسوي هالسوالف

والبنت المتربيه والعدله ماتروح هالاماكن بروحها او مع شلة بنات

تروح مع زوجها او اخوها او ابوها وانا مامنع ان يرحون لكن معاهم محرم وبحالهم

اما الي قاعده وتصور بالريايل ويتبسمون بويهم ويسون لها حركات والوضع عاجبها فهذي هي قلة الادب بعينها وتعطي مجال لهم بالتحرش وراس الحبل

وبالنهايه التربيه لها دور لكلا الطرفين سواء رجل او امرأه

وشكرا والسموحه للاطاله يالاصيله
غزلان
22-12-2011, 04:17 PM
بعد الصور الى شفتها للمسيره وجرأة بعض البنات سواء بالتصوير او المشاركه في المسيره

اقدر اقول ان لوكان للأهل دور في التربيه والمحافظه على عادات وقيم واخلاق بناتهم ماكان اتركوا الحبل على القارب
غدير البورصه
22-12-2011, 04:35 PM
ماله داعي هالموضوع

ناس وفرحانين بفرح الدوله

الدوله تحتفل

وش صار يعني شباب وافرحوا منهو منكم صابه مكروه ؟؟؟؟؟؟؟؟؟؟؟؟؟؟

وش صار يعني؟؟؟؟

جريمه ؟؟؟؟؟؟

الله يديم الفرح علينا ونفرح

شوفو سوريا وش يصير فيهم من كم شهر المساكين يتمنون حاكم عادل

الحركات هذي تستوي في كل بلاد الا البلاد المحرومه من الحريه

المغازل والحركات والرش حركات شباب استمرت كم ساعه وخلاص كلن راح في حال سبيله

اذكروا الله وصلوا على النبي
BoAof
22-12-2011, 04:45 PM
للاسف للاسف للاسف يوم تشوف سياره يقودها السايق وفيها 7 بنات احداهم بجانب السائق في الكرسي الامامي
وبمكياج عرس وتسريحه عرس ورايحين المسيره
ابي افهم وين الوطني في كل هذا وين رجال البيت ووين المحرم والرقيب
للاسف تحصله في المسيره طالع يرقص باسم الوطنيه
شي يفشل
مخطط قطري
22-12-2011, 04:51 PM
احنا هنيه مب نشخص مشكله صارت لا نبي حلول عمليه
انا صحيح ماكنت موجود يوم 18 ديسمبر في الكورنيش لانه اغلب شباب قطر ورجالها كانو في هالوقت في عرضات القبائل
الي راح الكورنيش من عيل!!!!
اغلب شباب قطر فضل يتوجهه الي العرضات وجزء منهم مسافر وجزء صغير فضل الجلوس في البيت
وجزء راح الكورنيش للاستمتاع هو واصدقائه بالمسسيره والاحتفال باليوم الوطني او مع اسرته الكريمه
وهذا من حقه وهالشي حلو وجميل
اذا تم الغاء المسيرات وهذا في نظري الشخصي مش حل - خصوصا راح تكون مظاهر الاحتفال والسعاده بهذا اليوم باهته شوي- يعني تكون العمليه اكثر انضباط ومنظمه ومافي شي اسمه تعطيل للسير والحركه المروريه
وهنيه دور وزاره الداخليه مش المرور وبس
استانس وافرح على كيفك وبحريه تامه بدون المساس بحريه الغير
طبعا هذا شارع عام والشارع بتحصل فيه كل اصناف البشر (الطيب والمحترم والخلوق والاحمق والسفيهه والغير محترم ) فتوقع اي شي يحصل لاتنبهر ولا تندهش بالعربي اذا حصل اي شي منافي للذوق العام وخصوصا في اليوم الوطني
اعتقد التوعيه الاعلاميه خذت حقها ونصحو الناس بعدم التعرض للعوائل والرش وغيره قبل اليوم الوطني بفتره
وصار تحدي وتجاهل لهالنصائح الهامه
واقسم لكم بالله لو لا الخليجين ماشافو المسخره من بعض من القطريين والمقيمين في الكورنيش انه مايتجرا ويتحرش في بنات خلق الله (يجوز بعضهم جايزت له السالفه وهذولا شواذ ولكن الاغلب جاي يستانس ومب في باله هالامور التافهه والغير اخلاقيه ومحرمه في الشرع)
من الاشياء الي انصدمت منها انه واحد ذكرلي شي شافه بعينه ,,,,, واحد يفتح الباب على اسره قطريه ويركب السياره او شخص ثاني يرش على البنات الي في السياره وغيرها من شواهد مافي شخص متربي يسويها
واقسم بالله هذا الشخص انه اذا حد منهم جا صوبه مع اهله انه يقتله
وقال الي فيها فيها
نبي حلول منطقيه وتخلي الكل سعيد ومبتهج في يومه الوطني ويعدي بخير وسلام وبدون اي حوادث او منقصات تفسد فرحه المواطنين بهذا اليوم بدون نلغي مسيرات او نلغي مظاهر الفرح....




cc: اللجنه العليا المنظمه لاحتفالات اليوم الوطني
كحيلآن
22-12-2011, 05:04 PM
فيه شآرع أسمه شآرع الاحتفالات كآنهم يبـون يحتفلون يروحون هنآك والمسيرة أساساً الغرض منها المعاكسات فقط وهذا حال اغلب الشباب مب قايل الكل على شآن ما اظلم النسبة القليله الي رايحين ونيتهم سليمه .. شآرع احتفالات وكل قبيلة لها مخيم كآن فيهم خير يجملون ربعهم وعيال عمهم ويحضرون الحفل وكل ما كثر حضور الحفل جّمل قبيلته ووربعه بس الشباب الله يهديهم همهم الترقيم ... بس ابي أقول شغله وحده واتمنى الكل يفكر فيها لآنها مب مثل من الامثال لآ كلآم واقعي ( كما تدين تدان ) يعني بتغازل بنت الناس بيغازلون أختك أو مرتك أو بنتك بالمستقبل يعني بينقص وجهك بالحاضر والا المستقبل فـ استروا على بنآتكم يآ جماعه واستروا على انفسكم :)
خالد البلوشي
22-12-2011, 05:41 PM
استغرب من كل شخص يحمل الغيرة في قلبه كيف له أن يتصرف بمثل هذه التصرفات الصبيانية .. ولكن مثل ما قيل : إن لم تستحي فافعل ما تشاء .. و كم أتمنى من السلطات القطرية التعامل مع هذه التصرفات بشكل حازم لأن من أمن العقوبة أساء الأدب ..
<اضرب واشرد>
22-12-2011, 05:49 PM
ماله داعي هالموضوع

ناس وفرحانين بفرح الدوله

الدوله تحتفل

وش صار يعني شباب وافرحوا منهو منكم صابه مكروه ؟؟؟؟؟؟؟؟؟؟؟؟؟؟

وش صار يعني؟؟؟؟

جريمه ؟؟؟؟؟؟
الله يديم الفرح علينا ونفرح

شوفو سوريا وش يصير فيهم من كم شهر المساكين يتمنون حاكم عادل

الحركات هذي تستوي في كل بلاد الا البلاد المحرومه من الحريه

المغازل والحركات والرش حركات شباب استمرت كم ساعه وخلاص كلن راح في حال سبيله

اذكروا الله وصلوا على النبي

وش صار يعني استمرت كم ساعة وخلاص
استمرت كم ساعة وخلاص :eek5:
استمرت كم ساعة وخلاص :eek5:
استمرت كم ساعة وخلاص :eek5:
استمرت كم ساعة وخلاص :eek5:
استمرت كم ساعة وخلاص :omg::(
وخلاص
وخلاص
وخلاص
إلا البلاد المحرومة من الحرية
إلا البلاد المحرومة من الحرية
إلا البلاد المحرومة نم الحرية
حرية
حرية
حرية
حرية
شوفوا سوريا
شوفوا سوريا
حرية
حرية
شخبارك طيب؟
الغـــيور
22-12-2011, 05:55 PM
كل اللوم عالعوايل الي اسمحوا لبناتهم يروجون المسيره ،،، أنا كنت هناك ولاحظت ان الشباب مايتحرشون الا فالبنت الي اشكره رائحه هناك عشان الشباب اللبس يعكس اخلاق البنت ،، تحشموا يابنات ويا عوايل ومحد بيتحرش فيكم،، اعيال متربين كلهم عالادب الي يحشم عمره والله محد يقربه،،
التميمي 3
22-12-2011, 05:59 PM
ماله داعي هالموضوع

ناس وفرحانين بفرح الدوله

الدوله تحتفل

وش صار يعني شباب وافرحوا منهو منكم صابه مكروه ؟؟؟؟؟؟؟؟؟؟؟؟؟؟

وش صار يعني؟؟؟؟
جريمه ؟؟؟؟؟؟

الله يديم الفرح علينا ونفرح

شوفو سوريا وش يصير فيهم من كم شهر المساكين يتمنون حاكم عادل

الحركات هذي تستوي في كل بلاد الا البلاد المحرومه من الحريه

المغازل والحركات والرش حركات شباب استمرت كم ساعه وخلاص كلن راح في حال سبيله

اذكروا الله وصلوا على النبي

حدث العاقل بما يعقل
وأقول وشي اللي صار ، صار شي يغضب الله ورسوله وديننا مايسمح الشي هذا
إحنا ماقلنا شي إفرحوا ولكن بشي مافيه يمس البنت أو الإستهبال على بعض أو ترقيم
أو حركات مالها داعي تصير في دولة قطر
أنا من جد أخاف على قطر لأني عندي أهل وربع ولا أرضى على قطر وأهلها كلهم ينظرون بشي واحد ،،، اللهم إحفظهم من كل شر والمسلمين أجمعين
خــطــافــ
22-12-2011, 06:10 PM
وش صار يعني استمرت كم ساعة وخلاص
استمرت كم ساعة وخلاص :eek5:
استمرت كم ساعة وخلاص :eek5:
استمرت كم ساعة وخلاص :eek5:
استمرت كم ساعة وخلاص :eek5:
استمرت كم ساعة وخلاص :omg::(
وخلاص
وخلاص
وخلاص
إلا البلاد المحرومة من الحرية
إلا البلاد المحرومة من الحرية
إلا البلاد المحرومة من الحرية
حرية
حرية
حرية
حرية
شوفوا سوريا
شوفوا سوريا
حرية
حرية
شخبارك طيب؟

ههههههههه

أواصل الإعجاب بك في كل قسم وفي كل مشاركة :victory:
Miss
22-12-2011, 06:14 PM
المسيره ما وراها الا الدماار
ما يصير يعبرون عن حبهم الا بالمسيره !!
كان راحوا العرضاات اللي خاليه ما فيها الا الشيااب
خربوا قطر صراحه بالافعاال :(
Miss
22-12-2011, 06:20 PM
لازم توضع روادع وحدود لـ مثل هذه الإحتفالات الخاصة بـ اليوم الوطني
من قبل المختصين والغيورين على الوطن وسمعته وبرستيجــه...

لا لا ما ينفع الحدود ،، تمنع شي اسمه مسيره ،، تمنعه منع تاااااام ،، الكورنيش تسكره من كل الجهات ،، يكوون للماره بس لكن سيارات ممنوع مرورهاا ..
*
حراير قطر
22-12-2011, 06:41 PM
انا حضرت المسيرة للامانة محد قالنا اي كلمة او سوى لنا شيء

البنت اللي محترمة نفسها محد يتجرأ يسوي لها شيء

اما بعض البنات يستأهلون اللي جاءهم من رش لو انا من الشباب

سويت لهم خساس مو رش بس وهم اللي يتحرشون بالشباب

اهم شيء صوري اللي موجوده بالموضوع :)

ويعطيج العافيه اختي الاصلية ...
انتر ميلان
22-12-2011, 07:10 PM
الشي اللي مستغرب منه وين الاب والإخوان والأعمام......??
وشهي رده فعلهم وهم يشوفون سيارة بنتهم مزينة وعليها لزقات وأعلام ووقت المسيرة بلفيت رايحة بيت رفيجتها او عرس ...

اللوم يقع على البنت والأهل
وشي يحز في الخاااااااطر اذا صاروا اهل الخليج (يتعنون) ويجون قطر علشان بناتنا .. :weeping:
وللأسف سمعه بنات قطر في احدى الدول الخليجية سيئة للغاية .......
غدير البورصه
22-12-2011, 07:18 PM
الحكومه سوت العاب ناريه حق من ؟؟؟؟؟؟؟؟؟؟؟؟؟؟؟؟؟

حق الشعب يفرح حق المسيره

اما البنات يا نا ر اكلي حطب جهنم تاكل الي ما تحافظ على نفسها.

وش هالحسد حاسدين الشباب على فرحتهم.

حدمنعكم من المسيره؟؟؟؟؟

سويتوها قضيه
ROSE 26
22-12-2011, 07:40 PM
الاغلب منهم جايين حق المصخرة!!
والله المستعان
qatara
22-12-2011, 08:04 PM
مانلوم حد

بس ما سالتو نفسكم وش اسباب وصول مجتمعنا او اخوننا او بناتنا او اولادنا لهذا ؟

لاتعالجو النتيجه فانتيجه لها اسباب عالجو الاسباب لتكسبو النتيجه
ثابت
22-12-2011, 08:28 PM
استغرب من بعض الردود الي تحمل الاهل كل المسؤلية!!!

صح يتحملون مسؤلية البنات المراهقات ولكن الي شفناه في المسيرة تصرفات اصدرت من نساء اعتقد انهم تعدوا سن المراهقة وكل مسؤل عن تصرفاتة

للاسف فقدوا بنات ديرتي الكثير من الاحترام في عيونا وفي عيون الغير

ما شفنا من مطالبتهم بالحرية وبالمساواة الا سود الوجة ليتهم قعدوا في بيوتهم ابرك لهم ولسمعت بلدنا

اغلب الصور والتصرفات الي صدرت كانت ليست تحرش شباب ببنات بل العكس تحرش بنات بشباب و انا شفت من الصور ومن لقطات الفيديو الكثير

والصورتين الي انتشروا في المنتدى كلهم يبينون انها مبادرة من البنات وبرضاهم

ما اقول الا خلف الله عليكم يا بنات قطر

وللاسف كلمة ما كنت اتمنى اقولها

ما عادت افتخر فيج يا بنت بلادي :anger1:
نجمة في سماه
22-12-2011, 08:53 PM
فعلا اختي كلامج عدل الي صار في اليوم الوطني مهزله ويا ريت لو يمنعون المسيرة في اليوم الوطني السنه الجاية
حارس الليل
23-12-2011, 12:27 AM
بختصار (الاخلاق يصنعها القانون)
Sleepless Doha
23-12-2011, 12:31 AM
بختصار (الاخلاق يصنعها القانون)
الاخلاق لا تصنع بالقانون ...........بل هي فطره وتربيه واخلاق تورث
Dawn
23-12-2011, 12:46 AM
للاسف فقدوا بنات ديرتي الكثير من الاحترام في عيونا وفي عيون الغير



ما اقول الا خلف الله عليكم يا بنات قطر



ما عادت افتخر فيج يا بنت بلادي :anger1:

كم بنت قطريه اطلعت هالمسيره علشان تحكم على بنات قطر بانهم فقدوا الاحترام ... بنات قطر !!!
عندك خوات ؟؟ عندك ام ؟؟ بنات عم بنات خال ؟؟ اللي ابي اقوله هل البنات اللي حواليك من اهلك مب قطريات ؟؟؟ هل ترضى الكلام اللي قلته على اهلك ؟؟ شلون ترضى انك تظلم بنات شعب راقي كريم بسبب خطأ فردي سوته 20 او 30 بنت الله اعلم يمكن مب كلهم قطريات ؟؟

صراحه كلمة : ماعدت افتخر فيج يا بنت بلادي قويه جدا وما تنقال الا اذا شفت الاغلبيه مسويه الخطأ ... وانا واثقه ان الاغلبيه ان شا الله فيهن الخير ويكفي انك تعرف ان نسبه البنات اللي قعدوا في بيوتهم في هذا اليوم نسبه كبيره رغم ان كانت عندهم مشاوير مهمه ،، والفئه اللي راحت هي الاقليه ...
OREO
23-12-2011, 01:03 AM
انا حضرت المسيرة للامانة محد قالنا اي كلمة او سوى لنا شيء

البنت اللي محترمة نفسها محد يتجرأ يسوي لها شيء

اما بعض البنات يستأهلون اللي جاءهم من رش لو انا من الشباب

سويت لهم خساس مو رش بس وهم اللي يتحرشون بالشباب

اهم شيء صوري اللي موجوده بالموضوع :)

ويعطيج العافيه اختي الاصلية ...

وضحي للاعضاء وقولي انج رايحه المسيره مع رفيجتج و ما معاكم محرم عشان تكتمل القصه و يعرفون يردون عليج ،،

لان كلمة ان الوحده تكون محترمه نفسها ما تكفي في وسط الف رجال ،، لان عندنا دين و لازم نلتزم فيه و مهب ناخذ على هوانا ،،

لو جذي اختي حراير ،، ماشاءالله و تبارك الرحمن حتى اليهود و النصارى فيهم محترمين و بدرجة امتياز ،، لكن عيبهم يتبعون الدين الغلط ،،،

اللي ابي اقوله اختي حراير ،، مافي شي اسمه كونها محترمه عادي تنقز بين الف رجال و ان محدن بكفو يسويلها شي ،،



بيطلعلي واحد بيقولي الصحابيه مادري مين و بنت مادري مين شاركت في غزو او المعركه الفلانية ،،

الصحابيه رايحه تداوي الجرحى و معاها محرمها ،، اما بناتنا رايحين الكورنيش و ضرب هرانه و تلوين الخدين براية قطر ،،

لحد يزعل من كلامي لكن هذا اللي حاصل للاسف ،،

نسيت اقول الجمله المشهوره اللي ذابحينا فيها اليهالوا مالتين ٢٠١١ ،، عشان يكتمل الرد ،،

( يمقن اي يمقن لا ) ،،
OREO
23-12-2011, 01:12 AM
كم بنت قطريه اطلعت هالمسيره علشان تحكم على بنات قطر بانهم فقدوا الاحترام ... بنات قطر !!!
عندك خوات ؟؟ عندك ام ؟؟ بنات عم بنات خال ؟؟ اللي ابي اقوله هل البنات اللي حواليك من اهلك مب قطريات ؟؟؟ هل ترضى الكلام اللي قلته على اهلك ؟؟ شلون ترضى انك تظلم بنات شعب راقي كريم بسبب خطأ فردي سوته 20 او 30 بنت الله اعلم يمكن مب كلهم قطريات ؟؟

صراحه كلمة : ماعدت افتخر فيج يا بنت بلادي قويه جدا وما تنقال الا اذا شفت الاغلبيه مسويه الخطأ ... وانا واثقه ان الاغلبيه ان شا الله فيهن الخير ويكفي انك تعرف ان نسبه البنات اللي قعدوا في بيوتهم في هذا اليوم نسبه كبيره رغم ان كانت عندهم مشاوير مهمه ،، والفئه اللي راحت هي الاقليه ...

فريق كرة القدم ١١ لاعب اذا ماخاب ظني ،، :shy:

لكن دوم اللي يشتهر هو الهداف و الحارس ،،

فلذالك اغلبية الناس دوم حافظين اسامي هالاثنين و الباقي مالهم اهميه في نظرهم ،،


اختي داون ،، بنات بلادنا فيهم الخير و ماشاءالله من احسن البنات في نظري ،، لكن الفئه القليله خربت و شوهت صورة بناتنا ،، فأعتقد اخونا ثابت يوم ان ذكر بكلامه (للاسف فقدوا بنات ديرتي الكثير من الاحترام في عيونا وفي عيون الغير) ما يقصد بكل بناتنا ،،

ربي يحفظج و يحفظ بناتنا ان شاءالله ،،
$بنت شيوخ$
23-12-2011, 01:19 AM
وين الحياء يابنات ولا نسيتو قول الله في صوره القصص( فَجَاءتْهُ إِحْدَاهُمَا تَمْشِي عَلَى اسْتِحْيَاء قَالَتْ إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ لَنَا ) تمشي على استحياء مش وقحه وتترقص وتعلي صوتها بين الشباب
OREO
23-12-2011, 01:19 AM
الاخلاق لا تصنع بالقانون ...........بل هي فطره وتربيه واخلاق تورث

فعلاً الاخلاق لا تصنع بالقانون لكن في نفس الوقت نقدر ننميها ،، و اكبر دليل وزارة التربية و التعليم سابقاً كانت تنمي و تحافظ على اخلاق عيالنا ،، اما في ٢٠١١ قامت تنمي اشياء ثانيه مثل الاختلاط و كيفية انخراط الزغاليل في سوق العمل لتعمل جنباً بجنب مع الرجال ،، :rolleyes2:

يعطيك العافيه اخوي و موفق ان شاءالله ،،
كبير المتداولين
23-12-2011, 01:25 AM
البنات اللي يغازلون ترى صناعة الأب والأخ اللي يغازلون
وكما تدين تدان...
مغازلها للشباب وقلة أدبها جزاء لـ قلة أدب أهلها واستهتارهم بحرمات الناس..
ماجابته من عندها...
الله يستر علينا الحين اذا ارتكب احد افراد الاسره الخطأ فكل فرد يكرر الخطأ بحجه ارتكابه من فرد اخر وهذه المشكله الي صايره وقت فراغ كبييييير ووسائل وفرها المال لهذا الوقت اوجد بيئه خصبه للانحراف السلوكي لدى افراد العائله
هام السحاب
23-12-2011, 02:25 AM
الاخلاق لا تصنع بالقانون ...........بل هي فطره وتربيه واخلاق تورث


اذا الاهل عجزوا عن تربيه العيال
الحكومة تربيهم

حسب الدستور
الباب الثاني
المادة (21)

الأسرة أساس المجتمع. قوامها الدين والأخلاق وحب الوطن، وينظم القانون الوسائل الكفيلة بحمايتها، وتدعيم كيانها وتقوية أواصرها والحفاظ على الأمومة والطفولة والشيخوخة في ظلها.

المادة (22)

ترعى الدولة النشء، وتصونه من أسباب الفساد وتحميه من الاستغلال، وتقيه شر الإهمال البدني والعقلي والروحي، وتوفر له الظروف المناسبة لتنمية ملكاته في شتى المجالات، على هدى من التربية السليمة.
الهتان
23-12-2011, 02:34 AM
أنا في نظري هي فرحه للشعب كله ومن زود الفرح محد يقدر يقدر اعماله اللي ممكن يسويها

سواء صاخبه مخله بالآداب هذا يرجع في نظري لبيت كل قطري عايش في البلد الكريم المعطاء ومدى

سيطرت رب البيت على اهل البيت وتبليغ قوانينه على بيته بحيث يحترم كل واحد نفسه ولكل فرحه حد ونقطه

ينتهي عندها الكلام بالنسبه لظيوف ياهلا ومرحبا اخوان اهل واحباب العتب على شبابنا وبناتنا وتماديهم

والسبب ارد واقول من اهل البيت اللي تركوا لهم الخيط والمخيط وغياب رقابتهم لهم لا تلمون احد ثاني

المجتمع يبتدي من بيتك انت سيطر عليه نعيش في مجتمع هادي راقي خالي من المشاكل بأذن الله
<اضرب واشرد>
23-12-2011, 02:40 AM
أنا في نظري هي فرحه للشعب كله ومن زود الفرح محد يقدر يقدر اعماله اللي ممكن يسويها

سواء صاخبه مخله بالآداب هذا يرجع في نظري لبيت كل قطري عايش في البلد الكريم المعطاء ومدى

سيطرت رب البيت على اهل البيت وتبليغ قوانينه على بيته بحيث يحترم كل واحد نفسه ولكل فرحه حد ونقطه

ينتهي عندها الكلام بالنسبه لظيوف ياهلا ومرحبا اخوان اهل واحباب العتب على شبابنا وبناتنا وتماديهم

والسبب ارد واقول من اهل البيت اللي تركوا لهم الخيط والمخيط وغياب رقابتهم لهم لا تلمون احد ثاني

المجتمع يبتدي من بيتك انت سيطر عليه نعيش في مجتمع هادي راقي خالي من المشاكل بأذن الله

نفهم من كلامج أن الشعب إذا فرح ينرفع عنه القلم

ويصير قليل أدب

جــمــيــل :app:

اللي بعدووووو
الهتان
23-12-2011, 02:55 AM
يعجبني اللي يفسر كلامه على هوى نفسه المقصد من الكلام امسكوا اهل بيتكم يمشي السير صح اتمنى كلامي يكون واااضح الله يرحم حالك ياقووقل ليت الناس مثلك صدقوا والله
مايبخ
23-12-2011, 02:58 AM
فعلا كلام صحيح
الله يسامح بعض العائلات اللي أرخت الحبل لبناتهم
والله إني أعرف أم تأخذ بناتها للمسيرة
ومستانسة إن الشباب يعاكسون بناتها...


يا دافع البلاء
<اضرب واشرد>
23-12-2011, 03:03 AM
يعجبني اللي يفسر كلامه على هوى نفسه المقصد من الكلام امسكوا اهل بيتكم يمشي السير صح اتمنى كلامي يكون واااضح الله يرحم حالك ياقووقل ليت الناس مثلك صدقوا والله

تمدحين قوقل .. اكتبي فيه :

الشعب فرح قلة أدب
المدريدي
23-12-2011, 07:38 AM
كلام جميل ونتمنى ما يكون في مسيرة السنة الجايه
qatara
23-12-2011, 07:42 AM
بختصار (الاخلاق يصنعها القانون)

جبتها مختصره
qatara
23-12-2011, 07:46 AM
قيدت اسودها
فلعبت ثعالبها

اذا كان الاباء مقيدين فماذا ننتضر من .......
هذا شي بسيط من نتايج المساوواه والخافي اعظم
الأصيلة
23-12-2011, 08:19 AM
الله يستر علينا الحين اذا ارتكب احد افراد الاسره الخطأ فكل فرد يكرر الخطأ بحجه ارتكابه من فرد اخر وهذه المشكله الي صايره وقت فراغ كبييييير ووسائل وفرها المال لهذا الوقت اوجد بيئه خصبه للانحراف السلوكي لدى افراد العائله

لا طبعا مب كل فرد يكرر الخطأ
لكن اللي يستهتر بأعراض الناس ويعاكس الحريم
ويتكلم عن الأعراض وهو مطمئن على أهله وشوفاته
إلا ويجي يوم وتتكلم الناس عنه مثل ماتكلم عنهم
أو يُسخر الله من يستهتر بحرماته مثل ما استهتر بحرمات الناس وشوفاتهم
وهذه سنة جارية في الخلق..
والجزاء من جنس العمل...
عفوا تعف نسائكم في المحرمِ
وياما بنات كانوا على حافة الإنحراف لكن الله حفظهم وعادوا لطبيعتهم
وذلك بحفظ آبائهم وأهلهم لـ حرمات المسلمين وعدم الخوض في أعراضهم...
وكل عمل وله جزاء مثله...
[مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ]
♫ احسـاسـ طفلـهـ ♫
23-12-2011, 08:22 AM
لا حول ولا قوة الا بالله

اعترضوا ، نقدوا ، بس لا تتكلمون في الاعراض الله يرضى عليكم ، هذا عرض لو كان فيه ملاحظات لو كان في اغلاط بس مايكون الكلام بهالطريقة ابدا

الله يهدينا واياكم ياااارب

على عيني وراسي يا ضوى مشكله اللي يفضح في الناس وعقب مسوي لي فيها شريف مكه وما يعلم الخفايا الا الله سبحانه وكلن يعرف نفسه :nice:



هالاشكال اكيد مايمثلون اهل قطر

والفئه الضاله من الشباب والبنات

واهل قطر اللي متربين ع السنع ارقى من هالتصرفات والانحطاط الاخلاقي

شباب قطر وبالاخص محبين الخربطه الزايده يروحون العيد الوطني في اغلب دول الخليج لغايات معينه

ومثل ماقال البعض منكم كما تدين تدان

والمفروض التربيه والاشاد من البيت والجهات المختصه في هالامور

الشرطه مش شماعه

صح نقول المفروض العوين او الشرطه المجتمعيه يتدخلون او يتواجدون لكن الله المستعان

ونأمل فعلا ينظر في هالتصرفات


:nice::nice::nice::nice:



صرراحه انا متابع الموضوع من البداية

والحين ببرد خاطري بكم كلمة والاسباب ..

اول شيء بنتكلم عن الشباب ..

بعض شباب قطر راحوا حسب دعوة من شباب الامارات عشان يشاركون في يومهم الوطني

بعض شباب قطر راحوا عشان البن

بعض شباب الامارات ردو الدعوة حسب طلب شباب قطر

لولا غلاكم ما تعنينا

بعض شباب الامارات جو عشان بنات يعرفونهم وعشان تضبيط جديد ( اشدعوه ما نعرف شباب اماراتيين ) اعرف واحد جاي عشان هالامور بس تهربت منه ولا طلعت معاه ..

شباب قطر احتفالات البحرين اول ناس محضرين ..
شباب قطر احتفالات هلا فبراير محضرين في الكويت


يعني الحين الكاتبه وانتو حاطين على شباب الامارات ..

انا اقول بعض البنات يقبضون بيوتهم ويركدون انا شفتهم شوف عيني على هالنص ساعة مصخره وقمة المصخره تخيلوا لو مافي بنات فالمسيرة هل راح تصير المسيرة بهالانحطاط !!!


جاوبني يالناقدين !!!!!

جوووووووووواب صريح

وعلى فكره
ربعنا بعد ما قصروا

احذاي واحد مشغل كشاف مليون شمعه على بنات في موترهم وقامت تزاعق عليه بس عجبني رده قالها الخلا ما عندنا بنات يطلعون بين شباب وتم مولع الكشاف عليها ...


صج اني تضايقت من حركته بس اهم شكلهم :secret:

وقامت تزاعق تزاعق لين فحمات صوتها راحت !! :tease:

يلا قولوا لي الخطأ على من !!


على شباب الامارات

او على البنات الي مسبلين في نفسهم

وحده مستويه تعرف تكرم الضيف وفي بيتهم الدله ما تعرف تيودها ..

والثانية مستويه كروه لا ومستانسه تقول شوماخار بطل رآليات العالم

والثالثة مركبه بنات الفريج تقول عازمتهم على قعود


والرابعة ماسكه رش تقول انتر تيقر

والخامسه شنو بعد شنو بعد


خلاص خلاص


بسناااااااااااااااا خرابيط

انا اختفيت
انا اختفيت

شبح الصمت اختفى

:anger1:


خخخخخخخخ




انا حضرت المسيرة للامانة محد قالنا اي كلمة او سوى لنا شيء

البنت اللي محترمة نفسها محد يتجرأ يسوي لها شيء

اما بعض البنات يستأهلون اللي جاءهم من رش لو انا من الشباب

سويت لهم خساس مو رش بس وهم اللي يتحرشون بالشباب

اهم شيء صوري اللي موجوده بالموضوع :)

ويعطيج العافيه اختي الاصلية ...


عن نفسي رحت مع اخوي وعادي محد سوى شي ومريت بروحي جي مدة ساعه ورحت والله لا حد سوى لي شي ولا قدر يتجرا حد على شي مب معناته ان دخولي في المسيره صح لكن مجرد فضول حرام الواحد يضيع وقت في الكلام الزايد اللي ماله معنى بس نتمنى السنوات القادمه يكون في رقي اكثر في التفاعل مع المسيرات بشكل عام ونتمنى مانشوف ناس تصور للفضايح مو نفسنا لتونيس الناس واشعارهم انهم عايشين معانا الحدث ونتمنى اخيرا وليس اخرا ان يكون في مكان مخصص لاحتفالات النساء :tease: <<< مصختها صح لوووووووول


يالله سي يو لوووووووووول
Dawn
23-12-2011, 11:16 AM
قيدت اسودها
فلعبت ثعالبها

اذا كان الاباء مقيدين فماذا ننتضر من .......
هذا شي بسيط من نتايج المساوواه والخافي اعظم

الاباء القطريين رجال لهم هيبه وشخصيه ،، وحريمهم وبناتهم يعملون لكلمتهم 1000 حساب ، ومهب كفو حد يقيدهم الا دينهم ،،


ثمن كلامك يا كتارا واحترم نفسك ..

وهالبنات اللي اطلعوا المسيره يمثلون الاب الديوث المهمل اللي ما التزم بمسؤولياته ولا اهتم بتربية اهله .. وهم نسبه قليله على رجال قطر الملتزمين بتربية بناتهم وعيالهم احسن تربيه ..

لا تصور الموضوع على ان الرجل انمسحت رجولته بسبب الدوله وقوانينها ومن هالكلام الفاضي .. الديوث اللي ما عنده شخصيه على مرته هذي مشكلته لا يروح يقط اللوم عى الدوله ينطم ويسكت ابرك له ولا يفضح نفسه ويسوي نفسه ( أسد ) قيدوه الثعالب ...
الدمعه
23-12-2011, 11:23 AM
والله انا اشوف ان الكاتبه ماعندها سالفه خصت الخليجيين ..

حياهم الله في بلدهم الثاني .. مثل ماعيالنا راحوا واحضروا فعالياتهم بعد هم من

حقهم يجون عندنا .. ومثل ماقالوا هذا دين ..

ولحد يقول السنه ماصار شي بالامارات في الوطني ..

انا كنت هناك وشفت ماشاء الله الكل مجهز سيارته ومعدلها وبيوتهم مليانه اعلام من كل

الاحجام .. وحتى شوارعهم اللي في الفرجان فيها اعلام مب بس الشوارع الرئيسيه ..

انا صج ماحضرت المسيره بس شفتهم وهم يشتروون الصوايات مادري شسمها

( الابواق اللي صوتها مزعج) ..

ولو هالشباب القطريين او الزوار مالقوا فئات ضاله تشبع غريزتهم الوحشيه كان

ماتجراو على هالسواة الشينه ..

وفي السعوديه شفناهم في الاعلام وشفنا احتفلاتهم واحتفالات المدارس كلها رقص

والبنات متلثمات بالاعلام ..

وفي الكويت وفي البحرين كذلك .. فلااااااااااااااااااااااااتقولون بس قطر ...

وللعلم مب بس عندنا يصير هالشي صج شي نستغربه بس اللي يقول اوروبا واللي

يقول الغرب .. عسى ماشر كل كلمه قلتوا الغرب والغرب ...

شوفوا تجمعاتهم اللي تصير بشكل يومي وحفلاتهم اللي تصير وخرابيطهم اخر الليل ..

وكله مايصير عندهم شي ..

هالشي لو هو مب صح وانا شخصيا ماايده بهالطريقه لكنه يصير في كل دول العالم في

كل مناسباتهم..

لاتقطون اللوم عالغيرررررر
زهرةالسوسن
23-12-2011, 12:26 PM
والله المشكله كلها بالبنات المفروض يمنعونهم من المسيره ولا بنت توطوط المسيره ؛للشباب وبس لو امنعوعهم حتى الشباب سنه سنتين ما عاد يروحون مسيره ينثبرون في العرضات؛ لاكن السالفه اذا فيها بنات اهني المصيبه وقلت الادب .
Hamada-Sama
23-12-2011, 01:20 PM
وللعلم مب بس عندنا يصير هالشي صج شي نستغربه بس اللي يقول اوروبا واللي

يقول الغرب .. عسى ماشر كل كلمه قلتوا الغرب والغرب ...

شوفوا تجمعاتهم اللي تصير بشكل يومي وحفلاتهم اللي تصير وخرابيطهم اخر الليل ..

وكله مايصير عندهم شي ..

هالشي لو هو مب صح وانا شخصيا ماايده بهالطريقه لكنه يصير في كل دول العالم في

كل مناسباتهم..

لاتقطون اللوم عالغيرررررر

الشيخه الغرب يسوون ولا مايسوون في النهاية هاذولي دول علمانيه يعني الدين مايحكمهم وسكانهم أكثريتهم دينهم ضعيف أو ملحدين ... بس البلا والمصيبه والطامه الكبرى إنا هالتصرفات اتجي من شباب في دول مسلمه و ولها عادات وتقاليد ... ينفتح عندنا أكبر مسجد في الدوله ومسمينه على إمام كان يدعو إلى الصلاح والرجوع والتمسك بالدين وبعدها بيومين اتصير عندنا مسيره فيها التفسخ والإنحلال الأخلاقي ... وشو هالتناقض

ربنا لاتآخذنا بما فعل السفهاء منا
fahad123
23-12-2011, 02:14 PM
كلن يدل بدلوه ويحط اللوم على الغير

السنه الماضيه جاونا الاماراتيين واحتلفو وانا كنت وياهم في المسيره وماكان فيه اللي صار هالسنه مع اني ماكنت موجود بس من كلامكم والصور اللي شفتها

تدرون ليش لان السنه الماضيه ماكان فيه بنات ب الهمجيه والا احترام الذات والشرف يتحرشون ف الشباب

كلنا نعرف ان اصابعنا مو سوا وفينا الطيب والخيب ولكن ما صار في المسيرة هالسنه ف سببها من البنات اللي كانو موجودين والا من شيم اخلاق المسلم هو عدم التحرش بالنساء مهما كان (لكن اذا جتني وحده وتصب لي قهوه وهي منقشة ايديها ومتبخره ومتسبحها بكيلو طيب والله محد يردها ) << لحد يسوي لي فيها عنتر ويقول لا بردها ومادري شنو خفو علينا شوي


لآ تعلقون اخطائكم على شماعة غيركم كلن فيه خيره ومن دق باب الناس دقو بابه
انتر ميلان
23-12-2011, 02:26 PM
والله المشكله كلها بالبنات المفروض يمنعونهم من المسيره ولا بنت توطوط المسيره ؛للشباب وبس لو امنعوعهم حتى الشباب سنه سنتين ما عاد يروحون مسيره ينثبرون في العرضات؛ لاكن السالفه اذا فيها بنات اهني المصيبه وقلت الادب .

اختلف معاج ،،، المسيرات معروفة عند الشباب من ايام التسعينات ( مسيرة فوز المنتخب او مسيرة عرس الخ ...) وكانت أحلى ايام والمسيرة منظمة ومرتبة بس من بدوا بعض البنات المراهقات يسوقون ويرزون وجوههم عند الشباب صارت الفوضى والمصخرة

الله يهدينا ويهديهم ......
GCC
23-12-2011, 03:11 PM
ههههههه شر البلية ما يضحك

انا ضحكت من الخاطر على قصة ( لولا غلاكم ما تعنينا)



الله يهديهم ويهدينا جميعا
نتفـه
23-12-2011, 03:17 PM
وبعد ما تبون الواحد يسافر حتى لو في العيد الوطني ؟؟ السفر فيه تغيير جو للاسف ..رغم ان الواحد يحب الوطنية لكن للاسف تخترب بسبب الزحمه والمصايب اللي تصير في المسيرة وغيره !!
khaleeji
23-12-2011, 03:28 PM
سبب حضور الغالبية العظمى منهم هو (الهياسة)
Dana’1
23-12-2011, 03:43 PM
المعاكسات واافوضى تبدر أيضاً من الشباب القطري للأسف ليش أنتو حصرتتوها عال خليجي بس؟!!!!
بنت الأجوادQ
23-12-2011, 03:47 PM
هـــــــــــــــذا يوم وطني للكــــــــــل ومافيها شي يحتفلون , وبعـــــــــدين ايش تبغون نسوي حق الخليجيين نطردهم من بلادنا؟ هذا يوم في السنــــــــــــــة حتى الشرطة أسكتت ولا تدخلت لأن يدرون أن هذا أحتفال مرة في السنة؟ وعلى قولت واحد من الأخوان كلن راح بيته وأنتهى الموضوع والمغازل موجود حتى في الأسواق اللي يبي يعرف وين يروح , لا تحرمـــــــــــون الناس يفرحون ويستانسون والمسيــــــــــــرة للكل حريم ورجال وشباب وبنات وحتى الأجانب ,, كل شي تبغون تمنعونه محد له حق يمنع أي حد أنه يستانس ويفرح
almaf1a
23-12-2011, 03:55 PM
ما المقصود بتفريغ الطاقه
يدعمله اقرب طوفه علشان يفرغ حيله كله فيه
مب تفريغ في خلق الله

مع اني ماشوف في شئ اسمه تفريغ طاقه
يمكن احتاج لتغير بطاريات
Al-Kuwari
23-12-2011, 03:55 PM
هـــــــــــــــذا يوم وطني للكــــــــــل ومافيها شي يحتفلون , وبعـــــــــدين ايش تبغون نسوي حق الخليجيين نطردهم من بلادنا؟ هذا يوم في السنــــــــــــــة حتى الشرطة أسكتت ولا تدخلت لأن يدرون أن هذا أحتفال مرة في السنة؟ وعلى قولت واحد من الأخوان كلن راح بيته وأنتهى الموضوع والمغازل موجود حتى في الأسواق اللي يبي يعرف وين يروح , لا تحرمـــــــــــون الناس يفرحون ويستانسون والمسيــــــــــــرة للكل حريم ورجال وشباب وبنات وحتى الأجانب ,, كل شي تبغون تمنعونه محد له حق يمنع أي حد أنه يستانس ويفرح



^
^
^

يعني انتي تشوفين اللي صار عادي والأوضاع كانت طبيعيه ؟

دام هالكلام يطلع من بناتنا (مربي الأجيال) فلا حول ولا قوة الا بالله


يالله سترك وحسن الخاتمه
هبوب الكوس
23-12-2011, 04:03 PM
هـــــــــــــــذا يوم وطني للكــــــــــل ومافيها شي يحتفلون , وبعـــــــــدين ايش تبغون نسوي حق الخليجيين نطردهم من بلادنا؟ هذا يوم في السنــــــــــــــة حتى الشرطة أسكتت ولا تدخلت لأن يدرون أن هذا أحتفال مرة في السنة؟ وعلى قولت واحد من الأخوان كلن راح بيته وأنتهى الموضوع والمغازل موجود حتى في الأسواق اللي يبي يعرف وين يروح , لا تحرمـــــــــــون الناس يفرحون ويستانسون والمسيــــــــــــرة للكل حريم ورجال وشباب وبنات وحتى الأجانب ,, كل شي تبغون تمنعونه محد له حق يمنع أي حد أنه يستانس ويفرح

حريم ورجال وشباب وبنات :rolleyes2:

هيا بنا نلعب :fight:
مسك روز
23-12-2011, 04:07 PM
في اعضاء نكاتهم عكس كلامهم
عزووز قطر
23-12-2011, 04:10 PM
هـــــــــــــــذا يوم وطني للكــــــــــل ومافيها شي يحتفلون , وبعـــــــــدين ايش تبغون نسوي حق الخليجيين نطردهم من بلادنا؟ هذا يوم في السنــــــــــــــة حتى الشرطة أسكتت ولا تدخلت لأن يدرون أن هذا أحتفال مرة في السنة؟ وعلى قولت واحد من الأخوان كلن راح بيته وأنتهى الموضوع والمغازل موجود حتى في الأسواق اللي يبي يعرف وين يروح , لا تحرمـــــــــــون الناس يفرحون ويستانسون والمسيــــــــــــرة للكل حريم ورجال وشباب وبنات وحتى الأجانب ,, كل شي تبغون تمنعونه محد له حق يمنع أي حد أنه يستانس ويفرح

اسمه يوم وطني مهب يوم ترقيم واختلاط البنات بالشباب ،،، وبالعكس في بعض الخليجيين كانوا متواجدين في العرضات والمسيرة في الكورنيش وكانوا قمة في الأخلاق ويا هلا ومسهلا فيهم ،،، بس الاخوان اللي كانوا مسويين فوضى غير مرحب فيهم وماظن الاسواق فيها رش بالرغوة وبنات يقهوون الشباب

للأسف محد يدافع عنهم الا اللي حضر ومستانس على المسخرة اللي صارت
امـ حمد
23-12-2011, 04:20 PM
اشكر الكاتبه على هذا المقال

فعلاّ كلام صحيح
خالـــــد
23-12-2011, 04:40 PM
اولا اشكر صاحبة المقال الرائع

واستميح الجميع عذرا لعل نقاطي مكرره لاني لم اقرأ جميع الردود واظن ان جميعها يستحق القراءه

اما تعليقي المتواضع مع اني والحمد لله في ذلك اليوم قضيناه انا والاسره في الاستراحه في جو اسري عائلي مستغلين الاجازه

لكن نحن نسينا اننا نحتفل بيوم المؤسس الشيخ جاسم رحمه الله والمعروف ان هذا الرجل دون عن غيره احب الاسلام وعمل له وكان من ناشري كتب الدعوه وصاحب اوقاف كثيره للمسلمين فوق انه مؤسس هذه الدوله الفتيه

فكيف نسمح بان يكون الاحتفال بذكراه بارتكاب الموبقات والاثام هل هكذا نكافيء هذا المؤسس؟؟؟

واخيرا في اعتقادي ان هنالك من الرجال من فقدو الرجوله واصبحو ذكورا لا رجالا تكتويهم الدياثه لدرجة انه يقبل لاهله بالخروج في هذه المسيرات والتعرض للمغازل والترقيم وما خفي كان اعظم

شاكر لكم مره اخرى

وتقبلو تحياتي
شميرام
23-12-2011, 05:02 PM
لماذا جاؤوا إلينا؟
مجامله لان شبابنا راحو هناك في عيد الاتحاد العام كلهم راحو البحرين عقب قطر
كلن يمسك شبابه احسن له
الدمعه
23-12-2011, 05:08 PM
الشيخه الغرب يسوون ولا مايسوون في النهاية هاذولي دول علمانيه يعني الدين مايحكمهم وسكانهم أكثريتهم دينهم ضعيف أو ملحدين ... بس البلا والمصيبه والطامه الكبرى إنا هالتصرفات اتجي من شباب في دول مسلمه و ولها عادات وتقاليد ... ينفتح عندنا أكبر مسجد في الدوله ومسمينه على إمام كان يدعو إلى الصلاح والرجوع والتمسك بالدين وبعدها بيومين اتصير عندنا مسيره فيها التفسخ والإنحلال الأخلاقي ... وشو هالتناقض

ربنا لاتآخذنا بما فعل السفهاء منا


كلامك صحيح ولاغبار عليه ..

اللي اقصده تشبيه البعض في كل موضوع يصير في قطر للحثاله الاجانب في بلادهم ..

وهم على درايه مليون بالميه ان هالاشياء تصير ويقولك .. احنا ماشفنا ولاخبرنا في

اوروبا ولاامريكا ان صار عندهم هالشي باقي يقولون الهند والصين ..

مثل ماذكر واحد من الاخوان ان في السبعينات واضيف عليه الثمانينات كنا نحضر

المسيره وماكان فيها اي من الخرابيط هذي اللي تصير .. وكانت طبعا في العيد في

اليوم اللي يكون فيه العاب ناريه ... كانت فرحه هاديه وحلوه ومازالت في الذاكره ..

بكل احترامها ..
شميرام
23-12-2011, 05:24 PM
الصراحه الكاتبه ماعندها سالفه
المفروض ما اقول الاماراتين او الخليجين تقول فئه الشباب المستهتر من شبابنا وشباب الدول المجاوره
لان الفئه ذي موجوده من الجنسيتين القطريه والاماراتيه وغيرها لا يتعازمون *
qatara
23-12-2011, 08:55 PM
الاباء القطريين رجال لهم هيبه وشخصيه ،، وحريمهم وبناتهم يعملون لكلمتهم 1000 حساب ، ومهب كفو حد يقيدهم الا دينهم ،،


ثمن كلامك يا كتارا واحترم نفسك ..

وهالبنات اللي اطلعوا المسيره يمثلون [color="black"]الاب الديوث المهمل اللي ما التزم بمسؤولياته ولا اهتم بتربية اهله .. وهم نسبه قليله على رجال قطر الملتزمين بتربية بناتهم وعيالهم احسن تربيه ..

لا تصور الموضوع على ان الرجل انمسحت رجولته بسبب الدوله وقوانينها ومن هالكلام الفاضي .. الديوث اللي ما عنده شخصيه على مرته هذي مشكلته لا يروح يقط اللوم عى الدوله ينطم ويسكت ابرك له ولا يفضح نفسه ويسوي نفسه ( أسد ) قيدوه الثعالب ...

اولا

ليش معصبه كل هل العصبيه ؟

وش دخل احترم نفسي وانتي كذالك احترمي الفاضك
وشجاب القطريين ولا الاجانب في السالفه ؟
فانا لم اعمم ولم اخص ولم احدد قطريين او غيرهم
فانا اعني من اهمل واقوى ومسببات هاذا الاهمال الذي بدا كل يوم يزيد
وهل من كانو هناك فقط من القطريين ؟الم يكن بينهم وافدين مثلا ؟
(الديوث والعياذ بالله هو الذي يقبل العيبه بصدر رحب ويكون مسرور بها ويبرر لها)
اما المهملات اتفق معك يمثلون الاب الديوث اذا كانو بحضانته وقد يكونون ليس بحضانته
والحضانه بيد الام ومهملتها.
فما قولك في هذه الحاله ؟؟؟؟
هذا المقصود ان لم تفهمي القصد
فعيب نرمي مثل هذا الكلام و كل شي على الاباء ونتهمهم ونعمم مثل
ما عمتتي با الدياثه
وبعضهم قد لا يعلم عنهم بحجه انهم معزومين او او
^
وهذا حسب كلامكي انتي من وصفتي وليس انا

طيب اين الامهات عن بناتهن وما دورهم سوا متزوجات او مطلقات ؟

ثانيا

قلت حرفيا لما تتقيد الاسود تلعب الثعالب
وهنا اوضح لك معناها :-
ان المراهقين في حال الحضانه بيد الام والاب بعيد
عن تصرفاتهم فسيلعبون بشكل لا يخافون ان هناك اب يحاسبهم على تصرفاتهم
ولو كانت الام لها دور لما حصل ما رووه الاخوه الذين حضرو للكرنيش
اما كيف انتي فسرتيها وقلبتيها فلا اعلم
ثالثا
شخصيه الاب
طيب من كسر شخصيه هذا الاب امام مرته او اولاده ؟
من اعطاهم اكثر من حقهم ليتجراو لهذه الدرجه
فاالابن حرام عليه قولة اف لوالديه نجي نسنده ضد ابيه
ونهمش الاب و دوره كسيد لبيته وبعدين نقول وين شخصيته كا اب وزوج ؟
والعيب من الاب ليش تاركها او تاركه يسوي كل هذا ؟

ففي هذه الحاله اين القصور ؟ واين الخلل ؟


على العموم مشكوره وبيض الله وجهج على ما رميتيه علي من .......
وبكل امنه كنت معجب بردودك في بعض
مواضيع المنتدى لاكن فوجئت من ردك الان لم يكن موفق وخانك التعبير
بنت الأجوادQ
23-12-2011, 09:08 PM
صحيح أنا ما رحت المسيـــرة بس ليش تحكمون أن كل اللي في المسيــــــــــــــرة يغازلون ؟! أكيد هذوله أقليه من الشباب والبنات وما يصيـــر نحكم عليهم كلهم.. يعني حتى الخليجيين ما أعتقد كلهم جايين يغازلون .. خلوهم يستانسون ما يصير كل شي حــــــــــرام وحرام !
العـوا
23-12-2011, 09:31 PM
ارى اختنا الكاتبه تكتب بصيغة الجمع وهذا غير منصف البته نعم قد يكون ماتقوله ولكن استطلاقا أن نعمم الحدث عل الجميع
fra
23-12-2011, 10:46 PM
شكرا للكاتية
الأصيلة
24-12-2011, 12:14 AM
تعودنا المسيرات في كل مناسبة
فوز المنتخب وحصوله على الكأس
او فوز الأندية اللي نشجعها
كذلك فوز قطر باستضافة كاس العالم 2022
وشفنا المسيرات
لكن بالمستوى هذا ماصار ولا استوى
السنة الماضية ( الشرطة أحكروهم بين دوار التيلفزيون ودوار الإعلام )
وكان فيه سلبيات كثيرة ..لكن ليست بمستوى استعداد
الشباب المستهترين السنة...
الإعداد كان مرتب ومجهزين كل شيء
وعاملين حساب لكل أمر ...
مخططين للمعاكسات والترقيم بطريقة مرتبة أكثر من كل مرة
ومتعنين شباب من خارج قطر بدعوى المشاركة الوطنية...
وهم في الحقيقة مثل ما أتضح من الفعل المخالف للقول
إنهم جايين لـ أسباب أخرى لا نقبل بها أبدا...
انا السنة ماشفت المسيرة لكن اهلنا وربعنا انقلوا لي صورة
ماتوقعتها ...وأعتقد لو كنت موجودة بتشنج من القهر والحرة على بناتنا وشبابنا
اللي المفترض يكونون في قمة الرقي المناسبة لـ بلادنا الراقية...

مثل ماقلت لازم توضع ضوابط لـ هذه المسيرات
وموانع وحدود وخطوط حمراء لايتعدونها..
وياليت يتم إيقافها نهائيها..
ويحتفل الشباب في العرضات والبنات في بيوتهم ...
هام السحاب
24-12-2011, 12:19 AM
الظاهر نأذن بخرابة
المسؤولين مب فاضيين لنا
الظاهر عاجبهم الوضع
اصلن لو في ( رجال ) كان وقفوا هالمصخرة
خلاص في هاليوم صكر الكرنيش والدخول للعائلات
من امن العقوبة اساء الادب ياحكومة
بوخالد353
24-12-2011, 04:34 AM
يا اخوان هدو شوي

الي توه بدا بقطر بدا بالكويت من 20 سنه !! المسيرات بدت بالكويت من اخر السبيعينات ..وكانت بالاعياد الوطنيه عروض عسكريه والعاب ناريه وكرنفالات ,,ودخل فيها بالثمانينات مسيرة السيارات وكانت مسيرات محترمه عواءل وشباب يعبرون عن الفرحه بس باخلاق وادب,,وبنص الثمانينات الي سنة 90 بدت قلت الادب بالمسيرات ب رش الرغوه على الناس ومشاجرات الشباب بسبب المعاكسات والاحتكاك بين الشباب,,وبعد تحرير الكويت يعني قبل 20 سنه صارت قلت الادب على المستوا الخليجي!! بدت الشباب من جميع دول الخليج يجون للكويت بشهر فبراير عشان المسخره الي تصير ..ولولا غلاكم ماتعنينا:omg:طبعا بعض العواءل بعفويه وحسن نيه تروح تبي تشارك وتستانس وفي بنات غير محترمات غير كويتيات يجيدون اللهجه الكويتيه وقله من بنات الكويت غير المتربيات ..يعني كوكتيل من الي يحبه الشباب وقدر العنوه للكويت عشان هالشي ,, وعلى مدا 25 سنه حاولت وزارة الداخليه بالكويت تمنع المسيرات او تمنع رش الرغوه والمعاكسات .. ولاكن بدون فايده لان الناس اتوافد بالالاف بهل ايام وكلما حاولو يحولونهم عن طريق الكرنيش لانهم يعطلون السير فيه يردون مره ثانيه .. الزبده ياشباب عطو نفسكم العافيه وهدو اعصابكم ا1ا تبون تنكرون من باب انكار المنكر مافي مشكله بس اذا تتصورون ان الحكومه قادره انها تسوي شي فلا تتعبون نفسكم وهي كم سنه وبتتعودون وتصير الامور (يمقن زينه ويمقن لا):nice:
سان سيمون
24-12-2011, 10:19 AM
يا جماعة الخير كا فكرة مسيرة ما اعتقد فيها شيء سيء السيئ السلوك الي انهما به يعني الي اعرفه ان المسيرة من الظهر لغاية اخر العصر ما كان فيها سوء بس لو الي في السيارة كان فيه الام ولا الاب عمر البنت ما راح أتكون خفيفة او مطمع بطلع اعيال وبستانس لكن حس الام لازم يكون موجود متى ما حسيت ان الامر راح تخرج من السيطرة لا والله برجع لبيتي والم بناتي لان هالسن ممكن يحدث فيه اي شيء ويضحك معهم وبناقشهم بكل الي شفته ولو لاحظت انهم اكتسبوا سلوك او نظرة سيئة ما راح أكررها لانه لما يرجون المدرسة وربعهم سوينا ورحنا وانا كله ممنوع بيجي يوم بيسونه من وراي

فالي رائح يستمتع فيه وصح النهار موب بعد المغرب وهالوقت الي سمعت انا المسخرة بدت فيه
بوحارب
24-12-2011, 12:23 PM
شكرا لمريم ال سعد على هالمقال الطيب واظهار الحقيقة عشان الكل يعرف

معروف وش هدف الشباب المغااااااااااااازل وبس من هالسميرات اللي تسيئ لسمعة الوطن والمواطن


ياريت يتم منع المسيرات ونفتك من غثاها

قال ايش لولا غلاكم ماتعنينا لكم

يا شيخ استريح عند امك وخواتك ابركلك :)
halcrow
24-12-2011, 12:23 PM
بالعكس المسيره طبيعيه لكن الحركات الارتجاليه موجوده في كل المسيرات وفي كل دول العالم. وسبب تحرش الشباب. في البنات هو قبول الطرف الاخر وارسال الاشارات التوضيحيه لقيامهم بالرش او غيره وهذا ما شاهدته فلاحد ينكر ان البنات كان الكثير منهم داخل المسيره ومقصدهم الضحك مع الشباب. فانا انصح الاسر التي لاترقب في هالامور عدم دخول الكرنيش. لكن صدقوني البنات يبوووووووون
AL-MAYSTRO
24-12-2011, 01:05 PM
لماذا جاء شباب الخليج إلينا في اليوم الوطني ؟؟؟

هنا مرباط الفرس :)

وحقيقه انصدمت بالاحتفال

احساس انه في يوم مفتوح وليس بكرنفال لااحتفال لعيد وطني

الله يرحمنا برحمته
الأصيل
24-12-2011, 01:12 PM
المجتمع القطري محافظ بطبعه والدليل الردود التي تستنكر ما حدث في المسيره من البعض
الاسرة لها دور في الحد من هالتجاوزات على الرغم من الانفتاح اللي اجتاح البلد وهو ضريبة العولمه
صور واشكال واساليب التحرر في كل مكان واصدقاء السوء لهم دور في انحراف الشباب ناهيك عن وسائل الاعلام والاتصال بكل انواعها...... دور الاسرة والتمسك بالدين سبيل في تقليل مثل هذه الامور لكن كما يقال" الماء غلب على الطحين" وفهمكم يكفي
AL-MAYSTRO
24-12-2011, 01:18 PM
دور الاسرة والتمسك بالدين سبيل في تقليل مثل هذه الامور

كلام سليم :)
قطري2012
24-12-2011, 01:24 PM
لازم الدوله تضع حد لهذا العبث والاستهتار:
وايضا اولياء الامور يضعون حد لتصرفات ابنائهم وبناتهم
الصبيانيه الغير مسؤوله
ربنا لا تؤاخذنا بما فعل السفهاء منا :omen2:
هبوب الكوس
24-12-2011, 11:47 PM
عيد الوطني للهند في تاريخ 16 يناير

شباب وبنات معزومين اللي يضبط سيارته واللي تجيب دلتها معاها :secret:

لولا غلا جباتيكم ماتعنينا لكم :(
بوسلمان 2010
25-12-2011, 09:31 AM
الصراحة الي سمعناه عن الي صار في اليوم الوطني تعدى حدود الاحترام لانه كان فيه انواع واشكال المصخره


والله يهدي الجميع ان شاء الله لاتم يتيوب ولا بلاك بيري ولا اي فون الا وطلع الفضايح والله انه المسيرة اتكنسل


ولايكون في اي مسيرة مثل هذي الاشياء الي تعدت الحدود والله يصلحهم ويهديهم ان شاء الله
The End Qtr
25-12-2011, 09:55 AM
جااو عندنا علشان هالمقوله

عنز الفريج ما تحب الا التيس الغريب
سطح القمر
25-12-2011, 10:53 AM
كل من راح المسيرة كان يبي الفوضى و اللعبه و المسخرة

وعاش اليوم الوطني

وكل سنة ونحنى في فوضى ومسخرة
قطريه ماركه
25-12-2011, 11:10 AM
مقال مميز .. من كاتبة مميزة و متألقة ...