ما حقيقة تسديد قروض القطريين ؟؟

[رايق البال x]

جانا برود كاست مفاده انه سوف يتم تسديد قروض القطريين
ما صحة هذا الخبر من عدمه ؟؟؟

[basma222]

سمعت ان في اليوم الوطني بيتم تسدد قروض المتقاعدين

بس ما اصدق لين اسمع الخبر رسمي

[وتبقى الدنيا حلوه]

حتى انا سمعت ان في اليوم الوطني بيتم تسدد قروض المتقاعدين

و امس قالوا بيسددون 75% من الديون

و بكره بيقولون كل مواطن بيعطونه مليون

كل واحد يكتب الشي اللي يتمناه و ليس كل ما يتمناه المرء يدركه

[بو الجوري]

يا ريت أي شي تسمعونـه ، لاتصدقونـه :)

خلاص ليش تعورون راسكـم ،

إن جات جات و إن ماجات هذا إحنا عايشين و توهـم زايدينـّا الحمدلله :)

فـ نصيحـه ، طنشـوا ،، و إن كان الخبـر صحيح بيكون مفاجاه و فرحتها أحلى :)

[وتبقى الدنيا حلوه]

بس تدري حتى لو الخبر صحيح بيسددون حق اللي ماخذين قروض من زمان وللحين ماخلصت وباقي عليهم مبالغ كبيره

يعني مب معقوله واحد ماخذ من اسبوع قرض بيسددون عنه

والمشكله و القهرررررررررررررررررر

ان بيسددون القروض اليوم و ثاني يوم بيكون هجوم على البنوك الناس تبي تاخذ سلف جديده

وينعاد السيناريو

[نسيم الغربي]

جانا برود كاست مفاده انه سوف يتم تسديد قروض القطريين
ما صحة هذا الخبر من عدمه ؟؟؟

يسنا فلوووس ياحسين بسسسسس :secret:

[محمد]

احلى شعب في الدنيا ..

يمشون في حلقة متواتره ..

زيادة رواتب = زيادة في المصاريف = زيادة في القروض = ولادة حديث جديد للساعة وهو تسديد القروض بعد ما كانت زيادة الرواتب مسيطره على كل المجالس :nice:


ياحبي لكم ياهل قطر

[رايق البال x]

موضوع تسديد القروض بكل امانة لازم يصير لان المواطن القطري ما تسددت ديونه ابدا في عهد الاكير حمد
فالناس تنظر لها من هالناحية
خاصة ان دولة الامارات كانت السباقة في هذا الامر واحنا نطمع بمكرمة الامير للشعب القطري القلة القليلة بين الاغلبية ....

[حمد بن خالد]

كـــــــــــــــــــلام

:)

[R 7 A L]

والله ياليت
الله يوفق اخوانا المديونين





خسارة راحت علي ماعلي من الديون الا 50 الف حتى سلفية جديدة مانقدر ناخذ :rolleyes2:

[رجل الجزيرة]

إشاعة يا جماعة الخير إلا إذا فيه مصدر رسمي فرجاء وضعه هنا.

[غير عنهم]

اذ بيتم تسديد الديون اتمنى تسديد قروض المساكن حتى يستفيد منه اغلب الاسر القطريه ويكون لهم منزل ملك

[bo_hamad]

تمنوا الخير وأدعوا دائماً في صلاتكم ومن الله التوفيق أن شاء الله

[كبير المتداولين]

يعني ماكفتكم زياده الرواتب نرد من جديد للديون مابغينا نستريح هالفتره من موضوع الديون

[سطح القمر]

الطمع يذهب ما جمع

[المتحدث الرسمي]

.....


رجعنا على الطير يلي :rolleyes2:

الحمدلله على كل حال

.....

[بـومحمد]

لاعوزتونا مع البي بي كل واحد كتب له شي وطرشه ونت ماتصدقون يوصلكم وتقمو طرشونه يعني تكذبون وتصدقون انفسكم
الخبر الاكيد عند اي زياده او دفع او تسديد عند المسوولين الكبار في الماليه فاتكدوا من اي خبر قبل النشر لا يصير المنتدى نفس البي بي