إستفسار بخصوص الـ(pmp)

[Super Cool]

السلام عليكم و رحمة الله و بركاته
,
,
,
بإذن الله تعالى انا نويت اني احصل على شهادة الـPMP او الـ Project Management Professional

للي ما يعرفها هي شهادة دولية عليا في إدارة المشاريع تبين و تبرهن ان حاملها يحمل مؤهلات عالية في إدارة المشاريع وتخوله للعمل في مجالات عديدة وعدة قطاعات سواءً حكومية او اقتصادية او بترولية او غيرها كمدير للمشروع و هي اعلى من البكالريوس....علشان تحصل على هالشهادة لازم تكون عندك خبرة طويلة في مجالك بالإضافة الى اجتياز امتحان يحتاج الى عملية تحضير صعبة بعض الشيء

و اكثر من شخص من معارفي من خارج قطر و اللي يحملون هالشهادة اقترح علي اني اسجل في معهد يهيئني للإمتحان

فهل في أحد عنده خبرة عن معاهد في قطر تعطي تدريب حق هالشهادة؟؟؟ و هل في احد منكم حصل على هالشهادة في قطر يقدر يفيدنا و يعطينا انطباعه
,
,
,
و الشكر موصول لكم مقدماً

[وتبقى الدنيا حلوه]

بالتوفيق

ماعندي فكره

[.: بو علي :.]

اخوي انا خذت دورة اسمها رساميل ... تعلمك كيف تبدا مشروعك مدتها 3 اسابيع و عقبها تقدر تاخذ دورات منفصلة لمده 3 ايام و منها دورة كيف تدير مشروعك و كيف تدير العمال ......
هاي الدورة قيمتها 1500 ترجع لك فلوسك كاملة عقب نهاية الدورة بس بشرط انك ما تغييب يومين
و الشرط الثاني انك خلال الدورة راح تسوي كتيب و هو خطة مشروعك راح تمشون خطوه خطوه لين النهايو و المطلوب انك تسلمهم الخطة في نهاية الدورة
و إذا تبي قرض يعطونك و بدون فوايد في في شروط ان القرض يغطي 50% من المشروع
و ما اعرف الشروط عدل
بس انا حبيت اقول لك هاي المعلومات عشان ان شاء الله تستفيد و اخوانا الاعضاء يستفيدون
و الدورة اللي انا خذتها كانت مفصولة عن دورة البنات لكن نفس الوقت بس مب كل الدورات تكون مفصولة على حسب عدد اللي يسجلون إعتقد انهم إذا وصلوا 10 من كل جنس يفصلونهم او 8
اللي يبي معلومات اكثر يقدر يتواصل مع الاخ حمد الصفار لان هو المسؤول عن هالدورة إذا ما كنت غلطان
و هالدورة تطرح في دار الانماء الاجتماعي
و ان شاء الله باقي الاعضاء يفيدونك في الموضوع اللي تبغية




للعلم هالدورة تطرح من قبل شركات اخرى برسوم و دار الانماء الاجتماعي المدربين اللي عندها افضل بمراحل
و قطر اعتقد اول او ثاني دولة عربية تطرح هالدورة لكن باللغة العربية
يعني ترجموا الكتب و خلوا الشخصيات قطرية

[Super Cool]

^^^^^

تسلم ما تقصر اخوي و ان شاء الله انك افدت الأعضاء....بس انا شخصيا اجتزت هالمرحلة بالكامل و هالشهادة تمثل "خبرة عالية" في ادارة المشاريع و ليس تعلم الاساسيات....بالإضافة الى اني ابي الشهادة نفسها لا غيرها و لا بديل عنها و باللغة الانجليزية طبعا....و هالشهادة مصدرها واحد و هو منظمة دولية تسمى pmi

و عندي سببين احدها رغبة شخصية و الآخر لهدف وظيفي لاني فالأساس مهندس مشاريع حالياً و اسعى لمنصب معين في جهة عملي و ابي اوصله بتعبي و مجهودي و اكافح علشان آخذه مب بالواسطة و هذي الشهادة بتظمن لي المنصب بإذن الله

قواك الله

[تغلبية]

صباح الخير ..

أنا خذت الدورة ودورة خاصة للاستعداد للامتحان

هو كتاب .. تدرسه بتركيز في 4 ايام وتحفظه صم .. بتنجح في الامتحان وبتاخذ الشهادة

منظم الدورة كان الجمعية القطرية للمهندسين هم أكثر ناس ممكن يفيدونك ومتعاونين جداً

[halo]

خطوة جيدة ... وشهادة قوية ومعروفة

شوف نيوهرايزن ولست متأكد

وهناك ايضا معهد لا اذكر اسمه يقدم دورات مكثفة في مجالات ادارة الاعمال وقد تجد عندهم ادارة المشاريع وهم موقعهم في فندق هوليدي فيلا عند اشارة المنتزه

بالتوفييق

[عقيد الثقب]

وعليك السلام ورحمة الله وبركاته...

اخوي أنا عندي الشهادة ... أنصحك تدخل موقع ال PMI وأتشوف المعاهد المعترف فيها في قطر لانه من ضمن المتطلبات اجتيازك ل 35 ساعة تطوير عن طريق الكورس اللي بتأخذه، فلازم تتأكد انه معترف فيه .. ولا تنسى انه لازم أتكون عندك 4500 ساعة عمل في إدارة المشاريع في مدة ما تقل عن 3 سنوات قبل لا أتقدم عالاختبار..

أنا خذت الكورس عن طريق iir middle east في الدوحة. ما أقولك أنه أحسن معهد بس كان الكورس مرتب وأستفدت منه الأساسيات النظرية... أما كورس الاعداد للامتحان فما أنصحك تدخله إلا اذا كنت قاري الكتاب عدل...

وبالتوفيق

[عقيد الثقب]

وعليك السلام ورحمة الله وبركاته...

اخوي أنا عندي الشهادة ... أنصحك تدخل موقع ال PMI وأتشوف المعاهد المعترف فيها في قطر لانه من ضمن المتطلبات اجتيازك ل 35 ساعة تطوير عن طريق الكورس اللي بتأخذه، فلازم تتأكد انه معترف فيه .. ولا تنسى انه لازم أتكون عندك 4500 ساعة عمل في إدارة المشاريع في مدة ما تقل عن 3 سنوات قبل لا أتقدم عالاختبار..

أنا خذت الكورس عن طريق iir middle east في الدوحة. ما أقولك أنه أحسن معهد بس كان الكورس مرتب وأستفدت منه الأساسيات النظرية... أما كورس الاعداد للامتحان فما أنصحك تدخله إلا اذا كنت قاري الكتاب عدل...

وبالتوفيق