ممكن رايكم في الباركيه لغرف النوم

[النخب الاول]

السلام عليكم

ناويه أركب باركيه في غرفه النووم

أول شي من اللي جرب الباركيه هل هو مع الوقت يخترب ويتاكل ويطلع صوت مع المشي طبعنا انا اتكلم بعد فترة لانه هاي الشي مراح يطلع اله بعد سنه من تركيبه
لانه الصراحه ناس قالوا لي يتاكل من النمل من تحت وناس قالوا يطلع صوت مع المشي والصراحه تخوفت اخاف اركبه واتوهق
ثاني شي انا اخترت محل رافكو ابي اركب عنده شرايكم في المحل قال لي بركب لج الباركيه الالماني مقاوم للماي والحريق والخدش وسعر المتر بيحسبه لي ب 95 ريال

هل السعر مناسب للمتر وله غالي ورايكم فبي المحل

[خزامئ]

هلا مشكله الباركيه الصوت بس يخف اذا حطيتي تحته سفنج
اما الاسعار ماعندي فكره
اختي مركبته من 4 سنوات وللحين زين بس ماعلاف وين مركبته

[ولد المنصور]

هلا .... محل رافكو ماعليه كلام ...
بس نصيحه لاتفكر في الباركيه نفس ماقلت صوته مزعج جدا يشرب اي شي يطيح عليه ومع الوقت يتاكل مهما كان نوعيته لانه في الاصل خشب ... ركب بورسلان يشبه الباركيه افضلك بواااايد ...

[pinky-qtr]

مزعج بس ادفى من البورسلان اذا عندج عجيز فالبيت ..

[PGR]

انا مركبه من اكثر من سنه ولحد الحين مافيه مشاكل ,, الاصوات تكون في البدايه لين ما يتمدد الباركيه يختفي تقريبا ,,

[@north_star@]

تقدرين تركبين ارضيان فينيل نفس الباركيه بالظبط والوانه نفس الخشب ولا صوت ولا تآكل ولا هم يحزنون
اعتقد موجود عند المسند طريق سلوى او العبيدلي

[فواز1976]

تقدرين تركبين ارضيان فينيل نفس الباركيه بالظبط والوانه نفس الخشب ولا صوت ولا تآكل ولا هم يحزنون
اعتقد موجود عند المسند طريق سلوى او العبيدلي

فعلاً الفينيل لغرف الاطفال افضل

بس اذا كانت غرفه النوم الرئيسيه فانا انصح وبقوه تركيب موكيت من النوع الممتاز مثل الي بالفنادق , على ان يكون في الغرفه الي بها السرير فقط , اما مدخل الغرفه وغرفه الملابس فانصح بالرخام. الموكيت يعطي دفئ للغرفه واهداء واجمل

[تحداني]

في البيت عندي امركبين قبل اسبوعين باركيه من نوح المتر ب100 هو من ناحيه الصوت في صوت اما عن التآكل ما اعتقد بس ابعدي عنه الماي

جملك الله برضاه

[QTR-SOUL]

من 4 سنين مركب من اروع مايكون

[al.wajbah]

تقدرين تركبين ارضيان فينيل نفس الباركيه بالظبط والوانه نفس الخشب ولا صوت ولا تآكل ولا هم يحزنون
اعتقد موجود عند المسند طريق سلوى او العبيدلي

اخوي شركة المسند وين مكانهم بالضبط في سلوى ؟

[@north_star@]

,والله يا اخوي مب متاكد بالظبط بس على ما اعتقد انه بين دوار الخميس والجمعة ودوار العزيزية على اليمين باتجاه الدوحه

[بـومحمد]

الباركيه كشخة ركبيه ونتي مطمنه انا مركبه مخلي المكان فخم ودريالنوع الي ضد الخدش والحرق
انا اقصد الحرق يطول لين يحترق مب مايحترق
الاصوات زينه عن الحراميه فليل هههههههه

[فيزيائية]

الباركيه ممتاز لغرف النوم
فخم وعملي وادفا من السيراميك
والسعر مناسب جدا
ومايخترب وخصوصا من الاماكن المعروفة
انا تعاملت مع مفروشات الخليج

[AL-MAYSTRO]

اهم شي نوعيه الاسفنج تكون سميكه او دبل

ولا اروع الباركيه

موفقه

[@الأدعم@]

احسن انواع الباركيه رافكو عن تجربه انا مركبه من سبع سنين وماشالله ولاتغيير

طبعا التنظيف سهل امسحي الباركيه بقطعه قماش مبلله وبس

[@الأدعم@]

ابتعدوا عن شركه المسند مركب ابواب خشب للبيت غالي جدا وتشمخ بسرعه مع اي صدمه للباب


ومنجرتهم بالصناعيه

[النخب الاول]

حابه أشكر كل من شاركني برائيه في موضوعي ...
ان شاااء الله نويت اركب الباركيه من محل رافكووو ..