من جرب الاستثمار في الودائع لدى البنوك يضع تجربته للاستفادة

[رامي الاسعد]

صراحة اتصلت بالبنك الدولي الاسلامي فكانت الاجابة التالية :
تستطيع استثمار 10 آلاف ريال أقل مبلغ .
الأرباح السابقة 1.5 بالمئة في الشهر ,, وممكن تزيد او تنقص في المستقبل .
من لديه تجربة فعلية فليضعها هنا لنستفيد منها

[وتبقى الدنيا حلوه]

الودائع سعرها نازل هاليومين

[pink pearl]

لازم نقدم طلب ؟ وما هي الشروط ؟
كم الأرباح ؟
ياريت حد يفيدنا ؟

[ولد العديد]

حطيت 20000 في الدولي عطوني 50 ريال!!!!!!!!! ثلاث شهور

[ولد العديد]

الودائع صارت بالتلفون ما يحتاج تروح البنك وطلب انا عندي في الدولي والمصرف الاثنين مكلمهم بالتلفون

[مستر قطر]

هلا اخوي كانت لي تجربه من اربع سنين تقريبا
حطيت الفلوس وديعه في بنك إسلامي والمبلغ أضعاف أضعاف الي انت كاتبه وقالو لي كل ٦ شهور بتجيك الأرباح فا نطرت ونطرت ومرت ال ٦ شهور ومر الشهر السابع ومانزل شي فاتصالت عليهم وين الأرباح قال انزالت لك الشهر الي طاف من صجك قال لي والله قالت كم المبلغ الي نزل قال لي ؟؟؟؟؟ اتصدمت ورحت اليوم الثاني طلعت الفلوس

[مرتبش]

اعتقد تقصد 1.5% سنويا
لو شهريا جان زين

[ENG_88]

الحين اكثر بنك اسلامي له ارباح " بروة " ..
توصل النسبة لـ ٣% .. بس تخيل .....
مبلغ ٢٠٠ الف بيطلع لك ٥٥٠٠ ريال تقريبا ..

عشان لحد يتحمس .. سنويا !!


الحين الودايع كلام فاضي .. حركها بربح خفيف من الاسهم ابرك بمليون مرة ..

[روح الاطلس]

الودائع صارت بالتلفون ما يحتاج تروح البنك وطلب انا عندي في الدولي والمصرف الاثنين مكلمهم بالتلفون

كيف؟؟ بدون ماتوقع عقد مضاربه؟!!

[ANONYMOUS]

انا مع الاخ اللي يقول ان الودائع صارت كلام فاضي

يادوب تدفع زكاتها او حتى اقل


ف انسا شي اسمه استثمار في الودائع



وحطوا ابالكم الابتعاد عن البنوك الربويه

[hasss1969]

نصيحة ابعدوا عن الدولي الاسلامي...عليكم ببنك بروة...

[طواش]

خلك من الودائع وشوف لك إخوان وأصدقاء وأهل قلبهم على قلبك وجمعوا فلوسكم حتى لو كنتوا عشرين واشتروا بها عقار حتى لو بيت صغير يتأجر وتاخذون أجار شهري بيطلع لك على الأقل 6% سنويا .

ولا تتخوفون من التسجيل فالسجل العقاري بيسجل الملكية بأسمائكم كلكم وحقوقكم محفوظة .

العقار يهرم لكنه لا يموت

[الكلدي]

اخوي اذا بتسمع الكلام وعن تجربه
خل فلوسك في جيبك
بلا وديعه بلا خرط
خليت عندهم خمس ودائع بمبالغ مختلفه
بعد سنه جيت ابي اسحب لفلوس تصدق خصموا فائده الوديعه السنويه

يعني استثمروا فلوسي لمده سنه وبعدين ردوها لي بدون فائده

فانصحك خل فلوسك عندك ابرك

[اناااا]

جربت الدولي الاسلامي اودعت 100000 والارباح لاتذكر كل 3 شهور 390 ريال تقريبا وعقب كسرت الوديعه قبل لاتكمل سنه يمكن بعد تسع شهور فاخصموا ارباحهم من راس المال
اتعس بنك عن جداره

[Riku3]

عاد مالقيت الا الدولي الاسلامي ..

بنك تعيس بغيت من عندهم قرض من فترة كانت نسبتهم من اعلى النسب بين البنوك الاسلاميه الاخرى مع ان راتبي متحول عندهم من 10 سنوات تقريباً .

بالنسبة للوديعه .. قبل ثلاث سنين كان ممكن توصل 5% او اكثر شوي لو المبلغ زين بس مع هذا ماتسوى عليك ونظام البنوك تعيس وبتطلع خسران ! ..

عليك بالعقار مثل ماقال احد الاخوة وارباحك بتكون بين 5 الى 10 % سنوياً وممكن اكثر اذا صدتلك شي طيب ..

او الاسهم لان فيها مردود طيب ايضاً لو تدرس السهم الي ناوي عليه صح وهالفترة في اسهم لها اهداف طيبه للسنة القادمة وقد تصل ارباحك لفوق 25% .

[الخزرجي قطر]

نسبة العائد على الودائع في البنوك شي لايذكر ووجع راس اكثر من اللازم
انصح شرا اسهم في شركات او مصارف وبنوك اسلاميه احسن وانفع خاصة
احنا على مشارف نهاية العام المالي وراح ترتفع اسعار الاسهم ان شاالله

[قطري2012]

كان لي موضوع مشابه بس المشرفين
نقلوه الى مكان اخر الظاهر حسب المزاج :anger1::anger1::anger1::anger1::anger1::anger1::a nger1::anger1::anger1::anger1: