متزوج بـ السر .. نصيحتكم أعلن ام لا ؟

[Bu Rashid]

منذ حوالي عشرة سنوات قررت ان اتزوج للمرة الثانية
ولكن واجهت معارضة قوية من الاهل والسبب ان زوجتي من بنات عمي

فتزوجت بعدها بـ السر على سنة الله ورسوله ..
ورزقت بولد والحمد لله .. الان الولد كبر وما شاف جدته ولا اخوانه ولا خواته
وانا خاطري اشوفه يلعب معهم ومع عيال عمه

ايش نصيحتكم الان .. أعلن للاهل اني متزوج ؟
أم يستمر الزواج بالسر وابتعد عن المشاكل ؟

[elders]

اخرتو الموضوع رح يظهر للعلن ...بحياتك افضل وتوكل على الله واستعين فيه والله يرضيهم عنك ويسهلها معك

[مستر بن]

الله يعينك

[Bu Rashid]

اخرتو الموضوع رح يظهر للعلن ...بحياتك افضل وتوكل على الله واستعين فيه والله يرضيهم عنك ويسهلها معك



بالفعل وهذى ما حدث للبعض
شكرا على النصيحة

[Bu Rashid]

الله يعينك



ويعينك ويعيين الجميع اخوي

[الأصيلة]

استحمل ما يجيك عند إعلان الخبر
لكن كيف ترضى هذه المرأة بالبقاء سرا معك طول هذه المدة
وأهلها كيف يرضون بهذا الوضع...
لو ماكان عندك منها عيال كان ممكن البقاء سرا...
لكن وجود الولد حتما سيكون سبب ظهور هذا السر...
والله يعينك ويقويك وتتحمل النتائج...

[أحاول]

ذي اول خطوة اتهقا ان مرتك ماتدري ولا اخوانك لابد عندهم خبر عشر سنوات وقت طويل الله يعين مرتك على الحرة بس اذا ذي الفترة الطويلة انت زين معاها قريت قصة مرة عن رجال مثلك بس ما اتذكر المهم انه سألها عن انه لم يتغير معها طوال فترة زواجة بالسر وهدء روعها عطها رضوة على الاقل تحفظ قدرها وقدام الى حولها وبترضى

[QATAR-2006]

انت هب مسوي حرام عشان تخفي الامر.. قول لاهلك بس بطريقة لبقه وتوقع كل ردود الافعال وابدا مع جدته..وربي يسهل امورك

[أنا أحبكم]

توكل على الله واعلنه
وش بيصير يعني بيقطعون رزقك !؟
كلها فترة يزعلون فيها وياخذون في خاطرهم ويردون يرضون

[elders]

استحمل ما يجيك عند إعلان الخبر
لكن كيف ترضى هذه المرأة بالبقاء سرا معك طول هذه المدة
وأهلها كيف يرضون بهذا الوضع...
لو ماكان عندك منها عيال كان ممكن البقاء سرا...
لكن وجود الولد حتما سيكون سبب ظهور هذا السر...
والله يعينك ويقويك وتتحمل النتائج...

كل هذه الاسئلة ليس لها مكان بعد عشر اعوام

تحياتي
:victory:

[فواز1976]

والله ياخي وضعك صعب والله يعينك ...... وصدقني انا متخيل الي انت عايش فيه والحيره الي انت واقع فيها

اولاً ..... الموضوع عاجلاً ام آجل راح ينكشف, فوجهت نظري انك تعجل بكشف الموضوع وترتاح والولد يتعرف على اقاربه واخوانه كان له اخوان من زوجتك الاولى.

يجي ثانياً.... كيف تخبر اهلك !! اعتقد الاسلم انك تفاتح اقرب اخوانك ولا اخواتك بالموضوع عشان تكسب تاييدهم , وبعدها تعلم البقيه بحضور الي انت مفاتحهم بالموضوع عشان يدعموا موقفك

بالنسبه لزوجتك الاوليه احتمال كبير تزعل وتترك البيت .... بس انت مهما صار حاول تكون كووول ولا تخلي عليك ممسك ... ولا تغلط عليها وتطلع عيوبها عشان تبرر زواجك من ثانيه ,, هي مصيرها تهدأ وانشاء الله ترجع وتركد امورك , واهم شي انك تركز على انك ما راح تقصر معاهم وهذاك صار لك سنين متزوج وما قصرت معهم.

الله يسهل دربك ويفرج همك

[غايه الطواش]

اخوي اعلن ولاتشوف نفسك يوم القيامه تمشي جدام امه محمد عليه الصلاه والسلام مائل الكتف .....
راح تواجه مشاكل فالبدايه ولكن خذها بحزم وشده عشان ماتفرط الامور ....
بالنسبه للاهل يمكن يصير زعل فالبدايه بس فالأخير انت ولدهم وهذا حفيدهم ....
اعلن واعدل

[سان سيمون]

:eek5::eek5::omg:مسالة الزواج شيء من حقك لكن الغلط انه بالسر وحكي في الفائت نقص في العقل لكن بما ان الفاس وقع في الراس خلاص لازم تفكر بالاهم وهو انه حقوق ناس مسالة ان ولدك يتم بالسر هذه مصيبة كبيرة لا قدر الله الله أخذ امانته من لولدك هذه انساب لازم تعترف به وتعلن الامر لكن خطوتك هذه راح تفتح ابواب والله لا يقدر ممكن تخرب بيتك فمن المفترض ان تصارح ام عيالك اولا وترضيها باي شيء تبيه لان الخديعة قاتله وبعدها بلغ اهلك وعيالك واذا كان فيه شخص حكيم ويمون على مرتك خله يتدخل ويمهد للأمر

بس مابي أحبطك مسالة يلعب مع إخوانه وعيال عمامه هذه صعبه واذا كنت انسان عادل وحكيم بتقربهم من بعض ولكن الامور هذه يبيلها وقت طويل ودولة بال

بالنسبة لزوجتك الاولى / حط في بالك انك راح اتحطمها وهذا بياثر سلبا عليها وعلى نفسيتها بالاضافة للعيال فمهما يبدر منها تحملة وخل بالك طويل ولا تقعد ترزز لزوجتك السرية او ولدها يكفي انك تعلن الامر اما شوفتهم خلها لزمن *

[Bu Rashid]

جزاكم الله خير جميعاٌ

[التميمي 3]

إعلن صدقني نفسيتك ترتاح وضروري عيالك يتعرفون على أهلك وعلى أخوانه وأخواته
بس إحسب حسابك في كل شي بالبدايه وخذ الأمور بهداوه

صارت السالفه هذي مع ولد عمي بالضبط
أخرتها أعلن زواجه وبعدها زعلت أمه وزوجته فتره بعدين رضوا بالأمر الواقع
وبعدها إرتاح من الأهم والتفكير بالموضوع
والحمدلله إستقرت أموره أفضل من الأول بكثييير

[Bu Rashid]

:eek5::eek5::omg:مسالة الزواج شيء من حقك لكن الغلط انه بالسر وحكي في الفائت نقص في العقل لكن بما ان الفاس وقع في الراس خلاص لازم تفكر بالاهم وهو انه حقوق ناس مسالة ان ولدك يتم بالسر هذه مصيبة كبيرة لا قدر الله الله أخذ امانته من لولدك هذه انساب لازم تعترف به وتعلن الامر لكن خطوتك هذه راح تفتح ابواب والله لا يقدر ممكن تخرب بيتك فمن المفترض ان تصارح ام عيالك اولا وترضيها باي شيء تبيه لان الخديعة قاتله وبعدها بلغ اهلك وعيالك واذا كان فيه شخص حكيم ويمون على مرتك خله يتدخل ويمهد للأمر

بس مابي أحبطك مسالة يلعب مع إخوانه وعيال عمامه هذه صعبه واذا كنت انسان عادل وحكيم بتقربهم من بعض ولكن الامور هذه يبيلها وقت طويل ودولة بال

بالنسبة لزوجتك الاولى / حط في بالك انك راح اتحطمها وهذا بياثر سلبا عليها وعلى نفسيتها بالاضافة للعيال فمهما يبدر منها تحملة وخل بالك طويل ولا تقعد ترزز لزوجتك السرية او ولدها يكفي انك تعلن الامر اما شوفتهم خلها لزمن *


الولد مسجل رسمي ويروح المدرسة بارك الله فيك

[كبير المتداولين]

الحين لو اعلنت زواجك من البدايه كان احسن لك ولاهلك يعني لودرت الاولى تذبحك مافيها شي زواج على سنه الله ورسوله توكل واعلن زواجك ومحل ماتسري تمري

[بوحارب]

الزواج بالسر مب حرام وانا سامع فتاوى لمشايخ بهذا الخصوص

ولو انا في مكانك يابوراشد لا بعلن ولا شي وخصوصا انه اللي عندي من النوع اللي يولع بسرعة :( وعلى طول ودني بيت هلي ههههههههه

اذا الأولى من هالنوع خلك سكاتي احسن

ولاتحس بالذنب ولا شي خلك طبيعي تراك متزوج على سنة الله ورسولة مافيه شي غلط :)

يبيلنا انكرك مع بعض بوراشد ^^

[سان سيمون]

الولد مسجل رسمي ويروح المدرسة بارك الله فيك


يمكن من شدة الموضوع اخطات بالتعبير أكيد ان الولد منسوب لك بما انه زواج شرعي لكن لما اقصد انساب نتكلم عن المستقبل وان الاخوان ما يعرفون بعض بالأخص معروف عندنا تشابه الاسماء لحتا رابع او خامس جد فمن هذا المنطلق قلت انساب ( من امور زواج او غيره / الي ياما أبطأت بسبب رضاعة وما الى ذلك ) بس جد الله يعين مرتك ما بي ازيدها عليك

[غزلان]

الله يعينك اخوي الأمر في البدايه صعب

خاصه ان عمر الزواج 10 سنوات ,,

نصيحتي لو تقدر تقول لشخص من العائله له خبره في الحياه تستفسر منه وتطلب يساعدك يمكن يسهل عليك الأمر

وبالتوفيق

[أسد الجزيرة]

عليك بأمك اولاً
و جهز الرضوة

و الله يعينك

[انصار جليري]

عشر سنين وماعندك غير ولد واحد

المفروض على الاقل 5 هذا اللي بيخلي اهلك يقتنعون ان الهدف زيادة النسل على الاقل


اما واحد ذي وش لون بترقع لك التعدد


واحد يعني تبي زوجة متفرغة بدل اللي مشغولة بالعيال وهذا الموضوع بروحه بيحر الاولى ان الثانية متفرغة وماعندها شي يشغلها عنك وعن طلباتك وان القعدة معاها احسن من ام العيال


والله يعينك على اللي جايك

[غزلان]

الزواج بالسر مب حرام وانا سامع فتاوى لمشايخ بهذا الخصوص

ولو انا في مكانك يابوراشد لا بعلن ولا شي وخصوصا انه اللي عندي من النوع اللي يولع بسرعة :( وعلى طول ودني بيت هلي ههههههههه

اذا الأولى من هالنوع خلك سكاتي احسن

ولاتحس بالذنب ولا شي خلك طبيعي تراك متزوج على سنة الله ورسولة مافيه شي غلط :)

يبيلنا انكرك مع بعض بوراشد ^^



---

ما تفق معاك بوحارب محد يضمن عمره وهو عنده ولد لازم اهله يعرفون

[سان سيمون]

عليك بأمك اولاً
و جهز الرضوة

و الله يعينك

ليش تتوقع الرضوة تصلح الي انكسر شفت تعليقك وتعليق كذا عضو والله بعضهم لو يجيب مال قارون ما تسامح لانه هالامور ما ينفع معها المادة والعاطفة دائماً في هالمواقف تغلب العقل وعاد شوفوا نسوانا الحين ( تعرفين فلانه زوجها تزوج عليها بالسر والله لو انا منها ان اسوي كيت كيت و هلوما جرا ........*

[حقيقه]

ماشاءالله عليك

10 سنوات اشلون مرت عليك
اشلون قدرت اتنسق بينهم

على العموم

شوف اللي يريحك دامك قدرت تستمر 10 سنوات بالسر ف ماعتقد بيكون صعب تستمر بعد

لكن لين متى

لازم تعلن هالزواج

[الأصيلة]

أنا أقول اتبع طريقة أذكى زوج بالإمارات
ولمح لـ زوجتك وأهلك
وبعدين اعترف عقب ماتمتص غضبهم ويتعبون من الزعل...

[Dawn]

باال ما تخيلت انك بتموت خلال هالعشر سنين يا بوراشد ؟ حتى لو بنت عمك شالمشكله هذا حقك شرعا ..

انا اقترح ان تخلي مرتك الثانيه تتصل بام لعيال وتقول لها : انتي قوزك متقوز عليكي بالسر يا أم راشد ،،، واذا اسألتها هي من؟؟ خلها تقول لها : انا فاعلة خير .. وتسكر التلفون ..

تكون افتكيت من الموقف المحرج ..


صراحه الله يعينك موقف صعب صعب صعب جدا

[زايدي]

أنت قدر الموقف يا بو راشد إن كان في غالب الظن أن بالإعلان سبب لهدم بيتك فخلك على السر وإن كان في غالب ظنك عدم تأثر بيتك فتوكل على الله واعلن .. مع العلم أن الكثير من الشباب متزوجين بالسر وعال العال البعض محليا والبعض في دول خليجية وغيرهم في الدول العربية

[بوحارب]

---

ما تفق معاك بوحارب محد يضمن عمره وهو عنده ولد لازم اهله يعرفون

الولد خواله مب مخلينه اذا احتاج ولو يروح عند اعمامه ماهم برادينه والله لايجيب هاليوم والله يهنيه في عز ابوه :)

بس اذا السالفة بتكبر وبتصير مشاكل ومب راده البيت الا اذا طلقتها ومن هالكلام اللي يدل على صغر عقول بعض الحريم الواحد يستر على نفسه احسن

يعني مبدئيا الواحد يخبر اقرب الناس من هله ويسكت عشان يكون فيه حد يعرف السالفة !!






اسد الجزيرة القعدة للمعددين فقط واذا انت عندك اكثر من مرة حيياااااااااااك ههههههههه :secret:

[Bu Rashid]

جزاكم الله خير مره ثانية
صراحه نصائحكم جدا مفيده
وحقيقة وتلامس الواقع

[شميرام]

الاشهار شرط اساسي في زواج ،،،،وشلون مرتك ساكته

نقطه الثانيه حسستني انك في مسلسل تركي أتخيل نفس المسلسلات التركيه" فجاه مرتك تروح وقت جمعت هلك ومسكه ولدك وتقول ذي ولدكم وتقوم القيامه "،،مسوي أكشن في حياتك الف روايه

اخوي ما تخيلت لا سمح الله يصير فيك شي ويتم الولد مرفوض من هلك بعدين الناس بدل لترحم عليك بتحسب عليك

نصيحتي روح الاستشارات العائليه ،،،،افضل ان تعرف بالتدريج يعني مب تقولهم قنبله لان كلهم بيتخذون موقف ضدك يعني اول شي عرف الولد عل امك عقب الباقي او اخوانك عقب امك

والصراحه تستأهل اللي بيجيك شلون متزوج بسر وشلون مرتك ترضى

[سان سيمون]

أنت قدر الموقف يا بو راشد إن كان في غالب الظن أن بالإعلان سبب لهدم بيتك فخلك على السر وإن كان في غالب ظنك عدم تأثر بيتك فتوكل على الله واعلن .. مع العلم أن الكثير من الشباب متزوجين بالسر وعال العال البعض محليا والبعض في دول خليجية وغيرهم في الدول العربية

فعلا مصيبة لما اتقول الكثير من الشباب متزوجين بالسر وعال العال اي عال وأي بطيخ المفروض يكون ابو راشد عبره لكم فيه عيال بالنص في حقوق ناس مهضومة فيه بيوت تنهدم لكن ما اقول الا كل خاينه عليها من الله بينه وما يصح الا الصحيح

[أسد الجزيرة]

ليش تتوقع الرضوة تصلح الي انكسر شفت تعليقك وتعليق كذا عضو والله بعضهم لو يجيب مال قارون ما تسامح لانه هالامور ما ينفع معها المادة والعاطفة دائماً في هالمواقف تغلب العقل وعاد شوفوا نسوانا الحين ( تعرفين فلانه زوجها تزوج عليها بالسر والله لو انا منها ان اسوي كيت كيت و هلوما جرا ........*
الي يذبح المرة هو كلام الحريم و شماتتهم فيها
اثنين من جماعتي معددين اهم شهور اول ست شهور المرة الي تخاف على عيالها بترجع لريلها و ما على الريال الا الصبر ثم الصبر ثم الصبر
و هذا شرع الله يعني يروح النار عشان يرضي زوجته

[غزلان]

الولد خواله مب مخلينه اذا احتاج ولو يروح عند اعمامه ماهم برادينه والله لايجيب هاليوم والله يهنيه في عز ابوه :)

بس اذا السالفة بتكبر وبتصير مشاكل ومب راده البيت الا اذا طلقتها ومن هالكلام اللي يدل على صغر عقول بعض الحريم الواحد يستر على نفسه احسن

يعني مبدئيا الواحد يخبر اقرب الناس من هله ويسكت عشان يكون فيه حد يعرف السالفة !!





اسد الجزيرة القعدة للمعددين فقط واذا انت عندك اكثر من مرة حيياااااااااااك ههههههههه :secret:


000





وشدراك انهم مب مخلينه خواله ,, هل تضمنهم والناس بزمن العالم تتغير في اليوم 4مرات:secret:

لاء لازم يعلن للكل ولده من حقه يعرف اخوانه واهل ابوه

[القطــــــرية]

في الحقيقة موضوع محير فعلا
لازم تتحمل نتائج ردة فعل الزوجة الاولى وتحاول انك تهيئ الجو المناسب لاخبارها
والله يكون بعونك ،،،،وان شاء الله تتقبل الموضوع

[بوعلي2]

الله يعينك

بوحارب يمقن يذبحونك ويمقن يصيدونك

[النهار]

قصه حقيقيه وواقعيه حدثت في السعوديه حصل حادث مروري في احدى المناطق وتحول الموضوع الي شد وجذب ومضاربه واصابات بين الطريفين المهم جات الشرطه يالله الي المخفر اسمك واسمك في السياره الاولى 2 من الاخوان والثانيه 3 اخوه المفاجاءه اسم الاب والجد والعائله مطابق للخمسه الكل ينظر الي الاخر في ذهول قد يكون الموضوع صدفه وتشابه اسماء كل مجموعه اتصلت بولي الامر المصيبه عندما حضر الاب انصدم بالواقع الذي خبأه اكثر من عشرين سنه قال للضابط حضرة الضابط هؤلا اخوه وقال قصته اخذالاخوه يحضنون بعض يقول الرجل خبأت الموضوع بسبب ان زوجتي الاولى بنت عمي والاخرى اخذتها عن حب وهي راضيه كل الرضاء وقنوعه وانا كنت مقصر في حقها امااليوم وقد انكشف الموضوع لابد من المصارحه للزوجه الاولى ياخوى خلها تعرف الموضوع منك احسن ماتعرف الموضوع من الغير ترى القصه مش من تأليفي القصه حقيقيه والشخص اعرفه ونشرت في الجرايد بس الموضوع قديم تحياتي

[elders]

الحل هو >>>>>>>>>>>>>>>>>

تخلي ام راشد الله يحفظها تشترك بالمنتدى وافتحلك موضوع "غلطة وندمان عليها " هيك بوصلها انك ندمان قبل انك متزوج ، فبتزعل لانو لازم تزعل بس من جواها بتقول ابو عيالي ندمان وشوي بتشوف راشد واخوه بيلعبو سوا

:victory:

[اللورد]

توكل على الله واعلن
وان سكوتك 10 سنوات ماهو الاتقديرا واحتراما لزوجتك الاولى .
نعم
اخطأت انت وتماديت بصمتك وياريت لاتتمادى اكثر بالصمت .
الاعلان اللان مهمتك انت لرجوع كل شئ لصوابه .

[missperfect]

الله يعينك ويعين بنت عمك
استخير ربك وتوكل ع الله
ان شالله تصير الامور طيبه

[أسد الجزيرة]

اسد الجزيرة القعدة للمعددين فقط واذا انت عندك اكثر من مرة حيياااااااااااك ههههههههه :secret:

يمقن ايه و يمقن لا

[ضوى]

الغريب انه عشر سنوات وزوجتك ماكتشفت !!!!يقولون المرة تحس اذا بحياة زوجها واحدة غيرها اشلون عاد اذا كان متزوجها !!! الله يعيينها صج بتتحطم

[elders]

نشيط المراقب :nice:

[intesar]

اعلنها وتستاهل اللي بيجيك..

[Locale]

مابي احبطك

تووو الاسبوع اللي فات واحد معلن زواجه اللي كان بالسر

وزوجته هذا هي طايحه بالمستشفى

المصيبه اكتشفوا فيها الخبيث وراح يعالجونها في امريكا

لكن شفايدة امريكا وهيوستن وام دي اندرسون والنفسيه متحطمه ماراح تتقبل العلاج
وبصراحه اقول الله يلطف بحالها لكن الموت ارحم لها


امس سمعت بهالخبر وكانه ماي بارد انصب علي
عيل شلون حال زوجته المغلوب على امرها

[شمعة الدوحه]

الله يعينك صراحه بوراشد

انصحك بالاستخاره أولا .. والله بيسر امورك ان شاء الله وبيسهلها

[بوحارب]

000





وشدراك انهم مب مخلينه خواله ,, هل تضمنهم والناس بزمن العالم تتغير في اليوم 4مرات:secret:

لاء لازم يعلن للكل ولده من حقه يعرف اخوانه واهل ابوه
الناس فيها خير وانا ولدج :victory:


يمقن ايه و يمقن لا
ههههههههههههههههه



الله يعينك

بوحارب يمقن يذبحونك ويمقن يصيدونك

فكر انا فيه خوف :anger1:

[استغفرالله]

فكر في الولد ... اللي بيحقد عليك اذا ما علمت ولا عرفته باهله

[بوغزلان28]

توكل على الله وقولها دام انك حاس بتعدل بين زوجاتك

[nadeemy]

مابي احبطك

تووو الاسبوع اللي فات واحد معلن زواجه اللي كان بالسر

وزوجته هذا هي طايحه بالمستشفى

المصيبه اكتشفوا فيها الخبيث وراح يعالجونها في امريكا

لكن شفايدة امريكا وهيوستن وام دي اندرسون والنفسيه متحطمه ماراح تتقبل العلاج
وبصراحه اقول الله يلطف بحالها لكن الموت ارحم لها


امس سمعت بهالخبر وكانه ماي بارد انصب علي
عيل شلون حال زوجته المغلوب على امرها

كل هذا صار في اسبوع واحد؟
اعلن الزواج وانهارت الزوجه وراحت المستشفى واجريت لها الفحوصات وظهرت النتائج اصابتها بالسرطان وقرروا علاجها في امريكا واستخرجوا التاشيرات اللازمه(يومين في احسن الظروف) وتسافر وتبدا العلاج وماتستجيب له
كل هذا في اسبوع

[سان سيمون]

كل هذا صار في اسبوع واحد؟
اعلن الزواج وانهارت الزوجه وراحت المستشفى واجريت لها الفحوصات وظهرت النتائج اصابتها بالسرطان وقرروا علاجها في امريكا واستخرجوا التاشيرات اللازمه(يومين في احسن الظروف) وتسافر وتبدا العلاج وماتستجيب له
كل هذا في اسبوع

لازم نبالغ علشان توقفون من عقب ابو راشد معد حد معدد لانه بمجرد ما تفكر ترى بيوقف قلبك وتموت فلا ترمل مرتك الاولى ولا تيتم عيالك وبعد ترى فيه مرض خطير يجي بس الرجال الي ناوين يعددون ويعني ي بمجرد التفكير ولا التشجيع مصيبة ثانية او ما تقول بت........ ترحم على روحك *

[أحاول]

لازم نبالغ علشان توقفون من عقب ابو راشد معد حد معدد لانه بمجرد ما تفكر ترى بيوقف قلبك وتموت فلا ترمل مرتك الاولى ولا تيتم عيالك وبعد ترى فيه مرض خطير يجي بس الرجال الي ناوين يعددون ويعني ي بمجرد التفكير ولا التشجيع مصيبة ثانية او ما تقول بت........ ترحم على روحك *

الزواج صار يعني الموضوع منتهي بس اشلون يبلغها انه متزوج طريقة التبليغ جدا مهمه بالتدريج لين تقبل الوضع نفس الشي امه بداية يقول لاخوانه او اخت من خواته رصينة ممكن توسط بهدوء او حد قريب من الزوجه ترى طريقة تبليغ الخبر هي المهمة الله يهدي الامور

[راعي طموح]

الله يهديك يا بو راشد .. اتوقع ما في وحده كنيتها ام راشد و اتابع المنتدى بتقدر ترقد اليوم لووووووول

[سان سيمون]

الزواج صار يعني الموضوع منتهي بس اشلون يبلغها انه متزوج طريقة التبليغ جدا مهمه بالتدريج لين تقبل الوضع نفس الشي امه بداية يقول لاخوانه او اخت من خواته رصينة ممكن توسط بهدوء او حد قريب من الزوجه ترى طريقة تبليغ الخبر هي المهمة الله يهدي الامور

الجماعة ما قصروا قلنا له مجموعة من الخطوات وعليه انه يتنقى ويختار ممكن ترجع لردود السابقة

[ANONYMOUS]

اصلا الخطوه الاولى اللي سويتها وهي زواجك أصعب من الاعلان نفسه

ف توكل على الله واعلن ولا تحاتي الزعل ترا عندك بكب

والله يسعدكم ويوفقكم

[سان سيمون]

والله قاعده اعصر مخي اشوف مني من أهلنا اسمها ام راشد ولا الي زوجها كان يبي يتزوج من عشر سنين ( صدق لقافة حريم )

شكلي من بكرة بخون في الشغل ويستخدم تلفون المكتب مع الأهل علشان ما تفوتني الاحداث *

[شميرام]

والله متابع الموضوع احسن من مسلسل عشق وجزاء ،،،،انصحك تشوف كم حلقه منه اللي يوم يعلم امه ان عنده ولد لان موضوعك مشابهه له ما فارق الحلال
بختصار هو تزوج مرت اخوه عشان الثأر اللي بين العشيرتين (أكراد )وهو يحب وحده ثانيه وجايب منها ولد
الحمدالله وشكر

[نجمة سهيل]

توكــل على الله والله بيعينك إن شاء الله

[chillis]

يمكن من شدة الموضوع اخطات بالتعبير أكيد ان الولد منسوب لك بما انه زواج شرعي لكن لما اقصد انساب نتكلم عن المستقبل وان الاخوان ما يعرفون بعض بالأخص معروف عندنا تشابه الاسماء لحتا رابع او خامس جد فمن هذا المنطلق قلت انساب ( من امور زواج او غيره / الي ياما أبطأت بسبب رضاعة وما الى ذلك ) بس جد الله يعين مرتك ما بي ازيدها عليك

بس الي انا سمعته من ان لازم يخبر الاولى :) واعتقد انه لازم يقولهم علشان الولد يتربى بين اهله عمامه وعماته واخوانه :)

[qatari 111]

نصيحه خبرها عن السر وانت داخل المدرعه .. يمكن تجييك فلعه على راسك رسيفر او دله او اله حاده

الله يعينك وتوكل على الله وخبرها بالتدريج لمح لها يوم ورى يوم راح تتفهم الوضع

[khaleeji]

ذكرتني بواحد من الربع شفت في مجلسه رجال اشقر لابس ثوب :/

يوم سالته قال ان ابوه قبل لا ياخذ امه كان يدرس في الخارج وتزوج وجاب هالولد وخلاهم في بلادهم لين كبر الولد
وقرر الاب ان يجيبهم فحثلها الاب وجابه معاه ودخله البيت على امه وخواته بدون لا يقول لهم

تشجع واعترف

والله يقويك

[حليتان*]

يا حيك اول مره اسمع عن شي انخش فقطر 10 سنين

والله يعينك

[QaTaRSouL]

في تقديري بأن الزوجة الثانية ليست موجودة في قطر.

[أسد الجزيرة]

يا حيك اول مره اسمع عن شي انخش فقطر 10 سنين

والله يعينك

سمعت من واحد ابوه متزوج بالسر ما دروا عنه الا بعد 14 سنة.

[ابن قطر]

بالمبارك بما انها متاخره

اعتقد قبل الاعلان عليك ان ترضي الاطراف بدبلوماسيه معطره بكلام فيه مناوره وقوة تحمل


ولازم اطيب خاطر ام العيال

والله يوفقك بو راشد ان تستاهل كل خير

[BIRDS]

نصيحه
اذا حد من عيالك عنده ثالث ثانوي
ولا مريض اصبر لين يصير احسن
وحده من ربعي يوم ذرت ان ابوها معرس ما قامت تدرس ولا جابت نسبه
فكر في نفسيات عيالك قبل

[روح الاطلس]

المشكله الاساسيه ان الاولى بنت العم ، يعني محد من الاهل ولا الجده ولا العمام والعمات بيتقبلون الثانيه او يحبونها لا هي ولا ولدها

[بلوتنيوم]

اذا انت ناوي على الثالثة
اكشنها واعلن
اما غيرها لا تعلن وتعور راسك :)

[الصغيره]

توكل على الله

اخذ زوجتك القديمه وسافر معها

وقل لها يافلانه ابيك تدورين معي حل لرفيقي رفيقي يحب زوجته ام عياله ويقدرها وستحيل يستغني عنها وهي مراه فاضله عاقله ومشكلته انه تزوج لظروف الله يعلم بها زوجه اخرى من عشر سنين وعنده ولد وهو وهو محتار يبي حل ياليت تساعديني نفكر بحل له

اتمنى ياخوي تلقى حل لان اذا ماقلت اليوم بيجي يوم وبيعرفون وفيه قصه سمعتها زوجه عرفت بزواج زوجها لما جات للطواري ولقت زوجها المناوب بالطواري مع زوجته فكانت صدمه كبيره لها

انت تزوجت بالسر لكن على سنة الله ورسوله ومادامه زواج حلال ليه تخبي انت خبيت لان الاوليه عزيزه

توكل على الله وصارحهم احسن شي بسفر مش داخل البلاد لان البلاد سبحان الله لجه وصجه

سافر لمكه بها وخبرها وتخبر هي اللي معها وتقول انا راضيه


موقف لابد ان تجد له حل لقدر الله يجي ظرف من الظروف يكشفه ويخليك بعيون هلك شي ما ترضاه

[fhd4]

اذا زوجتك الاولى راضية عنك في فترة العشر السنين الماضية … ان شاء الله امورك سهالات …

لكن لازم تجهز نفسيات الجميع بالاول …

[الصغيره]

الغريب انه عشر سنوات وزوجتك ماكتشفت !!!!يقولون المرة تحس اذا بحياة زوجها واحدة غيرها اشلون عاد اذا كان متزوجها !!! الله يعيينها صج بتتحطم

انا اشك ان ابو راشد سواها يمكن يبي يشوف ارائنا وردة فعلنا بالرد

يعني عشر سنوات مااغلط باسمها الا يكون اسمها مثل اسمها

يعني ماتحلم وقال فلانه

مااخطى

الصراحه الله يحبه عشر سنوات مااكتشفوه هههههههههه

يالله موقف الله يعين ام عياله :(

[FULL]

الله يوفقك

شوف هالرابط يمكن ان شاء الله يفيدك

http://www.safeshare.tv/w/zAeclVNMEa

[الصغيره]

يالله يااعضاء المنتدى ننسخ الموضوع وننشره بالبلاك بيري وعلى كل ام راشد ان تسامح ابو راشد وتقول انا مسامحتك وهات ولدك

وليه مادام حلال الكل يرفض وليه الحق ينخاف منه والله على اني امراه ومتزوجه وام الا ان ابو راشد كاسر خاطري واقول الله لا يخلي زوجي بهالموقف :(

[قناص 787]

الله يوفقك

شوف هالرابط يمكن ان شاء الله يفيدك

http://www.safeshare.tv/w/zaeclvnmea

عجيب الفيديو

[امـ حمد]

الله يعينك اخوي

[قلبى طيب]

طيب ايش ذنب زوجتك الاولى ما قلت لها واهلك ايش ذنبهم ما وضحت لهم انك ببتزوج الحين بنفتح مشاكل على نفسك مالها اول ولا تالى وخاصه اذا زوجتك ما تفهمت الوضع

[وطن]

10 سنين !!!

10 سنين !!!

يتهيأ لي لو كنت متزوجه و اكتشفت زوجي متزوج علي من 10 سنين
يمكن اصير تحت التراب دايركت

لاحول ولا قوة الا بالله

الله يعطيج الصبر والقوة يا أم راشد
:(

[طواش]

تزوج رجل على زوجته بالسر ولما كبر إبنه وأصبح في سن دخول المدرسة أدخلته أمه في

مدرسة تدرس فيها الزوجة الأولى للرجل فكان أن إنكشف المستور .

والفرق أن الرجل لم يكن زوجا صالحا فوجدت الزوجة الأولى المبرر الذي دعاها إلى الانفصال

عنه بعد صبر طال سنين لتتركه للزوجة الثانية لتهنأ ( بطيب معشره طوال الأيام والليالي )

[R 7 A L]

اختار الوقت والمكان المناسب لزوجتك القديمة اولاً ثم الاهل
وتوكل على الله واعلن زواجك و ولدك

الله يعينك

[مضارب دوسري]

حرااااام ولدك يعيش بعيييد عن عمامه واهله
وحراااام بعد يعيش هالعمر وللحين ماشاف اخوانه من ابوه
نصيحتي توكل على الله واعلن الخبر
واللي كاتبه ربك بيصير
والواحد مايضمن عمره
واذا دروا هلك عقب عينك ( الله يطول ب عمرك ) بيكون موقفهم منك سلبي واللي بياكلها هو الولد
ف اعلن الموضوع في حياتك وتوكل على الله

[♫ احسـاسـ طفلـهـ ♫]

والله اني تماما ضد زواج السر لانه دائما يجلب المشاكل ويكبرها ويمكن مع السنين الوضع يكون اصعب من البداية ومن حق الزوجة الاولى يكون عندها علم بزواج زوجها من الثانيه كأبسط حقوقها وان كنت ادري ان في حالتك يابوراشد انك تقديرا لزوجتك واحتراما لها لكن بعد ما يمنع ان هالشي ماكان المفروض يكون بهالطريقة

ولو عارض هالشي وتتحمل نتايجه في البدايه وايد افضل اما الحين ردة الفعل يمكن تكون اصعب لان بتفكر 10 سنين كانت عنده مره ثانيه غيري ولا بعد جايب منها ولد ؟؟ :anger1:


الله يعينك و احسن حل الاستخاااااااااااااره والدعاء ان الله يهون على قلب زوجتك الاولى ويحنن قلبها عليك وتقدر تلم شمل الاسره وتضم ولدك من الثانيه لعيالك من الاولى ويهون على قلب اهلك اللي ما يندرى شردة فعلهم والله ايسر لك امورك الدعاء الدعاء وتصدق بمبلغ محترم بنيه ان الله يسهل لك هالامر لان كشف المستور لابد منه والاخفاء ما منه اي فايده حلات الشي في الوضوح والعلن ومنها ولدك الثاني يعيش بجو اسري متناغم مع عمامه وجده وجدته بس مثل ماقال احد الاخوان لازم تراعي نفسيات العيال وظروفهم اولا ولو هم في مدرسة انطر لين اخر السنة وتوكل على الله



الله يسهل الامور ان شاء الله .. الله المستعان

[عقار]

اخوي بوراشد
دامك موجود والله يعطيك الصحة والعافيه ، أعلن زواجك وابنك
ما تدري بكره شيصير
والله يوفقك ، دام كل شي بالحلال

[nadeemy]

حدث العاقل بما لا يليق , فان صدق فلا عقل له

ممكن اصدق في حاله وحده , ان تكون الزوجه غير قطريه والزواج حدث في بلد ثاني والزوجه تعيش خارج قطر
اما انها تكون في قطر فهذا غير معقول
هل هو زواج مسيار , يعني مافيه مبيت؟اعتقد انها مزحه من بوراشد:)
=====
على العموم الحل انك تشوف من هي الغالية فيهم عندك والباقي تعرفه

[العرفـج]

تأخرت واااااااااااااااااااااجد ( 10 ) سنوات زواج ولا تكلمت ؟

تذكر أنك ما غلطت ولا سويت شي حرام ، الزواج من ( مثنى وثلاث ورباع )

جمع الاهل كلهم على عشاء ودخل عليهم الولد وتوكل على الله وقول للجميع انك متزوج وهذا ولدك وحطهم جدام الامر الواقع وخذ ولدك وطلع .

[WFM]

الله يعينك يبو راشد والله اني حاس في معاناتك . انت وضع لاتحسد عليه الصراحه

عموما بالنسبة لي بعلمهم وبعلن الزواج .. ياخي لو عشان ولدك .. خله يعيش بين اخوانه وعمانه وعيال عمه .. نصيحه مادام الولد صغير خله يعيش بينهم . والله يعين زوجتك الأولى وخلك قريب من عندها وحاول تتأسف لها وتطلع معاها سفرة 10 ايام استجمام لأحد الجزر مثل المالديف .

الله يعينك يبو راشد .. ولاتنسى تخبرنا بالتطورات

[تاج المراجل]

حـبـيبي علـمهم ، والدنيا بخيـر ، الشرع حلل اربع ، مافيها شي ، وزوجتك الاولى ، لاترد عليها ،
شي طبيعي انها تزعل وحتى تروح لـ بيت اهلها لكن لاتقصر بحقهم الثنين ، ونصف بينهم اهم شي ، ،
شهر بالكثير والامور مآشيه ، والزوجات بعد في بيت واحد والعيال يلعبون مع بعض
: وانت قاعد مع زوجاتك [ وفجأه ]َ تطرح لهم
موضوع شرايكم ( في الزوجه الثالثه ) ياسلااام ، ههههههههههههههههاي . ســلاام :nice:

[وتبقى الدنيا حلوه]

الله يوفقك

توكل على الله

[بوسلمان 2010]

توكل على الله وخلك قدها وواجه الموقف بشجاعة لانك متزوج على سنة الله ورسوله

[رايق البال x]

ليش الغدر ... حتى لوكان زواج بالحلال
ماترضاها على نفسك وانا اخوك ...بس دام انك تزوجت واللي صار صار انا انصحك تعلن
واللي يجيك تحمله ... بس انصحك نصيحة لله ... لا تحاول تقارن الثانية بالاولى دايما حسس الكل ان الاولى لها الحق في الاولوية ... لانها هي المقهورة وكل شروطها نفذها .. عانك الله

[الخارجية]

انت يوم اخفيت زواجك كنت خايف على شعور زوجتك الاولى اتبع الطريقة وانا اخوك
1- قعد مع اخوان زوجتك الاولى في مكان لايوجد فيه احد وبلغهم بالخبر وقولهم ان اختكم مافيها اقصور والنعم فيها وماشفت منها الا كل خير وانا انسان ماحب الحرام وانا متزوج وعندي عيال من زوجتي الثانية
2 - وقولهم يوقفون معاك علشان اتكون زوجتك على ذمتك .. وقولهم ان يكلمون زوجاتهم علشان مايفقمون المشكلة
3 - اقعد مع ام زوجتك في وقت محد عندها وقولها الموضوع بهداوه واستحمل اللي يجيك منها وخلك هادي
4 - وخل خبر زواجك يجي منك حق زوجتك مش من غيرك تحمل اهم شي

[بيرق_المجد]

السلام عليكم يابو راشد توكل على الله وعزم الامور ونصيحتي اللى الوالدين عايشين او حد منهم خل معك رجال اهل العلم واهل الدين ان شاء الله ابوك من هل الدين

عندي شخص اعرفه معرفه شخصيه ماخذ اجنبيه على سنت الله ورسوال وخبر اهله والحين ابشرك والله انه عايش وياهم وزوجته اسبانيه مش عربيه والحين الامور ميه ميه ولافيه اي شي ( وزيدك من الشعر بيت) خذ عليه خليجيه والاسبانيه عنده الامور كل ماكبرت هانت شد الحيل وخلك ذكي في طرح الخبر لناس اللى يهمونك والله يعينك

[moonبنتnight]

عذرني أخوي 00
حرام عليك تحرمه طفولته 00
بغض نظر عن طريقة زواجك وحتى عدم موافقة الأهل 00
ولد انحرم من أهله عاش عشر سنين ما يعرف أحد منهم بتلاقي صعوبه لو كان أصغر وهو عمره سنة أو سنين كان أحسن 00 والاهل مدة عشر سنوات صعبة جداً وحتى زوجتك 00
ما غير تولد كره لولدك 00 الله يعينك وعليك بالدعاء 00

[مريومة]

أهم شي ام راشد ما تكون مريضة بالضغط ولا السكر

لان السالفة مب في الزواج الثاني

السالفة انه بالخش والدس وبتعتبرها ام راشد خيانة منك وخداع

يعني ممكن اتروح فيها .. وبالساهل

وعقب بتندم على قد شعر راسك وراس الثانية

والعيال بتم في عيونهم نظرة اللوم لك

وماظن عيالك بيحبون الثانية او الثانية بتحملك انت وعيالك من الاولى

والله يعينك .. موقف صعب لانه كان في السر



والله المستعان

[كرامه]

ياخوي أنت أقدمت على عمل طيب بل انه الاصل في الزواج و سنه من سنن النبي الكريم صلى الله عليه وسلم، وياخير ماسويت وانا اقولك اعلن ياشيخ واعلنها على الملأ عشان الناس يقتدون فيك ، واعلم ان الله بيوفقك وبيسر امورك , وفي الاخير اقول الله يكثر من امثالك واعلم بأن خير رجال هذه الامه اكثرهم نساءا

[saudqatar]

الله يعينك

لكن انت ما سويت شي بالحرام توكل على الله واعلن زواجك !!!!

[قلبي الطيب]

قول لزوجتك بالأول
صعب انها تسمع من غيرك
حاول تفهمها أنك تحبها وموب مقصر عليها بدليل انها ماعرفت بعد كل هالسنين
بعد ماترضى وتمتص غضبها خبر هلك
عموما الاهل مايعارضون دام زوجتك الآولى تقبلت الموضوع ومافي خراب بيوت

[فنجان قهوة]

تقبل الاهل لهذا الخبر وردة فعلهم يعتمد على نوع الزوجة ( يعني هل نسبها يشرف او يحرج اهلك).....و اذا كانت من جنسيتك ونفس المستوى الاجتماعي ......فاعتقد لن تكون لديك مشكله كبيرة .

[elders]

ياخوي أنت أقدمت على عمل طيب بل انه الاصل في الزواج و سنه من سنن النبي الكريم صلى الله عليه وسلم، وياخير ماسويت وانا اقولك اعلن ياشيخ واعلنها على الملأ عشان الناس يقتدون فيك ، واعلم ان الله بيوفقك وبيسر امورك , وفي الاخير اقول الله يكثر من امثالك واعلم بأن خير رجال هذه الامه اكثرهم نساءا

مصدرك اخوي ؟؟

[عابر سبيل]

اعتقد اللي قدر يسويها و يخش الامر 10 سنين...
ذيب...
هو يشور ع الناس
و ما يحتاج من يشور عليه...

اخوي بوراشد....الحين كم "بوراشد":secret:
في قطر مطرود من البيت بسبتك؟؟

[بلوتنيوم]

^^^

هههههههههه
لا تعلن اذا البيت باسمها :)

[شمعة الدوحه]

كل هذا صار في اسبوع واحد؟
اعلن الزواج وانهارت الزوجه وراحت المستشفى واجريت لها الفحوصات وظهرت النتائج اصابتها بالسرطان وقرروا علاجها في امريكا واستخرجوا التاشيرات اللازمه(يومين في احسن الظروف) وتسافر وتبدا العلاج وماتستجيب له
كل هذا في اسبوع

لاحول ولاقوة الا بالله

قصدها .. شفايدة العلاج لو راحت عقب هالخبر

:omen2:

[قطري مفلس]

ياخوي أنت أقدمت على عمل طيب بل انه الاصل في الزواج و سنه من سنن النبي الكريم صلى الله عليه وسلم، وياخير ماسويت وانا اقولك اعلن ياشيخ واعلنها على الملأ عشان الناس يقتدون فيك ، واعلم ان الله بيوفقك وبيسر امورك , وفي الاخير اقول الله يكثر من امثالك واعلم بأن خير رجال هذه الامه اكثرهم نساءا

يااااااااااااخوي انت وينك من زماااااااااااان ،، والله كلامك عجيب ،، بوراشد أعلن وانا اخوك العمر قصير ، سو الي تبيه أهم شي يرضي رب العالمين ، وهذا الولد في ذمتك ماله ذنب لاتخليه يتبهدل من عقبك بعد عمرن طويل ان شاءالله ،،

وانا أقول مثل اخوي (الخارجية) قول لأخوانها واقرب الناس لها علشان يوقفون وياك،وبنفس اليوم قولها وتوكل على الله، لانك ماتضمن ان حد يسبقك بالخبر لها بعد ماتعلنه ...


لاتأخر وتوكل على الله

[عابر سبيل]

^^^

هههههههههه
لا تعلن اذا البيت باسمها :)

المشكله ان البيت يمكن ينعاف قبل ما نسكنه..

مسوي فيه ديزاين "مبتكر"....
"جناح" بمدخل منفصل و سلم ثاني...
ياخذك من باب الحوش لينه؟؟؟غير عن باقي البيت..

يبلفيت "حق "راشد" لي كبر و تزوج:secret:

لا حد من الشباب يطلبني "الخلطه" السريه للتصميم:telephone:

*
*
،،
الحين لا راشد و لا بوراشد بيوطوطون
صوب هالجناح..

وينه هالبوراشد الورطه..

[إينشتاين]

والله منت بهين يابوراشد :nice:

شلون قدرت تخش هالمدة كلها :victory:

ولا عليك أمر ترسل لي عالخاص كل اساليبك وخططك الي سويتها في العشر سنين عشان ماتنصاد وانا باحذوا حذوك...

الحياة وانا اخوك تنعاش مره وحده خلنا نستانس فيها بدون وجع راس ومشاكل بين الضراير :omen2:

[دلة الرسلان]

بعد هاذي فيه استفتاء تعلن وتحمل النتائج !!

[شمعة الدوحه]

كانت معنا وحده استراليه متزوجها قطري بالسر

طبعا التفاصيل ماحب ادخل فيها وخصوصيات الناس ولا سألتها من زوجها .. لانه موب ملقوفه :tease:

واتذكر اخر مره شفتها حامل

الله يعينه بعدين اذا بيعلن :omen2:

[بو خليفه 123]

الله يضحك سنك يا عابر سبيل شكلك شابك من مقهى انترنت هاليومين بسبب تشابه الاسماء :nice:


أنا شكلي بغير اسمي الى الاسير الولهان ولا أمير الرومنسيه قبل اعلان النتائج الربعيه للبورصه :tease:

[الشاااهين]

الله يعينك يابوراشد انا ترا نفس موضوعك بس أعلنت قبل لاأتزوج ب3شهور وعبالهم اني تزوجت ويوم العرس فاعلة خير اتصلت عليهم وقالت تو اليوم عرسه بس انت انصحك لاتكلم حد ولا شي طرش لها مسج وقول انا تزوجت من عشر سنين وعندي ولد ولولا غلاج ماكتمت هالشي وشوف ردة الفعل وهي لازم تزعل وانا اخوك بس صدقني بعدها بتصير الامور طبيعيه .

نصيحه :- خذ الامور ببساطه ووسع صدرك وبيجيك كلام سم وتحمل تنفعل أو ترد أي شي يقولونه قول صح انا غلطان الا يوم يومين وخلاص صاغ سليم.

[رمادي]

في البداية الله يكون بعون كل واحد اسمه بو راشد لانهم الان تحت المراقبه ...

الشئ الثاني قبل الاعلان عليك بالقيام بالتالي :

اولا : ودع اولادك وقبلهم واوصيهم .
ثانيا : ارضي زوجتك ( ام راشد ) بليلة رومنسيه لا تنسى .
ثالثا : خذ الاوراق المهمه والاشياء المهمه من المنزل .
رابعا : تأكد انه لا توجد اله جارحه قريبه من المكان .
خامسا : لو كانت مريضه بمرض ما تأكد انها اخذت الدواء .
سادسا : صل فرضك بخشوع وصل صلاة مودع .


اخيرا : دع باب الخروج ( الهرب ) مفتوح عندما تخبرها وكون قريب من الباب ويفضل ان تكون السياره مشتغله او فيها دريول ينطلق بمجرد صعودك ارم القنبله واهرب ولا تلتفت وراءك ..

وعد بعد شهرين ... وروح والهوا بظهرك لا تخاف .. واتمنى لك التوفيق والسعاده .. :nice:

[عابر سبيل]

الله يضحك سنك يا عابر سبيل شكلك شابك من مقهى انترنت هاليومين بسبب تشابه الاسماء :nice:


أنا شكلي بغير اسمي الى الاسير الولهان ولا أمير الرومنسيه قبل اعلان النتائج الربعيه للبورصه :tease:

اسكت...
لو بيدي كان حذفت الموضوع
من البارحه اول ما طاح..
بس الحين شالفايده....
الخبر وصل "دار دار" ..."بيت بيت" ..
حتى لو كلمت الربع في الكويت..
اخاف يقولون لي.."زين ما سويت":omg:
*
*
،،
انت اسير ولهان...
انت متى ما جات "الشماته"
طلعت ابو الطنازه..وين عنك "الداب":secret:
عشان تكمل اللمه..
و السبب..ورطة هالبوراشد

[Umsultan]

لا تودي ولدك وتخليه في وجه المدفع اشذنب الياهل يسمع كلام جارح خل الطفل بعيد عن المشاكل وحل المساله بهدوء والي قادر يتزوج 10 سنوات وما يقصر بحقوق الثنتين يقدر يحل هالمشكله مب صعبه عليك ان شاء الله
وانا افضل تصارحهم في الإجازة حتى ما يتاثر مستواهم الدراسي من الحين لين إجازة نهايه السنه فكر في طريقة للاعلان
بس يا ريت تفيد الاعضاء في طريقتك للعدل بين الزوجات وكيف كنت تذهب للثانيه بدون ما تحس الاولى ...... الخ
*

[S A A D]

توكل على الله

اخذ زوجتك القديمه وسافر معها

وقل لها يافلانه ابيك تدورين معي حل لرفيقي رفيقي يحب زوجته ام عياله ويقدرها وستحيل يستغني عنها وهي مراه فاضله عاقله ومشكلته انه تزوج لظروف الله يعلم بها زوجه اخرى من عشر سنين وعنده ولد وهو وهو محتار يبي حل ياليت تساعديني نفكر بحل له

اتمنى ياخوي تلقى حل لان اذا ماقلت اليوم بيجي يوم وبيعرفون وفيه قصه سمعتها زوجه عرفت بزواج زوجها لما جات للطواري ولقت زوجها المناوب بالطواري مع زوجته فكانت صدمه كبيره لها

انت تزوجت بالسر لكن على سنة الله ورسوله ومادامه زواج حلال ليه تخبي انت خبيت لان الاوليه عزيزه

توكل على الله وصارحهم احسن شي بسفر مش داخل البلاد لان البلاد سبحان الله لجه وصجه

سافر لمكه بها وخبرها وتخبر هي اللي معها وتقول انا راضيه


موقف لابد ان تجد له حل لقدر الله يجي ظرف من الظروف يكشفه ويخليك بعيون هلك شي ما ترضاه

أأيد هالطريقة

خذ المره الاولى وودها العمره وسو نفس ماقال أخونا

والله يوفقك وتمشى الامور


واحد من الجماعه بعد ماتوفى اكتشفوا انه متزوج وعنده عيال ,, كانت صدمة اكبر من صدمة وفاته

نصيحتي لك اعلن وحط اعصابك في فريزر

واسال الله ان يفرج عليك ويريح بالك

[اليزوه1]

لا اله الا الله محمد رسول الله

[مهرة]

لا حول ولا قوة الا بالله.. انت غلطت بحق الثنتين لا الأولية ولا الثانية وظلمتهم والغريبة في الموضوع الزوجة الثانية كيف ترضى بالزواج بالسر ؟؟ ليش هي جريمة لا قدر الله!! وليش رضت هي وأهلها بهالعيشة الصعبه الله يعينهم ومحد بيتضرر في هالسالفة كلها الا الولد الجديد المسكين .. الله يساعدك وياريت أغلبية الي كانو يطالبون ويطبلوون بالتعدد وعبالهم يخرعووون حريمهم بمثل هالمثال الحي ويفكروون عدل ويتخيروون الأفضل ويقتنعون بالي الله معطيهم وكاتبه لهم ..

ذكرتوني بأم علي الله يحفظها ويستر عليها وعلى عيالها..!

[ام شيخه]

ليش تتوقع الرضوة تصلح الي انكسر شفت تعليقك وتعليق كذا عضو والله بعضهم لو يجيب مال قارون ما تسامح لانه هالامور ما ينفع معها المادة والعاطفة دائماً في هالمواقف تغلب العقل ........*


آآآآآآآآآآآآآآآآآآآنشهد اي رضوه واي خرابيط عمر الفلوس مارجعت ميت :weeping:
مايجيب راس المره الا المره انا اعتبر الزواج بالسر طعن في ظهر المره اللي وثقت فيك :anger1:

[بلوتنيوم]

المشكله ان البيت يمكن ينعاف قبل ما نسكنه..

مسوي فيه ديزاين "مبتكر"....
"جناح" بمدخل منفصل و سلم ثاني...
ياخذك من باب الحوش لينه؟؟؟غير عن باقي البيت..

يبلفيت "حق "راشد" لي كبر و تزوج:secret:

لا حد من الشباب يطلبني "الخلطه" السريه للتصميم:telephone:

*
*
،،
الحين لا راشد و لا بوراشد بيوطوطون
صوب هالجناح..

وينه هالبوراشد الورطه..

ههههه ياليت نسخة من التصميم
ونسميه تصميم العشر سنوات السمان
والله يستر من بعدها
ماتنقلب السنوات لعشر عجاف :)

بوراشد شكله قوى قلبه واعلن :secret:

[كلنا قطر 1981]

والله اخوي بوراشد من وجهة نظري و انت لك الخيار انك تتبعها او تهملها


اخوي تاخذ ولد الي من زوجتك الثانيه حق امك و تفهمهم انه ولد رفيجك و من هالسوالف لين تخلي والدتك تحبه و تعتاد على وجوده وياها و عقبها تبط البرمه و تقولها انه ولدك يمكن في البدايه تعصب بس عقب بتدري انه مافي مجال للاعتراض و انشاء الله بتوافق ترى قلب الام مافي مثله و عقب هي بتوقف وياك و بتتفاهم مع زوجتك و بتوصلون لحل باذن الله

بس يا بو راشد انه موضوع الزواج يتم بالسر ما يصير و انا اخوك الا يوم و ينكشف فيه كل شي و انت ما سويت شي حرام تزوجت على سنة الله و رسوله ما عليك ملام

ربي يحفظك يالغالي :)

[Amal_QTR]

في واحد بالضبط نفس قصتك
و قال لزوجته
و صار فالبيت مناااااااااااااحه
و الحين الزوجه الاولى زعلانه في بيت ابوها و هاده 8 عيال جابتهم
احساس بالخدع و الغش .. ما الومها
و الرجال يبي يخلي الزوجتين
و الثانيه جايب منها طفلين
و البيت الاول صاير في تفكك و دمار
حتى عياله رافضين يكلمونه

و كل اهله قالوا ليته ما قال و كملوا حياتهم طبيعيه

مافي مره تقبل
و غير كذا بتحس ان طول هالعشر سنوات اكرامك لها باحساس الذنب وليس الحب

تحمل اللي بيجيك .. و اصبر .. لان هالشي كان باختيارك
ولا تتوقع حتى اهلك يتقبلون

[M&F]

عشر سنين :eek5:

[@north_star@]

نصيحة اخوية أعلن زواجك والزعل بيصير بجميع الاحوال وكلها فترة وبيصير الموضوع عادي وانت بترتاح .... بس أهم شي التدرج بالخبر يعني ابدأ بالتلميحات علشان الصدمة بتكون صعبة بأولها ... والله يفرجها عليك وتتيسر أمورك

[ولد العرب]

ياخوي توكل على الله سبحان خلاص اللي صار صار
زين عشاء طيب واعزم فيه اخوانك والوالد وعقب العشاء اشرح لهم واطلب انهم يعينونك على المحنة
اسأل الله العظيم ربي العرش العظيم ان يعينك ويسدد خطاك وفرج همك

[العنيده]

الله يعينك بس لازم تبلغهاا لو بس عشان خاطر اليهال ..

الطريقه شلون هاذي تجي منك وباختيارك لانك عارف حق كل الاطراف ..

[بـــــــنت النوخـّــــذه]

منذ حوالي عشرة سنوات قررت ان اتزوج للمرة الثانية
ولكن واجهت معارضة قوية من الاهل والسبب ان زوجتي من بنات عمي

فتزوجت بعدها بـ السر على سنة الله ورسوله ..
ورزقت بولد والحمد لله .. الان الولد كبر وما شاف جدته ولا اخوانه ولا خواته
وانا خاطري اشوفه يلعب معهم ومع عيال عمه

ايش نصيحتكم الان .. أعلن للاهل اني متزوج ؟
أم يستمر الزواج بالسر وابتعد عن المشاكل ؟


وي بوراشد طلعت متزوج بالسر :eek5:


اعلن وتوكل على الله بس تدرج بنقل الخبر مهب مره وحده ادخل ولدك عليهم واتقول هذا ولدي اتصيدهم سكته 00
ذكرتني بسالفه وحده هي مديره اتصلت فيها رفيجتها مديره ثانيه قالت لها فلانه انتي مهب ريلج اسمه فلان بن فلان قالت اي وهذا رقم بطاقته الشخصيه قالت اي , وهذي وظيفته قالت اي قالت لها استلمي الصدمه عندي ولده توه مسجله بأول ابتدائي :rolleyes2:

والريال طووووول هالسنين يغيب عن البيت بين فتره وفتره بالشهور على انها مهمه عمل :omen2:


انا ضد الرجال الي يخش 000يواجه ويتوكل على الله هذا شرع الله



وشكرا"

قبل وشكرا" سؤال فضول :اشلون الزوجه الثانيه ترضى على نفسها زواج بالسر ؟؟؟حتى لو على سنه الله ورسوله:con2:

[مخطط قطري]

الحل عندي وانا بوهندي
خذ الثالثه علني قدام 2 ولازعلت الاولى قلها ترا هذي هب الثانية تراها الثالثه والثانيه اعتقد ماعندها مشكله في هالامر

[intesar]

على فكرة نسيت أضيف أنك قمة بالأنانية وحب الذات..

الله يعين حريمتك وعيالك.. والولد من الثانية ماله ذنب..

[قطريه ماركه]

استغرب من الرجل اللي يخفي هالأمر ..

وين الرجولة !!

اللي عنده القوة على الزواج الثاني لابد أنه يكون عنده قوة على الوضوح و الصراحة و الاقناع ....

[Rider]

الحمد الله انت متزوج على سنة الله ورسوله مافيها شي غلط بس تاخرت معقولة 10 سنين ماتقول لهم حتى حنا ماندري علشان تعزمنا على العشى ههههه توكل على وقول شنو بيصير

[هتـان قطر]

ياااااااااااااا الله !!! الله يهديك يا بو راشد , غلطت لما تزوجت بالسر ولمدة طويييييلة

جداً .. وأكبر غلط سويته انك طرحت موضوعك في منتدى الاسهم القطرية !!

معناته كل قطر درت بموضوع زواجك قبل زوجتك!! اللي المفروض تكون

أول شخص يدري بخبر زواجك :weeping: أنا متأثرة جدا جدا من حالة

أم راشد لما يوصلها الخبر مثل الصاعقة , كان الله في عونها


الفاس وقعت في الراس وما عاد يفيد العتب.

لكن أتمنى تكون زوجتك هي أول من يعلم , قبل حتى أمك وأبوك

وحاول تهديها وما تتركها تطلع من البيت حتى لو يصير ما يصير

وبعد كم يوم توديها رحلة استجمام تلم فيه بقايا نفسها المحطمة

وتحاول تصلح ولو شي بسيط من قلبها المنكسر

وتختمها بيومين في العمرة تكون نفسها هدت وارتاحت

وكون قريب منها مهما بدر منها من الفاظ او لوم وعتب

لان وضعها بيكون مأساوي بكل ما تحمله الكلمة من معنى

والامر بيطول معها ولكن ما لك الا الصبر ( وش وداك له )

لابد تتحمل لانك أنت السبب في اللي راح يصير لام راشد

ولا تنسى عيالك , ترى بيتأثرون واحتمال يكرهونك فتره

لكن تودد لهم واعترف لهم انك لولا حبك لامهم وخايف عليها

من وقع الخبر ما تزوجت بالسر..حاول ترقع بأي وسيلة

بس من دون ما تتركهم أبدا وتكون قريب منهم في هالفترة



كان الله في عونك وفي عون أم راشد

:(

[حسن الاحمد]

اعلنه وتوكل على الله

[ريتويت]

اعلن زواجك انت ماسويت شي غلط

الله يوفقك ويزيد مالك وعيالك ياااااااااااااارب

[حياة]

الله يعينك يابو راشد
والله الله في زوجتك وأم عيالك ترى ماتدري
بصدمه المره في زوجها وخصوصا من ١٠ سنوات
تراح تحس انها مغفله لانها ماانتبهت لك
ولا لطلعاتك من البيت وراح تتعب نفسيتها
كثير ... بس لازم تصبر وتوقع منها كل شي
الله يعينك ويعين زوجتك اللي ماتدري بك..
بس سؤال وشلون كنت تقضي وقتك في البيت
الثاني بدون ماتحس ام عيالك؟

[تغلبية]

الاعلان أو الاعلان .. هذول الخيارين اللي عندك !

أم راشد الله يكون في عونها ويمسح على قلبها .. ويثبتها

الولد .. بصراحة هو اللي وضعه صعب أكثر لآن أي ردة فعل من أهل أو أنساب أو أخوان

راح يدفعها هو برفضهم له (وكره أمه إذا ماكانت بذاك المقام) وهو ماله ذنب

(الله يلم شملكم ويسعدكم وينتهي هالموضوع على خير)

[almaf1a]

لا تعلن
:)

[شبح الصمت]

الله يعينك شكله موضوعك بينتشر في البلاك بيري وكل وحده بتلفت الحين

الحريم بيصيدهم الشك

بداية جيده عشان كل واحد تقبل الصدمه


وعندي حل لك بس مدري هل راح يفيدك

مالك الا تقول لها بتزوج الحين وعلى اساس انك تزوجت هالمره بعقد جديد


ولديها ولد وخلها تقبل الصدمه اشوي اشوي وعقب سنه قولها ترى هالولد ولدي اخوكم

لانه كذى والا كذى ما راح يتقبلونه بدايتاً

وشوف شلي بيصير معاك

[الـقـاسـي]

انت ماغلطت يابوراشد في زواجك لكن بكون صريح معاك غلطك انك خليت المسئله تطول ..
انا لو اخوك بزعل منك شلون تتزوج لمده طويله وانا ماعندي خبر ,,

شوف يبه لازم تتحمل النتائج مهما كانت

من حق المره تزعل من حقها تهد البيت من حقها تسوي اللي تسويه وانت لازم تحط في بالك ان المراه تحكم بعواطفها وهالشي اكيد بيخليها تزعل وتتضايق

والمره اصلا بتزعل فالحالتين سواء قلت لها قبل العرس ولا بعده وترى اكثر مايذبحهم كلام الحريم

انا بنصحك نصيحة اخو الحل ان شالله سهل

اللي عليك تسويه ياطويل العمر تحجز تذكرتين وتسافر انت والمره بروحكم تروح لاحد هالاماكن الهاديه خصوصا الجزر اللي فيها عزله عن الناس تروح مالديف ولا سيشل ولا قوا الهنديه واول يومين ريلاكس وبعدين تمهد لها شوي شوي ولاتقول لها من البدايه ان صار لك فتره طويله متزوج اول شي جس نبضها قول لها بتزوج وبعدين قول لها تزوجت خلاص ومهد لها انه صار لك فتره ولاتقول لها عن مووضوع الولد على طول

ليش اقول لك تسافر اول شي تظمن انكم بتكونون بروحكم ومراح تقدر تروح بيت اهلها وتقعد لحالها وتزيد فتره الزعل على الاقل تظمن انها بتنحد تكلمك وتتناقش وياك

وانت راد من هناك رد على مكه خذ عمره انت وياها عشان تهدا النفسيه وتعتدل الامور ..

وعسى الله يوفقك ونصيحة لعاد تسكت اكثر ..

فالنهايه انت ادرى بمرتك وطبيعه تفكيرها وشنو الطريقة الانسب لها عشان تبلغها بالموضوع ..

[تحداني]

القاسي من صجك ؟؟


:(


جملك الله برضاه

[خــالــد]

اعلن انت ما سويت شي غلط

[خــالــد]

الا شسالفة زواج العرفي الي هالفترة منتشر بين الشباب وبنات عربيات !!!!

[صوت الضمير]

بوراشد جهز نفسك لاجابة هذا السؤال

تيني ارضى طلقها؟؟ او طلقني؟؟

لازم تفكرباجابه مقنعه

والله يعينك ويخلي لك عيالك

بداع

[خليفـة]

ماشاء الله
10 سنوات ومحد حس !

يعطيك العافية
:)

خليفــة

[الأصيلة]

انت ماغلطت يابوراشد في زواجك لكن بكون صريح معاك غلطك انك خليت المسئله تطول ..
انا لو اخوك بزعل منك شلون تتزوج لمده طويله وانا ماعندي خبر ,,

شوف يبه لازم تتحمل النتائج مهما كانت

من حق المره تزعل من حقها تهد البيت من حقها تسوي اللي تسويه وانت لازم تحط في بالك ان المراه تحكم بعواطفها وهالشي اكيد بيخليها تزعل وتتضايق

والمره اصلا بتزعل فالحالتين سواء قلت لها قبل العرس ولا بعده وترى اكثر مايذبحهم كلام الحريم

انا بنصحك نصيحة اخو الحل ان شالله سهل

اللي عليك تسويه ياطويل العمر تحجز تذكرتين وتسافر انت والمره بروحكم تروح لاحد هالاماكن الهاديه خصوصا الجزر اللي فيها عزله عن الناس تروح مالديف ولا سيشل ولا قوا الهنديه واول يومين ريلاكس وبعدين تمهد لها شوي شوي ولاتقول لها من البدايه ان صار لك فتره طويله متزوج اول شي جس نبضها قول لها بتزوج وبعدين قول لها تزوجت خلاص ومهد لها انه صار لك فتره ولاتقول لها عن مووضوع الولد على طول

ليش اقول لك تسافر اول شي تظمن انكم بتكونون بروحكم ومراح تقدر تروح بيت اهلها وتقعد لحالها وتزيد فتره الزعل على الاقل تظمن انها بتنحد تكلمك وتتناقش وياك

وانت راد من هناك رد على مكه خذ عمره انت وياها عشان تهدا النفسيه وتعتدل الامور ..

وعسى الله يوفقك ونصيحة لعاد تسكت اكثر ..

فالنهايه انت ادرى بمرتك وطبيعه تفكيرها وشنو الطريقة الانسب لها عشان تبلغها بالموضوع ..

أمحق سفرة وأمحق ريلاكس...

[..er..]

غلطتك الوحيده تأخيرك للآعلآن ..

لو بعد ماتزوجت بالكثير سنه اعلنت كانت الامور هينه وسهله

بس عشر سنوآت ... ماقدر اقول لك شي الله يعينك يووفقك ..

ومثل ماقالت التغلبيه

ي تعلن او تعلن :)

[qataria]

لازم تخبرهم..اول شي قول للوالدة والوالد و راضيهم و امدح لهم في زوجتك الثانية وخبرهم عن ولدك راويهم صوره علشان يحنون عليك وعليه و بعد ما يرضون عليك خبر زوجتك الاولى واهلك بيحاولون يخففون عليها السالفه.

اخوي انت لازم تتحمل مسؤولية اعمالك انت تزوجت في السر و تقدر تخلي هالزواج في السر علطول بس اشذنب ولدك يعيش بعيد عن اهل ابوه و عزوته..ولدك من حقه يعرف اعمامه وعماته و يشوف جدته وجده و ياخذ من حنانهم مثل اخوانه من زوجتك الاولى و حتى عيالك لازم يعرفون ان عندهم اخ. حاول تحببهم فيه.

توكل على الله وسوي اللي كان لازم يصير من زمان.

[تحداني]

أمحق سفرة وأمحق ريلاكس...



الأصيله إنتي ركزي على " سفرات القاسي "
يقول ودها سيشل .. المالديف .. " ويح قلبي على هالأماكن " وبعدها مكه


:(

:(


جملك الله برضاه

[خــالــد]

بوراشد ما عليك من الي يتفلسفون يبة قول لها ولا عليك من حد و اذا هي تعرف ربها وتحبك بتم معاك اما اذا هي من نوعية اهم شي نظرة الناس وبتزعل خلها تولي وطلقها وروحة بلا ردة

[بوخالد911]

أعلنها

والله يعيينك ع ما يجييك

!!!

[بوخالد911]

الله وياك

[تحداني]

بوراشد ما عليك من الي يتفلسفون يبة قول لها ولا عليك من حد و اذا هي تعرف ربها وتحبك بتم معاك اما اذا هي من نوعية اهم شي نظرة الناس وبتزعل خلها تولي وطلقها وروحة بلا ردة




خلها تولي وروحه بلا رده :( هذا انتم يا الريايل
بس احنه لازم انتم انحبكم في السراء والضراء :(


وايد أنانيين

جملك الله برضاه

[موضي قطر]

لبعض الأعضاء اللي ماسكين انت ماسويت شي حرام ولا غلط وقول ولا عليك .. والله يعينك يابو راشد ..

اللي الله يعينها أم راشد <<< عزتي لها :weeping:

توقع كل ردات الفعل منها ومن اهلك وعيالك .. الموضوع مب بسيط واللي يوهمونك انه شي

عااادي .. هم اول ناس يدرون ان اللييبون يقنعونك فيه مهوب صحيح ..

بتم الحره في قلبها طول عمرها ..الله يمسح على قلبها إن شاء الله ..

وانت مادام عندك ولد لازم تعلن زواجك لأنه ماله ذنب ..


القاسي سفراتك مالها حل :(

[تاج المراجل]

كانت معنا وحده استراليه متزوجها قطري بالسر

طبعا التفاصيل ماحب ادخل فيها وخصوصيات الناس ولا سألتها من زوجها .. لانه موب ملقوفه :tease:

واتذكر اخر مره شفتها حامل

الله يعينه بعدين اذا بيعلن :omen2:

<( يصفق لـها عشانها ماتدخلت ، في امور الاستراليه هذه ) غريبه انتو يالبنات حبكم للاطلاع ، ومعرفه الشـيء واذا تزوج خير ياطير الشرع الي رخص له ، بالسر ولا غيره ، انصحكم تتزوجوا شباب ، اذا ماقدرتوا ، تزوجوا بسر نفس ماسوا اخونا ابو راشـد ، ، ، ههههههههههههههههههاي :nice:


ســلااام

[خــالــد]

خلها تولي وروحه بلا رده :( هذا انتم يا الريايل
بس احنه لازم انتم انحبكم في السراء والضراء :(


وايد أنانيين

جملك الله برضاه

:cool:

[تحداني]

:cool:



شفت .. هاذي هي الحقيقه
لأن لو ما إنحبكم نطلع إحنه أبد مو زينين .. نطلع بايعين ونبي إنخرب إبيوتنا
وتظلون إنتم رائعين .. لأنكم لازم إتكونون رائعين ..


إنتوا وايد قاسيين
ليش انتوا جي ؟؟


:(


يا أخي ليش ما إتميزون بين إلي يحبكم .. ؟؟ وبين الي فقط عايش معاكم لان لازم يعيش معاكم ؟؟


طلبتك لا تقول عنا حساسيين ورومانسيين " الله يرضى عليك "

:(

جملك الله برضاه

[بلوتنيوم]

لا يقصون عليك حملة "اعلن يابوراشد"
خلك على موقفك
ومردها الايام بتكشف المستور
وقتها الصدمة بتكون اخف :)

[الـخـور]

توكل على الله واعلن ياريال وخل الاخوان والخوات يتعرفون على بعض عشان مايشلون حقد بينهم

واسس علاقة قوية بينهم والحريم يزعلون شوي وبعدين يتراضون

وعليك بالصبر لان اكيد في ردة فعل متوقعة

ولاتنسى انك تعدل بينهم فهو شيء اساسي وستكون محاسب عليه

[غزلان]

الناس فيها خير وانا ولدج :victory:






:anger1:

صدقتك وانا امك http://www.qatarshares.com/vb/images/smilies/biggrin.gif

[خــالــد]

شفت .. هاذي هي الحقيقه
لأن لو ما إنحبكم نطلع إحنه أبد مو زينين .. نطلع بايعين ونبي إنخرب إبيوتنا
وتظلون إنتم رائعين .. لأنكم لازم إتكونون رائعين ..


إنتوا وايد قاسيين
ليش انتوا جي ؟؟


:(


يا أخي ليش ما إتميزون بين إلي يحبكم .. ؟؟ وبين الي فقط عايش معاكم لان لازم يعيش معاكم ؟؟


طلبتك لا تقول عنا حساسيين ورومانسيين " الله يرضى عليك "

:(

جملك الله برضاه

انتي مشكلة تتكلميني عن نفسج وعن بعض البنات الي لين الحين يقدرون قيمة الذكر :)


لكن في حريم هالوقت ومن كلام الحريم نفسهم يبي لهم خيازرين منقعة بماي وملح :con2:

[الحال مايساعد]

إبتدي بالحلقة الأضعف ، بمعنى
شوف من هلك إللي ممكن يكتم السر أولا وممكن يكون مؤيد للي إنت سويته وصارحه
وبعدين كلمهم واحد واحد لين تبلغ العائلة كلها ، اهم شي تكون سياسي ولازم تتوقع ردود الأفعال
والله يعينك

[ابوسعود]

لالالالالالالالالالا
انا عكس جميع الاراء
كمل الكتمان واستمر على مانت عليه

طبعا ابنك بيكبر وبعد عمر طويل

راح يعرف ولدك السالفه وهو من

نفسه بيروح لهم وبيقولهم الصراحه

واكيد اكيد اكيد

بتكون الحلقه الاخيره والمشهد الاخير

وبيصر فلم هندي

بيعرفون بعض وبيسامحونك

وبيدعون لك بالخير

...........
..........
.........

امزح معاك اخوي

الموضوع مايبيله راي لازم تصارح

زوجتك اولى ولكن المهم الكيفيه

والطريقه الصحيحه العقلانيه

مع انني اشوف ان لاتوجد لديك

اعذار او اسباب مبرره للكتمان

والسريه في ما احله الله لك

[atb]

خذ ابنك لبيت اهلك وعرفه على اهله واقاربه بدون الزوجه اول مره

ادخل بقوه وكل ثقه انك على حق وهذا حلالك مع انه الكتم كان خطا كبير.
وصارحهم واعترف انك غلطت بالكتمان

انت ادرى بزوجتك وردة فعلها وعليك بالصبر.. لكن اعلن.. الزعل واقع قبل او بعد لان موضوع زواجك مرفوض من الاساس من قبل

وتبقى هي بنت عمك الموضوع اهون من ان تكون غريبه يعني ابوها عمك وعائله واحده انتم ممكن يكون ابسط الله اعلم

ويجب عليك ارضاء الاولى .. والله يعينها ويعينك

بالتوفيق

[خــالــد]

المشكلة انا ملاحظها مو عندك بس اكثر شباب قطر متزوجين بالسر وخاشين على زوجتهم واهلهم ليش مادري ياخي انت مو مسوي حرام هذا حلال

[!..فيونكه..!]

انتي مشكلة تتكلميني عن نفسج وعن بعض البنات الي لين الحين يقدرون قيمة الذكر :)


لكن في حريم هالوقت ومن كلام الحريم نفسهم يبي لهم خيازرين منقعة بماي وملح :con2:


زين يمكن "ام راشد" تطلع من النوع الاول اللي يقدر قيمة الذكر .. بعد بتقول روحة بلا رده وخلها تولي ؟ :)

[لوسيل]

الله يوفقك يا بوراشد ويخليلك الأولى والثانية ويجمعكم على خير :)

توكل على الله وصل إستخارة

والله يكتب إلي فيه الخير

الله يبارك لك في زوجاتك وفي عيالك ويهنيكم ويبعد عنكم كل شر

بس وينك يابوراشد أختفيت عن الموضوع ليكون علمتهم ورحت في خبر كان :nice:

[naif3]

الله يعينك بس لازم يعرفون هالشي

[Locale]

كل هذا صار في اسبوع واحد؟
اعلن الزواج وانهارت الزوجه وراحت المستشفى واجريت لها الفحوصات وظهرت النتائج اصابتها بالسرطان وقرروا علاجها في امريكا واستخرجوا التاشيرات اللازمه(يومين في احسن الظروف) وتسافر وتبدا العلاج وماتستجيب له
كل هذا في اسبوع

وايد وايد وااايد ظريف حظرتك

ماستخرجوا التاشيره مفكرين يودونها امريكا
وللحين مابدو
وانا ذكرت شفايدة امريكا وماراح تتقبل العلاج من باب تفكيري ايقول جذي

*

[موضي قطر]

آلــــــو :telephone: .. الــــــو :telephone: بوراشد ؟!



الله يذكره بالخير بو راشد :(

[ريتويت]

وايد وايد وااايد ظريف حظرتك

ماستخرجوا التاشيره مفكرين يودونها امريكا
وللحين مابدو
وانا ذكرت شفايدة امريكا وماراح تتقبل العلاج من باب تفكيري ايقول جذي

*

:nice::nice::nice::nice::nice:

[مسك روز]

الضره مره

الله لايحطني بمثل موقف زوجتك الاولى

احس بموت :(


نصيحتي لك استخير وشوف ربي شنو كاتب لك

[استغفرالله]

بو راشد اختفى

شكله علم

حد يخبرنا حي هو ولا ميت

[<اضرب واشرد>]

نصيحة أعلن ولا تتأخر ، ترى اولدك كل ماتعرف عليهم على كبر كل ماكانت علاقته بهم ضعيفة ، وممكن في المستقبل تصير بينهم قطيعة رحم بسبب أنهم مب متعودين على بعض ( اولدك وباقي هلك )

استعجل ولا تتأخر

[qatarman8008]

اخي الكريم ... رايي وبكل صراحة

اخطات عندما تزوجت بالسر.. انت ما سويت شي غلط ولا احد يقدر يلومك دام انك ما عصيت ربك وتقدر تعدل بين الثنتين
ثانيا اس ذنب الزوجة الثانية والابناء يعيشون في عزلة عن اهلهم .. كان المفروضانك تعلن الخبر من يوم الخطبة وتقدمهم لاهلك بكل ثقة واحترام وتقدير

نصيحتي لك ان تعجل باعلان الخبر بالطريقة التي تناسب ضروفك العائلية .. وان تعتذر لزوجتك الثانية عن التقصير والتفرقة الاجتماعية اللتي تسببت بها طيلة العشر سنين

والله يوفقك وتاخذ الثالثة انشالله

[موضي قطر]

الضره مره

الله لايحطني بمثل موقف زوجتك الاولى

احس بموت :(


نصيحتي لك استخير وشوف ربي شنو كاتب لك



بسم الله عليج يالغالية ..


بكره بتوصلين لعمري السلحفائي وبتدرين ان الدنيا

ماتستاهل نموت عشان احد :shy:

[سان سيمون]

بوراشد ما عليك من الي يتفلسفون يبة قول لها ولا عليك من حد و اذا هي تعرف ربها وتحبك بتم معاك اما اذا هي من نوعية اهم شي نظرة الناس وبتزعل خلها تولي وطلقها وروحة بلا ردة

ولي يرحم والديك خلك بعيد عنها اتعمر

[<اضرب واشرد>]

اخوي بخصوص زوجتك الأولى عندي لك رأي ، وهو أنك تقول لها بالتدريج مب تصدمها وتقول أنك متزوج وعندك ولد عمره 9 سنين.

قول لها مثلا أنا أفكر بالزواج وبعد اسبوعين قول لها أنا تزوجت طبعا بتزعل وكذا لكن أفضل من الصدمة.

وشوي شوي بالتدريج لين ماتعرف أنك متزوج من 10 سنين.

[مسك روز]

بسم الله عليج يالغالية ..


بكره بتوصلين لعمري السلحفائي وبتدرين ان الدنيا

ماتستاهل نموت عشان احد :shy:



ومن قالج ماوصلت :shy:

[Locale]

الله يسهل عليك

[تمون]

والله انك ذيب اشلون ما صادوك طول هالفتره علمني السر وانا اخوك

انا تملكت بالسر تفاجات ثاني يوم ابو المره الاولى و اخوانها جايين يباركون لي ( طبعا تعرفون يعني شنو يباركون لي ما يحتاج افسر خخخ )

[موضي قطر]

ومن قالج ماوصلت :shy:


الحمدلله ماطلعت بروحي :shy:



والله انك ذيب اشلون ما صادوك طول هالفتره علمني السر وانا اخوك

انا تملكت بالسر تفاجات ثاني يوم ابو المره الاولى و اخوانها جايين يباركون لي ( طبعا تعرفون يعني شنو يباركون لي ما يحتاج افسر خخخ )



ذيب !!


هذا وهو ماقال لحد :secret:

[ROSE]

اما بعض الردود ههههههههههههههه لا تعليق :secret:


اخوي بوراشد

دام انك خذتها طول هالفتره وقدرت تعدل بين الاولى والثانيه

والاولى طول هالفتره ماحست باي تغيير في تعاملك معاها

افضل انك تعلن ،،


بيكون فيه زعل وشد وهواش وخصام وكل الامور اللي متوقعها بتصير

لكن كبدايه بحكمتك وحنكتك راح تقدر تتغلب على هالامور

ومااعتقد ان زوجتك الاولى بعد هالعشره بتتركك الا اذا هي من النوع العصبي

واللي يتمسك برايه ويعاند هني اقول لك مهد لها الموضوع شوي شوي


ونصيحه لا تدخل الولد في هالمعمعه الا لما تنتهي ويطلبون يشووفونه

اعرف ناس وامثله سووا هالشي واليوم سمن على عسل خلاص الكل

تقبل الثاني مع انهم مايتواجهون وايد


الله يعينك اخوي وييسرها عليك ان شاء الله

[المشتاقه الى الجنه]

أصعب شيء على الزوجه تعرف انها كانت مخدوعه طول هالسنوات
لو أنا في هالموقف لاسمح الله مستحيل اني أعيش مع زوج خدعني عشر سنوات مستحيل
مهما كان في عشره بيننا

[intesar]

اما بعض الردود ههههههههههههههه لا تعليق :secret:


اخوي بوراشد

دام انك خذتها طول هالفتره وقدرت تعدل بين الاولى والثانيه

والاولى طول هالفتره ماحست باي تغيير في تعاملك معاها

افضل انك تعلن ،،

بيكون فيه زعل وشد وهواش وخصام وكل الامور اللي متوقعها بتصير

لكن كبدايه بحكمتك وحنكتك راح تقدر تتغلب على هالامور

ومااعتقد ان زوجتك الاولى بعد هالعشره بتتركك الا اذا هي من النوع العصبي

واللي يتمسك برايه ويعاند هني اقول لك مهد لها الموضوع شوي شوي


ونصيحه لا تدخل الولد في هالمعمعه الا لما تنتهي ويطلبون يشووفونه

اعرف ناس وامثله سووا هالشي واليوم سمن على عسل خلاص الكل

تقبل الثاني مع انهم مايتواجهون وايد


الله يعينك اخوي وييسرها عليك ان شاء الله


مو كل الحريم سوا.. قط نفسه بالنار.. لذا يستاهل ما يجيه.. مواجهة صعبة بعد ١٠ سنين.. هذي خيانة.. اللي يبي يتزوج يعلنها من البداية.. بهالطريقة هو بهدل البيتين..:(

دمتم بود..

[مريومة]

أصعب شيء على الزوجه تعرف انها كانت مخدوعه طول هالسنوات
لو أنا في هالموقف لاسمح الله مستحيل اني أعيش مع زوج خدعني عشر سنوات مستحيل
مهما كان في عشره بيننا

الخداع .. فعل هذه هي المصيبة

بوراشد ادرى بأم راشد وبنفسيتها وردود افعالها

بغض النظر عن انها بنت عمه والا لا

الموقف بيكون على احد الحالتين .. ياانها بتقلب الدنيا عليه وعقب بتبدأ الاسئلة

يا انها بتسأله في البداية واذا ما اقتنعت بتقلب عليه

فالمفروض يبرز اجاباته المنطقية والمقنعة من الحين

وفي كلا الحالتين يا بتكون القلبة صامتة ومدمرة او "...." وبعد مدمرة

وهذه نوعية الاسئلة...

ليش تزوجتها ؟

ومن متى اتعرفها ؟

ووين عرفتها؟

وشلون شكلها؟

واشفيها ازود عني؟

وفي شنو انا مقصرة؟

وليش ما صارحتني؟

وشلون قدرت اتخش عني كل هالفترة؟

وانت اتحبها كثري؟

ومن كثر حبك لها ما فكرت فيني وفي عيالك؟

من تحب اكثر؟

والسؤال اللي بيتكرر كل سؤالين .. في شنو قصرت يا بو راشد؟


والله انك يا بوراشد اخطيت انك خشيت الموضوع اكثر من سنة

لكن ممكن تفاجأنا ام راشد بردة فعل غريبة .. انها رضت واسكتت عشان ما تهدم بيتها

عقب ما خدعها وهدم بيته في قلبها .. فلا يطلب منها شي فوق طاقتها

اذا فعلا هامته ام راشد


والله المستعان

[kitmat]

سؤال لما كنت تروح حق الثانيه ايش كنت تقول للاولى لو انه منها اعتبر حياتي معاك انتهت

[@north_star@]

وينه بو راشد :weeping:
على العموم عندي نصيحة ثانية دارت في بالي وان شاء الله تفيدك اخوي بو راشد وهالنصيحة انك تروح مركز الاستشارات العائلية وان شاء الله بيساعدونك لايجاد الحلول وعسى الله يلم شملكم جميعا

[khaldoon]

يا بوراشد اعلنت الخبر والا لسه للحين ما اعلنت....وينك مختفي

عندي كم سؤال لك ...بصراحه انا متعقد اشلون قدرت تخفي هالسر عشر سنوات....فهمنا اشلون بالله عليك...ما احد فتن عليك؟....كم واحد يعرف بسرك هذا؟...احد ساعدك؟....ايش يصيرلك رأفت الهجان؟:omen2:


الله يكون في عونك لاني احس انه مسألة اخفاء الموضوع 10 سنوات اكبر بكثير جدا من مسألة الزواج نفسها :rolleyes2:


اعتقد انت الحين قلت الحين بدليل اختفائك الان:victory:

على العموم لو افترضنا انك ما قلت للحين ابتدي بالتدريج...يعني مزاح و تلطيش كلام و شوف ردة فعلها ...و بعدين فجر القنبلة

:tomato::tomato::tomato:

[موضي قطر]

يا بوراشد اعلنت الخبر والا لسه للحين ما اعلنت....وينك مختفي

عندي كم سؤال لك ...بصراحه انا متعقد اشلون قدرت تخفي هالسر عشر سنوات....فهمنا اشلون بالله عليك...ما احد فتن عليك؟....كم واحد يعرف بسرك هذا؟...احد ساعدك؟....ايش يصيرلك رأفت الهجان؟:omen2:


الله يكون في عونك لاني احس انه مسألة اخفاء الموضوع 10 سنوات اكبر بكثير جدا من مسألة الزواج نفسها :rolleyes2:


اعتقد انت الحين قلت الحين بدليل اختفائك الان:victory:

على العموم لو افترضنا انك ما قلت للحين ابتدي بالتدريج...يعني مزاح و تلطيش كلام و شوف ردة فعلها ...و بعدين فجر القنبلة

:tomato::tomato::tomato:



الله يكفينا شر القنابل :rolleyes2:

اتوقع والله اعلم من كثر مافكرت شلون قدر يخفي الموضوع 10 سنين .. ان الزوجة الثانية مب قي قطر .. والاحتمال الأضعف في قطر بس مب قطرية :(

[قناص 787]

بعض الحريم بصراحه عليهم اردود مادري شلون يعني

ماينعرف لكم يابعض الحريم وقت الصدق اكيد غير

و وقت الرخا ماشاالله عليكم ناصحين :eek5:

[سان سيمون]

الظاهر ان المرأة سورية وقاعد يحذو حذو السعوديين الي من فترة يطالبون سفارتهم يدخلون حريمهم وأولادهم

[الكلدي]

الله يهدينا ويهديك
يعني لازم تكتب الموضوع باسم بو راشد
خليتنا مشبوهين وتحت المراقبه
جبت لنا وجع الراس

[elders]

شفت .. هاذي هي الحقيقه
لأن لو ما إنحبكم نطلع إحنه أبد مو زينين .. نطلع بايعين ونبي إنخرب إبيوتنا
وتظلون إنتم رائعين .. لأنكم لازم إتكونون رائعين ..


إنتوا وايد قاسيين
ليش انتوا جي ؟؟


:(


يا أخي ليش ما إتميزون بين إلي يحبكم .. ؟؟ وبين الي فقط عايش معاكم لان لازم يعيش معاكم ؟؟


طلبتك لا تقول عنا حساسيين ورومانسيين " الله يرضى عليك "

:(

جملك الله برضاه


So touchy indeed...may GOD help us and umrashid as well !! WOMEN are really poor

" QWAREEER"

:(

[بـــــــنت النوخـّــــذه]

انزين تقدر اتخليها تدخل المنتدى 00

قول لها دخلي باسمي بوراشد الموضوع كذا وعطها الباسورد


ألحين احس كله وحده زوجها لقبه بوراشد شكت فيه اهههههههههههههههه اما لو ينتشر بالبلاك بيري هالموضوع بتصير كارثه في بيت كل رجل اسمه بوراشد*_*

[حراير قطر]

انزين تقدر اتخليها تدخل المنتدى 00

قول لها دخلي باسمي بوراشد الموضوع كذا وعطها الباسورد


ألحين احس كله وحده زوجها لقبه بوراشد شكت فيه اهههههههههههههههه اما لو ينتشر بالبلاك بيري هالموضوع بتصير كارثه في بيت كل رجل اسمه بوراشد*_*

شريررررررررررررررررررره :nop:

[مريومة]

انزين تقدر اتخليها تدخل المنتدى 00

قول لها دخلي باسمي بوراشد الموضوع كذا وعطها الباسورد


ألحين احس كله وحده زوجها لقبه بوراشد شكت فيه اهههههههههههههههه اما لو ينتشر بالبلاك بيري هالموضوع بتصير كارثه في بيت كل رجل اسمه بوراشد*_*

بس قبل لا يعطيها الباسوورد

خل يحذفون كل الردود اللي اتقسي القلب

وخاصة رد العضو خالد اللي قال اذا ما رضت خلها تولي

لان هالجملة بتنسف كل الردود الطيبة اللي اهني

والله المستعان

[ROSE 26]

اعتبرها خداااااااع مب تقدير خاش 10 سنينين..:eek5: ،، تحمل النتايج!!
الله يعيــــــــــنج يا أم راشد :(:(

[بـــــــنت النوخـّــــذه]

شريررررررررررررررررررره :nop:



اهههههههههههههه لا والله مهب شريره بس حل حلو



بس قبل لا يعطيها الباسوورد

خل يحذفون كل الردود اللي اتقسي القلب

وخاصة رد العضو خالد اللي قال اذا ما رضت خلها تولي
لان هالجملة بتنسف كل الردود الطيبة اللي اهني

والله المستعان

اضم صوتي لصوتج فعلا" في ردود غير لبقه نهائيا" يفترض انها تنحذف حتى مهب لجل زوجة بوراشد بل احتراما" للذوق العام على الاقل وياريت البعض يرتقي بالفاظه لان احنا بمنتدى كبير الكل يدخل فــــ من باب الذوق تخير الالفاظ الحسنه واذا حد خانه التعبير على الاقل يسكت ولا يقول تولي وتبن (يكرم القارئ ) وهالالفاظ الي بدت تنتشر بين الردود 00

[إنّ]

أخوي بو راشــد ..

توكل على الله وأعلن زواجك .. إنت مب مسوي شي حرام .. ويوم تقرر تعلن حط في بالك جميع الاحتمالات خـاصة من ردة فعل زوجتك أو أهلهـا .. اصبر عليها .. وعلى ردة فعلهـا .. هي فترة وبتعدي إن شـاء الله .. والله بيكون لك نعم المعين .

اذكـر وحدة رفيجة أمي .. ريلهـا تزوج عليهـا .. وهي مـا تدري .. وياب من مرته الثانية بنت .. مع السنوات وفي يوم كـانت تسمع نتايج الثانوية العامة أيام ما كانوا يقولونها على الراديو .. مع إنه سبحان الله ما كان لها حد تنطر نتيجته .. سمعت أسم البنت وابوها ووو .. انصدمت .. معقولة سمعت غلط ! .. وتناست الموضوع ..

دارت السنوات .. وراحت لها موعد في المستشفى .. ويوم هي منتظرة إلا ينادون اسم البنت وتسمع اسم ريلها وعايلته .. قامت البنت ودشت على الدكتور .. وجاها فضول تسأل الممرضة سألتها من المريضة اللي ادخلت فقالت لها اسمهـا وطلبته كامل فقالت لها .. هنيه انصدمت وتأكدت من إن الاسم اللي اسمعته في الراديو هو نفسه . .

لامت زوجهـا .. وخذت في خـاطرها .. ليه مخبي عنها كل هالسنوات .. !

[سان سيمون]

ممكن ام راشد تعرف اصلا بس حاطة نفسها ما عندها علم علشان يتم طول عمرة في قلق وتكون الثانية في الظل وهي قدام العالم الأوله والأخيرة *

[::محمد::]

اخوي بو راشد .. بسألك سؤال ..
الحين إيش راح تستفيد من إعلانك لزواجك .. ؟
إذا إن كان لك غرض أو مصلحة لهذا الشيء وكان غرض مهم .. نعم أعلن ..
أما إذا كان فقط من أجل الإعلام .. فأعتقد ماله داعي .. ترى شوف كل اللي هنا يقولون لك حلال وما سويت شي .. و و و و
بس لو هالشي صار لوحده من خواتهم بتلاقيه يفر حولين نفسه :) ..
لا تكذب على نفسك ولا أكذب عليك .. إذا زوجات الرسول كانوا يغيرون من بعض .. فما بالك بالنساء الباقيات ولا يهونن ..
دامك كملت عشر سنوات وساتر مرتك القديمه .. كمل ستيرتك عليها ..
وكمل عشرتك الحلوة مع مرتك الأولى ..
وصلى الله وبارك .. لا تفتح لنفسك باب .. ترى مو دايماً الصراحه حلوة .. أحياناً ما تجيب من وراها غير عوار الراس ..

[SPIRIT_OF_QATAR]

عاجلا ام اجلا راح ينكشف السر فالاحسن يكون احين دام عندك القوه وبصحتك تقدر تابع الموضوع
ماراح ازيد على كلام الاخوان بس راح اقولك حالات للزواج الثاني مرت علي وفي العيله ..
طبعا الزوجه الاولى دوم تكون شايله في خاطرها وتزعل حتى لو ماتبين

الحاله الاولى .. عيال الزوجه الاولى ضغطوا على ابوهم وطلق زوجته الثانيه قبل مايجيب منها عيال .. ماكانت عايشه في قطر الثانيه وامورهم صارت طيبه بعدين

الحاله الثانيه .. تزوج وجاب ولده وزوجته وحط زوجته الاولى وعياله جدام الامر الواقع .. وماطلق وحده فيهم
بس شوي ماكان عادل بينهم فاصارت حساسيه بين الطرفين وعيالهم

الحاله الثالثه واحد من ربعي تزوج بعد وحط زوجته جدام الامر الواقع .. زوجته كانت عاقله ماحبت تخرب بيتها وتضيع عيالها بالطلاق وتمت معاه .. صج زعلانه وشايله في خاطرها بس يقول بعد فتره صار تحدي
الثنتين يدلعونه وكل وحده تبي تكون احسن من الثانيه معاه عشان تكسبه اكثر وهو مستانس

انت وحظك شنو بيصير معاكم .. يعتمد على الطريقه الي بتقولها لها وعلى تفكير زوجتك :)

موفق اخوي

[حقيقه]

اسمحلي بوراشد

كلامي عام

انا مايقهروني الا اللي يقولون له خذها في سفره وسوو ريلاكس واعترف لها

وقول لها لو لا غلاتس ماسويت كذا وخشيت كل هالفتره هالزواج

لو يحبها ويغليها ماعرس عليها

القلب مايسكنه 2

[جرح الزمان]

ما شاء الله إقبال أكثر من ممتاز

على موضوعك يا بو راشد :)

الظاهر في كثير متزوجين بالسر ويتابعون النصايح بالخش

[ROSE]

بوراشد :telephone:

:secret::weeping:

[جرح الزمان]

بوراشد :telephone:

:secret::weeping:

:telephone:

عطوه :eek5:

[Bu Rashid]

أشكركم جميعا على النصائح القيمه
والمقترحات كثيره وقيمه
أحتاج الوقت المناسب والطريقه المناسبه للاعلان
والكثير طبعا توقعه كان صحيحا .. أنها ليست قطرية
ولكنها تقيم الان معنا في دولة قطر

[Bu Rashid]

بوراشد :telephone:

:secret::weeping:



أختي روز هلا وغلا
بامكانك الان قفل الموضوع
لانه بالفعل ممكن يخرج عن السيطره
ولكن بالفعل استفدت كثيرا من الاعضاء

[qatara]

قبل لا يقفل الموضوع
صرنا نخشى ان نجاهر بما احل الله والذين يعملون المعاصي يجاهرون لاخوف ولا حياء
اخي
مادمه حق وحق رباني فقل لها ولا عليك
والي بيزعل وبيوصلها لدرجه الطلاق
من حق منحه الله لك اين يقينه وايمانه
فتركه اخير

[غزلان]

ما شاء الله إقبال أكثر من ممتاز

على موضوعك يا بو راشد :)

الظاهر في كثير متزوجين بالسر ويتابعون النصايح بالخش


:funny:

[الامبراطوره]

صج والله لين متى بتم خاش الموضوع يعني