الحل مع زحمة الكورنيش

[المدريدي]

السلام عليكم

ما رأيكم بإعادة هيكلة شارع كورنيش الدوحة من بدايته من رأس بوعبود الى دوار الشيراتون

وبدال الثلاث حارات يضبطونه الى خمس حارات بدال الزرع الي بالنص على الاقل كذا الواحد

يقدر يتنفس ويكون في متسع وبالذات أن الدوحة كل سنة يزداد فيها الازدحام وهذا وجهة نظري

انتو شرايكم

[bohilal191]

ان شاء الله ياخذون باقتراحك وصح كلامك الزحمة لاتطاق.

[كازانوفا]

مش غلط
بس متى راح يبدأ الموضوع عشان متى هينتهى هنا المشكله وللاسف ما في شوارع بديله وسريعه يعني بنتحل من ناحيه وبتخرب من ناحيه تانيه

[السكين]

وعليكم السلام ورحمة الله وبركاته

أنا مع وفيه مساحة كبيرة بين الشارعين خاصة من عند الداخلية ، والكورنيش شارع حيوي وحبذا لو قلبوه اشارات خل نرتاح من تجاوزات الدوّر والخط اليمين عند الديوان خاصة وقبل دوار الإعلام ..

[المدريدي]

اذا اشتغلو 24 ساعة والمسؤولين وقفوا ورى هالموضوع أعتقد بإذن الله في أقل من شهرين يخلصون كل شي

[اليزوه1]

لا اله الا الله محمد رسول الله

[وتبقى الدنيا حلوه]

رجيتك لا تفتح علينا باب مايتصكر

بيتمون يحفرون 5 سنين و بعد شهرين بيردون يحفرون و لمدة 10 سنين كل شهرين بيردون يحفرون

انا استغرب مليارات تصرف للشوارع و شوارعنا (الله المستعان)

[سعود00]

عليكم السلام ورحمه الله وبركاته

حيالله اخوي المدريدي

أشكرك على الإقتراح اللي بيحل أزمه الزحمه اللي الكل يعاني منها

وإذا تكاتفت الجهات المسؤوله سيتم توسعته وإنجازه بسرعه إن شاء الله

مثل ما سووا له صيانه فترة الصيف من دوار الديوان لين دوار مسرح قطر

وأخبر على مراحل خلصوا الشارع في أقل من شهرين تقريبا

وإن شاء الله المسؤوليين ياخذون بإقتراحك ويتم تنفيذه بأسرع وقت

كل الشكر لك

[المدريدي]

عليكم السلام ورحمه الله وبركاته

حيالله اخوي المدريدي

أشكرك على الإقتراح اللي بيحل أزمه الزحمه اللي الكل يعاني منها

وإذا تكاتفت الجهات المسؤوله سيتم توسعته وإنجازه بسرعه إن شاء الله

مثل ما سووا له صيانه فترة الصيف من دوار الديوان لين دوار مسرح قطر

وأخبر على مراحل خلصوا الشارع في أقل من شهرين تقريبا

وإن شاء الله المسؤوليين ياخذون بإقتراحك ويتم تنفيذه بأسرع وقت

كل الشكر لك

العفو يا أخوي وان شاءالله يتم تعديل شارع الكورنيش ونرتاح شوي

[Grnas]

شارع الكورنيش .. أفضله أن يكون كما هو .للمنظر

أقترح بتطوير الشارع الموازي للكورنيش (عمر المختار) من برج برزان إلى المطار

[محمد الجفيري]

راس مالنا هالكورنيش بعد بتشيلونه

[المدريدي]

راس مالنا هالكورنيش بعد بتشيلونه

عاد ما قلنا نشيله يا محمد قلنا نوسعه عشان الزحمه

[رايق البال x]

الحل الوحيد الغاء الكورنيش وعمل كورنيش اخر في مكان مناسب وبخدمات افضل
ومواقف اكثر للحيلولة دون الزحمة والله هذا هو الحل

[محمد]

ماعتقد ان هالحل الحل الوحيد ..
مشكلتنا دايماً نشوف الشارع بو ثلاث حارات شارع ضيق ونشوف ان الحل زيادة الحارات !!
دول كبيرة الهاي واي فيها ما يتعدى الثلاث حارات لكن مانشوف فيها المشاكل الي عندنا لان ببساطة المخارج كبيرة ..

بالنسبة لشارع الكورنيش الزحمة موجودة لكنها تخف بمجرد وجود دوريه تنظم السير .. بالتالي ليش ما يحطون اشارات على الدوارات ؟ يمكن ناس تعارض هالحل لكن انا معاه صراحة الاشارات في الدوارات حلت مشاكل مزمنة ما توقعنا تنحل في دوار التلفزيون و نادي قطر و الدفاع المدني و دحل الحمام وغيرها .. واعتقد انها بتحل مشكلة الكورنيش بسهولة !

[كلنا قطر 1981]

السلام عليكم

ما رأيكم بإعادة هيكلة شارع كورنيش الدوحة من بدايته من رأس بوعبود الى دوار الشيراتون

وبدال الثلاث حارات يضبطونه الى خمس حارات بدال الزرع الي بالنص على الاقل كذا الواحد

يقدر يتنفس ويكون في متسع وبالذات أن الدوحة كل سنة يزداد فيها الازدحام وهذا وجهة نظري

انتو شرايكم

اخوي مدريدي اايد الاقتراح و عندي اقتراح احب اضيفه

انهم يوزعون الوزارات في كل مناطق قطر
لانه الوزارات و كيوتل و السفارات و اغلب الدوائر الحكوميه و توثيق الاوراق تحصلهم في الكرنيش و المناطق الي جنب الكرنيش يعني غصب تمر على الكرنيش و تصير الزحمه
و الله المستعان دمتم بود

[مرتبش]

الزرع والكورنيش الافضل ما يصير فيهم تغيير

ممكن الشارع الموازي يتضبط ويصير كله اشارات ونضيف كم شارع ..مثلا اشارة الستي واللي عقبها (الابراج) ليش مافيهم منفذ لجهة اللجنة الاولمبية.. اشياء بسيطة وتخفف الاختناقات مثل المنافذ على اليمين تساعد وايد

[sweet qatar]

الحل يسوون جسر يربط الكورنيش من الجهتين.. :)

[تحداني]

الحل الوحيد الغاء الكورنيش وعمل كورنيش اخر في مكان مناسب وبخدمات افضل
ومواقف اكثر للحيلولة دون الزحمة والله هذا هو الحل




:( .. هذا هو الحل الوحيد ؟؟
عاد عمل كورنيش آخر هاذي إشلون إذا كل البحار المحيطه بنا امبنده



والله مو بس الكورنيش زحمه .. حتى الشوارع الهاي وي " 22 فبراير " وغيرها زحمه


جملك الله برضاه

[الحال مايساعد]

ليه مايكون اتجاه واحد فقط!!!

[مابدل العادات]

المشكله التخطيط عندنا الله بالخير

والمداخل والمخارج من المناطق المحيطه قليله فاعشان جي تشوف تكدس في الكورنيش لأنه الكل لازم يمر عليه

ولا تنسى الوزارات والبنوك واماكن حيويه كثيره

الحل من وجهه نظري هو توزيع الاماكن الحيويه على البلاد ويعدلون تخطيط بعض الاماكن وان شاء لله المشكله بتنحل

[خالي مشاعر]

حتى لو صار خمس خطوط نفس المشكله

لان الشوارع اللي تتفرع من الكورنيش كلها تتكون من خطين

يعني تخيل خمس خطوط تتحول لخطين ...... ماسوينا شي

[المدريدي]

المشكله التخطيط عندنا الله بالخير

والمداخل والمخارج من المناطق المحيطه قليله فاعشان جي تشوف تكدس في الكورنيش لأنه الكل لازم يمر عليه

ولا تنسى الوزارات والبنوك واماكن حيويه كثيره

الحل من وجهه نظري هو توزيع الاماكن الحيويه على البلاد ويعدلون تخطيط بعض الاماكن وان شاء لله المشكله بتنحل

أيه صدقت التخطيط شكلهم يفكرون في اليوم ما يفكرون في الغد

[انتر ميلان]

صار لي كم يوم أشوف الكورنيش فاضي
وأتوقع سبب عدم وجود الزحمة هو سفر الأجانب للاحتفال بأعيادهم

اتوقع فهمتوا قصدي وعرفتوا الحل :secret::secret: :tease:

[سهم عتيج]

الحل يسوون جسر يربط الكورنيش من الجهتين.. :)

نعم هذا هو الحل المثالي,, والجهتين جاهزتين تبدأ من اشارات البنك المركزي مرورا بالفرضة الموجودة والتي يتم تجديدها حاليا انتهاءا بالدوار الموجود عند الشيراتون قاعة المؤتمرات..

والله أعلم..

[للصبر اخر]

سلمولي ع الجهات المختصه

[حليتان*]

لازم زحمه ما خلو وزاره ولا بنك ولا معصره الا حذفوها هناك :anger1:

[الخزرجي قطر]

اقتراحك جيد وممكن يحل ازمة المرور في شارع الكورنيش
الجزيره في وسط الشارع اكبر من الشارع نفسه

[المدريدي]

اقتراحك جيد وممكن يحل ازمة المرور في شارع الكورنيش
الجزيره في وسط الشارع اكبر من الشارع نفسه

هذي وجهة نظري بعد وأعتقد في حلول أخرى ايضا

[المدريدي]

صار لي كم يوم أشوف الكورنيش فاضي
وأتوقع سبب عدم وجود الزحمة هو سفر الأجانب للاحتفال بأعيادهم

اتوقع فهمتوا قصدي وعرفتوا الحل :secret::secret: :tease:

ههههههه مستحيل يطبقون حلك لان صعب جدا في وجهة نظرهم :victory: