بعض شباب الدوحة ((حالة نفسية ))

[خــالــد]

صباحكم خير

انا ملاحظ انة في شباب ويمكن يكونوا اغلبية حالة نفسية تحصلة على موضيع تافهة يزبد ويبي يتهوش ويليتة لما يزبد يتهوش لا بس يتم يصرخ ويغلط عليك وعلى طويفك و امك و ابوك ومافي كلمة ما يقولها ياخي احفظ لسانك و مثل ما ترضاء حد يغلط على اهلك لا تغلط على الناس :rolleyes2:

لا والمشكلة فزة يزبد عليك تشوف بس يزعق لين حد يمسكة يبي يودية يقلعة تحصلة خلاص بيضرب زين هو قدامك صار لة ساعة كان مديت يدك يابوحالة نفسية !!!!

مثل موقف امس مر علي والله اني تفشلت فية هذا القطري بعضهم صج يفشل

شخص من جنسية عربية جالس بمطعم وهذاك جاي هو والمدام مالتة وجالسين جدام الريال يعني انت راز مرت جدام الناس وتاكلون وهو كنة مولعين فية كبريت ما يخلي حد بالمطعم هذا القطري ما يخزة والعربي كان جالس في حالة وينتظر اكلة مرة وحدة شفت هذا القطري قام ويسب العربي وانتوا وانتوا ومادري شنو ما خلة سبة حتى بلدة سبها و اهلة والعربي والله محترم ساكت ويقول لة احترم نفسك وحسن الفاظك ولو بدك شي مني هذا اسمي وروح اشتك علي بالشرطة لكن لا تغلط علي والله انة العربي صج كان محترم وهذا بو الزباد تم يبعبع مثل التيس صج نوعية ناس خاطرك تكت عليهم تيزاب وتحرقهم سبب التزبيدة شنو انة القطري ليش طالع مع انة الاجنبي ما طالع لنة كانت انا اشوف يمكن بس وقعت عينة جية لمحة وهذاك ينتظرها من الله التزبيدة والله حتى زوجتة شكلها تفشلت من اسلوبة جدامنا حسيتها طالع زوجها وتهز راسة وتقول خلاص اجلس وهو مزبد وطحت براطمة الغبي

ونصيحة لكل وحدة: لما تفكر تتزوج تسوي اختبار تزبيد لشخص المتقدم لها يمكن يطلع من هالنوعية المشكلة بتبلي فية لو ما اكتشفت هالشي الا بعد الزواج

يعني في نوعيات والله المفروض نفتح لهم مصحة التزبيد نخليهم كل يوم الصباح ساعتين يمرون عليها يزبدون فيها ويطلعون للمجتمع :nice:

[intesar]

اذا الغيرة ذابحته يقعد في بيتهم أبرك للجميع.. لو أنا من هالعربي جبت له الشرطة ووهقته..

[خــالــد]

اذا الغيرة ذابحته يقعد في بيتهم أبرك للجميع.. لو أنا من هالعربي جبت له الشرطة ووهقته..

اي غيرة والله مبين علية ما يعرف شي بحياتة غير التزبيد ... والله انا بعد تمنيت العربي مرمطة وجاب لة الشرطة لنة سب العربي سب استحي اكتبة المشكلة هالنوعيات حتى اهلهم متوهقين فيهم لما توصل لمحكمة تحصلة مسحب جماعتة كلهم يترجون العربي يتنازل.

[دلة الرسلان]

مستانس على كلمة الزباد والتزبد :)

خالد ايش دورك يوم تشوف الرجال يخطى ويلقي على الثاني ؟ كلمته او هديته ؟

[خــالــد]

مستانس على كلمة الزباد والتزبد :)

خالد ايش دورك يوم تشوف الرجال يخطى ويلقي على الثاني ؟ كلمته او هديته ؟
اي هو لنة كان يوم يتكلم يطلع تفال من حلجة خيسنا وخيس المكان


ياخي مسكتة بو الزباد وقلت لة ياخوي عيب احشم اهلك معك والله كسرت خاطري زوجتة حسيتها متوهقة فية طالعة وتهز راسها وتقول لة خلاص فلان اجلس فضحتنا

[سان سيمون]

ههههههه شكله معرس جديد ويستعرض عضلاته قدام المدام بس لو انا منها اشل شلايلي وأروح بيت هلي لين يخف التزبد الي عنده علشان بكرة كل ما شاف جنسية عربية يضرب لها تعظيم سلام

[Locale]

واعليه
شكله ماله خاطر يطلعها
وهالسوايا علشان تندم وماتطلب تطلع وياه هههههههه

[المحقق كونان]

ما طالع لنة كانت انا اشوف يمكن بس وقعت عينة جية لمحة:nice:

:rolleyes2:

بخصوص هذا الي يصارخ ... يمكن توه ماخذ الجواز :)

[تاج المراجل]

ودك ان العـربي قام وسحب بكرامته بالارض قدام الـكل وبعدين يطلب لـه الشرطه ، ، ،

عشـان يعرف ان الله حــق ومايغلط على الناس وعشان يكره شـي اسمه تزبيـد مره ثانيه ، ، ، :nice:


ســــــــــــلأام ، ، ،

[بوحارب]

هههههههههههههههههه سجل عندك واحد نفسيية مزبده ههاهاهاهاهاها

ياخي اذا ماتبي حد يطالع مرتك كل معاها في البيت لاتوديها بين العالم وتسويلنا سوالف

الله يعينا على هالأشكال

يسلموا بووليد على الطرح

[elders]

واعليه
شكله ماله خاطر يطلعها
وهالسوايا علشان تندم وماتطلب تطلع وياه هههههههه

هههههههههه هذا رأيي كمان ..كأنو بقولها : ما اقدر الا اغير عليكي ازا حد لمحك فيا ويلك ازا قلتي يللا نطلع




:rolleyes2:

بخصوص هذا الي يصارخ ... يمكن توه ماخذ الجواز :)

عاد المفروض يكون بالو هادي على الاقل اولها :tooth:

[خالـــــد]

هلا يا السمي

ترا الغيره امر طيب وانك تحافظ على شوفاتك امر مطلوب

لكن تقط نفسك بين الناس وتلومهم ؟؟؟

يعني اذا رضيت على نفسك تقعد قدام الرجال لا تزعل من اللي يجيك

اللي يغار وما يرضى على هله لا يحط نفسه في هالموقف اصلا ويخلي نفسه سبوس لخلق الله

ترا السالفه سمعناها من طرف واحد احتمال ان في شي ما شفته اخوي

وبعدين في مطاعم كثيره فيها غرف خاصه وفروع للعوايل وكثير منها فيها تيك اويه

تحياتي

[روح الاطلس]

يا كرهي للي يسحبون حريمهم بمطاعم مكشوفه ويرتز يبلع هو وياها قدام العالم ،، ماتبي حد يطالع منظركم المقزز اطلب تيك اواي وروح انستر مع مرتك بالبيت واكل لين تشبع مب مستحل المكان كأنه ملك ابوه ومابي حد يطالع مرتي !!! منطق همجي

[خــالــد]

ودك ان العـربي قام وسحب بكرامته بالارض قدام الـكل وبعدين يطلب لـه الشرطه ، ، ،

عشـان يعرف ان الله حــق ومايغلط على الناس وعشان يكره شـي اسمه تزبيـد مره ثانيه ، ، ، :nice:


ســــــــــــلأام ، ، ،

بصراحة انا تمنيت انة سحب فية الارض لنة مبين علية الاجنبي محترم ولا يحب المشاكل وهذا تلقف علية وسبة سب والله اني انا مالي خص بس انقهرت من سبة ما خلة كلمة مو زينة ما قالها

وصدقني ويهة هذا مبين علية معوق ومكرش والعربي مجسم وطويل يعني لو امسكة كان لعب فية كورة سلة

[خــالــد]

:rolleyes2:

بخصوص هذا الي يصارخ ... يمكن توه ماخذ الجواز :)

يمقن اي يمقن لا

[خــالــد]

هلا يا السمي

ترا الغيره امر طيب وانك تحافظ على شوفاتك امر مطلوب

لكن تقط نفسك بين الناس وتلومهم ؟؟؟

يعني اذا رضيت على نفسك تقعد قدام الرجال لا تزعل من اللي يجيك

اللي يغار وما يرضى على هله لا يحط نفسه في هالموقف اصلا ويخلي نفسه سبوس لخلق الله

ترا السالفه سمعناها من طرف واحد احتمال ان في شي ما شفته اخوي

وبعدين في مطاعم كثيره فيها غرف خاصه وفروع للعوايل وكثير منها فيها تيك اويه

تحياتي

هلا فيك السمي منور

الشيخ انا شاهد عيان وحتى لو ما توصل تسب طوايف الشخص الي جدامك او تتلفض علية بكلام شوارع وصدقني هالنوعيات وايد مروا علي تزبيدة على امور تافهة ولما تكبر السالفة توصل للمحاكم تحصلة مجمع فريجهم كلة يترجون الشخص يتنازل

[الدمعه]

الحمدلله والشكر ..

انسان تافه وسفيه .. وضعيف شخصيه ..

يعطيك العافيه لاتسبه وايد عن لاتاخذ سيئاته ..

[خــالــد]

الحمدلله والشكر ..

انسان تافه وسفيه .. وضعيف شخصيه ..

يعطيك العافيه لاتسبه وايد عن لاتاخذ سيئاته ..


:nice:

[هداف]

عادي امر طبيعي الواحد في حالة الغضب يتصرف تصرفات خارجه عن الاراده شالغريب
والجديد في الموضوع !! علشانه غلط على الاجنبي مثلا !
يروح يشتكي عليه الاجنبي اذا يشوف انه له حق !

العنوان ( شباب الدوحه ) يعني مقتصر على شباب الدوحه ولا كل مناطق قطر ؟

تحياتي

[خــالــد]

عادي امر طبيعي الواحد في حالة الغضب يتصرف تصرفات خارجه عن الاراده شالغريب
والجديد في الموضوع !! علشانه غلط على الاجنبي مثلا !
يروح يشتكي عليه الاجنبي اذا يشوف انه له حق !

العنوان ( شباب الدوحه ) يعني مقتصر على شباب الدوحه ولا كل مناطق قطر ؟

تحياتي

حياك الله يالحبيب تراك تناقض نفسك

[Anas_G]

من كم يوم كنا واقفين على اشارة وكان زحمة وكان في واحد شكله عربي كان عاطي اشاره ومسك الخط اليمين وجات وحدة من وره معاها موتر خشن ورقم مميز والاشاراه واقفه يعني لو هو ما دخل كانت بالحالتين راح توقف يعني اللهم بس مترين زاد عليهم المهم تمت تهرت تهرت تهرت وتديم والناس واقفة والاشاره حمره وتمت كابسه عالهرن حتى كل الي في الشارع انزعجو من الهرن المهم والرجال مسكين واقف وساكت وفجأه فتحت الباب ياجلبببب يالحيوااان لو انك في بلادك تسوي جيي حرك يلا حرك قداام هو بس رد قال الاشاره حمره وين اروح وهيه فاتح الباب ومطلعه راسه وتسب والله عيب مره واقفة بين الناس وفالزحمة وتسب والله عيب يعني الرجال ما غلط وبعدين هي كانت بعيدة لما هو دخل ولو دخل ياخي هرن وخلاص ليش تسب وتطلع راسها ومسكين حسيت انه ما يبي يرد لانها حرمه

[خــالــد]

من كم يوم كنا واقفين على اشارة وكان زحمة وكان في واحد شكله عربي كان عاطي اشاره ومسك الخط اليمين وجات وحدة من وره معاها موتر خشن ورقم مميز والاشاراه واقفه يعني لو هو ما دخل كانت بالحالتين راح توقف يعني اللهم بس مترين زاد عليهم المهم تمت تهرت تهرت تهرت وتديم والناس واقفة والاشاره حمره وتمت كابسه عالهرن حتى كل الي في الشارع انزعجو من الهرن المهم والرجال مسكين واقف وساكت وفجأه فتحت الباب ياجلبببب يالحيوااان لو انك في بلادك تسوي جيي حرك يلا حرك قداام هو بس رد قال الاشاره حمره وين اروح وهيه فاتح الباب ومطلعه راسه وتسب والله عيب مره واقفة بين الناس وفالزحمة وتسب والله عيب يعني الرجال ما غلط وبعدين هي كانت بعيدة لما هو دخل ولو دخل ياخي هرن وخلاص ليش تسب وتطلع راسها ومسكين حسيت انه ما يبي يرد لانها حرمه

صج نفسيات المشكلة لا يغرك بعضهم مواتر فخمة لكن عقول عصافير و امراض نفسية تحصلهم يالله شتسوي مع هالنوعيات الي والله قمة التخلف ولا نتشرف فيهم

[خالـــــد]

ارجو ان الموضوع لا يتعدى الموقف اللي ذكره صاحب الموضوع

ولا يصبح فرصه لاثبات ان القطريين عنصريين

تحياتي

[هداف]

حياك الله يالحبيب تراك تناقض نفسك



يالحبيب قصدك كلامي صعب انك تفهمه !! مع انه واضح

واحد معصب تبيه ينكت مثلا ولا يتهاوش وهو مبتسم فهمت اللحين !
والاجنبي اللي كاسر خاطرك يروح يشتكي اذا له حق فهمت ياشباب الدوحه :)

[Mishari]

عيل ما تذكر سالفه خط بقيق سنه 2007 ايام التحويلات ولا رقم ثلاثي مميز خليجي بعد على الموتر لقينا الرجال برووحه حزت الفجر وست ورعاان حاشرينه بعجر الله سلمه والسنه توه صاحى من الغيبوبه وعيال الحرام انحكمو شروع في القتل 15 سنه الله يشاافيه ويحفظه لوالديه

[Anas_G]

ارجو ان الموضوع لا يتعدى الموقف اللي ذكره صاحب الموضوع

ولا يصبح فرصه لاثبات ان القطريين عنصريين

تحياتي

لا اخوي مش هاي القصد بس لازم بعد ننبه على هالموضوع الي هو استضعاف الاخر بحجة انه مسكين واهانته والتكبر عليه وانا ما قصدت جنسية معينة احنا نتكلم بصفة عامة حتى لو كان العكس نتمنى من الجميع العقلانية وعدم تكبير وتضخيم الامور وان الي عنده حق ما ياخذه بيده في قانون وفي امن العاصمة يروح يشتي مب يقدر يهين في العالم

[خــالــد]

يالحبيب قصدك كلامي صعب انك تفهمه !! مع انه واضح

واحد معصب تبيه ينكت مثلا ولا يتهاوش وهو مبتسم فهمت اللحين !
والاجنبي اللي كاسر خاطرك يروح يشتكي اذا له حق فهمت ياشباب الدوحه :)

لا اخوي كلامك واضح وبعدين انت تقول واحد معصب حتى لو معصب هذا مربط الفرس الي انا اتكلم عنة لو انت فهمت الموضوع مالك حق حتى لو معصب تسب وتغلط على الشخص الي جدامك بكلام شوارع وكلن وتربيتة لكن احترام الناس واجب فهمت اما الاجنبي تراء الاجنبي بعد لة رب مثلك وبعضهم يسوى الف رجال ومحترم ويجيك واحد جاهل يغلط علية علشان موضوع تافة

[ريتويت]

وين البرستيج واللباقه في الحديث ياناس؟؟؟؟

:thumbdown:

[خــالــد]

ارجو ان الموضوع لا يتعدى الموقف اللي ذكره صاحب الموضوع

ولا يصبح فرصه لاثبات ان القطريين عنصريين

تحياتي

شدخل اخوي الكلام الي تقولة !!!!
الموضوع عن التزبيد طال عمرك

[Mishari]

الأصل حفظ اللسان



وبادئ ذي بدء فإن الله سبحانه وتعالى قد أمرنا بحفظ اللسان، ورسول الله صلى الله عليه وسلم قد حذرنا من إطلاق اللسان حتى قال عليه الصلاة والسلام: (إن الرجل ليتكلم بالكلمة لا يرى بها بأساً يهوي بها سبعين خريفاً في النار)، وقال صلى الله عليه وسلم: (إن الرجل ليتكلم بالكلمة من رضوان الله تعالى ما يظن أن تبلغ ما بلغت، فيكتب الله له بها رضوانه إلى يوم القيامة، وإن الرجل ليتكلم بالكلمة من سخط الله تعالى ما يظن أن تبلغ ما بلغت، فيكتب الله عليه بها سخطه إلى يوم القيامة) وقال -أيضاً- في الحديث الصحيح صلى الله عليه وسلم: (إن العبد ليتكلم بالكلمة ما يتبين فيها يزل بها في النار أبعد ما بين المشرق والمغرب) أي: يطلق الكلام على عواهنه، دون تبصر ولا انتباه، ولا تقويم للكلمة، ولا بحث ولا نظر، فقد يتكلم بالكلمة لا يتبين فيها، وقد يكون فيها اعتداء على ألوهية الله وربوبيته، أو اعتراض على قضائه وقدره ونحو ذلك، يزل بها في النار أبعد ما بين المشرق والمغرب؛ ولذلك لما نصح النبي صلى الله عليه وسلم معاذاً قال له: (ألا أخبرك بملاك ذلك كله؟ كف عليك هذا -وأشار إلى لسانه- قال: يا نبي الله! وإنا لمؤاخذون بما نتكلم به؟ قال: ثكلتك أمك يا معاذ! -وهذا ليس دعاءً عليه؛ لأن النبي صلى الله عليه وسلم لا يدعو على أحد من أمته بدعوة لا يستحقها إلا جعلها الله له رحمة وثواباً يوم القيامة- ثكلتك أمك يا معاذ -وهذه من العبارات الدارجة عند العرب والتي لا يقصد النبي عليه الصلاة والسلام معناها الحرفي- وهل يكب الناس في النار على وجوههم إلاَّ حصائد ألسنتهم) فبين النبي عليه الصلاة والسلام أن من أعظم أسباب دخول النار حصائد الألسنة. ولذلك جاء كلام السلف في حبس اللسان كثيراً، فمن ذلك قول ابن مسعود رضي الله عنه: [ما رأيت أحوج إلى طول سجن من اللسان] وقال الحسن: [ اعقل لسانك إلا عن حق تقيمه، أو باطل تدحضه، أو حكمة تنشرها، أو نعمة تذكرها ] ولذلك السلف -رحمهم الله- ألفوا في فضل الصمت تأليف، مثل ما فعل ابن أبي الدنيا -رحمه الله تعالى- وتكلم العلماء في مساوئ الإكثار من الكلام، والحث على التقليل منه، وأن الإنسان إذا عد كلامه ليوشكن أن يعرف ماذا يسود به من الصحائف -صحائف أعماله.

والي يبي زوود يزور الموقع إسلام ويب

[السفير العربي]

ألم يقــــــــــل شوقي في هؤلاء :

إن الشجاع هوالجبان عن الأذى
..وأرى الجريءعلى الشرورجبانا .

[king fish]

يا كرهي للي يسحبون حريمهم بمطاعم مكشوفه ويرتز يبلع هو وياها قدام العالم ،، ماتبي حد يطالع منظركم المقزز اطلب تيك اواي وروح انستر مع مرتك بالبيت واكل لين تشبع مب مستحل المكان كأنه ملك ابوه ومابي حد يطالع مرتي !!! منطق همجي


!!!!!!!!!!!!!!!!!!!!!!!!!11 وين عايشين !!!!!!!!!!!!!!!! we are in 2012 man !!!!!!!!!!!!
عيب الواحد ياكل هو ومرته في مطعم
2

[كبير المتداولين]

حسب وصفك الشخص هذا يعاني من مرض الزبده اللهم لاشماته

[وتبقى الدنيا حلوه]

الله مكثرهم هاليومين

هههههههههههههههههههههههههههههه

الشاطر اللي يفهم !

[روح الاطلس]

!!!!!!!!!!!!!!!!!!!!!!!!!11 وين عايشين !!!!!!!!!!!!!!!! We are in 2012 man !!!!!!!!!!!!
عيب الواحد ياكل هو ومرته في مطعم
2

بالنسبة لي حتى لو نوصل 2050 .. اي عيب المرأة تاكل في مطعم مكشوف وجنبها ريايل من كل صوب



هذا مبدأي وانتو كيفكم

[حليتان*]

مصطلحات حلوووه يا بووليد

الله يهدي الجميع

[بوحارب]

بالنسبة لي حتى لو نوصل 2050 .. اي عيب المرأة تاكل في مطعم مكشوف وجنبها ريايل من كل صوب



هذا مبدأي وانتو كيفكم

احلى مبدأ :)

[مستر بن]

اذا الغيرة ذابحته يقعد في بيتهم أبرك للجميع.. لو أنا من هالعربي جبت له الشرطة ووهقته..


:):).

[الهاجري 2]

ياخوي شدخل مب كل من لبس ثوب وغتره وعقال صار قطري
بعدين من قالك ان اهل قطر أغلبيتهم نفسيه ؟؟ بالعكس والله

[شبح الصمت]

اشله يدخلها مكان مختلط

دامه غيووووووووور لهدرجه

الله مكثر الاماكن الي فيها برتشنات

والا إذا الاكل عاجبها يقولها لعيونج ما طلبتي شيء :shy:

اطلب لج تيك آوي ونروح البيت اجيب لها طاولة وصكر الليتات

وحط لك فالطوفه صورة كم نجمه

وهم هم

لازم يعني اروح وزبد وقعد اراري على العالم يمين ويسار !!

الحمد لله مب انا الي قالي هالكلام ..

كان لعبة وياه لعبة القطو والفار داخل المطعم

:)